The Kauṭilīya Arthaśāstra - SARIT transcript
Compilation, data entry, proof correction by
Muneo Tokunaga et al., Kyoto University
Editing and conversion to TEI markup by
Richard Mahoney, Indica et Buddhica
SARIT: Search and Retrieval of Indic Texts
London
:
2009
 
Financial support by The British Association for South Asian Studies
Financial support by The British Association for South Asian Studies

Table of contents

1. Book 1: Concerning the Topic of Training

[Page 1 ] [Note: [ K tr. 1--61 :: K2 tr. 1--54]

1.1. Chapter 1: Enumeration of Sections and Books

[Note: [ K tr. 1 :: K2 tr. 1]

oṁ.namaḥ.śukra.bṛhaspatibhyāṁ |

KAZ01.1.01/ pṛthivyā lābhe pālane ca yāvanty artha.śāstrāṇi pūrva.ācāryaiḥ prasthāpitāni prāyaśas tāni saṁhṛtya-ekam idam artha.śāstraṁ kṛtam | 1 |

KAZ01.1.02/ tasya-ayaṁ prakaraṇa.adhikaraṇa.samuddeśaḥ | 2 |

KAZ01.1.03a/ vidyā.samuddeśaḥ, vṛddha.samuddeśaḥ, indriya.jayaḥ, amātya.utpattiḥ, mantri.purohita.utpattiḥ, upadhābhiḥ śauca.aśauca.jñānam amātyānām, -

KAZ01.1.03b/ gūḍha.puruṣa.praṇidhiḥ, sva.viṣaye kṛtya.akṛtya.pakṣa.rakṣaṇam, para.viṣaye kṛtya.akṛtya.pakṣa.upagrahaḥ, -

KAZ01.1.03c/ mantra.adhikāraḥ, dūta.praṇidhiḥ, rāja.putra.rakṣaṇam, aparuddha.vṛttam, aparuddhe vṛttiḥ, rāja.praṇidhiḥ, niśānta.praṇidhiḥ, ātma.rakṣitakam - iti vinaya.adhikārikaṁ prathamam adhikaraṇam | 3 |

KAZ01.1.04a/ janapada.niveśaḥ, bhūmic.chidra.apidhānam, durga.vidhānam, durga.niveśaḥ, samnidhātṛ.nicaya.karma, samāhartṛ.samudaya.prasthāpanam, akṣa.paṭale gāṇanikya.adhikāraḥ, -

KAZ01.1.04b/ samudayasya yukta.apahṛtasya pratyānayanam, upayukta.parīkṣā, śāsana.adhikāraḥ, kośa.praveśya.ratna.parīkṣā, ākara.karma.anta.pravartanam, akṣa.śālāyāṁ suvarṇa.adhyakṣaḥ -

KAZ01.1.04c/ viśikhāyāṁ sauvarṇika.pracāraḥ, koṣṭha.āgāra.adhyakṣaḥ, paṇya.adhyakṣaḥ, kupya.adhyakṣaḥ, āyudha.adhyakṣaḥ, tulā.māna.pautavam, -

KAZ01.1.04d/ deśa.kāla.mānam, śulka.adhyakṣaḥ, sūtra.adhyakṣaḥ, sīta.adhyakṣaḥ, surā.adhyakṣaḥ, sūna.adhyakṣaḥ, gaṇikā.adhyakṣaḥ, -

KAZ01.1.04e/ nāv.adhyakṣaḥ, go.adhyakṣaḥ, aśva.adhyakṣaḥ, hasty.adhyakṣaḥ, ratha.adhyakṣaḥ, patty.adhyakṣaḥ, senā.pati.pracāraḥ, mudrā.adhyakṣaḥ, vivīta.adhyakṣaḥ, samāhartṛ.pracāraḥ, -

KAZ01.1.04f/ gṛha.patika.vaidehaka.tāpasa.vyañjanāḥ praṇidhayaḥ, nāgarika.praṇidhiḥ - ity adhyakṣa.pracāro dvitīyam adhikaraṇam | 4 |

[Page 2 ]

KAZ01.1.05a/ vyavahāra.sthāpanā, vivāda.pada.nibandhaḥ, vivāha.samyuktam, dāya.vibhāgaḥ, vāstukam, samayasya anapākarma, ṛṇa.adānam, aupanidhikam, dāsa.karma.kara.kalpaḥ, -

KAZ01.1.05b/ sambhūya samutthānam, vikrīta.krīta.anuśayaḥ, dattasya anapākarma, asvāmi.vikrayaḥ, sva.svāmi.sambandhaḥ, sāhasam, vāk.pāruṣyam, daṇḍa.pāruṣyam, dyūta.samāhvayam, prakīrṇakam - iti, dharma.sthīyaṁ tṛtīyam adhikaraṇam | 5 |

KAZ01.1.06a/ kāru.kara.kṣaṇam, vaidehaka.rakṣaṇam, upanipāta.pratīkāraḥ, gūḍha.ājīvināṁ rakṣā, siddha.vyañjanair māṇava.prakāśanam, śaṅkā.rūpa.karma.abhigrahaḥ, -

KAZ01.1.06b/ āśu.mṛtaka.parīkṣā, vākya.karma.anuyogaḥ, sarva.adhikaraṇa.rakṣaṇaṁ -

KAZ01.1.06c/ eka.aṅga.vadha.niṣkrayaḥ, śuddhaś citraś ca daṇḍa kalpaḥ, kanyā.prakarma, aticāra.daṇḍāḥ - iti kaṇṭaka.śodhanaṁ caturtham adhikaraṇam | 6 |

KAZ01.1.07/ dāṇḍakarmikam, kośa.abhisaṁharaṇam, bhṛtya.bharaṇīyam, anujīvi.vṛttam, samaya.ācārikam, rājya.pratisandhānam, eka.aiśvaryam - iti yoga.vṛttaṁ pañcamam adhikaraṇam | 7 |

KAZ01.1.08/ prakṛti.sampadaḥ, śama.vyāyāmikam - iti maṇḍala.yoniḥ ṣaṣṭham adhikaraṇam | 8 |

KAZ01.1.09a/ ṣāḍguṇya.samuddeśaḥ, kṣaya.sthāna.vṛddhi.niścayaḥ, saṁśraya.vṛttiḥ, samahīna.jyāyasāṁ guṇa.abhiniveśaḥ, hīna.sandhayaḥ, vigṛhya āsanam, sandhāya āsanam, vigṛhya yānam, sandhāya yānam, -

KAZ01.1.09b/ sambhūya prayāṇam, yātavya.amitrayor abhigraha.cintā, kṣaya.lobha.virāga.hetavaḥ prakṛtīnām, sāmavāyika.viparimarśaḥ, -

KAZ01.1.09c/ saṁhita prayāṇikam, paripaṇita.aparipaṇita.apasṛtāḥ sandhayaḥ, dvaidhī.bhāvikāḥ sandhi.vikramāḥ, yātavya.vṛttiḥ, anugrāhya.mitra.viśeṣāḥ, -

KAZ01.1.09d/ mitra.hiraṇya.bhūmi.karma.sandhayaḥ, pārṣṇi.grāha.cintā, hīna.śakti.pūraṇam, balavatā vigṛhya uparodha.hetavaḥ, daṇḍa.upanata.vṛttam, -

KAZ01.1.09e/ daṇḍa.upanāyi.vṛttam, sandhi.karma, samādhi.mokṣaḥ, madhyama.caritam, udāsīna.caritam, maṇḍala.caritam - iti ṣāḍguṇyaṁ saptamam adhikaraṇam | 9 |

KAZ01.1.10/ prakṛti.vyasana.vargaḥ, rāja.rājyayor vyasana.cintā, puruṣa.vyasana.vargaḥ, pīḍana.vargaḥ, stambha.vargaḥ, kośa.saṅga.vargaḥ, mitra.vyasana.vargaḥ - iti vyasana.ādhikārikam aṣṭamam adhikaraṇam | 10 |

KAZ01.1.11a/ śakti.deśa.kāla.bala.abala.jñānam, yātrā.kālāḥ, bala.upādāna.kālāḥ, samnāha.guṇāḥ, pratibala.karma, paścāt kopa.cintā, bāhya.ābhyantara.prakṛti.kopa.pratīkārāḥ -

KAZ01.1.11b/ kṣaya.vyaya.lābha.- [Page 3 ]viparimarśaḥ, bāhya.ābhyantarāś ca-āpadaḥ, duṣya.śatru.samyuktāḥ, artha.anartha.saṁśaya.yuktāḥ, tāsām upāya.vikalpajāḥ siddhayaḥ - ity abhiyāsyat karma navamam adhikaraṇam | 11 |

KAZ01.1.12/ skandha.āvāra.niveśaḥ, skandha.āvāra.prayāṇam, bala.vyasana.avaskanda.kāla.rakṣaṇam, kūṭa.yuddha.vikalpāḥ, sva.sainya.utsāhanam, sva.bala.anya.bala.vyāyogaḥ, yuddha.bhūmayaḥ, patty.aśva.ratha.hasti.karmāṇi, pakṣa.kakṣa.urasyānāṁ bala.agrato vyūha.vibhāgaḥ, sāra.phalgu.bala.vibhāgaḥ, patty.aśva.ratha.hasti.yuddhāni, daṇḍa.bhoga.maṇḍala.asaṁhata.vyūha.vyūhanam, tasya prativyūha.sthāpanam - iti sāṅgrāmikaṁ daśamam adhikaraṇam | 12 |

KAZ01.1.13/ bheda.upādānāni, upāṁśu.daṇḍāḥ - iti saṅgha.vṛttam ekādaśam adhikaraṇam | 13 |

KAZ01.1.14/ dūta.karma, mantra.yuddham, senā.mukhya.vadhaḥ, maṇḍala.protsāhanam, śastra.agni.rasa.praṇidhayaḥ, vīvadha.āsāra.prasāra.vadhaḥ, yoga.atisandhānam, daṇḍa.atisandhānam, eka.vijayaḥ - ity ābalīyasaṁ dvādaśam adhikaraṇam | 14 |

KAZ01.1.15/ upajāpaḥ, yoga.vāmanam, apasarpa.praṇidhiḥ, paryupāsana.karma, avamardaḥ, labdha.praśamanam - iti durga.lambha.upāyas trayodaśam adhikaraṇam | 15 |

KAZ01.1.16/ para.bala.ghāta.prayogaḥ, pralambhanam, sva.bala.upaghāta.pratīkāraḥ - ity aupaniṣadikaṁ caturdaśam adhikaraṇam | 16 |

KAZ01.1.17/ tantra.yuktayaḥ - iti tantra.yuktiḥ pañcadaśam adhikaraṇam | 17 |

KAZ01.1.18/ śāstra.samuddeśaḥ pañcadaśa.adhikaraṇāni sa-aśīti.prakaraṇa.śataṁ sa-pañcāśad.adhyāya.śataṁ ṣaṭ.śloka.sahasrāṇi-iti | 18 |

KAZ01.1.19ab/ sukha.grahaṇa.vijñeyaṁ tattva.artha.pada.niścitam |
KAZ01.1.19cd/ kauṭilyena kṛtaṁ śāstraṁ vimukta.grantha.vistaram || 19 ||

1.2. Chapter 2 (Section 1): Enumeration of the Sciences

[Page 4 ] [Note: [ K tr. 6 :: K2 tr. 5]

KAZ01.2.01/ ānvīkṣikī trayī vārttā daṇḍa.nītiś ca-iti vidyāḥ | 1 |

KAZ01.2.02/ trayī vārttā daṇḍa nītiś ca-iti mānavāḥ | 2 |

KAZ01.2.03/ trayī viśeṣo hy ānvīkṣikī-iti | 3 |

KAZ01.2.04/ vārttā daṇḍa.nītiś ca-iti bārhaspatyāḥ | 4 |

KAZ01.2.05/ saṁvaraṇa.mātraṁ hi trayī loka.yātrā.vida iti | 5 |

KAZ01.2.06/ daṇḍa.nītir ekā vidyā-ity auśanasāḥ | 6 |

KAZ01.2.07/ tasyāṁ hi sarva.vidyā.ārambhāḥ pratibaddhā iti | 7 |

KAZ01.2.08/ catasra eva vidyā iti kauṭilyaḥ | 8 |

KAZ01.2.09/ tābhir dharma.arthau yad vidyāt tad vidyānāṁ vidyātvam | 9 |

KAZ01.2.10/ sāṅkhyaṁ yogo lokāyataṁ ca-ity ānvīkṣikī | 10 |

KAZ01.2.11/ dharma.adharmau trayyām artha.anarthau vārttāyāṁ naya.anayau daṇḍa.nītyāṁ bala.abale ca etāsāṁ hetubhir anvīkṣamāṇā lokasya upakaroti vyasane 'bhyudaye ca buddhim avasthāpayati prajñā.vākya.kriyā.vaiśāradyaṁ ca karoti | 11 |

KAZ01.2.12ab/ pradīpaḥ sarva.vidyānām upāyaḥ sarva.karmaṇām |
KAZ01.2.12cd/ āśrayaḥ sarva.dharmāṇāṁ śaśvad ānvīkṣikī matā || 12 ||

1.3. Chapter 3 (Section 1): Enumeration of the Sciences (cont.)

[Note: [ K tr. 8 :: K2 tr. 7]

KAZ01.3.01/ sāma.ṛg.yajur.vedās trayas trayī | 1 |

KAZ01.3.02/ atharva.veda.itihāsa.vedau ca vedāḥ | 2 |

KAZ01.3.03/ śikṣā kalpo vyākaraṇaṁ niruktaṁ chando.vicitir jyotiṣam iti ca-aṅgāni | 3 |

KAZ01.3.04/ eṣa trayī.dharmaś caturṇāṁ varṇānām āśramāṇāṁ ca sva.dharma.sthāpanād aupakārikaḥ | 4 |

KAZ01.3.05/ svadharmo brāhmaṇasya adhyayanam adhyāpanaṁ yajanaṁ yājanaṁ dānaṁ pratigrahaś ca | 5 |

[Page 5 ]

KAZ01.3.06/ kṣatriyasya-adhyayanaṁ yajanaṁ dānaṁ śastra.ājīvo bhūta.rakṣaṇaṁ ca | 6 |

KAZ01.3.07/ vaiśyasya-adhyayanaṁ yajanaṁ dānaṁ kṛṣi.pāśupālye vaṇijyā ca | 7 |

KAZ01.3.08/ śūdrasya dvijāti.śuśrūṣā vārttā kāru.kuśīlava.karma ca | 8 |

KAZ01.3.09/ gṛhasthasya svadharma.ājīvas tulyair asamāna.ṛṣibhir vaivāhyam ṛtu.gāmitvaṁ deva.pitr.atithi.pūjā bhṛtyeṣu tyāgaḥ śeṣa.bhojanaṁ ca | 9 |

KAZ01.3.10/ brahma.cāriṇaḥ svādhyāyo agni.kārya.abhiṣekau bhaikṣa.vratitvam ācārye prāṇa.antikī vṛttis tad.abhāve guru.putre sa-brahma.cāriṇi vā | 10 |

KAZ01.3.11/ vānaprasthasya brahmacaryaṁ bhūmau śayyā jaṭā.ajina.dhāraṇam agni.hotra.abhiṣekau devatā.pitr.atithi.pūjā vanyaś ca-āhāraḥ | 11 |

KAZ01.3.12/ parivrājakasya jita.indriyatvam anārambho niṣkiñcanatvaṁ saṅga.tyāgo bhaikṣavratam anekatra-araṇye ca vāso bāhya.ābhyantaraṁ ca śaucam | 12 |

KAZ01.3.13/ sarveṣām ahiṁsā satyaṁ śaucam anasūya ānṛśaṁsyaṁ kṣamā ca | 13 |

KAZ01.3.14/ svadharmaḥ svargāya-ānantyāya ca | 14 |

KAZ01.3.15/ tasya-atikrame lokaḥ saṅkarād ucchidyeta | 15 |

KAZ01.3.16ab/ tasmāt svadharmaṁ bhūtānāṁ rājā na vyabhicārayet |
KAZ01.3.16cd/ svadharmaṁ sandadhāno hi pretya ca-iha ca nandati || 16 ||
KAZ01.3.17ab/ vyavasthita.ārya.maryādaḥ kṛta.varṇa.āśrama.sthitiḥ |
KAZ01.3.17cd/ trayyā-abhirakṣito lokaḥ prasīdati na sīdati || 17 ||

1.4. Chapter 4 (Section 1): Enumeration of the Sciences (cont.)

[Note: [ K tr. 10 :: K2 tr. 9]

KAZ01.4.01/ kṛṣi.pāśupālye vaṇijyā ca vārtā, dhānya.paśu.hiraṇya.kupya.viṣṭi.pradānād aupakārikī | 1 |

KAZ01.4.02/ tayā sva.pakṣaṁ para.pakṣaṁ ca vaśī.karoti kośa.daṇḍābhyām | 2 |

[Page 6 ]

KAZ01.4.03/ ānvīkṣikī trayī vārttānāṁ yoga.kṣema.sādhano daṇḍaḥ, tasya nītir daṇḍa nītiḥ, alabdha.lābha.arthā labdha.parirakṣaṇī rakṣita.vivardhanī vṛddhasya tīrthe pratipādanī ca | 3 |

KAZ01.4.04/ tasyām āyattā loka.yātrā | 4 |

KAZ01.4.05/ "tasmāl loka.yātrā.arthī nityam udyata.daṇḍaḥ syāt | 5 |

KAZ01.4.06/ na hy evaṁvidhaṁ vaśa.upanayanam asti bhūtānāṁ yathā daṇḍaḥ |" ity ācāryāḥ | 6 |

KAZ01.4.07/ na-iti kauṭilyaḥ | 7 |

KAZ01.4.08/ tīkṣṇa.daṇḍo hi bhūtānām udvejanīyo bhavati | 8 |

KAZ01.4.09/ mṛdu.daṇḍaḥ paribhūyate | 9 |

KAZ01.4.10/ yathā.arha.daṇḍaḥ pūjyate | 10 |

KAZ01.4.11/ suvijñāta.praṇīto hi daṇḍaḥ prajā dharma.artha.kāmair yojayati | 11 |

KAZ01.4.12/ duṣpraṇītaḥ kāma.krodhābhyām avajñānād vā vānaprastha.parivrājakān api kopayati, kiṁ.aṅga punar gṛhasthān | 12 |

KAZ01.4.13/ apraṇītas tu mātsya.nyāyam udbhāvayati | 13 |

KAZ01.4.14/ balīyān abalaṁ hi grasate daṇḍa.dhara.abhāve | 14 |

KAZ01.4.15/ sa tena guptaḥ prabhavati iti | 15 |

KAZ01.4.16ab/ catur.varṇa.āśramo loko rājñā daṇḍena pālitaḥ |
KAZ01.4.16cd/ svadharma.karma.abhirato vartate sveṣu vartmasu || 16 ||

1.5. Chapter 5 (Section 2): Association with Elders

[Note: [ K tr. 11 :: K2 tr. 10]

KAZ01.5.01/ tasmād daṇḍa.mūlās tisro vidyāḥ | 1 |

KAZ01.5.02/ vinaya.mūlo daṇḍaḥ prāṇabhṛtāṁ yoga.kṣema.āvahaḥ | 2 |

KAZ01.5.03/ kṛtakaḥ svābhāvikaś ca vinayaḥ | 3 |

KAZ01.5.04/ kriyā hi dravyaṁ vinayati na-adravyam | 4 |

KAZ01.5.05/ śuśrūṣā śravaṇa.grahaṇa.dhāraṇa.vijñāna.ūha.apoha.tattva.abhiniviṣṭa.buddhiṁ vidyā vinayati na-itaram | 5 |

KAZ01.5.06/ vidyānāṁ tu yathāsvam ācārya.prāmāṇyād vinayo niyamaś ca | 6 |

[Page 7 ]

KAZ01.5.07/ vṛtta.caula.karmā lipiṁ saṅkhyānaṁ ca-upayuñjīta | 7 |

KAZ01.5.08/ vṛtta.upanayanas trayīm ānvīkṣikīṁ ca śiṣṭebhyo vārttām adhyakṣebhyo daṇḍa.nītiṁ vaktṛ.prayoktṛbhyaḥ | 8 |

KAZ01.5.09/ brahmacaryaṁ ca ṣoḍaśād varṣāt | 9 |

KAZ01.5.10/ ato go.dānaṁ dāra.karma ca-asya | 10 |

KAZ01.5.11/ nityaś ca vidyā.vṛddha.samyogo vinaya.vṛddhy.artham, tan.mūlatvād vinayasya | 11 |

KAZ01.5.12/ pūrvam ahar.bhāgaṁ hasty.aśva.ratha.praharaṇa.vidyāsu vinayaṁ gacchet | 12 |

KAZ01.5.13/ paścimam itihāsa.śravaṇe | 13 |

KAZ01.5.14/ purāṇam itivṛttam ākhyāyika.udāharaṇaṁ dharma.śāstram artha.śāstraṁ ca-iti-itihāsaḥ | 14 |

KAZ01.5.15/ śeṣam ahorātra.bhāgam apūrva.grahaṇaṁ gṛhīta.paricayaṁ ca kuryāt, agṛhītānām ābhīkṣṇya.śravaṇaṁ ca | 15 |

KAZ01.5.16/ śrutādd hi prajñā-upajāyate prajñāyā yogo yogād ātmavattā-iti vidyānāṁ sāmarthyam | 16 |

KAZ01.5.17ab/ vidyā.vinīto rājā hi prajānāṁ vinaye rataḥ |
KAZ01.5.17cd/ ananyāṁ pṛthivīṁ bhuṅkte sarva.bhūta.hite rataḥ || 17 ||

1.6. Chapter 6 (Section 3): Control over the Senses

[Note: [ K tr. 13 :: K2 tr. 12]

KAZ01.6.01/ vidyā vinaya.hetur indriya.jayaḥ kāma.krodha.lobha.māna.mada.harṣa.tyāgāt kāryaḥ | 1 |

KAZ01.6.02/ karṇa.tvag.akṣi.jihvā.ghrāṇa.indriyāṇāṁ śabda.sparśa.rūpa.rasa.gandheṣv avipratipattir indriya.jayaḥ, śāstra.anuṣṭhānaṁ vā | 2 |

KAZ01.6.03/ kṛtsnaṁ hi śāstram idam indriya.jayaḥ | 3 |

KAZ01.6.04/ tad viruddha.vṛttir avaśya.indriyaś cāturanto api rājā sadyo vinaśyati | 4 |

KAZ01.6.05/ yathā dāṇḍakyo nāma bhojaḥ kāmād brāhmaṇa.kanyām abhimanyamānaḥ sa-bandhu.rāṣṭro vinanāśa, karālaś ca vaidehaḥ | 5 |

KAZ01.6.06/ kopāj janamejayo brāhmaṇeṣu vikrāntaḥ, tāla.jaṅghaś ca bhṛguṣu | 6 |

KAZ01.6.07/ lobhād ailaś cāturvarṇyam atyāhārayamāṇaḥ, sauvīraś ca-ajabinduḥ | 7 |

KAZ01.6.08/ mānād rāvaṇaḥ para.dārān aprayacchan, [Page 8 ]duryodhano rājyād aṁśaṁ ca | 8 |

KAZ01.6.09/ madād dambhodbhavo bhūta.avamānī, haihayaś ca-arjunaḥ | 9 |

KAZ01.6.10/ harṣād vātāpir agastyam atyāsādayan, vṛṣṇi.saṅghaś ca dvaipāyanam iti | 10 |

KAZ01.6.11ab/ ete ca-anye ca bahavaḥ śatru.ṣaḍ.vargam āśritāḥ |
KAZ01.6.11cd/ sa-bandhu.rāṣṭrā rājāno vineśur ajita.indriyāḥ || 11 ||
KAZ01.6.12ab/ śatru.ṣaḍ.vargam utsṛjya jāmadagnyo jita.indriyaḥ |
KAZ01.6.12cd/ ambarīṣaś ca nābhāgo bubhujāte ciraṁ mahīm || 12 ||

1.7. Chapter 7 (Section 3): Control over the Senses (cont.)

[Note: [ K tr. 14 :: K2 tr. 13]

KAZ01.7.01/ tasmād ari.ṣaḍ.varga.tyāgena-indriya.jayaṁ kurvīta, vṛddha.samyogena prajñām, cāreṇa cakṣuḥ, utthānena yoga.kṣema.sādhanam, kārya.anuśāsanena svadharma.sthāpanam, vinayaṁ vidyā.upadeśena, loka.priyatvam artha.samyogena vṛttim | 1 |

KAZ01.7.02/ evaṁ vaśya.indriyaḥ para.strī.dravya.hiṁsāś ca varjayet, svapnaṁ laulyam anṛtam uddhata.veṣatvam anarthya.samyogam adharma.samyuktam anartha.samyuktaṁ ca vyavahāram | 2 |

KAZ01.7.03/ dharma.artha.avirodhena kāmaṁ seveta, na nihsukhaḥ syāt | 3 |

KAZ01.7.04/ samaṁ vā trivargam anyonya.anubaddham | 4 |

KAZ01.7.05/ eko hy atyāsevito dharma.artha.kāmānām ātmānam itarau ca pīḍayati | 5 |

KAZ01.7.06/ artha-eva pradhāna-iti kauṭilyaḥ | 6 |

KAZ01.7.07/ artha.mūlau hi dharma.kāmāv iti | 7 |

KAZ01.7.08/ maryādāṁ sthāpayed ācāryān amātyān vā, ya-enam apāya sthānebhyo vārayeyuḥ, chāyā.nālikā.pratodena vā rahasi pramādyantam abhitudeyuḥ | 8 |

[Page 9 ]
KAZ01.7.09ab/ sahāya.sādhyaṁ rājatvaṁ cakram ekaṁ na vartate |
KAZ01.7.09cd/ kurvīta sacivāṁs tasmāt teṣāṁ ca śṛṇuyān matam || 9 ||

1.8. Chapter 8 (Section 5): Appointment of Ministers

[Note: [ K tr. 16 :: K2 tr. 15]

KAZ01.8.01/ "saha.adhyāyino amātyān kurvīta, dṛṣṭa.śauca.sāmarthyatvāt" iti bhāradvājaḥ | 1 |

KAZ01.8.02/ "te hy asya viśvāsyā bhavanti" iti | 2 |

KAZ01.8.03/ na-iti viśāla.akṣaḥ | 3 |

KAZ01.8.04/ "saha.krīḍitatvāt paribhavanty enam | 4 |

KAZ01.8.05/ ye hy asya guhya.sadharmāṇas tān amātyān kurvīta, samāna.śīla.vyasanatvāt | 5 |

KAZ01.8.06/ te hy asya marmajña.bhayān na-aparādhyanti" iti | 6 |

KAZ01.8.07/ "sādhāraṇa-eṣa doṣaḥ" iti pārāśarāḥ | 7 |

KAZ01.8.08/ "teṣām api marmajña.bhayāt kṛta.akṛtāny anuvarteta | 8 |

KAZ01.8.09ab/ yāvadbhyo guhyam ācaṣṭe janebhyaḥ puruṣa.adhipaḥ |
KAZ01.8.09cd/ avaśaḥ karmaṇā tena vaśyo bhavati tāvatām || 9 ||

KAZ01.8.10/ ya-enam āpatsu prāṇa.ābādha.yuktāsv anugṛhṇīyus tān amātyān kurvīta, dṛṣṭa.anurāgatvāt" iti | 10 |

KAZ01.8.11/ na-iti piśunaḥ | 11 |

KAZ01.8.12/ "bhaktir eṣā na buddhi.guṇaḥ | 12 |

KAZ01.8.13/ saṅkhyāta.artheṣu karmasu niyuktā ye yathā.ādiṣṭam arthaṁ saviśeṣaṁ vā kuryus tān amātyān kurvīta, dṛṣṭa.guṇatvāt" iti | 13 |

KAZ01.8.14/ na-iti kauṇapadantaḥ | 14 |

KAZ01.8.15/ "anyair amātya.guṇair ayuktā hy ete | 15 |

KAZ01.8.16/ pitṛ.paitāmahān amātyān kurvīta, dṛṣṭa.avadānatvāt | 16 |

KAZ01.8.17/ te hy enam apacarantam api na tyajanti, sagandhatvāt | 17 |

KAZ01.8.18/ amānuṣeṣv api ca-etad dṛśyate | 18 |

KAZ01.8.19/ gāvo hy asagandhaṁ go.gaṇam atikramya sagandheṣv eva-avatiṣṭhante" iti | 19 |

[Page 10 ]

KAZ01.8.20/ na-iti vātavyādhiḥ | 20 |

KAZ01.8.21/ "te hy asya sarvam avagṛhya svāmivat pracaranti | 21 |

KAZ01.8.22/ tasmān nītivido navān amātyān kurvīta | 22 |

KAZ01.8.23/ navās tu yama.sthāne daṇḍa.dharaṁ manyamānā na-aparādhyanti" iti | 23 |

KAZ01.8.24/ na-iti bāhu.dantī putraḥ | 24 |

KAZ01.8.25/ "śāstravid adṛṣṭa.karmā karmasu viṣādaṁ gacchet | 25 |

KAZ01.8.26/ tasmād abhijana.prajñā.śauca.śaurya.anurāga.yuktān amātyān kurvīta, guṇa.prādhānyāt" iti | 26 |

KAZ01.8.27/ sarvam upapannam iti kauṭilyaḥ | 27 |

KAZ01.8.28/ kārya.sāmarthyādd hi puruṣa.sāmarthyaṁ kalpyate | 28 | sāmarthyaś ca --

KAZ01.8.29ab/ vibhajya-amātya.vibhavaṁ deśa.kālau ca karma ca |
KAZ01.8.29cd/ amātyāḥ sarva eva-ete kāryāḥ syur na tu mantriṇaḥ || 29 ||

1.9. Chapter 9 (Section 5): Appointment of Counsellors and Chaplain

[Note: [ K tr. 18 :: K2 tr. 17]

KAZ01.9.01/ jānapado abhijātaḥ svavagrahaḥ kṛta.śilpaś cakṣuṣmān prājño dhārayiṣṇur dakṣo vāgmī pragalbhaḥ pratipattimān utsāha.prabhāva.yuktaḥ kleśa.sahaḥ śucir maitro dṛḍha.bhaktiḥ śīla.bala.ārogya.sattva.yuktaḥ stambha.cāpala.hīnaḥ sampriyo vairāṇām akartā-ity amātya.sampat | 1 |

KAZ01.9.02/ ataḥ pāda.argha.guṇa.hīnau madhyama.avarau | 2 |

KAZ01.9.03/ teṣāṁ janapad.abhijanam avagrahaṁ ca-āptataḥ parīkṣeta, samāna.vidyebhyaḥ śilpaṁ śāstra.cakṣuṣmattāṁ ca, karma.ārambheṣu prajñāṁ dhārayiṣṇutāṁ dākṣyaṁ ca, kathā.yogeṣu vāgmitvaṁ prāgalbhyaṁ pratibhānavattvaṁ ca, saṁvāsibhyaḥ śīla.bala.ārogya.sattva.yogam astambham acāpalaṁ ca, pratyakṣataḥ sampriyatvam avairatvaṁ ca | 3 |

[Page 11 ]

KAZ01.9.04/ pratyakṣa.parokṣa.anumeyā hi rāja.vṛttiḥ | 4 |

KAZ01.9.05/ svayaṁ drṣṭaṁ pratyakṣam | 5 |

KAZ01.9.06/ para.upadiṣṭaṁ parokṣam | 6 |

KAZ01.9.07/ karmasu kṛtena-akṛta.avekṣaṇam anumeyam | 7 |

KAZ01.9.08/ yaugapadyāt tu karmaṇām anekatvād anekasthatvāc ca deśa.kāla.atyayo mā bhūd iti parokṣam amātyaiḥ kārayet | 8 | ity amātya.karma |

KAZ01.9.09/ purohitam udita.udita.kula.śīlaṁ sa-aṅge vede daive nimitte daṇḍa.nītyāṁ ca-abhivinītam āpadāṁ daiva.mānuṣīṇām atharvabhir upāyaiś ca pratikartāraṁ kurvīta | 9 |

KAZ01.9.10/ tam ācāryaṁ śiṣyaḥ pitaraṁ putro bhṛtyaḥ svāminam iva ca-anuvarteta | 10 |

KAZ01.9.11ab/ brāhmaṇena-edhitaṁ kṣatraṁ mantri.mantra.abhimantritam |
KAZ01.9.11cd/ jayaty ajitam atyantaṁ śāstra.anugama.śastritam || 11 ||

1.10. Chapter 10 (Section 6): Ascertainment of the Integrity of Ministers by Means of Secret Tests

[Note: [ K tr. 20 :: K2 tr. 18]

KAZ01.10.01/ mantri.purohita.sakhaḥ sāmānyeṣv adhikaraṇeṣu sthāpayitvā-amātyān upadhābhiḥ śodhayet | 1 |

KAZ01.10.02/ purohitam ayājya.yājana.adhyāpane niyuktam amṛṣyamāṇaṁ rājā-avakṣipet | 2 |

KAZ01.10.03/ sa sattribhiḥ śapatha.pūrvam ekaikam amātyam upajāpayet - "adhārmiko ayaṁ rājā, sādhu dhārmikam anyam asya tat.kulīnam aparuddhaṁ kulyam eka.pragrahaṁ sāmantam āṭavikam aupapādikaṁ vā pratipādayāmaḥ, sarveṣām etad rocate, kathaṁ vā tava" iti | 3 |

KAZ01.10.04/ pratyākhyāne śuciḥ | iti dharma.upadhā | 4 |

KAZ01.10.05/ senā.patir asat.pragraheṇa-avakṣiptaḥ sattribhir ekaikam amātyam upajāpayet lobhanīyena-arthena rāja.vināśāya, "sarveṣām etad rocate, kathaṁ vā tava" iti | 5 |

KAZ01.10.06/ pratyākhyāne śuciḥ | ity artha.upadhā | 6 |

KAZ01.10.07/ parivrājikā labdha.viśvāsā-antaḥpure kṛta.satkārā mahā.mātram ekaikam upajapet - "rāja.mahiṣī tvāṁ kāmayate kṛta.samāgama.upāyā, mahān arthaś ca te bhaviṣyati" iti | 7 |

KAZ01.10.08/ pratyākhyāne śuciḥ | iti kāma.upadhā | 8 |

[Page 12 ]

KAZ01.10.09/ prahavaṇa.nimittam eko amātyaḥ sarvān amātyān āvāhayet | 9 |

KAZ01.10.10/ tena-udvegena rājā tān avarundhyāt | 10 |

KAZ01.10.11/ kāpaṭikaś ca-atra pūrva.avaruddhas teṣām artha.māna.avakṣiptam ekaikam amātyam upajapet - "asat pravṛtto ayaṁ rājā, sādhv enaṁ hatvā-anyaṁ pratipādayāmaḥ, sarveṣām etad rocate, kathaṁ vā tava" iti | 11 |

KAZ01.10.12/ pratyākhyāne śuciḥ | iti bhaya.upadhā | 12 |

KAZ01.10.13/ tatra dharma.upadhā.śuddhān dharma.sthīya.kaṇṭaka.śodhaneṣu karmasu sthāpayet, artha.upadhā.śuddhān samāhartṛ.samnidhātṛ.nicaya.karmasu, kāma.upadhā śuddhān bāhya.ābhyantara.vihāra.rakṣāsu, bhaya.upadhā.śuddhān āsanna.kāryeṣu rājñaḥ | 13 |

KAZ01.10.14/ sarva.upadhā.śuddhān mantriṇaḥ kuryāt | 14 |

KAZ01.10.15/ sarvatra-aśucīn khani.dravya.hasti.vana.karma.anteṣu upayojayet | 15 |

KAZ01.10.16ab/ trivarga.bhaya.saṁśuddhān amātyān sveṣu karmasu |
KAZ01.10.16cd/ adhikuryād yathā śaucam ity ācāryā vyavasthitāḥ || 16 ||
KAZ01.10.17ab/ na tv eva kuryād ātmānaṁ devīṁ vā lakṣyam īśvaraḥ |
KAZ01.10.17cd/ śauca.hetor amātyānām etat kauṭilya.darśanam || 17 ||
KAZ01.10.18ab/ na dūṣaṇam aduṣṭasya viṣeṇa-iva-ambhasaś caret |
KAZ01.10.18cd/ kadācidd hi praduṣṭasya na-adhigamyeta bheṣajam || 18 ||
KAZ01.10.19ab/ kṛtā ca kaluṣā.buddhir upadhābhiś caturvidhā |
KAZ01.10.19cd/ na-agatvā-antaṁ nivarteta sthitā sattvavatāṁ dhṛtau || 19 ||
KAZ01.10.20ab/ tasmād bāhyam adhiṣṭhānaṁ kṛtvā kārye caturvidhe |
KAZ01.10.20cd/ śauca.aśaucam amātyānāṁ rājā mārgeta sattribhiḥ || 20 ||

1.11. Chapter 11 (Section 7): Appointment of Persons in Secret Service

[Note: [ K tr. 23 :: K2 tr. 21]

KAZ01.11.01/ upadhābhiḥ śuddha.amātya.vargo gūḍha.puruṣān utpādayet kāpaṭika.udāsthita.gṛha.patika.vaidehaka.tāpasa.vyañjanān sattri.tīṣkṇa.rasada.bhikṣukīś ca | 1 |

[Page 13 ]

KAZ01.11.02/ para.marmajñaḥ pragalbhaś chātraḥ kāpaṭikaḥ | 2 |

KAZ01.11.03/ tam artha.mānābhyāṁ protsāhya mantrī brūyāt - "rājānaṁ māṁ ca pramāṇaṁ kṛtvā yasya yad akuśalaṁ paśyasi tat tadānīm eva pratyādiśa" iti | 3 |

KAZ01.11.04/ pravrajyā pratyavasitaḥ prajñā.śauca.yukta udāsthitaḥ | 4 |

KAZ01.11.05/ sa vārttā.karma.pradiṣṭāyāṁ bhūmau prabhūta.hiraṇya.antevāsī karma kārayet | 5 |

KAZ01.11.06/ karma.phalāc ca sarva.pravrajitānāṁ grāsa.ācchādana.āvasathān pratividadhyāt | 6 |

KAZ01.11.07/ vṛtti.kāmāṁś ca-upajapet - "etena-eva veṣeṇa rāja.arthaś caritavyo bhakta.vetana.kāle ca-upasthātavyam" iti | 7 |

KAZ01.11.08/ sarva.pravrajitāś ca svaṁ svaṁ vargam evam upajapeyuḥ | 8 |

KAZ01.11.09/ karṣako vṛtti.kṣīṇaḥ prajñā.śauca.yukto gṛha.patika.vyañjanaḥ | 9 |

KAZ01.11.10/ sa kṛṣi.karma.pradiṣṭāyāṁ bhūmau - iti samānaṁ pūrveṇa | 10 |

KAZ01.11.11/ vāṇijako vṛtti.kṣīṇaḥ prajñā.śauca.yukto vaidehaka.vyañjanaḥ | 11 |

KAZ01.11.12/ sa vaṇik.karma.pradiṣṭāyāṁ bhūmau - iti samānaṁ pūrveṇa | 12 |

KAZ01.11.13/ muṇḍo jaṭilo vā vṛtti.kāmas tāpasa.vyañjanaḥ | 13 |

KAZ01.11.14/ sa nagara.abhyāśe prabhūta.muṇḍa.jaṭila.antevāsī śākaṁ yava.muṣṭiṁ vā māsa.dvimāsa.antaraṁ prakāśam aśnīyāt, gūḍham iṣṭam āhāram | 14 |

KAZ01.11.15/ vaidehaka.antevāsinaś ca-enaṁ samiddha.yogair arcayeyuḥ | 15 |

KAZ01.11.16/ śiṣyāś ca-asya-āvedayeyuḥ - "asau siddhaḥ sāmedhikaḥ" iti | 16 |

KAZ01.11.17/ samedha.āśāstibhiś ca-abhigatānām aṅga.vidyayā śiṣya.sañjñābhiś ca karmāṇy abhijane avasitāny ādiśet - alpa.lābham agni.dāhaṁ cora.bhayaṁ dūṣya.vadhaṁ tuṣṭi.dānaṁ videśa.pravṛtti.jñānam, "idam adya śvo vā bhaviṣyati, idaṁ vā rājā kariṣyati" iti | 17 |

KAZ01.11.18/ tad asya gūḍhāḥ sattriṇaś ca sampādayeyuḥ | 18 |

KAZ01.11.19/ sattva.prajñā.vākya.śakti.sampannānāṁ rāja.bhāgyam anuvyāharet, mantri.samyogaṁ ca brūyāt | 19 |

KAZ01.11.20/ mantrī ca-eṣāṁ vṛtti.karmabhyāṁ viyateta | 20 |

KAZ01.11.21/ ye ca kāraṇād abhikruddhās tān artha.mānābhyāṁ śamayet, akāraṇa.kruddhāṁs tūṣṇīṁ daṇḍena, rāja.dviṣṭa.kāriṇaś ca | 21 |

[Page 14 ]
KAZ01.11.22ab/ pūjitāś ca-artha.mānābhyāṁ rājñā rāja.upajīvinām |
KAZ01.11.22cd/ jānīyuḥ śaucam ity etāḥ pañca.saṁsthāḥ prakīrtitāḥ || 22 ||

1.12. Chapter 12 (Sections 7; 8): Appointment of Persons in Secret Service (cont.); Rules for Secret Servants

[Note: [ K tr. 26 :: K2 tr. 23]

KAZ01.12.01/ ye ca-apy asmabandhino avaśya.bhartavyās te lakṣaṇam aṅga.vidyāṁ jambhaka.vidyāṁ māyā.gatam āśrama.dharmaṁ nimittam antara.cakram ity adhīyānāḥ sattriṇaḥ, saṁsarga.vidyāṁ ca | 1 |

KAZ01.12.02/ ye janapade śūrās tyakta.ātmāno hastinaṁ vyālaṁ vā dravya.hetoḥ pratiyodhayeyus te tīkṣṇāḥ | 2 |

KAZ01.12.03/ ye bandhuṣu nihsnehāḥ krūrā alasāś ca te rasadāḥ | 3 |

KAZ01.12.04/ parivrājikā vṛtti.kāmā daridrā vidhavā pragalbhā brāhmaṇy antaḥpure kṛta.satkārā mahā.mātra.kulāny abhigacchet | 4 |

KAZ01.12.05/ etayā muṇḍā vṛṣalyo vyākhyātāḥ | 5 | iti sañcārāḥ |

KAZ01.12.06/ tān rājā sva.viṣaye mantri.purohita.senā.pati.yuva.rāja.dauvārika.antarvaṁśika.praśāstṛ.- samāhartṛ.samnidhātṛ.pradeṣṭṛ.nāyaka.paura.vyāvahārika.kārmāntika.- mantri.pariṣad.adhyakṣa.daṇḍa.durga.antapāla.āṭavikeṣu śraddheya.deśa.veṣa.śilpa.bhāṣā.abhijana.apadeśān bhaktitaḥ sāmarthya.yogāc ca-apasarpayet | 6 |

KAZ01.12.07/ teṣāṁ bāhyaṁ cāraṁ chatra.bhṛṅgāra.vyajana.pāduka.āsana.yāna.vāhana.upagrāhiṇas tīkṣṇā vidyuḥ | 7 |

KAZ01.12.08/ taṁ sattriṇaḥ saṁsthāsv arpayeyuḥ | 8 |

[Page 15 ]

KAZ01.12.09/ sūda.ārālika.snāpaka.saṁvāhaka.āstaraka.kalpaka.prasādhaka.udaka.- paricārakā rasadāḥ kubja.vāmana.kirāta.mūka.badhira.jaḍa.andhac.chadmāno naṭa.nartaka.gāyana.vādaka.vāg.jīvana.kuśīlavāḥ striyaś ca-ābhyantaraṁ cāraṁ vidyuḥ | 9 |

KAZ01.12.10/ taṁ bhikṣkyaḥ saṁsthāsv aprayeyuḥ | 10 |

KAZ01.12.11/ saṁsthānām antevāsinaḥ sañjñā.lipibhiś cāra.sañcāraṁ kuryuḥ | 11 |

KAZ01.12.12/ na ca-anyonyaṁ saṁsthās te vā vidyuḥ | 12 |

KAZ01.12.13/ bhikṣukī.pratiṣedhe dvāhstha.paramparā mātā.pitṛ.vyañjanāḥ śilpa.kārikāḥ kuśīlavā dāsyo vā gīta.pāṭhya.vādya.bhāṇḍa.gūḍha.lekhya.sañjñābhir vā cāraṁ nirhareyuḥ.| 13 |

KAZ01.12.14/ dīrgha.roga.unmāda.agni.rasa.visargeṇa vā gūḍha.nirgamanam | 14 |

KAZ01.12.15/ trayāṇām eka.vākye sampratyayaḥ | 15 |

KAZ01.12.16/ teṣām abhīkṣṇa.vinipāte tūṣṇīṁ.daṇḍaḥ pratiṣedhaḥ | 16 |

KAZ01.12.17/ kaṇṭaka.śodhana.uktāś ca-apasarpāḥ pareṣu kṛta.vetanā vaseyur asampātinaś cāra.artham | 17 |

KAZ01.12.18/ ta ubhaya.vetanāḥ | 18 |

KAZ01.12.19ab/ gṛhīta.putra.dārāṁś ca kuryād ubhaya.vetanān |
KAZ01.12.19cd/ tāṁś ca-ari.prahitān vidyāt teṣāṁ śaucaṁ ca tadvidhaiḥ || 19 ||
KAZ01.12.20ab/ evaṁ śatrau ca mitre ca madhyame ca-āvapec carān |
KAZ01.12.20cd/ udāsīne ca teṣāṁ ca tīrtheṣv aṣṭādaśasv api || 20 ||
KAZ01.12.21ab/ antar.gṛha.carās teṣāṁ kubja.vāmana.paṇḍakāḥ |
KAZ01.12.21cd/ śilpavatyaḥ striyo mūkāś citrāś ca mleccha.jātayaḥ || 21 ||
KAZ01.12.22ab/ durgeṣu vaṇijaḥ saṁsthā durga.ante siddha.tāpasāḥ |
KAZ01.12.22cd/ karṣaka.udāsthitā rāṣṭre rāṣṭra.ante vraja.vāsinaḥ || 22 ||
KAZ01.12.23ab/ vane vana.carāḥ kāryāḥ śramaṇa.āṭavika.ādayaḥ |
KAZ01.12.23cd/ para.pravṛtti.jñāna.arthāḥ śīghrāś.cāra.paramparāḥ || 23 ||
KAZ01.12.24ab/ parasya ca-ete boddhavyās tādṛśair eva tādṛśāḥ |
KAZ01.12.24cd/ cāra.sañcāriṇaḥ saṁsthā gūḍhāś ca-agūḍha.sañjñitāḥ || 24 ||
[Page 16 ]
KAZ01.12.25ab/ akṛtyān kṛtya.pakṣīyair darśitān kārya.hetubhiḥ |
KAZ01.12.25cd/ para.apasarpa.jñāna.arthaṁ mukhyān anteṣu vāsayet || 25 ||

1.13. Chapter 13 (Section 9): Keeping a Watch over One's Seducible and Non-seducible Parties

[Note: [ K tr. 31 :: K2 tr. 28]

KAZ01.13.01/ kṛta.mahā.mātra.apasarpaḥ paura.jānapadān apasarpayet | 1 |

KAZ01.13.02/ sattriṇo dvandvinas tīrtha.sabhā.pūga.jana.samavāyeṣu vivādaṁ kuryuḥ | 2 |

KAZ01.13.03/ "sarva.guṇa.sampannaś ca-ayaṁ rājā śrūyate, na ca-asya kaścid guṇo dṛśyate yaḥ paura.jānapadān daṇḍa.karābhyāṁ pīḍayati" iti | 3 |

KAZ01.13.04/ tatra ye 'nupraśaṁseyus tān itaras taṁ ca pratiṣedhayet | 4 |

KAZ01.13.05/ "mātsya.nyāya.abhibhūtāḥ prajā manuṁ vaivasvataṁ rājānaṁ cakrire | 5 |

KAZ01.13.06/ dhānya.ṣaḍ.bhāgaṁ paṇya.daśa.bhāgaṁ hiraṇyaṁ ca-asya bhāga.dheyaṁ prakalpayām-āsuḥ | 6 |

KAZ01.13.07/ tena bhṛtā rājānaḥ prajānāṁ yoga.kṣema.āvahāḥ | 7 |

KAZ01.13.08/ teṣāṁ kilbiṣam adaṇḍa.karā haranty ayoga.kṣema.āvahāś ca prajānām | 8 |

KAZ01.13.09/ tasmād uñcha.ṣaḍ.bhāgam āraṇyakā-api nirvapanti - "tasya-etad bhāga.dheyaṁ yo 'smān gopāyati" iti | 9 |

KAZ01.13.10/ indra.yama.sthānam etad rājānaḥ pratyakṣa.heḍa.prasādāḥ | 10 |

KAZ01.13.11/ tān avamanyamānān daivo 'pi daṇḍaḥ spṛśati | 11 |

KAZ01.13.12/ tasmād rājāno na-avamantavyāḥ | 12 |

KAZ01.13.13/ ity evaṁ kṣudrakān pratiṣedhayet | 13 |

KAZ01.13.14/ kiṁ.vadantīṁ ca vidyuḥ | 14 |

KAZ01.13.15/ ye ca-asya dhānya.paśu.hiraṇyāny ājīvanti, tair upakurvanti vyasane 'bhyudaye vā, kupitaṁ bandhuṁ rāṣṭraṁ vā vyāvartayanti, amitram āṭavikaṁ vā pratiṣedhayanti, teṣāṁ muṇḍa.jaṭila.vyañjanās tuṣṭa.atuṣṭatvaṁ vidyuḥ | 15 |

KAZ01.13.16/ tuṣṭān bhūyo 'rtha.mānābhyāṁ pūjayet | 16 |

[Page 17 ]

KAZ01.13.17/ atuṣṭāṁs tuṣṭi.hetos tyāgena sāmnā ca prasādayet | 17 |

KAZ01.13.18/ parasparād vā bhedayed enān, sāmanta.āṭavika.tat.kulīna.aparuddhebhyaś ca | 18 |

KAZ01.13.19/ tathā-apy atuṣyato daṇḍa.kara.sādhana.adhikāreṇa janapada.vidveṣaṁ grāhayet | 19 |

KAZ01.13.20/ viviṣṭān upāṁśu.daṇḍena janapada.kopena vā sādhayet | 20 |

KAZ01.13.21/ gupta.putra.dārān ākara.karma.anteṣu vā vāsayet pareṣām āspada.bhayāt | 21 |

KAZ01.13.22/ kruddha.lubdha.bhīta.māninas tu pareṣāṁ kṛtyāḥ | 22 |

KAZ01.13.23/ teṣāṁ kārtāntika.naimittika.mauhūrtika.vyañjanāḥ paraspara.abhisambandham amitra.āṭavika.sambandhaṁ vā vidyuḥ | 23 |

KAZ01.13.24/ tuṣṭān artha.mānābhyāṁ pūjayet | 24 |

KAZ01.13.25/ atuṣṭān sāma.dāna.bheda.daṇḍaiḥ sādhayet | 25 |

KAZ01.13.26ab/ evaṁ sva.viṣaye kṛtyān akṛtyāṁś ca vicakṣaṇaḥ |
KAZ01.13.26cd/ para.upajāpāt samrakṣet pradhānān kṣudrakān api || 26 ||

1.14. Chapter 14 (Section 10): Winning over the Enemy's Seducible and Non-seducible Parties

[Note: [ K tr. 33 :: K2 tr. 30]

KAZ01.14.01/ kṛtya.akṛtya.pakṣa.upagrahaḥ sva.viṣaye vyākhyātaḥ, para.viṣaye vācyaḥ | 1 |

KAZ01.14.02/ saṁśrutya-arthān vipralabdhaḥ, tulya.kāriṇoḥ śilpe vā-upakāre vā vimānitaḥ, vallabha.avaruddhaḥ, samāhūya parājitaḥ, pravāsa.upataptaḥ, kṛtvā vyayam alabdha.kāryaḥ, svadharmād dāyādyād vā-uparuddhaḥ, māna.adhikārābhyāṁ bhraṣṭaḥ, kulyair antarhitaḥ, prasabha.abhimṛṣṭa.strīkaḥ, kāra.abhinyastaḥ, para.ukta.daṇḍitaḥ, mithyā.ācāra.vāritaḥ, sarva.svam āhāritaḥ, bandhana.parikliṣṭaḥ, pravāsita.bandhuḥ - iti kruddha.vargaḥ | 2 |

KAZ01.14.03/ svayam upahataḥ, viprakṛtaḥ, pāpa.karma.abhikhyātaḥ, tulya.doṣa.daṇḍena-udvignaḥ, paryātta.bhūmiḥ, daṇḍena-upanataḥ, sarva.adhikaraṇasthaḥ, sahasā.upacita.arthaḥ, tat.kulīna.upāśaṁsuḥ, pradviṣṭo rājñā, rāja.dveṣī ca - iti bhīta.vargaḥ | 3 |

KAZ01.14.04/ parikṣīṇaḥ, anya.ātta.svaḥ, kadaryaḥ, vyasanī, atyāhita.vyavahāraś ca - iti lubdha.vargaḥ | 4 |

[Page 18 ]

KAZ01.14.05/ ātma.sambhāvitaḥ, māna.kāmaḥ, śatru.pūjā.amarṣitaḥ, nīcair upahitaḥ, tīkṣṇaḥ, sāhasikaḥ, bhogena-asantuṣṭaḥ - iti māni.vargaḥ | 5 |

KAZ01.14.06/ teṣāṁ muṇḍa.jaṭila.vyañjanair yo yad.bhaktiḥ kṛtya.pakṣīyas taṁ tena-upajāpayet | 6 |

KAZ01.14.07/ "yathā mada.andho hastī mattena-adhiṣṭhito yad yad āsādayati tat sarvaṁ pramṛdnāti, evam ayam aśāstra.cakṣur andho rājā paura.jānapada.vadhāya-abhyutthitaḥ, śakyam asya pratihasti.protsāhanena-apakartum, amarṣaḥ kriyatām" iti kruddha.vargam upajāpayet | 7 |

KAZ01.14.08/ "yathā līnaḥ sarpo yasmād bhayaṁ paśyati tatra viṣam utsṛjati, evam ayaṁ rājā jāta.doṣa.āśaṅkas tvayi purā krodha.viṣam utsṛjati, anyatra gamyatām" iti bhīta.vargaṁ.upajāpayet | 8 |

KAZ01.14.09/ "yathā śva.gaṇināṁ dhenuḥ śvabhyo duhyate na brāhmaṇebhyaḥ, evam ayaṁ rājā sattva.prajñā.vākya.śakti.hīnebhyo duhyate na-ātma.guṇa.sampannebhyaḥ, asau rājā puruṣa.viśeṣajñaḥ, tatra gamyatām" iti lubdha.vargaṁ.upajāpayet | 9 |

KAZ01.14.10/ "yathā caṇḍāla.uda.pānaś caṇḍālānām eva-upabhogyo na-anyeṣām, evam ayaṁ rājā nīco nīcānām eva-upabhogyo na tvadvidhānām āryāṇām, asau rājā puruṣa.viśeṣajñaḥ, tatra gamyatām" iti māni.vargam upajāpayet | 10 |

KAZ01.14.11ab/ tathā-iti pratipannāṁs tān saṁhitān paṇa.karmaṇā |
KAZ01.14.11cd/ yojayeta yathā.śakti sa-apasarpān sva.karmasu || 11 ||
KAZ01.14.12ab/ labheta sāma.dānābhyāṁ kṛtyāṁś ca para.bhūmiṣu |
KAZ01.14.12cd/ akṛtyān bheda.daṇḍābhyāṁ para.doṣāṁś ca darśayan || 12 ||

1.15. Chapter 15 (Section 11): The Topic of Counsel

[Note: [ K tr. 36 :: K2 tr. 32]

KAZ01.15.01/ kṛta.sva.pakṣa.para.pakṣa.upagrahaḥ kārya.ārambhāṁś cintayet | 1 |

KAZ01.15.02/ mantra.pūrvāḥ sarva.ārambhāḥ | 2 |

KAZ01.15.03/ tad.uddeśaḥ saṁvṛtaḥ kathānām anihśrāvī pakṣibhir apy anālokyaḥ syāt | 3 |

KAZ01.15.04/ śrūyate hi śuka.sārikābhir mantro bhinnaḥ, śvabhir apy anyaiś ca [Page 19 ]tiryag.yonibhir iti | 4 |

KAZ01.15.05/ tasmān mantra.uddeśam anāyukto na-upagacchet | 5 |

KAZ01.15.06/ ucchidyeta mantra.bhedī | 6 |

KAZ01.15.07/ mantra.bhedo hi dūta.amātya.svāminām iṅgita.ākārābhyām | 7 |

KAZ01.15.08/ iṅgitam anyathā.vṛttiḥ | 8 |

KAZ01.15.09/ ākṛti.grahaṇam ākāraḥ | 9 |

KAZ01.15.10/ tasya saṁvaraṇam āyukta.puruṣa.rakṣaṇam ā.kārya.kālād iti | 10 |

KAZ01.15.11/ teṣāṁ hi pramāda.mada.supta.pralāpāḥ, kāma.ādir utsekaḥ, pracchanno 'vamato vā mantraṁ bhinatti | 11 |

KAZ01.15.12/ tasmād ādrakṣen mantram | 12 |

KAZ01.15.13/ "mantra.bhedo hy ayoga.kṣema.karo rājñas tad.āyukta.puruṣāṇāṁ ca | 13 |

KAZ01.15.14/ tasmād guhyam eko mantrayeta" iti bhāradvājaḥ | 14 |

KAZ01.15.15/ "mantriṇām api hi mantriṇo bhavanti, teṣām apy anye | 15 |

KAZ01.15.16/ sā-eṣā mantri.paramparā mantraṁ bhinatti | 16 |

KAZ01.15.17ab/ "tasmān na-asya pare vidyuḥ karma kiñcic cikīrṣitam |
KAZ01.15.17cd/ ārabdhāras tu jānīyur ārabdhaṁ kṛtam eva vā || 17 ||

KAZ01.15.18/ "na-ekasya mantra.siddhir asti" iti viśāla.akṣaḥ | 18 |

KAZ01.15.19/ "pratyakṣa.parokṣa.anumeyā hi rāja.vṛttiḥ | 19 |

KAZ01.15.20/ anupalabdhasya jñānam upalabdhasya niścita.bala.ādhānam artha.dvaidhasya saṁśayac.chedanam eka.deśa.dṛṣṭasya śeṣa.upalabdhir iti mantri.sādhyam etat | 20 |

KAZ01.15.21/ tasmād buddhi.vṛddhaiḥ sārdham adhyāsīta mantram | 21 |

KAZ01.15.22ab/ "na kañcid avamanyeta sarvasya śṛṇuyān matam |
KAZ01.15.22cd/ bālasya-apy arthavad.vākyam upayuñjīta paṇḍitaḥ || 22 ||"

KAZ01.15.23/ "etan mantra.jñānam, na-etan mantra.rakṣaṇam" iti pārāśarāḥ | 23 |

KAZ01.15.24/ "yad asya kāryam abhipretaṁ tat.pratirūpakaṁ mantriṇaḥ pṛcchet - "kāryam idam evam āsīt, evaṁ vā yadi bhavet, tat kathaṁ kartavyam" iti | 24 |

KAZ01.15.25/ te yathā brūyus tat kuryāt | 25 |

KAZ01.15.26/ evaṁ mantra.upalabdhiḥ saṁvṛtiś ca bhavati" iti | 26 |

KAZ01.15.27/ na-iti piśunaḥ | 27 |

KAZ01.15.28/ "mantriṇo hi vyavahitam arthaṁ vṛttam avṛttaṁ vā pṛṣṭā anādareṇa bruvanti prakāśayanti vā | 28 |

KAZ01.15.29/ sa doṣaḥ | 29 |

KAZ01.15.30/ tasmāt karmasu ye yeṣv abhipretās taiḥ saha mantrayeta | 30 |

KAZ01.15.31/ tair mantrayamāṇo hi mantra.siddhiṁ guptiṁ ca labhate" iti | 31 |

[Page 20 ]

KAZ01.15.32/ na-iti kauṭilyaḥ | 32 |

KAZ01.15.33/ anavasthā hy eṣā | 33 |

KAZ01.15.34/ mantribhis tribhiś caturbhir vā saha mantrayeta | 34 |

KAZ01.15.35/ mantrayamāṇo hy ekena-artha.kṛcchreṣu niścayaṁ na-adhigacchet | 35 |

KAZ01.15.36/ ekaś ca mantrī yathā.iṣṭam anavagrahaś carati | 36 |

KAZ01.15.37/ dvābhyāṁ mantrayamāṇo dvābhyāṁ saṁhatābhyām avagṛhyate, vigṛhītābhyāṁ vināśyate | 37 |

KAZ01.15.38/ tat triṣu catuṣu vā kṛcchreṇa-upapadyate | 38 |

KAZ01.15.39/ mahā.doṣam upapannaṁ tu bhavati | 39 |

KAZ01.15.40/ tataḥ pareṣu kṛcchreṇa-artha.niścayo gamyate, mantro vā rakṣyate | 40 |

KAZ01.15.41/ deśa.kāla.kārya.vaśena tv ekena saha dvābhyām eko vā yathā.sāmarthyaṁ mantrayeta | 41 |

KAZ01.15.42/ karmaṇām ārambha.upāyaḥ puruṣa.dravya.sampad deśa.kāla.vibhāgo vinipāta.pratīkāraḥ kārya.siddhir iti pañca.aṅgo mantraḥ | 42 |

KAZ01.15.43/ tān ekaikaśaḥ pṛcchet samastāṁś ca | 43 |

KAZ01.15.44/ hetubhiś ca-eṣāṁ mati.pravivekān vidyāt | 44 |

KAZ01.15.45/ avāpta.arthaḥ kālaṁ na-atikrāmayet | 45 |

KAZ01.15.46/ na dīrgha.kālaṁ mantrayeta, na teṣāṁ pakṣīyair yeṣām apakuryāt | 46 |

KAZ01.15.47/ "mantri.pariṣadaṁ dvādaśa.amātyān kurvīta" iti mānavāḥ | 47 |

KAZ01.15.48/ "ṣoḍaśa" iti bārhaspatyāḥ | 48 |

KAZ01.15.49/ "viṁśatim" ity auśanasāḥ | 49 |

KAZ01.15.50/ yathā.sāmarthyam iti kauṭilyaḥ | 50 |

KAZ01.15.51/ te hy asya sva.pakṣaṁ para.pakṣaṁ ca cintayeyuḥ | 51 |

KAZ01.15.52/ akṛta.ārambham ārabdha.anuṣṭhānam anuṣṭhita.viśeṣaṁ niyoga.sampadaṁ ca karmaṇāṁ kuryuḥ | 52 |

KAZ01.15.53/ āsannaiḥ saha karmāṇi paśyet | 53 |

KAZ01.15.54/ anāsannaiḥ saha pattra.sampreṣaṇena mantrayeta | 54 |

KAZ01.15.55/ indrasya hi mantri.pariṣad.ṛṣīṇāṁ sahasram | 55 |

KAZ01.15.56/ sa tac cakṣuḥ | 56 |

KAZ01.15.57/ tasmād imaṁ dvy.akṣaṁ sahasra.akṣam āhuḥ | 57 |

KAZ01.15.58/ ātyayike kārye mantriṇo mantri.pariṣadaṁ ca-āhūya brūyāt | 58 |

KAZ01.15.59/ tatra yad.bhūyiṣṭhā brūyuḥ kārya.siddhi.karaṁ vā tat kuryāt | 59 | [Page 21 ]kurvataś ca --

KAZ01.15.60ab/ na-asya guhyaṁ pare vidyuś chidraṁ vidyāt parasya ca |
KAZ01.15.60cd/ gūhet kūrma-iva-aṅgāni yat syād vivṛtam ātmanaḥ || 60 ||
KAZ01.15.61ab/ yathā hy aśrotriyaḥ śrāddhaṁ na satāṁ bhoktum arhati |
KAZ01.15.61cd/ evam aśruta.śāstra.artho na mantraṁ śrotum arhati || 61 ||

1.16. Chapter 16 (Section 12): Rules for the Envoy

[Note: [ K tr. 41 :: K2 tr. 36]

KAZ01.16.01/ udvṛtta.mantro dūta.praṇidhiḥ | 1 |

KAZ01.16.02/ amātya.sampadā-upeto nisṛṣṭa.arthaḥ | 2 |

KAZ01.16.03/ pāda.guṇa.hīnaḥ parimita.arthaḥ | 3 |

KAZ01.16.04/ ardha.guṇa.hīnaḥ śāsana.haraḥ | 4 |

KAZ01.16.05/ suprativihita.yāna.vāhana.puruṣa.parivāpaḥ pratiṣṭheta | 5 |

KAZ01.16.06/ śāsanam evaṁ vācyaḥ paraḥ, sa vakṣyaty evam, tasya-idaṁ prativākyam, evam atisandhātavyam, ity adhīyāno gacchet | 6 |

KAZ01.16.07/ aṭavy.anta.pāla.pura.rāṣṭra.mukhyaiś ca pratisaṁsargaṁ gacchet | 7 |

KAZ01.16.08/ anīka.sthāna.yuddha.pratigraha.apasāra.bhūmīr ātmanaḥ parasya ca-avekṣeta | 8 |

KAZ01.16.09/ durga.rāṣṭra.pramāṇaṁ sāra.vṛtti.guptic.chidrāṇi ca-upalabheta | 9 |

KAZ01.16.10/ para.adhiṣṭhānam anujñātaḥ praviśet | 10 |

KAZ01.16.11/ śāsanaṁ ca yathā.uktaṁ brūyāt, prāṇa.ābādhe 'pi dṛṣṭe | 11 |

KAZ01.16.12/ parasya vāci vaktre dṛṣṭyāṁ ca prasādaṁ vākya.pūjanam iṣṭa.paripraśnaṁ guṇa.kathā.saṅgam āsannam āsanaṁ satkāram iṣṭeṣu smaraṇaṁ viśvāsa.gamanaṁ ca lakṣayet tuṣṭasya, viparītam atuṣṭasya | 12 |

KAZ01.16.13/ taṁ brūyāt - "dūta.mukhā hi rājānaḥ, tvaṁ ca-anye ca | 13 |

KAZ01.16.14/ tasmād udyateṣv api [Page 22 ]śastreṣu yathā.uktaṁ vaktāro dūtāḥ | 14 |

KAZ01.16.15/ teṣām anta.avasāyino 'py avadhyāḥ, kim aṅga punar brāhmaṇāḥ | 15 |

KAZ01.16.16/ parasya-etad vākyam | 16 |

KAZ01.16.17/ eṣa dūta.dharmaḥ" iti | 17 |

KAZ01.16.18/ vased avisṛṣṭaḥ pūjayā na-utsiktaḥ | 18 |

KAZ01.16.19/ pareṣu balitvaṁ na manyeta | 19 |

KAZ01.16.20/ vākyam aniṣṭaṁ saheta | 20 |

KAZ01.16.21/ striyaḥ pānaṁ ca varjayet | 21 |

KAZ01.16.22/ ekaḥ śayīta | 22 |

KAZ01.16.23/ supta.mattayor hi bhāva.jñānaṁ dṛṣṭam | 23 |

KAZ01.16.24/ kṛtya.pakṣa.upajāpam akṛtya.pakṣe gūḍha.praṇidhānaṁ rāga.aparāgau bhartari randhraṁ ca prakṛtīnāṁ tāpasa.vaidehaka.vyañjanābhyām upalabheta, tayor antevāsibhiś cikitsaka.pāṣaṇḍa.vyañjana.ubhaya.vetanair vā | 24 |

KAZ01.16.25/ teṣām asambhāṣāyāṁ yācaka.matta.unmatta.supta.pralāpaiḥ puṇya.sthāna.deva.gṛha.citra.lekhya.sañjñābhir vā cāram upalabheta | 25 |

KAZ01.16.26/ upalabdhasya-upajāpam upeyāt | 26 |

KAZ01.16.27/ pareṇa ca-uktaḥ svāsāṁ prakṛtīnāṁ pramāṇaṁ na-ācakṣīta | 27 |

KAZ01.16.28/ "sarvaṁ veda bhavān" iti brūyāt, kārya.siddhi.karaṁ vā | 28 |

KAZ01.16.29/ kāryasya-asiddhāv uparudhyamānas tarkayet - "kiṁ bhartur me vyasanam āsannaṁ paśyan, svaṁ vā vyasanaṁ pratikartu.kāmaḥ, pārṣṇi.grāham āsāram antaḥ.kopam āṭavikaṁ vā samutthāpayitu.kāmaḥ, mitram ākrandaṁ vā vyāghātayitu.kāmaḥ, svaṁ vā parato vigraham antaḥ.kopam āṭavikaṁ vā pratikartu.kāmaḥ, saṁsiddhaṁ vā me bhartur yātrā.kālam abhihantu.kāmaḥ, sasya.paṇya.kupya.saṅgrahaṁ durga.karma bala.samuddānaṁ vā kartu.kāmaḥ, sva.sainyānāṁ vā vyāyāmasya deśa.kālāv ākāṅkṣamāṇaḥ, paribhava.pramādābhyāṁ vā, saṁsarga.anubandha.arthī vā, mām uparuṇaddhi" iti | 29 |

