708 इति पुनरुक्तम्, चारुसर्वाङ्गीत्युक्त्वा 1449वरारोहेति व्यर्थम्, त एते सजातीयाश्चत्वारोऽपि दोषगुणाः संकीर्यमाणाः कस्यचिदुन्मत्तभाषिणोऽनुकम्पाद्यतिशयविवक्षायामभ्यनुज्ञायन्ते ॥ यदाह—
1452अर्थासजातीयानां शब्दगुणानामर्थगुणानां च संकरो यथा—
‘को नाम नोदयति नास्तमुपैति को वा
लोकोत्तरः पुनरयं सविता जगत्सु ।
यत्रोदयास्तमयभाजि रुचां निधाने
द्वेधा भवत्यहरिति क्षणदेति कालः ॥ ४५८ ॥’
अत्र यावदर्थपदता 1453संमितत्वम्, सम्यग्बन्धविकटत्वमुदारता, 1454श्लाध्यविशेषगुणयोग उदात्तत्वमिति शब्दगुणाः, उक्तार्थनिर्वहणं प्रौढिः, अर्थप्राकट्यं प्रसादः, रूढाहंकारतौर्जित्यमित्यर्थगुणाः संकीर्यन्ते ॥
शब्दगुणानां दोषगुणानां च यथा—
‘एह्येहि वत्स रघुनन्दन पूर्णचन्द्र
चुम्बामि मूर्धनि 1455चिरं च परिष्वजे त्वाम् ।
आरोप्य वा हृदि दिवानिशमुद्वहामि
वन्देऽथवा चरणपुष्करकद्वयं ते ॥ ४५९ ॥