vṛttiḥ --- deśe nābhicakranāsāgrādau cittasya bandho viṣayāntaraparihāreṇa yat sthirīkaraṇaṃ sā cittasya dhāraṇocyate| ayamarthaḥ --- maitryādicittaparikarmavāsitāntaḥkaraṇena yamaniyamavatā jitāsanena parihṛtaprāṇavikṣepeṇa pratyāhṛtendriyagrāmeṇa nirbādhe pradeśa ṛjukāyena jitadvandvena yoginā nāsāgrādau samprajñātasya samādherabhyāsāya cittasya sthirīkaraṇaṃ kartavyamiti ||1||