KAZ01.16.30/ jñātvā vased apasared vā | 30 |

KAZ01.16.31/ prayojanam iṣṭam avekṣeta vā | 31 |

KAZ01.16.32/ śāsanam aniṣṭam uktvā bandha.vadha.bhayād avisṛṣṭo 'py apagacchet, anyathā niyamyeta | 32 |

KAZ01.16.33ab/ preṣaṇaṁ sandhi.pālatvaṁ pratāpo mitra.saṅgrahaḥ |
KAZ01.16.33cd/ upajāpaḥ suhṛd.bhedo gūḍha.daṇḍa.atisāraṇam || 33 ||
KAZ01.16.34ab/ bandhu.ratna.apaharaṇaṁ cāra.jñānaṁ parākramaḥ |
KAZ01.16.34cd/ samādhi.mokṣo dūtasya karma yogasya ca-āśrayaḥ || 34 ||
[Page 23 ]
KAZ01.16.35ab/ sva.dūtaiḥ kārayed etat para.dūtāṁś ca rakṣayet |
KAZ01.16.35cd/ pratidūta.apasarpābhyāṁ dṛśya.adṛśyaiś ca rakṣibhiḥ || 35 ||

1.17. Chapter 17 (Section 13): Guarding against Princes

[Note: [ K tr. 44 :: K2 tr. 39]

KAZ01.17.01/ rakṣito rājā rājyaṁ rakṣaty āsannebhyaḥ parebhyaś ca, pūrvaṁ dārebhyaḥ putrebhyaś ca | 1 |

KAZ01.17.02/ dāra.rakṣaṇaṁ niśānta.praṇidhau vakṣyāmaḥ | 2 |

KAZ01.17.03/ "putra.rakṣaṇaṁ tu | 3 |

KAZ01.17.04/ "janma.prabhṛti rāja.putrān rakṣet | 4 |

KAZ01.17.05/ karkaṭaka.sadharmāṇo hi janaka.bhakṣā rāja.putrāḥ | 5 |

KAZ01.17.06/ teṣām ajāta.snehe pitary upāṁśu.daṇḍaḥ śreyān" iti bhāradvājaḥ | 6 |

KAZ01.17.07/ "nṛśaṁsam aduṣṭa.vadhaḥ kṣatra.bīja.vināśaś ca" iti viśāla.akṣaḥ | 7 |

KAZ01.17.08/ "tasmād eka.sthāna.avarodhaḥ śreyān" iti | 8 |

KAZ01.17.09/ ahi.bhayam etad" iti pārāśarāḥ | 9 |

KAZ01.17.10/ "kumāro hi "vikrama.bhayān māṁ pitā-avaruṇaddhi" iti jñātvā tam eva-aṅke kuryāt | 10 |

KAZ01.17.11/ tasmād anta.pāla.durge vāsaḥ śreyān" iti | 11 |

KAZ01.17.12/ "aurabhraṁ bhayam etad" iti piśunaḥ | 12 |

KAZ01.17.13/ "pratyāpatter hi tad eva kāraṇaṁ jñātvā-anta.pāla.sakhaḥ syāt | 13 |

KAZ01.17.14/ tasmāt sva.viṣayād apakṛṣṭe sāmanta.durge vāsaḥ śreyān" iti | 14 |

KAZ01.17.15/ "vatsa.sthānam etad" iti kauṇapadantaḥ | 15 |

KAZ01.17.16/ "vatsena-iva hi dhenuṁ pitaram asya sāmanto duhyāt | 16 |

KAZ01.17.17/ tasmān mātṛ.bandhuṣu vāsaḥ śreyān" iti | 17 |

KAZ01.17.18/ "dhvaja.sthānam etad" iti vāta.vyādhiḥ | 18 |

KAZ01.17.19/ "tena hi dhvajena-aditi.kauśikavad asya mātṛ.bāndhavā bhikṣeran | 19 |

KAZ01.17.20/ tasmād grāmya sukheṣv enam avasṛjet | 20 |

KAZ01.17.21/ sukha.uparuddhā hi putrāḥ pitaraṁ na-abhidruhyanti" iti | 21 |

KAZ01.17.22/ jīvan.maraṇam etad iti kauṭilyaḥ | 22 |

KAZ01.17.23/ kāṣṭham iva ghuṇa.jagdhaṁ rāja.kulam avinīta.putram abhiyukta.mātraṁ bhajyeta | 23 |

KAZ01.17.24/ tasmād ṛtumatyāṁ mahiṣyām ṛtvijaś carum aindrābārhaspatyaṁ [Page 24 ]nirvapeyuḥ | 24 |

KAZ01.17.25/ āpanna.sattvāyāḥ kaumāra.bhṛtyo garbha.bharmaṇi prasave ca viyateta | 25 |

KAZ01.17.26/ prajātāyāḥ putra.saṁskāraṁ purohitaḥ kuryāt | 26 |

KAZ01.17.27/ samarthaṁ tadvido vinayeyuḥ | 27 |

KAZ01.17.28/ "sattriṇām ekaś ca-enaṁ mṛgayā.dyūta.madya.strībhiḥ pralobhayet "pitari vikramya rājyaṁ gṛhāṇa" iti | 28 |

KAZ01.17.29/ tam anyaḥ sattrī pratiṣedhayet" ity āmbhīyāḥ | 29 |

KAZ01.17.30/ mahā.doṣam abuddha.bodhanam it kauṭilyaḥ | 30 |

KAZ01.17.31/ navaṁ hi dravyaṁ yena yena-artha.jātena-upadihyate tat tad ācūṣati | 31 |

KAZ01.17.32/ evam ayaṁ nava.buddhir yad yad ucyate tat tat.śāstra.upadeśam iva-abhijānāti | 32 |

KAZ01.17.33/ tasmād dharmyam arthyaṁ ca-asya-upadiśen na-adharmyam anarthyaṁ ca | 33 |

KAZ01.17.34/ sattriṇas tv enaṁ "tava smaḥ" iti vadantaḥ pālayeyuḥ | 34 |

KAZ01.17.35/ yauvana.utsekāt para.strīṣu manaḥ kurvāṇam āryā.vyañjanābhiḥ strībhir amedhyābhiḥ śūnya.āgāreṣu rātrāv udvejayeyuḥ | 35 |

KAZ01.17.36/ madya.kāmaṁ yoga.pānena-udvejayeyuḥ | 36 |

KAZ01.17.37/ dyūta.kāmaṁ kāpaṭikair udvejayeyuḥ | 37 |

KAZ01.17.38/ mṛgayā.kāmaṁ pratirodhaka.vyañjanais trāsayeyuḥ | 38 |

KAZ01.17.39/ pitari vikrama.buddhiṁ "tathā" ity anupraviśya bhedayeyuḥ - "aprārthanīyo rājā, vipanne ghātaḥ, sampanne naraka.pātaḥ, saṅkrośaḥ, prajābhir eka.loṣṭa.vadhaś ca" iti | 39 |

KAZ01.17.40/ virāgaṁ vedayeyuḥ | 40 |

KAZ01.17.41/ priyam eka.putraṁ badhnīyāt | 41 |

KAZ01.17.42/ bahu.putraḥ pratyantam anya.viṣayaṁ vā preṣayed yatra garbhaḥ paṇyaṁ ḍimbo vā na bhavet | 42 |

KAZ01.17.43/ ātma.sampannaṁ saināpatye yauvarājye vā sthāpayet | 43 |

KAZ01.17.44/ buddhimān.āhārya.buddhir durbuddhir iti putra.viśeṣāḥ | 44 |

KAZ01.17.45/ śiṣyamāṇo dharma.arthāv upalabhate ca-anutiṣṭhati ca buddhimān | 45 |

KAZ01.17.46/ upalabhamāno na-anutiṣṭhaty āhārya.buddhiḥ | 46 |

KAZ01.17.47/ apāya.nityo dharma.artha.dveṣī ca-iti durbuddhiḥ | 47 |

KAZ01.17.48/ sa yady eka.putraḥ putra.utpattāv asya prayateta | 48 |

KAZ01.17.49/ putrikā.putrān utpādayed vā | 49 |

KAZ01.17.50/ vṛddhas tu vyādhito vā rājā mātṛ.bandhu.kulya.guṇavat.sāmantānām anyatamena kṣetre bījam utpādayet | 50 |

KAZ01.17.51/ na ca-eka.putram avinītaṁ rājye sthāpayet | 51 |

KAZ01.17.52ab/ bahūnām eka.samrodhaḥ pitā putra.hito bhavet |
KAZ01.17.52cd/ anyatra-āpada aiśvaryaṁ jyeṣṭha.bhāgi tu pūjyate || 52 ||
[Page 25 ]
KAZ01.17.53ab/ kulasya vā bhaved rājyaṁ kula.saṅgho hi durjayaḥ |
KAZ01.17.53cd/ arāja.vyasana.ābādhaḥ śaśvad āvasati kṣitim || 53 ||

1.18. Chapter 18 (Sections 14; 15): Conduct of the Prince in Disfavour; Behaviour towards a Prince in Disfavour

[Note: [ K tr. 49 :: K2 tr. 43]

KAZ01.18.01/ vinīto rāja.putraḥ kṛcchra.vṛttir asadṛśe karmaṇi niyuktaḥ pitaram anuvarteta, anyatra prāṇa.ābādhaka.prakṛti.kopaka.pātakebhyaḥ | 1 |

KAZ01.18.02/ puṇye karmaṇi niyuktaḥ puruṣam adhiṣṭhātāraṁ yācet | 2 |

KAZ01.18.03/ puruṣa.adhiṣṭhitaś ca saviśeṣam ādeśam anutiṣṭhet | 3 |

KAZ01.18.04/ abhirūpaṁ ca karma.phalam aupāyanikaṁ ca lābhaṁ pitur upanāyayet | 4 |

KAZ01.18.05/ tathā-apy atuṣyantam anyasmin putre dāreṣu vā snihyantam araṇyāya-āpṛccheta | 5 |

KAZ01.18.06/ bandha.vadha.bhayād vā yaḥ sāmanto nyāya.vṛttir dhārmikaḥ satya.vāg.avisaṁvādakaḥ pratigrahītā mānayitā ca-abhipannānāṁ tam āśrayeta | 6 |

KAZ01.18.07/ tatrasthaḥ kośa.daṇḍa.sampannaḥ pravīra.puruṣa.kanyā.sambandham aṭavī.sambandhaṁ kṛtya.pakṣa.upagrahaṁ ca kuryāt | 7 |

KAZ01.18.08/ eka.caraḥ suvarṇa.pāka.maṇi.rāga.hema.rūpya.paṇya.ākara.karma.antān ājīvet | 8 |

KAZ01.18.09/ pāṣaṇḍa.saṅgha.dravyam aśrotriya.upabhogyaṁ vā deva.dravyam āḍhya.vidhavā.dravyaṁ vā gūḍham anupraviśya sārtha.yāna.pātrāṇi ca madana.rasa.yogena-atisandhāya-apaharet | 9 |

KAZ01.18.10/ pāragrāmikaṁ vā yogam ātiṣṭhet | 10 |

KAZ01.18.11/ mātuḥ parijana.upagraheṇa vā ceṣṭeta | 11 |

KAZ01.18.12/ kāru.śilpi.kuśīlava.cikitsaka.vāg.jīvana.pāṣaṇḍac.chadmabhir vā naṣṭa.rūpas tad.vyañjana.sakhaś.chidreṣu praviśya rājñaḥ śastra.rasābhyāṁ prahṛtya brūyāt - "aham asau kumāraḥ, saha.bhogyam idaṁ rājyam, eko na-arhati bhoktum, ye kāmayante māṁ bhartuṁ tān ahaṁ dviguṇena bhakta.vetanena-upasthāsyāmi" iti | 12 | ity aparuddha.vṛttam |

KAZ01.18.13/ aparuddhaṁ tu mukhya.putra.apasarpāḥ pratipādya-ānayeyuḥ, mātā vā pratigṛhītā | 13 |

[Page 26 ]

KAZ01.18.14/ tyaktaṁ gūḍha.puruṣāḥ śastra.rasābhyāṁ hanyuḥ | 14 |

KAZ01.18.15/ atyaktaṁ tulya.śīlābhiḥ strībhiḥ pānena mṛgayayā vā prasañjayitvā rātrāv upagṛhya-ānayeyuḥ | 15 |

KAZ01.18.16ab/ upasthitaṁ ca rājyena mad.ūrdhvam iti sāntvayet |
KAZ01.18.16cd/ ekastham atha samrundhyāt putravāṁs tu pravāsayet || 16 ||

1.19. Chapter 19 (Section 16): Rules for the King

[Note: [ K tr. 51 :: K2 tr. 45]

KAZ01.19.01/ rājānam utthitam anūttiṣṭhante bhṛtyāḥ | 1 |

KAZ01.19.02/ pramādyantam anupramādyanti | 2 |

KAZ01.19.03/ karmāṇi ca-asya bhakṣayanti | 3 |

KAZ01.19.04/ dviṣadbhiś ca-atisandhīyate | 4 |

KAZ01.19.05/ tasmād utthānam ātmanaḥ kurvīta | 5 |

KAZ01.19.06/ nālikābhir ahar aṣṭadhā rātriṁ ca vibhajet, chāyā.pramāṇena vā | 6 |

KAZ01.19.07/ tripauruṣī pauruṣī catur.aṅgulā naṣṭac.chāyo madhya.ahna-iti catvāraḥ pūrve divasasya-aṣṭa.bhāgāḥ | 7 |

KAZ01.19.08/ taiḥ paścimā vyākhyātāḥ | 8 |

KAZ01.19.09/ tatra pūrve divasasya-aṣṭa.bhāge rakṣā.vidhānam āya.vyayau ca śṛṇuyāt | 9 |

KAZ01.19.10/ dvitīye paura.jānapadānāṁ kāryāṇi paśyet | 10 |

KAZ01.19.11/ tṛtīye snāna.bhojanaṁ seveta, svādhyāyaṁ ca kurvīta | 11 |

KAZ01.19.12/ caturthe hiraṇya.pratigraham adhyakṣāṁś ca kurvīta | 12 |

KAZ01.19.13/ pañcame mantri.pariṣadā pattra.sampreṣaṇena mantrayeta, cāra.guhya.bodhanīyāni ca budhyeta | 13 |

KAZ01.19.14/ ṣaṣṭhe svaira.vihāraṁ mantraṁ vā seveta | 14 |

KAZ01.19.15/ saptame hasty.aśva.ratha.āyudhīyān paśyet | 15 |

KAZ01.19.16/ aṣṭame senā.pati.sakho vikramaṁ cintayet | 16 |

KAZ01.19.17/ pratiṣṭhite 'hani sandhyām upāsīta | 17 |

[Page 27 ]

KAZ01.19.18/ prathame rātri.bhāge gūḍha.puruṣān paśyet | 18 |

KAZ01.19.19/ dvitīye snāna.bhojanaṁ kurvīta, svādhyāyaṁ ca | 19 |

KAZ01.19.20/ tṛtīye tūrya.ghoṣeṇa saṁviṣṭaś caturtha.pañcamau śayīta | 20 |

KAZ01.19.21/ ṣaṣṭhe tūrya.ghoṣeṇa pratibuddhaḥ śāstram itikartavyatāṁ ca cintayet | 21 |

KAZ01.19.22/ saptame mantram adhyāsīta, gūḍha.puruṣāṁś ca preṣayet | 22 |

KAZ01.19.23/ aṣṭame ṛtvig.ācārya.purohita.svastyayanāni pratigṛhṇīyāt, cikitsaka.māhānasika.mauhūrtikāṁś ca paśyet | 23 |

KAZ01.19.24/ savastāṁ dhenuṁ vṛṣabhaṁ ca pradakṣiṇī.kṛtya-upasthānaṁ gacchet | 24 |

KAZ01.19.25/ ātma.bala.ānukūlyena vā niśā.ahar.bhāgān pravibhajya kāryāṇi seveta | 25 |

KAZ01.19.26/ upasthāna.gataḥ kārya.arthinām advāra.āsaṅgaṁ kārayet | 26 |

KAZ01.19.27/ durdarśo hi rājā kārya.akārya.viparyāsam āsannaiḥ kāryate | 27 |

KAZ01.19.28/ tena prakṛti.kopam ari.vaśaṁ vā gacchet | 28 |

KAZ01.19.29/ tasmād devatā.āśrama.pāṣaṇḍa.śrotriya.paśu.puṇya.sthānānāṁ bāla.vṛddha.vyādhita.vyasany.anāthānāṁ strīṇāṁ ca krameṇa kāryāṇi paśyet, kārya.gauravād ātyayika.vaśena vā | 29 |

KAZ01.19.30ab/ sarvam ātyayikaṁ kāryaṁ śṛṇuyān na-atipātayet | [Note: KAZ01.19.30ab/ ś]
KAZ01.19.30cd/ kṛcchra.sādhyam atikrāntam asādhyaṁ vā-api jāyate || 30 || [Note: KAZ01.19.30cd/ ś]
KAZ01.19.31ab/ agny.agāra.gataḥ kāryaṁ paśyed vaidya.tapasvinām | [Note: KAZ01.19.31ab/ ś]
KAZ01.19.31cd/ purohita.ācārya.sakhaḥ pratyutthāya-abhivādya ca || 31 || [Note: KAZ01.19.31cd/ ś]
KAZ01.19.32ab/ tapasvināṁ tu kāryāṇi traividyaiḥ saha kārayet | [Note: KAZ01.19.32ab/ ś]
KAZ01.19.32cd/ māyā.yogavidāṁ caiva na svayaṁ kopa.kāraṇāt || 32 || [Note: KAZ01.19.32cd/ ś]
KAZ01.19.33ab/ rājño hi vratam utthānaṁ yajñaḥ kārya.anuśāsanam | [Note: KAZ01.19.33ab/ ś]
KAZ01.19.33cd/ dakṣiṇā vṛtti.sāmyaṁ tu dīkṣā tasya-abhiṣecanam || 33 || [Note: KAZ01.19.33cd/ ś]
KAZ01.19.34ab/ prajā.sukhe sukhaṁ rājñaḥ prajānāṁ ca hite hitam | [Note: KAZ01.19.34ab/ ś]
KAZ01.19.34cd/ na-ātma.priyaṁ hitaṁ rājñaḥ prajānāṁ tu priyaṁ hitam || 34 || [Note: KAZ01.19.34cd/ ś]
KAZ01.19.35ab/ tasmān nitya.utthito rājā kuryād artha.anuśāsanam |
KAZ01.19.35cd/ arthasya mūlam utthānam anarthasya viparyayaḥ || 35 || [Note: KAZ01.19.35cd/ ś]
KAZ01.19.36ab/ anutthāne dhruvo nāśaḥ prāptasya-anāgatasya ca | [Note: KAZ01.19.36ab/ ś]
KAZ01.19.36cd/ prāpyate phalam utthānāl labhate ca-arthasampadam || 36 || [Note: KAZ01.19.36cd/ ś]
[Page 28 ]

1.20. Chapter 20 (Section 17): Regulations for the Royal Residence

[Note: [ K tr. 54 :: K2 tr. 48]

KAZ01.20.01/ vāstuka.praśaste deśe saprākāra.parikhā.dvāram aneka.kakṣyā.parigatam antaḥpuraṁ kārayet | 1 |

KA01.20.02/ kośagṛha.vidhānena madhye vāsa.gṛham, gūḍha.bhitti.sañcāraṁ mohana.gṛhaṁ tan.madhye vā vāsa.gṛham, bhūmi.gṛhaṁ vā-āsanna.caitya.kāṣṭha.devatā.apidhāna.dvāram aneka.suruṅgā.sañcāraṁ tasya-upari prāsādaṁ gūḍha.bhitti.sopānaṁ suṣira.stambha.praveśa.apasāraṁ vā vāsa.gṛhaṁ yantra.baddha.tala.avapātaṁ kārayet, āpat.pratīkāra.artham āpadi vā | 2 |

KAZ01.20.03/ ato 'nyathā vā vikalpayet, saha.adhyāyi.bhayāt | 3 |

KAZ01.20.04/ mānuṣeṇa-agninā trir apasavyaṁ parigatam antaḥpuram agnir anyo na dahati, na ca-atra-anyo 'gnir jvalati, vaidyutena bhasmanā mṛt.samyuktena karaka.vāriṇā-avaliptaṁ ca | 4 |

KAZ01.20.05/ jīvantī.śvetā.muṣkaka.puṣpa.vandākābhir akṣīve jātasya-aśvatthasya pratānena guptaṁ sarpā viṣāṇi vā na prabhavanti | 5 |

KAZ01.20.06/ mayūra.nakula.pṛṣata.utsargaḥ sarpān bhakṣayati | 6 |

KAZ01.20.07/ śukaḥ sārikā bhṛṅga.rājo vā sarpa.viṣa.śaṅkāyāṁ krośati | 7 |

KAZ01.20.08/ krauñco viṣa.abhyāśe mādyati, glāyati jīvaṁ.jīvakaḥ, mriyate matta.kokilaḥ, cakorasya-akṣiṇī virajyete | 8 |

KAZ01.20.09/ ity evam agni.viṣa.sarpebhyaḥ pratikurvīta | 9 |

KAZ01.20.10/ pṛṣṭhataḥ kakṣyā.vibhāge strī.niveśo garbha.vyādhi.saṁsthā vṛkṣa.udaka.sthānaṁ ca | 10 |

KAZ01.20.11/ bahiḥ kanyā.kumāra.puram | 11 |

KAZ01.20.12/ purastād alaṅkāra.bhūmir mantra.bhūmir upasthānaṁ kumāra.adhyakṣa.sthānaṁ ca | 12 |

KAZ01.20.13/ kakṣya.antareṣv antarvaṁśika.sainyaṁ tiṣṭhet | 13 |

KAZ01.20.14/ antar.gṛha.gataḥ sthavira.strī.pariśuddhāṁ devīṁ paśyet | 14 |

KAZ01.20.15/ devī.gṛhe līno hi bhrātā bhadrasenaṁ jaghāna, mātuḥ śayyā.antargataś ca putraḥ kārūṣam | 15 |

KAZ01.20.16/ lājān madhunā-iti viṣeṇa paryasya devī kāśi.rājam, viṣa.digdhena nūpreṇa vairantyam, mekhalā.maṇinā [Page 29 ]sauvīram, jālūtham ādarśena, veṇyāṁ gūḍhaṁ śastraṁ kṛtvā devī vidūrathaṁ jaghāna | 16 |

KAZ01.20.17/ tasmād etāny āspadāni pariharet | 17 |

KAZ01.20.18/ muṇḍa.jaṭila.kuhaka.pratisaṁsargaṁ bāhyābhiś ca dāsībhiḥ pratiṣedhayet | 18 |

KAZ01.20.19/ na ca-enāḥ kulyāḥ paśyeyuḥ, anyatra garbha.vyādhi.saṁsthābhyaḥ | 19 |

KAZ01.20.20/ rūpa.ājīvāḥ snāna.pragharṣa.śuddha.śarīrāḥ parivartita.vastra.alaṅkārāḥ paśyeyuḥ | 20 |

KAZ01.20.21/ aśītikāḥ puruṣāḥ pañcāśatkāḥ striyo vā mātā.pitṛ.vyañjanāḥ sthavira.varṣadhara.abhyāgārikāś ca-avarodhānāṁ śauca.āśaucaṁ vidyuḥ, sthāpayeyuś ca svāmi.hite, | 21 |

KAZ01.20.22ab/ sva.bhūmau ca vaset sarvaḥ para.bhūmau na sañcaret | [Note: KAZ01.20.22ab/ ś]
KAZ01.20.22cd/ na ca bāhyena saṁsargaṁ kaścid ābhyantaro vrajet || 22 || [Note: KAZ01.20.22cd/ ś]
KAZ01.20.23ab/ sarvaṁ ca-avekṣitaṁ dravyaṁ nibaddha.āgama.nirgamam | [Note: KAZ01.20.23ab/ ś]
KAZ01.20.23cd/ nirgacched abhigacched vā mudrā.saṅkrānta.bhūmikam || 23 || [Note: KAZ01.20.23cd/ ś]

1.21. Chapter 21 (Section 18): Protection of the King's Person

[Note: [ K tr. 58 :: K2 tr. 51]

KAZ01.21.01/ śayanād utthitaḥ strī.gaṇair dhanvibhiḥ parigṛhyate, dvitīyasyāṁ kakṣyāyāṁ kañcuka.uṣṇīṣibhir varṣa.dhara.abhyāgārikaiḥ, tṛtīyasyāṁ kubja.vāmana.kirātaiḥ, caturthyāṁ mantribhiḥ sambandhibhir dauvārikaiś ca prāsa.pāṇibhiḥ | 1 |

KAZ01.21.02/ pitṛ.paitāmahaṁ sambandha.anubaddhaṁ śikṣitam anuraktaṁ kṛta.karmāṇaṁ ca janam āsannaṁ kurvīta, na-anyato.deśīyam akṛta.artha.mānaṁ sva.deśīyaṁ vā-apy apakṛtya-upagṛhītam | 2 |

KAZ01.21.03/ antar.vaṁśika.sainyaṁ rājānam antaḥpuraṁ ca rakṣet | 3 |

KAZ01.21.04/ gupte deśe māhānasikaḥ sarvam āsvāda.bāhulyena karma kārayet | 4 |

KAZ01.21.05/ tad rajā tathaiva pratibhuñjīta pūrvam agnaye vayobhyaś ca baliṁ kṛtvā | 5 |

[Page 30 ]

KAZ01.21.06/ agner jvālā.dhūma.nīlatā śabda.sphoṭanaṁ ca viṣa.yuktasya, vayasāṁ vipattiś ca | 6 |

KAZ01.21.07a/ annasya ūṣmā mayūra.grīva.ābhaḥ śaityam āśu kliṣṭasya-iva vaivarṇyaṁ sa-udakatvam aklinnatvaṁ ca -

KAZ01.21.07b/ vyañjanānām āśu śuṣkatvaṁ ca kvātha.dhyāma.phena.paṭala.vicchinna.bhāvo gandha.sparśa.rasa.vadhaś ca -

KAZ01.21.07c/ draveṣu hīna.atiriktac.chāyā.darśanaṁ phena.paṭala.sīmanta.ūrdhva.rājī.darśanaṁ ca -

KAZ01.21.07d/ rasasya madhye nīlā rājī, payasas tāmrā, madya.toyayoḥ kālī, dadhnaḥ śyāmā, madhunaḥ śvetā, dravyāṇām ārdrāṇām āśu pramlānatvam utpakva.bhāvaḥ kvātha.nīla.śyāvatā ca -

KAZ01.21.07e/ śuṣkāṇām āśu śātanaṁ vaivarṇyaṁ ca, -

KAZ01.21.07f/ kaṭhinānāṁ mṛdutvaṁ mṛdūnāṁ ca kaṭhinatvam, tad.abhyāśe kṣudra.sattva.vadhaś ca, -

KAZ01.21.07g/ āstaraṇa.pravaraṇānāṁ dhyāma.maṇḍalatā tanturoma.pakṣma.śātanaṁ ca, -

KAZ01.21.07h/ loha.maṇimayānāṁ paṅkama.lopadehatā sneha.rāga.gaurava.prabhāva.varṇa.sparśavadhaś ca - iti viṣayuktasya liṅgāni | 7 |

KAZ01.21.08/ viṣa.pradasya tu śuṣka.śyāva.vaktratā vāk.saṅgaḥ svedo vijṛmbhaṇaṁ ca-atimātraṁ vepathuḥ praskhalanaṁ vākya.viprekṣaṇam āvegaḥ karmaṇi sva.bhūmau ca-anavasthānam iti | 8 |

KAZ01.21.09/ tasmād asya jāṅgulīvido bhiṣajaś ca-āsannāḥ syuḥ | 9 |

KAZ01.21.10/ bhiṣag.bhaiṣajya.agārād āsvāda.viśuddham auṣadhaṁ gṛhītvā pācaka.peṣakābhyām ātmanā ca pratisvādya rājñe prayacchet | 10 |

KAZ01.21.11/ pānaṁ pānīyaṁ ca-auṣadhena vyākhyātam | 11 |

KAZ01.21.12/ kalpaka.prasādhakāḥ snāna.śuddha.vastra.hastāḥ samudram upakaraṇam antarvaṁśika.hastād ādāya paricareyuḥ | 12 |

KAZ01.21.13/ snāpaka.saṁvāhaka.āstaraka.rajaka.mālā.kāra.karma dāsyaḥ prasiddha.śaucāḥ kuryuḥ, tābhir adhiṣṭhitā vā śilpinaḥ | 13 |

KAZ01.21.14/ ātma.cakṣuṣi niveśya vastra.mālyaṁ dadyuḥ, snāna.anulepana.pragharṣa.cūrṇa.vāsa.snānīyāni ca sva.vakṣo.bāhuṣu ca | 14 |

KAZ01.21.15/ etena parasmād āgatakaṁ vyākhyātam | 15 |

KAZ01.21.16/ kuśīlavāḥ śastra.agni.rasa.krīḍā.varjaṁ narmayeyuḥ | 16 |

KAZ01.21.17/ ātodyāni ca-eṣām antas tiṣṭheyuḥ, aśva.ratha.dvipa.alaṅkārāś ca | 17 |

KAZ01.21.18/ āpta.puruṣa.adhiṣṭhitaṁ yāna.vāhanam ārohet, nāvaṁ ca-āpta.nāvika.adhiṣṭhitam | 18 |

KAZ01.21.19/ anya.nau.pratibaddhāṁ vāta.vega.vaśāṁ ca na-upeyāt | 19 |

KAZ01.21.20/ udaka.ante sainyam āsīta | 20 |

[Page 31 ]

KAZ01.21.21/ matsya.grāha.viśuddham udakam avagāheta | 21 |

KAZ01.21.22/ vyāla.grāha.viśuddham udyānaṁ gacchet | 22 |

KAZ01.21.23/ lubdhaka.śva.gaṇibhir apāsta.stena.vyāla.para.ābādha.bhayaṁ cala.lakṣya.paricaya.arthaṁ mṛga.araṇyaṁ gacchet | 23 |

KAZ01.21.24/ āpta.śastra.grāha.adhiṣṭhitaḥ siddha.tāpasaṁ paśyet, mantri.pariṣadā saha sāmanta.dūtam | 24 |

KAZ01.21.25/ samnaddho 'śvaṁ hastinaṁ vā-ārūḍhaḥ samnaddham anīkaṁ paśyet | 25 |

KAZ01.21.26/ niryāṇe 'bhiyāne ca rāja.mārgam ubhayataḥ kṛta.ārakṣaṁ śastribhir daṇḍibhiś ca-apāsta.śastra.hasta.pravrajita.vyaṅgaṁ gacchet | 26 |

KAZ01.21.27/ na puruṣa.sambādham avagāheta | 27 |

KAZ01.21.28/ yātrā.samāja.utsava.prahavaṇāni ca daśa.vargika.adhiṣṭhitāni gacchet | 28 |

KAZ01.21.29ab/ yathā ca yoga.puruṣair anyān rājā-adhitiṣṭhati | [Note: KAZ01.21.29ab/ ś]
KAZ01.21.29cd/ tathā-ayam anya.ābādhebhyo rakṣed ātmānam ātmavān || 29 || [Note: KAZ01.21.29cd/ ś]

2. Book 2: The Activity of the Heads of Departments

[Page 32 ] [Note: [ K tr. 62--218 :: K2 tr. 55--189]

2.1. Chapter 1 (Section 19): Settlement of the Countryside

[Note: [ K tr. 62 :: K2 tr. 55]

KAZ02.01.01/ bhūta.pūrvam abhūta.pūrvaṁ vā jana.padaṁ para.deśa.apavāhanena sva.deśa.abhiṣyanda.vamanena vā niveśayet | 1 |

KAZ02.01.02/ śūdra.karṣaka.prāyaṁ kula.śata.avaraṁ pañca.kula.śata.paraṁ grāmaṁ krośad.vikrośa.sīmānam anyonya.ārakṣaṁ niveśayet | 2 |

KAZ02.01.03/ nalī.śaila.vana.bhṛṣṭi.darī.setu.bandha.śamī.śālmalī.kṣīra.vṛkṣān anteṣu sīmnāṁ sthāpayet | 3 |

KAZ02.01.04/ aṣṭaśata.grāmyā madhye sthānīyam, catuhśata.grāmyā droṇa.mukham, dviśata.grāmyāḥ kārvaṭikam, daśa.grāmī.saṅgraheṇa saṅgrahaṁ sthāpayet | 4 |

KAZ02.01.05/ anteṣv anta.pāla.durgāṇi jana.pada.dvārāṇy anta.pāla.adhiṣṭhitāni sthāpayet | 5 |

KAZ02.01.06/ teṣām antarāṇi vāgurika.śabara.pulinda.caṇḍāla.araṇya.carā rakṣeyuḥ | 6 |

KAZ02.01.07a/ ṛtvig.ācārya.purohita.śrotriyebhyo brahma.deyāny adaṇḍa.karāṇy abhirūpa.dāyādakāni prayacchet -

KAZ02.01.07b/ adhyakṣa.saṅkhyāyaka.ādibhyo gopa.sthānika.anīkastha.cikitsaka.aśva.damaka.jaṅghākārikebhyaś ca vikraya.ādhāna.varjāni | 7 |

KAZ02.01.08/ karadebhyaḥ kṛta.kṣetrāṇy aikapuruṣikāṇi prayacchet | 8 |

KAZ02.01.09/ akṛtāni kartṛbhyo na-ādeyāni | 9 |

KAZ02.01.10/ akṛṣatām āchidya-anyebhyaḥ prayacchet | 10 |

KAZ02.01.11/ grāma.bhṛtaka.vaidehakā vā kṛṣeyuḥ | 11 |

KAZ02.01.12/ akṛṣanto vā-avahīnaṁ dadyuḥ | 12 |

KAZ02.01.13/ dhānya.paśu.hiraṇyaiś ca-etān anugṛhṇīyāt | 13 |

KAZ02.01.14/ tāny anu sukhena dadyuḥ | 14 |

KAZ02.01.15/ anugraha.parihārau ca-etebbhyaḥ kośa.vṛddhi.karau dadyāt, kośa.upaghātakau varjayet | 15 |

KAZ02.01.16/ alpa.kośo hi rājā paura.jānapadān eva grasate | 16 |

KAZ02.01.17/ niveśa.sama.kālaṁ yathā.āgatakaṁ vā parihāraṁ dadyāt | 17 |

KAZ02.01.18/ nivṛtta.parihārān pitā-iva-anugṛhṇīyāt | 18 |

[Page 33 ]

KAZ02.01.19/ ākara.karma.anta.dravya.hasti.vana.vraja.vaṇik.patha.pracārān vāri.sthala.patha.paṇya.pattanāni ca niveśayet | 19 |

KAZ02.01.20/ saha.udakam āhārya-udakaṁ vā setuṁ bandhayet | 20 |

KAZ02.01.21/ anyeṣāṁ vā badhnatāṁ bhūmi.mārga.vṛkṣa.upakaraṇa.anugrahaṁ kuryāt, puṇya.sthāna.ārāmāṇāṁ ca | 21 |

KAZ02.01.22/ sambhūya.setu.bandhād apakrāmataḥ karmakara.balīvardāḥ karma kuryuḥ | 22 |

KAZ02.01.23/ vyayakarmaṇi ca bhāgī syāt, na ca-aṁśaṁ labheta | 23 |

KAZ02.01.24/ matsya.plava.hari.tapaṇyānāṁ setuṣu rājā svāmyaṁ gacchet | 24 |

KAZ02.01.25/ dāsa.āhitaka.bandhūn aśṛṇvato rājā vinayaṁ grāhayet | 25 |

KAZ02.01.26/ bāla.vṛddha.vyasany.anāthāṁś ca rājā bibhṛyāt, striyam aprajātāṁ prajātāyaś ca putrān | 26 |

KAZ02.01.27/ bāla.dravyaṁ grāma.vṛddhā vardhayeyur ā vyavahāra.prāpaṇāt, deva.dravyaṁ ca | 27 |

KAZ02.01.28/ apatya.dāraṁ mātā.pitarau bhrātṝn aprāpta.vyavahārān bhaginīḥ kanyā vidhavāś ca-abibhrataḥ śaktimato dvādaśa.paṇo daṇḍaḥ, anyatra patitebhyaḥ, anyatra mātuḥ | 28 |

KAZ02.01.29/ putra.dāram apratividhāya pravrajataḥ pūrvaḥ sāhasa.daṇḍaḥ, striyaṁ ca pravrājayataḥ | 29 |

KAZ02.01.30/ lupta.vyāyāmaḥ pravrajed āpṛcchya dharmasthān | 30 |

KAZ02.01.31/ anyathā niyamyeta | 31 |

KAZ02.01.32/ vānaprasthād anyaḥ pravrajita.bhāvaḥ, sajātād anyaḥ saṅghaḥ, sāmutthāyikād anyaḥ samaya.anubandho vā na-asya jana.padam upaniviśeta | 32 |

KAZ02.01.33/ na ca tatra-ārāmā vihāra.arthā vā śālāḥ syuḥ | 33 |

KAZ02.01.34/ naṭa.nartaka.gāyana.vādaka.vāg.jīvana.kuśīlavā na karma.vighnaṁ kuryuḥ | 34 |

KAZ02.01.35/ nirāśrayatvād grāmāṇāṁ kṣetra.abhiratatvāc ca puruṣāṇāṁ kośa.viṣṭi.dravya.dhānya.rasa.vṛddhir bhavati | 35 |

KAZ02.01.36ab/ para.cakra.aṭavī.grastaṁ vyādhi.durbhikṣa.pīḍitam | [Note: KAZ02.01.36ab/ ś]
KAZ02.01.36cd/ deśaṁ parihared rājā vyaya.krīḍāś ca vārayet || 36 || [Note: KAZ02.01.36cd/ ś]
KAZ02.01.37ab/ daṇḍa.viṣṭi.kara.ābādhai rakṣed upahatāṁ kṛṣim | [Note: KAZ02.01.37ab/ ś]
KAZ02.01.37cd/ stena.vyāla.viṣa.grāhair vyādhibhiś ca paśu.vrajān || 37 || [Note: KAZ02.01.37cd/ ś]
KAZ02.01.38ab/ vallabhaiḥ kārmikaiḥ stenair anta.pālaiś ca pīḍitam | [Note: KAZ02.01.38ab/ ś]
KAZ02.01.38cd/ śodhayet paśu.saṅghaiś ca kṣīyamāṇaṁ vaṇik.patham || 38 || [Note: KAZ02.01.38cd/ ś]
[Page 34 ]
KAZ02.01.39ab/ evaṁ dravya.dvi.pavanaṁ setu.bandham atha-ākarān | [Note: KAZ02.01.39ab/ ś]
KAZ02.01.39cd/ rakṣet pūrva.kṛtān rājā navāṁś ca-abhipravartayet || 39 || [Note: KAZ02.01.39cd/ ś]

2.2. Chapter 2 (Section 20): Disposal of Non-agricultural Land

[Note: [ K tr. 67 :: K2 tr. 59]

KAZ02.2.01/ akṛṣyāyāṁ bhūmau paśubhyo vivītāni prayacchet | 1 |

KAZ02.2.02/ pradiṣṭa.abhaya.sthāvara.jaṅgamāni ca brahma.soma.araṇyāni tapasvibhyo go.ruta.parāṇi prayacchet | 2 |

KAZ02.2.03/ tāvan.mātram eka.dvāraṁ khāta.guptaṁ svādu.phala.gulma.guccham akaṇṭaki.drumam uttāna.toya.āśayaṁ dānta.mṛga.catuṣpadaṁ bhagna.nakha.daṁṣṭra.vyālaṁ mārgayuka.hasti.hastinīka.labhaṁ mṛga.vanaṁ vihāra.arthaṁ rājñaḥ kārayet | 3 |

KAZ02.2.04/ sarva.atithi.mṛgaṁ pratyante ca-anyan.mṛga.vanaṁ bhūmi.vaśena vā niveśayet | 4 |

KAZ02.2.05/ kupya.pradiṣṭānāṁ ca dravyāṇām eka.ekaśo vanāni niveśayet, dravya.vana.karma.antān aṭavīś ca dravya.vana.apāśrayāḥ | 5 |

KAZ02.2.06/ pratyante hasti.vanam aṭavy.ārakṣaṁ niveśayet | 6 |

KAZ02.2.07/ nāga.vana.adhyakṣaḥ pārvataṁ na-ādeyaṁ sāra.sama.anūpaṁ ca nāga.vanaṁ vidita.paryanta.praveśa.niṣkāsaṁ nāga.vana.pālaiḥ pālayet | 7 |

KAZ02.2.08/ hasti.ghātinaṁ hanyuḥ | 8 |

KAZ02.2.09/ danta.yugaṁ svayaṁ.mṛtasya-āharataḥ sapāda.catuṣpaṇo lābhaḥ | 9 |

KAZ02.2.10/ nāga.vana.pālā hastipaka.pāda.pāśika.saimika.vana.caraka.pārikarmika.sakhā hasti.mūtra.purīṣac.channa.gandhā bhallātakī.śākhā.pracchannāḥ pañcabhiḥ saptabhir vā hasti.bandhakībhiḥ saha carantaḥ śayyā.sthāna.padyā.leṇḍa.kūla.ghāta.uddeśena hasti.kula.paryagraṁ vidyuḥ | 10 |

KAZ02.2.11/ yūtha.caram eka.caraṁ niryūthaṁ yūtha.patiṁ hastinaṁ vyālaṁ mattaṁ potaṁ bandha.muktaṁ ca nibandhena vidyuḥ | 11 |

KAZ02.2.12/ anīkastha.pramāṇaiḥ praśasta.vyañjana.ācārān hastino gṛhṇīyuḥ | 12 |

KAZ02.2.13/ hasti.pradhānaṁ vijayo rājñaḥ | 13 |

KAZ02.2.14/ para.anīka.vyūha.durga.skandha.āvāra.pramardanā hy atipramāṇa.śarīrāḥ prāṇa.hara.karmāṇo hastinaḥ | 14 |

[Page 35 ]
KAZ02.2.15ab/ kāliṅga.aṅgarajāḥ śreṣṭhāḥ prācyāś cedi.karūṣajāḥ | [Note: KAZ02.2.15ab/ ś]
KAZ02.2.15cd/ dāśārṇāś ca-apara.antāś ca dvipānāṁ madhyamā matāḥ || 15 || [Note: KAZ02.2.15cd/ ś]
KAZ02.2.16ab/ saurāṣṭrikāḥ pāñcanadās teṣāṁ pratyavarāḥ smṛtāḥ | [Note: KAZ02.2.16ab/ ś]
KAZ02.2.16cd/ sarveṣāṁ karmaṇā vīryaṁ javas tejaś ca vardhate || 16 || [Note: KAZ02.2.16cd/ ś]

2.3. Chapter 3 (Section 21): Construction of Forts

[Note: [ K tr. 69 :: K2 tr. 61]

KAZ02.3.01/ caturdiśaṁ jana.pada.ante sāmparāyikaṁ daiva.kṛtaṁ durgaṁ kārayet, antar.dvīpaṁ sthalaṁ vā nimna.avaruddham audakam, prāstaraṁ guhāṁ vā pārvatam, nirudaka.stambam iriṇaṁ vā dhānvanam, [Page 36 ]khañjana.udakaṁ stamba.gahanaṁ vā vana.durgam | 1 |

KAZ02.3.02/ teṣāṁ nadī.parvata.durgaṁ jana.pada.ārakṣa.sthānam, dhānvana.vana.durgam aṭavī.sthānam āpady apasāro vā | 2 |

KAZ02.3.03/ jana.pada.madhye samudaya.sthānaṁ sthānīyaṁ niveśayet, vāstuka.praśaste deśe nadī.saṅgame hradasya-aviśoṣasya-aṅke sarasas taṭākasya vā, vṛttaṁ dīrghaṁ catur.aśraṁ vā vāstu.vaśena vā pradakṣiṇa.udakaṁ paṇya.puṭa.bhedanam aṁsapatha.vāri.pathābhyām upetam | 3 |

KAZ02.3.04/ tasya parikhās tisro daṇḍa.antarāḥ kārayet caturdaśa dvādaśa daśa-iti daṇḍān vistīrṇāḥ, vistārād avagāḍhāḥ pāda.ūnam ardhaṁ vā, tribhāga.mūlāḥ, mūla.catur.aśrā vā, pāṣāṇa.upahitāḥ pāṣāṇa.iṣṭakā.baddha.pārśvā vā, toya.antikīr āgantu.toya.pūrṇā vā saparivāhāḥ padma.grāhavatīś ca | 4 |

KAZ02.3.05/ caturdaṇḍa.apakṛṣṭaṁ parikhāyāḥ ṣaḍdaṇḍa.ucchritam avaruddhaṁ tad.dviguṇa.viṣkambhaṁ khātād vapraṁ kārayed ūrdhva.cayaṁ mañca.pṛṣṭhaṁ kumbha.kukṣikaṁ vā hastibhir gobhiś ca kṣuṇṇaṁ kaṇṭaki.gulma.viṣa.vallī.pratānavantam | 5 |

KAZ02.3.06/ pāṁsu.śeṣeṇa vāstuc.chidraṁ rāja.bhavanaṁ vā pūrayet | 6 |

KAZ02.3.07a/ vaprasya-upari prākāraṁ viṣkambha.dviguṇa.utsedham aiṣṭakaṁ dvādaśa.hastād ūrdhvam ojaṁ yugmaṁ vā ā caturviṁśati.hastād iti kārayet -

KAZ02.3.07b/ ratha.caryā.sañcāraṁ tāla.mūlaṁ murajakaiḥ kapi.śīrṣakaiś ca-ācita.agram | 7 |

KAZ02.3.08/ pṛthu.śilā.saṁhataṁ vā śailaṁ kārayet, na tv eva kāṣṭamayam | 8 |

KAZ02.3.09/ agnir avahito hi tasmin vasati | 9 |

KAZ02.3.10/ viṣkambha.catur.aśram aṭṭālakam utsedha.sama.avakṣepa.sopānaṁ kārayet triṁśad.daṇḍa.antaraṁ ca | 10 |

KAZ02.3.11/ dvayor aṭṭālakayor madhye saharmya.dvi.talām adhyardhāya.āyāmāṁ pratolīṁ kārayet | 11 |

KAZ02.3.12/ aṭṭālaka.pratolī.madhye tri.dhānuṣka.adhiṣṭhānaṁ sa-apidhānac.chidra.phalaka.saṁhatam indra.kośaṁ kārayet | 12 |

KAZ02.3.13/ antareṣu dvihasta.viṣkambhaṁ pārśve catur.guṇa.āyāmaṁ deva.pathaṁ kārayet | 13 |

KAZ02.3.14/ daṇḍa.antarā dvi.daṇḍa.antarā vā caryāḥ kārayet, agrāhye deśe pradhāvanikāṁ niṣkira.dvāraṁ ca | 14 |

[Page 37 ]

KAZ02.3.15/ bahir.jānu.bhañjanī.śūla.prakara.kūpa.kūṭa.avapāta.kaṇṭaka.pratisara.ahi.- pṛṣṭha.tāla.pattra.śṛṅga.aṭaka.śva.daṁṣṭra.argala.upaskandana.pāduka.- ambarīṣa.uda.pānakaiḥ praticchannaṁ channa.pathaṁ kārayet | 15 |

KAZ02.3.16/ prākāram ubhayato meṇḍhakam adhyardha.daṇḍaṁ kṛtvā pratolī.ṣaṭ.tulā.antaraṁ dvāraṁ niveśayet pañca.daṇḍād eka.uttaram ā.aṣṭa.daṇḍād iti catur.aśraṁ ṣaḍ.bhāgam āyāmād.adhikam aṣṭa.bhāgaṁ vā | 16 |

KAZ02.3.17/ pañca.daśa.hastād eka.uttaram ā.aṣṭādaśa.hastād iti tala.utsedhaḥ | 17 |

KAZ02.3.18/ stambhasya parikṣepaḥ ṣaḍ.āyāmo, dviguṇo nikhātaḥ, cūlikāyāś catur.bhāgaḥ | 18 |

KAZ02.3.19/ ādi.talasya pañca.bhāgāḥ śālā vāpī sīmā.gṛhaṁ ca | 19 |

KAZ02.3.20/ daśa.bhāgikau dvau pratimañcau, antaram āṇī.harmyaṁ ca | 20 |

KAZ02.3.21/ samucchrayād ardha.tale sthūṇā.bandhaś ca | 21 |

KAZ02.3.22/ ardha.vāstukam uttama.agāram, tribhāga.antaraṁ vā, iṣṭakā.avabaddha.pārśvam, vāmataḥ pradakṣiṇa.sopānaṁ gūḍha.bhitti.sopānam itarataḥ | 22 |

KAZ02.3.23/ dvi.hastaṁ toraṇa.śiraḥ | 23 |

KAZ02.3.24/ tri.pañca.bhāgikau dvau kapāṭa.yogau | 24 |

KAZ02.3.25/ dvau parighau | 25 |

KAZ02.3.26/ aratnir indra.kīlaḥ | 26 |

KAZ02.3.27/ pañca.hastam āṇi.dvāram | 27 |

KAZ02.3.28/ catvāro hasti.parighāḥ | 28 |

KAZ02.3.29/ niveśa.ardhaṁ hasti.nakham | 29 |

KAZ02.3.30/ mukha.samaḥ saṅkramaḥ saṁhāryo bhūmimayo vā nirudake | 30 |

KAZ02.3.31/ prākāra.samaṁ mukham avasthāpya tri.bhāga.godhā.mukhaṁ gopuraṁ kārayet | 31 |

KAZ02.3.32/ prākāra.madhye vāpīṁ kṛtvā puṣkariṇī.dvāram, catuḥ.śālam adhyardha.antaraṁ sāṇikaṁ kumārī.puram, muṇḍa.harmya.dvi.talaṁ muṇḍaka.dvāram, bhūmi.dravya.vaśena vā niveśayet | 32 |

KAZ02.3.33/ tri.bhāga.adhika.āyāmā bhāṇḍa.vāhinīḥ kulyāḥ kārayet | 33 |

[Page 38 ]
KAZ02.3.34ab/ tāsu pāṣāṇa.kuddālāḥ kuṭhārī.kāṇḍa.kalpanāḥ | [Note: KAZ02.3.34ab/ ś]
KAZ02.3.34cd/ muṣuṇḍhī.mudgarā daṇḍāś cakra.yantra.śataghnayaḥ || 34 || [Note: KAZ02.3.34cd/ ś]
KAZ02.3.35ab/ kāryāḥ kārmārikāḥ śūlā vedhana.agrāś ca veṇavaḥ | [Note: KAZ02.3.35ab/ ś]
KAZ02.3.35cd/ uṣṭra.grīvyo 'gni.samyogāḥ kupya.kalpe ca yo vidhiḥ || 35 || [Note: KAZ02.3.35cd/ ś]

2.4. Chapter 4 (Section 22): Lay-out of the Fortified City

[Note: [ K tr. 77 :: K2 tr. 67]

KAZ02.4.01/ trayaḥ prācīnā rāja.mārgās traya udīcīnā iti vāstu.vibhāgaḥ | 1 |

KAZ02.4.02/ sa dvādaśa.dvāro yukta.udaka.bhramac.channa.pathaḥ | 2 |

KAZ02.4.03/ catur.daṇḍa.antarā rathyāḥ | 3 |

KAZ02.4.04/ rāja.mārga.droṇa.mukha.sthānīya.rāṣṭra.vivīta.pathāḥ samyānīya.vyūha.śmaśāna.grāma.pathāś ca-aṣṭa.daṇḍāḥ | 4 |

KAZ02.4.05/ catur.daṇḍaḥ setu.vana.pathaḥ, dvi.daṇḍo hasti.kṣetra.pathaḥ, pañca.aratnayo ratha.pathaḥ, catvāraḥ paśu.pathaḥ, dvau kṣudra.paśu.manuṣya.pathaḥ | 5 |

KAZ02.4.06/ pravīre vāstuni rāja.niveśaś cāturvarṇya.samājīve | 6 |

KAZ02.4.07/ vāstu.hṛdayād uttare nava.bhāge yathā.ukta.vidhānam antaḥpuraṁ prān.mukham udan.mukhaṁ vā kārayet | 7 |

KAZ02.4.08/ tasya pūrva.uttaraṁ bhāgam ācārya.purohita.ijyā.toya.sthānaṁ mantriṇaś ca-āvaseyuḥ, pūrva.dakṣiṇaṁ bhāgm mahānasaṁ hasti.śālā koṣṭha.agāraṁ ca | 8 |

KAZ02.4.09/ tataḥ paraṁ gandha.mālya.rasa.paṇyāḥ prasādhana.kāravaḥ kṣatriyāś ca pūrvāṁ diśam adhivaseyuḥ | 9 |

KAZ02.4.10/ dakṣiṇa.pūrvaṁ bhāgaṁ bhāṇḍa.agāram akṣa.paṭalaṁ karma.niṣadyāś ca, dakṣiṇa.paścimaṁ bhāgaṁ kupya.gṛham āyudha.agāraṁ ca | 10 |

KAZ02.4.11/ tataḥ paraṁ nagara.dhānya.vyāvahārika.kārmāntika.bala.adhyakṣāḥ pakva.anna.surā.māṁsa.paṇyā rūpājīvās tālāvacarā vaiśyāś ca dakṣiṇāṁ diśam adhivaseyuḥ | 11 |

KAZ02.4.12/ paścima.dakṣiṇaṁ bhāgaṁ khara.uṣṭra.gupti.sthānaṁ karma.gṛhaṁ ca, paścima.uttaraṁ bhāgaṁ yāna.ratha.śālāḥ | 12 |

KAZ02.4.13/ tataḥ param ūrṇā.sūtra.veṇu.carma.varma.śastra.āvaraṇa.kāravaḥ śūdrāś ca paścimāṁ diśam adhivaseyuḥ | 13 |

[Page 39 ]

KAZ02.4.14/ uttara.paścimaṁ bhāgaṁ paṇya.bhaiṣajya.gṛham, uttara.pūrvaṁ bhāgaṁ kośo gava.aśvaṁ ca | 14 |

KAZ02.4.15/ tataḥ paraṁ nagara.rāja.devatā.loha.maṇi.kāravo brāhmaṇāś ca-uttarāṁ diśam adhivaseyuḥ | 15 |

KAZ02.4.16/ vāstuc.chidra.anuśāleṣu śreṇī.prapaṇi.nikāyā āvaseyuḥ | 16 |

KAZ02.4.17/ apara.ajita.apratihata.jayanta.vaijayanta.koṣṭhān śiva.vaiśravaṇa.aśvi.śrī.madirā.gṛhāṇi ca pura.madhye kārayet | 17 |

KAZ02.4.18/ yathā.uddeśaṁ vāstu.devatāḥ sthāpayet | 18 |

KAZ02.4.19/ brāhma.aindra.yāmya.saināpatyāni dvārāṇi | 19 |

KAZ02.4.20/ bahiḥ parikhāyā dhanuḥ.śata.apakṛṣṭāś caitya.puṇya.sthāna.vana.setu.bandhāḥ kāryāḥ, yathā.diśaṁ ca dig.devatāḥ | 20 |

KAZ02.4.21/ uttaraḥ pūrvo vā śmaśāna.bhāgo varṇa.uttamānām, dakṣiṇena śmaśānaṁ varṇa.avarāṇām | 21 |

KAZ02.4.22/ tasya-atikrame pūrvaḥ sāhasa.daṇḍaḥ | 22 |

KAZ02.4.23/ pāṣaṇḍa.caṇḍālānāṁ śmaśāna.ante vāsaḥ | 23 |

KAZ02.4.24/ karma.anta.kṣetra.vaśena kuṭumbināṁ sīmānaṁ sthāpayet | 24 |

KAZ02.4.25/ teṣu puṣpa.phala.vāṭān dhānya.paṇya.nicayāṁś ca-anujñātāḥ kuryuḥ | 25 |

KAZ02.4.26/ daśa.kulī.vāṭaṁ kūpa.sthānam | 26 |

KAZ02.4.27/ sarva.sneha.dhānya.kṣāra.lavaṇa.gandha.bhaiṣajya.śuṣka.śāka.yavasa.- vallūra.tṛṇa.kāṣṭha.loha.carma.aṅgāra.snāyu.viṣa.viṣāṇa.veṇu.valkala.- sāra.dāru.praharaṇa.āvaraṇa.aśma.nicayān aneka.varṣa.upabhoga.sahān kārayet | 27 |

KAZ02.4.28/ navena-anavaṁ śodhayet | 28 |

KAZ02.4.29/ hasti.aśva.ratha.pādātam aneka.mukhyam avasthāpayet | 29 |

KAZ02.4.30/ aneka.mukhyaṁ hi paraspara.bhayāt para.upajāpaṁ na-upaiti | 30 |

KAZ02.4.31/ etena-anta.pāla.durga.saṁskārā vyākhyātāḥ | 31 |

KAZ02.4.32ab/ na ca bāhirikān kuryāt pure rāṣṭra.upaghātakān | [Note: KAZ02.4.32ab/ ś]
KAZ02.4.32cd/ kṣipej jana.pade ca-etān sarvān vā dāpayet karān || 32 || [Note: KAZ02.4.32cd/ ś]

2.5. Chapter 5 (Section 23): Duties of the Director of Stores

[Page 40 ] [Note: [ K tr. 82 :: K2 tr. 72]

KAZ02.5.01/ samnidhātā kośa.gṛhaṁ paṇya.gṛhaṁ koṣṭha.agāraṁ kupya.gṛham āyudha.agāraṁ bandhana.agāraṁ ca kārayet | 1 |

KAZ02.5.02/ catur.aśrāṁ vāpīm an-udaka.upasnehāṁ khānayitvā pṛthu.śilābhir ubhayataḥ pārśvaṁ mūlaṁ ca pracitya sāra.dāru.pañjaraṁ bhūmi.samaṁ tri.talam aneka.vidhānaṁ kuṭṭima.deśa.sthāna.talam eka.dvāraṁ yantra.yukta.sopānaṁ bhūmi.gṛhaṁ kārayet | 2 |

KAZ02.5.03/ tasya-upari-ubhayato.niṣedhaṁ sa-pragrīvam aiṣṭakaṁ bhāṇḍa.vāhinī.parikṣiptaṁ kośa.gṛhaṁ kārayet, prāsādaṁ vā | 3 |

KAZ02.5.04/ jana.pada.ante dhruva.nidhim āpad.artham abhityaktaiḥ kārayet | 4 |

KAZ02.5.05a/ pakva.iṣṭakā.stambhaṁ catuḥ.śālam eka.dvāram aneka.sthāna.talaṁ vivṛta.stambha.apasāram ubhayataḥ paṇya.gṛhaṁ koṣṭha.agāraṁ ca -

KAZ02.5.05b/ dīrgha.bahu.śālaṁ kakṣya.āvṛta.kuḍyam antaḥ kupya.gṛham, tad eva bhūmi.gṛha.yuktam āyudha.agāraṁ -

KAZ02.5.05c/ pṛthag.dharma.sthīyaṁ mahā.mātrīyaṁ vibhakta.strī.puruṣa.sthānam apasārataḥ sugupta.kakṣyaṁ bandhana.agāraṁ kārayet | 5 |

KAZ02.5.06/ sarveṣāṁ śālāḥ khāta.uda.pāna.varca.snāna.gṛha.agni.viṣa.trāṇa.mārjāra.nakula.- ārakṣā.sva.daivata.pūjana.yuktāḥ kārayet | 6 |

KAZ02.5.07/ koṣṭha.agāre varṣamānam aratni.mukhaṁ kuṇḍaṁ sthāpayet | 7 |

KAZ02.5.08/ tat.jāta.karaṇa.adhiṣṭhitaḥ purāṇaṁ navaṁ ca ratnaṁ sāraṁ phalgu kupyaṁ vā pratigṛhṇīyāt | 8 |

KAZ02.5.09/ tatra ratna.upadhāv uttamo daṇḍaḥ kartuḥ kārayituś ca sāra.upadhau madhyamaḥ, phalgu.kupya.upadhau tat-ca tāvat-ca daṇḍaḥ | 9 |

KAZ02.5.10/ rūpa.darśaka.viśuddhaṁ hiraṇyaṁ pratigṛhṇīyāt | 10 |

KAZ02.5.11/ aśuddhaṁ chedayet | 11 |

KAZ02.5.12/ āhartuḥ pūrvaḥ sāhasa.daṇḍaḥ | 12 |

KAZ02.5.13/ śuddhaṁ pūrṇam abhinavaṁ ca dhānyaṁ pratigṛhṇīyāt | 13 |

KAZ02.5.14/ viparyaye mūlya.dviguṇo daṇḍaḥ | 14 |

[Page 41 ]

KAZ02.5.15/ tena paṇyaṁ kupyam āyudhaṁ ca vyākhyātam | 15 |

KAZ02.5.16/ sarva.adhikaraṇeṣu yukta.upayukta.tatpuruṣāṇāṁ paṇa.ādi.catuṣ.paṇa.parama.apahāreṣu pūrva.madhyama.uttama.vadhā daṇḍāḥ | 16 |

KAZ02.5.17/ kośa.adhiṣṭhitasya kośa.avacchede ghātaḥ | 17 |

KAZ02.5.18/ tad.vaiyāvṛtya.karāṇām ardha.daṇḍāḥ | 18 |

KAZ02.5.19/ paribhāṣaṇam avijñāte | 19 |

KAZ02.5.20/ corāṇām abhipradharṣaṇe citro ghātaḥ | 20 |

KAZ02.5.21/ tasmād āpta.puruWa.adhiṣṭhitaḥ samnidhātā nicayān anutiṣṭhet | 21 |

KAZ02.5.22a/ bāhyam abhyantaraṁ cāyaṁ vidyād varṣa.śatād api | [Note: KAZ02.5.22a/ ś]

KAZ02.5.22b/ yathā pṛṣṭo na sajjeta vyaye śeṣe ca sañcaye || 22 || [Note: KAZ02.5.22b/ ś]

2.6. Chapter 6 (Section 24): The Setting up of Revenue by the Administrator

[Note: [ K tr. 86 :: K2 tr. 75]

KAZ02.6.01/ samāhartā durgaṁ rāṣṭraṁ khaniṁ setuṁ vanaṁ vrajaṁ vaṇik.pathaṁ ca-avekṣeta | 1 |

KAZ02.6.02/ śulkaṁ daṇḍaḥ pautavaṁ nāgariko lakṣaṇa.adhyakṣo mudrā.adhyakṣaḥ surā sūnā sūtraṁ tailaṁ ghṛtaṁ kṣāraḥ sauvarṇikaḥ paṇya.saṁsthā veśyā dyūtaṁ vāstukaṁ kāru.śilpi.gaṇo devatā.adhyakṣo dvāra.bahirikā.ādeyaṁ ca durgam | 2 |

KAZ02.6.03/ sītā bhāgo baliḥ karo vaṇik nadī.pālas taro nāvaḥ pattanaṁ vivicitaṁ vartanī rajjuś cora.rajjuś ca rāṣṭram | 3 |

KAZ02.6.04/ suvarṇa.rajata.vajra.maṇi.muktā.pravāla.śaṅkha.loha.lavaṇa.bhūmi.- prastara.rasa.dhātavaḥ khaniḥ | 4 |

KAZ02.6.05/ puṣpa.phala.vāṭa.ṣaṇḍa.kedāra.mūla.vāpāḥ setuḥ | 5 |

KAZ02.6.06/ paśu.mṛga.dravya.hasti.vana.parigraho vanam | 6 |

KAZ02.6.07/ go.mahiṣam aja.avikaṁ khara.uṣtram aśva.aśvataraṁ ca vrajaḥ | 7 |

KAZ02.6.08/ sthala.patho vāri.pathaś ca vaṇik.pathaḥ | 8 |

KAZ02.6.09/ ity āya.śarīram | 9 |

KAZ02.6.10/ mūlyaṁ bhāgo vyājī parighaḥ klṛptaṁ rūpikam atyayaś ca-āya.mukham | 10 |

[Page 42 ]

KAZ02.6.11/ deva.pitṛ.pūjā.dāna.artham, svasti.vācanam, antaḥpuram, mahānasam, dūta.prāvartimam, koṣṭha.agāram, āyudha.agāram, paṇya.gṛham, kupya.gṛham, karma.anto, viṣṭiḥ, patti.aśva.ratha.dvipa.parigraho, go.maṇḍalam, paśu.mṛga.pakṣi.vyāla.vāṭāḥ, kāṣṭha.tṛṇa.vāṭāś ca-iti vyaya.śarīram | 11 |

KAZ02.6.12/ rāja.varṣaṁ māsaḥ pakṣo divasaś ca vyuṣṭam, varṣā.hemanta.grīṣmāṇāṁ tṛtīya.saptamā divasa.ūnāḥ pakṣāḥ śeṣāḥ pūrṇāḥ, pṛthag.adhimāsakaḥ, iti kālaḥ | 12 |

KAZ02.6.13/ karaṇīyaṁ siddhaṁ śeṣam āya.vyayau nīvī ca | 13 |

KAZ02.6.14/ saṁsthānaṁ pracāraḥ śarīra.avasthāpanam ādānaṁ sarva.samudaya.piṇḍaḥ sañjātaṁ - etat karaṇīyam | 14 |

KAZ02.6.15/ kośa.arpitaṁ rāja.hāraḥ pura.vyayaś ca praviṣṭaṁ parama.saṁvatsara.anuvṛttaṁ śāsana.muktaṁ mukha.ājñaptaṁ ca-apātanīyaṁ - etat siddham | 15 |

KAZ02.6.16/ siddhi.karma.yogaḥ daṇḍa.śeṣam āharaṇīyaṁ balāt.kṛta.pratiṣṭabdham avamṛṣṭaṁ ca praśodhyaṁ - etat-śeṣam, asāram alpa.sāraṁ ca | 16 |

KAZ02.6.17/ vartamānaḥ paryuṣito 'nya.jātaś ca-āyaḥ | 17 |

KAZ02.6.18/ divasa.anuvṛtto vartamānaḥ | 18 |

KAZ02.6.19/ parama.sāṁvatsarikaḥ para.pracāra.saṅkrānto vā paryuṣitaḥ | 19 |

KAZ02.6.20/ naṣṭa.prasmṛtam āyukta.daṇḍaḥ pārśvaṁ pārihīṇikam aupāyanikaṁ ḍamara.gataka.svam aputrakaṁ nidhiś ca-anya.jātaḥ | 20 |

KAZ02.6.21/ vikṣepa.vyādhita.antara.ārambha.śeṣaṁ ca vyaya.pratyāyaḥ | 21 |

KAZ02.6.22/ vikriye paṇyānām argha.vṛddhir upajā, māna.unmāna.viśeṣo vyājī, kraya.saṅgharṣe vārdha.vṛddhiḥ - ity āyaḥ | 22 |

KAZ02.6.23/ nityo nitya.utpādiko lābho lābha.utpādika iti vyayaḥ | 23 |

KAZ02.6.24/ divasa.anuvṛtto nityaḥ | 24 |

KAZ02.6.25/ pakṣa.māsa.saṁvatsara.lābho lābhaḥ | 25 |

KAZ02.6.26/ tayor utpanno nitya.utpādiko lābha.utpādika iti vyayaḥ | 26 |

KAZ02.6.27/ sañjātād āya.vyaya.viśuddhā nīvī, prāptā ca-anuvṛttā ca | 27 |

KAZ02.6.28ab/ evaṁ kuryāt samudayaṁ vṛddhiṁ ca-āyasya darśayet | [Note: KAZ02.6.28ab/ ś]
KAZ02.6.28cd/ hrāsaṁ vyayasya ca prājñaḥ sādhayec ca viparyayam || 28 || [Note: KAZ02.6.28cd/ ś]

2.7. Chapter 7 (Section 25): Records and Accounts and Audit Office

[Page 43 ] [Note: [ K tr. 92 :: K2 tr. 80]

KAZ02.7.01/ akṣa.paṭalam adhyakṣaḥ prān.mukham udan.mukhaṁ vā vibhakta.upasthānaṁ nibandha.pustaka.sthānaṁ kārayet | 1 |

KAZ02.7.02/ tatra-adhikaraṇānāṁ saṅkhyā.pracāra.sañjāta.agram, karma.antānāṁ dravya.prayoga.vṛddhi.kṣaya.vyaya.prayāma.vyājī.yoga.sthāna.vetana.- viṣṭi.pramāṇam, ratna.sāra.phalgu.kupyānām argha.prativarṇaka.māna.pratimāna.unmāna.avamāna.bhāṇḍam, deśa.grāma.jāti.kula.saṅghānāṁ dharma.vyavahāra.caritra.saṁsthānam, rāja.upajīvināṁ pragraha.pradeśa.bhoga.parihāra.bhakta.vetana.lābham, rājñaś ca patnī.putrāṇāṁ ratna.bhūmi.lābhaṁ nirdeśa.utpātika.pratīkāra.lābham, mitra.amitrāṇāṁ ca sandhi.vigraha.pradāna.ādānaṁ nibandha.pustakasthaṁ kārayet | 2 |

KAZ02.7.03/ tataḥ sarva.adhikaraṇānāṁ karaṇīyaṁ siddhaṁ śeṣam āya.vyayau nīvīm upasthānaṁ pracāraṁ caritraṁ saṁsthānaṁ ca nibandhena prayacchet | 3 |

