vṛttiḥ --- tatra prāṇaviyogaprayojanavyāpāro hiṃsā| sā ca sarvānarthahetuḥ| tadabhāvo+ahiṃsā| hiṃsāyāḥ sarvaprakāreṇaiva parihāryatvāt prathamaṃ tadabhāvarūpāyā ahiṃsāyā nirdeśaḥ| satyaṃ vāṅmanasoryathārthatvam| steyaṃ parasvāpaharaṇaṃ tadabhāvo+asteyam| brahmacaryamupasthasaṃyamaḥ| aparigraho bhogasādhanānāmanaṅgīkāraḥ| ta ete+ahiṃsādayaḥ pañca yamaśabdavācyā yogāṅgatvena nirdiṣṭāḥ ||30||