Aṣṭāṅgahṛdayasaṃhitā
asnigdhasvinnadehasya gurukoṣṭhasya yojitaḥ||1||
śīto+alpasnehalavaṇadravyamātro ghano+api vā||1||
bastiḥ saṅkṣobhya taṃ doṣaṃ durbalatvādanirharan||2||
karotyayogaṃ tena syādvātamūtraśakṛdagrahaḥ||2||
nābhibastirujā dāho hṛllepaḥ śvayathurgude||3||
kaṇḍūrgaṇḍāni vaivarṇyamaratirvahnimārdavam||3||
kvāthadvayaṃ prāgvihitaṃ madhyadoṣe+atisāriṇi||4||
uṣṇasya tasmādekasya tatra pānaṃ praśasyate||4||
phalavartyastathā svedāḥ kālaṃ jñātvā virecanam||5||
bilvamūlatrivṛddāruyavakolakulatthavān||5||
surādimūtravān bastiḥ saprākpeṣyastamānayet||6||