KAZ02.7.04/ uttama.madhyama.avareṣu ca karmasu taj.jātikam adhyakṣaṁ kuryāt, sāmudayikeṣv avaklṛptikaṁ yam upahatya rājā na-anutapyeta | 4 |

KAZ02.7.05/ sahagrāhiṇaḥ pratibhuvaḥ karma.upajīvinaḥ putrā bhrātaro bhāryā duhitaro bhṛtyāś ca-asya karmac.chedaṁ vaheyuḥ | 5 |

KAZ02.7.06/ tri.śataṁ catuḥ.pañcāśat-ca-ahorātrāṇāṁ karma.saṁvatsaraḥ | 6 |

KAZ02.7.07/ tam āṣāḍhī.paryavasānam ūnaṁ pūrṇaṁ vā dadyāt | 7 |

KAZ02.7.08/ karaṇa.adhiṣṭhitam adhimāsakaṁ kuryāt | 8 |

KAZ02.7.09/ apasarpa.adhiṣṭhitañca pracāram | 9 |

KAZ02.7.10/ pracāra.caritra.saṁsthānāny anupalabhamāno hi prakṛtaḥ samudayam ajñānena parihāpayati, utthāna.kleśa.asahatvād ālasyena, śabdādiṣv indriya.artheṣu prasaktaḥ pramādena, saṅkrośa.adharma.anartha.bhīru.bhāyena, kārya.arthiṣv anugraha.buddhiḥ kāmena, hiṁsā.buddhiḥ kopena, vidyā.dravya.vallabha.apāśrayād darpeṇa, tulā.māna.tarka.gaṇita.antara.upadhānāt-lobhena | 10 |

KAZ02.7.11/ "teṣām ānupūrvyā yāvān artha.upaghātas tāvān eka.uttaro daṇḍaḥ" iti mānavāḥ | 11 |

KAZ02.7.12/ "sarvatra-aṣṭa.guṇaḥ" iti pārāśarāḥ | 12 |

KAZ02.7.13/ "daśa.guṇaḥ" iti bārhaspatyāḥ | 13 |

KAZ02.7.14/ "viṁśati.guṇaḥ" ity auśanasāḥ | 14 |

KAZ02.7.15/ yathā.aparādham iti kauṭilyaḥ | 15 |

[Page 44 ]

KAZ02.7.16/ gāṇanikyāni āṣāḍhīm āgaccheyuḥ | 16 |

KAZ02.7.17/ āgatānāṁ samudra.pustaka.bhāṇḍa.nīvīkānām ekatra.asambhāṣā.avarodhaṁ kārayet | 17 |

KAZ02.7.18/ āya.vyaya.nīvīnām agrāṇi śrutvā nīvīm avahārayet | 18 |

KAZ02.7.19/ yac ca-agrād āyasya-antara.parṇe nīvyāṁ vardheta vyayasya vā yat parihāpayet, tad aṣṭa.guṇam adhyakṣaṁ dāpayet | 19 |

KAZ02.7.20/ viparyaye tam eva prati syāt | 20 |

KAZ02.7.21/ yathā.kālam anāgatānām apustaka.bhāṇḍa.nīvīkānāṁ vā deya.daśa.bandho daṇḍaḥ | 21 |

KAZ02.7.22/ kārmike ca-upasthite kāraṇikasya-apratibadhnataḥ pūrvaḥ sāhasa.daṇḍaḥ | 22 |

KAZ02.7.23/ viparyaye kārmikasya dvi.guṇaḥ | 23 |

KAZ02.7.24/ pracāra.samaṁ mahā.mātrāḥ samagrāḥ śrāvayeyur aviṣama.mantrāḥ | 24 |

KAZ02.7.25/ pṛthag.bhūto mithyā.vādī ca-eṣām uttamaṁ daṇḍaṁ dadyāt | 25 |

KAZ02.7.26/ akṛta.aho.rūpa.haraṁ māsam ākāṅkṣeta | 26 |

KAZ02.7.27/ māsād ūrdhvaṁ māsa.dviśata.uttaraṁ daṇḍaṁ dadyāt | 27 |

KAZ02.7.28/ alpa.śeṣa.lekhya.nīvīkaṁ pañca.rātram ākāṅkṣeta | 28 |

KAZ02.7.29/ tataḥ paraṁ kośa.pūrvam aho.rūpa.haraṁ dharma.vyavahāra.caritra.saṁsthāna.saṅkalana.nirvartana.anumāna.- cāra.prayogair avekṣeta | 29 |

KAZ02.7.30/ divasa.pañca.rātra.pakṣa.māsa.cāturmāsya.saṁvatsaraiś ca pratisamānayet | 30 |

KAZ02.7.31/ vyuṣṭa.deśa.kāla.mukha.utpatti.anuvṛtti.pramāṇa.dāyaka.dāpaka.- nibandhaka.pratigrāhakaiś ca-ayaṁ samānayet | 31 |

KAZ02.7.32/ vyuṣṭa.deśa.kāla.mukha.lābha.kāraṇa.deya.yoga.pramāṇa.ājñāpaka.- uddhāraka.vidhātṛka.pratigrāhakaiś ca vyayaṁ samānayet | 32 |

KAZ02.7.33/ vyuṣṭa.deśa.kāla.mukha.anuvartana.rūpa.lakṣaṇa.pramāṇa.nikṣepa.- bhājana.gopāyakaiś ca nīvīṁ samānayet | 33 |

KAZ02.7.34/ rāja.arthe kāraṇikasya-apratibadhnataḥ pratiṣedhayato vā-ājñāṁ nibandhād āya.vyayam anyathā nīvīm avalikhato dvi.guṇaḥ | 34 |

KAZ02.7.35/ krama.avahīnam utkramam avijñātaṁ punar.uktaṁ vā vastukam avalikhato dvādaśa.paṇo daṇḍaḥ | 35 |

KAZ02.7.36/ nīvīm avalikhato dvi.guṇaḥ | 36 |

KAZ02.7.37/ bhakṣayato 'ṣṭa.guṇaḥ | 37 |

KAZ02.7.38/ nāśayataḥ pañca.bandhaḥ pratidānaṁ ca | 38 |

KAZ02.7.39/ mithyā.vāde steya.daṇḍaḥ | 39 |

KAZ02.7.40/ paścāt.pratijñāte dvi.guṇaḥ, prasmṛta.utpanne ca | 40 |

KAZ02.7.41ab/ aparādhaṁ saheta-alpaṁ tuṣyed alpe 'pi ca-udaye | [Note: KAZ02.7.41ab/ ś]
KAZ02.7.41cd/ mahā.upakāraṁ ca-adhyakṣaṁ pragraheṇa-abhipūjayet || 41 || [Note: KAZ02.7.41cd/ ś]

2.8. Chapter 8 (Section 26): Misappropriation of Revenue by Officers and Its Recovery

[Page 45 ] [Note: [ K tr. 98 :: K2 tr. 85]

KAZ02.8.01/ kośa.pūrvāḥ sarva.ārambhāḥ | 1 |

KAZ02.8.02/ tasmāt pūrvaṁ kośam avekṣeta | 2 |

KAZ02.8.03/ pracāra.samṛddhiś caritra.anugrahaś cora.nigraho yukta.pratiṣedhaḥ sasya.sampat paṇya.bāhulyam upasarga.pramokṣaḥ parihāra.kṣayo hiraṇya.upāyanam iti kośa.vṛddhiḥ | 3 |

KAZ02.8.04/ pratibandhaḥ prayogo vyavahāro 'vastāraḥ parihāpaṇam upabhogaḥ parivartanam apahāraś ca-iti kośa.kṣayaḥ | 4 |

KAZ02.8.05/ siddhīnām asādhanam anavatāraṇam apraveśanaṁ vā pratibandhaḥ | 5 |

KAZ02.8.06/ tatra daśa.bandho daṇḍaḥ | 6 |

KAZ02.8.07/ kośa.dravyāṇāṁ vṛddhi.prayogāḥ prayogaḥ | 7 |

KAZ02.8.08/ paṇya.vyavahāro vyavahāraḥ | 8 |

KAZ02.8.09/ tatra phala.dvi.guṇo daṇḍaḥ | 9 |

KAZ02.8.10/ siddhaṁ kālam aprāptaṁ karoti-aprāptaṁ prāptaṁ vā-ity avastāraḥ | 10 |

KAZ02.8.11/ tatra pañca.bandho daṇḍaḥ | 11 |

KAZ02.8.12/ klṛptam āyaṁ parihāpayati vyayaṁ vā vivardhayati-iti parihāpaṇam | 12 |

KAZ02.8.13/ tatra hīna.catur.guṇo daṇḍaḥ | 13 |

KAZ02.8.14/ svayam anyair vā rāja.dravyāṇām upabhojanam upabhogaḥ | 14 |

KAZ02.8.15/ tatra ratna.upabhoge ghātaḥ, sāra.upabhoge madhyamaḥ sāhasa.daṇḍaḥ, phalgu.kupya.upabhoge tac ca tāvat-ca daṇḍaḥ | 15 |

KAZ02.8.16/ rāja.dravyāṇām anya.dravyena-ādānaṁ parivartanam | 16 |

KAZ02.8.17/ tad upabhogena vyākhyātam | 17 |

KAZ02.8.18/ siddham āyaṁ na praveśayati, nibaddhaṁ vyayaṁ na prayacchati, prāptāṁ nīvīṁ vipratijānīta ity apahāraḥ | 18 |

KAZ02.8.19/ tatra dvādaśa.guṇo daṇḍaḥ | 19 |

KAZ02.8.20/ teṣāṁ haraṇa.upāyāś catvāriṁśat | 20 |

KAZ02.8.21a/ pūrvaṁ siddhaṁ paścād avatāritam, paścāt siddhaṁ pūrvam avatāritam, sādhyaṁ na siddham, asādhyaṁ siddham, siddham asiddhaṁ kṛtam, asiddhaṁ siddhaṁ kṛtam, [Page 46 ]alpa.siddhaṁ bahu kṛtam, bahu.siddham alpaṁ kṛtam, anyat siddham anyat kṛtam, anyataḥ siddham anyataḥ kṛtam,-

KAZ02.8.21b/ deyaṁ na dattam, adeyaṁ dattam, kāle na dattam, akāle dattam, alpaṁ dattaṁ bahu kṛtam, bahu dattam alpaṁ kṛtam, anyad dattam anyat kṛtam, anyato dattam anyataḥ kṛtam,-

KAZ02.8.21c/ praviṣṭam apraviṣṭaṁ kṛtam, apraviṣṭaṁ praviṣṭaṁ kṛtam, kupyam adatta.mūlyaṁ praviṣṭam, datta.mūlyaṁ na praviṣṭaṁ -

KAZ02.8.21d/ saṅkṣepo vikṣepaḥ kṛtaḥ, vikṣepaḥ saṅkṣepo vā, mahā.argham alpa.argheṇa parivartitam, alpa.arghaṁ mahā.argheṇa vā -

KAZ02.8.21e/ samāropito 'rghaḥ, pratyavaropito vā, saṁvatsaro māsa.viṣamaḥ kṛtaḥ, māso divasa.viṣamo vā, samāgama.viṣamaḥ, mukha.viṣamaḥ, kārmika.viṣamaḥ -

KAZ02.8.21f/ nirvartana.viṣamaḥ, piṇḍa.viṣamaḥ, varṇa.viṣamaḥ, argha.viṣamaḥ, māna.viṣamaḥ, māpana.viṣamaḥ, bhājana.viṣamaḥ - iti haraṇa.upāyāḥ | 21 |

KAZ02.8.22/ tatra-upayukta.nidhāyaka.nibandhaka.pratigrāhaka.dāyaka.dāpaka.- mantri.vaiyāvṛtya.karān eka.ekaśo 'nuyuñjīta | 22 |

KAZ02.8.23/ mithyā.vāde ca-eṣāṁ yukta.samo daṇḍaḥ | 23 |

KAZ02.8.24/ pracāre ca-avaghoṣayet "amunā prakṛtena-upahatāḥ prajñāpayantu" iti | 24 |

KAZ02.8.25/ prajñāpayato yathā.upaghātaṁ dāpayet | 25 |

KAZ02.8.26/ anekeṣu ca-abhiyogeṣv apavyayamānaḥ sakṛd eva para.uktaḥ sarvaṁ bhajeta | 26 |

KAZ02.8.27/ vaiṣamye sarvatra-anuyogaṁ dadyāt | 27 |

KAZ02.8.28/ mahaty artha.apahāre ca-alpena-api siddhaḥ sarvaṁ bhajeta | 28 |

KAZ02.8.29/ kṛta.pratighāta.avasthaḥ sūcako niṣpanna.arthaḥ ṣaṣṭham aṁśaṁ labheta, dvādaśam aṁśaṁ bhṛtakaḥ | 29 |

KAZ02.8.30/ prabhūta.abhiyogād alpa.niṣpattau niṣpannasya-aṁśaṁ labheta | 30 |

KAZ02.8.31/ aniṣpanne śārīraṁ hairaṇyaṁ vā daṇḍaṁ labheta, na ca-anugrāhyaḥ | 31 |

KAZ02.8.32ab/ niṣpattau nikṣiped vādam ātmānaṁ vā-apavāhayet | [Note: KAZ02.8.32ab/ ś]
KAZ02.8.32cd/ abhiyukta.upajāpāt tu sūcako vadham āpnuyāt || 32 || [Note: KAZ02.8.32cd/ ś]

2.9. Chapter 9 (Section 27): Inspection of Officers' Work

[Note: [ K tr. 102 :: K2 tr. 89]

KAZ02.9.01/ amātya.sampadā-upetāḥ sarva.adhyakṣāḥ śaktitaḥ karmasu niyojyāḥ | 1 |

KAZ02.9.02/ karmasu ca-eṣāṁ nityaṁ parīkṣāṁ kārayet, citta.anityatvāt-manuṣyānām | 2 |

KAZ02.9.03/ aśva.sadharmāṇo hi manuṣyā niyuktāḥ karmasu vikurvate | 3 |

KAZ02.9.04/ tasmāt kartāraṁ karaṇaṁ deśaṁ kālaṁ kāryaṁ prakṣepam udayaṁ ca-eṣu vidyāt | 4 |

[Page 47 ]

KAZ02.9.05/ te yathā.sandeśam asaṁhatā avigṛhītāḥ karmāṇi kuryuḥ | 5 |

KAZ02.9.06/ saṁhatā bhakṣayeyuḥ, vigṛhītā vināśayeyuḥ | 6 |

KAZ02.9.07/ na ca-anivedya bhartuḥ kañcid ārambhaṁ kuryuḥ, anyatra-āpat.pratīkārebhyaḥ | 7 |

KAZ02.9.08/ pramāda.sthāneṣu ca-eṣām atyayaṁ sthāpayed divasa.vetana.vyaya.dvi.guṇam | 8 |

KAZ02.9.09/ yaś ca-eṣāṁ yathā.ādiṣṭam arthaṁ saviśeṣaṁ vā karoti sa sthāna.mānau labheta | 9 |

KAZ02.9.10/ "alpa.āyatiś cet-mahā.vyayo bhakṣayati | 10 |

KAZ02.9.11/ viparyaye yathā.āyati.vyayaś ca na bhakṣayati" ity ācāryāḥ | 11 |

KAZ02.9.12/ apasarpeṇa-eva-upalabhyeta-iti kauṭilyaḥ | 12 |

KAZ02.9.13/ yaḥ samudayaṁ parihāpayati sa rāja.arthaṁ bhakṣayati | 13 |

KAZ02.9.14/ sa ced ajñāna.ādibhiḥ parihāpayati tad enaṁ yathā.guṇaṁ dāpayet | 14 |

KAZ02.9.15/ yaḥ samudayaṁ dvi.guṇam udbhāvayati sa jana.padaṁ bhakṣayati | 15 |

KAZ02.9.16/ sa ced rāja.artham upanayaty alpa.aparādhe vārayitavyaḥ, mahati yathā.aparādhaṁ daṇḍayitavyaḥ | 16 |

KAZ02.9.17/ yaḥ samudayaṁ vyayam upanayati sa puruṣa.karmāṇi bhakṣayati | 17 |

KAZ02.9.18/ sa karma.divasa.dravya.mūlya.puruṣa.vetana.apahāreṣu yathā.aparādhaṁ daṇḍayitavyaḥ | 18 |

KAZ02.9.19/ tasmād asya yo yasminn adhikaraṇe śāsanasthaḥ sa tasya karmaṇo yāthātathyam āya.vyayau ca vyāsa.samāsābhyām ācakṣīta | 19 |

KAZ02.9.20/ mūla.hara.tādātvika.kadaryāṁś ca pratiṣedhayet | 20 |

KAZ02.9.21/ yaḥ pitṛ.paitāmaham artham anyāyena bhakṣayati sa mūla.haraḥ | 21 |

KAZ02.9.22/ yo yad yad utpadyate tat tad bhakṣayati sa tādātvikaḥ | 22 |

KAZ02.9.23/ yo bhṛtya.ātma.pīḍābhyām upacinoty arthaṁ sa kadaryaḥ | 23 |

KAZ02.9.24/ sa pakṣavāṁś ced anādeyaḥ, viparyaye paryādātavyaḥ | 24 |

KAZ02.9.25/ yo mahaty artha.samudaye sthitaḥ kadaryaḥ samnidhatte 'vanidhatte 'vasrāvayati vā - samnidhatte sva.veśmani, avanidhatte paura.jānapadeṣu, avasrāvayati para.viṣaye - tasya sattrī mantri.mitra.bhṛtya.bandhu.pakṣam āgatiṁ gatiṁ ca dravyāṇām upalabheta | 25 |

KAZ02.9.26/ yaś ca-asya para.viṣaye sañcāraṁ kuryāt tam anupraviśya mantraṁ vidyāt | 26 |

KAZ02.9.27/ suvidite śatru.śāsana.apadeśena-enaṁ ghātayet | 27 |

KAZ02.9.28/ tasmād asya-adhyakṣāḥ saṅkhyāyaka.lekhaka.rūpa.darśaka.nīvī.grāhaka.uttara.adhyakṣa.sakhāḥ karmaṇi kuryuḥ | 28 |

KAZ02.9.29/ uttara.adhyakṣā hasti.aśva.ratha.ārohāḥ | 29 |

KAZ02.9.30/ teṣām antevāsinaḥ śilpa.śauca.yuktāḥ saṅkhyāyaka.ādīnām apasarpāḥ | 30 |

KAZ02.9.31/ bahu.mukhyam anityaṁ ca-adhikaraṇaṁ sthāpayet | 31 |

[Page 48 ]
KAZ02.9.32ab/ yathā hy anāsvādayituṁ na śakyaṁ jihvā.talasthaṁ madhu7 vā viṣaṁ vā | [Note: KAZ02.9.32ab/ ś]
KAZ02.9.32cd/ arthas tathā hy artha.careṇa rājñaḥ svalpo 'py anāsvādayituṁ na śakyaḥ || 32 || [Note: KAZ02.9.32cd/ ś]
KAZ02.9.33ab/ matsyā yathā-antaḥ salile caranto jñātuṁ na śakyāḥ salilaṁ pibantaḥ | [Note: KAZ02.9.33ab/ ś]
KAZ02.9.33cd/ yuktās tathā kārya.vidhau niyuktā jñātuṁ na śakyā dhanam ādadānāḥ || 33 || [Note: KAZ02.9.33cd/ ś]
KAZ02.9.34ab/ api śakyā gatir jñātuṁ patatāṁ khe patatriṇām | [Note: KAZ02.9.34ab/ ś]
KAZ02.9.34cd/ na tu pracchanna.bhāvānāṁ yuktānāṁ caratāṁ gatiḥ || 34 || [Note: KAZ02.9.34cd/ ś]
KAZ02.9.35ab/ āsrāvayec ca-upacitān viparyasyec ca karmasu | [Note: KAZ02.9.35ab/ ś]
KAZ02.9.35cd/ yathā na bhakṣayanty arthaṁ bhakṣitaṁ nirvamanti vā || 35 || [Note: KAZ02.9.35cd/ ś]
KAZ02.9.36ab/ na bhakṣayanti ye tv arthān nyāyato vardhayanti ca | [Note: KAZ02.9.36ab/ ś]
KAZ02.9.36cd/ nitya.adhikārāḥ kāryās te rājñaḥ priya.hite ratāḥ || 36 || [Note: KAZ02.9.36cd/ ś]

2.10. Chapter 10 (Section 28): The Topic of Edicts

[Note: [ K tr. 105 :: K2 tr. 92]

KAZ02.10.01/ śāsane śāsanam ity ācakṣate | 1 |

KAZ02.10.02/ śāsana.pradhānā hi rājānaḥ, tan.mūlatvāt sandhi.vigrahayoḥ | 2 |

KAZ02.10.03/ tasmād amātya.sampadā-upetaḥ sarva.samayavid āśu.granthaś cāru.akṣaro lekhana.vācana.samartho lekhakaḥ syāt | 3 |

KAZ02.10.04/ so 'vyagra.manā rājñaḥ sandeśaṁ śrutvā niścita.arthaṁ lekhaṁ vidadhyāt deśa.aiśvarya.vaṁśa.nāmadheya.upacāram īśvarasya, deśa.nāmadheya.upacāram anīśvarasya | 4 |

KAZ02.10.05ab/ jātiṁ kulaṁ sthāna.vayaḥ.śrutāni karma.ṛddhi.śīlāny atha deśa.kālau | [Note: KAZ02.10.05ab/ ś]
KAZ02.10.05cd/ yauna.anubandhaṁ ca samīkṣya kārye lekhaṁ vidadhyāt puruṣa.anurūpam || 5 || [Note: KAZ02.10.05cd/ ś]
[Page 49 ]

KAZ02.10.06/ artha.kramaḥ sambandhaḥ paripūrṇatā mādhuryam audāryaṁ spaṣṭatvam iti lekha.sampat | 6 |

KAZ02.10.07/ tatra yathāvad anupūrva.kriyā pradhānasya-arthasya pūrvam abhiniveśa ity artha.kramaḥ | 7 |

KAZ02.10.08/ prastutasya-arthasya-anuparodhād uttarasya vidhānam ā.samāpter iti sambandhaḥ | 8 |

KAZ02.10.09/ artha.pada.akṣarāṇām anyūna.atiriktatā hetu.udāharaṇa.dṛṣṭāntair artha.upavarṇanā-aśrānta.padatā-iti paripūrṇatā | 9 |

KAZ02.10.10/ sukha.upanīta.cāru.artha.śabda.abhidhānaṁ mādhuryam | 10 |

KAZ02.10.11/ agrāmya.śabda.abhidhānam audāryam | 11 |

KAZ02.10.12/ pratīta.śabda.prayogaḥ spaṣṭatvam iti | 12 |

KAZ02.10.13/ a.kāra.ādayo varṇās triṣaṣṭiḥ | 13 |

KAZ02.10.14/ varṇa.saṅghātaḥ padam | 14 |

KAZ02.10.15/ tac caturvidhaṁ nāma.ākhyāta.upasarga.nipātāś ca-iti | 15 |

KAZ02.10.16/ tatra nāma sattva.abhidhāyi | 16 |

KAZ02.10.17/ aviśiṣṭa.liṅgam ākhyātaṁ kriyā.vāci | 17 |

KAZ02.10.18/ kriyā.viśeṣakāḥ pra.ādaya upasargāḥ | 18 |

KAZ02.10.19/ avyayāś ca.ādayo nipātāḥ | 19 |

KAZ02.10.20/ pada.samūho vākyam artha.parisamāptau | 20 |

KAZ02.10.21/ eka.pada.avaras tri.pada.paraḥ para.pada.artha.anuparodhena vargaḥ kāryaḥ | 21 |

KAZ02.10.22/ lekha.parisaṁharaṇa.artha iti.śabdo vācikam asya-iti ca | 22 |

KAZ02.10.23ab/ nindā praśaṁsā pṛcchā ca tathā-ākhyānam atha-arthanā | [Note: KAZ02.10.23ab/ ś]
KAZ02.10.23cd/ pratyākhyānam upālambhaḥ pratiṣedho 'tha codanā || 23 || [Note: KAZ02.10.23cd/ ś]
KAZ02.10.24ab/ sāntvam abhyupapattiś ca bhartsana.anunayau tathā | [Note: KAZ02.10.24ab/ ś]
KAZ02.10.24cd/ eteṣv arthāḥ pravartante trayodaśasu lekhajāḥ || 24 || [Note: KAZ02.10.24cd/ ś]

KAZ02.10.25/ tatra-abhijana.śarīra.karmaṇāṁ doṣa.vacanaṁ nindā | 25 |

KAZ02.10.26/ guṇa.vacanam eteṣām eva praśaṁsā | 26 |

KAZ02.10.27/ "katham etad" iti pṛcchā | 27 |

KAZ02.10.28/ "evam" ity ākhyānam | 28 |

KAZ02.10.29/ "dehi" ity arthanā | 29 |

KAZ02.10.30/ "na prayacchāmi" iti pratyākhyānam | 30 |

KAZ02.10.31/ "ananurūpaṁ bhavataḥ" ity upālambhaḥ | 31 |

KAZ02.10.32/ "mā kārṣīḥ" iti pratiṣedhaḥ | 32 |

KAZ02.10.33/ "idaṁ kriyatām" iti codanā | 33 |

KAZ02.10.34/ "yo 'haṁ sa bhavān, yan mama dravyaṁ tad bhavataḥ" ity upagrahaḥ sāntvam | 34 |

KAZ02.10.35/ vyasana.sāhāyyam abhyupapattiḥ | 35 |

KAZ02.10.36/ sadoṣam āyati.pradarśanam abhibhartsanam | 36 |

KAZ02.10.37/ anunayas trividho 'rtha.kṛtāv atikrame puruṣa.ādi.vyasane ca-iti | 37 |

KAZ02.10.38ab/ prajñāpana.ājñā.paridāna.lekhās tathā parīhāra.nisṛṣṭi.lekhau | [Note: KAZ02.10.38ab/ ś]
KAZ02.10.38cd/ prāvṛttikaś ca pratilekha eva sarvatragaś ca-iti hi śāsanāni || 38 || [Note: KAZ02.10.38cd/ ś]
[Page 50 ]
KAZ02.10.39ab/ anena vijñāpitam evam āha tad dīyatāṁ ced yadi tattvam asti | [Note: KAZ02.10.39ab/ ś]
KAZ02.10.39cd/ rājñaḥ samīpe vara.kāram āha prajñāpanā-eṣā vividhā-upadiṣṭā || 39 || [Note: KAZ02.10.39cd/ ś]
KAZ02.10.40ab/ bhartur ājñā bhaved yatra nigraha.anugrahau prati | [Note: KAZ02.10.40ab/ ś]
KAZ02.10.40cd/ viśeṣeṇa tu bhṛtyeṣu tad.ājñā.lekha.lakṣaṇam || 40 || [Note: KAZ02.10.40cd/ ś]
KAZ02.10.41ab/ yathā.arha.guṇa.samyuktā pūjā yatra-upalakṣyate | [Note: KAZ02.10.41ab/ ś]
KAZ02.10.41cd/ apy ādhau paridāne vā bhavatas tāv upagrahau || 41 || [Note: KAZ02.10.41cd/ ś]
KAZ02.10.42ab/ jāter viśeṣeṣu pareṣu caiva grāmeṣu deśeṣu ca teṣu teṣu | [Note: KAZ02.10.42ab/ ś]
KAZ02.10.42cd/ anugraho yo nṛpter nideśāt taj.jñaḥ parīhāra iti vyavasyet || 42 || [Note: KAZ02.10.42cd/ ś]
KAZ02.10.43ab/ nisṛṣṭisthā-āpanā kārya.karaṇe vacane tathā | [Note: KAZ02.10.43ab/ ś]
KAZ02.10.43cd/ eṣa vācika.lekhaḥ syād bhaven naisṛṣṭiko 'pi vā || 43 || [Note: KAZ02.10.43cd/ ś]
KAZ02.10.44ab/ vividhāṁ daiva.samyuktāṁ tattvajāṁ caiva mānuṣīm | [Note: KAZ02.10.44ab/ ś]
KAZ02.10.44cd/ dvi.vidhāṁ tāṁ vyavasyanti pravṛttiṁ śāsanaṁ prati || 44 || [Note: KAZ02.10.44cd/ ś]
KAZ02.10.45ab/ dṛṣṭvā lekhaṁ yathā.tattvaṁ tataḥ pratyanubhāṣya ca | [Note: KAZ02.10.45ab/ ś]
KAZ02.10.45cd/ pratilekho bhavet kāryo yathā rāja.vacas tathā || 45 || [Note: KAZ02.10.45cd/ ś]
KAZ02.10.46ab/ yatra-īśvarāṁś ca-adhikṛtāṁś ca rājā rakṣā.upakārau pathika.artham āha | [Note: KAZ02.10.46ab/ ś]
KAZ02.10.46cd/ sarvatrago nāma bhavet sa mārge deśe ca sarvatra ca veditavyaḥ || 46 ||

KAZ02.10.47/ upāyāḥ sāma.upapradāna.bheda.daṇḍāḥ | 47 |

KAZ02.10.48/ tatra sāma pañcavidhaṁ - guṇa.saṅkīrtanam, sambandha.upākhyānam, paraspara.upakāra.sandarśanam, āyati.pradarśanam, ātma.upanidhānam iti | 48 |

KAZ02.10.49/ tatra-abhijana.śarīra.karma.prakṛti.śruta.dravya.ādīnāṁ guṇa.grahaṇaṁ praśaṁsā stutir guṇa.saṅkīrtanam | 49 |

KAZ02.10.50/ jñāti.yauna.maukha.srauva.kula.hṛdaya.mitra.saṅkīrtanaṁ sambandha.upākhyānam | 50 |

KAZ02.10.51/ sva.pakṣa.para.pakṣayor anyonya.upakāra.saṅkīrtanaṁ paraspara.upakāra.sandarśanam | 51 |

KAZ02.10.52/ "asminn evaṁ kṛta idam āvayor bhavati" ity āśā.jananam āyati.pradarśa- [Page 51 ]nam | 52 |

KAZ02.10.53/ "yo 'haṁ sa bhavān, yan mama dravyaṁ tad bhavatā sva.kṛtyeṣu prayojyatām" ity ātma.upanidhānam | iti | 53 |

KAZ02.10.54/ upapradānam artha.upakāraḥ | 54 |

KAZ02.10.55/ śaṅkā.jananaṁ nirbhartsanaṁ ca bhedaḥ | 55 |

KAZ02.10.56/ vadhaḥ parikleśo 'rtha.haraṇaṁ daṇḍaḥ | iti | 56 |

KAZ02.10.57/ akāntir vyāghātaḥ punar.uktam apaśabdaḥ samplava iti lekha.doṣaḥ | 57 |

KAZ02.10.58/ tatra kāla.pattrakam acāru.viṣam avirāga.akṣaratvam akāntiḥ | 58 |

KAZ02.10.59/ pūrveṇa paścimasya-anupapattir vyāghātaḥ | 59 |

KAZ02.10.60/ uktasya-aviśeṣeṇa dvitīyam uccāraṇaṁ punar.uktam | 60 |

KAZ02.10.61/ liṅga.vacana.kāla.kārakāṇām anyathā.prayogo 'paśabdaḥ | 61 |

KAZ02.10.62/ avarge varga.karaṇaṁ ca-avarga.kriyā guṇa.viparyāsaḥ samplavaḥ | iti | 62 |

KAZ02.10.63ab/ sarva.śāstrāṇy anukramya prayogam upalabhya ca | [Note: KAZ02.10.63ab/ ś]
KAZ02.10.63cd/ kauṭilyena nara.indra.arthe śāsanasya vidhiḥ kṛtaḥ || 63 || [Note: KAZ02.10.63cd/ ś]

2.11. Chapter 11 (Section 29): Examination of Precious Articles Received in the Treasury

[Note: [ K tr. 111 :: K2 tr. 97]

KAZ02.11.01/ kośa.adhyakṣaḥ kośa.praveśyaṁ ratnaṁ sāraṁ phalguṁ kupyaṁ vā taj.jāta.karaṇa.adhiṣṭhitaḥ pratigṛhṇīyāt | 1 |

KAZ02.11.02/ tāmra.parṇikaṁ pāṇḍyaka.vāṭakaṁ pāśikyaṁ kauleyaṁ caurṇeyaṁ māhendraṁ kārdamikaṁ srautasīyaṁ hrādīyaṁ haimavataṁ ca mauktikam | 2 |

KAZ02.11.03/ śuktiḥ śaṅkhaḥ prakīrṇakaṁ ca yonayaḥ | 3 |

KAZ02.11.04/ masūrakaṁ tri.puṭakaṁ kūrmakam ardha.candrakaṁ kañcukitaṁ yamakaṁ kartakaṁ kharakaṁ siktakaṁ kāmaṇḍalukaṁ śyāvaṁ nīlaṁ durviddhaṁ ca-apraśastam | 4 |

KAZ02.11.05/ sthūlaṁ vṛttaṁ nistalaṁ bhrājiṣṇu śvetaṁ guru snigdhaṁ deśa.viddhaṁ ca praśastam | 5 |

KAZ02.11.06/ śīrṣakam upaśīrṣakaṁ prakāṇḍakam avaghāṭakaṁ tarala.pratibaddhaṁ ca-iti yaṣṭi.prabhedāḥ | 6 |

KAZ02.11.07/ yaṣṭīnām aṣṭa.sahasram indrac.chandaḥ | 7 |

KAZ02.11.08/ tato 'rdhaṁ vijayac.chandaḥ | 8 |

KAZ02.11.09/ catuṣṣaṣṭir ardha.hāraḥ | 9 |

KAZ02.11.10/ catuṣ.pañcāśad raśmi.kalāpaḥ | 10 |

KAZ02.11.11/ dvātriṁśad gucchaḥ | 11 |

[Page 52 ]

KAZ02.11.12/ sapta.viṁśatir nakṣatra.mālā | 12 |

KAZ02.11.13/ caturviṁśatir ardha.gucchaḥ | 13 |

KAZ02.11.14/ viṁśatir māṇavakaḥ | 14 |

KAZ02.11.15/ tato 'rdham ardha.māṇavakaḥ | 15 |

KAZ02.11.16/ eta eva maṇi.madhyās tan.māṇavakā bhavanti | 16 |

KAZ02.11.17/ eka.śīrṣakaḥ śuddho hāraḥ | 17 |

KAZ02.11.18/ tadvat.śeṣāḥ | 18 |

KAZ02.11.19/ maṇi.madhyo 'rdha.māṇavakaḥ | 19 |

KAZ02.11.20/ tri.phalakaḥ phalaka.hāraḥ, pañca.phalako vā | 20 |

KAZ02.11.21/ sūtram ekāvalī śuddhā | 21 |

KAZ02.11.22/ sā-eva maṇi.madhyā yaṣṭiḥ | 22 |

KAZ02.11.23/ hema.maṇi.citrā ratnāvalī | 23 |

KAZ02.11.24/ hema.maṇi.muktā.antaro 'pavartakaḥ | 24 |

KAZ02.11.25/ suvarṇa.sūtra.antaraṁ sopānakam | 25 |

KAZ02.11.26/ maṇi.madhyaṁ vā maṇi.sopānakam | 26 |

KAZ02.11.27/ tena śiro.hasta.pāda.kaṭī.kalāpa.jālaka.vikalpā vyākhyātāḥ | 27 |

KAZ02.11.28/ maṇiḥ kauṭo.māleyakaḥ pāra.samudrakaś ca | 28 |

KAZ02.11.29/ saugandhikaḥ padma.rāgo 'navadya.rāgaḥ pārijāta.puṣpako bāla.sūryakaḥ | 29 |

KAZ02.11.30/ vaiḍūryam utpala.varṇaḥ śirīṣa.puṣpaka udaka.varṇo vaṁśa.rāgaḥ śuka.pattra.varṇaḥ puṣya.rāgo go.mūtrako go.medakaḥ | 30 |

KAZ02.11.31/ indra.nīlo nīla.avalīyaḥ kalāya.puṣpako mahā.nīlo jambv.ābho jīmūta.prabho nandakaḥ sravan.madhyaḥ | 31 |

KAZ02.11.32/ śuddha.sphaṭiko mūlāṭa.varṇaḥ śīta.vṛṣṭiḥ sūrya.kāntaś ca | iti maṇayaḥ | 32 |

KAZ02.11.33/ ṣaḍ.aśraś catur.aśro vṛtto vā tīvra.rāgaḥ saṁsthānavān achaḥ snigdho gurur arciṣmān antar.gata.prabhaḥ prabhā.anulepī ca-iti maṇi.guṇāḥ | 33 |

KAZ02.11.34/ manda.rāga.prabhaḥ sa-śarkaraḥ puṣpac.chidraḥ khaṇḍo durviddho lekha.ākīrṇa iti doṣāḥ | 34 |

KAZ02.11.35/ vimalakaḥ sasyako 'ñjana.mūlakaḥ pittakaḥ sulabhako lohita.akṣo mṛga.aśmako jyotī.rasako māleyako 'hic.chatrakaḥ kūrpaḥ pratikūrpaḥ sugandhi.kūrpaḥ kṣīravakaḥ śśukti.cūrṇakaḥ śilā.pravālakaḥ pulakaḥ śukla.pulaka ity antara.jātayaḥ | 35 |

KAZ02.11.36/ śeṣāḥ kāca.maṇayaḥ | 36 |

KAZ02.11.37/ sabhā.rāṣṭrakaṁ tajjamā.rāṣṭrakaṁ kāstīra.rāṣṭrakaṁ śrī.kaṭanakaṁ maṇimantakam indra.vānakaṁ ca vajram | 37 |

KAZ02.11.38/ khaniḥ srotaḥ prakīrṇakaṁ ca yonayaḥ | 38 |

[Page 53 ]

KAZ02.11.39/ mārjāra.akṣakaṁ śirīṣa.puṣpakaṁ go.mūtrakaṁ go.medakaṁ śuddha.sphaṭikaṁ mūlāṭī.varṇaṁ maṇi.varṇānām anyatama.varṇam iti vajra.varṇāḥ | 39 |

KAZ02.11.40/ sthūlaṁ guru prahāra.sahaṁ samakoṭikaṁ bhājana.lekhi tarku.bhrāmi bhrājiṣṇu ca praśastam | 40 |

KAZ02.11.41/ naṣṭa.koṇaṁ nirāśri pārśva.apavṛttaṁ ca-apraśastam | 41 |

KAZ02.11.42/ pravālakam āla.kandakaṁ vaivarṇikaṁ ca, raktaṁ padma.rāgaṁ ca karaṭa.garbhiṇikā.varjam iti | 42 |

KAZ02.11.43/ candanaṁ sātanaṁ raktaṁ bhūmi.gandhi | 43 |

KAZ02.11.44/ go.śīrṣakaṁ kāla.tāmraṁ matsya.gandhi | 44 |

KAZ02.11.45/ hari.candanaṁ śuka.pattra.varṇam āmra.gandhi, tārṇasaṁ ca | 45 |

KAZ02.11.46/ grāmerukaṁ raktaṁ rakta.kālaṁ vā basta.mūtra.gandhi | 46 |

KAZ02.11.47/ daivasabheyaṁ raktaṁ padma.gandhi, jāpakaṁ ca | 47 |

KAZ02.11.48/ joṅgakaṁ raktaṁ rakta.kālaṁ vā snigdham, taurūpaṁ ca | 48 |

KAZ02.11.49/ māleyakaṁ pāṇḍu.raktam | 49 |

KAZ02.11.50/ kucandanaṁ rūkṣam aguru.kālaṁ raktaṁ rakta.kālaṁ vā | 50 |

KAZ02.11.51/ kāla.parvatakaṁ rakta.kālam anavadya.varṇaṁ vā | 51 |

KAZ02.11.52/ kośa.agāra.parvatakaṁ kālaṁ kāla.citraṁ vā | 52 |

KAZ02.11.53/ śīta.udakīyaṁ padma.ābhaṁ kāla.snigdhaṁ vā | 53 |

KAZ02.11.54/ nāga.parvatakaṁ rūkṣaṁ śaivala.varṇaṁ vā | 54 |

KAZ02.11.55/ śākalaṁ kapilam | iti | 55 |

KAZ02.11.56/ laghu snigdham aśyānaṁ sarpiḥ.sneha.lepi gandha.sukhaṁ tvag.anusāry anulbaṇam avirāgy uṣṇa.sahaṁ dāha.grāhi sukha.sparśanam iti candana.guṇāḥ | 56 |

KAZ02.11.57/ aguru joṅgakaṁ kālaṁ kāla.citraṁ maṇḍala.citraṁ vā | 57 |

KAZ02.11.58/ śyāmaṁ doṅgakam | 58 |

KAZ02.11.59/ pāra.samudrakaṁ citra.rūpam uśīra.gandhi nava.mālikā.gandhi vā | iti | 59 |

KAZ02.11.60/ guru snigdhaṁ peśala.gandhi nirhāry agni.saham asampluta.dhūmaṁ vimarda.saham ity aguru.guṇāḥ | 60 |

KAZ02.11.61/ taila.parṇikam aśoka.grāmikaṁ māṁsa.varṇaṁ padma.gandhi | 61 |

KAZ02.11.62/ joṅgakaṁ rakta.pītakam utpala.gandhi go.mūtra.gandhi vā | 62 |

KAZ02.11.63/ grāmerukaṁ snigdhaṁ go.mūtra.gandhi | 63 |

KAZ02.11.64/ sauvarṇa.kuḍyakaṁ rakta.pītaṁ mātuluṅga.gandhi | 64 |

KAZ02.11.65/ pūrṇaka.dvīpakaṁ padma.gandhi nava.nīta.gandhi vā | 65 |

KAZ02.11.66/ bhadra.śriyaṁ pāralauhityakaṁ jātī.varṇam | 66 |

KAZ02.11.67/ āntaravatyam uśīra.varṇam | 67 |

KAZ02.11.68/ ubhayaṁ kuṣṭha.gandhi ca | iti | 68 |

[Page 54 ]

KAZ02.11.69/ kāleyakaḥ svarṇa.bhūmijaḥ snigdha.pītakaḥ | 69 |

KAZ02.11.70/ auttara.parvatako rakta.pītakaḥ || iti sārāḥ |

KAZ02.11.71/ piṇḍa.kvātha.dhūma.saham avirāgi yoga.anuvidhāyi ca | 71 |

KAZ02.11.72/ candana.aguruvac ca teṣāṁ guṇāḥ | 72 |

KAZ02.11.73/ kāntanāvakaṁ praiyakaṁ ca-uttara.parvatakaṁ carma | 73 |

KAZ02.11.74/ kāntanāvakaṁ mayūra.grīva.ābham | 74 |

KAZ02.11.75/ praiyakaṁ nīla.pīta.śveta.lekhā.bindu.citram | 75 |

KAZ02.11.76/ tad.ubhayam aṣṭa.aṅgula.āyāmam | 76 |

KAZ02.11.77/ bisī mahā.bisī ca dvādaśa.grāmīye | 77 |

KAZ02.11.78/ avyakta.rūpā duhilitikā citrā vā bisī | 78 |

KAZ02.11.79/ paruṣā śveta.prāyā mahābisī | 79 |

KAZ02.11.80/ dvādaśa.aṅgula.āyāmam ubhayam | 80 |

KAZ02.11.81/ śyāmikā kālikā kadalī candra.uttarā śākulā ca-ārohajāḥ | 81 |

KAZ02.11.82/ kapilā bindu.citrā vā śyāmikā | 82 |

KAZ02.11.83/ kālikā kapilā kapota.varṇā vā | 83 |

KAZ02.11.84/ tad ubhayam aṣṭa.aṅgula.āyāmam | 84 |

KAZ02.11.85/ paruṣā kadalī hasta.āyatā | 85 |

KAZ02.11.86/ sā-eva candra.citrā candra.uttarā | 86 |

KAZ02.11.87/ kadalī.tri.bhāgā śākulā koṭha.maṇḍala.citrā kṛta.karṇikā-ajina.citrā vā | iti | 87 |

KAZ02.11.88/ sāmūraṁ cīnasī sāmūlī ca bāhlaveyāḥ | 88 |

KAZ02.11.89/ ṣaṭ.triṁśad.aṅgulam añjana.varṇaṁ sāmūram | 89 |

KAZ02.11.90/ cīnasī rakta.kālī pāṇḍu.kālī vā | 90 |

KAZ02.11.91/ sāmūlī go.dhūma.varṇā | iti | 91 |

KAZ02.11.92/ sāntinā nala.tūlā vṛtta.pṛcchā caudrāḥ | 92 |

KAZ02.11.93/ sātinā kṛṣṇā | 93 |

KAZ02.11.94/ nala.tūlā nala.tūla.varṇā | 94 |

KAZ02.11.95/ kapilā vṛtta.pucchā ca | 95 | iti carma.jātayaḥ |

KAZ02.11.96/ carmaṇāṁ mṛdu snigdhaṁ bahula.roma ca śreṣṭham | 96 |

KAZ02.11.97/ śuddhaṁ śuddha.raktaṁ pakṣa.raktaṁ ca-āvikam, khacitaṁ vāna.citraṁ khaṇḍa.saṅghātyaṁ tantu.vicchinnaṁ ca | 97 |

KAZ02.11.98/ kambalaḥ kaucapakaḥ kulamitikā saumitikā turaga.āstaraṇaṁ varṇakaṁ talicchakaṁ vāra.vāṇaḥ paristomaḥ samanta.bhadrakaṁ ca-āvikam | 98 |

KAZ02.11.99/ picchilam ārdram iva ca sūkṣmaṁ mṛdu ca śreṣṭham | 99 |

KAZ02.11.100/ aṣṭa.proti.saṅghātyā kṛṣṇā bhiṅgisī varṣa.vāraṇam apasāraka iti naipālakam | 100 |

KAZ02.11.101/ sampuṭikā catur.aśrikā lambarā kaṭavānakaṁ prāvarakaḥ sattalikā-iti mṛga.roma | 101 |

[Page 55 ]

KAZ02.11.102/ vāṅgakaṁ śvetaṁ snigdhaṁ dukūlam | 102 |

KAZ02.11.103/ pauṇḍrakaṁ śyāmaṁ maṇi.snigdham | 103 |

KAZ02.11.104/ sauvarṇa.kuḍyakaṁ sūrya.varṇaṁ maṇi.snigdha.udaka.vānaṁ catur.aśra.vānaṁ vyāmiśra.vānaṁ ca | 104 |

KAZ02.11.105/ eteṣām eka.aṁśukam adhyardha.dvi.tri.catur.aṁśukam iti | 105 |

KAZ02.11.106/ tena kāśikaṁ pauṇḍrakaṁ ca kṣaumaṁ vyākhyātam | 106 |

KAZ02.11.107/ māgadhikā pauṇḍrikā sauvarṇa.kuḍyakā ca pattra.ūrṇā | 107 |

KAZ02.11.108/ nāga.vṛkṣo likuco bakulo vaṭaś ca yonayaḥ | 108 |

KAZ02.11.109/ pītikā nāga.vṛkṣikā | 109 |

KAZ02.11.110/ go.dhūma.varṇā laikucī | 110 |

KAZ02.11.111/ śvetā bākulī | 111 |

KAZ02.11.112/ śeṣā nava.nīta.varṇā | 112 |

KAZ02.11.113/ tāsāṁ sauvarṇa.kuḍyakā śreṣṭhā | 113 |

KAZ02.11.114/ tayā kauśeyaṁ cīna.paṭṭāś ca cīna.bhūmijā vyākhyātāḥ | 114 |

KAZ02.11.115/ mādhuram āparāntakaṁ kāliṅgaṁ kāśikaṁ vāṅgakaṁ vātsakaṁ māhiṣakaṁ ca kārpāsikaṁ śreṣṭham | iti | 115 |

KAZ02.11.116/ ataḥ pareṣāṁ ratnānāṁ pramāṇaṁ mūlya.lakṣaṇam |

KAZ02.11.117/ jātiṁ rūpaṁ ca jānīyān nidhānaṁ nava.karma ca | 117 |

KAZ02.11.118/ purāṇa.pratisaṁskāraṁ karma guhyam upaskarān |

KAZ02.11.119/ deśa.kāla.parībhogaṁ hiṁsrāṇāṁ ca pratikriyām | 119 |

2.12. Chapter 12 (Section 30): Starting of Mines and Factories

[Note: [ K tr. 121 :: K2 tr. 105]

KAZ02.12.01/ ākara.adhyakṣaḥ śulba.dhātu.śāstra.rasa.pāka.maṇi.rāgajñas tajjña.sakho vā taj.jāta.karma.kara.upakaraṇa.sampannaḥ kiṭṭa.mūṣa.aṅgāra.bhasma.liṅgaṁ vā-ākaraṁ bhūta.pūrvam abhuta.pūrvaṁ vā bhūmi.prastara.rasa.dhātum atyartha.varṇa.gauravam ugra.gandha.rasaṁ parīkṣeta | 1 |

KAZ02.12.02/ parvatānām abhijñāta.uddeśānāṁ bila.guha.upatyaka.ālayana.gūḍha.khāteṣv antaḥ prasyandino jambū.cūta.tāla.phala.pakva.haridrā.bheda.guḍa(gūḍa?).hari.tāla.- manaḥ.śilā.kṣaudra.hiṅguluka.puṇḍarīka.śuka.mayūra.pattra.varṇāḥ savarṇa.udaka.oṣadhi.paryantāś cikkaṇā viśadā bhārikāś ca rasāḥ kāñcanikāḥ | 2 |

KAZ02.12.03/ apsu [Page 56 ]niṣṭhyūtās tailavad.visarpiṇaḥ ṣaṅka.mala.grāhiṇaś ca tāmra.rūpyayoḥ śatād upari veddhāraḥ | 3 |

KAZ02.12.04/ tat.pratirūpakam ugra.gandha.rasaṁ śilā.jatu vidyāt | 4 |

KAZ02.12.05/ pītakās.tāmrakās tāmra.pītakā vā bhūmi.prastara.dhātavo bhinnā nīla.rājīvanto mudga.māṣa.kṛsara.varṇā vā dadhi.bindu.piṇḍa.citrā haridrā.harītakī.padma.pattra.śaivala.yakṛt.plīha.anavadya.varṇā bhinnāś cuñcu.vāluka.ālekhā.bindu.svastikavantaḥ sugulikā arciṣmantas tāpyamānā na bhidyante bahu.phena.dhūmāś ca suvarṇa.dhātavaḥ pratīvāpa.arthās tāmra.rūpya.vedhanāḥ | 5 |

KAZ02.12.06/ śaṅkha.karpūra.sphaṭika.nava.nīta.kapota.pārāvata.vimalaka.mayūra.- grīvā.varṇāḥ sasyaka.gomedaka.guḍa.matsyaṇḍikā.varṇāḥ kovidāra.padma.pāṭalīka.lāya.kṣauma.atasī.puṣpa.varṇāḥ sa-sīsāḥ sa.añjanā visrā bhinnāḥ śveta.ābhāḥ kṛṣṇāḥ kṛṣṇa.ābhāḥ śvetāḥ sarve vā lekhā.bindu.citrā mṛdavo dhmāyamānā na sphuṭanti bahu.phena.dhūmāś ca rūpya.dhātavaḥ | 6 |

KAZ02.12.07/ sarva.dhātūnāṁ gaurava.vṛddhau sattva.vṛddhiḥ | 7 |

KAZ02.12.08/ teṣām aśuddhā mūḍha.garbhā vā tīkṣṇa.mūtra.kṣara.bhāvitā rāja.vṛkṣa.vaṭa.pīlu.go.pitta.rocanā.mahiṣa.khara.karabha.mūtra.leṇḍa.- piṇḍa.baddhās tat.pratīvāpās tad.avalepā vā viśuddhāḥ sravanti | 8 |

KAZ02.12.09/ yava.māṣa.tila.palāśa.pīlu.kṣārair.go.kṣīra.aja.kṣīrair vā kadalī.vajra.kanda.pratīvapo mārdava.karaḥ | 9 |

KAZ02.12.10ab/ madhu.madhukam ajā.payaḥ sa-tailaṁ ghṛta.guḍa.kiṇva.yutaṁ sa-kandalīkam |
KAZ02.12.10cd/ yad api śata.sahasradhā vibhinnaṁ bhavati mṛdu tribhir eva tan.niṣekaiḥ || 10 ||

KAZ02.12.11/ go.danta.śṛṅga.pratīvāpo mṛdu.stambhanaḥ | 11 |

KAZ02.12.12/ bhārikaḥ snigdho mṛduś ca prastara.dhātur bhūmi.bhāgo vā piṅgalo haritaḥ pāṭalo lohito vā tāmra.dhātuḥ | 12 |

KAZ02.12.13/ kāka.mocakaḥ kapota.rocanā.varṇaḥ śveta.rāji.naddho vā visraḥ sīsa.dhātuḥ | 13 |

KAZ02.12.14/ ūṣara.karburaḥ pakva.loṣṭha.varṇo vā trapu.dhātuḥ | 14 |

KAZ02.12.15/ kharumbaḥ pāṇḍu.rohitaḥ sindu.vāra.puṣpa.varṇo vā tīkṣṇa.dhātuḥ | 15 |

[Page 57 ]

KAZ02.12.16/ kāka.aṇḍa.bhuja.pattra.varṇo vā vaikṛntaka.dhātuḥ | 16 |

KAZ02.12.17/ acchaḥ snigdhaḥ sa-prabho ghoṣavān śītas tīvras tanu.rāgaś ca maṇi.dhātuḥ | 17 |

KAZ02.12.18/ dhātu.samutthaṁ taj.jāta.karma.anteṣu prayojayet | 18 |

KAZ02.12.19/ kṛta.bhāṇḍa.vyavahāram eka.mukham, atyayaṁ ca-anyatra kartṛ.kretṛ.vikretṝṇāṁ sthāpayet | 19 |

KAZ02.12.20/ ākarikam apaharantam aṣṭa.guṇaṁ dāpayed anyatra ratnebhyaḥ | 20 |

KAZ02.12.21/ stenam anisṛṣṭa.upajīvinaṁ ca baddhaṁ karma kārayet, daṇḍa.upakāriṇaṁ ca | 21 |

KAZ02.12.22/ vyaya.kriyā.bhārikam āakaraṁ bhāgena prakrayeṇa vā dadyāt, lāghavikam ātmanā kārayet | 22 |

KAZ02.12.23/ loha.adhyakṣas tāmra.sīsa.trapu.vaikṛnta.kāra.kūṭa.vṛtta.kaṁsa.tāla.loha.karma.antān kārayet, loha.bhāṇḍa.vyavahāraṁ ca | 23 |

KAZ02.12.24/ lakṣaṇa.adhyakṣaś catur.bhāga.tāmraṁ rūpya.rūpaṁ tīkṣṇa.trapu.sīsa.añjanānām anyatama.māṣa.bīja.yuktaṁ kārayet - paṇam ardha.paṇaṁ pādam, aṣṭa.bhāgam iti, pāda.ājīvaṁ tāmra.rūpaṁ - māṣakam ardha.māṣakaṁ kākaṇīm ardha.kākaṇīm iti | 24 |

KAZ02.12.25/ rūpa.darśakaḥ paṇa.yātrāṁ vyāvahārikīṁ kośa.praveśyāṁ ca sthāpayet | 25 |

KAZ02.12.26/ rūpikam aṣṭakaṁ śatam, pañcakaṁ śataṁ vyājīm, pārīkṣikam aṣṭa.bhāgikam, śatam, pañca.viṁśati.paṇam atyayaṁ ca anyatra.kartṛ.kretṛ.vikretṛ.parīkṣitṛbhyaḥ | 26 |

KAZ02.12.27/ khany.adhyakṣaḥ śaṅkha.vajra.maṇi.muktā.pravāla.kṣāra.karma.antān kārayet, paṇana.vyavahāraṁ ca | 27 |

KAZ02.12.28/ lavaṇa.adhyakṣaḥ pāka.muktaṁ lavaṇa.bhāgaṁ prakrayaṁ ca yathā.kālaṁ saṅgṛhṇīyād, vikrayāc ca mūlyaṁ rūpaṁ vyājīṁ ca | 28 |

KAZ02.12.29/ āgantu.lavaṇaṁ ṣaḍ.bhāgaṁ dadyāt | 29 |

KAZ02.12.30/ datta.bhāga.vibhāgasya vikrayaḥ, pañcakaṁ śataṁ vyājīṁ rūpaṁ rūpikaṁ ca | 30 |

KAZ02.12.31/ kretā śulkaṁ rāja.paṇyac.cheda.anurūpaṁ ca vaidharaṇaṁ dadyāt, anyatra kretā ṣaṭ.chatam atyayaṁ ca | 31 |

KAZ02.12.32/ vilavaṇam uttamaṁ daṇḍaṁ dadyād, aniṣṛṣṭa.upajīvī ca-anyatra vānaprasthebhyaḥ | 32 |

KAZ02.12.33/ śrotriyās tapasvino viṣṭayaś ca bhakta.lavaṇaṁ hareyuḥ | 33 |

KAZ02.12.34/ ato 'nyo lavaṇa.kṣāra.vargaḥ śulkaṁ dadyāt | 34 |

KAZ02.12.35ab/ evaṁ mūlyaṁ ca bhāgaṁ ca vyājīṁ parigham atyayam |
KAZ02.12.35cd/ śulkaṁ vaidharaṇaṁ daṇḍaṁ rūpaṁ rūpikam eva ca || 35 ||
[Page 58 ]
KAZ02.12.36ab/ khanibhyo dvādaśa.vidhaṁ dhātuṁ paṇyaṁ ca saṁharet |
KAZ02.12.36cd/ evaṁ sarveṣu paṇyeṣu sthāpayen mukha.saṅgraham || 36 ||
KAZ02.12.37ab/ ākara.prabhaḥ kośaḥ kośād daṇḍaḥ prajāyate |
KAZ02.12.37cd/ pṛthivī kośa.daṇḍābhyāṁ prāpyate kośa.bhūṣaṇā || 37 ||

2.13. Chapter 13 (Section 31): The Superintendent of Gold in the Workshop

[Note: [ K tr. 126 :: K2 tr. 110]

KAZ02.13.01/ suvarṇa.adhyakṣaḥ suvarṇa.rajata.karma.antānām asambandha.āveśana.catuḥ.śālām eka.dvārām akṣa.śālāṁ kārayet | 1 |

KAZ02.13.02/ viśikhā.madhye sauvarṇikaṁ śilpavantam abhijātaṁ prātyayikaṁ ca sthāpayet | 2 |

KAZ02.13.03/ jāmbūnadaṁ śātakumbhaṁ hāṭakaṁ vaiṇavaṁ śṛṅga.śuktijaṁ jāta.rūpaṁ rasa.viddham ākara.udgataṁ ca suvarṇam | 3 |

KAZ02.13.04/ kiñjalka.varṇaṁ mṛdu snigdham anādi bhrājiṣṇu ca śreṣṭham, rakta.pītakaṁ madhyamam, raktam avaram | 4 |

KAZ02.13.05/ śreṣṭhānāṁ pāṇḍu śvetaṁ ca-aprāptakam | 5 |

KAZ02.13.06/ tad yena-aprāptakaṁ tac catur.guṇena sīsena śodhayet | 6 |

KAZ02.13.07/ sīsa.anvayena bhidyamānaṁ śuṣka.paṭalair dhmāpayet | 7 |

KAZ02.13.08/ rūkṣatvād bhidyamānaṁ taila.gomaye niṣecayet | 8 |

KAZ02.13.09/ ākara.udgataṁ sīsa.anvayena bhidyamānaṁ pāka.pattrāṇi kṛtvā gaṇḍikāsu kuṭṭayet, kadalī.vajra.kanda.kalke vā niṣecayet | 9 |

KAZ02.13.10/ tuttha.udgataṁ gauḍikaṁ kāmbukaṁ cākravālikaṁ ca rūpyam | 10 |

KAZ02.13.11/ śvetaṁ snigdhaṁ mṛdu ca śreṣṭham | 11 |

KAZ02.13.12/ viparyaye sphoṭanaṁ ca duṣṭam | 12 |

KAZ02.13.13/ tat.sīsa.catur.bhāgena śodhayet | 13 |

KAZ02.13.14/ udgata.cūlikam acchaṁ bhrājiṣṇu dadhi.varṇaṁ ca śuddham | 14 |

KAZ02.13.15/ śuddhasya-eko hāridrasya suvarṇo varṇakaḥ | 15 |

KAZ02.13.16/ tataḥ śulba.kākaṇy.uttara.apasāritā ā.catuḥ.sīma.antād iti ṣoḍaśa varṇakāḥ | 16 |

KAZ02.13.17/ suvarṇaṁ pūrvaṁ nikaṣya paścād varṇikāṁ nikaṣayet | 17 |

KAZ02.13.18/ sama.rāga.lekham animna.unnate deśe nikaṣitam, parimṛditaṁ parilīḍhaṁ nakha.antarād vā gairikeṇa.avacūrṇitam upadhiṁ vidyāt | 18 |

[Page 59 ]

KAZ02.13.19/ jāti.hiṅgulukena puṣpakā.sīsena vā go.mūtra.bhāvitena digdhena-agra.hastena saṁspṛṣṭaṁ suvarṇaṁ śvetī.bhavati | 19 |

KAZ02.13.20/ sa-kesaraḥ snigdho mṛdur bhājiṣṇuś ca nikaṣa.rāgaḥ śreṣṭhaḥ | 20 |

KAZ02.13.21/ kāliṅgakas tāpī.pāṣāṇo vā mudga.varṇo nikaṣaḥ śreṣṭhaḥ | 21 |

KAZ02.13.22/ sama.rāgī vikraya.kraya.hitaḥ | 22 |

KAZ02.13.23/ hastic.chavikaḥ saharitaḥ prati.rāgī vikraya.hitaḥ | 23 |

KAZ02.13.24/ sthiraḥ paruṣo viṣama.varṇaś ca-apratirāgī kraya.hitaḥ | 24 |

KAZ02.13.25/ chedaś cikkaṇaḥ sama.varṇaḥ ślakṣṇo mṛdur bhājiṣṇuś ca śreṣṭhaḥ | 25 |

KAZ02.13.26/ tāpo bahir.antaś ca samaḥ kiñjalka.varṇaḥ kuraṇḍaka.puṣpa.varṇo vā śreṣṭhaḥ | 26 |

KAZ02.13.27/ śyāvo nīlaś ca-aprāptakaḥ | 27 |

KAZ02.13.28/ tulā.pratimānaṁ pautava.adhyakṣe vakṣyāmaḥ | 28 |

KAZ02.13.29/ tena-upadeśena rūpya.suvarṇaṁ dadyād ādadīta ca | 29 |

KAZ02.13.30/ akṣa.śālām anāyukto na-upagacchet | 30 |

KAZ02.13.31/ abhigacchann ucchedyaḥ | 31 |

KAZ02.13.32/ āyukto vā sarūpya.suvarṇas tena-eva jīyeta | 32 |

KAZ02.13.33/ vicita.vastra.hasta.guhyāḥ kāñcana.pṛṣata.tvaṣṭṛ.tapanīya.kāravo dhmāyaka.caraka.pāṁsu.dhāvakāḥ praviśeyur niṣkaseyuś ca | 33 |

KAZ02.13.34/ sarvaṁ ca-eṣām upakaraṇam aniṣṭhitāś ca prayogās tatra-eva-avatiṣṭheran | 34 |

KAZ02.13.35/ gṛhītaṁ suvarṇaṁ dhṛtaṁ ca prayogaṁ karaṇa.madhye dadyāt | 35 |

KAZ02.13.36/ sāyaṁ prātaś ca lakṣitaṁ kartṛ.kārayitṛ.mudrābhyāṁ nidadhyāt | 36 |

KAZ02.13.37/ kṣepaṇo guṇaḥ kṣudrakam iti karmāṇi | 37 |

KAZ02.13.38/ kṣepaṇaḥ kāca.arpaṇa.ādīni | 38 |

KAZ02.13.39/ guṇaḥ sūtra.vāna.ādīni | 39 |

KAZ02.13.40/ ghanaṁ suṣiraṁ pṛṣata.ādi.yuktaṁ kṣudrakam iti | 40 |

KAZ02.13.41/ arpayet kāca.karmaṇaḥ pañca.bhāgaṁ kāñcanaṁ daśa.bhāgaṁ kaṭu.mānam | 41 |

KAZ02.13.42/ tāmra.pāda.yuktaṁ rūpyaṁ rūpya.pāda.yuktaṁ vā suvarṇaṁ saṁskṛtakam, tasmād rakṣet | 42 |

KAZ02.13.43/ pṛṣata.kāca.karmaṇaḥ trayo hi bhāgāḥ paribhāṇḍaṁ dvau vāstukam, catvāro vā vāstukaṁ trayaḥ paribhāṇḍam | 43 |

KAZ02.13.44/ tvaṣṭṛ.karmaṇaḥ śulba.bhāṇḍaṁ sama.suvarṇena samyūhayet | 44 |

KAZ02.13.45/ rūpya.bhāṇḍaṁ ghanaṁ suṣiraṁ vā suvarṇa.ardhena-avalepayet | 45 |

KAZ02.13.46/ catur.bhāga.suvarṇaṁ vā vālukā.hiṅgulukasya rasena cūrṇena vā vāsayet | 46 |

KAZ02.13.47/ tapanīyaṁ jyeṣṭhaṁ suvarṇaṁ surāgaṁ sama.sīsa.atikrāntaṁ pāka.pattra.pakvaṁ saindhavikayā-ujjvālitaṁ nīla.pīta.śveta.harita.śuka.pattra.varṇānāṁ prakṛtir bhavati | 47 |

KAZ02.13.48/ tīkṣṇaṁ ca-asya mayūra.grīva.ābhaṁ śveta.bhaṅgaṁ cimicimāyitaṁ pīta.cūrṇitaṁ kākaṇikaḥ suvarṇa.rāgaḥ | 48 |

[Page 60 ]

KAZ02.13.49/ tāram upaśuddhaṁ vā - asthi.tutthe catuḥ sama.sīse catuḥ śuṣka.tutthe catuḥ kapāle trir gomaye dvir evaṁ sapta.daśa.tuttha.atikrāntaṁ saindhavikayā-ujjvālitam | 49 |

KAZ02.13.50/ etasmāt kākaṇy.uttaramād vimāṣād iti suvarṇe deyam, paścād rāga.yogaḥ, śveta.tāraṁ bhavati | 50 |

KAZ02.13.51/ trayo 'ṁśās tapanīyasya dvātriṁśad.bhāga.śveta.tāram ūrcchitāḥ tat śveta.lohitakaṁ bhavati | 51 |

KAZ02.13.52/ tāmraṁ pītakaṁ karoti | 52 |

KAZ02.13.53/ tapanīyam ujjvālya rāga.tri.bhāgaṁ dadyāt, pīta.rāgaṁ bhavati | 53 |

KAZ02.13.54/ śveta.tāra.bhāgau dvāv ekas tapanīyasya mudga.varṇaṁ karoti | 54 |

KAZ02.13.55/ kāla.ayasasya-ardha.bhāga.abhyaktaṁ kṛṣṇaṁ bhavati | 55 |

KAZ02.13.56/ pratilepinā rasena dvi.guṇa.abhyaktaṁ tapanīyaṁ śuka.pattra.varṇaṁ bhavati | 56 |

KAZ02.13.57/ tasya.ārambhe rāga.viśeṣeṣu prativarṇikāṁ gṛhṇīyāt | 57 |

KAZ02.13.58/ tīkṣṇa.tāmra.saṁskāraṁ ca budhyeta | 58 |

KAZ02.13.59/ tasmād vajra.maṇi.muktā.pravāla.rūpāṇām apaneyi.mānaṁ ca rūpya.suvarṇa.bhāṇḍa.bandha.pramāṇāni ca | 59 |

KAZ02.13.60ab/ sama.rāgaṁ sama.dvandvam asakta.pṛṣataṁ sthiram |
KAZ02.13.60cd/ supramṛṣṭam asampītaṁ vibhaktaṁ dhāraṇe sukham || 60 ||
KAZ02.13.61ab/ abhinītaṁ prabhā.yuktaṁ saṁsthānam adhuraṁ samam |
KAZ02.13.61cd/ mano.netra.abhirāmaṁ ca tapanīya.guṇāḥ smṛtāḥ || 61 ||

2.14. Chapter 14 (Section 32): The Royal Goldsmith in the Market Highway

[Note: [ K tr. 133 :: K2 tr. 116]

KAZ02.14.01/ sauvarṇikaḥ paura.jāna.padānāṁ rūpya.suvarṇam āveśanibhiḥ kārayet | 1 |

KAZ02.14.02/ nirdiṣṭa.kāla.kāryaṁ ca karma kuryuḥ, anirdiṣṭa.kālaṁ kārya.apadeśam | 2 |

KAZ02.14.03/ kāryasya.anyathā.karaṇe vetana.nāśaḥ, tad.dvi.guṇaś ca daṇḍaḥ | 3 |

KAZ02.14.04/ kāla.atipātane pāda.hīnaṁ vetanaṁ tad.dvi.guṇaś ca daṇḍaḥ | 4 |

KAZ02.14.05/ yathā.varṇa.pramāṇaṁ nikṣepaṁ gṛhṇīyus tathā.vidham eva-arpayeyuḥ | 5 |

