vṛttiḥ --- itaratra yogādanyasmin kāle vṛttayo yā vakṣyamāṇalakṣaṇāstābhiḥ sārūpyaṃ tadrūpatvam| ayamarthaḥ --- yādṛśyo vṛttayaḥ sukhaduḥkhamohātmikāḥ prādurbhavanti tādṛgrūpa eva saṃvedyate vyavahartṛbhiḥ puruṣaḥ| tadevaṃ yasminnekāgratayā pariṇate citiśakteḥ svasmin rūpe pratiṣṭhānaṃ bhavati yasmiṃścendriyavṛttidvāreṇa viṣayākāreṇa pariṇate puruṣastadrūpākāra iva paribhāvyate| yathā jalataraṅgeṣu calatsu candraścalanniva pratibhāṣate taccittam ||4||

vṛttipadaṃ vyākhyātumāha ---