vṛttiḥ --- īśvaro vakṣyamāṇalakṣaṇaḥ| tatra praṇidhānaṃ bhaktiviśeṣo viśiṣṭamupāsanaṃ sarvakriyāṇāṃ tatrārpaṇam| viṣayasukhādikaṃ phalamanicchan sarvāḥ kriyāstasmin paramagurāvarpayati| tatpraṇidhānaṃ samādhestatphalalābhasya ca prakṛṣṭa upāyaḥ ||23||

īśvarasya praṇidhānāt samādhilābha ityuktam| tatreśvarasya svarūpaṃ pramāṇaṃ prabhāvaṃ vācakamupāsanākramaṃ tatphalaṃ ca krameṇa vaktumāha ---