KAZ02.14.06/ kāla.antarād api ca tathā.vidham eva pratigṛhṇīyuḥ, anyatra kṣīṇa.pariśīrṇābhyām | 6 |

[Page 61 ]

KAZ02.14.07/ āveśanibhiḥ suvarṇa.pudgala.lakṣaṇa.prayogeṣu tat.taj jānīyāt | 7 |

KAZ02.14.08/ tapta.kala.dhautakayoḥ kākaṇikaḥ suvarṇe kṣayo deyaḥ | 8 |

KAZ02.14.09/ tīkṣṇa.kākaṇī - rūpya.dvi.guṇaḥ - rāga.prakṣepaḥ, tasya ṣaḍ.bhāgaḥ kṣayaḥ | 9 |

KAZ02.14.10/ varṇa.hīne māṣa.avare pūrvaḥ sāhasa.daṇḍaḥ, pramāṇa.hīne madhyamaḥ, tulā.pratimāna.upadhāv uttamaḥ, kṛta.bhāṇḍa.upadhau ca | 10 |

KAZ02.14.11/ sauvarṇikena-adṛṣṭam anyatra vā prayogaṁ kārayato dvādaśa.paṇo daṇḍaḥ | 11 |

KAZ02.14.12/ kartur dvi.guṇaḥ sa-apasāraś cet | 12 |

KAZ02.14.13/ anapasāraḥ kaṇṭaka.śodhanāya nīyeta | 13 |

KAZ02.14.14/ kartuś ca dvi.śato daṇḍaḥ paṇac.chedanaṁ vā | 14 |

KAZ02.14.15/ tulā.pratimāna.bhāṇḍaṁ pautava.hastāt krīṇīyuḥ | 15 |

KAZ02.14.16/ anyathā dvādaśa.paṇo daṇḍaḥ | 16 |

KAZ02.14.17/ ghanaṁ suṣiraṁ samyūhyam avalepyaṁ saṅghātyaṁ vāsitakaṁ ca kāru.karma | 17 |

KAZ02.14.18/ tulā.viṣamam apasāraṇaṁ visrāvaṇaṁ peṭakaḥ piṅkaś ca-iti haraṇa.upāyāḥ | 18 |

KAZ02.14.19/ samnāminy utkīrṇikā bhinna.mastaka.upakaṇṭhī kuśikyā sakaṭu.kakṣyā parivelyā-ayas.kāntā ca duṣṭa.tulāḥ | 19 |

KAZ02.14.20/ rūpyasya dvau bhāgāv ekaḥ śulbasya tripuṭakam | 20 |

KAZ02.14.21/ tena-akarod gatam apasāryate tat.tripuṭaka.apasāritam | 21 |

KAZ02.14.22/ śulbena śulba.apasāritam, vellakena vellaka.apasāritam, śulba.ardha.sāreṇa hemnā hema.apasāritam | 22 |

KAZ02.14.23/ mūka.mūṣā pūti.kiṭṭaḥ karaṭuka.mukhaṁ nālī sandaṁśo joṅganī suvarcikā.lavaṇaṁ tad eva suvarṇam ity apasāraṇa.mārgāḥ | 23 |

KAZ02.14.24/ pūrva.praṇihitā vā piṇḍa.vālukā mūṣā.bhedād agniṣṭhād uddhriyante | 24 |

KAZ02.14.25/ paścād bandhane ācitaka.pattra.parīkṣāyāṁ vā rūpya.rūpeṇa parivartanaṁ visrāvaṇam, piṇḍa.vālukānāṁ loha.piṇḍa.vālukābhir vā | 25 |

KAZ02.14.26/ gāḍhaś ca-abhyuddhāryaś ca peṭakaḥ samyūhya-avalepya.saṅghātyeṣu kriyate | 26 |

KAZ02.14.27/ sīsa.rūpaṁ suvarṇa.pattreṇa-avaliptam abhyantaram aṣṭakena baddhaṁ gāḍha.peṭakaḥ | 27 |

KAZ02.14.28/ sa eva paṭala.sampuṭeṣv abhyuddhāryaḥ | 28 |

KAZ02.14.29/ pattram āśliṣṭaṁ yamakapattraṁ vā-avalepyeṣu kriyate | 29 |

KAZ02.14.30/ śulbaṁ tāraṁ vā garbhaḥ pattrāṇāṁ saṅghātyeṣu kriyate | 30 |

KAZ02.14.31/ śulba.rūpaṁ suvarṇa.pattra.saṁhataṁ pramṛṣṭaṁ supārśvam, tad eva yamaka.pattra.saṁhataṁ pramṛṣṭaṁ tāmra.tāra.rupaṁ ca-uttara.varṇakaḥ | 31 |

[Page 62 ]

KAZ02.14.32/ tad ubhayaṁ tāpani.kaṣābhyāṁ nihśabda.ullekhanābhyāṁ vā vidyāt | 32 |

KAZ02.14.33/ abhyuddhāryaṁ badara.āmle lavaṇa.udake vā sādayanti | iti peṭakaḥ | 33 |

KAZ02.14.34/ ghane suṣire vā rūpe suvarṇa.mṛn.mālukā.hiṅguluka.kalpo vā tapto 'vatiṣṭhate | 34 |

KAZ02.14.35/ dṛḍha.vāstuke vā rūpe vālukā.miśraṁ jatu gāndhāra.paṅko vā tapto 'vatiṣṭhate | 35 |

KAZ02.14.36/ tayos tāpanam avadhvaṁsanaṁ vā śuddhiḥ | 36 |

KAZ02.14.37/ sa-paribhāṇḍe vā rūpe lavaṇam ulkayā kaṭu.śarkarayā taptam avatiṣṭhate | 37 |

KAZ02.14.38/ tasya kvāthanaṁ śuddhiḥ | 38 |

KAZ02.14.39/ abhra.paṭalam aṣṭakena dvi.guṇa.vāstuke vā rūpe badhyate | 39 |

KAZ02.14.40/ tasya-apihita.kācakasya-udake nimajjata eka.deśaḥ sīdati, paṭala.antareṣu vā sūcyā bhidyate | 40 |

KAZ02.14.41/ maṇayo rūpyaṁ suvarṇaṁ vā ghana.suṣirāṇāṁ piṅkaḥ | 41 |

KAZ02.14.42/ tasya tāpanam avadhvaṁsanaṁ vā śuddhiḥ | iti piṅkaḥ | 42 |

KAZ02.14.43/ tasmād vajra.maṇi.muktā.pravāla.rūpāṇāṁ jāti.rūpa.varṇa.pramāṇa.pudgala.lakṣaṇāny upalabheta | 43 |

KAZ02.14.44/ kṛta.bhāṇḍa.parīkṣāyāṁ purāṇa.bhāṇḍa.pratisaṁskāre vā catvāro haraṇa.upāyāḥ - parikuṭṭanam avacchedanam ullekhanaṁ parimardanaṁ vā | 44 |

KAZ02.14.45/ peṭaka.apadeśena pṛṣataṁ guṇaṁ piṭakāṁ vā yat pariśātayanti tat.parikuṭṭanam | 45 |

KAZ02.14.46/ yad.dvi.guṇa.vāstukānāṁ vā rūpe sīsa.rūpaṁ prakṣipya-ābhyantaram avacchindanti tad avacchedanam | 46 |

KAZ02.14.47/ yad ghanānāṁ tīkṣṇena-ullikhanti tad ullekhanam | 47 |

KAZ02.14.48/ hari.tāla.manaḥ.śilā.hiṅguluka.cūrṇānām anyatamena kuru.vinda.cūrṇena vā vastraṁ samyūhya yat parimṛdnanti tat parimardanam | 48 |

KAZ02.14.49/ tena sauvarṇa.rājatāni bhāṇḍāni kṣīyante, na ca-eṣāṁ kiñcid avarugṇaṁ bhavati | 49 |

KAZ02.14.50/ bhagna.khaṇḍa.ghṛṣṭānāṁ samyūhyānāṁ sadṛśena-anumānaṁ kuryāt | 50 |

KAZ02.14.51/ avalepyānāṁ yāvad utpāṭitaṁ tāvad utpāṭya-anumānaṁ kuryāt | 51 |

KAZ02.14.52/ virūpāṇāṁ vā tāpanam udaka.peṣaṇaṁ ca bahuśaḥ kuryāt | 52 |

KAZ02.14.53/ avakṣepaḥ pratimānam agnir gaṇḍikā bhaṇḍika.adhikaraṇī piñchaḥ sūtraṁ cellaṁ bollanaṁ śira utsaṅgo makṣikā sva.kāya.īkṣā dṛtir udaka.śarāvam agniṣṭham iti kācaṁ vidyāt | 53 |

KAZ02.14.54/ rājatānāṁ visraṁ mala.grāhi paruṣaṁ prastīnaṁ vivarṇaṁ vā duṣṭam iti vidyāt | 54 |

KAZ02.14.55ab/ evaṁ navaṁ ca jīrṇaṁ ca virūpaṁ ca-api bhāṇḍakam |
KAZ02.14.55cd/ parīkṣeta-atyayaṁ ca-eṣāṁ yathā.uddiṣṭaṁ prakalpayet || 55 ||

2.15. Chapter 15 (Section 33): The Superintendent of the Magazine

[Page 63 ] [Note: [ K tr. 139 :: K2 tr. 122]

KAZ02.15.01/ koṣṭha.agāra.adhyakṣaḥ sītā.rāṣṭra.krayima.parivartaka.prāmityaka.āpamityaka.saṁhanika.- anya.jāta.vyaya.pratyāya.upasthānāny upalabhet | 1 |

KAZ02.15.02/ sītā.adhyakṣa.upanītaḥ sasya.varṇakaḥ sītā | 2 |

KAZ02.15.03/ piṇḍa.karaḥ ṣaḍ.bhāgaḥ senā.bhaktaṁ baliḥ kara utsaṅgaḥ pārśvaṁ pārihīṇikam aupāyanikaṁ kauṣṭheyakaṁ ca rāṣṭram | 3 |

KAZ02.15.04/ dhānya.mūlyaṁ kośa.nirhāraḥ prayoga.pratyādānaṁ ca krayimam | 4 |

KAZ02.15.05/ sasya.varṇānām argha.antareṇa vinimayaḥ parivartakaḥ | 5 |

KAZ02.15.06/ sasya.yācanam anyataḥ prāmityakam | 6 |

KAZ02.15.07/ tad eva pratidāna.artham āpamityakam | 7 |

KAZ02.15.08/ kuṭṭaka.rocaka.saktu.śukta.piṣṭa.karma taj.jīvaneṣu taila.pīḍana.maudra.cākrikeṣv ikṣūṇāṁ ca kṣāra.karma saṁhanikā | 8 |

KAZ02.15.09/ naṣṭa.prasmṛta.ādir anya.jātaḥ | 9 |

KAZ02.15.10/ vikṣepa.vyādhita.antara.ārambha.śeṣaṁ ca vyaya.pratyāyaḥ | 10 |

KAZ02.15.11/ tulā.māna.antaraṁ hasta.pūraṇam utkaro vyājī paryuṣitaṁ prārjitaṁ ca-upasthānam | iti | 11 |

KAZ02.15.12/ dhānya.sneha.kṣāra.lavaṇānāṁ dhānya.kalpaṁ sītā.adhyakṣe vakṣyāmaḥ | 12 |

KAZ02.15.13/ sarpis.taila.vasā.majjānaḥ snehāḥ | 13 |

KAZ02.15.14/ phāṇita.guḍa.matsyaṇḍika.akhaṇḍa.śarkarāḥ kṣāra.vargaḥ | 14 |

KAZ02.15.15/ saindhava.sāmudra.biḍa.yava.kṣāra.sauvarcala.udbhedajā lavaṇa.vargaḥ | 15 |

KAZ02.15.16/ kṣaudraṁ mārdvīkaṁ ca madhu | 16 |

KAZ02.15.17/ ikṣu.rasa.guḍa.madhu.phāṇita.jāmbava.panasānām anyatamo meṣa.śṛṅgī.pippalī.kvātha.abhiṣuto māsikaḥ ṣāṇmāsikaḥ sāṁvatsariko vā cidbhiṭor vāruka.ikṣu.kāṇḍa.āmra.phala.āmalaka.avasutaḥ śuddho vā śukta.vargaḥ | 17 |

[Page 64 ]

KAZ02.15.18/ vṛkṣa.āmla.kara.marda.āmra.vidala.āmalaka.mātuluṅga.kola.badara.- sauvīraka.parūṣaka.ādiḥ phala.āmla.vargaḥ | 18 |

KAZ02.15.19/ dadhi.dhānya.āmla.ādir drava.āmla.vargaḥ | 19 |

KAZ02.15.20/ pippalī.marica.śṛṅgi.berā.ajājī.kirāta.tikta.gaura.sarṣapa.kustumburu.- coraka.damanaka.maruvaka.śigru.kāṇḍa.ādiḥ kaṭuka.vargaḥ | 20 |

KAZ02.15.21/ śuṣka.matsya.māṁsa.kanda.mūla.phala.śāka.ādi ca śāka.vargaḥ | 21 |

KAZ02.15.22/ tato 'rdham āpad.arthaṁ jānapadānāṁ sthāpayed, ardham upayuñjīta | 22 |

KAZ02.15.23/ navena ca-anavaṁ śodhayet | 23 |

KAZ02.15.24/ kṣuṇṇa.ghṛṣṭa.piṣṭa.bhṛṣṭānām ārdra.śuṣka.siddhānāṁ ca dhānyānāṁ vṛddhi.kṣaya.pramāṇāni pratyakṣī.kurvīta | 24 |

KAZ02.15.25/ kodrava.vrīhīṇām ardhaṁ sāraḥ, śālīnām ardha.bhāga.ūnaḥ, tri.bhāga.ūno varakāṇām | 25 |

KAZ02.15.26/ priyaṅgūṇām ardhaṁ sāro nava.bhāga.vṛddhiś ca | 26 |

KAZ02.15.27/ udārakas tulyaḥ, yavā go.dhūmāś ca kṣuṇṇāḥ, tilā yavā mudga.māṣāś ca ghṛṣṭāḥ | 27 |

KAZ02.15.28/ pañca.bhāga.vṛddhir.go.dhūmaḥ, saktavaś ca | 28 |

KAZ02.15.29/ pāda.ūnā kalāya.camasī | 29 |

KAZ02.15.30/ mudga.māṣāṇām ardha.pāda.ūnā | 30 |

KAZ02.15.31/śaumbyānām ardhaṁ sāraḥ, tri.bhāga.ūno masūrāṇām | 31 |

KAZ02.15.32/ piṣṭam āmaṁ kulmāṣāś ca-adhyardha.guṇāḥ | 32 |

KAZ02.15.33/ dvi.guṇo yāvakaḥ, pulākaḥ, piṣṭaṁ ca siddham | 33 |

KAZ02.15.34/ kodrava.varaka.udāraka.priyaṅgūṇāṁ tri.guṇam annam, catur.guṇaṁ vrīhīṇām, pañca.guṇaṁ śālīnām | 34 |

KAZ02.15.35/ timitam apara.annaṁ dvi.guṇam, ardha.adhikaṁ virūḍhānām | 35 |

KAZ02.15.36/ pañca.bhāga.vṛddhir bhṛṣṭānām | 36 |

KAZ02.15.37/ kalāyo dvi.guṇaḥ, lājā bharujāś ca | 37 |

KAZ02.15.38/ṣaṭkaṁ tailam atasīnām | 38 |

KAZ02.15.39/ nimba.kuśa.āmraka.pittha.ādīnāṁ pañca.bhāgaḥ | 39 |

KAZ02.15.40/ catur.bhāgikās tila.kusumbha.madhūka.iṅgudī.snehāḥ | 40 |

KAZ02.15.41/ kārpāsa.kṣaumāṇāṁ pañca.pale palaṁ sūtram | 41 |

KAZ02.15.42/ pañca.droṇe śālīnāṁ dvādaśa.āḍhakaṁ taṇḍulānāṁ kalabha.bhojanam, ekādaśakaṁ vyālānām, daśakam aupavāhyānāṁ navakaṁ sāmnāhyānām, aṣṭakaṁ pattīnām, saptakaṁ mukhyānām, ṣaṭkaṁ devī.kumārāṇām, pañcakaṁ rājñām, akhaṇḍa.pariśuddhānāṁ vā taṇḍulānāṁ prasthaḥ | 42 |

[Page 65 ]

KAZ02.15.43/ taṇḍulānāṁ prasthaḥ catur.bhāgaḥ sūpaḥ sūpa.ṣoḍaśo lavaṇasya-aṁśaḥ catur.bhāgaḥ sarpiṣas tailasya vā-ekam ārya.bhaktaṁ puṁsaḥ | 43 |

KAZ02.15.44/ṣaḍ.bhāgaḥ sūpaḥ ardha.sneham avarāṇām | 44 |

KAZ02.15.45/ pāda.ūnaṁ strīṇām | 45 |

KAZ02.15.46/ ardhaṁ bālānām | 46 |

KAZ02.15.47/ māṁsa.pala.viṁśatyā sneha.ardha.kuḍubaḥ paliko lavaṇasya-aṁśaḥ kṣāra.pala.yogo dvi.dharaṇikaḥ kaṭuka.yogo dadhnuś ca-ardha.prasthaḥ | 47 |

KAZ02.15.48/ tena-uttaraṁ vyākhyātam | 48 |

KAZ02.15.49/ śākānām adhyardha.guṇaḥ, śuṣkāṇāṁ dvi.guṇaḥ, sa caiva yogaḥ | 49 |

KAZ02.15.50/ hasty.aśvayos tad.adhyakṣe vidhā.pramāṇaṁ vakṣyāmaḥ | 50 |

KAZ02.15.51/ balī.vardānāṁ māṣa.droṇaṁ yavānāṁ vā pulākaḥ, śeṣam aśva.vidhānam | 51 |

KAZ02.15.52/ viśeṣo ghāṇa.piṇyāka.tulā, kaṇa.kuṇḍakaṁ daśa.āḍhakaṁ vā | 52 |

KAZ02.15.53/ dvi.guṇaṁ mahiṣa.uṣṭrāṇām | 53 |

KAZ02.15.54/ ardha.droṇaṁ khara.pṛṣata.rohitānām | 54 |

KAZ02.15.55/ āḍhakam eṇa.kuraṅgāṇām | 55 |

KAZ02.15.56/ ardha.āḍhakam aja.eḍaka.varāhāṇām, dvi.guṇaṁ vā kaṇa.kuṇḍakam | 56 |

KAZ02.15.57/ prastha.odanaḥ śunām | 57 |

KAZ02.15.58/ haṁsa.krauñca.mayūrāṇām ardha.prasthaḥ | 58 |

KAZ02.15.59/ śeṣāṇām ato mṛga.paśu.pakṣi.vyālānām eka.bhaktād anumānaṁ grāhayet | 59 |

KAZ02.15.60/ aṅgārāṁs tuṣān loha.karma.anta.bhitti.lepyānāṁ hārayet | 60 |

KAZ02.15.61/ kaṇikā dāsa.karma.kara.sūpa.kārāṇām, ato 'nyad audanika.apūpikebhyaḥ prayacchet | 61 |

KAZ02.15.62/ tulā.māna.bhāṇḍaṁ rocanī.dṛṣan.musala.ulūkhala.kuṭṭaka.rocaka.yantra.pattraka.śūrpa.- cālanika.akaṇḍolī.piṭaka.sammārjanyaś ca-upakaraṇāni | 62 |

KAZ02.15.63/ mārjaka.rakṣaka.dharaka.māyaka.māpaka.dāyaka.dāpaka.śalāka.- apratigrāhaka.dāsa.karma.kara.vargaś ca viṣṭiḥ | 63 |

KAZ02.15.64ab/ uccair dhānyasya nikṣepo mūtāḥ kṣārasya saṁhatāḥ |
KAZ02.15.64cd/ mṛt.kāṣṭha.koṣṭhāḥ snehasya pṛthivī lavaṇasya ca || 64 ||

2.16. Chapter 16 (Section 34): The Director of Trade

[Note: [ K tr. 145 :: K2 tr. 127]

KAZ02.16.01/ paṇya.adhyakṣaḥ sthala.jalajānāṁ nānā.vidhānāṁ paṇyānāṁ sthala.patha.vāri.patha.upayātānāṁ sāra.phalgv.argha.antaraṁ priya.apriyatāṁ ca vidyāt, tathā vikṣepa.saṅkṣepa.kraya.vikraya.prayoga.kālān | 1 |

[Page 66 ]

KAZ02.16.02/ yac ca paṇyaṁ pracuraṁ syāt tad ekī.kṛtya-argham āropayet | 2 |

KAZ02.16.03/ prāpte 'rghe vā-argha.antaraṁ kārayet | 3 |

KAZ02.16.04/ sva.bhūmijānāṁ rāja.paṇyānām eka.mukhaṁ vyavahāraṁ sthāpayet, para.bhūmijānām aneka.mukham | 4 |

KAZ02.16.05/ ubhayaṁ ca prajānām anugraheṇa vikrāpayet | 5 |

KAZ02.16.06/ sthūlam api ca lābhaṁ prajānām aupaghātikaṁ vārayet | 6 |

KAZ02.16.07/ ajasra.paṇyānāṁ kāla.uparodhaṁ saṅkula.doṣaṁ vā na-utpādayet | 7 |

KAZ02.16.08/ bahu.mukhaṁ vā rāja.paṇyaṁ vaidehakāḥ kṛta.arghaṁ vikrīṇīran | 8 |

KAZ02.16.09/ cheda.anurūpaṁ ca vaidharaṇaṁ dadyuḥ | 9 |

KAZ02.16.10/ ṣoḍaśa.bhāgo māna.vyājī, viṁśati.bhāgas tulā.mānam, gaṇya.paṇyānām ekādaśa.bhāgaḥ | 10 |

KAZ02.16.11/ para.bhūmijaṁ paṇyam anugraheṇa-āvāhayet | 11 |

KAZ02.16.12/ na-avikasa.artha.vāhebhyaś ca parihāram āyati.kṣamaṁ dadyāt | 12 |

KAZ02.16.13/ anabhiyogaś ca-artheṣv āgantūnām, anyatra sabhyā.upakāribhyaḥ | 13 |

KAZ02.16.14/ paṇya.adhiṣṭhātāraḥ paṇya.mūlyam eka.mukhaṁ kāṣṭha.droṇyām ekac.chidra.apidhānāyāṁ nidadhyuḥ | 14 |

KAZ02.16.15/ ahnaś ca-aṣṭame bhāge paṇya.adhyakṣasya-arpayeyuḥ - "idaṁ vikrītam, idaṁ śeṣam" iti | 15 |

KAZ02.16.16/ tulā.māna.bhāṇḍaṁ ca-arpayeyuḥ | 16 |

KAZ02.16.17/ iti sva.viṣaye vyākhyātam | 17 |

KAZ02.16.18/ para.viṣaye tu - paṇya.pratipaṇyayor arghaṁ mūlyaṁ ca-āgamayya śulka.vartanyā-ātivāhika.gulmatara.deya.bhakta.bhāga.vyaya.śuddham udayaṁ paśyet | 18 |

KAZ02.16.19/ asaty udaye bhāṇḍa.nirvahaṇena paṇya.pratipaṇya.ānayanena vā lābhaṁ paśyet | 19 |

KAZ02.16.20/ tataḥ sāra.pādena sthala.vyavahāram adhvanā kṣemeṇa prayojayet | 20 |

KAZ02.16.21/ aṭavy.anta.pāla.pura.rāṣṭra.mukhyaiś ca pratisaṁsargaṁ gacched anugraha.artham | 21 |

KAZ02.16.22/ āpadi sāram ātmānaṁ vā mokṣayet | 22 |

KAZ02.16.23/ ātmano vā bhūmiṁ prāptaḥ sarva.deya.viśuddhaṁ vyavahareta | 23 |

KAZ02.16.24/ vāri.pathe vā yāna.bhāgaka.pathy.adana.paṇya.pratipaṇya.argha.pramāṇa.yātrā.- kāla.bhaya.pratīkāra.paṇya.pattana.cāritrāṇy upalabheta | 24 |

KAZ02.16.25ab/ nadī.pathe ca vijñāya vyavahāraṁ caritrataḥ |
KAZ02.16.25cd/ yato lābhas tato gacched alābhaṁ parivarjayet || 25 ||

2.17. Chapter 17 (Section 35): The Director of Forests

[Page 67 ] [Note: [ K tr. 148 :: K2 tr. 129]

KAZ02.17.01/ kupya.adhyakṣo dravya.vana.pālaiḥ kupyam ānāyayet | 1 |

KAZ02.17.02/ dravya.vana.karma.antāṁś ca prayojayet | 2 |

KAZ02.17.03/ dravya.vanac.chidrāṁ ca deyam atyayaṁ ca sthāpayed anyatra-āpadbhyaḥ | 3 |

KAZ02.17.04/ kupya.vargaḥ - śāka.tiniśa.dhanvana.arjuna.madhūka.tilaka.sāla.śiṁśapā.arimeda.- rāja.adana.śirīṣa.khadira.sarala.tāla.sarja.aśva.karṇa.soma.valka.kuśa.- āmra.priyaka.dhava.ādiḥ sāra.dāru.vargaḥ | 4 |

KAZ02.17.05/ uṭaja.cimiya.cāpa.veṇu.vaṁśa.sātina.kaṇṭaka.bhāllūka.ādir veṇu.vargaḥ | 5 |

KAZ02.17.06/ vetra.śīka.vallī.vāśī.śyāma.latā.nāga.latā.ādir vallī.vargaḥ | 6 |

KAZ02.17.07/ mālatī.mūrvā.arka.śaṇa.gavedhukā.atasy.ādir valka.vargaḥ | 7 |

KAZ02.17.08/ muñja.balbaja.ādi rajju.bhāṇḍam | 8 |

KAZ02.17.09/ tālī.tāla.bhūrjānāṁ pattram | 9 |

KAZ02.17.10/ kiṁśuka.kusumbha.kuṅkumānāṁ puṣpam | 10 |

KAZ02.17.11/ kanda.mūla.phala.ādir auṣadha.vargaḥ | 11 |

KAZ02.17.12/ kāla.kūṭa.vatsa.nābha.hālāhala.meṣa.śṛṅga.mustā.kuṣṭha.mahā.- viṣa.vellitaka.gaura.ardra.bālaka.mārkaṭa.haimavata.kāliṅgaka.- dāradaka.aṅkola.sāraka.uṣṭraka.ādīni viṣāṇi, sarpāḥ kīṭāś ca ta eva kumbha.gatāḥ viṣa.vargaḥ | 12 |

KAZ02.17.13/ godhā.seraka.dvīpy.ṛkṣa.śiṁśumāra.siṁha.vyāghra.hasti.mahiṣa.- camara.sṛmara.khaḍga.go.mṛga.gavayānāṁ carma.asthi.pitta.snāyv.akṣi.danta.śṛṅga.khura.pucchāni, anyeṣāṁ vā-api mṛga.paśu.pakṣi.vyālānām | 13 |

KAZ02.17.14/ kāla.ayasa.tāmra.vṛtta.kaṁsa.sīsa.trapu.vaikṛntaka.āra.kūṭāni lohāni | 14 |

KAZ02.17.15/ vidala.mṛttikāmayaṁ bhāṇḍam | 15 |

KAZ02.17.16/ aṅgāra.tuṣa.bhasmāni, mṛga.paśu.pakṣi.vyāla.vāṭāḥ kāṣṭha.tṛṇa.vāṭāś ca | iti | 16 |

KAZ02.17.17ab/ bahir antaś ca karma.antā vibhaktāḥ sārvabhāṇḍikāḥ |
KAZ02.17.17cd/ ājīva.pura.rakṣā.arthāḥ kāryāḥ kupya.upajīvinā || 17 ||

2.18. Chapter 18 (Section 36): The Superintendent of the Armoury

[Page 68 ] [Note: [ K tr. 150 :: K2 tr. 131]

KAZ02.18.01/ āyudha.agāra.adhyakṣaḥ sāṅgrāmikaṁ daurgakarmikaṁ para.pura.abhighātikaṁ ca yantram āyudham āvaraṇam upakaraṇaṁ ca taj.jāta.kāru.śilpibhiḥ kṛta.karma.pramāṇa.kāla.vetana.phala.niṣpattibhiḥ kārayet, sva.bhūmiṣu ca sthāpayet | 1 |

KAZ02.18.02/ sthāna.parivartanam ātapa.pravāta.pradānaṁ ca bahuśaḥ kuryāt | 2 |

KAZ02.18.03/ ūṣma.upasneha.krimibhir upahanyamānam anyathā sthāpayet | 3 |

KAZ02.18.04/ jāti.rūpa.lakṣaṇa.pramāṇa.āgama.mūlya.nikṣepaiś ca-upalabheta | 4 |

KAZ02.18.05/ sarvato.bhadra.jāmadagnya.bahu.mukha.viśvāsa.ghāti.saṅghāṭī.- yānaka.parjanyaka.bāhu.ūrdhva.bāhv.ardha.bāhūni sthita.yantrāṇi | 5 |

KAZ02.18.06/ pāñcālika.deva.daṇḍa.sūkarikā.musala.yaṣṭi.hasti.vāraka.tāla.- vṛnta.mudgara.gadā.spṛktalā.kuddāla.āsphāṭima.utpāṭima.- udghāṭima.śataghni.tri.śūla.cakrāṇi cala.yantrāṇi | 6 |

KAZ02.18.07/ śakti.prāsa.kunta.hāṭaka.bhiṇḍi.pāla.śūla.tomara.varāha.karṇa.- kaṇaya.karpaṇa.trāsika.ādīni ca hula.mukhāni | 7 |

KAZ02.18.08/ tāla.cāpa.dārava.śārṅgāṇi kārmuka.kodaṇḍa.drūṇā dhanūṁṣi | 8 |

KAZ02.18.09/ mūrvā.arka.śana.gavedhu.veṇu.snāyūni jyāḥ | 9 |

KAZ02.18.10/ veṇu.śara.śalākā.daṇḍa.āsana.nārācāś ca-iṣavaḥ | 10 |

KAZ02.18.11/ teṣāṁ mukhāni chedana.bhedana.tāḍanāny āyasa.asthi.dāravāṇi | 11 |

KAZ02.18.12/ nistriṁśa.maṇḍala.agra.asi.yaṣṭayaḥ khaḍgāḥ | 12 |

KAZ02.18.13/ khaḍga.mahiṣa.vāraṇa.viṣāṇa.dāru.veṇu.mūlāni tsaravaḥ | 13 |

KAZ02.18.14/ paraśu.kuṭhāra.paṭṭasa.khanitra.kuddāla.krakaca.kāṇḍac.chedanāḥ kṣura.kalpāḥ | 14 |

KAZ02.18.15/ yantra.goṣpaṇa.muṣṭi.pāṣāṇa.rocanī.dṛṣadaś ca-aśma.āyudhāni | 15 |

KAZ02.18.16/ loha.jālikā.paṭṭa.kavaca.sūtra.kaṅkaṭa.śiṁśumāraka.khaḍgi.- dhenuka.hasti.go.carma.khura.śṛṅga.saṅghātaṁ varmāṇi | 16 |

KAZ02.18.17/ śiras.trāṇa.kaṇṭha.trāṇa.kūrpāsa.kañcuka.vāra.vāṇa.paṭṭa.- nāga.udarikāḥ peṭī.carma.hasti.karṇa.tāla.mūla.dhamani.kāka.pāṭa.kiṭikā.- apratihata.balāha.kāntāś ca-āvaraṇāṇi | 17 |

[Page 69 ]

KAZ02.18.18/ hasti.ratha.vājināṁ yogyā.bhāṇḍam ālaṅkārikaṁ samnāha.kalpanāś ca-upakaraṇāni | 18 |

KAZ02.18.19/ aindrajālikam aupaniṣadikaṁ ca karma | 19 | karma.antānāṁ ca -

KAZ02.18.20ab/ icchām ārambha.niṣpattiṁ prayogaṁ vyājam uddayam |
KAZ02.18.20cd/ kṣaya.vyayau ca jānīyāt kupyānām āyudha.īśvaraḥ || 20 ||

2.19. Chapter 19 (Section 37): Standardisation of Weights and Measures

[Note: [ K tr. 153 :: K2 tr. 134]

KAZ02.19.01/ pautava.adhyakṣaḥ pautava.karma.antān kārayet | 1 |

KAZ02.19.02/ dhānya.māṣā daśa suvarṇa.māṣakaḥ, pañca vā guñjāḥ | 2 |

KAZ02.19.03/ te ṣoḍaśa suvarṇaḥ karṣo vā | 3 |

KAZ02.19.04/ catuṣ.karṣaṁ palam | 4 |

KAZ02.19.05/ aṣṭa.aśītir gaura.sarṣapā rūpya.māṣakaḥ | 5 |

KAZ02.19.06/ te ṣoḍaśa dharaṇam, śaumbyāni vā viṁśatiḥ | 6 |

KAZ02.19.07/ viṁśati.taṇḍulaṁ vajra.dharaṇam | 7 |

KAZ02.19.08/ ardha.māṣakaḥ māṣakaḥ dvau catvāraḥ aṣṭau māṣakāḥ suvarṇo dvau catvāraḥ, aṣṭau suvarṇāḥ daśa viṁśatiḥ triṁśat catvāriṁśat śatam iti | 8 |

KAZ02.19.09/ tena dharaṇāni vyākhyātāni | 9 |

KAZ02.19.10/ pratimānāny ayomayāni māgadha.mekala.śailamayāni yāni vā na-udaka.pradehābhyāṁ vṛddhiṁ gaccheyur uṣṇena vā hrāsam | 10 |

KAZ02.19.11/ ṣaḍaṅgulād ūrdhvam aṣṭa.aṅgula.uttarā daśa tulāḥ kārayet loha.palād ūrdhvam eka.pala.uttarāḥ, yantram ubhayataḥ.śikyaṁ vā | 11 |

KAZ02.19.12/ pañca.triṁśat.palalohāṁ dvi.saptaty.aṅgula.āyāmāṁ sama.vṛttāṁ kārayet | 12 |

KAZ02.19.13/ tasyāḥ pañca.palikaṁ maṇḍalaṁ baddhvā sama.karaṇaṁ kārayet | 13 |

KAZ02.19.14/ tataḥ karṣa.uttaraṁ palaṁ pala.uttaraṁ daśa.palaṁ dvādaśa pañcadaśa viṁśatir iti padāni kārayet | 14 |

KAZ02.19.15/ tata ā.śatād daśa.uttaraṁ kārayet | 15 |

KAZ02.19.16/ akṣeṣu nāndī.pinaddhaṁ kārayet | 16 |

KAZ02.19.17/ dvi.guṇa.lohāṁ tulām ataḥ ṣaṇṇavaty.aṅgula.āyāmāṁ parimāṇīṁ kārayet | 17 |

[Page 70 ]

KAZ02.19.18/ tasyāḥ śata.padād ūrdhvaṁ viṁśatiḥ pañcāśat śatam iti padāni kārayet | 18 |

KAZ02.19.19/ viṁśati.tauliko bhāraḥ | 19 |

KAZ02.19.20/ daśa.dhāraṇikaṁ palam | 20 |

KAZ02.19.21/ tat.pala.śatam āya.mānī | 21 |

KAZ02.19.22/ pañca.pala.avarā vyāvahārikī bhājany antaḥ.pura.bhājanī ca | 22 |

KAZ02.19.23/ tāsām ardha.dharaṇa.avaraṁ palam, dvi.pala.avaram uttara.loham, ṣaḍ.aṅgula.avarāś ca-āyāmāḥ | 23 |

KAZ02.19.24/ pūrvayoḥ pañca.palikaḥ prayāmo māṁsa.loha.lavaṇa.maṇi.varjam | 24 |

KAZ02.19.25/ kāṣṭha.tulā aṣṭa.hastā padavatī pratimānavatī mayūra.pada.adhiṣṭhitā | 25 |

KAZ02.19.26/ kāṣṭha.pañcaviṁśati.palaṁ taṇḍula.prastha.sādhanam | 26 |

KAZ02.19.27/ eṣa pradeśo bahv.alpayoḥ | 27 |

KAZ02.19.28/ iti tulā.pratimānaṁ vyākhyātam | 28 |

KAZ02.19.29/ atha dhānya.māṣa.dvi.pala.śataṁ droṇam āya.mānam, sapta.aśīti.pala.śatam ardha.palaṁ ca vyāvahārikam, pañca.saptati.pala.śataṁ bhājanīyam, dvi.ṣaṣṭi.pala.śatam ardha.palaṁ ca-antaḥ.pura.bhājanīyam | 29 |

KAZ02.19.30/ teṣām āḍhaka.prastha.kuḍubāś catur.bhāga.avarāḥ | 30 |

KAZ02.19.31/ ṣoḍaśa.droṇā khārī | 31 |

KAZ02.19.32/ viṁśati.droṇikaḥ kumbhaḥ | 32 |

KAZ02.19.33/ kumbhair daśabhir vahaḥ | 33 |

KAZ02.19.34/ śuṣka.sāra.dāru.mayaṁ samaṁ catur.bhāga.śikhaṁ mānaṁ kārayet, antaḥ.śikhaṁ vā | 34 |

KAZ02.19.35/ rasasya tu surāyāḥ puṣpa.phalayos tuṣa.aṅgārāṇāṁ sudhāyāś ca śikhā.mānaṁ dvi.guṇa.uttarā vṛddhiḥ | 35 |

KAZ02.19.36/ sa-pāda.paṇo droṇa.mūlyam āḍhakasya pāda.ūnaḥ, ṣaṇ.māṣakāḥ prasthasya, māṣakaḥ kuḍubasya | 36 |

KAZ02.19.37/ dvi.guṇaṁ rasa.ādīnāṁ māna.mūlyam | 37 |

KAZ02.19.38/ viṁśati.paṇāḥ pratimānasya | 38 |

KAZ02.19.39/ tulā.mūlyaṁ tri.bhāgaḥ | 39 |

KAZ02.19.40/ catur.māsikaṁ prātivedhanikaṁ kārayet | 40 |

KAZ02.19.41/ apratividdhasya-atyayaḥ sa-pādaḥ sapta.viṁśati.paṇaḥ | 41 |

KAZ02.19.42/ prātivedhanikaṁ kākaṇīkam ahar ahaḥ pautava.adhyakṣāya dadyuḥ | 42 |

KAZ02.19.43/ dvātriṁśad.bhāgas tapta.vyājī sarpiṣaḥ, catuḥ.ṣaṣṭi.bhāgas tailasya | 43 |

KAZ02.19.44/ pañcāśad bhāgo māna.srāvo dravāṇām | 44 |

KAZ02.19.45/ kuḍuba.ardha.catur.aṣṭa.bhāgāni mānāni kārayet | 45 |

KAZ02.19.46/ kuḍubāś catur.aśītir vārakaḥ sarpiṣo mataḥ | 46 |

KAZ02.19.47/ catuḥ.ṣaṣṭis tu tailasya pādaś ca ghaṭikā-anayoḥ | 47 |

2.20. Chapter 20 (Section 38): Measures of Space and Time

[Page 71 ] [Note: [ K tr. 158 :: K2 tr. 138]

KAZ02.20.01/ māna.adhyakṣyo deśa.kāla.mānaṁ vidyāt | 1 |

KAZ02.20.02/ aṣṭau parama.aṇavo ratha.cakra.vipruṭ | 2 |

KAZ02.20.03/ tā aṣṭau likṣā | 3 |

KAZ02.20.04/ tā aṣtau yūkā | 4 |

KAZ02.20.05/ tā aṣṭau yava.madhyaḥ | 5 |

KAZ02.20.06/ aṣṭau yava.madhyā aṅgulam | 6 |

KAZ02.20.07/ madhyamasya puruṣasya madhyamāyā anugulyā madhya.prakarṣo vā-aṅgulam | 7 |

KAZ02.20.08/ catur.aṅgulo dhanur.grahaḥ | 8 |

KAZ02.20.09/ aṣṭa.aṅgulā dhanur.muṣṭiḥ | 9 |

KAZ02.20.10/ dvādaśa.aṅgulā vitastiḥ, chāyā.pauruṣaṁ ca | 10 |

KAZ02.20.11/ catur.daśa.aṅgulaṁ śamaḥ śalaḥ parīrayaḥ padaṁ ca | 11 |

KAZ02.20.12/ dvi.vitastir aratniḥ prājāpatyo hastaḥ | 12 |

KAZ02.20.13/ sa-dhanur.grahaḥ pautava.vivīta.mānam | 13 |

KAZ02.20.14/ sa-dhanur.muṣṭiḥ kuṣkuḥ kaṁso vā | 14 |

KAZ02.20.15/ dvi.catvāriṁśad.aṅgulas takṣṇaḥ krākacanika.kiṣkuḥ skandha.āvāra.durga.rāja.parigraha.mānam | 15 |

KAZ02.20.16/ catuṣ.pañcāśad.aṅgulaḥ kūpya.vana.hastaḥ | 16 |

KAZ02.20.17/ catur.aśīty.aṅgulo vyāmo rajju.mānaṁ khāta.pauruṣaṁ ca | 17 |

KAZ02.20.18/ catur.aratnir daṇḍo dhanur.nālikā pauruṣaṁ ca gārhapatyam | 18 |

KAZ02.20.19/ aṣṭa.śata.aṅgulaṁ dhanuḥ pathi.prākāra.mānaṁ pauruṣaṁ ca-agni.cityānām | 19 |

KAZ02.20.20/ ṣaṭ.kaṁso daṇḍo brahma.deya.ātithya.mānam | 20 |

KAZ02.20.21/ daśa.daṇḍo rajjuḥ | 21 |

KAZ02.20.22/ dvi.rajjukaḥ parideśaḥ | 22 |

KAZ02.20.23/ tri.rajjukaṁ nivartanam ekataḥ | 23 |

KAZ02.20.24/ dvi.daṇḍa.adhiko bāhuḥ | 24 |

KAZ02.20.25/ dvi.dhanuḥ.sahasraṁ go.rutam | 25 |

KAZ02.20.26/ catur.go.rutaṁ yojanam | 26 |

KAZ02.20.27/ iti deśa.mānam | 27 |

KAZ02.20.28/ kāla.mānam ata ūrdhvam | 28 |

KAZ02.20.29/ tuṭo lavo nimeṣaḥ kāṣṭhā kallā nālikā muhūrtaḥ pūrva.apara.bhāgau divaso rātriḥ pakṣo māsa ṛtur ayanaṁ saṁvatsaro yugam iti kālāḥ | 29 |

KAZ02.20.30/ dvau tuṭau lavaḥ | 30 |

KAZ02.20.31/ dvau lavau nimeṣaḥ | 31 |

KAZ02.20.32/ pañca.nimeṣāḥ kāṣṭhāḥ | 32 |

KAZ02.20.33/ triṁśat.kāṣṭhāḥ kalāḥ | 33 |

KAZ02.20.34/ catvāriṁśat.kalāḥ nālikā | 34 |

KAZ02.20.35/ suvarṇa.māṣakāś catvāraś catur.aṅgula.āyāmāḥ kumbhac.chidram āḍhakam ambhaso vā nālikā | 35 |

KAZ02.20.36/ dvi.nāliko muhūrtaḥ | 36 |

[Page 72 ]

KAZ02.20.37/ pañca.daśa.muhūrto divaso rātriś ca caitre ca-āśvayuje ca māsi bhavataḥ | 37 |

KAZ02.20.38/ tataḥ paraṁ tribhir muhūrtair anyataraḥ ṣaṇ.māsaṁ vardhate hrasate ca-iti | 38 |

KAZ02.20.39/ chāyāyām aṣṭa.pauruṣyām aṣṭādaśa.bhāgaś chedaḥ, ṣaṭ.pauruṣyāṁ catur.daśa.bhāgaḥ, tri.pauruṣyām aṣṭa.bhāgaḥ, dvi.pauruṣyāṁ ṣaḍ.bhāgaḥ, pauruṣyāṁ catur.bhāgaḥ, aṣṭa.aṅgulāyāṁ trayo daśa.bhāgāḥ, catur.aṅgulāyāṁ trayo 'ṣṭa.bhāgāḥ, acchāyo madhya.ahna iti | 39 |

KAZ02.20.40/ parāvṛtte divase śeṣam evaṁ vidyāt | 40 |

KAZ02.20.41/ āṣāḍhe māsi naṣṭac.chāyo madhya.ahno bhavati | 41 |

KAZ02.20.42/ ataḥ paraṁ śrāvaṇa.ādīnāṁ ṣaṇ.māsānāṁ dvy.aṅgula.uttarā māgha.ādīnāṁ dvy.aṅgula.avarā chāyā iti | 42 |

KAZ02.20.43/ pañcadaśa.aho.rātrāḥ pakṣaḥ | 43 |

KAZ02.20.44/ soma.āpyāyanaḥ śuklaḥ | 44 |

KAZ02.20.45/ soma.avacchedano bahulaḥ | 45 |

KAZ02.20.46/ dvi.pakṣo māsaḥ | 46 |

KAZ02.20.47/ triṁśad.aho.rātraḥ karma.māsaḥ | 47 |

KAZ02.20.48/ sa-ardhaḥ sauraḥ | 48 |

KAZ02.20.49/ ardha.nyūnaś cāndra.māsaḥ | 49 |

KAZ02.20.50/ sapta.viṁśatir nākṣatra.māsaḥ | 50 |

KAZ02.20.51/ dvātriṁśad bala.māsaḥ | 51 |

KAZ02.20.52/ pañcatriṁśad aśva.vāhāyāḥ | 52 |

KAZ02.20.53/ catvāriṁśadd.hasti.vāhāyāḥ | 53 |

KAZ02.20.54/ dvau māsāv ṛtuḥ | 54 |

KAZ02.20.55/ śrāvaṇaḥ prauṣṭhapadaś ca varṣāḥ | 55 |

KAZ02.20.56/ āśvayujaḥ kārttikaś ca śarat | 56 |

KAZ02.20.57/ mārga.śīrṣaḥ pauṣaś ca hemantaḥ | 57 |

KAZ02.20.58/ māghaḥ phālgunaś ca śiśiraḥ | 58 |

KAZ02.20.59/ caitro vaiśākhaś ca vasantaḥ | 59 |

KAZ02.20.60/ jyeṣṭhāmūlīya āṣāḍhaś ca grīṣmaḥ | 60 |

KAZ02.20.61/ śiśira.ādy uttara.ayaṇam | 61 |

KAZ02.20.62/ varṣa.ādi dakṣiṇa.ayanam | 62 |

KAZ02.20.63/ dvy.ayanaḥ saṁvatsaraḥ | 63 |

KAZ02.20.64/ pañca.saṁvatsaro yugam | iti | 64 |

KAZ02.20.65ab/ divasasya haraty arkaḥ ṣaṣṭi.bhāgam ṛtau tataḥ |
KAZ02.20.65cd/ karoty ekam ahaś.chedaṁ tathā-eva-ekaṁ ca candramāḥ || 65 ||
KAZ02.20.66ab/ evam ardha.tṛtīyānām abdānām adhimāsakam |
KAZ02.20.66cd/ grīṣme janayataḥ pūrvaṁ pañca.abda.ante ca paścimam || 66 ||

2.21. Chapter 21 (Section 39): The Collector of Customs

[Page 73 ] [Note: [ K tr. 162 :: K2 tr. 141]

KAZ02.21.01/ śulka.adhyakṣaḥ śulka.śālāṁ dhvajaṁ ca prān.mukham udan.mukhaṁ vā mahā.dvāra.abhyāśe niveśayet | 1 |

KAZ02.21.02/ śulka.ādāyinaś catvāraḥ pañca vā sārtha.upayātān vaṇijo likheyuḥ - ke kutastyāḥ kiyat.paṇyāḥ kva ca-abhijñānaṁ mudrā vā kṛtā iti | 2 |

KAZ02.21.03/ amudrāṇām atyayo deya.dvi.guṇaḥ | 3 |

KAZ02.21.04/ kūṭa.mudrāṇāṁ śulka.aṣṭa.guṇo daṇḍaḥ | 4 |

KAZ02.21.05/ bhinna.mudrāṇām atyayo ghaṭikā.sthāne sthānam | 5 |

KAZ02.21.06/ rāja.mudrā.parivartane nāma.kṛte vā sa-pāda.paṇikaṁ vahanaṁ dāpayet | 6 |

KAZ02.21.07/ dhvaja.mūla.upasthitasya pramāṇam arghaṁ ca vaidehikāḥ paṇyasya brūyuḥ "etat.pramāṇena-argheṇa paṇyam idaṁ kaḥ kretā" iti | 7 |

KAZ02.21.08/ tri.ruddha.uṣitam arthibhyo dadyāt | 8 |

KAZ02.21.09/ kretṛ.saṅgharṣe mūlya.vṛddhiḥ sa-śulkā kośaṁ gacchet | 9 |

KAZ02.21.10/ śulka.bhayāt paṇya.pramāṇa mūlyaṁ vā hīnaṁ bruvatas tad atiriktaṁ rājā haret | 10 |

KAZ02.21.11/ śulkam aṣṭa.guṇaṁ vā dadyāt | 11 |

KAZ02.21.12/ tad eva niviṣṭa.paṇyasya bhāṇḍasya hīna.prativarṇakena-argha.apakarṣaṇe sāra.bhāṇḍasya phalgu.bhāṇḍena praticchādane ca kuryāt | 12 |

KAZ02.21.13/ pratikretṛ.bhayād vā paṇya.mūlyād upari mūlyaṁ vardhayato mūlya.vṛddhiṁ rājā haret, dvi.guṇaṁ vā śulkaṁ kuryāt | 13 |

KAZ02.21.14/ tad eva-aṣṭa.guṇam adhyakṣasyac. chādayataḥ | 14 |

KAZ02.21.15/ tasmād vikrayaḥ paṇyānāṁ dhṛto mito gaṇito vā kāryaḥ, tarkaḥ phalgu.bhāṇḍānām ānugrāhikāṇāṁ ca | 15 |

KAZ02.21.16/ dhvaja.mūlam atikrāntānāṁ ca-akṛta.śulkānāṁ śulkād aṣṭa.guṇo daṇḍaḥ | 16 |

KAZ02.21.17/ pathika.utpathikās tad vidyuḥ | 17 |

KAZ02.21.18/ vaivāhikam anvāyanam aupāyikaṁ yajña.kṛtya.prasava.naimittikaṁ deva-ijyā.caula.upanayana.go.dāna.vrata.dīkṣā.ādiṣu kriyā.viśeṣeṣu bhāṇḍam ucchulkaṁ gacchet | 18 |

KAZ02.21.19/ anyathā.vādinaḥ steya.daṇḍaḥ | 19 |

KAZ02.21.20/ kṛta.śulkena-akṛta.śulkaṁ nirvāhayato dvitīyam eka.mudrayā bhittvā paṇya.puṭam apaharato vaidehakasya tac-ca tāvac ca daṇḍaḥ | 20 |

KAZ02.21.21/ śulka.sthānād gomaya.palālaṁ pramāṇaṁ kṛtvā-apaharata uttamaḥ sāhasa.daṇḍaḥ | 21 |

[Page 74 ]

KAZ02.21.22/ śastra.varma.kavaca.loha.ratha.ratna.dhānya.paśūnām anyatamam anirvāhyaṁ nirvāhayato yathā-avaghuṣito daṇḍaḥ paṇya.nāśaś-ca | 22 |

KAZ02.21.23/ teṣām anyatamasya-ānayane bahir eva-ucchulko vikrayaḥ | 23 |

KAZ02.21.24/ anta.pālaḥ sa-pāda.paṇikāṁ vartanīṁ gṛhṇīyāt paṇya.vahanasya, paṇikām eka.khurasya, paśūnām ardha.paṇikāṁ kṣudra.paśūnāṁ pādikām, aṁsa.bhārasya māṣikām | 24 |

KAZ02.21.25/ naṣṭa.apahṛtaṁ ca pratividadhyāt | 25 |

KAZ02.21.26/ vaideśyaṁ sārthaṁ kṛta.sāra.phalgu.bhāṇḍa.vicayanam abhijñānaṁ mudrāṁ ca dattvā preṣayed adhyakṣasya | 26 |

KAZ02.21.27/ vaidehaka.vyañjano vā sārtha.pramāṇaṁ rājñaḥ preṣayet | 27 |

KAZ02.21.28/ tena pradeśena rājā śulka.adhyakṣasya sārtha.pramāṇam upadiśet sarvajña.khyāpana-artham | 28 |

KAZ02.21.29/ tataḥ sārtham adhyakṣo 'bhigamya brūyāt "idam amuṣyām uṣya ca sāra.bhāṇḍaṁ phalgu.bhāṇḍaṁ ca, na nihūhitavyam, eṣa rājñaḥ prabhāvaḥ" iti | 29 |

KAZ02.21.30/ nihūhataḥ phalgu.bhāṇḍaṁ śulka.aṣṭa.guṇo daṇḍaḥ, sāra.bhāṇḍaṁ sarva.apahāraḥ | 30 |

KAZ02.21.31ab/ rāṣṭra.pīḍā.karaṁ bhāṇḍam ucchindyād aphalaṁ ca yat |
KAZ02.21.31cd/ mahā.upakāram ucchulkaṁ kuryād bījaṁ ca durlabham || 31 ||

2.22. Chapter 22 (Section 39): The Collector of Customs (cont.)

[Note: [ K tr. 166 :: K2 tr. 144]

KAZ02.22.01/ bāhyam ābhyantaraṁ ca-ātithyam | 1 |

KAZ02.22.02/ niṣkrāmyaṁ praveśyaṁ ca śulkam | 2 |

KAZ02.22.03/ praveśyānāṁ mūlya.pañca.bhāgaḥ | 3 |

KAZ02.22.04/ puṣpa.phala.śāka.mūla.kanda.vāllikya.bīja.śuṣka.matsya.māṁsānāṁ ṣaḍ.bhāgaṁ gṛhṇīyāt | 4 |

KAZ02.22.05/ śaṅkha.vajra.maṇi.muktā.pravāla.hārāṇāṁ taj.jāta.puruṣaiḥ kārayet kṛta.karma.pramāṇa.kāla.vetana.phala.niṣpattibhiḥ | 5 |

KAZ02.22.06/ kṣauma.dukūla.krimi.tāna.kaṅkaṭa.hari.tāla.manaḥ.śilā.añjana.- hiṅguluka.loha.varṇa.dhātūnāṁ candana.aguru.kaṭuka.kiṇva.avarāṇāṁ carma.danta.āstaraṇa.prāvaraṇa.krimi.jātānām āja.eḍakasya ca daśa.bhāgaḥ pañca.daśa.bhāgo vā | 6 |

[Page 75 ]

KAZ02.22.07/ vastra.catuṣpada.dvipada.sūtra.kārpāsa.gandha.bhaiṣajya.- kāṣṭha.veṇu.valkala.carma.mṛdbha.aṇḍānāṁ dhānya.sneha.kṣāra.lavaṇa.madya.pakvān nādīnāṁ ca viṁśati.bhāgaḥ pañca.viṁśati.bhāgo vā | 7 |

KAZO2.22.08/ dvārādeyaṁ śulkaṁ pañca.bhāgaḥ ānugrāhikaṁ vā yathā.deśa.upakāraṁ sthāpaytet | 8 |

KAZO2.22.09/ jāti.bhūmiṣu ca paṇyānāṁ vikrayaḥ | 9 |

KAZO2.22.10/ khanibhyo dhātu.paṇyādāne ṣaṭ.chatam atyayaḥ | 10 |

KAZO2.22.11/ puṣpa.phala.vāṭebhyaḥ puṣpa.phala.ādāne catuṣ.pañcāśat.paṇo daṇḍaḥ | 11 |

KAZO2.22.12 ṣaṇḍebhyaḥ śāka.mūla.kanda.ādāne pāda.ūnaṁ dvi.pañcāśat.paṇo daṇḍaḥ | 12 |

KAZ02.22.13/ kṣetrebhyaḥ sarva.sasya.ādāne tri.pañcāśat.paṇaḥ | 13 |

KAZ02.22.14/ paṇo 'dhyardha.paṇaś ca sītā.atyayaḥ | 14 |

KAZ02.22.15ab/ ato nava.purāṇāṁ deśa.jāti.caritrataḥ |
KAZ02.22.15cd/ paṇyānāṁ sthāpayec-śuklam atyayaṁ ca-apakārataḥ || 15 ||

2.23. Chapter 23 (Section 40): The Superintendent of Yarns

[Note: [ K tr. 168 :: K2 tr. 146]

KAZ02.23.01/ sūtra.adhyakṣaḥ sūtra.varma.vastra.rajju.vyavahāraṁ taj.jāta.puruṣaiḥ kārayet | 1 |

KAZ02.23.02/ ūrṇā.valka.kārpāsa.tūla.śaṇa.kṣaumāṇi ca vidhavā.nyaṅgā.kanyā.pravrajitā.daṇḍa.pratikāriṇībhī rūpa.ājīvā.mātṛkābhir vṛddha.rāja.dāsībhir vyuparata.upasthāna.deva.dāsībhiś ca kartayet | 2 |

KAZ02.23.03/ ślakṣṇa.sthūla.madhyatāṁ ca sūtrasya viditvā vetanaṁ kalpayet, bahv.alpatāṁ ca | 3 |

KAZ02.23.04/ sūtra.pramāṇa jñātvā taila.āmalaka.udvartanair etā anugṛhṇīyāt | 4 |

KAZ02.23.05/ tithiṣu pratimāna.dānaiś ca karma kārayitavyāḥ | 5 |

KAZ02.23.06/ sūtra.hrāse vetana.hrāso dravya.sārāt | 6 |

KAZ02.23.07/ kṛta.karma.pramāṇa.kāla.vetana.phala.niṣpattibhiḥ kārubhiś ca karma kārayet, pratisaṁsargaṁ ca gacchet | 7 |

KAZ02.23.08/ kṣauma.dukūla.krimi.tāna.rāṅkava.kārpāsa.sūtra.vāna.karma.antāṁś ca prayuñjāno gandha.mālya.dānair anyaiś ca-aupagrāhikair ārādhayet | 8 |

KAZ02.23.09/ vastra.āstaraṇa.prāvaraṇa.vikalpān utthāpayet | 9 |

KAZ02.23.10/ kaṅkaṭa.karma.antāṁś ca taj.jāta.kāru.śilpibhiḥ kārayet | 10 |

[Page 76 ]

KAZ02.23.11/ yāś ca-aniṣkāsinyaḥ proṣitā vidhavā nyaṅgāḥ kanyakā vā-ātmānaṁ bibhṛyuḥ tāḥ sva.dāsībhir anusārya sa-upagrahaṁ karma kārayitavyāḥ | 11 |

KAZ02.23.12/ svayam āgacchantīnāṁ vā sūtra.śālāṁ pratyuṣasi bhāṇḍa.vetana.vinimayaṁ kārayet | 12 |

KAZ02.23.13/ sūtra.parīkṣā.artha.mātraḥ pradīpaḥ | 13 |

KAZ02.23.14/ striyā mukha.sandarśane 'nya.kārya.sambhāṣāyāṁ vā pūrvaḥ sāhasa.daṇḍaḥ, vetana.kāla.atipātane madhyamaḥ, akṛta.karma.vetana.pradāne ca | 14 |

KAZ02.23.15/ gṛhītvā vetanaṁ karma.akurvatyā aṅguṣṭha.sandaṁśaṁ dāpayet, bhakṣita.apahṛta.avaskanditānāṁ ca | 15 |

KAZ02.23.16/ vetaneṣu ca karma.karāṇām aparādhato daṇḍaḥ | 16 |

KAZ02.23.17/ rajju.vartakair varma.kāraiś ca svayaṁ saṁsṛjyeta | 17 |

KAZ02.23.18/ bhāṇḍāni ca varatra.ādīni vartayet | 18 |

KAZ02.23.19ab/ sūtra.valkamayī rajjur varatrā vaitra.vaiṇavīḥ |
KAZ02.23.19cd/ sāmnāhyā bandha.nīyāś ca yāna.yugyasya karayet || 19 ||

2.24. Chapter 24 (Section 41): The Director of Agriculture

[Note: [ K tr. 170 :: K2 tr. 148]

KAZ02.24.01/ sītā.adhyakṣaḥ kṛṣi.tantra.śulba.vṛkṣa.āyur.vedajñas taj.jña.sakho vā sarva.dhānya.puṣpa.phala.śāka.kanda.mūla.vāllikya.kṣauma.kārpāsa.bījāni yathā.kālaṁ gṛhṇīyāt | 1 |

KAZ02.24.02/ bahu.hala.parikṛṣṭāyāṁ sva.bhūmau dāsa.karma.kara.daṇḍa.pratikartṛbhir vāpayet | 2 |

KAZ02.24.03/ karṣaṇa.yantra.upakaraṇa.balīvardaiś ca-eṣām asaṅgaṁ kārayet, kārubhiś ca karmāra.kuṭṭāka.medaka.rajju.vartaka.sarpa.grāha.ādibhiś ca | 3 |

KAZ02.24.04/ teṣāṁ karma.phala.vinipāte tat.phala.hānaṁ daṇḍaḥ | 4 |

KAZ02.24.05/ ṣoḍaśa.droṇaṁ jāṅgalānāṁ varṣa.pramāṇam, adhyardham ānūpānāṁ deśa.vāpānām, ardha.trayodaśa-aśmakānām, trayoviṁśatir avantīnām, amitam apara.antānāṁ haimanyānāṁ ca, kulyā.āvāpānāṁ ca kālataḥ | 5 |

KAZ02.24.06/ varṣa.tri.bhāgaḥ pūrva.paścima.māsayoḥ, dvau tri.bhāgau madhyamayoḥ - suṣamā.rūpam | 6 |

[Page 77 ]

KAZ02.24.07/ tasya-upaladhir bṛhaspateḥ sthāna.gamana.garbha.ādhānebhyaḥ śukra.udaya.astamaya.cārebhyaḥ sūryasya prakṛti.vaikṛtāc ca | 7 |

KAZ02.24.08/ sūryād bīja.siddhiḥ, bṛhaspateḥ sasyānāṁ stamba.kāritā, śukrād vṛṣṭiḥ | iti | 8 |

KAZ02.24.09ab/ trayaḥ sapta.ahikā meghā aśītiḥ kaṇa.śīkarāḥ |
KAZ02.24.09cd/ ṣaṣṭir ātapa.meghānām eṣā vṛṣṭiḥ samā hitā || 9 ||
KAZ02.24.10ab/ vātam ātapa.yogaṁ ca vibhajan yatra varṣati |
KAZ02.24.10cd/ trīn karīṣāṁś ca janayaṁs tatra sasya.āgamo dhruvaḥ || 10 ||

KAZ02.24.11/ tataḥ prabhūta.udakam alpa.udakaṁ vā sasyaṁ vāpayet | 11 |

KAZ02.24.12/ śāli.vrīhi.kodrava.tila.priyaṅgu.udāraka.varakāḥ pūrva.vāpāḥ | 12 |

KAZ02.24.13/ mudga.māṣa.śaimbyā madhya.vāpāḥ | 13 |

KAZ02.24.14/ kusumbha.masūra.kulattha.yava.go.dhūma.kalāya.atasī.sarṣapāḥ paścād.vāpāḥ | 14 |

KAZ02.24.15/ yathā.ṛtu.vaśena vā bīja.vāpāḥ | 15 |

KAZO2.24.16/ vāpa.atiriktam ardha.sītikāḥ kuryuḥ, sva.vīrya.upajīvino vā catur.tha.pañca.bhāgikāḥ | 16 |

KAZU2.24.17/ yathā-iṣṭam anavasita.bhāgaṁ dadyuḥ, anyatra kṛcchrebhyaḥ | 17 |

KAZU2.24.18/ sva.setubhyo hasta.prāvartimam udaka.bhāgaṁ pañcamaṁ dadyuḥ, skandha.prāvartimaṁ caturtham, sroto.yantra.prāvartimaṁ ca tṛtīyam, caturthaṁ nadī.saras.taṭāka.kūpa.uddhāṭam | 18 |

KAZU2.24.19/ karma.udaka.pramāṇena kaidāraṁ haimanaṁ graiṣmikaṁ vā sasyaṁ sthāpayet | 19 |

KAZU2.24.20/ śāly.ādi jyeṣṭham, ṣaṇḍo madhyamaḥ, ikṣuḥ pratyavaraḥ | 20 |

KAZ02.24.21/ ikṣavo hi bahv.ābādhā vyaya.grāhiṇaś ca | 21 |

KAZ02.24.22/ phena.āghāto vallī.phalānām, parīvāha.antāḥ pippalī.mṛdvīka.ikṣūṇām, kūpa.paryantāḥ śāka.mūlānām, haraṇī.paryantā haritakānām, pālyo lavānāṁ gandha.bhaiṣajya.uśīra.hrībera.piṇḍāluka.ādīnām | 22 |

KAZ02.24.23/ yathā.svaṁ bhūmiṣu ca sthālyāś ca-ānūpyāś ca-oṣadhīḥ sthāpayet | 23 |

KAZ02.24.24/ tuṣāra.pāyana.muṣṇa.śoṣaṇaṁ ca-ā.sapta.rātrād iti dhānya.bījānām, tri.rātraṁ vā pañca.rātraṁ vā kośī.dhānyānām, madhu.ghṛta.sūkara.vasābhiḥ śakṛd.yuktābhiḥ kāṇḍa.bījānāṁ cheda.lepo, madhu.ghṛtena kandānām, asthi.bījānāṁ śakṛd.ālepaḥ, śākhināṁ garta.dāho go.asthi.śakṛdbhiḥ kāle dauhrdaṁ ca | 24 |

KAZ02.24.25/ prarūḍhāṁś ca-aśuṣka.kaṭu.matsyāṁś ca snuhi.kṣīreṇa pāyayet | 25 |

KAZ02.24.26ab/ kārpāsa.sāraṁ nirmokaṁ sarpasya ca samāharet |
KAZ02.24.26cd/ na sarpās tatra tiṣṭhanti dhūmo yatra-eṣa tiṣṭhati || 26 ||

KAZ02.24.27/ sarva.jījānāṁ tu prathama.vāpe suvarṇa.udaka.samplutāṁ pūrva.muṣṭiṁ vāpayed, amuṁ ca mantraṁ [Page 78 ]brūyāt - "prajāpataye kāśyapāya devāya ca namaḥ sadā | sītā me ṛdhyatāṁ devī bījeṣu ca dhaneṣu ca | 27 |

KAZ02.24.28/ ṣaṇḍa.vāṭa.go.pālaka.dāsa.karma.karebhyo yathā.puruṣa.parivāpaṁ bhaktaṁ kuryāt, sa-pāda.paṇikaṁ ca māsaṁ dadyāt | 28 |

KAZ02.24.29/ karma.anurūpaṁ kārubhyo bhakta.vetanam | 29 |

KAZ02.24.30/ praśīrṇaṁ ca puṣpa.phalaṁ deva.kārya.arthaṁ vrīhi.yavam āgrayaṇa.arthaṁ śrotriyās tapasvinaś ca-āhareyuḥ, rāśi.mūlam uñcha.vṛttayaḥ | 30 |

KAZ02.24.31ab/ yathā.kālaṁ ca sasya.ādi jātaṁ jātaṁ praveśayet |
KAZ02.24.31cd/ na kṣetre sthāpayet kiñcit palālam api paṇḍitaḥ || 31 ||
KAZ02.24.32ab/ prākārāṇāṁ samucchrayān valabhīr vā tathā.vidhāḥ |
KAZ02.24.32cd/ na saṁhatāni kurvīta na tucchāni śirāṁsi ca || 32 ||
KAZ02.24.33ab/ khalasya prakarān kuryān maṇḍala.ante samāśritān |
KAZ02.24.33cd/ anagnikāḥ sa-udakāś ca khale syuḥ parikarmiṇaḥ || 33 ||

2.25. Chapter 25 (Section 42): The Controller of Spirituous Liquors

[Note: [ K tr. 176 :: K2 tr. 153]

KAZ02.25.01/ surā.adhyakṣaḥ surā.kiṇva.vyavahārān durge jana.pade skandha.āvāre vā taj.jāta.surā.kiṇva.vyavahāribhiḥ kārayed, eka.mukham aneka.mukhaṁ vā vikraya.kraya.vaśena vā | 1 |

KAZ02.25.02/ ṣaṭ.śatam atyayam anyatra kartṛ.kretṛ.vikretṝṇāṁ sthāpayet | 2 |

KAZ02.25.03/ grāmād anirṇayaṇam asampātaṁ ca surāyāḥ, pramāda.bhayāt karmasu ñjirdiṣṭānām, maryāda.atikrama.bhayād āryāṇām, utsāha.bhayāc ca tīṣkṇānām | 3 |

KAZ02.25.04/ lakṣitam alpaṁ vā catur.bhāgam ardha.kuḍubaṁ kuḍubam ardha.prasthaṁ prasthaṁ vā-iti jñāta.śaucā nirhareyuḥ | 4 |

KAZ02.25.05/ pāna.agāreṣu vā pibeyur asañcāriṇaḥ | 5 |

KAZ02.25.06/ nikṣepa.upanidhi.prayoga.apahṛtānām aniṣṭa.upagatānāṁ ca dravyāṇāṁ jñāna.artham asvāmikaṁ kupyaṁ hiraṇyaṁ ca-upalabhya niṣkeptāram anyatra vyapadeśena grāhayed, ativyaya.kartāram anāyati.vyayaṁ ca | 6 |

[Page 79 ]

