vṛttiḥ --- mūlamuktalakṣaṇāḥ kleśāḥ| teṣvanabhibhūteṣu satsu karmaṇāṃ kuśalākuśalarūupāṇāṃ vipākaḥ phalaṃ jātyāyurbhogā bhavanti| jātirmanuṣyādiḥ| āyuścirakālamekaśarīrasambandhaḥ| bhogā viṣayā indriyāṇi sukhasaṃvidduḥkhasaṃvicca sukhaduḥkhādīni karmakaraṇabhāvabodhanavyutpatyā bhogaśabdasya| idamatra tātparyam --- cittabhūmāvanādikālasañcitāḥ karmavāsanā yathā yathā pākamupayānti tathā tathā guṇapradhānabhāvena sthitā jātyāyurbhogalakṣaṇaṃ svakāryamārabhante ||13||