vṛttiḥ --- draṣṭā puruṣo dṛśimātraścetanāmātram| mātragrahaṇaṃ dharmadharminirāsārtham| keciddhi cetanāmātmano dharmamicchanti| sa śuddho+api pariṇāmitvādyabhāvena svapratiṣṭho+api pratyayānupaśyaḥ| pratyayā viṣayoparaktāni vijñānāni tāni anu avyavadhānena pratisaṃkramādyabhāvena paśyati| etaduktaṃ bhavati --- jātaviṣayoparāgāyāmeva buddhau sannidhimātreṇaiva puruṣasya draṣṭutvamiti ||20||