KAZ02.25.07/ na ca-anargheṇa kālikāṁ vā surāṁ dadyād, anyatra duṣṭa.surāyāḥ | 7 |

KAZ02.25.08/ tām anyatra vikrāpayet | 8 |

KAZ02.25.09/ dāsa.karma.karebhyo vā vetanaṁ dadyāt | 9 |

KAZ02.25.10/ vāhana.pratipānaṁ sūkara.poṣaṇaṁ vā dadyāt | 10 |

KAZ02.25.11/ pāna.agārāṇy.aneka.kakṣyāṇi vibhakta.śayana.āsanavanti pāna.uddeśāni gandha.mālya.udakavanti ṛtu.sukhāni kārayet | 11 |

KAZ02.25.12/ tatrasthāḥ prakṛty.autpattikau vyayau gūḍhā vidyuḥ, āgantūṁś ca | 12 |

KAZ02.25.13/ kretṝṇāṁ matta.suptānām alaṅkārāt-chādana.hiraṇyāni ca vidyuḥ | 13 |

KAZ02.25.14/ tan.nāśe vaṇijas tac ca tāvac ca daṇḍaṁ dadyuḥ | 14 |

KAZ02.25.15/ vaṇijaśs tu saṁvṛteṣu kakṣyā.vibhāgeṣu sva.dāsībhiḥ peśala.rūpābhir āgantūnāṁ vāstavyānāṁ ca-ārya.rūpāṇāṁ matta.suptānāṁ bhāvaṁ vidyuḥ | 15 |

KAZ02.25.16/ medaka.prasanna.āsava.ariṣṭa.maireya.madhūnām | 16 |

KAZ02.25.17/ udaka.droṇaṁ taṇḍulānām ardha.āḍhakaṁ trayaḥ prasthāḥ kiṇvasya-iti medaka.yogaḥ | 17 |

KAZ02.25.18/ dvādaśa.āḍhakaṁ piṣṭasya pañca prasthāḥ kiṇvasya kramuka.tvak.phala.yukto vā jāti.sambhāraḥ prasannā.yogaḥ | 18 |

KAZ02.25.19/ kapittha.tulā phāṇitaṁ pañca.taulikaṁ prastho madhuna ity āsava.yogaḥ | 19 |

KAZ02.25.20/ pād.adhiko jyeṣṭhaḥ pāda.hīnaḥ kaniṣṭhaḥ | 20 |

KAZ02.25.21/ cikitsaka.pramāṇāḥ pratyekaśo vikārāṇām ariṣṭāḥ | 21 |

KAZ02.25.22/ meṣa.śṛṅgī.tvak.kvātha.abhiṣuto guḍa.pratīvāpaḥ pippalī.marica.sambhāras tri.phalā.yukto vā maireyaḥ | 22 |

KAZ02.25.23/ guḍa.yuktānāṁ vā sarveṣāṁ tri.phalā.sambhāraḥ | 23 |

KAZ02.25.24/ mṛdvīkā.raso madhu | 24 |

KAZ02.25.25/ tasya sva.deśo vyākhyānaṁ kāpi.śāyanaṁ hāra.hūrakam iti | 25 |

KAZ02.25.26/ māṣakalanīdroṇamāmaṁ siddhaṁ vā tri.bhāga.adhika.taṇḍulaṁ moraṭa.ādīnāṁ kārṣika.bhāga.yuktaṁ kiṇva.bandhaḥ | 26 |

KAZ02.25.27/ pāṭhā.loghra.tejovaty.elā.vāluka.madhuka.madhu.rasā.priyaṅgu.- dāru.haridrā.marica.pippalīnāṁ ca pañca.kārṣikaḥ sambhāra.yogo medakasya prasannāyāś ca | 27 |

KAZ02.25.28/ madhuka.niryūha.yuktā kaṭa.śarkarā varṇa.prasādanī ca | 28 |

KAZ02.25.29/ coca.citraka.vilaṅga.gaja.pippalīnāṁ ca kārṣikaḥ kramuka.madhuka.mustā.lodhrāṇāṁ dvi.kārṣikaś ca-āsava.sambhāraḥ | 29 |

KAZ02.25.30/ daśa.bhāgaś ca-eṣāṁ bīja.bandhaḥ | 30 |

KAZ02.25.31/ prasannā.yogaḥ śveta.surāyāḥ | 31 |

KAZ02.25.32/ sahakāra.surā rasa.uttarā bīja.uttarā vā mahā.surā sambhārikī vā | 32 |

KAZ02.25.33/ tāsāṁ moraṭā.palāśa.pattūra.meṣa.śṛṅgī.karañja.kṣīra.vṛkṣa.kaṣāya.- bhāvitaṁ dagdha.kaṭa.śarkarā.cūrṇaṁ loghra.citraka.vilaṅga.pāṭhā.mustā.kaliṅga.yava.dāru.haridra.- indīvara.śata.puṣpa.apāmārga.sapta.parṇa.nimba.āsphota.kalka.- ardha.yuktam antar.nakho muṣṭiḥ kumbhīṁ rāja.peyāṁ prasādayati | 33 |

KAZ02.25.34/ phāṇitaḥ pañca.palikaś ca-atra rasa.vṛddhir deyaḥ | 34 |

[Page 80 ]

KAZ02.25.35/ kuṭumbinaḥ kṛtyeṣu śveta.surām, auṣadha.arthaṁ vāriṣṭam, anyad vā kartuṁ labheran | 35 |

KAZ02.25.36/ utsava.samāja.yātrāsu catur.ahaḥ sauriko deyaḥ | 36 |

KAZ02.25.37/ teṣv ananujñātānāṁ prahavana.antaṁ daivasikam atyayaṁ gṛhṇīyāt | 37 |

KAZ02.25.38/ surā.kiṇva.vicayaṁ striyo bālāś ca kuryuḥ | 38 |

KAZ02.25.39/ arāja.paṇyāḥ pañcakaṁ śataṁ śulkaṁ dadyuḥ, surakā.medaka.ariṣṭa.madhu.phala.āmla.āmla.śīdhūnāṁ ca | 39 |

KAZ02.25.40ab/ ahnaś ca vikrayaṁ jñātvā vyājīṁ māna.hiraṇyayoḥ |
KAZ02.25.40cd/ tathā vaidharaṇaṁ kuryād ucitaṁ ca-anuvartayet || 40 ||

2.26. Chapter 26 (Section 43): The Supervisor of Animal Slaughter

[Note: [ K tr. 180 :: K2 tr. 157]

KAZ02.26.01/ sūnā.adhyakṣaḥ pradiṣṭa.abhayānām abhaya.vana.vāsināṁ ca mṛga.paśu.pakṣi.matsyānāṁ bandha.vadha.hiṁsāyām uttamaṁ daṇḍaṁ kārayet, kuṭumbinām abhaya.vana.parigraheṣu madhyamam | 1 |

KAZ02.26.02/ apravṛtta.vadhānāṁ matsya.pakṣiṇāṁ bandha.vadha.hiṁsāyāṁ pāda.ūna.sapta.viṁśati.paṇam atyayaṁ kuryāt, mṛga.paśūnāṁ dvi.guṇam | 2 |

KAZ02.26.03/ pravṛtta.hiṁsānām aparigṛhītānāṁ ṣaḍ.bhāgaṁ gṛhṇīyāt, matsya.pakṣiṇāṁ daśa.bhāgaṁ vā-adhikam, mṛga.paśūnāṁ śulkaṁ vā-adhikam | 3 |

KAZ02.26.04/ pakṣi.mṛgāṇāṁ jīvat ṣaḍ.bhāgam abhaya.vaneṣu pramuñcet | 4 |

KAZ02.26.05/ sāmudra.hasty.aśva.puruṣa.vṛṣa.gardabha.ākṛtayo matsyāḥ sārasā na-ādeyās taṭāka.kulyā.udbhavā vā krauñca.utkrośaka.dātyūha.haṁsa.cakravāka.jīvan.jīvaka.bhṛṅga.- rāja.cakora.matta.kokila.mayūra.śuka.madana.śārikā vihāra.pakṣiṇo maṅgalyāś ca-anye 'pi prāṇinaḥ pakṣi.mṛgā hiṁsā.bādhebhyo rakṣyāḥ | 5 |

KAZ02.26.06/ rakṣā.atikrame pūrvaḥ sāhasa.daṇḍaḥ | 6 |

KAZ02.26.07/ mṛga.paśūnām anasthi.māṁsaṁ sadyo.hataṁ vikrīṇīran | 7 |

KAZ02.26.08/ asthimataḥ pratipātaṁ dadyuḥ | 8 |

KAZ02.26.09/ tulā.hīne hīna.aṣṭa.guṇam | 9 |

KAZ02.26.10/ vatso vṛṣo dhenuś ca-eṣām avadhyāḥ | 10 |

KAZ02.26.11/ ghnataḥ pañcāśatko daṇḍaḥ, kliṣṭa.ghātaṁ ghātayataś ca | 11 |

KAZ02.26.12/ pariśūnam aśiraḥ.pāda.asthi vigandhaṁ svayaṁ.mṛtaṁ ca na vikrīṇīran | 12 |

KAZ02.26.13/ anyathā dvādaśa.paṇo daṇḍaḥ | 13 |

[Page 81 ]
KAZ02.26.14ab/ duṣṭāḥ paśu.mṛga.vyālā matsyaś ca-abhaya.cāriṇaḥ |
KAZ02.26.14cd/ anyatra gupti.sthānebhyo vadha.bandham avāpnuyuḥ || 14 ||

2.27. Chapter 27 (Section 44): The Superintendent of Courtesans

[Note: [ K tr. 182 :: K2 tr. 158]

KAZ02.27.01/ gaṇikā.adhyakṣo gaṇikā.anvayām agaṇikā.anvayāṁ vā rūpa.yauvana.śilpa.sampannāṁ sahasreṇa gaṇikāṁ kārayet, kuṭumba.ardhena pratigaṇikām | 1 |

KAZ02.27.02/ niṣpatitā.pretayor duhitā bhaginī vā kuṭumbaṁ bhareta, mātā vā pratigaṇikāṁ sthāpayet | 2 |

KAZ02.27.03/ tāsām abhāve rājā haret | 3 |

KAZ02.27.04/ saubhāgya.alaṅkāra.vṛddhyā sahasreṇa vāraṁ kaniṣṭhaṁ madhyamam uttamaṁ vā-āropayet chatra.bhṛṅgāra.vyajana.śibikā.pīṭhikā.ratheṣu ca viśeṣa.artham | 4 |

KAZ02.27.05/ saubhāgya.bhaṅge mātṛkāṁ kuryāt | 5 |

KAZ02.27.06/ niṣkrayaś catur.viṁśati.sāhasro gaṇikāyāḥ, dvādaśa.sāhasro gaṇikā.putrasya | 6 |

KAZ02.27.07/ aṣṭa.varṣāt prabhṛti rājñaḥ kuśīlava.karma kuryāt | 7 |

KAZ02.27.08/ gaṇikā.dāsī bhagna.bhogā koṣṭha.agāre mahānase vā karma kuryāt | 8 |

KAZ02.27.09/ aviśantī sapāda.paṇam avaruddhā māsa.vetanaṁ dadyāt | 9 |

KAZ02.27.10/ bhogaṁ dāyamāyaṁ vyayam āyatiṁ ca gaṇikāyā nibandhayet, ati.vyaya.karma ca vārayet | 10 |

KAZ02.27.11/ mātṛ.hastād anyatra abharaṇa.nyāse sa.pāda.catuṣ.paṇo daṇḍaḥ | 11 |

KAZ02.27.12/ svāpateyaṁ vikrayam ādhānaṁ vā nayantyāḥ sa.pāda.pañcāśat.paṇaḥ paṇo 'rdha.paṇa.cchedane | 12 |

KAZ02.27.13/ akāmāyāḥ kumāryā vā sāhase uttamo daṇḍaḥ, sa.kāmāyāḥ pūrvaḥ sāhasa.daṇḍaḥ | 13 |

KAZ02.27.14/ gaṇikām akāmāṁ rundhato niṣpātayato vā vraṇa.vidāraṇena vā rūpaṁ.upaghnataḥ sahasraṁ daṇḍaḥ | 14 |

KAZ02.27.15/ sthān.viśeṣeṇa vā daṇḍa.vṛddhiḥ ā.niṣkraya.dvi.guṇāt | 15 |

KAZ02.27.16/ prāpta.adhikāraṁ gaṇikāṁ ghātay- [Page 82 ]ato niṣkraya.tri.guṇo daṇḍaḥ | 16 |

KAZ02.27.17/ mātṛkā.duhitṛkā.rūpa.dāsīnāṁ ghāte uttamaḥ sāhasa.daṇḍaḥ | 17 |

KAZ02.27.18/ sarvatra prathame 'parādhe prathamaḥ, dvitīye dvi.guṇaḥ, tṛtīye tri.guṇaḥ, caturthe yathā.kāmī syāt | 18 |

KAZ02.27.19/ rāja.ājñayā puruṣam anabhigacchantī gaṇikā śiphā.sahasraṁ labheeta, pañca.sahasraṁ vā daṇḍaḥ | 19 |

KAZ02.27.20/ bhogaṁ gṛhītvā dviṣatyā bhoga.dvi.guṇo daṇḍaḥ | 20 |

KAZ02.27.21/ vasati.bhoga.apahāre bhogam aṣṭa.guṇaṁ dadyād anyatra vyādhi.puruṣa.doṣebhyaḥ | 21 |

KAZ02.27.22/ puruṣaṁ ghnatyāś citā.pratāpe 'psu praveśanaṁ vā | 22 |

KAZ02.27.23/ gaṇikā.bharaṇam arthaṁ bhogaṁ vā-apaharato 'ṣṭa.guṇo daṇḍaḥ | 23 |

KAZ02.27.24/ gaṇikā bhogam āyatiṁ puruṣaṁ ca nivedayet | 24 |

KAZ02.27.25/ etena naṭa.nartaka.gāyana.vādaka.vāg.jīvana.kuśīlava.plavaka.saubhika.- cāraṇānāṁ strī.vyavahāriṇāṁ striyo gūḍha.ājīvāś ca vyākhyātāḥ | 25 |

KAZ02.27.26/ teṣāṁ tūryam āgantukaṁ pañca.paṇaṁ prekṣā.vetanaṁ dadyāt | 26 |

KAZ02.27.27/ rūpa.ājīvā bhoga.dvaya.guṇaṁ māsaṁ dadyuḥ | 27 |

KAZ02.27.28/ gīta.vādya.pāṭhya.nṛtya.nāṭya.akṣara.citra.vīṇā.veṇu.mṛdaṅga.para.- citta.jñāna.gandha.mālya.samyūhana.saṁvādana.saṁvāhana.vaiśika.- kalā.jñānāni gaṇikā dāsī raṅga.upajīvinīś ca grāhayato rāja.maṇḍalād ājīvaṁ kuryāt | 28 |

KAZ02.27.29/ gaṇikā.putrān raṅga.upajīvināṁ ca mukhyān niṣpādayeyuḥ, sarva.tāla.avacarāṇāṁ ca | 29 |

KAZ02.27.30ab/ sañjñā.bhāṣā.antarajñāś ca striyas teṣām anātmasu |
KAZ02.27.30cd/ cāra.ghāta.pramāda.arthaṁ prayojyā bandhu.vāhanāḥ || 30 ||

2.28. Chapter 28 (Section 45): The Controller of Shipping

[Note: [ K tr. 186 :: K2 tr. 162]

KAZ02.28.01/ nāv.adhyakṣaḥ samudra.samyāna.nadī.mukhatara.pracārān deva.saro.visaro.nadī.tarāṁś ca sthānīya.ādiṣv avekṣeta | 1 |

[Page 83 ]

KAZ02.28.02/ tad.velā.kūla.grāmāḥ klṛptaṁ dadyuḥ | 2 |

KAZ02.28.03/ matsya.bandhakā naukā.bhāṭakaṁ ṣaḍ.bhāgaṁ dadyuḥ | 3 |

KAZ02.28.04/ pattana.anuvṛttaṁ śulka.bhāgaṁ vaṇijo dadyuḥ, yātrā.vetanaṁ rāja.naubhiḥ sampatantaḥ | 4 |

KAZ02.28.05/ śaṅkha.muktā.grāhiṇo nau.bhāṭakaṁ dadyuḥ, sva.naubhir vā tareyuḥ | 5 |

KAZ02.28.06/ adhyakṣaś ca-eṣāṁ khany.adhyakṣeṇa vyākhyātaḥ | 6 |

KAZ02.28.07/ pattana.adhyakṣa.nibaddhaṁ paṇya.pattana.cāritraṁ nāv.adhyakṣaḥ pālayet | 7 |

KAZ02.28.08/ mūḍha.vāta.āhatā nāvaḥ pitā-iva-anugṛhṇīyāt | 8 |

KAZ02.28.09/ udaka.prāptaṁ paṇyam aśulkam ardha.śulkaṁ vā kuryāt | 9 |

KAZ02.28.10/ yathā.nirdiṣṭāś ca-etāḥ paṇya.pattana.yātrā.kāleṣu preṣayet | 10 |

KAZ02.28.11/ samyātīr nāvaḥ kṣetra.anugatāḥ śulkaṁ yācet | 11 |

KAZ02.28.12/ hiṁsrikā nirghātayet, amitra.viṣaya.atigāḥ paṇya.pattana.cāritra.upaghātikāś ca | 12 |

KAZ02.28.13/ śāsaka.niryāmaka.dātra..raśmi.grāhaka.utsecaka.adhiṣṭhitāś ca mahā.nāvo hemanta.grīṣma.tāryāsu mahā.nadīṣu prayojayet, kṣudrikāḥ kṣudrikāsu varṣā.srāviṇīṣu | 13 |

KAZ02.28.14/ bādha.tīrthāś ca-etāḥ kāryā rāja.dviṣṭa.kāriṇāṁ taraṇa.bhayāt | 14 |

KAZ02.28.15/ akāle 'tīrthe ca tarataḥ pūrvaḥ sāhasa.daṇḍaḥ | 15 |

KAZ02.28.16/ kāle tīrthe ca-aniṣṛṣṭa.tāriṇaḥ pāda.ūna.sapta.viṁśati.paṇas tara.atyayaḥ | 16 |

KAZ02.28.17/ kaivartaka.aṣṭa.tṛṇa.bhāra.puṣpa.phala.vāṭa.ṣaṇḍa.go.pālakānām anatyayaḥ, sambhāvya.dūta.anupātināṁ ca senā.bhāṇḍa.prayogāṇāṁ ca sva.taraṇais taratām, bīja.bhakta.dravya.upaskarāṁś ca-ānūpa.grāmāṇāṁ tārayatām | 17 |

KAZ02.28.18/ brāhmaṇa.pravrajita.bāla.vṛddha.vyādhita.śāsana.hara.garbhiṇyo nāv.adhyakṣa.mudrābhis tareyuḥ | 18 |

KAZ02.28.19/ kṛta.praveśāḥ pāraviṣayikāḥ sārtha.pramāṇā vā praviśeyuḥ | 19 |

KAZ02.28.20/ parasya bhāryāṁ kanyāṁ vittaṁ vā-apaharantaṁ śavittaṁ vā-apaharantaṁ śaṅkitam āvignam udbhāṇḍī.kṛtaṁ mahā.bhāṇḍena mūrdhni bhāreṇa-avacchādayantaṁ sadyo.gṛhīta.liṅginam aliṅginaṁ vā pravrajitam alakṣya.vyādhitaṁ bhaya.vikāriṇaṁ gūḍha.sāra.bhāṇḍa.śāsana.śastra.agniyogaṁ viṣa.hastaṁ dīrgha.pathikam amudraṁ ca-upagrāhayet | 20 |

KAZ02.28.21/ kṣudra.paśur manuṣyaś ca sa.bhāro māṣakaṁ dadyāt, śiro.bhāraḥ kāya.bhāro gava-aśvaṁ ca dvau, uṣṭra.mahiṣaṁ caturaḥ, pañca labhuyānam, ṣaḍ goliṅgam, sapta śakaṭam, panya.bhāraḥ pādam | 21 |

KAZ02.28.22/ tena bhāṇḍa.bhāro vyākhyātaḥ | 22 |

KAZ02.28.23/ dvi.guṇo mahā.nadīṣu taraḥ | 23 |

KAZ02.28.24/ klṛptam ānūpa.grāmā bhakta.vetanaṁ dadyuḥ | 24 |

[Page 84 ]

KAZ02.28.25/ pratyanteṣu tarāḥ śulkam ātivāhikaṁ vartanīṁ ca gṛhṇīyuḥ, nirgacchataś ca-amudra.dravyasya bhāṇḍaṁ hareyuḥ, atibhāreṇa-avelāyām atirthe tarataś ca | 25 |

KAZ02.28.26/ puruṣa.upakaraṇa.hīnāyām asaṁskṛtāyāṁ vā nāvi vipannāyāṁ nāv.adhhyakṣo naṣṭaṁ vinaṣṭaṁ vā-abhyāvahet | 26 |

KAZ02.28.27ab/ sapta.aha.vṛttām āṣāḍhīṁ kārttikīṁ ca-antarā taraḥ |
KAZ02.28.27cd/ kārmikaḥ pratyayaṁ dadyān nityaṁ ca-āhnikam āvahet || 27 ||

2.29. Chapter 29 (Section 46): The Superintendent of Cattle

[Note: [ K tr. 190 :: K2 tr. 165]

KAZ02.29.01/ go.adhyakṣo vetana.upagrāhikaṁ kara.pratikaraṁ bhagna.utsṛṣṭakaṁ bhāga.anupraviṣṭakaṁ vraja.paryagraṁ naṣṭaṁ vinaṣṭaṁ kṣīra.ghṛta.sañjātaṁ ca-upalabheta | 1 |

KAZ02.29.02/ go.pālaka.piṇḍāraka.dohaka.manthaka.lubdhakāḥ śataṁ śataṁ dhenūnāṁ hiraṇya.bhṛtāḥ pālayeyuḥ | 2 |

KAZ02.29.03/ kṣīra.ghṛta.bhṛtā hi vatsān upahanyuḥ | iti vetana.upagrāhikam | 3 |

KAZ02.29.04/ jaradgu.dhenu.garbhiṇī.paṣṭhauhī.vatsatarīṇāṁ sama.vibhāgaṁ rūpa.śatam ekaḥ pālayet | 4 |

KAZ02.29.05/ ghṛtasya-aṣṭau vārakān paṇikaṁ puccham aṅka.carma ca vārṣikaṁ dadyāt | iti kara.pratikaraḥ | 5 |

KAZ02.29.06/ vyādhitā.nyaṅgā.ananya.dohī.durdohā.putraghnīnāṁ ca sama.vibhāgaṁ rūpa.śataṁ pālayantas taj.jātikaṁ bhāgaṁ dadyuḥ | iti bhagna.utṣṛṣṭakam | 6 |

KAZ02.29.07/ para.cakra.aṭavī.bhayād anupraviṣṭānāṁ paśūnāṁ pālana.dharmeṇa daśa.bhagaṁ dadyuḥ | iti bhāga.anupraviṣṭakam | 7 |

KAZ02.29.08/ vatsā vatsatarā damyā vahino vṛṣā ukṣāṇaś ca puṅgavāḥ, yuga.vāhana.śakaṭa.vahā vṛṣabhāḥ sūnā.mahiṣāḥ pṛṣṭa.skandha.vāhinaś ca mahiṣāḥ, vatsikā vatsatarī paṣṭahuhī garbhiṇī dhenuś ca-aprajātā vandhyāś ca gāvo mahiṣyaś ca, māsa.dvi.māsa.jātās tāsām upajā vatsā vatsikāś ca | 8 |

KAZ02.29.09/ māsa.dvi.māsa.jātān aṅkayet | 9 |

KAZ02.29.10/ māsa.dvi.māsa.paryuṣitam aṅkayet | 10 |

KAZ02.29.11/ aṅkaṁ cihnaṁ varṇaṁ śṛṅga.antaraṁ ca lakṣaṇam evam upajā nibandhayet | iti vraja.paryagram | 11 |

[Page 85 ]

KAZ02.29.12/ cora.hṛtam anya.yūtha.praviṣṭam avalīnaṁ vā naṣṭam | 12 |

KAZ02.29.13/ paṅka.viṣama.vyādhi.jarā.toya.āhāra.avasannaṁ vṛkṣa.taṭa.kāṣṭha.śilā.abhihatam īśāna.vyāla.sarpa.grāha.dāva.agni.vipannaṁ vinaṣṭam | 13 |

KAZ02.29.14/ pramādād abhyāvaheyuḥ | 14 |

KAZ02.29.15/ evaṁ rūpa.agraṁ vidyāt | 15 |

KAZ02.29.16/ svayaṁ hantā ghātayitā hartā hārayitā ca vadhyaḥ | 16 |

KAZ02.29.17/ para.paśūnāṁ rāja.aṅkena parivartayitā rūpasya pūrvaṁ sāhasa.daṇḍaṁ dadyāt | 17 |

KAZ02.29.18/ sva.deśīyānāṁ cora.hṛtaṁ pratyānīya paṇitaṁ rūpaṁ haret | 18 |

KAZ02.29.19/ para.deśīyānāṁ mokṣayitā-ardhaṁ haret | 19 |

KAZ02.29.20/ bāla.vṛddha.vyādhitānāṁ go.pālakāḥ pratikuryuḥ | 20 |

KAZ02.29.21/ lubdhaka.śva.gaṇibhir apāstas tena-avyāla.parābādha.bhayam ṛtu.vibhaktam araṇyaṁ cārayeyuḥ | 21 |

KAZ02.29.22/ sarpa.vyāla.trāsana.arthaṁ go.cara.anupāta.jñāna.arthaṁ ca trasnūnāṁ ghaṇṭā.tūryaṁ ca badhnīyuḥ | 22 |

KAZ02.29.23/ sama.vyūḍha.tīrtham akardama.grāham udakam avatārayeyuḥ pālayeyuś ca | 23 |

KAZ02.29.24/ stena.vyāla.sarpa.grāha.gṛhītaṁ vyādhi.jarā.avasannaṁ ca-āvedayeyuḥ, anyathā rūpa.mūlyaṁ bhajeran | 24 |

KAZ02.29.25/ kāraṇa.mṛtasya-aṅka.carma go.mahiṣasya, karṇa.lakṣaṇam aja.avikānām, puccham aṅka.carma ca-aśva.khara.uṣṭrāṇām, bāla.carma.basti.pitta.snāyu.danta.khura.śṛṅga.asthīni ca-āhareyuḥ | 25 |

KAZ02.29.26/ māṁsam ārdraṁ śuṣkaṁ vā vikrīṇīyuḥ | 26 |

KAZ02.29.27/ udaśvit.śva.varāhebhyo dadyuḥ | 27 |

KAZ02.29.28/ kūrcikāṁ senā.bhakta.artham āhareyuḥ | 28 |

KAZ02.29.29/ kilāṭo ghāṇa.piṇyāka.kleda.arthaḥ | 29 |

KAZ02.29.30/ paśu.vikretā pādikaṁ rūpaṁ dadyāt | 30 |

KAZ02.29.31/ varṣā.śaradd.hemantān ubhayataḥ.kālaṁ duhyuḥ, śiśira.vasanta.grīṣmān eka.kālam | 31 |

KAZ02.29.32/ dvitīya.kāla.dogdhur aṅguṣṭhac.chedo daṇḍaḥ | 32 |

KAZ02.29.33/ dohana.kālam atikrāmatas tat.phala.hānaṁ daṇḍaḥ | 33 |

KAZ02.29.34/ etena nasya.damya.yuga.piṅgana.vartana.kālā vyākhyātāḥ | 34 |

KAZ02.29.35/ kṣīra.droṇe gavāṁ ghṛta.prasthaḥ, pañca.bhāga.adhiko mahiṣīṇām, dvi.bhāga.adhiko 'ja.avīnām | 35 |

KAZ02.29.36/ mantho vā sarveṣāṁ pramāṇam | 36 |

KAZ02.29.37/ bhūmi.tṛṇa.udaka.viśeṣādd hi kṣīra.ghṛta.vṛddhir bhavati | 37 |

KAZ02.29.38/ yūtha.vṛṣaṁ vṛṣeṇa-avapātayataḥ pūrvaḥ sāhasa.daṇḍaḥ, ghātayata uttamaḥ | 38 |

KAZ02.29.39/ varṇa.avarodhena daśatī rakṣā | 39 |

KAZ02.29.40/ upaniveśa.dig.vibhāgo go.pracārād bala-anvayato vā gavāṁ rakṣā.sāmarthyāc ca | 40 |

[Page 86 ]

KAZ02.29.41/ ajāvīnāṁ ṣaṇ.māsikī.mūrṇāṁ grāhayet | 41 |

KAZ02.29.42/ tena-aśva.khara.uṣṭra.varāha.vrajā vyākhyātāḥ | 42 |

KAZ02.29.43/ balīvardānāṁ nasya.aśva.bhadra.gati.vāhināṁ yava.sasya.ardha.bhāras tṛṇasya dvi.guṇam, tulā ghāṇa.piṇyākasya, daśa.āḍhakaṁ kaṇa.kuṇḍakasya, pañca.palikaṁ mukha.lavanAm, taila.kuḍubo nasyaṁ prasthaḥ pānaṁ, māṁsa.tulā, dadhnaś ca-āḍhakam, yava.droṇaṁ māṣāṇāṁ vā pulākaḥ, kṣīra.droṇam ardha.āḍhakaṁ vā surāyāḥ sneha.prasthaḥ kṣāra.daśa.palaṁ śṛṅgibera.palaṁ ca pratipānam | 43 |

KAZ02.29.44/ pāda.ūnam aśvatara.go.kharāṇām, dvi.guṇaṁ mahiṣa.uṣṭrāṇām | 44 |

KAZ02.29.45/ karma.kara.balīvardānāṁ pāyana.arthānāṁ ca dhenūnāṁ karma.kālataḥ phalataś ca vidhā.dānam | 45 |

KAZ02.29.46/ sarveṣāṁ tṛṇa.udaka.prākāmyam | 46 |

KAZ02.29.47/ iti go.maṇḍalaṁ vyākhyātam | 47 |

KAZ02.29.48ab/ pañca.ṛṣabhaṁ khara.aśvānām aja.avīnāṁ daśa.ṛṣabham |
KAZ02.29.48cd/ śatyaṁ go.mahiṣa.uṣṭrāṇāṁ yūthaṁ kuryāc catur.vṛṣam || 48 ||

2.30. Chapter 30 (Section 47): The Superintendent of Horses

[Note: [ K tr. 196 :: K2 tr. 170]

KAZ02.30.01/ aśva.adhyakṣaḥ paṇya.āgārikaṁ kraya.upāgatam āhava.labdham ājātaṁ sāhāyya.āgatakaṁ paṇa.sthitaṁ yāvat.kālikaṁ vā-aśva.paryagraṁ kula.vayo.varṇa.cihna.varga.āgamair lekhayet | 1 |

KAZ02.30.02/ apraśasta.nyaṅga.vyādhitāṁś ca-āvedayet | 2 |

KAZ02.30.03/ kośa.koṣṭha.agārābhyāṁ ca gṛhītvā māsa.lābham aśva.vāhaś cintayet | 3 |

KAZ02.30.04/ aśva.vibhavena-āyatām aśvāyām advi.guṇa.vistārāṁ catur.dvāra.upāvartana.madhyāṁ sa-pragrīvāṁ pradvāra.āsana.phalaka.yuktānāṁ vānara.mayūra.pṛṣata.nakula.cakora.śuka.sārika.ākīrṇāṁ śālāṁ niveśayet | 4 |

KAZ02.30.05/ aśvāyām acatur.aśra.ślakṣṇa.phalaka.āstāraṁ sa-khādana.koṣṭhakaṁ sa-mūtra.purīṣa.utsargam eka.ekaśaḥ prān.mukham udan.mukhaṁ vā sthānaṁ niveśayet | 5 |

KAZ02.30.06/ śālā.vaśena vā dig.vibhāgaṁ kalpayet | 6 |

KAZ02.30.07/ vaḍavā.vṛṣa.kiśorāṇām eka.anteṣu | 7 |

KAZ02.30.08/ vaḍavāyāḥ prajatāyās tri.rātraṁ ghṛta.prasthaḥ pānam | 8 |

KAZ02.30.09/ ata ūrdhvaṁ saktu.prasthaḥ sneha.bhaiṣajya.pratipānaṁ daśa.rātram | 9 |

KAZ02.30.10/ tataḥ pulāko yavasam ārtavaś ca-āhāraḥ | 10 |

[Page 87 ]

KAZ02.30.11/ daśa.rātrād ūrdhvaṁ kiśorasya ghṛta.catur.bhāgaḥ saktu.kuḍubaḥ kṣīra.prasthaś ca-āhāra ā.ṣaṇ.māsāt | 11 |

KAZ02.30.12/ tataḥ paraṁ māsa.uttaram ardha.vṛddhir yava.prastha ā.tri.varṣāt, droṇa ā.catur.varṣāt | 12 |

KAZ02.30.13/ ata ūrdhvaṁ catur.varṣaḥ pañca.varṣo vā karmaṇyaḥ pūrṇa.pramāṇaḥ | 13 |

KAZ02.30.14/ dvātriṁśad.aṅgulaṁ mukham uttama.aśvasya, pañca.mukhāny āyāmo, viṁśaty.aṅgulā jaṅghā, catur.jaṅgha utsedhaḥ | 14 |

KAZ02.30.15/ try.aṅgula.avaraṁ madhyama.avarayoḥ | 15 |

KAZ02.30.16/ śata.aṅgulaḥ pariṇāhaḥ | 16 |

KAZ02.30.17/ pañca.bhāga.avaro madhyama.avarayoḥ | 17 |

KAZ02.30.18/ uttama.aśvasya dvi.droṇaṁ śāli.vrīhi.yava.priyaṅgūṇām ardha.śuṣkam ardha.siddhaṁ vā mudga.māṣāṇāṁ vā pulākaḥ sneha.prasthaś ca, pañca.palaṁ lavaṇasya, māṁsaṁ pañcāśat.palikaṁ rasasya-āḍhakaṁ dvi.guṇaṁ vā dadhnaḥ piṇḍa.kledana.artham, kṣāra.pañca.palikaḥ surāyāḥ prasthaḥ payaso vā dvi.guṇaḥ pratipānam | 18 |

KAZ02.30.19/ dīrgha.patha.bhāra.klāntānāṁ ca khādana.arthaṁ sneha.prastho 'nuvāsanaṁ kuḍubo nasya.karmaṇaḥ, yavasasya-ardha.bhāras tṛṇasya dvi.guṇaḥ ṣaḍ.aratni.parikṣepaḥ puñjīla.graho vā | 19 |

KAZ02.30.20/ pāda.avaram etan madhyama.avarayoḥ | 20 |

KAZ02.30.21/ uttama.samo rathyo vṛṣaś ca madhyamaḥ | 21 |

KAZ02.30.22/ madhyama.samaś ca-avaraḥ | 22 |

KAZ02.30.23/ pāda.hīnaṁ vaḍavānāṁ pāraśamānāṁ ca | 23 |

KAZ02.30.24/ ato 'rdhaṁ kiśorāṇāṁ ca | 24 |

KAZ02.30.25/ iti vidhā.yogaḥ | 25 |

KAZ02.30.26/ vidhā.pācaka.sūtra.grāhaka.cikitsakāḥ pratisvāda.bhājaḥ | 26 |

KAZ02.30.27/ yuddha.vyādhi.jarā.karma.kṣīṇāḥ piṇḍa.gocarikāḥ syuḥ | 27 |

KAZ02.30.28/ asamara.prayogyāḥ paura.jānapadānām arthena vṛṣā vaḍavāsv āyojyāḥ | 28 |

KAZ02.30.29/ prayogyānām uttamāḥ kāmboja.saindhava.āraṭṭa.vanāyujāḥ, madhyamā bāhlīka.pāpeyaka.sauvīraka.taitalāḥ, śeṣāḥ pratyavarāḥ | 29 |

KAZ02.30.30/ teṣāṁ tīṣkṇa.bhadra.manda.vaśena sāmnāhyam aupavāhyakaṁ vā karma prayojayet | 30 |

KAZ02.30.31/ catur.aśraṁ karma.aśvasya sāmnāhyam | 31 |

KAZ02.30.32/ valgano nīcair gato laṅghano ghoraṇo nāroṣṭraś ca-aupavāhyāḥ | 32 |

KAZ02.30.33/ tatra.aupaveṇuko vardhamānako yamaka ālīḍha.plutaḥ pṛthug.astrika.cālī ca valganaḥ | 33 |

KAZ02.30.34/ sa eva śiraḥ.karṇa.viśuddho nīcair gataḥ, ṣoḍaśa.mārgo vā | 34 |

KAZ02.30.35/ prakīrṇakaḥ prakīrṇa.uttaro niṣaṇṇaḥ pārśva.anuvṛtta ūrmi.mārgaḥ śarabha.krīḍitaḥ śarabha.plutas tri.tālo bāhya.anuvṛttaḥ pañca.pāṇiḥ siṁha.āyataḥ svādhūtaḥ kliṣṭaḥ śliṅgito bṛṁhitaḥ puṣpa.abhikīrṇaś ca-iti nīcair gata.mārgaḥ | 35 |

[Page 88 ]

KAZ02.30.36/ kapi.pluto bheka.plut-eṇa.pluta-eka.pāda.plutaḥ kokila.sañcāry.urasyo baka.cārī ca laṅghanaḥ | 36 |

KAZ02.30.37/ kāṅko vāri.kāṅko māyūro 'rdha.māyūro nākulo-rdha.nākulo vārāho 'rdha.vārāhaś ca-iti dhoraṇaḥ | 37 |

KAZ02.30.38/ sañjñā.pratikāro nāra.uṣṭra-iti | 38 |

KAZ02.30.39/ ṣaṇṇava dvādaśa-iti yojanāny dhvā rathyānām, pañca yojanāny ardha.aṣṭamāni daśa-iti pṛṣṭha.vāhinām aśvānām adhvā | 39 |

KAZ02.30.40/ vikramo bhadra.aśvāso bhāra.vāhya iti mārgāḥ | 40 |

KAZ02.30.41/ vikramo valgitam upakaṇṭham upajavo javaś ca dhārāḥ | 41 |

KAZ02.30.42/ teṣāṁ bandhana.upakaraṇaṁ yogya.ācāryāḥ pratidiśeyuḥ, sāṅgrāmikaṁ ratha.aśva.alaṅkāraṁ ca sūtāḥ | 42 |

KAZ02.30.43/ aśvānāṁ cikitsakāḥ śarīra.hrāsa.vṛddhi.pratīkāram ṛtu.vibhaktaṁ ca-āhāram | 43 |

KAZ02.30.44/ sūtra.grāhaka.aśva.bandhaka.yāvasika.vidhā.pācaka.sthāna.pāla.- keśa.kāra.jāṅgulīvidaś ca sva.karmabhir aśvān ārādhayeyuḥ | 44 |

KAZ02.30.45/ karma.atikrame ca-eṣāṁ divasa.vetanac.chedanaṁ kuryāt | 45 |

KAZ02.30.46/ nīrājana.uparuddhaṁ vāhayataś cikitsaka.uparuddhaṁ vā dvādaśa.paṇo daṇḍaḥ | 46 |

KAZ02.30.47/ kriyā.bhaiṣajya.saṅgena vyādhi.vṛddhau pratīkāra.dvi.guṇo daṇḍaḥ | 47 |

KAZ02.30.48/ tad.aparādhena vailomye pattra.mūlyaṁ daṇḍaḥ | 48 |

KAZ02.30.49/ tena go.maṇḍalaṁ khara.uṣṭra.mahiṣam aja.avikaṁ ca vyākhyātam | 49 |

KAZ02.30.50ab/ dvir ahnaḥ snānam aśvānāṁ gandha.mālyaṁ ca dāpayet |
KAZ02.30.50cd/ kṛṣṇa.sandhiṣu bhūta.ijyāḥ śukleṣu svasti.vācanam || 50 ||
KAZ02.30.51ab/ nīrājanām āśvayuje kārayen navame 'hani |
KAZ02.30.51cd/ yātrā.ādāv avasāne vā vyādhau vā śāntike rataḥ || 51 ||

2.31. Chapter 31 (Section 48): The Superintendent of Elephants

[Note: [ K tr. 201 :: K2 tr. 174]

KAZ02.31.01/ hasty.adhyakṣo hasti.vana.rakṣāṁ damya.karma.kṣāntānāṁ hasti.hastinī.kalabhānāṁ śālā.sthāna.śayyā.karma.vidhā.yavasa.pramāṇaṁ karmasv āyogaṁ bandhana.upakaraṇaṁ sāṅgrāmikam alaṅkāraṁ cikitsaka.anīkastha.aupasthāyika.vargaṁ ca-anutiṣṭhet | 1 |

[Page 89 ]

KAZ02.31.02/ hasty.āyāma.dvi.guṇa.utsedha.viṣkambha.āyāmāṁ hastinī.sthāna.adhikāṁ sapragrīvāṁ kumārī.saṅgrahāṁ prān.mukhīm udan.mukhīṁ vā śālāṁ niveśayet | 2 |

KAZ02.31.03/ hasty.āyāma.catur.aśra.ślakṣṇa.ālāna.stambha.phalaka.āstarakaṁ sa-mūtra.purīṣa.utsargaṁ sthānaṁ niveśayet | 3 |

KAZ02.31.04/ sthāna.samāṁ śayyām ardha.apāśrayāṁ durge sāmnāhya.aupavāhyānāṁ bahir damya.vyālānām | 4 |

KAZ02.31.05/ prathama.saptama aṣṭama.bhāgāv ahnaḥ snāna.kālau, tad.anantaraṁ vidhāyāḥ | 5 |

KAZ02.31.06/ pūrva.ahne vyāyāma.kālaḥ, paśca.ahnaḥ pratipāna.kālaḥ | 6 |

KAZ02.31.07/ rātri.bhāgau dvau svapna.kālā, tri.bhāgaḥ saṁveśana.utthānikaḥ | 7 |

KAZ02.31.08/ grīṣme grahaṇa.kālaḥ | 8 |

KAZ02.31.09/ viṁśati.varṣo grāhyaḥ | 9 |

KAZ02.31.10/ vikko moḍho makkaṇo vyāthito garbhiṇī dhenukā hastinī ca-agrāhyāḥ | 10 |

KAZ02.31.11/ sapta.aratni utsedho nava.āyāmo daśa pariṇāhaḥ pramāṇataś catvāriṁśad.varṣo bhavaty uttamaḥ, triṁśad.varṣo madhyamaḥ, pañca.viṁśati.varṣo 'varaḥ | 11 |

KAZ02.31.12/ tayoḥ pāda.avaro vidhā.vidhiḥ | 12 |

KAZ02.31.13/ aratnau taṇula.droṇaḥ, ardha.āḍhakaṁ tailasya, sarpiṣas trayaḥ prasthāḥ, daśa.palaṁ lavaṇasya, māṁsaṁ pañcāśat.palikam, rasasya-āḍhakaṁ dvi.guṇaṁ vā dadhnaḥ piṇḍa.kledana.artham, kṣāra.daśa.palikaṁ madyasya-āḍhakaṁ dvi.guṇaṁ vā payasaḥ pratipānam, gātra.avasekas taila.prasthaḥ, śiraso 'ṣṭa.bhāgaḥ prādīpikaś ca, yavasasya dvau bhārau sa-pādau, śaṣpasya śuṣkasya-ardha.tṛtīyo bhāraḥ, kaḍaṅkarasya-aniyamaḥ | 13 |

KAZ02.31.14/ sapta.aratninā tulya.bhojano 'ṣṭa.aratnir atyarālaḥ | 14 |

KAZ02.31.15/ yathā.hastam avaśeṣaḥ ṣaḍ.aratniḥ pañca.aratniś ca | 15 |

KAZ02.31.16/ kṣīra.yāvasiko vikkaḥ krīḍā.arthaṁ grāhyaḥ | 16 |

KAZ02.31.17/ sañjāta.lohitā praticchannā samlipta.pakṣā sama.kakṣyā vyatikīrṇa.māṁsā sama.talpa.talā jāta.droṇikā-iti śobhāḥ | 17 |

KAZ02.31.18ab/ śobhā.vaśena vyāyāmaṁ bhadrma mandaṁ ca kārayet |
KAZ02.31.18cd/ mṛgaṁ saṅkīrṇa.liṅgaṁ ca karmasv ṛtu.vaśena vā || 18 ||

2.32. Chapter 32 (Section 48): The Superintendent of Elephants (cont.)

[Page 90 ] [Note: [ K tr. 204 :: K2 tr. 177]

KAZ02.32.01/ karma.skandhāś catvāro damyaḥ sāmnāhya aupavāhyo vyālaś ca | 1 |

KAZ02.32.02/ tatra damyaḥ pañca.vidhaḥ skandha.gataḥ stambha.gato vāri.gato 'vapāta.gato yūtha.gataś ca-iti | 2 |

KAZ02.32.03/ tasya-upavicāro vikka.karma | 3 |

KAZ02.32.04/ sāmnāhyaḥ sapta.kriyā.patha upasthānaṁ saṁvartanaṁ samyānaṁ vadha.āvadho hasti.yuddhaṁ nāga.rāyaṇaṁ sāṅgrāmikaṁ ca | 4 |

KAZ02.32.05/ tasya-upavicāraḥ kakṣyā.karma graiveya.karma yūtha.karma ca | 5 |

KAZ02.32.06/ aupavāhyo 'ṣṭa.vidha ācaraṇaḥ kuñjara.aupavāhyo dhoraṇa ādhāna.gatiko yaṣṭy.upavāhyas totra.upavāhyaḥ śuddha.upavāhyo mārgayukaś ca-iti | 6 |

KAZ02.32.07/ tasya-upavicāraḥ śārada.karma hīna.karma nāra.uṣṭra.karma ca | 7 |

KAZ02.32.08/ vyāla-eka.kriyā.pathaḥ śaṅkito 'varuddho viṣamaḥ prabhinnaḥ prabhinna.viniścayo mada.hetu.viniścayaś ca | 8 |

KAZ02.32.09/ tasya-upavicāra āyamya-eka.rakṣā.karma | 9 |

KAZ02.32.10/ kriyā.vipanno vyālaḥ śuddhaḥ su.vrato viṣamaḥ sarva.doṣa.praduṣṭaś ca | 10 |

KAZ02.32.11/ teṣāṁ bandhana.upakaraṇam anīka.stha.pramāṇam | 11 |

KAZ02.32.12/ ālāna.graiveya.kakṣyā.pāra.ayaṇa.parikṣepa.uttara.ādikaṁ bandhanam | 12 |

KAZ02.32.13/ aṅkuśa.veṇu.yantra.ādikam upakaraṇam | 13 |

KAZ02.32.14/ vaijayantī.kṣura.pramāla.āstaraṇa.kuthā.ādikaṁ bhūṣaṇam | 14 |

KAZ02.32.15/ varma.tomara.śara.āvāpa.yantra.ādikaḥ sāṅgrāmika.alaṅkāraḥ | 15 |

KAZ02.32.16/ cikitsaka.anīkastha.ārohaka.ādhoraṇa.hastipa.kaupacārika.vidhā.- pācaka.yāvasika.pādapāśika.kuṭīr.rakṣaka.aupaśayaika.ādir aupasthāyika.vargaḥ | 16 |

KAZ02.32.17/ cikitsaka.kuṭī.rakṣa.vidhā.pācakāḥ prastha.odanaṁ sneha.prasṛtiṁ kṣāra.lavaṇayoś ca dvi.palikaṁ hareyuḥ, daśa.palaṁ māṁsasya, anyatra cikitsakebhyaḥ | 17 |

KAZ02.32.18/ pathi.vyādhi.karma.mada.jarā.abhitaptānāṁ cikitsakāḥ pratikuryuḥ | 18 |

KAZ02.32.19/ sthānasya-aśuddhir yavasasya-agrahaṇaṁ sthale śāyanam abhāge ghātaḥ para.ārohaṇam akāle yānam abhūmāv atīrthe 'vatāraṇaṁ taru.ṣaṇḍa ity atyaya.sthānāni | 19 |

KAZ02.32.20/ tam eṣāṁ bhakta.vetanād ādadīta | 20 |

KAZ02.32.21ab/ tisro nīrājanāḥ kāryāś cāturmāsya.ṛtu.sandhiṣu |
KAZ02.32.21cd/ bhūtānāṁ kṛṣṇa.sandhī-ijyāḥ senānyaḥ śukla.sandhiṣu || 21 ||
[Page 91 ]
KAZ02.32.22ab/ danta.mūla.parīṇāha.dvi.guṇaṁ projjhya kalpayet |
KAZ02.32.22cd/ abde dvy.ardhe nadī.jānāṁ pañca.abde parvata.okasām || 22 ||

2.33. Chapter 33 (Sections 49; 50; 51): The Superintendent of Chariots; The Superintendent of Foot Soldiers; The Commandant of the Army

[Note: [ K tr. 207 :: K2 tr. 179]

KAZ02.33.01/ aśva.adhyakṣeṇa ratha.adhyakṣo vyākhyātaḥ | 1 |

KAZ02.33.02/ sa ratha.karma.antān kārayet | 2 |

KAZ02.33.03/ daśa.puruṣo dvādaśa.antaro rathaḥ | 3 |

KAZ02.33.04/ tasmād eka.antara.avarā ā.ṣaḍ.antarād iti sapta rathāḥ | 4 |

KAZ02.33.05/ deva.ratha.puṣya.ratha.sāṅgrāmika.pāriyāṇika.para.pura.abhiyānika.- vainayikāṁś ca rathān kārayet | 5 |

KAZ02.33.06/ iṣv.astra.praharaṇa.āvaraṇa.upakaraṇa.kalpanāḥ sārathi.rathika.rathyānāṁ ca karmasv āyogaṁ vidyāt, ā.karmabhyaś ca bhakta.vetanaṁ bhṛtānām abhṛtānāṁ ca yogyā.rakṣā.anuṣṭhānam artha.māna.karma ca | 6 |

KAZ02.33.07/ etena patty.adhyakṣo vyākhyātaḥ | 7 |

KAZ02.33.08/ sa maula.bhṛta.śreṇi.mitra.amitra.aṭavī.balānāṁ sāra.phalgutāṁ vidyāt, nimna.sthala.prakāśa.kūṭa.khanaka.ākāśa.divā.rātri.yuddha.vyāyāmaṁ ca, āyogam ayogaṁ ca karmasu | 8 |

KAZ02.33.09/ ted eva senā.patiḥ sarva.yuddha.praharaṇa.vidyā.vinīto hasty.aśva.ratha.caryā.saṅghuṣṭaś catur.aṅgasya balasya-anuṣṭhāna.adhiṣṭhānaṁ vidyāt | 9 |

KAZ02.33.10/ sva.bhūmiṁ yuddha.kālaṁ pratyanīkam abhinna.bhedanaṁ bhinna.sandhānaṁ saṁhata.bhedanaṁ bhinna.vadhaṁ durga.vadhaṁ yātrā.kālaṁ ca paśyet | 10 |

KAZ02.33.11ab/ tūrya.dhvaja.patākābhir vyūha.sañjñāḥ prakalpayet |
KAZ02.33.11cd/ sthāne yāne praharaṇe sainyānāṁ vinaye rataḥ || 11 ||

2.34. Chapter 34 (Sections 52; 53): The Superintendent of Passports; The Superintendent of Pastures

[Note: [ K tr. 209 :: K2 tr. 181]

KAZ02.34.01/ mudrā.adhyakṣo mudrāṁ māṣakeṇa dadyāt | 1 |

[Page 92 ]

KAZ02.34.02/ sa-mudro jana.padaṁ praveṣṭuṁ niṣkramituṁ vā labheta | 2 |

KAZ02.34.03/ dvādaśa.paṇam amudro jānapado dadyāt | 3 |

KAZ02.34.04/ kūṭa.mudrāyāṁ pūrvaḥ sāhasa.daṇḍaḥ tiro.jana.padasya-uttamaḥ | 4 |

KAZ02.34.05/ vivīta.adhyakṣo mudrāṁ paśyet | 5 |

KAZ02.34.06/ grāma.antareṣu ca vivītaṁ sthāpayet | 6 |

KAZ02.34.07/ cora.vyāla.bhayān.nimna.araṇyāni śodhayet | 7 |

KAZ02.34.08/ anudake kūpa.setu.bandha.utsān sthāpayet, puṣpa.phala.vāṭāṁś ca | 8 |

KAZ02.34.09/ lubdhaka.śva.gaṇinaḥ parivrajeyur araṇyāni | 9 |

KAZ02.34.10/ taskara.amitra.abhyāgame śaṅkha.dundubhi.śabdam agrāhyāḥ kuryuḥ śaila.vṛkṣa.adhirūḍhā vā śīghra.vāhanā vā | 10 |

KAZ02.34.11/ amitra.aṭavī.sañcāraṁ ca rājño gṛha.kapotair mudrā.yuktair hārayet, dhūma.agni.paramparayā vā | 11 |

KAZ02.34.12ab/ dravya.hasti.vana.ājīvaṁ vartanīṁ cora.rakṣaṇam |
KAZ02.34.12cd/ sārtha.ativāhyaṁ go.rakṣyaṁ vyavahāraṁ ca kārayet || 12 ||

2.35. Chapter 35 (Sections 54; 55): The Administrator's Activity; Activity of Secret Agents

[Note: [ K tr. 210 :: K2 tr. 182]

KAZ02.35.01/ samāhartā caturdhā jana.apdaṁ vibhajya jyeṣṭha.madhyama.kaniṣṭha.vibhāgena grāma.agraṁ parihārakam āyudhīyaṁ dhānya.paśu.hiraṇya.kupya.viṣṭi.pratikaram idam etāvad iti nibandhayet | 1 |

KAZ02.35.02/ tat.pradiṣṭaḥ pañca.grāmīṁ daśa.grāmīṁ vā gopaś cintayet | 2 |

KAZ02.35.03/ sīma.avarodhena grāma.agram, kṛṣṭa.akṛṣṭa.sthala.kedāra.ārāma.ṣaṇḍa.vāṭa.vana.vāstu.caitya.- deva.gṛha.setu.bandha.śmaśāna.sattra.prapā.puṇya.sthāna.vivīta.- pathi.saṅkhyānena kṣetra.agram, tena sīmnāṁ kṣetrāṇāṁ ca karada.akarada.saṅkhyānena | 3 |

KAZ02.35.04/ teṣu ca-etāvac-cātur.vārṇyam, etāvantaḥ karṣaka.go.rakṣaka.vaidehaka.kāru.karma.kara.dāsāś ca, etāvac ca dvi.pada.catuṣ.padam, idaṁ ca-eṣu hiraṇyalviṣṭi.śulka.daṇḍaṁ samuttiṣṭhati-iti | 4 |

KAZ02.35.05/ kulānāṁ ca strī.puruṣāṇāṁ bāla.vṛddha.karma.caritra.ājīva.vyaya.parimāṇaṁ vidyāt | 5 |

[Page 93 ]

KAZ02.35.06/ evaṁ ca jana.pada.catur.bhāgaṁ sthānikaś cintayet | 6 |

KAZ02.35.07/ gopa.sthānika.sthāneṣu pradeṣṭāraḥ kārya.karaṇaṁ bali.pragrahaṁ ca kuryuḥ | 7 |

KAZ02.35.08/ samāhartṛ.pradiṣṭāś ca gṛha.patika.vyañjanā yeṣu grāmeṣu praṇihitās teṣāṁ grāmāṇāṁ kṣetra.gṛha.kula.agraṁ vidyuḥ, māna.sañjātābhyāṁ kṣetrāṇi bhoga.parihārābhyāṁ gṛhāṇi varṇa.karmabhyāṁ kulāni ca | 8 |

KAZ02.35.09/ teṣāṁ jaṅgha.agram āya.vyayau ca vidyuḥ | 9 |

KAZ02.35.10/ prasthita.āgatānāṁ ca pravāsa.āvāsa.kāraṇam, anarthyānāṁ ca strī.puruṣāṇāṁ cāra.pracāraṁ ca vidyuḥ | 10 |

KAZ02.35.11/ evaṁ vaidehaka.vyañjanāḥ sva.bhūmijānāṁ rāja.paṇyānāṁ khani.setu.vana.karma.anta.kṣetrajānāṁ pramāṇam arghaṁ ca vidyuḥ | 11 |

KAZ02.35.12/ para.bhūmi.jātānāṁ vāri.sthala.patha.upayātānāṁ sāra.phalgu.puṇyānāṁ karmasu ca śulka.vartany.ātivāhika.gulma.tara.deya.bhāga.bhakta.paṇya.agāra.- pramāṇaṁ vidyuḥ | 12 |

KAZ02.35.13/ evaṁ samāhartṛ.pradiṣṭās tāpasa.vyañjanāḥ karṣaka.go.rakṣaka.vaidehakānām adhyakṣāṇāṁ ca śauca.āśaucaṁ vidyuḥ | 13 |

KAZ02.35.14/ purāṇa cora.vyañjanāś ca-antevāsinaś caitya.catuṣpatha.śūnya.pada.uda.pāna.nadī.nipāna.tīrtha.āyatana.- āśrama.araṇya.śaila.vana.gahaneṣu stena.amitra.pravīra.puruṣāṇāṁ ca praveśana.sthāna.gamana.prayojanāny upalabheran | 14 |

KAZ02.35.15ab/ samāhartā jana.padaṁ cintayed evam utthitaḥ |
KAZ02.35.15cd/ cintayeyuś ca saṁsthās tāḥ saṁsthāś ca-anyāḥ sva.yonayaḥ || 15 ||

2.36. Chapter 36 (Section 56): The City Superintendent

[Note: [ K tr. 213 :: K2 tr. 185]

KAZ02.36.01/ samāhartṛvan nāgariko nagaraṁ cintayet | 1 |

KAZ02.36.02/ daśa.kulīṁ gopo viṁśati.kulīṁ catvāriṁśat.kulīṁ vā | 2 |

KAZ02.36.03/ sa tasyāṁ strī.puruṣāṇāṁ jāti.gotra.nāma.karmabhiḥ jaṅgha.agram āya.vyayau ca vidyāt | 3 |

KAZ02.36.04/ evaṁ durga.catur.bhāgaṁ sthānikaś cintayet | 4 |

KAZ02.36.05/ dharma.āvasathinaḥ pāṣaṇḍi.pathikān āvedya vāsayeyuḥ, sva.pratyayāś ca tapasvinaḥ śrotriyāṁś ca | 5 |

KAZ02.36.06/ kāru.śilpinaḥ sva.karma.sthāneṣu sva.janaṁ vāsayeyuḥ, vaidehakāś ca-anyonyaṁ sva.karma.sthāneṣu | 6 |

KAZ02.36.07/ paṇyānām adeśa.kāla.vikretāram asvakaraṇaṁ ca nivedayeyuḥ | 7 |

[Page 94 ]

KAZ02.36.08/ śauṇḍika.pākva.māṁsika.audanika.rūpa.ājīvāḥ parijñātam āvāsayeyuḥ | 8 |

KAZ02.36.09/ ativyaya.kartāram atyāhita.karmāṇaṁ ca nivedayeyuḥ | 9 |

KAZ02.36.10/ cikitsakaḥ pracchanna.vraṇa.pratīkāra.kārayitāram apathya.kāriṇaṁ ca gṛha.svāmī ca nivedya gopa.sthānikayor mucyeta, anyathā tulya.doṣaḥ syāt | 10 |

KAZ02.36.11/ prasthita.āgatau ca nivedayet, anyathā rātri.doṣaṁ bhajeta | 11 |

KAZ02.36.12/ kṣema.rātriṣu tri.paṇaṁ dadyāt | 12 |

KAZ02.36.13/ pathika.utpathikāś ca bahir.antaś ca nagarasya deva.gṛha.puṇya.sthāna.vana.śmaśāneṣu sa-vraṇam aniṣṭa.upakaraṇam udbhāṇḍī.kṛtam āvignam atisvapnam adhva.klāntam apūrvaṁ vā gṛhṇīyuḥ | 13 |

KAZ02.36.14/ evam abhyantare śūnya.niveśa.āveśana.śauṇḍika.audanika.pākva.māṁsika.dyūta.- pāṣaṇḍa.āvāseṣu vicayaṁ kuryuḥ | 14 |

KAZ02.36.15/ agni.pratīkāraṁ ca grīṣme | 15 |

KAZ02.36.16/ madhyamayor ahnaś catur.bhāgayor aṣṭa.bhāgo 'gni.daṇḍaḥ | 16 |

KAZ02.36.17/ bahir.adhiśrayaṇaṁ vā kuryuḥ | 17 |

KAZ02.36.18/ pādaḥ pañca.ghaṭīnāṁ kumbha.droṇi.nihśreṇī.paraśu.śūrpa.aṅkuśa.kaca.grahaṇī.dṛtīnāṁ ca-akaraṇe | 18 |

KAZ02.36.19/ tṛṇa.kaṭac.channāny apanayet | 19 |

KAZ02.36.20/ agni.jīvina ekasthān vāsayet | 20 |

KAZ02.36.21/ sva.gṛha.pradvāreṣu gṛha.svāmino vaseyuḥ asampātino rātrau | 21 |

KAZ02.36.22/ rathyāsu kuṭa.vrajāḥ sahasraṁ tiṣṭheyuḥ, catuṣpatha.dvāra.rāja.parigraheṣu ca | 22 |

KAZ02.36.23/ pradīptam anabhidhāvato gṛha.svāmino dvādaśa.paṇo daṇḍaḥ, ṣaṭ.paṇo 'vakrayiṇaḥ | 23 |

KAZ02.36.24/ pramādād dīpteṣu catuṣ.pañcāśat.paṇo daṇḍaḥ | 24 |

KAZ02.36.25/ pradīpiko 'gninā vadhyaḥ | 25 |

KAZ02.36.26/ pāṁsu.nyāse rathyāyām aṣṭa.bhāgo daṇḍaḥ, paṅka.udaka.samnirodhe pādaḥ | 26 |

KAZ02.36.27/ rāja.mārge dvi.guṇaḥ | 27 |

KAZ02.36.28/ paṇya.sthāna.udaka.sthāna.deva.gṛha.rāja.parigraheṣu paṇa.uttarā viṣṭā.daṇḍāḥ, mūtreṣv ardha.daṇḍāḥ | 28 |

KAZ02.36.29/ bhaiṣajya.vyādhi.bhaya.nimittam adaṇḍyāḥ | 29 |

KAZ02.36.30/ mārjāra.śva.nakula.sarpa.pretānāṁ nagarasya.antar.utsarge tri.paṇo daṇḍaḥ, khara.uṣṭra.aśvatara.aśva.pretānāṁ ṣaṭ.paṇaḥ, manuṣya.pretānāṁ pañcāśat.paṇaḥ | 30 |

KAZ02.36.31/ mārga.viparyāse śava.dvārād anyataś ca śava.nirṇayane pūrvaḥ sāhasa.daṇḍaḥ | 31 |

KAZ02.36.32/ dvāḥ.sthānāṁ dviśatam | 32 |

KAZ02.36.33/ śmaśānād anyatra nyāse dahane ca dvādaśa.paṇo daṇḍaḥ | 33 |

KAZ02.36.34/ viṣaṇṇa.alikam ubhayator ātraṁ yāma.tūryam | 34 |

KAZ02.36.35/ tūrya.śabde rājño gṛha.abhyāśe sa.pāda.paṇaṁ.akṣaṇa.tāḍanaṁ prathama.paścima.yāmikam, madhyama.yāmikaṁ dvi.guṇam, antaś.catur.guṇam | 35 |

[Page 95 ]

KAZ02.36.36/ śaṅkanīye deśe liṅge pūrva.apadāne ca gṛhītam anuyuñjīta | 36 |

KAZ02.36.37/ rāja.parigraha.upagamane nagara.rakṣā.ārohaṇe ca madhyamaḥ sāhasa.daṇḍaḥ | 37 |

KAZ02.36.38/ sūtikā.cikitsaka.preta.pradīpa.yāna.nāgarika.tūrya.prekṣā.agni.nimittaṁ mudrābhiś ca-agrāhyāḥ | 38 |

KAZ02.36.39/ cāra.rātriṣu pracchanna.viparīta.veṣāḥ pravrajitā daṇḍa.śastra.hastāś ca manuṣyā doṣato daṇḍyāḥ | 39 |

KAZ02.36.40/ rakṣiṇām avāryaṁ vārayatāṁ vāryaṁ ca-āvārayatāṁ kṣaṇa.dvi.guṇo daṇḍaḥ | 40 |

KAZ02.36.41/ striyaṁ dāsīm adhimehayatāṁ pūrvaḥ sāhasa.daṇḍaḥ, adāsīṁ madhyamaḥ, kṛta.avarodhām uttamaḥ, kula.striyaṁ vadhaḥ | 41 |

KAZ02.36.42/ cetana.acetanikaṁ rātri.doṣam aśaṁsato nāgarikasya doṣa.anurūpo daṇḍaḥ, pramāda.sthāne ca | 42 |

KAZ02.36.43/ nityam udaka.sthāna.mārga.bhramac.channa.patha.vapra.prākāra.rakṣā.avekṣaṇaṁ naṣṭa.prasmṛta.apasṛtānāṁ ca rakṣaṇam | 43 |

KAZ02.36.44/ bandhana.agāre ca bāla.vṛddha.vyādhita.anāthānāṁ jāta.nakṣatra.paurṇamāsīṣu visargaḥ | 44 |

KAZ02.36.45/ paṇya.śīlāḥ samaya.anubaddhā vā doṣa.niṣkrayaṁ dadyuḥ | 45 |

KAZ02.36.46ab/ divase pañca.rātre vā bandhanasthān viśodhayet |
KAZ02.36.46cd/ karmaṇā kāya.daṇḍena hiraṇya.anugraheṇa vā || 46 ||
KAZ02.36.47ab/ apūrva.deśa.adhigame yuva.rāja.abhiṣecane |
KAZ02.36.47cd/ putra.janmani vā mokṣo bandhanasya vidhīyate || 47 ||

3. Book 3: Concerning Judges

[Page 96 ] [Note: [ K tr. 219--293 :: K2 tr. 190--253]

3.1. Chapter 1 (Sections 57; 58): Valid and Invalid Transactions; Filing of Law-suits

[Note: [ K tr. 219 :: K2 tr. 190]

KAZ03.1.01/ dharmasthās trayas trayo 'mātyā jana.pada.sandhi.saṅgrahaṇa.droṇa.mukha.sthānīyeṣu vyāvahārikān arthān kuryuḥ | 1 |

KAZ03.1.02/ tirohita.antar.agāra.nakta.araṇya.upadhy.upahvara.kṛtāṁś ca vyavahārān pratiṣedhayeyuḥ | 2 |

KAZ03.1.03/ kartuḥ kārayituḥ pūrvaḥ sāhasa.daṇḍaḥ | 3 |

KAZ03.1.04/ śrotṝṇām eka.ekaṁ pratyardha.daṇḍāḥ | 4 |

KAZ03.1.05/ śraddheyānāṁ tu dravya.vyapanayaḥ | 5 |

KAZ03.1.06/ parokṣeṇa-adhika.ṛṇa.grahaṇam avaktavya.karā vā tirohitāḥ sidhyeyuḥ | 6 |

KAZ03.1.07/ dāya.nikṣepa.upanidhi.vivāha.yuktāḥ strīṇām aniṣkāsinīnāṁ vyādhitānāṁ ca-amūḍha.sañjñānām antar.agāra.kṛtāḥ sidhyeyuḥ | 7 |

KAZ03.1.08/ sāhasa.anupraveśa.kalaha.vivāha.rāja.niyoga.yuktāḥ pūrva.rātra.vyavahāriṇāṁ ca rātri.kṛtāḥ sidhyeyuḥ | 8 |

KAZ03.1.09/ sārtha.vraja.āśrama.vyādha.cāraṇa.madhyeṣv araṇya.carāṇām araṇya.kṛtāḥ sidhyeyuḥ | 9 |

KAZ03.1.10/ gūḍha.ājīviṣu ca-upadhi.kṛtāḥ sidhyeyuḥ | 10 |

KAZ03.1.11/ mithaḥ.samavāye ca-upahvara.kṛtāḥ sidhyeyuḥ | 11 |

KAZ03.1.12/ ato 'nyathā na sidhyeyuḥ, apāśrayavadbhiś ca kṛtāḥ, pitṛmatā putreṇa, pitrā putravatā, niṣkulena bhrātrā, kaniṣṭhena-avibhakta.aṁśena, patimatyā putravatyā ca striyā, dāsa.āhitakābhyām, aprāpta.atīta.vyavahārābhyām, abhiśasta.pravrajita.nyaṅga.vyasanibhiś ca, anyatra niṣṛṣṭa.vyavahārebhyaḥ | 12 |

KAZ03.1.13/ tatra-api kruddhena-ārtena mattena.unmattena-avagṛhītena vā kṛtā vyavahārā na sidhyeyuḥ | 13 |

KAZ03.1.14/ kartṛ.kārayitṛ.śrotṝṇāṁ pṛthag yathā.uktā daṇḍāḥ | 14 |

KAZ03.1.15/ sve sve tu varge deśe kāle ca sva.karaṇa.kṛtāḥ sampūrṇa.ācārāḥ śuddha.deśā dṛṣṭa.rūpa.lakṣaṇa.pramāṇa.guṇāḥ sarva.vyavahārāḥ sidhyeyuḥ | 15 |

