704
तत्र ‘काव्यशोभाकरान्’ इत्यनेन श्लेषोपमादिवद्गुणरसभावतदाभासप्रशमा1402दीनप्युपगृह्णाति1403 । मार्गविभागंकृद्गुणानामलंक्रियोपदेशेन श्लेषादीनां गुणत्वमिवालंकारत्वमपि ज्ञापयति—
श्लेषः प्रसादः समता माधुर्यं सुकुमारता ।
अर्थव्यक्तिरुदारत्वमोजःकान्तिसमाधयः ॥
इति वैदर्भमार्गस्य प्राणा दश गुणाः स्मृताः ।
तेषां विपर्ययः प्रायो 1404लक्ष्यते गौडवर्त्मनि ॥
इति श्लेषादीनां दशानामेव 1405मार्गप्रविभागकारितां ब्रुवन्काव्यशोभाकरत्वेन गुणान्तराणामप्यलंकारत्वमुपकल्पयति ॥ तदाह, ‘कस्तान्कार्त्स्न्येन 1406वक्ष्यति’ । युक्तमिदमुक्तम् । अयुक्तं त्विदमुक्तं रसानामलंकारतेति ॥
तेषां गुणानामिवालंकारव्यपदेशाभावात् । नायुक्तम् । 1407युक्तोत्कर्षाणामूर्जस्विरसव1408त्प्रेयसामलंकारेषूपदेशात् । तद् यथा—
प्रेयः प्रियतराख्यानं रसवद् रसपेशलम् ।
ऊर्जस्वि रूढाहंकारं युक्तोत्कर्षं च तत्त्रयम् ॥ १७२ ॥