KAZ03.1.16/ paścimaṁ ca-eṣāṁ karaṇam ādeśa.ādhivarjaṁ śraddheyam | 16 | iti vyavahāra.sthāpanā |

[Page 97 ]

KAZ03.1.17/ saṁvatsaram ṛtuṁ māsaṁ pakṣaṁ divasaṁ karaṇam adhikaraṇam ṛṇaṁ vedaka.āvedakayoḥ kṛta.samartha.avasthayor deśa.grāma.jāti.gotra.nāma.karmāṇi ca-abhilikhya vādi.prativādi.praśnān artha.ānupūrvyā niveśayet | 17 |

KAZ03.1.18/ niviṣṭāṁś ca-avekṣeta | 18 |

KAZ03.1.19/ nibaddhaṁ vādam utsṛjya-anyaṁ vādaṁ saṅkrāmati, pūrva.uktaṁ paścimena-arthena na-abhisandhatte, para.vākyam anabhigrāhyam abhigrāhya-avatiṣṭhate, pratijñāya deśaṁ nirdiśa-ity ukte na nirdiśati, hīna.deśam adeśaṁ vā nirdiśati, nirdiṣṭād deśād anyaṁ deśam upasthāpayati, upasthite deśe 'rtha.vacanaṁ na-evam ity apavyayate, sākṣibhir avadhṛtaṁ na-icchati, asambhāṣye deśe sākṣibhir mithaḥ sambhāṣate, iti parā.ukta.hetavaḥ | 19 |

KAZ03.1.20/ parā.ukta.daṇḍaḥ pañca.bandhaḥ | 20 |

KAZ03.1.21/ svayaṁ.vādi.daṇḍo daśa.bandhaḥ | 21 |

KAZ03.1.22/ puruṣa.bhṛtir aṣṭa.aṁśaḥ | 22 |

KAZ03.1.23/ pathi.bhaktam argha.viśeṣataḥ | 23 |

KAZ03.1.24/ tad ubhayaṁ niyamyo dadyāt | 24 |

KAZ03.1.25/ abhiyukto na pratyabhiyuñjīta, anyatra kalaha.sāhasa.sārtha.samavāyebhyaḥ | 25 |

KAZ03.1.26/ na ca-abhiyukte 'bhiyoge 'sti | 26 |

KAZ03.1.27/ abhiyoktā cet pratyuktas tad.ahar eva na pratibrūyāt parā.uktaḥ syāt | 27 |

KAZ03.1.28/ kṛta.kārya.viniścayo hy abhiyoktā na-abhiyuktaḥ | 28 |

KAZ03.1.29/ tasya-apratibruvatas tri.rātraṁ sapta.rātram iti | 29 |

KAZ03.1.30/ ata ūrdhvaṁ tri.paṇa.avara.ardhyaṁ dvādaśa.paṇa.paraṁ daṇḍaṁ kuryāt | 30 |

KAZ03.1.31/ tri.pakṣād ūrdhvam apratibruvataḥ parā.ukta.daṇḍaṁ kṛtvā yāny asya dravyāṇi syus tato 'bhiyoktāraṁ pratipādayed, anyatra vṛtty.upakaraṇebhyaḥ | 31 |

KAZ03.1.32/ tad eva niṣpatato 'bhiyuktasya kuryāt | 32 |

KAZ03.1.33/ abhiyoktur niṣpāta.sama.kālaḥ parā.ukta.bhāvaḥ | 33 |

KAZ03.1.34/ pretasya vyasanino vā sākṣi.vacanam asāram | 34 |

KAZ03.1.35/ abhiyoktā daṇḍaṁ dattvā karma kārayet | 35 |

KAZ03.1.36/ ādhiṁ vā sa kāmaṁ praveśayet | 36 |

KAZ03.1.37/ rakṣoghna.rakṣitaṁ vā karmaṇā pratipādayed, anyatra brāhmaṇāt | 37 |

KAZ03.1.38ab/ catur.varṇa.āśramasya-ayaṁ lokasya-ācāra.rakṣaṇāt |
KAZ03.1.38cd/ naśyatāṁ sarva.dharmāṇāṁ rājā dharma.pravartakaḥ || 38 ||
KAZ03.1.39ab/ dharmaś ca vyavahāraś ca caritraṁ rāja.śāsanam |
KAZ03.1.39cd/ vivāda.arthaś catuṣpādaḥ paścimaḥ pūrva.bādhakaḥ || 39 ||
[Page 98 ]
KAZ03.1.40ab/ tatra satye sthito dharmo vyavahāras tu sākṣiṣu |
KAZ03.1.40cd/ caritraṁ saṅgrahe puṁsāṁ rājñām ājñā tu śāsanam || 40 ||
KAZ03.1.41ab/ rājñaḥ sva.dharmaḥ svargāya prajā dharmeṇa rakṣituḥ |
KAZ03.1.41cd/ arakṣitur vā kṣeptur vā mithyā.daṇḍam ato 'nyathā || 41 ||
KAZ03.1.42ab/ daṇḍo hi kevalo lokaṁ paraṁ ca-imaṁ ca rakṣati |
KAZ03.1.42cd/ rājñā putre ca śatrau ca yathā.doṣaṁ samaṁ dhṛtaḥ || 42 ||
KAZ03.1.43ab/ anuśāsadd hi dharmeṇa vyavahāreṇa saṁsthayā |
KAZ03.1.43cd/ nyāyena ca caturthena catur.antāṁ vā mahīṁ jayet || 43 ||
KAZ03.1.44ab/ saṁsthā yā dharma.śāstreṇa śāstraṁ vā vyāvahārikam |
KAZ03.1.44cd/ yasminn arthe virudhyeta dharmeṇa-arthaṁ vinirṇayet || 44 ||
KAZ03.1.45ab/ śāstraṁ vipratipadyeta dharme nyāyena kenacit |
KAZ03.1.45cd/ nyāyas tatra pramāṇaṁ syāt tatra pāṭho hi naśyati || 45 ||
KAZ03.1.46ab/ dṛṣṭa.doṣaḥ svayaṁ.vādaḥ sva.pakṣa.para.pakṣayoḥ |
KAZ03.1.46cd/ anuyoga.ārjavaṁ hetuḥ śapathaś ca-artha.sādhakaḥ || 46 ||
KAZ03.1.47ab/ pūrva.uttara.artha.vyāghāte sākṣi.vaktavya.kāraṇe |
KAZ03.1.47cd/ cāra.hastāc ca niṣpāte pradeṣṭavyaḥ parājayaḥ || 47 ||

3.2. Chapter 2 (Section 59): Concerning Marriage

[Note: [ K tr. 227 :: K2 tr. 196]

KAZ03.2.01/ vivāha.pūrvo vyavahāraḥ | 1 |

KAZ03.2.02/ kanyā.dānaṁ kanyām alaṅkṛtya brāhmo vivāhaḥ | 2 |

KAZ03.2.03/ saha.dharma.caryā prājāpatyaḥ | 3 |

KAZ03.2.04/ go.mithuna.ādānād ārṣaḥ | 4 |

KAZ03.2.05/ antar.vedyām ṛtvije dānād daivaḥ | 5 |

KAZ03.2.06/ mithaḥ.samavāyād gāndharvaḥ | 6 |

KAZ03.2.07/ śulka.ādānād āsuraḥ | 7 |

KAZ03.2.08/ prasahya.ādānād rākṣasaḥ | 8 |

KAZ03.2.09/ supta.matta.ādānāt paiśācaḥ | 9 |

[Page 99 ]

KAZ03.2.10/ pitṛ.pramāṇāś catvāraḥ pūrve dharmyāḥ, mātā.pitṛ.pramāṇāḥ śeṣāḥ | 10 |

KAZ03.2.11/ tau hi śulka.harau duhituḥ, anyatara.abhāve 'nyataro vā | 11 |

KAZ03.2.12/ dvitīyaṁ śulkaṁ strī hareta | 12 |

KAZ03.2.13/ sarveṣāṁ prīty.āropaṇam apratiṣiddham | 13 | iti vivāha.dharmaḥ |

KAZ03.2.14/ vṛttir ābandhyaṁ vā strī.dhanam | 14 |

KAZ03.2.15/ para.dvi.sāhasrā sthāpyā vṛttiḥ, ābandhya.aniyamaḥ | 15 |

KAZ03.2.16/ tad ātma.putra.snuṣā.bharmaṇi pravāsa.apratividhāne ca bhāryāyā bhoktum adoṣaḥ, pratirodhaka.vyādhi.durbhikṣa.bhaya.pratīkāre dharma.kārye ca patyuḥ, sambhūya vā dampatyor mithunaṁ prajātayoḥ | 16 |

KAZ03.2.17/ tri.varṣa.upabhuktaṁ ca dharmiṣṭheṣu vivāheṣu na-anuyuñjīta | 17 |

KAZ03.2.18/ gāndharva.āsura.upabhuktaṁ sa-vṛddhikam ubhayaṁ dāpyeta, rākṣasa.paiśāca.upabhuktaṁ steyaṁ dadyāt | 18 |

KAZ03.2.19/ mṛte bhartari dharma.kāmā tadānīm eva sthāpya-ābharaṇaṁ śulka.śeṣaṁ ca labheta | 19 |

KAZ03.2.20/ labdhvā vā vindamānā sa-vṛddhikam ubhayaṁ dāpyeta | 20 |

KAZ03.2.21/ kuṭumba.kāmā tu śvaśura.pati.dattaṁ niveśa.kāle labheta | 21 |

KAZ03.2.22/ niveśa.kālaṁ hi dīrgha.pravāse vyākhyāsyāmaḥ | 22 |

KAZ03.2.23/ śvaśura.prātilomyena vā niviṣṭā śvaśura.pati.dattaṁ jīyeta | 23 |

KAZ03.2.24/ jñāti.hastād.abhimṛṣṭāyā jñātayo yathā.gṛhītaṁ dadyuḥ | 24 |

KAZ03.2.25/ nyāya.upagatāyāḥ pratipattā strī.dhanaṁ gopayet | 25 |

KAZ03.2.26/ pati.dāyaṁ vindamānā jīyeta | 26 |

KAZ03.2.27/ dharma.kāmā bhuñjīta | 27 |

KAZ03.2.28/ putravatī vindamānā strī.dhanaṁ jīyeta | 28 |

KAZ03.2.29/ tat tu strī.dhanaṁ putrā hareyuḥ | 29 |

KAZ03.2.30/ putra.bharaṇa.arthaṁ vā vindamānā putra.arthaṁ sphātī.kuryāt | 30 |

KAZ03.2.31/ bahu.puruṣa.prajānāṁ putrāṇāṁ yathā.pitṛ.dattaṁ strī.dhanam avasthāpayet | 31 |

KAZ03.2.32/ kāma.karaṇīyam api strī.dhanaṁ vindamānā putra.saṁsthaṁ kuryāt | 32 |

KAZ03.2.33/ aputrā pati.śayanaṁ pālayantī guru.samīpe strī.dhanam āyuḥ.kṣayād bhuñjīta | 33 |

KAZ03.2.34/ āpad.arthaṁ hi strī.dhanam | 34 |

KAZ03.2.35/ ūrdhvaṁ dāyādaṁ gacchet | 35 |

KAZ03.2.36/ jīvati bhartari mṛtāyāḥ putrā duhitaraś ca strī.dhanaṁ vibhajeran, aputrāyā duhitaraḥ, tad.abhāve bhartā | 36 |

KAZ03.2.37/ śulkam anvādheyam anyad vā bandhubhir dattaṁ bāndhavā hareyuḥ | 37 | iti strī.dhana.kalpaḥ |

KAZ03.2.38/ varṣāṇy aṣṭāv aprajāyamānām aputrāṁ vandhyāṁ ca-ākāṅkṣeta, daśa nindum, dvādaśa kanyā.prasavinīm | 38 |

KAZ03.2.39/ tataḥ putra.arthī dvitīyāṁ vindeta | 39 |

KAZ03.2.40/ tasya-atikrame śulkaṁ strī.dhanam ardhaṁ ca-ādhivedanikaṁ dadyāt, catur.viṁśati.paṇa.paraṁ ca daṇḍam | 40 |

[Page 100 ]

KAZ03.2.41/ śulkaṁ strī.dhanam aśulka.strī.dhanāyās tat.pramāṇam ādhivedanikam anurūpāṁ ca vṛttiṁ dattvā bahvīr api vindeta | 41 |

KAZ03.2.42/ putra.arthā hi striyaḥ | 42 |

KAZ03.2.43/ tīrtha.samavāye ca-āsāṁ yathā.vivāhaṁ pūrva.ūḍhāṁ jīvat.putrāṁ vā pūrvaṁ gacchet | 43 |

KAZ03.2.44/ tīrtha.gūhana.āgamane ṣaṇ.ṇavatir daṇḍaḥ | 44 |

KAZ03.2.45/ putravatīṁ dharma.kāmāṁ vandhyāṁ ninduṁ nīrajaskāṁ vā na-akāmām upeyāt | 45 |

KAZ03.2.46/ na ca-akāmaḥ puruṣaḥ kuṣṭhinīm unmattāṁ vā gacchet | 46 |

KAZ03.2.47/ strī tu putra.artham evaṁ.bhūtaṁ vā-upagacchet | 47 |

KAZ03.2.48ab/ nīcatvaṁ para.deśaṁ vā prasthito rāja.kilbiṣī |
KAZ03.2.48cd/ prāṇa.abhihantā patitas tyājyaḥ klībo 'pi vā patiḥ || 48 ||

3.3. Chapter 3 (Section 59): Concerning Marriage (cont.)

[Note: [ K tr. 232 :: K2 tr. 201]

KAZ03.3.01/ dvādaśa.varṣā strī prāpta.vyavahārā bhavati, ṣoḍaśa.varṣaḥ pumān | 1 |

KAZ03.3.02/ ata ūrdhvam aśuśrūṣāyāṁ dvādaśa.paṇaḥ striyā daṇḍaḥ, puṁso dvi.guṇaḥ | 2 | iti śuśrūṣā |

KAZ03.3.03/ bharmaṇyāyām anirdiṣṭa.kālāyāṁ grāsa.ācchādanaṁ vā-adhikaṁ yathā.puruṣa.parivāpaṁ saviśeṣaṁ dadyāt | 3 |

KAZ03.3.04/ nirdiṣṭa.kālāyāṁ tad eva saṅkhyāya bandhaṁ ca dadyāt | 4 |

KAZ03.3.05/ śulka.strī.dhana.ādhivedanikānām anādāne ca | 5 |

KAZ03.3.06/ śvaśura.kula.praviṣṭāyāṁ vibhaktāyāṁ vā na-abhiyojyaḥ patiḥ | 6 | iti bharma |

KAZ03.3.07/ "naṣṭe" "vinaṣṭe" "nyaṅge" "apitṛke" "amātṛke" ity anirdeśena vinaya.grāhaṇam | 7 |

KAZ03.3.08/ veṇu.dala.rajju.hastānām anyatamena vā pṛṣṭhe trir āghātaḥ | 8 |

KAZ03.3.09/ tasya-atikrame vāg.daṇḍa.pāruṣya.daṇḍābhyām ardha.daṇḍāḥ | 9 |

KAZ03.3.10/ tad eva striyā bhartari prasiddha.doṣāyāḥ | 10 |

KAZ03.3.11/ īrṣyayā bāhya.vihāreṣu dvāreṣv atyayo yathā.nirdiṣṭaḥ | 11 | iti pāruṣyam |

[Page 101 ]

KAZ03.3.12/ bhartāraṁ dviṣatī strī sapta.ārtavāny amaṇḍayamānā tadānīm eva sthāpya-ābharaṇaṁ nidhāya bhartāram anyayā saha śayānam anuśayīta | 12 |

KAZ03.3.13/ bhikṣuky.anvādhi.jñāti.kulānām anyatame vā bhartā dviṣan striyam ekām anuśayīta | 13 |

KAZ03.3.14/ dṛṣṭa.liṅge maithuna.apahāre savarṇa.apasarpa.upagame vā mithyā.vādī dvādaśa.paṇaṁ dadyāt | 14 |

KAZ03.3.15/ amokṣyā bhartur akāmasya dviṣatī bhāryā, bhāryāyāś ca bhartā | 15 |

KAZ03.3.16/ parasparaṁ.dveṣān mokṣaḥ | 16 |

KAZ03.3.17/ strī.viprakārād vā puruṣaś cen mokṣam icched yathā.gṛhītam asyai dadyāt | 17 |

KAZ03.3.18/ puruṣa.viprakārād vā strī cen mokṣam icchen na-asyai yathā.gṛhītaṁ dadyāt | 18 |

KAZ03.3.19/ amokṣo dharma.vivāhānām | 19 | iti dveṣaḥ |

KAZ03.3.20/ pratiṣiddhā strī darpa.madya.krīḍāyāṁ tri.paṇaṁ daṇḍaṁ dadyāt | 20 |

KAZ03.3.21/ divā strī.prekṣā.vihāra.gamane ṣaṭ.paṇo daṇḍaḥ, puruṣa.prekṣā.vihāra.gamane dvādaśa.paṇaḥ | 21 |

KAZ03.3.22/ rātrau dvi.guṇaḥ | 22 |

KAZ03.3.23/ supta.matta.pravrajane bhartur adāne ca dvārasya dvādaśa.paṇaḥ | 23 |

KAZ03.3.24/ rātrau niṣkasane dvi.guṇaḥ | 24 |

KAZ03.3.25/ strī.puṁsayor maithuna.arthena-aṅga.viceṣṭāyāṁ raho 'ślīla.sambhāṣāyāṁ vā catur.viṁśati.paṇaḥ striyā daṇḍaḥ, puṁso dvi.guṇaḥ | 25 |

KAZ03.3.26/ keśa.nīvi.danta.nakha.ālambaneṣu pūrvaḥ sāhasa.daṇḍaḥ, puṁso dvi.guṇaḥ | 26 |

KAZ03.3.27/ śaṅkita.sthāne sambhāṣāyāṁ ca paṇa.sthāne śiphā.daṇḍaḥ | 27 |

KAZ03.3.28/ strīṇāṁ grāma.madhye caṇḍālaḥ pakṣa.antare pañca.śiphā dadyāt | 28 |

KAZ03.3.29/ paṇikaṁ vā prahāraṁ mokṣayet | 29 | ity atīcāraḥ |

KAZ03.3.30/ pratiṣiddhayoḥ strī.puṁsayor anyonya.upakāre kṣudraka.dravyāṇāṁ dvādaśa.paṇo daṇḍaḥ, sthūlaka.dravyāṇāṁ catur.viṁśati.paṇaḥ, hiraṇya.suvarṇayoś catuṣ.pañcāśat.paṇaḥ striyā daṇḍaḥ, puṁsor dvi.guṇaḥ | 30 |

KAZ03.3.31/ ta eva-agamyayor ardha.daṇḍāḥ, tathā pratiṣiddha.puruṣa.vyavahāreṣu ca | 31 | iti pratiṣedhaḥ |

KAZ03.3.32ab/ rāja.dviṣṭa.aticārābhyām ātma.apakramaṇena ca |
KAZ03.3.32cd/ strī.dhana.ānīta.śulkānām asvāmyaṁ jāyate striyāḥ || 32 ||

3.4. Chapter 4 (Section 59): Concerning Marriage (cont.)

[Page 102 ] [Note: [ K tr. 236 :: K2 tr. 205]

KAZ03.4.01/ pati.kulān niṣpatitāyāḥ striyāḥ ṣaṭ.paṇo daṇḍaḥ, anyatra viprakārāt | 1 |

KAZ03.4.02/ pratiṣiddhāyāṁ dvādaśa.paṇaḥ | 2 |

KAZ03.4.03/ prativeśa.gṛha.atigatāyāḥ ṣaṭ.paṇaḥ | 3 |

KAZ03.4.04/ prātiveśika.bhikṣuka.vaidehakānām avakāśa.bhikṣā.paṇya.dāne dvādaśa.paṇo daṇḍaḥ | 4 |

KAZ03.4.05/ pratiṣiddhānāṁ pūrvaḥ sāhasa.daṇḍaḥ | 5 |

KAZ03.4.06/ para.gṛha.atigatāyāś catur.viṁśati.paṇaḥ | 6 |

KAZ03.4.07/ para.bhāryā.avakāśa.dāne śatyo daṇḍaḥ, anyatra-āpadbhyaḥ | 7 |

KAZ03.4.08/ vāraṇa.ajñānayor nirdoṣaḥ | 8 |

KAZ03.4.09/ "pati.viprakārāt pati.jñāti.sukha.avastha.grāmika.anvādhi.bhikṣukī.jñāti.kulānām anyatamam apuruṣaṁ gantum adoṣaḥ" iti ācāryāḥ | 9 |

KAZ03.4.10/ sa-puruṣaṁ vā jñāti.kulam | 10 |

KAZ03.4.11/ kuto hi sādhvī.janasyac-chalam | 11 |

KAZ03.4.12/ sukham etad avaboddhum, iti kauṭilyaḥ | 12 |

KAZ03.4.13/ preta.vyādhi.vyasana.garbha.nimittam apratiṣiddham eva jñāti.kula.gamanam | 13 |

KAZ03.4.14/ tan.nimittaṁ vārayato dvādaśa.paṇo daṇḍaḥ | 14 |

KAZ03.4.15/ tatra-api gūhamānā strī.dhanaṁ jīyeta, jñātayo vā chādayantaḥ śulka.śeṣam | 15 | iti niṣpatanam |

KAZ03.4.16/ pati.kulān niṣpatya grāma.antara.gamane dvādaśa.paṇo daṇḍaḥ sthāpyā.ābharaṇa.lopaś ca | 16 |

KAZ03.4.17/ gamyena vā puṁsā saha prasthāne catur.viṁśati.paṇaḥ sarva.dharma.lopaś ca, anyatra bharma.dāna.tīrtha.gamanābhyām | 17 |

KAZ03.4.18/ puṁsaḥ pūrvaḥ sāhasa.daṇḍaḥ tulya.śreyasoḥ, pāpīyaso madhyamaḥ | 18 |

KAZ03.4.19/ bandhur.adaṇḍyaḥ | 19 |

KAZ03.4.20/ pratiṣedhe 'rdha.daṇḍāḥ | 20 |

KAZ03.4.21/ pathi vyantare gūḍha.deśa.abhigamane maithuna.arthena śaṅkita.pratiṣiddhāyāṁ vā pathy.anusaraṇe saṅgrahaṇaṁ vidyāt | 21 |

KAZ03.4.22/ tāla.avacara.cāraṇa.matsya.bandhaka.lubdhaka.go.pālaka.śauṇḍikānām anyeṣāṁ ca prasṛṣṭa.strīkāṇāṁ pathy.anusaraṇam adoṣaḥ | 22 |

KAZ03.4.23/ pratiṣiddhe vā nayataḥ puṁsaḥ striyo vā gacchantyās ta eva-ardha.daṇḍāḥ | 23 | iti pathy.anusaraṇam |

[Page 103 ]

KAZ03.4.24/ hrasva.pravāsināṁ śūdra.vaiśya.kṣatriya.brāhmaṇānāṁ bhāryāḥ saṁvatsara.uttaraṁ kālam ākāṅkṣeran aprajātāḥ, saṁvatsara.adhikaṁ prajātāḥ | 24 |

KAZ03.4.25/ prativihitā dvi.guṇaṁ kālam | 25 |

KAZ03.4.26/ aprativihitāḥ sukha.avasthā bibhṛyuḥ, paraṁ catvāri varṣāṇy aṣṭau vā jñātayaḥ | 26 |

KAZ03.4.27/ tato yathā.dattam ādāya pramuñceyuḥ | 27 |

KAZ03.4.28/ brāhmaṇam adhīyānaṁ daśa.varṣāṇy aprajātā, dvādaśa prajātā, rāja.puruṣam āyuḥ.kṣayād ākāṅkṣeta | 28 |

KAZ03.4.29/ savarṇataś ca prajātā na-apavādaṁ labheta | 29 |

KAZ03.4.30/ kuṭumba.ṛddhi.lope vā sukha.avasthair vimuktā yathā.iṣṭaṁ vindeta, jīvita.artham āpad.gatā vā | 30 |

KAZ03.4.31/ dharma.vivāhāt kumārī parigrahītāram anākhyāya proṣitam aśrūyamāṇaṁ sapta tīrthāny ākāṅkṣeta, saṁvatsaraṁ śrūyamāṇam | 31 |

KAZ03.4.32/ ākhyāya proṣitam aśrūyamāṇaṁ pañca tīrthāny ākāṅkṣeta, daśa śrūyamāṇam | 32 |

KAZ03.4.33/ eka.deśa.datta.śulkaṁ trīṇi tīrthāny aśrūyamāṇam, śrūyamāṇaṁ sapta tīrthāny ākāṅkṣeta | 33 |

KAZ03.4.34/ datta.śulkaṁ pañca tīrthāny aśrūyamāṇam, daśa śrūyamāṇam | 34 |

KAZ03.4.35/ tataḥ paraṁ dharmasthair visṛṣṭā yathā.iṣṭaṁ vindeta | 35 |

KAZ03.4.36/ tīrtha.uparodho hi dharma.vadha iti kauṭilyaḥ | 36 | iti hrasva.pravāsaḥ |

KAZ03.4.37/ dīrgha.pravāsinaḥ pravrajitasya pretasya vā bhāryā sapta tīrthāny ākāṅkṣeta, saṁvatsaraṁ prajātā | 37 |

KAZ03.4.38/ tataḥ pati.sodaryaṁ gacchet | 38 |

KAZ03.4.39/ bahuṣu pratyāsannaṁ dhārmikaṁ bharma.samarthaṁ kaniṣṭham abhāryaṁ vā | 39 |

KAZ03.4.40/ tad.abhāve 'py asodaryaṁ sapiṇḍaṁ kulyaṁ vā-āsannam | 40 |

KAZ03.4.41/ eteṣām eṣa eva kramaḥ | 41 |

KAZ03.4.42ab/ etān utkramya dāyādān vedane jāra.karmaṇi |
KAZ03.4.42cd/ jāra.strī.dātṛ.vettāraḥ samprāptāḥ saṅgraha.atyayam || 42 ||

3.5. Chapter 5 (Section 60): Partition of Inheritance

[Note: [ K tr. 240 :: K2 tr. 208]

KAZ03.5.01/ anīśvarāḥ pitṛmantaḥ sthita.pitṛ.mātṛkāḥ putrāḥ | 1 |

KAZ03.5.02/ teṣām ūrdhvaṁ pitṛto dāya.vibhāgaḥ pitṛ.dravyāṇām | 2 |

[Page 104 ]

KAZ03.5.03/ svayaṁ.ārjitam avibhājyam, anyatra pitṛ.dravyād utthitebhyaḥ | 3 |

KAZ03.5.04/ pitṛ.dravyād avibhakta.upagatānāṁ putrāḥ pautrā vā ā.caturthād ity aṁśa.bhājaḥ | 4 |

KAZ03.5.05/ tāvad avicchinnaḥ piṇḍo bhavati | 5 |

KAZ03.5.06/ vicchinna.piṇḍāḥ sarve samaṁ vibhajeran | 6 |

KAZ03.5.07/ apitṛ.dravyā vibhakta.pitṛ.dravyā vā saha jīvantaḥ punar vibhajeran | 7 |

KAZ03.5.08/ yataś ca-uttiṣṭheta sa dvy.aṁśaṁ labheta | 8 |

KAZ03.5.09/ dravyam aputrasya sodaryā bhrātaraḥ saha.jīvino vā hareyuḥ kanyāś ca | 9 |

KAZ03.5.10/ rikthaṁ putravataḥ putrā duhitaro vā dharmiṣṭheṣu vivāheṣu jātāḥ | 10 |

KAZ03.5.11/ tad.abhāve pitā dharamāṇaḥ | 11 |

KAZ03.5.12/ pitr.abhāve bhrātaro bhrātṛ.putrāś ca | 12 |

KAZ03.5.13/ apitṛkā bahavo 'pi ca bhrātaro bhrātṛ.putrāś ca pitur ekam aṁśaṁ hareyuḥ | 13 |

KAZ03.5.14/ sodaryāṇām aneka.pitṛkāṇāṁ pitṛto dāya.vibhāgaḥ | 14 |

KAZ03.5.15/ pitṛ.bhrātṛ.putrāṇāṁ pūrve vidyamāne na-aparam avalambante, jyeṣṭhe ca kaniṣṭham artha.grāhiṇam | 15 |

KAZ03.5.16/ jīvad.vibhāge pitā na-ekaṁ viśeṣayet | 16 |

KAZ03.5.17/ na ca-ekam akāraṇān nirvibhajeta | 17 |

KAZ03.5.18/ pitur asaty arthe jyeṣṭhāḥ kaniṣṭhān anugṛhṇīyuḥ, anyatra mithyā.vṛttebhyaḥ | 18 |

KAZ03.5.19/ prāpta.vyavahārāṇāṁ vibhāgaḥ | 19 |

KAZ03.5.20/ aprāpta.vyavahārāṇāṁ deya.viśuddhaṁ mātṛ.bandhuṣu grāma.vṛddheṣu vā sthāpayeyuḥ ā.vyavahāra.prāpaṇāt, proṣitasya vā | 20 |

KAZ03.5.21/ samniviṣṭa.samam asamniviṣṭebhyo naiveśanikaṁ dadyuḥ, kanyābhyaś ca prādānikam | 21 |

KAZ03.5.22/ ṛṇa.rikthayoḥ samo vibhāgaḥ | 22 |

KAZ03.5.23/ "uda.pātrāṇy api niṣkiñcanā vibhajeran" ity ācāryāḥ | 23 |

KAZ03.5.24/ chalam etad iti kauṭilyaḥ | 24 |

KAZ03.5.25/ sato 'rthasya vibhāgo na-asataḥ | 25 |

KAZ03.5.26/ etāvān arthaḥ sāmānyas tasya-etāvān praty.aṁśa ity anubhāṣya bruvan sākṣiṣu vibhāgaṁ kārayet | 26 |

KAZ03.5.27/ durvibhaktam anyonya.apahṛtam antarhitam avijñāta.utpannaṁ vā punar vibhajeran | 27 |

KAZ03.5.28/ adāyādakaṁ rājā haret strī.vṛtti.preta.kārya.varjam, anyatra śrotriya.dravyāt | 28 |

KAZ03.5.29/ tat traivedyebhyaḥ prayacchet | 29 |

KAZ03.5.30/ patitaḥ patitāj jātaḥ klībaś ca-anaṁśāḥ, jaḍa.unmatta.andha.kuṣṭhinaś ca | 30 |

KAZ03.5.31/ sati bhārya.arthe teṣām apatyam atad.vidhaṁ bhāgaṁ haret | 31 |

KAZ03.5.32/ grāsa.ācchādanam itare patita.varjāḥ | 32 |

[Page 105 ]
KAZ03.5.33ab/ teṣāṁ ca kṛta.dārāṇāṁ lupte prajanane sati |
KAZ03.5.33cd/ sṛjeyur bāndhavāḥ putrāṁs teṣām aṁśān prakalpayet || 33 ||

3.6. Chapter 6 (Section 60): Partition of Inheritance (cont.)

[Note: [ K tr. 244 :: K2 tr. 211]

KAZ03.6.01/ eka.strī.putrāṇāṁ jyeṣṭha.aṁśaḥ - brāhmaṇānām ajāḥ, kṣatriyāṇām aśvāḥ, vaiśyānāṁ gāvaḥ, śūdrāṇām avayaḥ | 1 |

KAZ03.6.02/ kāṇa.laṅgās teṣāṁ madhyama.aṁśaḥ, bhinna.varṇāḥ kaniṣṭha.aṁśaḥ | 2 |

KAZ03.6.03/ catuṣpada.abhāve ratna.varjānāṁ daśānāṁ bhāgaṁ dravyāṇām ekaṁ jyeṣṭho haret | 3 |

KAZ03.6.04/ pratimukta.svadhā.pāśo hi bhavati | 4 |

KAZ03.6.05/ ity auśanaso vibhāgaḥ | 5 |

KAZ03.6.06/ pituḥ parivāpād yānam ābharaṇaṁ ca jyeṣṭha.aṁśaḥ, śayana.āsanaṁ bhukta.kāṁsyaṁ ca madhyama.aṁśaḥ, kṛṣṇaṁ dhānya.āyasaṁ gṛha.parivāpo go.śakaṭaṁ ca kaniṣṭha.aṁśaḥ | 6 |

KAZ03.6.07/ śeṣa.dravyāṇām eka.dravyasya vā samo vibhāgaḥ | 7 |

KAZ03.6.08/ adāyādā bhaginyaḥ, mātuḥ parivāpād bhukta.kāṁsya.ābharaṇa.bhāginyaḥ | 8 |

KAZ03.6.09/ mānuṣa.hīno jyeṣṭhas tṛtīyam aṁśaṁ jyeṣṭha.aṁśāl labheta, caturtham anyāya.vṛttiḥ, nivṛtta.dharma.kāryo vā | 9 |

KAZ03.6.10/ kāma.ācāraḥ sarvaṁ jīyeta | 10 |

KAZ03.6.11/ tena madhyama.kaniṣṭhau vyākhyātau | 11 |

KAZ03.6.12/ tayor mānuṣa.upeto jyeṣṭha.aṁśād ardhaṁ labheta | 12 |

KAZ03.6.13/ nānā.strī.putrāṇāṁ tu saṁskṛta.asaṁskṛtayoḥ kanyā.kṛta.kṣatayor abhāve ca ekasyāḥ putrayor yamayor vā pūrva.janmanā jyeṣṭha.bhāvaḥ | 13 |

KAZ03.6.14/ sūta.māgadha.vrātya.ratha.kārāṇām aiśvaryato vibhāgaḥ | 14 |

KAZ03.6.15/ śeṣās tam upajīveyuḥ | 15 |

KAZ03.6.16/ anīśvarāḥ sama.vibhāgāḥ | 16 |

KAZ03.6.17/ cāturvarṇya.putrāṇāṁ brāhmaṇī.putraś caturo 'ṁśān haret, kṣatriyā.putra.strīn aṁśān, vaiśyā.putro dvāv aṁśau, ekaṁ śūdrā.putraḥ | 17 |

KAZ03.6.18/ tena tri.varṇa.dvi.varṇa.putra.vibhāgaḥ kṣatriya.vaiśyayor vyākhyātaḥ | 18 |

KAZ03.6.19/ brāhmaṇasya-anantarā.putras tulya.aṁśaḥ | 19 |

KAZ03.6.20/ kṣatriya.vaiśyayor ardha.aṁśaḥ tulya.aṁśo vā mānuṣa.upetaḥ | 20 |

[Page 106 ]

KAZ03.6.21/ tulya.atulyayor eka.putraḥ sarvaṁ haret, bandhūṁś ca bibhṛyāt | 21 |

KAZ03.6.22/ brāhmaṇānāṁ tu pāraśavas tṛtīyam aṁśaṁ labheta, dvāv aṁśau sapiṇḍaḥ kulyo vā-āsannaḥ, svadhā.dāna.hetoḥ | 22 |

KAZ03.6.23/ tad.abhāve pitur ācāryo 'ntevāsī vā | 23 |

KAZ03.6.24ab/ kṣetre vā janayed asya niyuktaḥ kṣetrajaṁ sutam |
KAZ03.6.24cd/ mātṛ.bandhuḥ sagotro vā tasmai tat pradiśed dhanam || 24 ||

3.7. Chapter 7 (Section 60): Partition of Inheritance (cont.)

[Note: [ K tr. 246 :: K2 tr. 213]

KAZ03.7.01/ "para.parigrahe bījam utsṛṣṭaṁ kṣetriṇaḥ" ity ācāryāḥ | 1 |

KAZ03.7.02/ "mātā bhastrā, yasya retas tasya-apatyam" ity apare | 2 |

KAZ03.7.03/ vidyamānam ubhayam iti kauṭilyaḥ | 3 |

KAZ03.7.04/ svayaṁ.jātaḥ kṛta.kriyāyām aurasaḥ | 4 |

KAZ03.7.05/ tena tulyaḥ putrikā.putraḥ | 5 |

KAZ03.7.06/ sagotreṇa-anya.gotreṇa vā niyuktena kṣetra.jātaḥ kṣetrajaḥ putraḥ | 6 |

KAZ03.7.07/ janayitur asaty anyasmin putre sa eva dvi.pitṛko dvi.gotro vā dvayor api svadhā.riktha.bhāg bhavati | 7 |

KAZ03.7.08/ tat.sadharmā bandhūnāṁ gṛhe gūḍha.jātas tu gūḍhajaḥ | 8 |

KAZ03.7.09/ bandhunā-utsṛṣṭo 'paviddhaḥ saṁskartuḥ putraḥ | 9 |

KAZ03.7.10/ kanyā.garbhaḥ kānīnaḥ | 10 |

KAZ03.7.11/ sagarbha.ūḍhāyāḥ saha.ūḍhaḥ | 11 |

KAZ03.7.12/ punar.bhūtāyāḥ paunarbhavaḥ | 12 |

KAZ03.7.13/ svayaṁ.jātaḥ pitur bandhūnāṁ ca dāyādaḥ | 13 |

KAZ03.7.14/ para.jātaḥ saṁskartur eva na bandhūnām | 14 |

KAZ03.7.15/ tat.sadharmā mātā.pitṛbhyām adbhir mukto dattaḥ | 15 |

KAZ03.7.16/ svayaṁ bandhubhir vā putra.bhāva.upagata upagataḥ | 16 |

KAZ03.7.17/ putratve 'dhikṛtaḥ kṛtakaḥ | 17 |

KAZ03.7.18/ parikrītaḥ krītaḥ | iti | 18 |

KAZ03.7.19/ aurase tu-utpanne savarṇās tṛtīya.aṁśa.harāḥ, asavarṇā grāsa.ācchādana.bhāginaḥ | 19 |

KAZ03.7.20/ brāhmaṇa.kṣatriyayor anantarā.putrāḥ savarṇāḥ, eka.antarā asavarṇāḥ | 20 |

KAZ03.7.21/ brāhmaṇasya vaiśyāyām ambaṣṭhaḥ, śūdrāyāṁ niṣādaḥ pāraśavo vā | 21 |

KAZ03.7.22/ kṣatriyasya śūdrāyām ugraḥ | 22 |

KAZ03.7.23/ śūdra eva vaiśyasya | 23 |

KAZ03.7.24/ savarṇāsu ca-eṣām acarita.vratebhyo jātā vrātyāḥ | 24 |

KAZ03.7.25/ ity anulomāḥ | 25 |

[Page 107 ]

KAZ03.7.26/ śūdrād āyogava.kṣatta.caṇḍālāḥ | 26 |

KAZ03.7.27/ vaiśyān māgadha.vaidehakau | 27 |

KAZ03.7.28/ kṣatriyāt sūtaḥ | 28 |

KAZ03.7.29/ paurāṇikas tv anyaḥ sūto māgadhaś ca, brahma.kṣatrād viśeṣaḥ | 29 |

KAZ03.7.30/ ta ete pratilomāḥ svadharma.atikramād rājñaḥ sambhavanti | 30 |

KAZ03.7.31/ ugrān naiṣādyāṁ kukkuṭaḥ, viparyaye pulkasaḥ | 31 |

KAZ03.7.32/ vaidehikāyām ambaṣṭhād vaiṇaḥ, viparyaye kuśīlavaḥ | 32 |

KAZ03.7.33/ kṣattāyām ugrāt-śva.pākaḥ | 33 |

KAZ03.7.34/ ity ete 'nye ca-antarālāḥ | 34 |

KAZ03.7.35/ karmaṇā vaiśyo ratha.kāraḥ | 35 |

KAZ03.7.36/ teṣāṁ sva.yonau vivāhaḥ, pūrva.apara.gāmitvaṁ vṛtta.anuvṛttaṁ ca | 36 |

KAZ03.7.37/ śūdra.sadharmāṇo vā, anyatra caṇḍālebhyaḥ | 37 |

KAZ03.7.38/ kevalam evaṁ vartamānaḥ svargam āpnoti rājā, narakam anyathā | 38 |

KAZ03.7.39/ sarveṣām antarālānāṁ samo vibhāgaḥ | 39 |

KAZ03.7.40ab/ deśasya jātyāḥ saṅghasya dharmo grāmasya vā-api yaḥ |
KAZ03.7.40cd/ ucitas tasya tena-eva dāya.dharmaṁ prakalpayet || 40 ||

3.8. Chapter 8 (Section 61): Concerning Immovable Property

[Note: [ K tr. 249 :: K2 tr. 216]

KAZ03.8.01/ sāmanta.pratyayā vāstu.vivādāḥ | 1 |

KAZ03.8.02/ gṛhaṁ kṣetram ārāmaḥ setu.bandhas taṭākam ādhāro vā vāstuḥ | 2 |

KAZ03.8.03/ karṇa.kīla.āyasa.sambandho 'nugṛhaṁ setuḥ | 3 |

KAZ03.8.04/ yathā.setu.bhogaṁ veśma kārayet | 4 |

KAZ03.8.05/ abhūtaṁ vā para.kuḍyād apakramya dvāv aratnī tripadīṁ vā deśa.bandhaṁ kārayet | 5 |

KAZ03.8.06/ avaskaraṁ bhramam uda.pānaṁ vā na gṛha.ucitād anyatra, anyatra sūtikā.kūpād ā.nirdaśa.ahād iti | 6 |

KAZ03.8.07/ tasya-atikrame pūrvaḥ sāhasa.daṇḍaḥ | 7 |

[Page 108 ]

KAZ03.8.08/ tena-indhanāvaghātana.kṛtaṁ kalyāṇa.kṛtyeṣv ācāma.udaka.mārgāś ca vyākhyātāḥ | 8 |

KAZ03.8.09/ tripadī.pratikrāntam adhyardham aratniṁ vā gāḍha.prasṛtam udaka.mārgaṁ prasravaṇa.prapātaṁ vā kārayet | 9 |

KAZ03.8.10/ tasya-atikrame catuṣ.pañcāśat.paṇo daṇḍaḥ | 10 |

KAZ03.8.11/ ekapadī.pratikrāntam aratniṁ vā cakri.catuṣpada.sthānam agniṣṭham udan.jara.sthānaṁ rocanīṁ kuṭṭanīṁ vā kārayet | 11 |

KAZ03.8.12/ tasya-atikrame catur.viṁśati.paṇo daṇḍaḥ | 12 |

KAZ03.8.13/ sarva.vāstukayoḥ prākṣiptakayor vā śālayoḥ kiṣkur antarikā tripadī vā | 13 |

KAZ03.8.14/ tayoś catur.aṅgulaṁ nīpra.antaraṁ (nīvra.antaraṁ?) samārūḍhakaṁ vā | 14 |

KAZ03.8.15/ kiṣku.mātram āṇi.dvāram antarikāyāṁ khaṇḍa.phulla.artham asampātaṁ kārayet | 15 |

KAZ03.8.16/ prakāśa.artham alpam ūrdhvaṁ vāta.ayanaṁ kārayet | 16 |

KAZ03.8.17/ tad.avasite veśmanic-chādayet | 17 |

KAZ03.8.18/ sambhūya vā gṛha.svāmino yathā.iṣṭaṁ kārayeyuḥ, aniṣṭaṁ vārayeyuḥ | 18 |

KAZ03.8.19/ vāna.laṭyāś ca-ūrdhvam āvārya.bhāgaṁ kaṭa.pracchannam avamarśa.bhittiṁ vā kārayed varṣa.ābādha.bhayāt | 19 |

KAZ03.8.20/ tasya-atikrame pūrvaḥ sāhasa.daṇḍaḥ, pratiloma.dvāra.vāta.ayana.bādhāyāṁ ca, anyatra rāja.mārga.rathyābhyaḥ | 20 |

KAZ03.8.21/ khāta.sopāna.praṇālī.niśreṇy.avaskara.bhāgair bahir.bādhāyāṁ bhoga.nigrahe ca | 21 |

KAZ03.8.22/ para.kuḍyam udakena-upaghnato dvādaśa.paṇo daṇḍaḥ, mūtra.purīṣa.upaghāte dvi.guṇaḥ | 22 |

KAZ03.8.23/ praṇālī.mokṣo varṣati, anyathā dvādaśa.paṇo daṇḍaḥ | 23 |

KAZ03.8.24/ pratiṣiddhasya ca vasataḥ, nirasyataś ca-avakrayiṇam anyatra pāruṣya.steya.sāhasa.saṅgrahaṇa.mithyā.bhogebhyaḥ | 24 |

KAZ03.8.25/ svayaṁ.abhiprasthito varṣa.avakraya.śeṣaṁ dadyāt | 25 |

KAZ03.8.26/ sāmānye veśmani sāhāyyam aprayacchataḥ, sāmānyam uparundhato bhogaṁ ca gṛhe dvādaśa.paṇo daṇḍaḥ | 26 |

KAZ03.8.27/ vināśayatas tad.dvi.guṇaḥ | 27 |

KAZ03.8.28ab/ koṣṭhaka.aṅgaṇa.varcānām agni.kuṭṭana.śālayoḥ |
KAZ03.8.28cd/ vivṛtānāṁ ca sarveṣāṁ sāmānyo bhoga iṣyate || 28 ||

3.9. Chapter 9 (Section 61): Concerning Immovable Property (cont.)

[Page 109 ] [Note: [ K tr. 252 :: K2 tr. 219]

KAZ03.9.01/ jñāti.sāmanta.dhanikāḥ krameṇa bhūmi.parigrahān kretum abhyābhaveyuḥ | 1 |

KAZ03.9.02/ tato 'nye bāhyāḥ | 2 |

KAZ03.9.03/ sāmanta.catvāriṁśat.kulyeṣu gṛha.pratimukhe veśma śrāvayeyuḥ, sāmanta.grāma.vṛddheṣu kṣetram ārāmaṁ setu.bandhaṁ taṭākam ādhāraṁ vā maryādāsu yathā.setu.bhogaṁ "anena-argheṇa kaḥ kretā" iti | 3 |

KAZ03.9.04/ trir āghuṣitam avyāhataṁ kretā kretuṁ labheta | 4 |

KAZ03.9.05/ spardhayā vā mūlya.vardhane mūlya.vṛddhiḥ sa-śulkā kośaṁ gacchet | 5 |

KAZ03.9.06/ vikraya.pratikroṣṭā śulkaṁ dadyāt | 6 |

KAZ03.9.07/ asvāmi.pratikrośe catur.viṁśati.paṇo daṇḍaḥ | 7 |

KAZ03.9.08/ sapta.rātrād ūrdhvam anabhisarataḥ pratikruṣṭo vikrīṇīta | 8 |

KAZ03.9.09/ pratikruṣṭa.atikrame vāstuni dviśato daṇḍaḥ, anyatra catur.viṁśati.paṇo daṇḍaḥ | 9 | iti vāstu.vikrayaḥ |

KAZ03.9.10/ sīma.vivādaṁ grāmayor ubhayoḥ sāmantā pañca.grāmī daśa.grāmī vā setubhiḥ sthāvaraiḥ kṛtrimair vā kuryāt | 10 |

KAZ03.9.11/ karṣaka.go.pālaka.vṛddhāḥ pūrva.bhuktikā vā bāhyāḥ setūnām abhijñā bahava eko vā nirdiśya sīma.setūn viparīta.veṣāḥ sīmānaṁ nayeyuḥ | 11 |

KAZ03.9.12/ uddiṣṭānāṁ setūnām adarśane sahasraṁ daṇḍaḥ | 12 |

KAZ03.9.13/ tad eva nīte sīma.apahāriṇāṁ setuc.chidāṁ ca kuryāt | 13 |

KAZ03.9.14/ pranaṣṭa.setu.bhogaṁ vā sīmānaṁ rājā yathā.upakāraṁ vibhajet | 14 | iti sīma.vivādaḥ |

KAZ03.9.15/ kṣetra.vivādaṁ sāmanta.grāma.vṛddhāḥ kuryuḥ | 15 |

KAZ03.9.16/ teṣāṁ dvaidhī.bhāve yato bahavaḥ śucayo 'numatā vā tato niyaccheyuḥ madhyaṁ vā gṛhṇīyuḥ | 16 |

KAZ03.9.17/ tad.ubhaya.parā.uktaṁ vāstu rājā haret, pranaṣṭa.svāmikaṁ ca | 17 |

KAZ03.9.18/ yathā.upakāraṁ vā vibhajet | 18 |

KAZ03.9.19/ prasahya.ādāne vāstuni steya.daṇḍaḥ | 19 |

KAZ03.9.20/ kāraṇa.ādāne prayāsam ājīvaṁ ca parisaṅkhyāya bandhaṁ dadyāt | 20 | iti kṣetra.vivādaḥ |

KAZ03.9.21/ maryādā.apaharaṇe pūrvaḥ sāhasa.daṇḍaḥ | 21 |

KAZ03.9.22/ maryādā.bhede catur.viṁśati.paṇaḥ | 22 |

KAZ03.9.23/ tena tapo.vana.vivīta.mahā.patha.śmaśāna.deva.kula.yajana.puṇya.sthāna.- vivādā vyākhyātāḥ | 23 | [Page 110 ]iti maryādā.sthāpanam |

KAZ03.9.24/ sarva eva vivādāḥ sāmanta.pratyayāḥ | 24 |

KAZ03.9.25/ vivīta.sthala.kedāra.ṣaṇḍa.khala.veśma.vāhana.koṣṭhānāṁ pūrvaṁ.pūrvam ābādhaṁ saheta | 25 |

KAZ03.9.26/ brahma.soma.araṇya.deva.yajana.puṇya.sthāna.varjāḥ sthala.pradeśāḥ | 26 |

KAZ03.9.27/ ādhāra.parivāha.kedāra.upabhogaiḥ para.kṣetra.kṛṣṭa.bīja.hiṁsāyāṁ yathā.upaghātaṁ mūlyaṁ dadyuḥ | 27 |

KAZ03.9.28/ kedāra.ārāma.setu.bandhānāṁ paraspara.hiṁsāyāṁ hiṁsā.dvi.guṇo daṇḍaḥ | 28 |

KAZ03.9.29/ paścān.niviṣṭam adhara.taṭākaṁ na-upari.taṭākasya kedāram udakena-āplāvayet | 29 |

KAZ03.9.30/ upari.niviṣṭaṁ na-adhara.taṭākasya pūra.āsrāvaṁ vārayed, anyatra tri.varṣa.uparata.karmaṇaḥ | 30 |

KAZ03.9.31/ tasya-atikrame pūrvaḥ sāhasa.daṇḍaḥ, taṭāka.vāmanaṁ ca | 31 |

KAZ03.9.32/ pañca.varṣa.uparata.karmaṇaḥ setu.bandhasya svāmyaṁ lupyeta, anyatra-āpadbhyaḥ | 32 |

KAZ03.9.33/ taṭāka.setu.bandhānāṁ nava.pravartane pāñcavarṣikaḥ parihāraḥ, bhagna.utsṛṣṭānāṁ cāturvarṣikaḥ, samupārūḍhānāṁ traivarṣikaḥ, sthalasya dvaivarṣikaḥ | 33 |

KAZ03.9.34/ sva.ātma.ādhāne vikraye ca | 34 |

KAZ03.9.35/ khāta.prāvṛttim anadī.nibandha.āyatana.taṭāka.kedāra.ārāma.ṣaṇḍa.vāpānāṁ sasya.varṇa.bhāga.uttarikam anyebhyo vā yathā.upakāraṁ dadyuḥ | 35 |

KAZ03.9.36/ prakraya.avakraya.adhibhāga.bhoganiṣṛṣṭa.upabhoktāraś ca-eṣāṁ pratikuryuḥ | 36 |

KAZ03.9.37/ arpatīkāre hīna.dvi.guṇo daṇḍaḥ | 37 |

KAZ03.9.38ab/ setubhyo muñcatas toyam avāre ṣaṭ.paṇo damaḥ |
KAZ03.9.38cd/ vāre vā toyam anyeṣāṁ pramādena-uparundhataḥ || 38 ||

3.10. Chapter 10 (Sections 61; 62): Concerning Immovable Property (cont.); Non-observance of Conventions

[Note: [ K tr. 256 :: K2 tr. 222]

KAZ03.10.01/ karma.udaka.mārgam ucitaṁ rundhataḥ kurvato 'nucitaṁ vā pūrvaḥ sāhasa.daṇḍaḥ, setu.kūpa.puṇya.sthāna.caitya.deva.āyatanāni ca para.bhūmau niveśayataḥ | 1 |

KAZ03.10.02/ pūrva.anuvṛttaṁ dharma.setum ādhānaṁ vikrayaṁ vā nayato nāyayato vā madhyamaḥ sāhasa.daṇḍaḥ, śrotṝṇām uttamaḥ, anyatra bhagna.utsṛṣṭāt | 2 |

[Page 111 ]

KAZ03.10.03/ svāmy abhāve grāmāḥ puṇya.śīlā vā pratikuryuḥ | 3 |

KAZ03.10.04/ pathi.pramāṇaṁ durga.niveśe vyākhyātam | 4 |

KAZ03.10.05/ kṣudra.paśu.manuṣya.pathaṁ rundhato dvādaśa.paṇo daṇḍaḥ, mahā.paśu.pathaṁ catur.viṁśati.paṇaḥ, hasti.kṣetra.pathaṁ catuṣ.pañcāśat.paṇaḥ, setu.vana.pathaṁ ṣaṭ.śataḥ, śmaśāna.grāma.pathaṁ dviśataḥ, droṇa.mukha.pathaṁ pañca.śataḥ, sthānīya.rāṣṭra.vivīta.pathaṁ sāhasraḥ | 5 |

KAZ03.10.06/ atikarṣaṇe ca-eṣāṁ daṇḍa.caturthā daṇḍāḥ | 6 |

KAZ03.10.07/ karṣaṇe pūrva.uktāḥ | 7 |

KAZ03.10.08/ kṣetrikasya-akṣipataḥ kṣetram upavāsasya vā tyajato bīja.kāle dvādaśa.paṇo daṇḍaḥ, anyatra doṣa.upanipāta.aviṣahyebhyaḥ | 8 |

KAZ03.10.09/ karadāḥ karadeṣv ādhānaṁ vikrayaṁ vā kuryuḥ, brahma.deyikā brahma.deyikeṣu | 9 |

KAZ03.10.10/ anyathā pūrvaḥ sāhasa.daṇḍaḥ | 10 |

KAZ03.10.11/ karadasya vā-akarada.grāmaṁ praviśataḥ | 11 |

KAZ03.10.12/ karadaṁ tu praviśataḥ sarva.dravyeṣu prākāmyaṁ syāt, anyatra-agārāt | 12 |

KAZ03.10.13/ tad apy asmai dadyāt | 13 |

KAZ03.10.14/ anādeyam akṛṣato 'nyaḥ pañca.varṣāṇy upabhujya prayāsa.niṣkrayeṇa dadyāt | 14 |

KAZ03.10.15/ akaradāḥ paratra vasanto bhogam upajīveyuḥ | 15 |

KAZ03.10.16/ grāma.arthena grāmikaṁ vrajantam upavāsāḥ paryāyeṇa-anugaccheyuḥ | 16 |

KAZ03.10.17/ ananugacchantaḥ paṇa.ardha.paṇikaṁ yojanaṁ dadyuḥ | 17 |

KAZ03.10.18/ grāmikasya grāmād astena.pāradārikaṁ nirasyataś catur.viṁśati.paṇo daṇḍaḥ, grāmasya-uttamaḥ | 18 |

KAZ03.10.19/ nirastasya praveśo hy abhigamena vyākhyātaḥ | 19 |

KAZ03.10.20/ stambhaiḥ samantato grāmād dhanuḥ.śata.apakṛṣṭam upasālaṁ kārayet | 20 |

KAZ03.10.21/ paśu.pracāra.arthaṁ vivītam ālavanena-upajīveyuḥ | 21 |

KAZ03.10.22/ vivītaṁ bhakṣayitvā-apasṛtānām uṣṭra.mahiṣāṇāṁ pādikaṁ rūpaṁ gṛhṇīyuḥ, gava.aśva.kharāṇāṁ ca-ardha.pādikam, kṣudra.paśūnāṁ ṣoḍaśa.bhāgikam | 22 |

KAZ03.10.23/ bhakṣayitvā niṣaṇṇānām eta eva dvi.guṇā daṇḍāḥ, parivasatāṁ catur.guṇāḥ | 23 |

KAZ03.10.24/ grāma.deva.vṛṣā vā-anirdaśa.ahā vā dhenur ukṣāṇo go.vṛṣāś ca-adaṇḍyāḥ | 24 |

KAZ03.10.25/ sasya.bhakṣaṇe sasya.upaghātaṁ niṣpattitaḥ parisaṅkhyāya dvi.guṇaṁ dāpayet | 25 |

KAZ03.10.26/ svāminaś ca-anivedya cārayato dvādaśa.paṇo daṇdaḥ, pramuñcataś catur.viṁśati.paṇaḥ | 26 |

KAZ03.10.27/ pālinām ardha.daṇḍāḥ | 27 |

KAZ03.10.28/ tad eva ṣaṇḍa.bhakṣaṇe kuryāt | 28 |

KAZ03.10.29/ vāṭa.bhede dvi.guṇaḥ veśma.khala.valaya.gatānāṁ ca dhānyānāṁ bhakṣaṇe | 29 |

KAZ03.10.30/ hiṁsā.pratīkāraṁ kuryāt | 30 |

KAZ03.10.31/ abhaya.vana.mṛgāḥ parigṛhītā vā bhakṣayantaḥ svāmino nivedya yathā-avadhyās tathā pratiṣeddhavyāḥ | 31 |

[Page 112 ]

KAZ03.10.32/ paśavo raśmi.pratodābhyāṁ vārayitavyāḥ | 32 |

KAZ03.10.33/ teṣām anyathā hiṁsāyāṁ daṇḍa.pāruṣya.daṇḍāḥ | 33 |

KAZ03.10.34/ prārthayamānā dṛṣṭa.aparādhā vā sarva.upāyair niyantavyāḥ | 34 | iti kṣetra.patha.hiṁsā |

KAZ03.10.35/ karṣakasya grāmam abhyupetya-akurvato grāma eva-atyayaṁ haret | 35 |

KAZ03.10.36/ karma.akaraṇe karma.vetana.dvi.guṇam, hiraṇya.adāne pratyaṁśa.dvi.guṇam, bhakṣya.peya.adāne ca prahavaṇeṣu dvi.guṇam aṁśaṁ dadyāt | 36 |

KAZ03.10.37/ prekṣāyām anaṁśadaḥ, sa-sva.jano na prekṣeta | 37 |

KAZ03.10.38/ pracchanna.śravaṇa.īkṣaṇe ca sarva.hite ca karmaṇi nigraheṇa dvi.guṇam aṁśaṁ dadyāt | 38 |

KAZ03.10.39/ sarva.hitam ekasya bruvataḥ kuryur ājñām | 39 |

KAZ03.10.40/ akaraṇe dvādaśa.paṇo daṇḍaḥ | 40 |

KAZ03.10.41/ taṁ cet sambhūya vā hanyuḥ pṛthag eṣām aparādha.dvi.guṇo daṇḍaḥ | 41 |

KAZ03.10.42/ upahantṛṣu viśiṣṭaḥ | 42 |

KAZ03.10.43/ brāhmaṇaś ca-eṣāṁ jyaiṣṭhyaṁ niyamyeta | 43 |

KAZ03.10.44/ prahavaṇeṣu ca-eṣāṁ brāhmaṇā na-akāmāḥ kuryuḥ, aṁśaṁ ca labheran | 44 |

KAZ03.10.45/ tena deśa.jāti.kula.saṅghānāṁ samayasya-anapākarma vyākhyātam | 45 |

KAZ03.10.46ab/ rājā deśa.hitān setūn kurvatāṁ pathi saṅkramān |
KAZ03.10.46cd/ grāma.śobhāś ca rakṣāś ca teṣāṁ priya.hitaṁ caret || 46 ||

3.11. Chapter 11 (Section 63): Non-payment of Debts

[Note: [ K tr. 261 :: K2 tr. 226]

KAZ03.11.01/ sapāda.paṇā dharmyā māsa.vṛddhiḥ paṇa.śatasya, pañca.paṇā vyāvahārikī, daśa.paṇā kāntāragāṇām, viṁśati.paṇā sāmudrāṇām | 1 |

KAZ03.11.02/ tataḥ paraṁ kartuḥ kārayituś ca pūrvaḥ sāhasa.daṇḍaḥ, śrotṝṇām eka.ekaṁ pratyardha.daṇḍaḥ | 2 |

KAZ03.11.03/ rājany ayoga.kṣema.āvahe tu dhanika.dhāraṇikayoś caritram avekṣeta | 3 |

KAZ03.11.04/ dhānya.vṛddhiḥ sasya.niṣpattāv upārdhā, paraṁ mūlya.kṛtā vardheta | 4 |

KAZ03.11.05/ prakṣepa.vṛddhir udayād ardhaṁ samnidhāna.sannā vārṣikī deyā | 5 |

KAZ03.11.06/ cira.pravāsaḥ stambha.praviṣṭo vā mūlya.dvi.guṇaṁ dadyāt | 6 |

[Page 113 ]

KAZ03.11.07/ akṛtvā vṛddhiṁ sādhayato vardhayato vā, mūlyaṁ vā vṛddhim āropya śrāvayato bandha.catur.guṇo daṇḍaḥ | 7 |

KAZ03.11.08/ tuccha.śrāvaṇāyām abhūta.catur.guṇaḥ | 8 |

KAZ03.11.09/ tasya tri.bhāgam ādātā dadyāt, śeṣaṁ pradātā | 9 |

KAZ03.11.10/ dīrgha.sattra.vyādhi.guru.kula.uparuddhaṁ bālam asāraṁ vā na-ṛṇam anuvardheta | 10 |

KAZ03.11.11/ mucyamānam ṛṇam apratigṛhṇato dvādaśa.paṇo daṇḍaḥ | 11 |

KAZ03.11.12/ kāraṇa.apadeśena nivṛtta.vṛddhikam anyatra tiṣṭhet | 12 |

KAZ03.11.13/ daśa.varṣa.upekṣitam ṛṇam apratigrāhyam, anyatra bāla.vṛddha.vyādhita.vyasani.proṣita.deśa.tyāga.rājya.vibhramebhyaḥ | 13 |

KAZ03.11.14/ pretasya putrāḥ kusīdaṁ dadyuḥ, dāyādā vā riktha.harāḥ, saha.grāhiṇaḥ, pratibhuvo vā | 14 |

KAZ03.11.15/ na prātibhāvyam anyat | 15 |

KAZ03.11.16/ asāraṁ bāla.prātibhāvyam | 16 |

KAZ03.11.17/ asaṅkhyāta.deśa.kālaṁ tu putrāḥ pautrā dāyādā vā rikthaṁ haramāṇā dadyuḥ | 17 |

KAZ03.11.18/ jīvita.vivāha.bhūmi.prātibhāvyam asaṅkhyāta.deśa.kālaṁ tu putrāḥ pautrā vā vaheyuḥ | 18 |

KAZ03.11.19/ nānā-ṛṇa.samavāye tu na-ekaṁ dvau yugapad abhivadeyātām, anyatra pratiṣṭhamānāt | 19 |

KAZ03.11.20/ tatra-api gṛhīta.ānupūrvyā rāja.śrotriya.dravyaṁ vā pūrvaṁ pratipādayet | 20 |

KAZ03.11.21/ dampatyoḥ pitā.putrayoḥ bhrātṝṇāṁ ca-avibhaktānāṁ paraspara..kṛtam ṛṇam asādhyam | 21 |

KAZ03.11.22/ agrāhyāḥ karma.kāleṣu karṣakā rāja.puruṣāś ca | 22 |

KAZ03.11.23/ strī ca-apratiśrāviṇī pati.kṛtam ṛṇam, anyatra go.pālaka.ardha.sītikebhyaḥ | 23 |

KAZ03.11.24/ patis tu grāhyaḥ strī.kṛtam ṛṇam, aprati.vidhāya proṣita iti | 24 |

KAZ03.11.25/ sampratipattāv uttamaḥ | 25 |

KAZ03.11.26/ asmapratipattau tu sākṣiṇaḥ pramāṇaṁ prātyayikāḥ śucayo 'numatā vā trayo 'vara.ardhyāḥ | 26 |

KAZ03.11.27/ pakṣa.anumatau vā dvau, ṛṇaṁ prati na tv eva-ekaḥ | 27 |

KAZ03.11.28/ pratiṣiddhāḥ syāla.sahāya.anvarthi.dhanika.dhāraṇika.vairi.nyaṅga.dhṛta.daṇḍāḥ, pūrve ca-avyavahāryāḥ | 28 |

KAZ03.11.29/ rāja.śrotriya.grāma.bhṛtaka.kuṣṭhi.vraṇinaḥ patita.caṇḍāla.kutsita.karmāṇo 'ndha.badhira.mūka.ahaṁ.vādinaḥ strī.rāja.puruṣāś ca, anyatra sva.vargebhyaḥ | 29 |

KAZ03.11.30/ pāruṣya.steya.saṅgrahaṇeṣu tu vairi.syāla.sahāya.varjāḥ | 30 |

KAZ03.11.31/ rahasya.vyavahāreṣv ekā strī puruṣa upaśrotā upadraṣṭā vā sākṣī syād rāja.tāpasa.varjam | 31 |

KAZ03.11.32/ svāmino bhṛtyānām ṛtvig.ācāryāḥ śiṣyāṇāṁ mātā.pitarau putrāṇāṁ ca-anigraheṇa sākṣyaṁ kuryuḥ, tesām itare vā | 32 |

KAZ03.11.33/ paraspara.abhiyoge ca-eṣām uttamāḥ parā.uktā daśa.bandhaṁ dadyuḥ, avarāḥ pañca.bandham | 33 | iti sākṣy.adhikāraḥ |

[Page 114 ]

KAZ03.11.34/ brāhmaṇa.uda.kumbha.agni.sakāśe sākṣiṇaḥ parigṛhṇīyāt | 34 |

KAZ03.11.35/ tatra brāhmaṇaṁ brūyāt "satyaṁ brūhi" iti | 35 |

KAZ03.11.36/ rājanyaṁ vaiśyaṁ vā "mā tava-iṣṭā.pūrta.phalam, kapāla.hastaḥ śatru.kulaṁ bhikṣā.arthī gaccheḥ" iti | 36 |

KAZ03.11.37/ śūdraṁ "janma.maraṇa.antare yad vaḥ puṇya.phalaṁ tad rājānaṁ gacched, rājñaś ca kilbiṣaṁ yuṣmān anyathā.vāde, daṇḍaś ca-anubaddhaḥ, paścād api jñāyeta yathā.dṛṣṭa.śrutam, eka.mantrāḥ satyam upaharata" iti | 37 |

KAZ03.11.38/ anupaharatāṁ sapta.rātrād ūrdhvaṁ dvādaśa.paṇo daṇḍaḥ, tri.pakṣād ūrdhvam abhiyogaṁ dadyuḥ | 38 |

KAZ03.11.39/ sākṣi.bhede yato bahavaḥ śucayo 'numatā vā tato niyaccheyuḥ, madhyaṁ vā gṛhṇīyuḥ | 39 |

KAZ03.11.40/ tad vā dravyaṁ rājā haret | 40 |

KAZ03.11.41/ sākṣiṇaś ced abhiyogād ūnaṁ brūyur atiriktasya-abhiyoktā bandhaṁ dadyāt | 41 |

KAZ03.11.42/ atiriktaṁ vā brūyus tad.atiriktaṁ rājā haret | 42 |

KAZ03.11.43/ bāliśyād abhiyoktur vā duhśrutaṁ durlikhitaṁ preta.abhiniveśaṁ vā samīkṣya sākṣi.pratyayam eva syāt | 43 |

KAZ03.11.44/ "sākṣi.bāliṣyeṣv eva pṛthag.anuyoge deśa.kāla.kāryāṇāṁ pūrva.madhyama.uttamā daṇḍāḥ" ity auśanasāḥ | 44 |

KAZ03.11.45/ "kūṭa.sākṣiṇo yam artham abhūtaṁ kuryur bhūtaṁ vā nāśayeyus tad daśa.guṇaṁ daṇḍaṁ dadyuḥ" iti mānavāḥ | 45 |

KAZ03.11.46/ "bāliśyād vā visaṁvādayatāṁ citro ghātaḥ" iti bārhaspatyāḥ | 46 |

KAZ03.11.47/ na-iti kauṭilyaḥ | 47 |

KAZ03.11.48/ dhruvaṁ hi sākṣibhiḥ śrotavyam | 48 |

KAZ03.11.49/ aśṛṇvatāṁ catur.viṁśati.paṇo daṇḍaḥ, tato 'rdham abruvāṇānām | 49 |

KAZ03.11.50ab/ deśa.kāla.avidūrasthān sākṣiṇaḥ pratipādayet |
KAZ03.11.50cd/ dūrasthān aprasārān vā svāmi.vākyena sādhayet || 50 ||

3.12. Chapter 12 (Section 64): Concerning Deposits

[Note: [ K tr. 266 :: K2 tr. 230]

KAZ03.12.01/ upanidhir ṛṇena vyākhyātaḥ | 1 |

[Page 115 ]

KAZ03.12.02/ para.cakra.āṭavikābhyāṁ durga.rāṣṭra.vilope vā, pratirodhakair vā grāma.sārtha.vraja.vilope, cakra.yukta.nāśe vā, grāma.madhya.agny.udaka.ābādhe jvālā.vega.uparuddhe vā, nāvi nimagnāyāṁ muṣitāyāṁ vā svayam uparūḍho na-upanidhim abhyāvahet | 2 |

KAZ03.12.03/ upanidhi.bhoktā deśa.kāla.anurūpaṁ bhoga.vetanaṁ dadyāt, dvādaśa.paṇaṁ ca daṇḍam | 3 |

KAZ03.12.04/ upabhoga.nimittaṁ naṣṭaṁ vinaṣṭaṁ vā-abhyāvahet, catur.viṁśati.paṇaś ca daṇḍaḥ, anyathā vā niṣpatane | 4 |

KAZ03.12.05/ pretaṁ vyasana.gataṁ vā na-upanidhim abhyāvahet | 5 |

KAZ03.12.06/ ādhāna.vikraya.apavyayaneṣu ca-asya catur.guṇa.pañca.bandho daṇḍaḥ | 6 |

KAZ03.12.07/ parivartane niṣpātane vā mūlya.samaḥ | 7 |

KAZ03.12.08/ tena-ādhi.praṇāśa.upabhoga.vikraya.ādhāna.apahārā vyākhyātāḥ | 8 |

KAZ03.12.09/ na-ādhiḥ sa-upakāraḥ sīdet, na ca-asya mūlyaṁ vardheta, anyatra nisargāt | 9 |

KAZ03.12.10/ nirupakāraḥ sīdet, mūlyaṁ ca-asya vardheta | 10 |

KAZ03.12.11/ upasthitasya-ādhim aprayacchato dvādaśaṇpaṇo daṇḍaḥ | 11 |

KAZ03.12.12/ prayojaka.asamnidhāne vā grāma.vṛddheṣu sthāpayitvā niṣkrayam ādhiṁ pratipadyeta | 12 |

KAZ03.12.13/ nivṛtta.vṛddhiko vā-ādhis tat.kāla.kṛta.mūlyas tatra-eva-avatiṣṭheta, anāśa.vināśa.karaṇa.adhiṣṭhito vā | 13 |

KAZ03.12.14/ dhāraṇika.asamnidhāne vā vināśa.bhayād udgata.arghaṁ dharmastha.anujñāto vikrīṇīta, ādhi.pāla.pratyayo vā | 14 |

KAZ03.12.15/ sthāvaras tu prayāsa.bhogyaḥ phala.bhogyo vā prakṣepa.vṛddhi.mūlya.śuddham ājīvam amūlya.kṣayeṇa-upanayet | 15 |

KAZ03.12.16/ anisṛṣṭa.upabhoktā mūlya.śuddham ājīvaṁ bandhaṁ ca dadyāt | 16 |

KAZ03.12.17/ śeṣam upanidhinā vyākhyātam | 17 |

KAZ03.12.18/ etena-ādeśo 'nvādhiś ca vyākhyātau | 18 |

KAZ03.12.19/ sārthena-anvādhi.hasto vā pradiṣṭāṁ bhūmim aprāptaś corair bhagna.utsṛṣṭo vā na-anvādhim abhyāvahet | 19 |

KAZ03.12.20/ antare vā mṛtasya dāyādo 'pi na-abhyāvahet | 20 |

KAZ03.12.21/ śeṣam upanidhinā vyakahyātam | 21 |

KAZ03.12.22/ yācitakam avakrītakaṁ vā yathā.vidhaṁ gṛhṇīyus tathā.vidham eva-arpayeyuḥ | 22 |

KAZ03.12.23/ bhreṣa.upanipātābhyāṁ deśa.kāla.uparodhi dattaṁ naṣṭaṁ vinaṣṭaṁ vā na-abhyāvaheyuḥ | 23 |

[Page 116 ]

KAZ03.12.24/ śeṣam upanidhinā vyākhyātam | 24 |

KAZ03.12.25/ vaiyāvṛtya.vikrayas tu - vaiyāvṛtya.karā yathā.deśa.kālaṁ vikrīṇānāḥ paṇyaṁ yathā.jātaṁ mūlyam udayaṁ ca dadyuḥ | 25 |

KAZ03.12.26/ deśa.kāla.atipātane vā parihīṇaṁ sampradāna.kālikena-argheṇa mūlyam udayaṁ ca dadyuḥ | 26 |

KAZ03.12.27/ yathā.sambhāṣitaṁ vā vikrīṇānā na-udayam adhigaccheyuḥ, mūlyam eva dadyuḥ | 27 |

KAZ03.12.28/ argha.patane vā parihīṇaṁ yathā.parihīṇaṁ mūlyam ūnaṁ dadyuḥ | 28 |

KAZ03.12.29/ sāṁvyavahārikeṣu vā prātyayikeṣv arāja.vācyeṣu bhreṣa.upanipātābhyāṁ naṣṭaṁ vinaṣṭaṁ vā mūlyam api na dadyuḥ | 29 |

KAZ03.12.30/ deśa.kāla.antaritānāṁ tu paṇyānāṁ kṣaya.vyaya.viśuddhaṁ mūlyam udayaṁ ca dadyuḥ, paṇya.samavāyānāṁ ca pratyaṁśam | 30 |

KAZ03.12.31/ śeṣam upanidhinā vyākhyātam | 31 |

KAZ03.12.32/ etena vaiyāvṛtya.vikrayo vyākhyātaḥ | 32 |

KAZ03.12.33/ nikṣepaś ca-upanidhinā | 33 |

KAZ03.12.34/ tam anyena nikṣpitam anyasya-arpayato hīyeta | 34 |

KAZ03.12.35/ nikṣepa.apahāre pūrva.apadānaṁ nikṣeptāraś ca pramāṇam | 35 |

KAZ03.12.36/ aśucayo hi kāravaḥ | 36 |

KAZ03.12.37/ na-eṣāṁ karaṇa.pūrvo nikṣepa.dharmaḥ | 37 |

KAZ03.12.38/ karaṇa.hīnaṁ nikṣepam apavyayamānaṁ gūḍha.bhitti.nyastān sākṣiṇo nikṣeptā rahasi praṇipātena prajñāpayet, vana.ante vā madya.prahavaṇa.viśvāsena | 38 |

KAZ03.12.39/ rahasi vṛddho vyādhito vā vaidehakaḥ kaścit kṛta.lakṣaṇaṁ dravyam asya haste nikṣipya-apagacchet | 39 |

KAZ03.12.40/ tasya pratideśena putro bhrātā vā-abhigamya nikṣepaṁ yāceta | 40 |

KAZ03.12.41/ dāne śuciḥ, anyathā nikṣepaṁ steya.daṇḍaṁ ca dadyāt | 41 |

KAZ03.12.42/ pravrajyā.abhimukho vā śraddheyaḥ kaścit kṛta.lakṣaṇaṁ dravyam asya haste nikṣipya pratiṣṭheta | 42 |

KAZ03.12.43/ tataḥ kāla.antara.āgato yāceta | 43 |

KAZ03.12.44/ dāne śuciḥ, anyathā nikṣepaṁ steya.daṇḍaṁ ca dadyāt | 44 |

KAZ03.12.45/ kṛta.lakṣaṇena vā dravyeṇa pratyānayed enam | 45 |

KAZ03.12.46/ bāliśa.jātīyo vā rātrau rāja.dāyikā.kṣaṇa.bhītaḥ sāram asya haste nikṣipya-apagacchet | 46 |

KAZ03.12.47/ sa enaṁ bandhana.agāra.gato yāceta | 47 |

KAZ03.12.48/ dāne śuciḥ, anyathā nikṣepaṁ steya.daṇḍaṁ ca dadyāt | 48 |

KAZ03.12.49/ abhijñānena ca-asya gṛhe janam ubhayaṁ yāceta | 49 |

KAZ03.12.50/ anyatarta.ādāne yathā.uktaṁ purastāt | 50 |

[Page 117 ]

KAZ03.12.51/ dravya.bhogānām āgamaṁ ca-asya-anuyuñjīta, tasya ca-arthasya vyavahāra.upaliṅganam, abhiyoktuś ca-artha.sāmarthyam | 51 |

KAZ03.12.52/ etena mithaḥ.samavāyo vyākhyātaḥ | 52 |

KAZ03.12.53ab/ tasmāt sākṣimad acchannaṁ kuryāt samyag.vibhāṣitam |
KAZ03.12.53cd/ sve pare vā jane kāryaṁ deśa.kāla.agra.varṇataḥ || 53 ||

3.13. Chapter 13 (Section 65): Law Concerning Slaves and Labourers

[Note: [ K tr. 271 :: K2 tr. 235]

KAZ03.13.01/ udara.dāsa.varjam ārya.prāṇam aprāpta.vyavahāraṁ śūdraṁ vikraya.ādhānaṁ nayataḥ sva.janasya dvādaśa.paṇo daṇḍaḥ, vaiśyaṁ dvi.guṇaḥ, kṣatriyaṁ tri.guṇaḥ, brāhmaṇaṁ catur.guṇaḥ | 1 |

KAZ03.13.02/ para.janasya pūrva.madhyama.uttama.vadhā daṇḍāḥ, kretṛ.śrotṝṇāṁ ca | 2 |

KAZ03.13.03/ mlecchānām adoṣaḥ prajāṁ vikretum ādhātuṁ vā | 3 |

KAZ03.13.04/ na tv eva-āryasya dāsa.bhāvaḥ | 4 |

KAZ03.13.05/ athavā-āryam ādhāya kula.bandhana āryāṇām āpadi, niṣkrayaṁ ca-adhigamya bālaṁ sāhāyya.dātāraṁ vā pūrvaṁ niṣkrīṇīran | 5 |

KAZ03.13.06/ sakṛd.ātma.ādhātā niṣpatitaḥ sīdet, dvir anyena-āhitakaḥ, sakṛd ubhau para.viṣaya.abhimukhau | 6 |

KAZ03.13.07/ vitta.apahāriṇo vā dāsasya-ārya.bhāvam apaharato 'rdha.daṇḍaḥ | 7 |

KAZ03.13.08/ niṣpatita.preta.vyasaninām ādhātā mūlyaṁ bhajeta | 8 |

KAZ03.13.09/ preta.viṇ.mūtra.ucchiṣṭa.grāhaṇam āhitasya nagna.snāpanaṁ daṇḍa.preṣaṇam atikramaṇaṁ ca strīṇāṁ mūlya.nāśa.karaṁ, dhātrī.paricārika.ardha.sītika.upacārikāṇāṁ ca mokṣa.karam | 9 |

KAZ03.13.10/ siddham upacārakasya-abhiprajātasya-apakramaṇam | 10 |

KAZ03.13.11/ dhātrīm āhitikāṁ vā-akāmāṁ sva.vaśāṁ gacchataḥ pūrvaḥ sāhasa.daṇḍaḥ, para.vaśāṁ madhyamaḥ | 11 |

KAZ03.13.12/ kanyām āhitikāṁ vā svayam anyena vā duṣayato mūlya.nāśaḥ śulkaṁ tad.dvu.guṇaś ca daṇḍaḥ | 12 |

KAZ03.13.13/ ātma.vikrayiṇaḥ prajām āryāṁ vidyāt | 13 |

KAZ03.13.14/ ātma.adhigataṁ svāmi.karma.aviruddhaṁ labheta, [Page 118 ]pitryaṁ ca dāyam | 14 |

KAZ03.13.15/ mūlyena ca-āryatvaṁ gacchet | 15 |

KAZ03.13.16/ tena-udara.dāsa.āhitakau vyākhyātau | 16 |

KAZ03.13.17/ prakṣepa.anurūpaś ca-asya niṣkrayaḥ | 17 |

KAZ03.13.18/ daṇḍa.praṇītaḥ karmaṇā daṇḍam upanayet | 18 |

KAZ03.13.19/ ārya.prāṇo dhvaja.āhṛtaḥ karma.kāla.anurūpeṇa mūlya.ardhena vā vimucyeta | 19 |

KAZ03.13.20/ gṛhe.jāta.dāya.āgata.labdha.krītānām anyatamaṁ dāsam ūna.aṣṭa.varṣaṁ vibandhum akāmaṁ nīce karmaṇi videśe dāsīṁ vā sagarbhām aprativihita.garbha.bharmaṇyāṁ vikraya.ādhānaṁ nayataḥ pūrvaḥ sāhasa.daṇḍaḥ, kretṛ.śrotṝṇāṁ ca | 20 |

KAZ03.13.21/ dāsam anurūpeṇa niṣkrayeṇa-āryam akurvato dvādaśa.paṇo daṇḍaḥ, saṁrodhaś ca-ā.karaṇāt | 21 |

KAZ03.13.22/ dāsa.dravyasya jñātayo dāyādāḥ, teṣām abhāve svāmī | 22 |

KAZ03.13.23/ svāminaḥ svasyāṁ dāsyāṁ jātaṁ samātṛkam adāsaṁ vidyāt | 23 |

KAZ03.13.24/ gṛhyā cet kuṭumba.artha.cintanī mātā bhrātā bhaginī ca-asyā adāsāḥ syuḥ | 24 |

KAZ03.13.25/ dāsaṁ dāsīṁ vā niṣkrīya punar vikraya.ādhānaṁ nayato dvādaśa.paṇo daṇḍaḥ, anyatra svayaṁ.vādibhyaḥ | 25 | iti dāsa.kalpaḥ |

KAZ03.13.26/ karma.karasya karma.sambandham āsannā vidyuḥ | 26 |

KAZ03.13.27/ yathā.sambhāṣitaṁ vetanaṁ labheta, karma.kāla.anurūpam asambhāṣita.vetanaḥ | 27 |

KAZ03.13.28/ karṣakaḥ sasyānāṁ go.pālakaḥ sarpiṣāṁ vaidehakaḥ paṇyānām ātmanā vyavahṛtānāṁ daśa.bhāgam asambhāṣita.vetano labheta | 28 |

KAZ03.13.29/ sambhāṣita.vetanas tu yathā.sambhāṣitam | 29 |

KAZ03.13.30/ kāru.śilpi.kuśīlava.cikitsaka.vāg.jīvana.paricāraka.ādir āśā.kārika.vargas tu yathā-anyas tad.vidhaḥ kuryād yathā vā kuśalāḥ kalpayeyus tathā vetanaṁ labheta | 30 |

KAZ03.13.31/ sākṣi.pratyayam eva syāt | 31 |

KAZ03.13.32/ sākṣiṇām abhāve yataḥ karma tato 'nuyuñjīta | 32 |

KAZ03.13.33/ vetana.ādāne daśa.bandho daṇḍaḥ, ṣaṭ.paṇo vā | 33 |

KAZ03.13.34/ apavyayamāne dvādaśa.paṇo daṇḍaḥ, pañca.bandho vā | 34 |

KAZ03.13.35/ nadī.vega.jvālā.stena.vyāla.uparuddhaḥ sarva.sva.putra.dāra.ātma.dānena-ārtas trātāram āhūya niṣtīrṇaḥ kuśala.pradiṣṭaṁ vetanaṁ dadyāt | 35 |

KAZ03.13.36/ tena sarvatra-ārta.dāna.anuśayā vyākhyātāḥ | 36 |

KAZ03.13.37ab/ labheta puṁścalī bhogaṁ saṅgamasya-upaliṅganāt |
KAZ03.13.37cd/ atiyācnā tu jīyeta daurmatya.avinayena vā || 37 ||

3.14. Chapter 14 (Sections 65; 66): Law Concerning Slaves and Labourers (cont.); Undertakings in Partnership

[Page 119 ] [Note: [ K tr. 275 :: K2 tr. 239]

KAZ03.14.01/ gṛhītvā vetanaṁ karma-akurvato bhṛtakasya dvādaśa.paṇo daṇḍaḥ, saṁrodhaś ca-ā.karaṇāt | 1 |

KAZ03.14.02/ aśaktaḥ kutsite karmaṇi vyādhau vyasane vā-anuśayaṁ labheta, pareṇa vā kārayitum | 2 |

KAZ03.14.03/ tasya.vyaya.karmaṇā labheta bhartā vā kārayitum | 3 |

KAZ03.14.04/ "na-anyas tvayā kārayitavyo, mayā vā na-anyasya kartavyam" ity avarodhe bhartur akārayato bhṛtakasya-akurvato vā dvādaśa.paṇo daṇḍaḥ | 4 |

KAZ03.14.05/ karma.niṣṭhāpane bhartur anyatra gṛhīta.vetano na-asakāmaḥ kuryāt | 5 |

KAZ03.14.06/ "upasthitam akārayataḥ kṛtam eva vidyād" ity ācāryāḥ | 6 |

KAZ03.14.07/ na-iti kauṭilyaḥ | 7 |

KAZ03.14.08/ kṛtasya vetanaṁ na-akṛtasya-asti | 8 |

KAZ03.14.09/ sa ced alpam api kārayitvā na kārayet kṛtam eva-asya vidyāt | 9 |

KAZ03.14.10/ deśa.kāla.atipātanena karmaṇām anyathā.karaṇe vā na-asakāmaḥ kṛtam anumanyeta | 10 |

KAZ03.14.11/ sambhāṣitād adhika.kriyāyāṁ prayāsaṁ na moghaṁ kuryāt | 11 |

KAZ03.14.12/ tena saṅgha.bhṛtā vyākhyātāḥ | 12 |

KAZ03.14.13/ teṣām ādhiḥ sapta.rātram āsīta | 13 |

KAZ03.14.14/ tato 'nyam upasthāpayet, karma.niṣpākaṁ ca | 14 |

KAZ03.14.15/ na ca-anivedya bhartuḥ saṅghaḥ kañcit parihared upanayed vā | 15 |

KAZ03.14.16/ tasya-atikrame catur.viṁśati.paṇo daṇḍaḥ | 16 |

KAZ03.14.17/ saṅghena parihṛtasya-ardha.daṇḍaḥ | 17 | iti bhṛtaka.adhikāraḥ |

KAZ03.14.18/ saṅgha.bhṛtāḥ sambhūya.samutthātāro vā yathā.sambhāṣitaṁ vetanaṁ samaṁ vā vibhajeran | 18 |

KAZ03.14.19/ karṣaṇa.vaidehakā vā sasya.paṇya.ārambha.paryavasāna.antare sannasya yathā.kṛtasya karmaṇaḥ pratyaṁśaṁ dadyuḥ | 19 |

KAZ03.14.20/ puruṣa.upasthāne samagram aṁśaṁ dadyuḥ | 20 |

KAZ03.14.21/ saṁsiddhe tu-uddhṛta.paṇye sannasya tadānīm eva pratyaṁśaṁ dadyuḥ | 21 |

KAZ03.14.22/ sāmānyā hi pathi.siddhiś ca-asiddhiś ca | 22 |

KAZ03.14.23/ prakrānte tu karmaṇi svasthasya-apakrāmato dvādaśa.paṇo daṇḍaḥ | 23 |

KAZ03.14.24/ na ca prākāmyam apakramaṇe | 24 |

KAZ03.14.25/ coraṁ tv abhaya.pūrvaṁ karmaṇaḥ pratyaṁśena grāhayed, dadyāt pratyaṁśam abhayaṁ ca | 25 |

KAZ03.14.26/ punaḥ.steye pravāsanam, anyatra.gamane ca | 26 |

KAZ03.14.27/ mahā.aparādhe tu dūṣyavad ācaret | 27 |

[Page 120 ]

KAZ03.14.28/ yājakāḥ svā.pracāra.dravya.varjaṁ yathā.sambhāṣitaṁ vetanaṁ samaṁ vā vibhajeran | 28 |

KAZ03.14.29/ agniṣṭoma.ādiṣu ca kratuṣu dīkṣaṇād ūrdhvaṁ tṛtīyam aṁśaṁ, madhyama.upasada ūrdhvam ardham aṁśaṁ, sutye prātaḥ.savanād ūrdhvaṁ pāda.ūnam aṁśam | 29 |

KAZ03.14.30/ mādhyandināt savanād ūrdhvaṁ samagram aṁśaṁ labheta | 30 |

KAZ03.14.31/ nītā hi dakṣiṇā bhavanti | 31 |

KAZ03.14.32/ bṛhaspati.sava.varjaṁ pratisavanaṁ hi dakṣiṇā dīyante | 32 |

KAZ03.14.33/ tena-ahar.gaṇa.dakṣiṇā vyākhyātāḥ | 33 |

KAZ03.14.34/ sanānām ā.daśa.aho.rātrāt-śeṣa.bhṛtāḥ karma kuryuḥ, anye vā sva.pratyayāḥ | 34 |

KAZ03.14.35/ karmaṇy asamāpte tu yajamānaḥ sīded, ṛtvijaḥ karma samāpayya dakṣiṇāṁ hareyuḥ | 35 |

KAZ03.14.36/ asamāpte tu karmaṇi yājyaṁ yājakaṁ vā tyajataḥ pūrvaḥ sāhasa.daṇḍaḥ | 36 |

KAZ03.14.37ab/ anāhita.agniḥ śata.guru.yajvā ca sahasraguḥ |
KAZ03.14.37cd/ surāpo vṛṣalī.bhartā brahmahā guru.talpagaḥ || 37 ||
KAZ03.14.38ab/ asat.pratigrahe yuktaḥ stenaḥ kutsita.yājakaḥ |
KAZ03.14.38cd/ adoṣas tyaktum anyonyaṁ karma.saṅkara.niścayāt || 38 ||

3.15. Chapter 15 (Section 67): Rescission of Sale and Purchase

[Note: [ K tr. 279 :: K2 tr. 242]

KAZ03.15.01/ vikrīya paṇyam aprayacchato dvādaśa.paṇo daṇḍaḥ, anyatra doṣa.upanipāta.aviṣahyebhyaḥ | 1 |

KAZ03.15.02/ paṇya.doṣo doṣaḥ | 2 |

KAZ03.15.03/ rāja.cora.agny.udaka.bādha upanipātaḥ | 3 |

KAZ03.15.04/ bahu.guṇa.hīnam ārta.kṛtaṁ vā-aviṣahyam | 4 |

KAZ03.15.05/ vaidehakānām eka.rātram anuśayaḥ, karṣakāṇāṁ tri.rātraṁ, go.rakṣakāṇāṁ pañca.rātram | 5 |

KAZ03.15.06/ vyāmiśrāṇām uttamānāṁ ca varṇānāṁ vṛtti.vikraye sapta.rātram | 6 |

KAZ03.15.07/ ātipātikānāṁ paṇyānāṁ "anyatra.avikreyam" ity avarodhena-anuśayo deyaḥ | 7 |

KAZ03.15.08/ tasya-atikrame catur.viṁśati.paṇo daṇḍaḥ, paṇya.daśa.bhāgo vā | 8 |

[Page 121 ]

KAZ03.15.09/ krītvā paṇyam apratigṛhṇato dvādaśa.paṇo daṇḍaḥ, anyatra doṣa.upanipāta.aviṣahyebhyaḥ | 9 |

KAZ03.15.10/ samānaś ca-anuśayo vikretur anuśayena | 10 |

KAZ03.15.11/ vivāhānāṁ tu trayāṇāṁ pūrveṣāṁ varṇānāṁ pāṇi.grahaṇāt siddham upāvartanaṁ, śūdrāṇāṁ ca prakarmaṇaḥ | 11 |

KAZ03.15.12/ vṛtta.pāṇi.grahaṇayor api doṣam aupaśāyikaṁ dṛṣṭvā siddham upāvartanam | 12 |

KAZ03.15.13/ na tv eva-abhiprajātayoḥ | 13 |

KAZ03.15.14/ kanyā.doṣam aupaśāyikam anākhyāya prayacchataḥ kanyāṁ ṣaṇ.ṇavatir daṇḍaḥ, śulka.strī.dhana.pratidānaṁ ca | 14 |

KAZ03.15.15/ varayitur vā vara.doṣam anākhyāya vindato dvi.guṇaḥ, śulka.strī.dhana.nāśaś ca | 15 |

KAZ03.15.16/ dvipada.catuṣpadānāṁ tu kuṇṭha.vyādhita.aśucīnām utsāha.svāsthya.śucīnām ākhyāne dvādaśa.paṇo daṇḍaḥ | 16 |

KAZ03.15.17/ ā.tri.pakṣād iti catuṣpadānām upāvartanam, ā.saṁvatsarād iti manuṣyāṇām | 17 |

KAZ03.15.18/ tāvatā hi kālena śakyaṁ śauca.āśauce jñātum | 18 |

KAZ03.15.19ab/ dātā pratigrahītā ca syātāṁ na-upahatau yathā |
KAZ03.15.19cd/ dāne kraye vā-anuśayaṁ tathā kuryuḥ sabhāsadaḥ || 19 ||

3.16. Chapter 16 (Section 68; 69; 70): Non-conveyance of Gifts; Sale without Ownership; The Relation of Ownership

[Note: [ K tr. 281 :: K2 tr. 243]

KAZ03.16.01/ dattasya-apradānam ṛṇa.ādānena vyākhyātam | 1 |

KAZ03.16.02/ dattam avyavahāryam ekatra-anuśaye varteta | 2 |

KAZ03.16.03/ sarva.svaṁ putra.dāram ātmānaṁ vā pradāya-anuśayinaḥ prayacchet | 3 |

KAZ03.16.04/ dharma.dānam asādhuṣu karmasu ca-aupaghātikeṣu vā, artha.dānam anupakāriṣv apakāriṣu vā, kāma.dānam anarheṣu ca | 4 |

KAZ03.16.05/ yathā ca dātā pratigrahītā ca na-upahatau syātāṁ tathā-anuśayaṁ kuśalāḥ kalpayeyuḥ | 5 |

[Page 122 ]

KAZ03.16.06/ daṇḍa.bhayād ākrośa.bhayād anartha.bhayād vā bhaya.dānaṁ pratigṛhṇataḥ steya.daṇḍaḥ, prayacchataś ca | 6 |

KAZ03.16.07/ roṣa.dānaṁ para.hiṁsāyāṁ, rājñām upari darpa.dānaṁ ca | 7 |

KAZ03.16.08/ tatra-uttamo daṇḍaḥ | 8 |

KAZ03.16.09/ prātibhāvyaṁ daṇḍa.śulka.śeṣam ākṣikaṁ saurikaṁ ca na-akāmaḥ putro dāyādo vā riktha.haro dadyāt | 9 | iti dattasya-anapākarma |

KAZ03.16.10/ asvāmi.vikrayas tu - naṣṭa.apahṛtam āsādya svāmī dharmasthena grāhayet | 10 |

KAZ03.16.11/ deśa.kāla.atipattau vā svayaṁ gṛhītvā-upaharet | 11 |

KAZ03.16.12/ dharmasthaś ca svāminam anuyuñjīta "kutas te labdham" iti | 12 |

KAZ03.16.13/ sa ced ācāra.kramaṁ darśayeta, na vikretāraṁ, tasya dravyasya-atisargeṇa mucyeta | 13 |

KAZ03.16.14/ vikretā ced dṛśyeta, mūlyaṁ steya.daṇḍaṁ ca dadyāt | 14 |

KAZ03.16.15/ sa ced apasāram adhigacched apasared ā.apasāra.kṣayāt | 15 |

KAZ03.16.16/ kṣaye mūlyaṁ steya.daṇḍaṁ ca dadyāt | 16 |

KAZ03.16.17/ nāṣṭikaś ca sva.karaṇaṁ kṛtvā naṣṭa.pratyāhṛtaṁ labheta | 17 |

KAZ03.16.18/ sva.karaṇa.abhāve pañca.bandho daṇḍaḥ | 18 |

KAZ03.16.19/ tac ca dravyaṁ rāja.dharmyaṁ syāt | 19 |

KAZ03.16.20/ naṣṭa.apahṛtam anivedya-utkarṣataḥ svāminaḥ pūrvaḥ sāhasa.daṇḍaḥ | 20 |

KAZ03.16.21/ śulka.sthāne naṣṭa.apahṛta.utpannaṁ tiṣṭhet | 21 |

KAZ03.16.22/ tri.pakṣād ūrdhvam anabhisāraṁ rājā haret, svāmī vā sva.karaṇena | 22 |

KAZ03.16.23/ pañca.paṇikaṁ dvipada.rūpasya niṣkrayaṁ dadyāt, catuṣpaṇikam eka.khurasya, dvipaṇikaṁ gomahiṣasya, pādikaṁ kṣudra.paśūnām | 23 |

KAZ03.16.24/ ratna.sāra.phalgu.kupyānāṁ pañcakaṁ śataṁ dadyāt | 24 |

KAZ03.16.25/ para.cakra.aṭavī.hṛtaṁ tu pratyānīya rājā yathā.svaṁ prayacchet | 25 |

KAZ03.16.26/ cora.hṛtam avidyamānaṁ sva.dravyebhyaḥ prayacchet, pratyānetum aśakto vā | 26 |

KAZ03.16.27/ svayaṁ.grāheṇa-āhṛtaṁ pratyānīya tan.niṣkrayaṁ vā prayacchet | 27 |

KAZ03.16.28/ para.viṣayād vā vikrameṇa-ānītaṁ yathā.pradiṣṭaṁ rājñā bhuñjīta, anyatra-ārya.prāṇebhyo deva.brāhmaṇa.tapasvi.dravyebhyaś ca | 28 | ity asvāmi.vikrayaḥ |

KAZ03.16.29/ sva.svāmi.sambandhas tu - bhoga.anuvṛttir ucchinna.deśānāṁ yathā.svaṁ dravyāṇām | 29 |

KAZ03.16.30/ yat svaṁ dravyam anyair bhujyamānaṁ daśa varṣāṇy upekṣeta, hīyeta-asya, anyatra bāla.vṛddha.vyādhita.vyasani.proṣita.deśa.tyāga.rājya.vibhramebhyaḥ | 30 |

[Page 123 ]

KAZ03.16.31/ viṁśati.varṣa.upekṣitam anavasitaṁ vāstu na-anuyuñjīta | 31 |

KAZ03.16.32/ jñātayaḥ śrotriyāḥ pāṣaṇḍā vā rājñām asannidhau para.vāstuṣu vivasanto na bhogena hareyuḥ, upanidhim ādhiṁ nidhiṁ nikṣepaṁ striyaṁ sīmānaṁ rāja.śrotriya.dravyāṇi ca | 32 |

KAZ03.16.33/ āśramiṇaḥ pāṣaṇḍā vā mahaty avakāśe parasparam abādhamānā vaseyuḥ | 33 |

KAZ03.16.34/ alpāṁ bādhāṁ saheran | 34 |

KAZ03.16.35/ pūrva.āgato vā vāsa.paryāyaṁ dadyāt | 35 |

KAZ03.16.36/ apradātā nirasyeta | 36 |

KAZ03.16.37/ vānaprastha.yati.brahma.cāriṇām ācārya.śiṣya.dharma.bhrātṛ.samāna.tīrthyā riktha.bhājaḥ krameṇa | 37 |

KAZ03.16.38/ vivāda.padeṣu ca-eṣāṁ yāvantaḥ paṇā daṇḍās tāvatī rātrīḥ kṣapaṇa.abhiṣeka.agni.kārya.mahā.kaccha.vardhanāni rājñaś careyuḥ | 38 |

KAZ03.16.39/ ahiraṇya.suvarṇāḥ pāṣaḍhāḥ sādhavaḥ | 39 |

KAZ03.16.40/ te yathā.svam upavāsa.vratair ārādhayeyuḥ, anyatra pāruṣya.steya.sāhasa.saṅgrahaṇebhyaḥ | 40 |

KAZ03.16.41/ teṣu yathā.uktā daṇḍāḥ kāryāḥ | 41 |

KAZ03.16.42ab/ pravrajyāsu vṛthā.ācārān rājā daṇḍena vārayet |
KAZ03.16.42cd/ dharmo hy adharma.upahataḥ śāstāraṁ hanty upekṣitaḥ || 42 ||

3.17. Chapter 17 (Section 71): Forcible Seizure

[Note: [ K tr. 284 :: K2 tr. 245]

KAZ03.17.01/ sāhasam anvayavat prasabha.karma | 1 |

KAZ03.17.02/ niranvaye steyam, apavyayane ca | 2 |

KAZ03.17.03/ "ratna.sāra.phalgu.kupyānāṁ sāhase mūlya.samo daṇḍaḥ" iti mānavāḥ | 3 |

KAZ03.17.04/ "mūlya.dvi.guṇaḥ" ity auśanasāḥ | 4 |

KAZ03.17.05/ yathā.aparādha iti kauṭilyaḥ | 5 |

KAZ03.17.06/ "puṣpa.phala.śāka.mūla.kanda.pakva.anna.carma.veṇu.mṛd.bhāṇḍa.- ādīnāṁ kṣudraka.dravyāṇāṁ dvādśa.paṇa.avaraś caturviṁśati.paṇa.paro daṇḍaḥ | 6 |

KAZ03.17.07/ kāla.āyasa.kāṣṭha.rajju.dravya.kṣudra.paśu.paṭa.ādīnāṁ sthūlaka.dravyāṇāṁ caturviṁśati.paṇa.avaro 'ṣṭa.catvāriṁśat.paṇa.paro daṇḍaḥ | 7 |

KAZ03.17.08/ tāmra.vṛtta.kaṁsa.kāca.danta.bhāṇḍa.ādīnāṁ sthūlaka.dravyāṇām aṣṭa.catvāriṁśat.paṇa.avaraḥ ṣaṇ.ṇavati.paraḥ pūrvaḥ sāhasa.daṇḍaḥ | 8 |

KAZ03.17.09/ mahā.paśu.manuṣya.kṣetra.gṛha.hiraṇya.suvarṇa.sūkṣma.vastra.ādīnāṁ sthūlaka.dravyāṇāṁ dviśata.avaraḥ pañca.śata.paro madhyamaḥ sāhasa.daṇḍaḥ | 9 |

KAZ03.17.10/ striyaṁ puruṣaṁ vā-abhiṣahya badhnato bandhayato bandhaṁ vā mokṣayataḥ pañca.śata.avaraḥ sahasra.para uttamaḥ sāhasa.daṇḍaḥ |" ity ācāryāḥ | 10 |

[Page 124 ]

KAZ03.17.11/ "yaḥ sāhasaṁ "pratipattā" iti kārayati sa dvi.guṇaṁ dadyāt | 11 |

KAZ03.17.12/ "yāvadd hiraṇyam upayokṣyate tāvad dāsyāmi" iti sa catur.guṇaṁ daṇḍaṁ dadyāt | 12 |

KAZ03.17.13/ yaḥ "etāvadd hiraṇyaṁ dāsyāmi" iti pramāṇam uddiśya kārayati sa yathā.uktaṁ hiraṇyaṁ daṇḍaṁ ca dadyāt" iti bārhaspatyāḥ | 13 |

KAZ03.17.14/ sa cet kopaṁ madaṁ mohaṁ vā-apadiśed yathā.uktavad daṇḍam enaṁ kuryād iti kauṭilyaḥ | 14 |

KAZ03.17.15ab/ daṇḍa.karmasu sarveṣu rūpam aṣṭa.paṇaṁ śatam |
KAZ03.17.15cd/ śatāt pareṣu vyājīṁ ca vidyāt pañca.paṇaṁ śatam || 15 ||
KAZ03.17.16ab/ prajānāṁ doṣa.bāhulyād rājñāṁ vā bhāva.doṣataḥ |
KAZ03.17.16cd/ rūpa.vyājyāv adharmiṣṭhe dharmyā tu prakṛtiḥ smṛtā || 16 ||

3.18. Chapter 18 (Section 72): Verbal Injury

[Note: [ K tr. 286 :: K2 tr. 246]

KAZ03.18.01/ vāk.pāruṣyam upavādaḥ kutsanam abhibhartsanam iti | 1 |

KAZ03.18.02/ śarīra.prakṛti.śruta.vṛtti.jana.padānāṁ śarīra.upavāde kāṇa.khañja.ādibhiḥ satye tri.paṇo daṇḍaḥ, mithyā.upavāde ṣaṭ.paṇo daṇḍaḥ | 2 |

KAZ03.18.03/ "śobhana.akṣimantaḥ" iti kāṇa.khañja.ādīnāṁ stuti.nindāyāṁ dvādaśa.paṇo daṇḍaḥ | 3 |

KAZ03.18.04/ kuṣṭha.unmāda.klaibya.ādibhiḥ kutsāyāṁ ca satya.mithyā.stuti.nindāsu dvādaśa.paṇa.uttarā daṇḍās tulyeṣu | 4 |

KAZ03.18.05/ viśiṣṭeṣu dvi.guṇāḥ, hīneṣv ardha.daṇḍāḥ, para.strīṣu dvi.guṇāḥ, pramāda.mada.moha.ādibhir ardha.daṇḍāḥ | 5 |

KAZ03.18.06/ kuṣṭha.unmādayoś cikitsakāḥ sannikṛṣṭā pumāṁsaś ca pramāṇaṁ, klība.bhāve striyo mūtra.pheno 'psu viṣṭhā.nimajjanaṁ ca | 6 |

KAZ03.18.07/ prakṛty.upavāde brāhmaṇa.kṣatriya.vaiśya.śūdra.anta.avasāyinām apareṇa pūrvasya tri.paṇa.uttarā daṇḍāḥ, pūrveṇa-aparasya dvi.paṇa.adharāḥ, kubrāhmaṇa.ādibhiś ca kutsāyām | 7 |

[Page 125 ]

KAZ03.18.08/ tena śruta.upavādo vāg.jīvanānāṁ, kāru.kuśīlavānāṁ vṛtty.upavādaḥ, prājjūṇaka.gāndhāra.ādīnāṁ ca jana.pada.upavādā vyākhyātāḥ | 8 |

KAZ03.18.09/ yaḥ paraṁ "evaṁ tvāṁ kariṣyāmi" iti karaṇena-abhibhartsayed, akaraṇe yas tasya karaṇe daṇḍas tato 'rdha.daṇḍaṁ dadyāt | 9 |

KAZ03.18.10/ aśaktaḥ kopaṁ madaṁ mohaṁ vā-apadiśed dvādaśa.paṇaṁ daṇḍaṁ dadyāt | 10 |

KAZ03.18.11/ jāta.vaira.āśayaḥ śaktaś ca-apakartuṁ yāvaj.jīvika.avasthaṁ dadyāt | 11 |

KAZ03.18.12ab/ sva.deśa.grāmayoḥ pūrvaṁ madhyamaṁ jāti.saṅghayoḥ |
KAZ03.18.12cd/ ākrośād deva.caityānām uttamaṁ daṇḍam arhati || 12 ||

3.19. Chapter 19 (Section 73): Physical Injury

[Note: [ K tr. 287 :: K2 tr. 247]

KAZ03.19.01/ daṇḍa.pāruṣyaṁ sparśanam avagūrṇaṁ prahatam iti | 1 |

KAZ03.19.02/ nābher adhaḥ.kāyaṁ hasta.paṅka.bhasma.pāṁsubhir iti spṛśatas tri.paṇo daṇḍaḥ, tair eva-amedhyaiḥ pāda.ṣṭhīvikābhyāṁ ca ṣaṭ.paṇaḥ, chardi.mūtra.purīṣa.ādibhir dvādaśa.paṇaḥ | 2 |

KAZ03.19.03/ nābher upari dvi.guṇāḥ, śirasi catur.guṇāḥ sameṣu | 3 |

KAZ03.19.04/ viśiṣṭeṣu dvi.guṇāḥ, hīneṣv ardha.daṇḍāḥ, para.strīṣu dvi.guṇāḥ, pramāda.mada.moha.ādibhir ardha.daṇḍāḥ | 4 |

KAZ03.19.05/ pāda.vastra.hasta.keśa.avalambaneṣu ṣaṭ.paṇa.uttarā daṇḍāḥ | 5 |

KAZ03.19.06/ pīḍana.āveṣṭana.añcana.prakarṣaṇa.adhyāsaneṣu pūrvaḥ sāhasa.daṇḍaḥ | 6 |

KAZ03.19.07/ pātayitvā-apakrāmato 'rdha.daṇḍaḥ | 7 |

KAZ03.19.08/ śūdro yena-aṅgena brāhmaṇam abhihanyāt tad asyac-chedayet | 8 |

KAZ03.19.09/ avagūrṇe niṣkrayaḥ, sparśe 'rdha.daṇḍaḥ | 9 |

KAZ03.19.10/ tena caṇḍāla.aśucayo vyākhyātaḥ | 10 |

KAZ03.19.11/ hastena-avagūrṇe tri.paṇa.avaro dvādaśa.paṇa.paro daṇḍaḥ, pādena dvi.guṇaḥ, duḥkha.utpādanena dravyeṇa pūrvaḥ sāhasa.daṇḍaḥ, prāṇa.ābādhikena madhyamaḥ | 11 |

KAZ03.19.12/ kāṣṭha.loṣṭa.pāṣāṇa.loha.daṇḍa.rajju.dravyāṇām anyatamena duḥkham aśoṇitam utpādayataś caturviṁśati.paṇo daṇḍaḥ, śoṇita.utpādane dvi.guṇaḥ, anyatra duṣṭa.śoṇitāt | 12 |

KAZ03.19.13/ mṛta.kalpam aśoṇitaṁ ghnato hasta.pāda.pārañcikaṁ vā kurvataḥ pūrvaḥ sāhasa.daṇḍaḥ, pāṇi.pāda.danta.bhaṅge karṇa.nāsa.ācchedane vraṇa.vidāraṇe cca, anyatra duṣṭa.vraṇebhyaḥ | 13 |

KAZ03.19.14/ sakthi.grīva.ābhañjane netra.bhedane [Page 126 ]vā vākya.ceṣṭā.bhojana.uparodheṣu ca madhyamaḥ sāhasa.daṇḍaḥ samutthāna.vyayaś ca | 14 |

KAZ03.19.15/ vipattau kaṇṭaka.śodhanāya nīyeta | 15 |

KAZ03.19.16/ mahā.janasya-ekaṁ ghnataḥ pratyekaṁ dvi.guṇo daṇḍaḥ | 16 |

KAZ03.19.17/ "paryuṣitaḥ kalaho 'nupraveśo vā na-abhiyojyaḥ" ity ācāryāḥ | 17 |

KAZ03.19.18/ na-asty apakāriṇo mokṣa iti kauṭilyaḥ | 18 |

KAZ03.19.19/ "kalahe pūrva.āgato jayati, akṣamamāṇo hi pradhāvati" ity ācāryāḥ | 19 |

KAZ03.19.20/ na-iti kauṭilyaḥ | 20 |

KAZ03.19.21/ pūrvaṁ paścād vā-abhigatasya sākṣiṇaḥ pramāṇam, asākṣike ghātaḥ kalaha.upaliṅganaṁ vā | 21 |

KAZ03.19.22/ ghāta.abhiyogam apratibruvatas tad ahar eva paścāt.kāraḥ | 22 |

KAZ03.19.23/ kalahe dravyam apaharato daśa.paṇo daṇḍaḥ, kṣudraka.dravya.hiṁsāyāṁ tac ca tāvac ca daṇḍaḥ, sthūlaka.dravya.hiṁsāyāṁ tac ca dvi.guṇaś ca daṇḍaḥ, vastra.ābharaṇa.hiraṇya.suvarṇa.bhāṇḍa.hiṁsāyāṁ tac ca pūrvaś ca sāhasa.daṇḍaḥ | 23 |

KAZ03.19.24/ para.kuḍyam abhighātena kṣobhayatas tri.paṇo daṇḍaḥ, chedana.bhedane ṣaṭ.paṇaḥ, pratīkāraś ca | 24 |

KAZ03.19.25/ duḥkha.utpādanaṁ dravyam anya.veśmani prakṣipato dvādaśa.paṇo daṇḍaḥ, prāṇa.ābādhikaṁ pūrvaḥ sāhasa.daṇḍaḥ | 25 |

KAZ03.19.26/ kṣudra.paśūnāṁ kāṣṭha.ādibhir duḥkha.utpādane paṇo dvi.guṇo vā daṇḍaḥ, śoṇita.utpādane dvi.guṇaḥ | 26 |

KAZ03.19.27/ mahā.paśūnām eteṣv eva sthāneṣv dvi.guṇo daṇḍaḥ samutthāna.vyayaś ca | 27 |

KAZ03.19.28/ pura.upavana.vanaspatīnāṁ puṣpa.phalac.chāyāvatāṁ prarohac.chedane ṣaṭ.paṇaḥ, kṣudra.śākhāc.chedane dvādaśa.paṇaḥ, pīna.śākhāc.cchedane catur.viṁśati.paṇaḥ, skandha.vadhe pūrvaḥ sāhasa.daṇḍaḥ, samucchittau madhyamaḥ | 28 |

KAZ03.19.29/ puṣpa.phalac.chāyāvad.gulma.latāsv ardha.daṇḍāḥ, puṇya.sthāna.tapo.vana.śmaśāna.drumeṣu ca | 29 |

KAZ03.19.30ab/ sīma.vṛkṣeṣu caityeṣu drumeṣv ālakṣiteṣu ca |
KAZ03.19.30cd/ ta eva dvi.guṇā daṇḍāḥ kāryā rāja.vaneṣu ca || 30 ||

3.20. Chapter 20 (Sections 74; 75): Gambling and Betting; Miscellaneous Offences

[Page 127 ] [Note: [ K tr. 290 :: K2 tr. 250]

KAZ03.20.01/ dyūta.adhyakṣo dyūtam eka.mukhaṁ kārayet | 1 |

KAZ03.20.02/ anyatra dīvyato dvādaśa.paṇo daṇḍo gūḍha.ājīvi.jñāpana.artham | 2 |

KAZ03.20.03/ "dyūta.abhiyoge jetuḥ pūrvaḥ sāhasa.daṇḍaḥ, parājitasya madhyamaḥ | 3 |

KAZ03.20.04/ bāliśa.jātīyo hy eṣa jetu.kāmaḥ parājayaṁ na kṣamate" ity ācāryāḥ | 4 |

KAZ03.20.05/ na-ity kauṭilyaḥ | 5 |

KAZ03.20.06/ parājitaś ced dvi.guṇa.daṇḍaḥ kriyeta na kaścana rājānam abhisariṣyati | 6 |

KAZ03.20.07/ prāyaśo hi kitavāḥ kūṭa.devinaḥ | 7 |

KAZ03.20.08/ teṣām adhyakṣāḥ śuddhāḥ kākaṇīr akṣāṁś ca sthāpayeyuḥ | 8 |

KAZ03.20.09/ kākaṇy.akṣāṇām anya.upadhāne dvādaśa.paṇo daṇḍaḥ, kūṭa.karmaṇi pūrvaḥ sāhasa.daṇḍo jita.pratyādānam, upadhau steya.daṇḍaś ca | 9 |

KAZ03.20.10/ jita.dravyād adhyakṣaḥ pañcakaṁ śatam ādadīta, kākaṇy.akṣa.arālā.śalākā.avakrayam udaka.bhūmi.karma.krayaṁ ca | 10 |

KAZ03.20.11/ dravyāṇām ādhānaṁ vikrayaṁ ca kuryāt | 11 |

KAZ03.20.12/ akṣa.bhūmi.hasta.doṣāṇāṁ ca-apratiṣedhane dvi.guṇo daṇḍaḥ | 12 |

KAZ03.20.13/ tena samāhvayo vyākhyātaḥ, anyatra vidyā.śilpa.samāhvayāt | iti | 13 |

KAZ03.20.14/ prakīrṇakaṁ tu - yācitaka.avakrītaka.āhitaka.nikṣepakāṇāṁ yathā.deśa.kālam adāne, yāmac.chāyā.samupaveśa.saṁsthitīnāṁ vā deśa.kāla.atipātane, gulmatara.deyaṁ brāhmaṇaṁ sādhayataḥ, prativeśa.anuveśayor upari nimantraṇe ca dvādaśa.paṇo daṇḍaḥ | 14 |

KAZ03.20.15/ sandiṣṭam artham aprayacchato, bhrātṛ.bhāryāṁ hastena laṅghayato, rūpa.ājīvām anya.uparuddhāṁ gacchataḥ, para.vaktavyaṁ paṇyaṁ krīṇānasya, samudraṁ gṛham udbhindataḥ, sāmanta.catvāriṁśat.kulya.ābādhām ācarataś ca-aṣṭa.catvāriṁśat.paṇo daṇḍaḥ | 15 |

KAZ03.20.16/ kula.nīvī.grāhakasya-apavyayane, vidhavāṁ chanda.vāsinīṁ prasahya-adhicarataḥ, caṇḍālasya-āryāṁ spṛśataḥ, pratyāsannam āpady anabhidhāvato, niṣkāraṇam abhidhāvanaṁ kurvataḥ, śākya.ājīvaka.ādīn vṛṣala.pravrajitān deva.pitṛ.kāryeṣu bhojayataḥ śatyo daṇḍaḥ | 16 |

KAZ03.20.17/ śapatha.vākya.anuyogam aniṣṛṣṭaṁ kurvataḥ, yukta.karma ca-ayuktasya, kṣudra.paśu.vṛṣāṇāṁ puṁstva.upaghātinaḥ, dāsyā garbham auṣadhena pātayataś ca pūrvaḥ sāhasa.daṇḍaḥ | 17 |

[Page 128 ]

KAZ03.20.18/ pitā.putrayor dampatyor bhrātṛ.bhaginyor mātula.bhagineyayoḥ śiṣya.ācāryayor vā parasparam apatitaṁ tyajataḥ, sārtha.ābhiprayātaṁ grāma.madhye vā tyajataḥ pūrvaḥ sāhasa.daṇḍaḥ, kāntāre madhyamaḥ, tan.nimittaṁ bhreṣayata uttamaḥ, saha.prasthāyiṣv anyeṣv ardha.daṇḍāḥ | 18 |

KAZ03.20.19/ puruṣam abandhanīyaṁ badhnato bandhayato bandhaṁ vā mokṣayato, bālam aprāpta.vyavahāraṁ badhnato bandhayato vā sahasraṁ daṇḍaḥ | 19 |

KAZ03.20.20/ puruṣa.aparādha.viśeṣeṇa daṇḍa.viśeṣaḥ kāryaḥ | 20 |

KAZ03.20.21/ tīrtha.karas tapasvī vyādhitaḥ kṣut.pipāsā.adhva.klāntas tiro.jana.pado daṇḍa.khedī niṣkiñcanaś ca-anugrāhyāḥ | 21 |

KAZ03.20.22/ deva.brāhmaṇa.tapasvi.strī.bāla.vṛddha.vyādhitānām anāthānām anabhisaratāṁ dharmasthāḥ kāryāṇi kuryuḥ, na ca deśa.kāla.bhogac.chalena-atihareyuḥ | 22 |

KAZ03.20.23/ pūjyā vidyā.buddhi.pauruṣa.abhijana.karma.atiśayataś ca puruṣāḥ | 23 |

KAZ03.20.24ab/ evaṁ kāryāṇi dharmasthāḥ kuryur acchala.darśinaḥ |
KAZ03.20.24cd/ samāḥ sarveṣu bhāveṣu viśvāsyā loka.sampriyāḥ || 24 ||

4. Book 4: The Supression of Criminals

[Page 129 ] [Note: [ K tr. 294--337 :: K2 tr. 254--291]

4.1. Chapter 1 (Section 76): Keeping a Watch over Artisans

[Note: [ K tr. 294 :: K2 tr. 254]

KAZ04.1.01/ pradeṣṭāras trayas trayo 'mātyāḥ kaṇṭaka.śodhanaṁ kuryuḥ | 1 |

KAZ04.1.02/ arthya.pratīkārāḥ kāru.śāsitāraḥ sannikṣeptāraḥ sva.vitta.kāravaḥ śreṇī.pramāṇā nikṣepaṁ gṛhṇīyuḥ | 2 |

KAZ04.1.03/ vipattau śreṇī nikṣepaṁ bhajeta | 3 |

KAZ04.1.04/ nirdiṣṭa.deśa.kāla.kāryaṁ ca karma kuryuḥ, anirdiṣṭa.deśa.kālaṁ kārya.apadeśam | 4 |

KAZ04.1.05/ kāla.atipātane pāda.hīnaṁ vetanaṁ tad.dvi.guṇaś ca daṇḍaḥ | 5 |

KAZ04.1.06/ anyatra bhreṣa.upanipātābhyāṁ naṣṭaṁ vinaṣṭaṁ vā-abhyāvaheyuḥ | 6 |

KAZ04.1.07/ kāryasya-anyathā.karaṇe vetana.nāśas tad.dvi.guṇaś ca daṇḍaḥ | 7 |

KAZ04.1.08/ tantu.vāyā daśa.ekādaśikaṁ sūtraṁ vardhayeyuḥ | 8 |

KAZ04.1.09/ vṛddhic.chede cheda.dvi.guṇo daṇḍaḥ | 9 |

KAZ04.1.10/ sūtra.mūlyaṁ vāna.vetanaṁ, kṣauma.kauśeyānām adhyardha.guṇaṁ, pattra.ūrṇā.kambala.dukūlānāṁ dvi.guṇam | 10 |

KAZ04.1.11/ māna.hīne hīna.avahīnaṁ vetanaṁ tad.dvi.guṇaś ca daṇḍaḥ, tulā.hīne hīna.catur.guṇo daṇḍaḥ, sūtra.parivartane mūlya.dvi.guṇaḥ | 11 |

KAZ04.1.12/ tena dvi.paṭa.vānaṁ vyākhyātam | 12 |

KAZ04.1.13/ ūrṇā.tulāyāḥ pañca.paliko vihananac.chedo romac.chedaś ca | 13 |

KAZ04.1.14/ rajakāḥ kāṣṭha.phalaka.ślakṣṇa.śilāsu vastrāṇi nenijyuḥ | 14 |

KAZ04.1.15/ anyatra nenijato vastra.upaghātaṁ ṣaṭ.paṇaṁ ca daṇḍaṁ dadyuḥ | 15 |

KAZ04.1.16/ mudgara.aṅkād anyad vāsaḥ paridadhānās tri.paṇaṁ daṇḍaṁ dadyuḥ | 16 |

KAZ04.1.17/ para.vastra.vikraya.avakraya.ādhāneṣu ca dvādaśa.paṇo daṇḍaḥ, parivartane mūlya.dvi.guṇo vastra.dānaṁ ca | 17 |

KAZ04.1.18/ mukula.avadātaṁ śilā.paṭṭa.śuddhaṁ dhauta.sūtra.varṇaṁ pramṛṣṭa.śvetaṁ ca-eka.rātra.uttaraṁ dadyuḥ | 18 |

KAZ04.1.19/ pañca.rātrikaṁ tanu.rāgaṁ, ṣaḍ.rātrikaṁ nīlaṁ, puṣpa.lākṣā.mañjiṣṭhā.raktaṁ guru.parikarma yatna.upacāryaṁ jātyaṁ vāsaḥ sapta.rātrikam | 19 |

KAZ04.1.20/ tataḥ paraṁ vetana.hāniṁ prāpnuyuḥ | 20 |

KAZ04.1.21/ śraddheyā rāga.vivādeṣu vetanaṁ kuśalāḥ kalpayeyuḥ | 21 |

[Page 130 ]

KAZ04.1.22/ parārdhyānāṁ paṇo vetanaṁ, madhyamānām ardha.paṇaḥ, pratyavarāṇāṁ pādaḥ, sthūlakānāṁ māṣaka.dvi.māṣakaṁ, dvi.guṇaṁ raktakānām | 22 |

KAZ04.1.23/ prathama.nejane catur.bhāgaḥ kṣayaḥ, dvitīye pañca.bhāgaḥ | 23 |

KAZ04.1.24/ tena-uttaraṁ vyākhyātam | 24 |

KAZ04.1.25/ rajakais tunna.vāyā vyākhyātāḥ | 25 |

KAZ04.1.26/ suvarṇa.kārāṇām aśuci.hastād rūpyaṁ suvarṇam anākhyāya sarūpaṁ krīṇatāṁ dvādaśapaṇo daṇḍaḥ, virūpaṁ catur.viṁśati.paṇaḥ, cora.hastād aṣṭa.catvāriṁśat.paṇaḥ | 26 |

KAZ04.1.27/ pracchanna.virūpa.mūlya.hīna.krayeṣu steya.daṇḍaḥ, kṛta.bhāṇḍa.upadhau ca | 27 |

KAZ04.1.28/ suvarṇān māṣakam apaharato dvi.śato daṇḍaḥ, rūpya.dharaṇān māṣakam apaharato dvādaśa.paṇaḥ | 28 |

KAZ04.1.29/ tena-uttaraṁ vyākhyātam | 29 |

KAZ04.1.30/ varṇa.utkarṣam apasāraṇaṁ yogaṁ vā sādhayataḥ pañca.śato daṇḍaḥ | 30 |

KAZ04.1.31/ tayor apacaraṇe rāgasya-apahāraṁ vidyāt | 31 |

KAZ04.1.32/ māṣako vetanaṁ rūpya.dharaṇasya, suvarṇasya-aṣṭa.bhāgaḥ | 32 |

KAZ04.1.33/ śikṣā.viśeṣeṇa dvi.guṇo vetana.vṛddhiḥ | 33 |

KAZ04.1.34/ tena-uttaraṁ vyākhyātam | 34 |

KAZ04.1.35/ tāmra.vṛtta.kaṁsa.vaikṛntaka.āra.kūṭakānāṁ pañcakaṁ śataṁ vetanam | 35 |

KAZ04.1.36/ tāmra.piṇḍo daśa.bhāga.kṣayaḥ | 36 |

KAZ04.1.37/ pala.hīne hīna.dvi.guṇo daṇḍaḥ | 37 |

KAZ04.1.38/ tena-uttaraṁ vyākhyātam | 38 |

KAZ04.1.39/ sīsa.trapu.piṇḍo viṁśati.bhāga.kṣayaḥ | 39 |

KAZ04.1.40/ kākaṇī ca-asya pala.vetanam | 40 |

KAZ04.1.41/ kāla.āyasa.piṇḍaḥ pañca.bhāga.kṣayaḥ | 41 |

KAZ04.1.42/ kākaṇī.dvayaṁ ca-asya pala.vetanam | 42 |

KAZ04.1.43/ tena-uttaraṁ vyākhyātam | 43 |

KAZ04.1.44/ rūpa.darśakasya sthitāṁ paṇa.yātrām akopyāṁ kopayataḥ kopyām akopayato dvādaśa.paṇo daṇḍaḥ | 44 |

KAZ04.1.45/ vyājī.pariśuddhau paṇa.yātrā | 45 |

KAZ04.1.46/ paṇān māṣakam upajīvato dvādaśa.paṇo daṇḍaḥ | 46 |

KAZ04.1.47/ tena-uttaraṁ vyākhyātam | 47 |

KAZ04.1.48/ kūṭa.rūpaṁ kārayataḥ pratigṛhṇato niryāpayato vā sahasraṁ daṇḍaḥ, kośe prakṣipato vadhaḥ | 48 |

KAZ04.1.49/ caraka.pāṁsu.dhāvakāḥ sāra.tri.bhāgaṁ, dvau rājā ratnaṁ ca | 49 |

KAZ04.1.50/ ratna.apahāra uttamo daṇḍaḥ | 50 |

[Page 131 ]

KAZ04.1.51/ khani.ratna.nidhi.nivedaneṣu ṣaṣṭham aṁśaṁ nivettā labheta, dvādaśam aṁśaṁ bhṛtakaḥ | 51 |

KAZ04.1.52/ śata.sahasrād ūrdhvaṁ rāja.gāmī nidhiḥ | 52 |

KAZ04.1.53/ ūne ṣaṣṭham aṁśaṁ dadyāt | 53 |

KAZ04.1.54/ paurvapauruṣikaṁ nidhiṁ jānapadaḥ śuciḥ sva.karaṇena samagraṁ labheta | 54 |

KAZ04.1.55/ sva.karaṇa.abhāve pañca.śato daṇḍaḥ, pracchanna.ādāne sahasram | 55 |

KAZ04.1.56/ bhiṣajaḥ prāṇa.ābādhikam anākhyāya-upakramamāṇasya vipattau pūrvaḥ sāhasa.daṇḍaḥ, karma.aparādhena vipattau madhyamaḥ | 56 |

KAZ04.1.57/ marma.vadha.vaiguṇya.karaṇe daṇḍa.pāruṣyaṁ vidyāt | 57 |

KAZ04.1.58/ kuśīlavā varṣā.rātram ekasthā vaseyuḥ | 58 |

KAZ04.1.59/ kāma.dānam atimātram ekasya-ativādaṁ ca varjayeyuḥ | 59 |

KAZ04.1.60/ tasya-atikrame dvādaśa.paṇo daṇḍaḥ | 60 |

KAZ04.1.61/ kāmaṁ deśa.jāti.gotra.caraṇa.maithuna.avahāsena narmayeyuḥ | 61 |

KAZ04.1.62/ kuśīlavaiś cāraṇā bhikṣukāś ca vyākhyātāḥ | 62 |

KAZ04.1.63/ teṣām ayaḥ.śūlena yāvataḥ paṇān abhivadeyus tāvantaḥ śiphā.prahārā daṇḍāḥ | 63 |

KAZ04.1.64/ śeṣāṇāṁ karmaṇāṁ niṣpatti.vetanaṁ śilpināṁ kalpayet | 64 |

KAZ04.1.65ab/ evaṁ corān acora.ākhyān vaṇik.kāru.kuśīlavān |
KAZ04.1.65cd/ bhikṣukān kuhakāṁś ca-anyān vārayed deśa.pīḍanāt || 65 ||

4.2. Chapter 2 (Section 77): Keeping a Watch over Traders

[Note: [ K tr. 300 :: K2 tr. 259]

KAZ04.2.01/ saṁsthā.adhyakṣaḥ paṇya.saṁsthāyāṁ purāṇa.bhāṇḍānāṁ sva.karaṇa.viśuddhānām ādhānaṁ vikrayaṁ vā sthāpayet | 1 |

KAZ04.2.02/ tulā.māna.bhāṇḍāni ca-avekṣeta pautava.apacārāt | 2 |

KAZ04.2.03/ parimāṇī.droṇayor ardha.pala.hīna.atiriktam adoṣaḥ | 3 |

KAZ04.2.04/ pala.hīna.atirikte dvādaśa.paṇo daṇḍaḥ | 4 |

KAZ04.2.05/ tena pala.uttarā daṇḍa.vṛddhir vyākhyātā | 5 |

KAZ04.2.06/ tulāyāḥ karṣa.hīna.atiriktam adoṣaḥ | 6 |

KAZ04.2.07/ dvi.karṣa.hīna.atirikte ṣaṭ.paṇo daṇḍaḥ | 7 |

KAZ04.2.08/ tena karṣa.uttarā daṇḍa.vṛddhir vyākhyātā | 8 |

KAZ04.2.09/ āḍhakasya-ardha.karṣa.hīna.atiriktam adoṣaḥ | 9 |

KAZ04.2.10/ karṣa.hīna.atirikte tri.paṇo daṇḍaḥ | 10 |

KAZ04.2.11/ tena karṣa.uttarā daṇḍa.vṛddhir vyākhyātā | 11 |

KAZ04.2.12/ tulā.māna.viśeṣāṇām ato 'nyeṣām anumānaṁ kuryāt | 12 |

[Page 132 ]

KAZ04.2.13/ tulā.mānābhyām atiriktābhyāṁ krītvā hīnābhyāṁ vikrīṇānasya ta eva dvi.guṇā daṇḍāḥ | 13 |

KAZ04.2.14/ gaṇya.paṇyeṣv aṣṭa.bhāgaṁ paṇya.mūlyeṣv apaharataḥ ṣaṇ.ṇavatir daṇḍaḥ | 14 |

KAZ04.2.15/ kāṣṭha.loha.maṇi.mayaṁ rajju.carma.mṛṇ.mayaṁ sūtra.valka.roma.mayaṁ vā jātyam ity ajātyaṁ vikraya.ādhānaṁ nayato mūlya.aṣṭa.guṇo daṇḍaḥ | 15 |

KAZ04.2.16/ sāra.bhāṇḍam ity asāra.bhāṇḍaṁ taj.jātam ity ataj.jātaṁ rādhā.yuktam ity upadhiyuktaṁ samudga.parivartimaṁ vā vikraya.ādhānaṁ nayato hīna.mūlyaṁ catuṣpañcāśat.paṇo daṇḍaḥ, paṇa.mūlyaṁ dvi.guṇo, dvi.paṇa.mūlyaṁ dvi.śataḥ | 16 |

KAZ04.2.17/ tena-argha.vṛddhau daṇḍa.vṛddhir vyākhyātā | 17 |

KAZ04.2.18/ kāru.śilpināṁ karma.guṇa.apakarṣam ājīvaṁ vikraya.kraya.upaghātaṁ vā sambhūya samutthāpayatāṁ sahasraṁ daṇḍaḥ | 18 |

KAZ04.2.19/ vaidehakānāṁ vā sambhūya paṇyam avarundhatām anargheṇa vikrīṇatāṁ vā sahasraṁ daṇḍaḥ | 19 |

KAZ04.2.20/ tulā.māna.antaram argha.varṇa.antaraṁ vā - dharakasya māyakasya vā paṇa.mūlyād aṣṭa.bhāgaṁ hasta.doṣeṇa-ācarato dvi.śato daṇḍaḥ | 20 |

KAZ04.2.21/ tena dvi.śata.uttarā daṇḍa.vṛddhir vyākhyātā | 21 |

KAZ04.2.22/ dhānya.sneha.kṣāra.lavaṇa.gandha.bhaiṣajya.dravyāṇāṁ sama.varṇa.upadhāne dvādaśa.paṇo daṇḍaḥ | 22 |

KAZ04.2.23/ yan.niṣṛṣṭam upajīveyus tad eṣāṁ divasa.sañjātaṁ saṅkhyāya vaṇik sthāpayet | 23 |

KAZ04.2.24/ kretṛ.vikretror antara.patitam ādāyād anyad bhavati | 24 |

KAZ04.2.25/ tena dhānya.paṇya.nicayāṁś ca-anujñātāḥ kuryuḥ | 25 |

KAZ04.2.26/ anyathā.nicitam eṣāṁ paṇya.adhyakṣo gṛhṇīyāt | 26 |

KAZ04.2.27/ tena dhānya.paṇya.vikraye vyavahareta-anugraheṇa prajānām | 27 |

KAZ04.2.28/ anujñāta.krayād upari ca-eṣāṁ sva.deśīyānāṁ paṇyānāṁ pañcakaṁ śatam ājīvaṁ sthāpayet, para.deśīyānāṁ daśakam | 28 |

KAZ04.2.29/ tataḥ param arghaṁ vardhayatāṁ kraye vikraye vā bhāvayatāṁ paṇa.śate pañca.paṇād dvi.śato daṇḍaḥ | 29 |

KAZ04.2.30/ tena-argha.vṛddhau daṇḍa.vṛddhir vyākhyātā | 30 |

KAZ04.2.31/ sambhūya.kraye ca-eṣām avikrīte na-anyaṁ sambhūya.krayaṁ dadyāt | 31 |

KAZ04.2.32/ paṇya.upaghāte ca-eṣām anugrahaṁ kuryāt | 32 |

KAZ04.2.33/ paṇya.bāhulyāt paṇya.adhyakṣaḥ sarva.paṇyāny eka.mukhāni vikrīṇīta | 33 |

KAZ04.2.34/ teṣv avikrīteṣu na-anye vikrīṇīran | 34 |

KAZ04.2.35/ tāni divasa.vetanena vikrīṇīrann anugraheṇa prajānām | 35 | deśa.kāla.antaritānāṁ tu paṇyānāṁ - [Page 133 ]

KAZ04.2.36ab/ prakṣepaṁ paṇya.niṣpattiṁ śulkaṁ vṛddhim avakrayam |
KAZ04.2.36cd/ vyayān anyāṁś ca saṅkhyāya sthāpayed argham arghavit || 36 ||

4.3. Chapter 3 (Section 78): Remedies during Calamities

[Note: [ K tr. 303 :: K2 tr. 262]

KAZ04.3.01/ daivāny aṣṭau mahā.bhayāni - agnir udakaṁ vyādhir durbhikṣaṁ mūṣikā vyālāḥ sarpā rakṣāṁsi-iti | 1 |

KAZ04.3.02/ tebhyo jana.padaṁ rakṣet | 2 |

KAZ04.3.03/ grīṣme bahir.adhiśrayaṇaṁ grāmāḥ kuryuḥ, daśa.mūlī.saṅgraheṇa-adhiṣṭhitā vā | 3 |

KAZ04.3.04/ nāgarika.praṇidhāv agni.pratiṣedho vyākhyātaḥ, niśānta.praṇidhau rāja.parigrahe ca | 4 |

KAZ04.3.05/ bali.homa.svasti.vācanaiḥ parvasu ca-agni.pūjāḥ kārayet | 5 |

KAZ04.3.06/ varṣā.rātram ānūpa.grāmāḥ pūra.velām utsṛjya vaseyuḥ | 6 |

KAZ04.3.07/ kāṣṭha.veṇu.nāvaś ca-upagṛhṇīyuḥ | 7 |

KAZ04.3.08/ uhyamānam alābu.dṛti.plava.gaṇḍikā.veṇikābhis tārayeyuḥ | 8 |

KAZ04.3.09/ anabhisaratāṁ dvādaśa.paṇo daṇḍaḥ, anyatra plava.hīnebhyaḥ | 9 |

KAZ04.3.10/ parvasu ca nadī.pūjāḥ kārayet | 10 |

KAZ04.3.11/ māyā.yogavido vedavido vā varṣam abhicareyuḥ | 11 |

KAZ04.3.12/ varṣa.avagrahe śacī.nātha.gaṅgā.parvata.mahā.kaccha.pūjāḥ kārayet | 12 |

KAZ04.3.13/ vyādhi.bhayam aupaniṣadikaiḥ pratīkāraiḥ pratikuryuḥ, auṣadhaiś cikitsakāḥ śānti.prāyaścittair vā siddha.tāpasāḥ | 13 |

KAZ04.3.14/ tena marako vyākhyātaḥ | 14 |

KAZ04.3.15/ tīrtha.abhiṣecanaṁ mahā.kaccha.vardhanaṁ gavāṁ śmaśāna.avadohanaṁ kabandha.dahanaṁ deva.rātriṁ ca kārayet | 15 |

KAZ04.3.16/ paśu.vyādhi.marake sthāna.artha.nīrājanaṁ sva.daivata.pūjanaṁ ca kārayet | 16 |

KAZ04.3.17/ durbhikṣe rājā bīja.bhakta.upagrahaṁ kṛtvā-anugrahaṁ kuryāt, durga.setu.karma vā bhakta.anugraheṇa, bhakta.saṁvibhāgaṁ vā, deśa.nikṣepaṁ vā | 17 |

KAZ04.3.18/ mitrāṇi vā vyapāśrayeta, karśanaṁ vamanaṁ vā kuryāt | 18 |

KAZ04.3.19/ niṣpanna.sasyam anya.viṣayaṁ vā sajana.pado yāyāt, samudra.saras.taṭākāni vā saṁśrayeta | 19 |

KAZ04.3.20/ dhānya.śāka.mūla.phala.āvāpān vā setuṣu kurvīta, mṛga.paśu.pakṣi.vyāla.matsya.ārambhān vā | 20 |

[Page 134 ]

KAZ04.3.21/ mūṣika.bhaye mārjāra.nakula.utsargaḥ | 21 |

KAZ04.3.22/ teṣāṁ grahaṇa.hiṁsāyāṁ dvādaśa.paṇo daṇḍaḥ, śunām anigrahe ca-anyatra-araṇya.carebhyaḥ | 22 |

KAZ04.3.23/ snuhi.kṣīra.liptāni dhānyāni visṛjed, upaniṣad.yoga.yuktāni vā | 23 |

KAZ04.3.24/ mūṣika.karaṁ vā prayuñjīta | 24 |

KAZ04.3.25/ śāntiṁ vā siddha.tāpasāḥ kuryuḥ | 25 |

KAZ04.3.26/ parvasu ca mūṣika.pūjāḥ kārayet | 26 |

KAZ04.3.27/ tena śalabha.pakṣi.krimi.bhaya.pratīkārā vyākhyātāḥ | 27 |

KAZ04.3.28/ vyāla.bhaye madana.rasa.yuktāni paśu.śavāni prasṛjet, madana.kodrava.pūrṇāny audaryāṇi vā | 28 |

KAZ04.3.29/ lubdhakāḥ śva.gaṇino vā kūṭa.pañjara.avapātaiś careyuḥ | 29 |

KAZ04.3.30/ āvaraṇinaḥ śastra.pāṇayo vyālān abhihanyuḥ | 30 |

KAZ04.3.31/ anabhisartur dvādaśa.paṇo daṇḍaḥ | 31 |

KAZ04.3.32/ sa eva lābho vyāla.ghātinaḥ | 32 |

KAZ04.3.33/ parvasu ca parvata.pūjāḥ kārayet | 33 |

KAZ04.3.34/ tena mṛga.paśu.pakṣi.saṅgha.grāha.pratīkārā vyākhyātāḥ | 34 |

KAZ04.3.35/ sarpa.bhaye mantrair oṣadhibhiś ca jāṅgulīvidaś careyuḥ | 35 |

KAZ04.3.36/ sambhūya vā-api sarpān hanyuḥ | 36 |

KAZ04.3.37/ atharva.vedavido vā-abhicareyuḥ | 37 |

KAZ04.3.38/ parvasu ca nāga.pūjāḥ kārayet | 38 |

KAZ04.3.39/ tena-udaka.prāṇi.bhaya.pratīkārā vyākhyātāḥ | 39 |

KAZ04.3.40/ rakṣo.bhaye rakṣo.ghnāny atharva.vedavido māyā.yogavido vā karmāṇi kuryuḥ | 40 |

KAZ04.3.41/ parvasu ca vitardic.chatra.ullopikā.hasta.patākāc.chāga.upahāraiś caitya.pūjāḥ kārayet | 41 |

KAZ04.3.42/ "caruṁ vaś carāmaḥ" ity evaṁ sarva.bhayeṣv aho.rātraṁ careyuḥ | 42 |

KAZ04.3.43/ sarvatra ca-upahatān pitā-iva-anugṛhṇīyāt | 43 |

KAZ04.3.44ab/ māyā.yogavidas tasmād viṣaye siddha.tāpasāḥ |
KAZ04.3.44cd/ vaseyuḥ pūjitā rājñā daiva.āpat.pratikāriṇaḥ || 44 ||

4.4. Chapter 4 (Section 79): Guarding against Persons with Secret Income

[Note: [ K tr. 307 :: K2 tr. 265]

KAZ04.4.01/ samāhartṛ.praṇidhau jana.pada.rakṣaṇam uktam | 1 |

KAZ04.4.02/ tasya kaṇṭaka.śodhanaṁ vakṣyāmaḥ | 2 |

KAZ04.4.03/ samāhartā jana.pade siddha.tāpasa.pravrajita.cakra.cara.cāraṇa.kuhaka.pracchandaka.- kārtāntika.naimittika.mauhūrtika.cikitsaka.unmatta.mūka.badhira.- jaḍa.andha.vaidehaka.kāru.śilpi.kuśīlava.veśa.śauṇḍi- [Page 135 ]ka.āpūpika.pākva.māṁsika.audanika.vyañjanān praṇidadhyāt | 3 |

KAZ04.4.04/ te grāmāṇām adhyakṣāṇāṁ ca śauca.āśaucaṁ vidyuḥ | 4 |

KAZ04.4.05/ yaṁ ca-atra gūḍha.ājīvinaṁ śaṅketa taṁ sattriṇā-apasarpayet | 5 |

KAZ04.4.06/ dharmasthaṁ viśvāsa.upagataṁ sattrī brūyāt - "asau me bandhur abhiyuktaḥ, tasya-ayam anarthaḥ pratikriyatām, ayaṁ ca-arthaḥ pratigṛhyatām" iti | 6 |

KAZ04.4.07/ sa cet tathā kuryād upadā.grāhaka iti pravāsyeta | 7 |

KAZ04.4.08/ tena pradeṣṭāro vyākhyātāḥ | 8 |

KAZ04.4.09/ grāma.kūṭam adhyakṣaṁ vā sattrī brūyāt - "asau jālmaḥ prabhūta.dravyaḥ, tasya-ayam anarthaḥ, tena-enam āhārayasva" iti | 9 |

KAZ04.4.10/ sa cet tathā kuryād utkocaka iti pravāsyeta | 10 |

KAZ04.4.11/ kṛtaka.abhiyukto vā kūṭa.sākṣiṇo 'bhijñāta.anartha.vaipulyena-ārabheta | 11 |

KAZ04.4.12/ te cet tathā kuryuḥ kūṭa.sākṣiṇa iti pravāsyeran | 12 |

KAZ04.4.13/ tena kūṭa.śrāvaṇa.kārakā vyākhyātāḥ | 13 |

KAZ04.4.14/ yaṁ vā mantra.yoga.mūla.karmabhiḥ śmāśānikair vā saṁvadana.karakaṁ manyeta taṁ sattrī brūyāt - "amuṣya bhāryāṁ snuṣāṁ duhitaraṁ vā kāmaye, sā māṁ pratikāmayatām, ayaṁ ca-arthaḥ pratigṛhyatām" iti | 14 |

KAZ04.4.15/ sa cet tathā kuryāt saṁvadana.kāraka iti pravāsyeta | 15 |

KAZ04.4.16/ tena kṛtya.abhicāra.śīlau vyākhyātau | 16 |

KAZ04.4.17/ yaṁ vā rasasya kartāraṁ kretāraṁ vikretāraṁ bhaiṣajya.āhāra.vyavahāriṇaṁ vā rasadaṁ manyeta taṁ sattrī brūyāt - "asau me śatruḥ, tasya-upaghātaḥ kriyatām, ayaṁ ca-arthaḥ pratigṛhyatām" iti | 17 |

KAZ04.4.18/ sa cet tathā kuryād rasada iti pravāsyeta | 18 |

KAZ04.4.19/ tena madana.yoga.vyavahārī vyākhyātaḥ | 19 |

KAZ04.4.20/ yaṁ vā nānā.loha.kṣārāṇām aṅgāra.bhasma.asandaṁśa.muṣṭika.adhikaraṇī.bimba.ṭaṅka.mūṣāṇām abhīkṣṇa.kretāraṁ maṣī.bhasma.dhūma.digdha.hasta.vastra.liṅgaṁ karmāra.upakaraṇa.saṁsargaṁ kūṭa.rūpa.kārakaṁ manyeta taṁ sattrī śiṣyatvena saṁvyavahāreṇa ca-anupraviśya prajñāpayet | 20 |

KAZ04.4.21/ prajñātaḥ kūṭa.rūpa.kāraka iti pravāsyeta | 21 |

KAZ04.4.22/ tena rāgasya-apahartā kūṭa.suvarṇa.vyavahārī ca vyākhyātaḥ | 22 |

KAZ04.4.23ab/ ārabdhāras tu hiṁsāyāṁ gūḍha.ājīvās trayodaśa |
KAZ04.4.23cd/ pravāsyā niṣkraya.arthaṁ vā dadyur doṣa.viśeṣataḥ || 23 ||

4.5. Chapter 5 (Section 80): Detection of Criminals through Secret Agents

[Page 136 ] [Note: [ K tr. 309 :: K2 tr. 267]

KAZ04.5.01/ sattri.prayogād ūrdhvaṁ siddha.vyañjanā māṇavān māṇava.vidyābhiḥ pralobhayeyuḥ, prasvāpana.antar.dhāna.dvāra.apoha.mantreṇa pratirodhakān, saṁvadana.mantreṇa pāratalpikān | 1 |

KAZ04.5.02/ teṣāṁ kṛta.utsāhānāṁ mahāntaṁ saṅgham ādāya rātrāv anyaṁ grāmam uddiśya-anyaṁ grāmaṁ kṛtaka.strī.puruṣaṁ gatvā brūyuḥ - "iha-eva vidyā.prabhāvo dṛśyatāṁ, kṛcchraḥ para.grāmo gantum" iti | 2 |

KAZ04.5.03/ tato dvāra.apoha.mantreṇa dvārāṇy apohya "praviśyatām" iti brūyuḥ | 3 |

KAZ04.5.04/ antar.dhāna.mantreṇa jāgratām ārakṣiṇāṁ madhyena māṇavān atikrāmayeyuḥ | 4 |

KAZ04.5.05/ prasvāpana.mantreṇa prasvāpayitvā rakṣiṇaḥ śayābhir māṇavaiḥ sañcārayeyuḥ | 5 |

KAZ04.5.06/ saṁvadana.mantreṇa bhāryā.vyañjanāḥ pareṣāṁ māṇavaiḥ sammodayeyuḥ | 6 |

KAZ04.5.07/ upalabdha.vidyā.prabhāvāṇāṁ puraścaraṇā.ādy ādiśeyur abhijñāna.artham | 7 |

KAZ04.5.08/ kṛta.lakṣaṇa.dravyeṣu vā veśmasu karma kārayeyuḥ | 8 |

KAZ04.5.09/ anupraviṣṭā vā-ekatra grāhayeyuḥ | 9 |

KAZ04.5.10/ kṛta.lakṣaṇa.dravya.kraya.vikraya.ādhāneṣu yoga.surā.mattān vā grāhayeyuḥ | 10 |

KAZ04.5.11/ gṛhītān pūrva.apadāna.sahāyān anuyuñjīta | 11 |

KAZ04.5.12/ purāṇa.cora.vyañjanā vā corān anupraviṣṭās tathā-eva karma kārayeyur grāhayeyuś ca | 12 |

KAZ04.5.13/ gṛhītān samāhartā paura.jānapadānāṁ darśayet - "cora.grahaṇīṁ vidyām adhīte rājā, tasya-upadeśād ime corā gṛhītāḥ, bhūyaś ca grahīṣyāmi, vārayitavyo vaḥ sva.janaḥ pāpa.ācārah-" iti | 13 |

KAZ04.5.14/ yaṁ ca-atra-apasarpa.upadeśena śamyā.pratoda.ādīnām apahartāraṁ jānīyāt tam eṣāṁ pratyādiśet "eṣa rājñaḥ prabhāvaḥ" iti | 14 |

KAZ04.5.15/ purāṇa.cora.go.pālaka.vyādha.śva.gaṇinaś ca vana.cora.āṭavikān anupraviṣṭāḥ prabhūta.kūṭa.hiraṇya.kupya.bhāṇḍeṣu sārtha.vraja.grāmeṣv enān abhiyojayeyuḥ | 15 |

KAZ04.5.16/ abhiyoge gūḍha.balair ghātayeyuḥ, madana.rasa.yuktena vā pathy.adanena | 16 |

KAZ04.5.17/ gṛhīta.loptra.bhārān āyata.gata.pariśrāntān prasvapataḥ prahavaṇeṣu yoga.surā.mattān vā grāhayeyuḥ | 17 |

KAZ04.5.18ab/ pūrvavac ca gṛhītvā-enān samāhartā prarūpayet |
KAZ04.5.18cd/ sarvajña.khyāpanaṁ rājñaḥ kārayan rāṣṭra.vāsiṣu || 18 ||

4.6. Chapter 6 (Section 81): Arrest on Suspicion, with the Article and by the Act

[Page 137 ] [Note: [ K tr. 311 :: K2 tr. 268]

KAZ04.6.01/ siddha.prayogād ūrdhvaṁ śaṅkā.rūpa.karma.abhigrahaḥ | 1 |

KAZ04.6.02a/ kṣīṇa.dāya.kuṭumbam, alpa.nirveśaṁ, viparīta.deśa.jāti.gotra.nāma.karma.apadeśaṁ, pracchanna.vṛtti.karmāṇaṁ,-

KAZ04.6.02b/ māṁsa.surā.bhakṣya.bhojana.gandha.mālya.vastra.vibhūṣaṇeṣu prasaktam, ativyaya.kartāraṁ, puṁścalī.dyūta.śauṇḍikeṣu prasaktam,-

KAZ04.6.02c/ abhīkṣṇa.pravāsinam, avijñāta.sthāna.gamanam, ekānta.araṇya.niṣkuṭa.vikāla.cāriṇaṁ, pracchanne sa.āmiṣe vā deśe bahu.mantra.sannipātaṁ,-

KAZ04.6.02d/ sadyaḥ.kṣata.vraṇānāṁ gūḍha.pratīkāra.kārayitāram, antar.gṛha.nityam, abhyadhigantāraṁ, kāntā.paraṁ,-

KAZ04.6.02e/ para.parigrahāṇāṁ para.strī.dravya.veśmanām abhīkṣṇa.praṣṭāraṁ, kutsita.karma.śāstra.upakaraṇa.saṁsargaṁ,-

KAZ04.6.02f/ virātre channa.kuḍyac.chāyā.sañcāriṇaṁ, virūpa.dravyāṇām adeśa.kāla.vikretāraṁ, jāta.vairaśayaṁ, hīna.karma.jātiṁ,-

KAZ04.6.02g/ vigūhamāna.rūpaṁ, liṅgena-āliṅginaṁ, liṅginaṁ vā bhinna.ācāraṁ, pūrva.kṛta.apadānaṁ, sva.karmabhir apadiṣṭaṁ,-

KAZ04.6.02h/ nāgarika.mahā.mātra.darśane guhamānam apasarantam anucchvāsa.upaveśinam āvignaṁ śuṣka.bhinna.svara.mukha.varṇaṁ,-

KAZ04.6.02i/ śastra.hasta.manuṣya.sampāta.trāsinaṁ, hiṁsra.stena.nidhi.nikṣepa.apahāra.para.prayoga.gūḍha.ājīvinām anyatamaṁ śaṅketa | 2 | iti śaṅkā.abhigrahaḥ |

KAZ04.6.03/ rūpa.abhigrahas tu - naṣṭa.apahṛtam avidyamānaṁ taj.jāta.vyavahāriṣu nivedayet | 3 |

KAZ04.6.04/ tac cen niveditam āsādya pracchādayeyuḥ sācivya.kara.doṣam āpnuyuḥ | 4 |

KAZ04.6.05/ ajānanto 'sya dravyasya-atisargeṇa mucyeran | 5 |

KAZ04.6.06/ na ca-anivedya saṁsthā.adhyakṣasya purāṇa.bhāṇḍānām ādhānaṁ vikrayaṁ vā kuryuḥ | 6 |

KAZ04.6.07/ tac cen niveditam āsādyeta, rūpa.abhigṛhītam āgamaṁ pṛcchet "kutas te labdham" iti | 7 |

KAZ04.6.08/ sa cet brūyāt "dāyādyād avāptam, amuṣmāl labdhaṁ krītaṁ kāritam ādhi.pracchannam, ayam asya deśaḥ kālaś ca-upasamprāpteḥ, ayam asya-arghaḥ pramāṇaṁ lakṣaṇaṁ mūlyaṁ ca" iti, tasya-āgama.samādhau mucyeta | 8 |

KAZ04.6.09/ nāṣṭikaś cet tad eva pratisandadhyāt, yasyā pūrvo dīrghaś ca paribhogaḥ śucir vā deśas tasya dravyam iti vidyāt | 9 |

KAZ04.6.10/ catuṣpada.dvipadānām api hi rūpa.liṅga.sāmānyaṁ bhavati, kim aṅga punar eka.yoni.dravya.kartṛ.prasūtānāṁ kupya.ābharaṇa.bhāṇḍānām iti | 10 |

KAZ04.6.11/ sa ced brūyāt "yācitakam avakrītakam āhitakaṁ nikṣepam upanidhiṁ vaiyāvṛtya.karma vā-amuṣya" iti, tasya-apasāra.pratisandhānena mucyeta | 11 |

KAZ04.6.12/ "na-evam" ity apasāro vā brūyāt, [Page 138 ]rūpa.abhigṛhītaḥ parasya dāna.kāraṇam ātmanaḥ pratigraha.kāraṇam upaliṅganaṁ vā dāyaka.dāpaka.nibandhaka.pratigrāhaka.upadraṣṭṛbhir upaśrotṛbhir vā pratisamānayet | 12 |

KAZ04.6.13/ ujjhita.pranaṣṭa.niṣpatita.upalabdhasya deśa.kāla.lābha.upaliṅganena śuddhiḥ | 13 |

KAZ04.6.14/ aśuddhas tac ca tāvac ca daṇḍaṁ dadyāt | 14 |

KAZ04.6.15/ anyathā steya.daṇḍaṁ bhajeta | 15 | iti rūpa.abhigrahaḥ |

KAZ04.6.16/ karma.abhigrahas tu - muṣita.veśmanaḥ praveśa.niṣkasanam advāreṇa, dvārasya sandhinā bījena vā vedham, uttama.agārasya jāla.vāta.ayana.nīpra.vedham, ārohaṇa.avataraṇe ca kuḍyasya vedham, upakhananaṁ vā gūḍha.dravya.nikṣepaṇa.grahaṇa.upāyam, upadeśa.upalabhyam abhyantarac.cheda.utkara.parimarda.upakaraṇam abhyantara.kṛtaṁ vidyāt | 16 |

KAZ04.6.17/ viparyaye bāhya.kṛtam, ubhayata ubhaya.kṛtam | 17 |

KAZ04.6.18a/ abhyantara.kṛte puruṣam āsannaṁ vyasaninaṁ krūra.sahāyaṁ taskara.upakaraṇa.saṁsargaṁ, striyaṁ vā daridra.kulām anya.prasaktāṁ vā,-

KAZ04.6.18b/ paricāraka.janaṁ vā tad.vidha.ācāram, atisvapnaṁ, nidrā.klāntam, āvignaṁ. śuṣka.bhinna.svara.mukha.varṇam, anavasthitam,-

KAZ04.6.18c/ atipralāpinam, ucca.ārohaṇa.saṁrabdha.gātraṁ, vilūna.nighṛṣṭa.bhinna.pāṭita.śarīra.vastraṁ, jāta.kiṇa.saṁrabdha.hasta.pādaṁ,-

KAZ04.6.18d/ pāṁsu.pūrṇa.keśa.nakhaṁ vilūna.bhugna.keśa.nakhaṁ vā, samyak.snāta.anuliptaṁ taila.pramṛṣṭa.gātraṁ sadyo.dauta.hasta.pādaṁ vā,-

KAZ04.6.18e/ pāṁsu.picchileṣu tulya.pāda.pada.nikṣepaṁ, praveśa.niṣkasanayor vā tulya.mālya.madya.gandha.vastrac.cheda.vilepana.svedaṁ parīkṣeta | 18 |

KAZ04.6.19/ coraṁ pāradārikaṁ vā vidyāt | 19 |

KAZ04.6.20ab/ sagopa.sthāniko bāhyaṁ pradeṣṭā cora.mārgaṇam |
KAZ04.6.20cd/ kuryān nāgarikaś ca-antar.durge nirdiṣṭa.hetubhiḥ || 20 ||

4.7. Chapter 7 (Section 82): Inquest on Sudden Deaths

[Note: [ K tr. 314 :: K2 tr. 272]

KAZ04.7.01/ taila.abhyaktam āśu.mṛtakaṁ parīkṣeta | 1 |

KAZ04.7.02/ niṣkīrṇa.mūtra.purīṣaṁ vāta.pūrṇa.koṣṭha.tvakkaṁ śūna.pāda.pāṇimān mīlita.akṣaṁ savyañjana.kaṇṭhaṁ pīṭana.niruddha.ucchvāsa.hataṁ vidyāt | 2 |

KAZ04.7.03/ tam eva saṅkucita.bāhu.sakthim udbandha.hataṁ vidyāt | 3 |

[Page 139 ]

KAZ04.7.04/ śūna.pāṇi.pāda.udaram apagata.akṣam udvṛtta.nābhim avaropitaṁ vidyāt | 4 |

KAZ04.7.05/ nistabdha.guda.akṣaṁ sandaṣṭa.jihvam ādhmāta.udaram udaka.hataṁ vidyāt | 5 |

KAZ04.7.06/ śoṇita.anusiktaṁ bhagna.bhinna.gātraṁ kāṣṭhair aśmabhir vā hataṁ vidyāt | 6 |

KAZ04.7.07/ sambhagna.sphuṭita.gātram avakṣiptaṁ vidyāt | 7 |

KAZ04.7.08/ śyāva.pāṇi.pāda.danta.nakhaṁ śithila.māṁsa.roma.carmāṇaṁ phena.upadigdha.mukhaṁ viṣa.hataṁ vidyāt | 8 |

KAZ04.7.09/ tam eva sa-śoṇita.daṁśaṁ sarpa.kīṭa.hataṁ vidyāt | 9 |

KAZ04.7.10/ vikṣipta.vastra.gātram ativanta.viriktaṁ madana.yoga.hataṁ vidyāt | 10 |

KAZ04.7.11/ ato 'nyatamena kāraṇena hataṁ hatvā vā daṇḍa.bhayād udbaddha.nikṛtta.kaṇṭhaṁ vidyāt | 11 |

KAZ04.7.12/ viṣa.hatasya bhojana.śeṣaṁ vayobhiḥ parīkṣeta | 12 |

KAZ04.7.13/ hṛdayād uddhṛtya-agnau prakṣiptaṁ ciṭiciṭāyad.indra.dhanur.varṇaṁ vā viṣa.yuktaṁ vidyāt, dagdhasya hṛdayam adagdhaṁ dṛṣṭvā vā | 13 |

KAZ04.7.14/ tasya paricāraka.janaṁ vāg.daṇḍa.pāruṣya.atilabdhaṁ mārgeta, duḥkha.upahatam anya.prasaktaṁ vā strī.janaṁ, dāya.vṛtti.strī.jana.abhimantāraṁ vā bandhum | 14 |

KAZ04.7.15/ tad eva hata.udbaddhasya parīkṣeta | 15 |

KAZ04.7.16/ svayam udbaddhasya vā viprakāram ayuktaṁ mārgeta | 16 |

KAZ04.7.17/ sarveṣāṁ vā strī.dāyādya.doṣaḥ karma.spardhā pratipakṣa.dveṣaḥ paṇya.saṁsthā.samavāyo vā vivāda.padānām anyatamad vā roṣa.sthānam | 17 |

KAZ04.7.18/ roṣa.nimitto ghātaḥ | 18 |

KAZ04.7.19/ svayaṁ.ādiṣṭa.puruṣair vā, corair artha.nimittaṁ, sādṛśyād anya.vairibhir vā hatasya ghātam āsannebhyaḥ parīkṣeta | 19 |

KAZ04.7.20/ yena-āhūtaḥ saha sthitaḥ prasthito hata.bhūmim ānīto vā tam anuyuñjīta | 20 |

KAZ04.7.21/ ye ca-asya hata.bhūmāv āsanna.carās tān eka.ekaśaḥ pṛcchet "kena-ayam iha-ānīto hato vā, kaḥ sa.śastraḥ saṅgūhamāna udvigno vā yuṣmābhir dṛṣṭaḥ" iti | 21 |

KAZ04.7.22/ te yathā brūyus tathā-anuyuñjīta | 22 |

KAZ04.7.23ab/ anāthasya śarīra.stham upabhogaṁ paricchadam |
KAZ04.7.23cd/ vastraṁ veṣaṁ vibhūṣāṁ vā dṛṣṭvā tad.vyavahāriṇaḥ || 23 ||
KAZ04.7.24ab/ anuyuñjīta saṁyogaṁ nivāsaṁ vāsa.kāraṇam |
KAZ04.7.24cd/ karma ca vyavahāraṁ ca tato mārgaṇam ācaret || 24 ||
[Page 140 ]
KAZ04.7.25ab/ rajju.śastra.viṣair vā-api kāma.krodha.vaśena yaḥ |
KAZ04.7.25cd/ ghātayet svayam ātmānaṁ strī vā pāpena mohitā || 25 ||
KAZ04.7.26ab/ rajjunā rāja.mārge tāṁś caṇḍālena-apakarṣayet |
KAZ04.7.26cd/ na śmaśāna.vidhis teṣāṁ na sambandhi.kriyās tathā || 26 ||
KAZ04.7.27ab/ bandhus teṣāṁ tu yaḥ kuryāt preta.kārya.kriyā.vidhim |
KAZ04.7.27cd/ tad.gatiṁ sa caret paścāt sva.janād vā pramucyate || 27 ||
KAZ04.7.28ab/ saṁvatsareṇa patati patitena samācaran |
KAZ04.7.28cd/ yājana.adhyāpanād yaunāt taiś ca-anyo 'pi samācaran || 28 ||

4.8. Chapter 8 (Section 83): Investigation through Interrogation and through Torture

[Note: [ K tr. 317 :: K2 tr. 274]

KAZ04.8.01/ muṣita.sannidhau bāhyānām abhyantarāṇāṁ ca sākṣiṇām abhiśastasya deśa.jāti.gotra.nāma.karma.sāra.sahāya.nivāsān anuyuñjīta | 1 |

KAZ04.8.02/ tāṁś ca-apadeśaiḥ pratisamānayet | 2 |

KAZ04.8.03/ tataḥ pūrvasya-ahnaḥ pracāraṁ rātrau nivāsaṁ cā grahaṇād ity anuyuñjīta | 3 |

KAZ04.8.04/ tasya-apasāra.pratisandhāne śuddhaḥ syāt, anyathā karma.prāptaḥ | 4 |

KAZ04.8.05/ tri.rātrād ūrdhvam agrāhyaḥ śaṅkitakaḥ pṛcchā.abhāvād anyatra-upakaraṇa.darśanāt | 5 |

KAZ04.8.06/ acoraṁ cora ity abhivyāharataś cora.samo daṇḍaḥ, coraṁ pracchādayataś ca | 6 |

KAZ04.8.07/ coreṇa-abhiśasto vaira.dveṣābhyām apadiṣṭakaḥ śuddhaḥ syāt | 7 |

KAZ04.8.08/ śuddhaṁ parivāsayataḥ pūrvaḥ sāhasa.daṇḍaḥ | 8 |

KAZ04.8.09/ śaṅkā.niṣpannam upakaraṇa.mantri.sahāya.rūpa.vaiyāvṛtya.karān niṣpādayet | 9 |

KAZ04.8.10/ karmaṇaś ca pradeśa.dravya.ādāna.aṁśa.vibhāgaiḥ pratisamānayet | 10 |

KAZ04.8.11/ eteṣāṁ kāraṇānām anabhisandhāne vipralapantam acoraṁ vidyāt | 11 |

KAZ04.8.12/ dṛśyate hy acoro 'pi cora.mārge yadṛcchayā sannipāte cora.veṣa.śastra.bhāṇḍa.sāmānyena gṛhyamāṇaś cora.bhāṇḍasya-upavāsena vā, yathā-aṇi.māṇḍavyaḥ karma.kleśa.bhayād acoraḥ "coro 'smi" iti bruvāṇaḥ | 12 |

KAZ04.8.13/ tasmāt samāpta.karaṇaṁ niyamayet | 13 |

[Page 141 ]

KAZ04.8.14/ manda.aparādhaṁ bālaṁ vṛddhaṁ vyādhitaṁ mattam unmattaṁ kṣut.pipāsā.adhva.klāntam atyāśitam āmaka.aśitaṁ durbalaṁ vā na karma kārayet | 14 |

KAZ04.8.15/ tulya śīla.puṁścalī.prāpāvika.kathā.avakāśa.bhojana.dātṛbhir apasarpayet | 15 |

KAZ04.8.16/ evam atisandadhyāt, yathā vā nikṣepa.apahāre vyākhyātam | 16 |

KAZ04.8.17/ āpta.doṣaṁ karma kārayet, na tv eva striyaṁ garbhiṇīṁ sūtikāṁ vā māsa.avara.prajātām | 17 |

KAZ04.8.18/ striyās tv ardha.karma, vākya.anuyogo vā | 18 |

KAZ04.8.19/ brāhmaṇasya sattri.parigrahaḥ śrutavatas tapasvinaś ca | 19 |

KAZ04.8.20/ tasya-atikrama uttamo daṇḍaḥ kartuḥ kārayituś ca, karmaṇā vyāpādanena ca | 20 |

KAZ04.8.21/ vyāvahārikaṁ karma.catuṣkaṁ - ṣaḍ daṇḍāḥ, sapta kaśāḥ, dvāv upari.nibandhau, udaka.nālikā ca | 21 |

KAZ04.8.22/ paraṁ pāpa.karmaṇāṁ nava vetra.latāḥ, dvādaśa kaśāḥ, dvāv ūru.veṣṭau, viṁśatir nakta.māla.latāḥ, dvātriṁśat.talāḥ, dvau vṛścika.bandhau, ullambane ca dve, sūcī hastasya, yavāgū.pītasya eka.parva.dahanam aṅgulyāḥ, sneha.pītasya pratāpanam ekam ahaḥ, śiśira.rātrau balbaja.agra.śayyā ca | 22 |

KAZ04.8.23/ ity aṣṭādaśakaṁ karma | 23 |

KAZ04.8.24/ tasya.upakaraṇaṁ pramāṇaṁ praharaṇaṁ pradharaṇam avadhāraṇaṁ ca khara.paṭṭād āgamayet | 24 |

KAZ04.8.25/ divasa.antaram eka.ekaṁ ca karma kārayet | 25 |

KAZ04.8.26/ pūrva.kṛta.apadānaṁ pratijñāya-apaharantam eka.deśa.dṛṣṭa.dravyaṁ karmaṇā rūpeṇa vā gṛhītaṁ rāja.kośam avastṛṇantaṁ karma.vadhyaṁ vā rāja.vacanāt samastaṁ vyastam abhyastaṁ vā karma kārayet | 26 |

KAZ04.8.27/ sarva.aparādheṣv apīḍanīyo brāhmaṇaḥ | 27 |

KAZ04.8.28/ tasya-abhiśasta.aṅko lalāṭe syād vyavahāra.patanāya, steyo śvā, manuṣya.vadhe kabandhaḥ, guru.talpe bhagam, surā.pāne madya.dhvajaḥ | 28 |

KAZ04.8.29ab/ brāhmaṇaṁ pāpa.karmāṇam udghuṣya-aṅka.kṛta.vraṇam |
KAZ04.8.29cd/ kuryān nirviṣayaṁ rājā vāsayed ākareṣu vā || 29 ||

4.9. Chapter 9 (Section 84): Keeping a Watch over Departments

[Page 142 ] [Note: [ K tr. 321 :: K2 tr. 277]

KAZ04.9.01/ samāhartṛ.pradeṣṭāraḥ pūrvam adhyakṣāṇām adhyakṣa.puruṣāṇāṁ ca niyamanaṁ kuryuḥ | 1 |

KAZ04.9.02/ khani.sāra.karma.antebhyaḥ sāraṁ ratnaṁ vā-apaharataḥ śuddha.vadhaḥ | 2 |

KAZ04.9.03/ phalgu.dravya.karma.antebhyaḥ phalgu dravyam upaskaraṁ vā pūrvaḥ sāhasa.daṇḍaḥ | 3 |

KAZ04.9.04/ paṇya.bhūmibhyo vā rāja.paṇyaṁ māṣa.mūlyād ūrdhvam āpāda.mūlyād ity apaharato dvādaśa.paṇo daṇḍaḥ, ā.dvi.pāda.mūlyād iti catur.viṁśati.paṇaḥ, ā.tri.pāda.mūlyād iti ṣaṭ.triṁśat.paṇaḥ, ā.paṇa.mūlyād ity aṣṭa.catvāriṁśat.paṇaḥ, ā.dvi.paṇa.mūlyād iti pūrvaḥ sāhasa.daṇḍaḥ, ā.catuṣpaṇa.mūlyād iti madhyamaḥ, ā.aṣṭa.paṇa.mūlyād ity uttamaḥ, ā.daśa.paṇa.mūlyād iti vadhaḥ | 4 |

KAZ04.9.05/ koṣṭha.paṇya.kupya.āyudha.agārebhyaḥ kupya.bhāṇḍa.upaskara.apahāreṣv ardha.mūlyeṣu eta eva daṇḍāḥ | 5 |

KAZ04.9.06/ kośa.bhāṇḍa.agāra.akṣa.śālābhyaś catur.bhāga.mūlyeṣu eta eva dvi.guṇā daṇḍāḥ | 6 |

KAZ04.9.07/ corāṇām abhipradharṣaṇe citro ghātaḥ | 7 |

KAZ04.9.08/ iti rāja.parigraheṣu vyākhyātam | 8 |

KAZ04.9.09/ bāhyeṣu tu - pracchannam ahani kṣetra.khala.veśma.āpaṇebhyaḥ kupya.bhāṇḍam upaskaraṁ vā māṣa.mūlyād ūrdhvam ā.pāda.mūlyād ity apaharatas tri.paṇo daṇḍaḥ, gomaya.pradehena vā pralipya-avaghoṣaṇam-ā.dvi.pāda.mūlyād iti ṣaṭ.paṇaḥ, gomaya.bhasmanā vā pralipya-avaghoṣaṇam, ā.tri.pāda.mūlyād iti nava.paṇaḥ, gomaya.bhasmanā vā pralipya-avaghoṣaṇam, śarāva.mekhalayā vā-ā.paṇa.mūlyād iti dvādaśa.paṇaḥ, muṇḍanaṁ pravrājanaṁ vā-ā.dvi.paṇa.mūlyād iti catur.viṁśati.paṇaḥ, muṇḍasya-iṣṭakā.śakalena pravrājanaṁ vā- ā.catuṣ.paṇa.mūlyād iti ṣaṭ.triṁśat.paṇah-ā.pañca.paṇa.mūlyād ity aṣṭa.catvāriṁśat.paṇaḥ, ā.daśa.paṇa.mūlyād iti pūrvaḥ sāhasa.daṇḍah- ā.viṁśati.paṇa.mūlyād it dviśatah-ā.triṁśat.paṇa.mūlyād iti pañca.śatah-ā.catvāriṁśat.paṇa.mūlyād iti sāhasrah- ā.pañcāśat.paṇa.mūlyād iti vadhaḥ | 9 |

KAZ04.9.10/ prasahya divā rātrau vā-āntaryāmikam apaharato 'rdha.mūlyeṣu eta eva daṇḍāḥ | 10 |

KAZ04.9.11/ prasahya divā rātrau vā sa-śastrasya-apaharataś catur.bhāga.mūlyeṣu eta eva dvi.guṇā daṇḍāḥ | 11 |

KAZ04.9.12/ kuṭumbika.adhyakṣa.mukhya.svāmināṁ kūṭa.śāsana.mudrā.karmasu pūrva.madhya.uttama.vadhā daṇḍāḥ, yathā.aparādhaṁ vā | 12 |

[Page 143 ]

KAZ04.9.13/ dharmasthaś ced vivadamānaṁ puruṣaṁ tarjayati bhartsayaty apasārayaty abhigrasate vā pūrvam asmai sāhasa.daṇḍaṁ kuryāt, vāk.pāruṣye dvi.guṇam | 13 |

KAZ04.9.14/ pṛcchyaṁ na pṛcchati, apṛcchyaṁ pṛcchati, pṛṣṭvā vā visṛjati, śikṣayati, smārayati, pūrvaṁ dadāti vā, iti madhyamam asmai sāhasa.daṇḍaṁ kuryāt | 14 |

KAZ04.9.15/ deyaṁ deśaṁ na pṛcchati, adeyaṁ deśaṁ pṛcchati, kāryam adeśena-ativāhayati, chalena-atiharati, kāla.haraṇena śrāntam apavāhayati, mārga.āpannaṁ vākyam utkramayati, mati.sāhāyyaṁ sākṣibhyo dadāti, tārita.anuśiṣṭaṁ kāryaṁ punar api gṛhṇāti, uttamam asmai sāhasa.daṇḍaṁ kuryāt | 15 |

KAZ04.9.16/ punar.aparādhe dvi.guṇaṁ sthānād vyavaropaṇaṁ ca | 16 |

KAZ04.9.17/ lekhakaś ced uktaṁ na likhati, anuktaṁ likhati, duruktam upalikhati, sūktam ullikhati, artha.utpattiṁ vā vikalpayati, iti pūrvam asmai sāhasa.daṇḍaṁ kuryād, yathā.aparādhaṁ vā | 17 |

KAZ04.9.18/ dharmasthaḥ pradeṣṭā vā hairaṇya.daṇḍam adaṇḍye kṣipati kṣepa.dvi.guṇam asmai daṇḍaṁ kuryāt, hīna.atirikta.aṣṭa.guṇaṁ vā | 18 |

KAZ04.9.19/ śarīra.daṇḍaṁ kṣipati śārīram eva daṇḍaṁ bhajeta, niṣkraya.dvi.guṇaṁ vā | 19 |

KAZ04.9.20/ yaṁ vā bhūtam arthaṁ nāśayati abhūtam arthaṁ karoti tad.aṣṭa.guṇaṁ daṇḍaṁ dadyāt | 20 |

KAZ04.9.21/ dharmasthīye cārake bandhana.agāre vā śayyā.āsana.bhojana.uccāra.sañcāra.rodha.bandhaneṣu tri.paṇa.uttarā daṇḍāḥ kartuḥ kārayituś ca | 21 |

KAZ04.9.22/ cārakād abhiyuktaṁ muñcato niṣpātayato vā madhyamaḥ sāhasa.daṇḍaḥ, abhiyoga.dānaṁ ca, bandhana.agārāt sarva.svaṁ vadhaś ca | 22 |

KAZ04.9.23/ bandhana.agāra.adhyakṣasya saṁruddhakam anākhyāya cārayataś catur.viṁśati.paṇo daṇḍaḥ, karma kārayato dvi.guṇaḥ, sthāna.anyatvaṁ gamayato 'nna.pānaṁ vā rundhataḥ ṣaṇ.ṇavatir daṇḍaḥ, parikleśayata utkoṭayato vā madhyamaḥ sāhasa.daṇḍaḥ, ghnataḥ sāhasraḥ | 23 |

KAZ04.9.24/ parigṛhītāṁ dāsīm āhitikāṁ vā saṁruddhikām adhicarataḥ pūrvaḥ sāhasa.daṇḍaḥ, cora.ḍāmarika.bhāryāṁ madhyamaḥ, saṁruddhikām āryām uttamaḥ | 24 |

KAZ04.9.25/ saṁruddhasya vā tatra-eva ghātaḥ | 25 |

KAZ04.9.26/ tad eva-akṣaṇa.gṛhītāyām āryāyāṁ vidyāt, dāsyāṁ pūrvaḥ sāhasa.daṇḍaḥ | 26 |

KAZ04.9.27/ cārakam abhittvā niṣpātayato madhyamaḥ, bhittvā vadhaḥ, bandhana.agārāt sarva.svaṁ vadhaś ca | 27 |

KAZ04.9.28ab/ evam artha.carān pūrvaṁ rājā daṇḍena śodhayet |
KAZ04.9.28cd/ śodhayeyuś ca śuddhās te paura.jānapadān damaiḥ || 28 ||
[Page 144 ]

4.10. Chapter 10 (Section 85): Redemption from Corporal Punishment

[Note: [ K tr. 325 :: K2 tr. 281]

KAZ04.10.01/ tīrtha.ghāta.granthi.bheda.ūrdhva.karāṇāṁ prathame 'parādhe sandeśac.chedanaṁ catuṣ.pañcāśat.paṇo vā daṇḍaḥ, dvitīye chedanaṁ paṇasya śatyo vā daṇḍaḥ, tṛtīye dakṣiṇa.hasta.vadhaś catuḥ.śato vā daṇḍaḥ, caturthe yathā.kāmī vadhaḥ | 1 |

KAZ04.10.02/ pañca.viṁśati.paṇa.avareṣu kukkuṭa.nakula.mārjāra.śva.sūkara.steyeṣu hiṁsāyāṁ vā catuṣ.pañcāśat.paṇo daṇḍaḥ, nāsa.agrac.chedanaṁ vā- caṇḍāla.araṇya.carāṇām ardha.daṇḍāḥ | 2 |

KAZ04.10.03/ pāśa.jāla.kūṭa.avapāteṣu baddhānāṁ mṛga.paśu.pakṣi.vyāla.matsyānām ādāne tac ca tāvac ca daṇḍaḥ | 3 |

KAZ04.10.04/ mṛga.dravya.vanān mṛga.dravya.apahāre śātyo daṇḍaḥ | 4 |

KAZ04.10.05/ bimba.vihāra.mṛga.pakṣi.steye hiṁsāyāṁ vā dvi.guṇo daṇḍaḥ | 5 |

KAZ04.10.06/ kāru.śilpi.kuśīlava.tapasvināṁ kṣudraka.dravya.apahāre śatyo daṇḍaḥ, sthūlaka.dravya.apahāre dvi.śataḥ, kṛṣi.dravya.apahāre ca | 6 |

KAZ04.10.07/ durgam akṛta.praveśasya praviśataḥ prākārac.chidrād vā nikṣepaṁ gṛhītvā-apasarataḥ kāṇḍarā.vadho, dvi.śāto vā daṇḍaḥ | 7 |

KAZ04.10.08/ cakra.yuktaṁ nāvaṁ kṣudra.paśuṁ vā-apaharata eka.pāda.vadhaḥ, tri.śato vā daṇḍaḥ | 8 |

KAZ04.10.09/ kūṭa.kākaṇy.akṣa.arālā.śalākā.hasta.viṣama.kāriṇa eka.hasta.vadhaḥ, catuḥ.śato vā daṇḍaḥ | 9 |

KAZ04.10.10/ stena.pāradārikayoḥ sācivya.karmaṇi striyāḥ saṅgṛhītāyāś ca karṇa.nāsāc.chedanam, pañca.śato vā daṇḍaḥ, puṁṣo dvi.guṇaḥ | 10 |

KAZ04.10.11/ mahā.paśum ekaṁ dāsaṁ dāsīṁ vā-apaharataḥ preta.bhāṇḍaṁ vā vikrīṇānasya dvi.pāda.vadhaḥ, ṣaṭ.chato vā daṇḍaḥ | 11 |

KAZ04.10.12/ varṇa.uttamānāṁ gurūṇāṁ ca hasta.pāda.laṅghane rāja.yāna.vāhana.ādy.ārohaṇe ca-eka.hasta.pāda.vadhaḥ, sapta.śato vā daṇḍaḥ | 12 |

KAZ04.10.13/ śūdrasya brāhmaṇa.vādino deva.dravyam avastṛṇato rāja.dviṣṭam ādiśato dvi.netra.bhedinaś ca yoga.añjanena-andhatvam, aṣṭa.śato vā daṇḍaḥ | 13 |

[Page 145 ]

KAZ04.10.14/ coraṁ pāradārikaṁ vā mokṣayato rāja.śāsanam ūnam atiriktaṁ vā likhataḥ kanyāṁ dāsīṁ vā sa-hiraṇyam aparahataḥ kūṭa.vyavahāriṇo vimāṁsa.vikrayiṇaś ca vāma.hasta.dvi.pāda.vadho, nava.śato vā daṇḍaḥ | 14 |

KAZ04.10.15/ mānuṣa.māṁsa.vikraye vadhaḥ | 15 |

KAZ04.10.16/ deva.paśu.pratimā.manuṣya.kṣetra.gṛha.hiraṇya.suvarṇa.ratna.sasya.apahāriṇa uttamo daṇḍaḥ, śuddha.vadho vā | 16 |

KAZ04.10.17ab/ puruṣaṁ ca-aparādhaṁ ca kāraṇaṁ guru.lāghavam |
KAZ04.10.17cd/ anubandhaṁ tadātvaṁ ca deśa.kālau samīkṣya ca || 17 ||
KAZ04.10.18ab/ uttama.avara.madhyatvaṁ pradeṣṭā daṇḍa.karmaṇi |
KAZ04.10.18cd/ rājñaś ca prakṛtīnāṁ ca kalpayed antarā sthitaḥ || 18 ||

4.11. Chapter 11 (Section 86): Capital Punishment

[Note: [ K tr. 327 :: K2 tr. 283]

KAZ04.11.01/ kalahe ghnataḥ puruṣaṁ citro ghātaḥ | 1 |

KAZ04.11.02/ sapta.rātrasya-antar.mṛte śuddha.vadhaḥ, pakṣasya-antar uttamaḥ, māsasya-antaḥ pañca.śataḥ samutthāna.vyayaś ca | 2 |

KAZ04.11.03/ śastreṇa praharata uttamo daṇḍaḥ | 3 |

KAZ04.11.04/ madena hasta.vadhaḥ, mohena dvi.śataḥ | 4 |

KAZ04.11.05/ vadhe vadhaḥ | 5 |

KAZ04.11.06/ prahāreṇa garbhaṁ pātayata uttamo daṇḍaḥ, bhaiṣajyena madhyamaḥ, parikleśena pūrvaḥ sāhasa.daṇḍaḥ | 6 |

KAZ04.11.07/ prasabha.strī.puruṣa.ghātaka.abhisāraka.nigrāhaka.avaghoṣaka.- avaskandaka.upavedhakān pathi.veśma.pratirodhakān rāja.hasty.aśva.rathānāṁ hiṁsakān stenān vā śūlān ārohayeyuḥ | 7 |

KAZ04.11.08/ yaś ca-enān dahed apanayed vā sa tam eva daṇḍaṁ labheta, sāhasam uttamaṁ vā | 8 |

KAZ04.11.09/ hiṁsra.stenānāṁ bhakta.vāsa.upakaraṇa.agni.mantra.dāna.vaiyāvṛtya.karmasu-uttamo daṇḍaḥ, paribhāṣaṇam avijñāte | 9 |

KAZ04.11.10/ hiṁsra.stenānāṁ putra.dāram asamantraṁ visṛjet, samantram ādadīta | 10 |

KAZ04.11.11/ rājya.kāmukam antaḥpura.pradharṣakam aṭavy.amitra.utsāhakaṁ durga.rāṣṭra.daṇḍa.kopakaṁ vā śiro.hasta.pradīpikaṁ ghātayet | 11 |

KAZ04.11.12/ brāhmaṇaṁ tamaḥ praveśayet | 12 |

[Page 146 ]

KAZ04.11.13/ mātṛ.pitṛ.putra.bhrātr.ācārya.tapasvi.ghātakaṁ vā-a.tvak.śiraḥ.prādīpikaṁ ghātayet | 13 |

KAZ04.11.14/ teṣām ākrośe jihvāc.chedaḥ, aṅga.abhiradane tad.aṅgān mocyaḥ | 14 |

KAZ04.11.15/ yadṛcchā.ghāte puṁsaḥ paśu.yūtha.steye ca śuddha.vadhaḥ | 15 |

KAZ04.11.16/ daśa.avaraṁ ca yūthaṁ vidyāt | 16 |

KAZ04.11.17/ udaka.dhāraṇaṁ setuṁ bhindatas tatra-eva-apsu nimajjanam, anudakam uttamaḥ sāhasa.daṇḍaḥ, bhagna.utsṛṣṭakaṁ madhyamaḥ | 17 |

KAZ04.11.18/ viṣa.dāyakaṁ puruṣaṁ striyaṁ ca puruṣaghnīm apaḥ praveśayed agarbhiṇīm, garbhiṇīṁ māsa.avara.prajātām | 18 |

KAZ04.11.19/ pati.guru.prajā.ghātikām agni.viṣadāṁ sandhic.chedikāṁ vā gobhiḥ pāṭayet | 19 |

KAZ04.11.20/ vivīta.kṣetra.khala.veśma.dravya.hasti.vana.ādīpikam agninā dāhayet | 20 |

KAZ04.11.21/ rāja.ākrośaka.mantra.bhedakayor aniṣṭa.pravṛttikasya brāhmaṇa.mahānasa.avalehinaś ca jihvām utpāṭayet | 21 |

KAZ04.11.22/ praharaṇa.āvaraṇa.stenam anāyudhīyam iṣubhir ghātayet | 22 |

KAZ04.11.23/ āyudhīyasya-uttamaḥ | 23 |

KAZ04.11.24/ meḍhra.phala.upaghātinas tad evac-chedayet | 24 |

KAZ04.11.25/ jihvā.nāsa.upaghāte sandaṁśa.vadhaḥ | 25 |

KAZ04.11.26ab/ ete śāstreṣv anugatāḥ kleśa.daṇḍā mahātmanām |
KAZ04.11.26cd/ akliṣṭānāṁ tu pāpānāṁ dharmyaḥ śuddha.vadhaḥ smṛtaḥ || 26 ||

4.12. Chapter 12 (Section 87): Violation of Maidens

[Note: [ K tr. 330 :: K2 tr. 285]

KAZ04.12.01/ savarṇām aprāpta.phalāṁ prakurvato hasta.vadhaḥ, catuḥ.śato vā daṇḍaḥ | 1 |

KAZ04.12.02/ mṛtāyāṁ vadhaḥ | 2 |

KAZ04.12.03/ prāpta.phalāṁ prakurvato madhyamā.pradeśinī.vadho, dvi.śato vā daṇḍaḥ | 3 |

KAZ04.12.04/ pituś ca-avahīnaṁ dadyāt | 4 |

KAZ04.12.05/ na ca prākāmyam akāmāyāṁ labbheta | 5 |

KAZ04.12.06/ sakāmāyāṁ catuṣ.pañcāśat.paṇo daṇḍaḥ, striyās tv ardha.daṇḍaḥ | 6 |

KAZ04.12.07/ para.śulka.avaruddhāyāṁ hasta.vadhaḥ, catuḥ.śato vā daṇḍaḥ, śulka.dānaṁ ca | 7 |

[Page 147 ]

KAZ04.12.08/ sapta.ārtava.prajātāṁ varaṇād ūrdhvam alabhamānaḥ prakṛtya prākāmī syāt, na ca pitur avahīnaṁ dadyāt | 8 |

KAZ04.12.09/ ṛtu.pratirodhibhiḥ svāmyād apakrāmati | 9 |

KAZ04.12.10/ tri.varṣa.prajāta.ārtavāyās tulyo gantum adoṣaḥ, tataḥ param atulyo 'py analaṅkṛtāyāḥ | 10 |

KAZ04.12.11/ pitṛ.dravya.ādāne steyaṁ bhajeta | 11 |

KAZ04.12.12/ param uddiśya-anyasya vindato dvi.śato daṇḍaḥ | 12 |

KAZ04.12.13/ na ca prākāṁyam akāmāyāṁ labheta | 13 |

KAZ04.12.14/ kanyām anyāṁ darśayitvā-anyāṁ prayacchataḥ śatyo daṇḍas tulyāyām, hīnāyāṁ dvi.guṇaḥ | 14 |

KAZ04.12.15/ prakarmaṇy akumāryāś catuṣ.pañcāśat.paṇo daṇḍaḥ, śulka.vyaya.karmaṇī ca pratidadyāt | 15 |

KAZ04.12.16/ avasthāya taj.jātaṁ paścāt.kṛtā dvi.guṇaṁ dadyāt | 16 |

KAZ04.12.17/ anya.śoṇita.upadhāne dviśato daṇḍaḥ, mithyā.abhiśaṁsinaś ca puṁsaḥ | 17 |

KAZ04.12.18/ śulka.vyaya.karmaṇī ca jīyeta | 18 |

KAZ04.12.19/ na ca prākāṁyam akāmāyāṁ labheta | 19 |

KAZ04.12.20/ strī.prakṛtā sakāmā samānā dvādaśa.paṇaṁ daṇḍaṁ dadyāt, prakartrī dvi.guṇam | 20 |

KAZ04.12.21/ akāmāyāḥ śatyo daṇḍa ātma.rāga.artham, śulka.dānaṁ ca | 21 |

KAZ04.12.22/ svayaṁ prakṛtā rāja.dāsyaṁ gacchet | 22 |

KAZ04.12.23/ bahir.grāmasya prakṛtāyāṁ mithyā.abhiśaṁsane ca dvi.guṇo daṇḍaḥ | 23 |

KAZ04.12.24/ prasahya kanyām apaharato dvi.śataḥ, sa-suvarṇām uttamaḥ | 24 |

KAZ04.12.25/ bahūnāṁ kanyā.apahāriṇāṁ pṛthag yathā.uktā daṇḍāḥ | 25 |

KAZ04.12.26/ gaṇikā.duhitaraṁ prakurvataś catuṣ.pañcāśat.paṇo daṇḍaḥ, śulkaṁ mātur bhogaḥ ṣoḍaśa.guṇaḥ | 26 |

04.12.27/ dāsasya dāsyā vā duhitaram adāsīṁ prakurvataś catur.viṁśati.paṇo daṇḍaḥ śulka.ābandhya.dānaṁ ca | 27 |

KAZ04.12.28/ niṣkraya.anurūpāṁ dāsīṁ prakurvato dvādaśa.paṇo daṇḍo vastra.ābandhya.dānaṁ ca | 28 |

KAZ04.12.29/ sācivya.avakāśa.dāne kartṛ.samo daṇḍaḥ | 29 |

KAZ04.12.30/ proṣita.patikām apacarantīṁ pati.bandhus tat.puruṣo vā saṅgṛhṇīyāt | 30 |

KAZ04.12.31/ saṅgṛhītā patim ākāṅkṣeta | 31 |

KAZ04.12.32/ patiś cet kṣameta visṛjyeta-ubhayam | 32 |

KAZ04.12.33/ akṣamāyāṁ striyāḥ karṇa.nāsa.ācchedanam, vadhaṁ jāraś ca prāpnuyāt | 33 |

KAZ04.12.34/ jāraṁ cora ity abhiharataḥ pañca.śato daṇḍaḥ, hiraṇyena muñcatas tad.aṣṭa.guṇaḥ | 34 |

KAZ04.12.35/ keśākeśikaṁ saṅgrahaṇam, upaliṅganād vā śarīra.upabhogānām, taj.jātebhyaḥ (taj.jñātebhyaḥ? cf. N12.60), strī.vacanād vā | 35 |

[Page 148 ]

KAZ04.12.36/ para.cakra.aṭavī.hṛtām ogha.pravyūḍhām araṇyeṣu durbhikṣe vā tyaktāṁ preta.bhāva.utsṛṣṭāṁ vā para.striyaṁ nistārayitvā yathā.sambhāṣitaṁ samupabhuñjīta | 36 |

KAZ04.12.37/ jāti.viśiṣṭām akāmām apatyavatīṁ niṣkrayeṇa dadyāt | 37 |

KAZ04.12.38ab/ cora.hastān nadī.vegād durbhikṣād deśa.vibhramāt |
KAZ04.12.38cd/ nistārayitvā kāntārān naṣṭāṁ tyaktāṁ mṛtā-iti vā || 38 ||
KAZ04.12.39ab/ bhuñjīta striyam anyeṣāṁ yathā.sambhāṣitaṁ naraḥ |
KAZ04.12.39cd/ na tu rāja.pratāpena pramuktāṁ svajanena vā || 39 ||
KAZ04.12.40ab/ na ca-uttamāṁ na ca-akāmāṁ pūrva.apatyavatīṁ na ca |
KAZ04.12.40cd/ īdṛśīṁ tv anurūpeṇa niṣkrayeṇa-apavāhayet || 40 ||

4.13. Chapter 13 (Section 88): Punishment for Transgressions

[Note: [ K tr. 333 :: K2 tr. 288]

KAZ04.13.01/ brāhmaṇam apeyam abhakṣyaṁ vā grāsayata uttamo daṇḍaḥ, kṣatriyaṁ madhyamaḥ, vaiśyaṁ pūrvaḥ sāhasa.daṇḍaḥ, śūdraṁ catuṣ.pañcāśat.paṇo daṇḍaḥ | 1 |

KAZ04.13.02/ svayaṁ grasitāro nirviṣayāḥ kāryāḥ | 2 |

KAZ04.13.03/ para.gṛha.abhigamane divā pūrvaḥ sāhasa.daṇḍaḥ, rātrau madhyamaḥ | 3 |

KAZ04.13.04/ divā rātrau vā saśastrasya praviśata uttamo daṇḍaḥ | 4 |

KAZ04.13.05/ bhikṣuka.vaidehakau matta.unmattau balād āpadi ca-atisannikṛṣṭāḥ pravṛtta.praveśāś ca-adaṇḍyāḥ, anyatra pratiṣedhāt | 5 |

KAZ04.13.06/ sva.veśmano virātrād ūrdhvaṁ parivāram ārohataḥ pūrvaḥ sāhasa.daṇḍaḥ, para.veśmano madhyamaḥ, grāma.ārāma.vāṭa.bhedinaś ca | 6 |

KAZ04.13.07/ grāmeṣv antaḥ sārthikā jñāta.sārā vaseyuḥ | 7 |

KAZ04.13.08/ muṣitaṁ pravāsitaṁ ca-eṣām anirgataṁ rātrau grāma.svāmī dadyāt | 8 |

KAZ04.13.09/ grāma.antareṣu vā muṣitaṁ pravāsitaṁ vivīta.adhyakṣo dadyāt | 9 |

KAZ04.13.10/ avivītānāṁ cora.rajjukaḥ | 10 |

KAZ04.13.11/ tathā-apy aguptānāṁ sīma.avarodhena vicayaṁ dadyuḥ | 11 |

KAZ04.13.12/ asīma.avarodhe pañca.grāmī daśa.grāmī vā | 12 |

KAZ04.13.13/ durbalaṁ veśma śakaṭam anuttabdham ūrdha.stambhaṁ śastram anapāśrayam apraticchannaṁ śvabhraṁ kūpaṁ kūṭa.avapātaṁ vā kṛtvā hiṁsāyāṁ daṇḍa.pāruṣyaṁ vidyāt | 13 |

[Page 149 ]

KAZ04.13.14/ vṛkṣac.chedane daṁya.raśmi.haraṇe catuṣpadānām adānta.sevane vāhane vā kāṣṭha.loṣṭa.pāṣāṇa.daṇḍa.bāṇa.bāhu.vikṣepaṇeṣu yāne hastinā ca smaghaṭṭane "apehi" iti prakośann adaṇḍyaḥ | 14 |

KAZ04.13.15/ hastinā roṣitena hato droṇa.annaṁ madya.kumbhaṁ mālya.anulepanaṁ danta.pramārjanaṁ ca paṭaṁ dadyāt | 15 |

KAZ04.13.16/ aśva.medha.avabhṛtha.snānena tulyo hastinā vadha iti pāda.prakṣālanam | 16 |

KAZ04.13.17/ udāsīna.vadhe yātur uttamo daṇḍaḥ | 17 |

KAZ04.13.18/ śṛṅgiṇā daṁṣṭriṇā vā hiṁsyamānam amokṣayataḥ svāminaḥ pūrvaḥ sāhasa.daṇḍaḥ, pratikruṣṭasya dvi.guṇaḥ | 18 |

KAZ04.13.19/ śṛṅgi.daṁṣṭribhyām anyonyaṁ ghātayatas tac ca tāvac ca daṇḍaḥ | 19 |

KAZ04.13.20/ deva.paśum ṛṣabham ukṣāṇaṁ go.kumārīṁ vā vāhayataḥ pañca.śato daṇḍaḥ, pravāsayata uttamaḥ | 20 |

KAZ04.13.21/ loma.doha.vāhana.prajanana.upakāriṇāṁ kṣudra.paśūnām adāne tac ca tāvac ca daṇḍaḥ, pravāsane ca, anyatra deva.pitṛ.kāryebhyaḥ | 21 |

KAZ04.13.22/ chinna.nasyaṁ bhagna.yugaṁ tiryak.pratimukha.āgataṁ pratyāsarad vā cakra.yuktaṁ yātā paśu.manuṣya.sambādhe vā hiṁsāyām adaṇḍyaḥ | 22 |

KAZ04.13.23/ anyathā yathā.uktaṁ mānuṣa.prāṇi.hiṁsāyāṁ daṇḍam abhyāvahet | 23 |

KAZ04.13.24/ amānuṣa.prāṇi.vadhe prāṇi.dānaṁ ca | 24 |

KAZ04.13.25/ bāle yātari yānasthaḥ svāmī daṇḍyaḥ, asvāmini yānasthaḥ, prāpta.vyavahāro vā yātā | 25 |

KAZ04.13.26/ bāla.adhiṣṭhitam apuruṣaṁ vā yānaṁ rājā haret | 26 |

KAZ04.13.27/ kṛtya.abhicārābhyāṁ yat.param āpādayet tad.āpādayitavyaḥ | 27 |

KAZ04.13.28/ kāmaṁ bhāryāyām anicchantyāṁ kanyāyāṁ vā dāra.arthino bhartari bhāryāyā vā saṁvadana.karaṇam | 28 |

KAZ04.13.29/ anyathā.hiṁsāyāṁ madhyamaḥ sāhasa.daṇḍaḥ | 29 |

KAZ04.13.30/ mātā.pitror bhaginīṁ mātulānīm ācāryāṇīṁ snuṣāṁ duhitaraṁ bhaginīṁ vā-adhicaratas tri.liṅgac.chedanaṁ vadhaś ca | 30 |

KAZ04.13.31/ sakāmā tad eva labheta, dāsa.paricāraka.āhitaka.bhuktā ca | 31 |

KAZ04.13.32/ brāhmaṇyām aguptāyāṁ kṣatriyasya-uttamaḥ, sarva.svaṁ vaiśyasya, śūdraḥ kaṭa.agninā dahyeta | 32 |

KAZ04.13.33/ sarvatra rāja.bhāryā.gamane kumbhī.pākaḥ | 33 |

KAZ04.13.34/ śva.pākī.gamane kṛta.kabandha.aṅkaḥ para.viṣayaṁ gacchet, śva.pākatvaṁ vā śūdraḥ | 34 |

KAZ04.13.35/ śva.pākasya-āryā.gamane vadhaḥ, striyāḥ karṇa.nāsa.ācchedanam | 35 |

KAZ04.13.36/ pravrajitā.gamane catur.viṁśati.paṇo daṇḍaḥ | 36 |

KAZ04.13.37/ sakāmā tad eva labheta | 37 |

KAZ04.13.38/ rūpa.ājīvāyāḥ prasahya.upabhoge dvādaśa.paṇo daṇḍaḥ | 38 |

KAZ04.13.39/ bahūnām ekām adhicaratāṁ pṛthak catur.viṁśati.paṇo daṇḍaḥ | 39 |

[Page 150 ]

KAZ04.13.40/ striyam ayonau gacchataḥ pūrvaḥ sāhasa.daṇḍaḥ, puruṣam adhimehataś ca | 40 |

KAZ04.13.41ab/ maithune dvādaśa.paṇas tiryag.yoniṣv anātmanaḥ |
KAZ04.13.41cd/ daivata.pratimānāṁ ca gamane dvi.guṇaḥ smṛtaḥ || 41 ||
KAZ04.13.42ab/ adaṇḍya.daṇḍane rājño daṇḍas triṁśad.guṇo 'mbhasi |
KAZ04.13.42cd/ varuṇāya pradātavyo brāhmaṇebhyas tataḥ param || 42 ||
KAZ04.13.43ab/ tena tat pūyate pāpaṁ rājño daṇḍa.apacārajam |
KAZ04.13.43cd/ śāstā hi varuṇo rājñāṁ mithyā vyācaratāṁ nṛṣu || 43 ||

5. Book 5: Secret Conduct

[Page 151 ] [Note: [ K tr. 338--363 :: K2 tr. 292--313]

5.1. Chapter 1 (Section 89): Infliction of Secret Punishment

[Note: [ K tr. 338 :: K2 tr. 292]

KAZ05.1.01/ durga.rāṣṭrayoḥ kaṇṭaka.śodhanam uktam | 1 |

KAZ05.1.02/ rāja.rājyayor vakṣyāmaḥ | 2 |

KAZ05.1.03/ rājānam avagṛhya-upajīvinaḥ śatru.sādhāraṇā vā ye mukhyās teṣu gūḍha.puruṣa.praṇidhiḥ kṛtya.pakṣa.upagraho vā siddhiḥ yathā.uktaṁ purastād, upajāpo 'pasarpo vā yathā pāragrāmike vakṣyāmaḥ | 3 |

KAZ05.1.04/ rājya.upaghātinas tu vallabhāḥ saṁhatā vā ye mukhyāḥ prakāśam aśakyāḥ pratiṣeddhuṁ dūṣyāḥ teṣu dharma.rucir upāṁśu.daṇḍaṁ prayuñjīta | 4 |

KAZ05.1.05/ dūṣya.mahā.mātra.bhrātaram asat.kṛtaṁ sattrī protsāhya rājānaṁ darśayet | 5 |

KAZ05.1.06/ taṁ rājā dūṣya.dravya.upabhoga.atisargeṇa dūṣye vikramayet | 6 |

KAZ05.1.07/ śastreṇa rasena vā vikrāntaṁ tatra-eva ghātayed "bhrātṛ.ghātako 'yam" iti | 7 |

KAZ05.1.08/ tena pāraśavaḥ paricārikā.putraś ca vyākhyātau | 8 |

KAZ05.1.09/ dūṣyaṁ.mahāmātraṁ vā sattri.protsāhito bhrātā dāyaṁ yāceta | 9 |

KAZ05.1.10/ taṁ dūṣya.gṛha.pratidvāri rātrāv upaśayānam anyatra vā vasantaṁ tīkṣṇo hantā brūyād "hato 'yaṁ dāya.kāmukaḥ" iti | 10 |

KAZ05.1.11/ tato hata.pakṣam upagṛhya-itaraṁ nigṛhṇīyāt | 11 |

KAZ05.1.12/ dūṣya.samīpasthā vā sattriṇo bhrātaraṁ dāyaṁ yācamānaṁ ghātena paribhartsayeyuḥ | 12 |

KAZ05.1.13/ taṁ rātrau iti samānam | 13 |

KAZ05.1.14/ dūṣya.mahā.mātrayor vā yaḥ putraḥ pituḥ pitā vā putrasya dārān adhicarati, bhrātā vā bhrātuḥ, tayoḥ kāpaṭika.mukhaḥ kalahaḥ pūrveṇa vyākhyātaḥ | 14 |

KAZ05.1.15/ dūṣya.mahā.mātra.putram ātma.sambhāvitaṁ vā sattrī "rāja.putras tvam, śatru.bhayād iha nyasto 'si" ity upajapet | 15 |

KAZ05.1.16/ pratipannaṁ rājā rahasi pūjayet "prāpta.yauvarājya.kālaṁ tvāṁ mahā.mātra.bhayān na-abhiṣiñcāmi" iti | 16 |

KAZ05.1.17/ taṁ sattrī mahā.mātra.vadhe yojayet | 17 |

KAZ05.1.18/ vikrāntaṁ tatra-eva ghātayet "pitṛ.ghātako 'yam" iti | 18 |

KAZ05.1.19/ bhikṣukī vā dūṣya.bhāryāṁ sāṁvadanikībhir auṣadhībhiḥ saṁvāsya rasena-atisandadhyāt | 19 |

[Page 152 ]

KAZ05.1.20/ ity āpya.prayogaḥ | 20 |

KAZ05.1.21/ dūṣya.mahā.mātram aṭavīṁ para.grāmaṁ vā hantuṁ kāntāra.vyavahite vā deśe rāṣṭra.pālam anta.pālaṁ vā sthāpayituṁ nāgara.sthānaṁ vā kupitam avagrāhituṁ sārtha.ativāhyaṁ pratyante vā sa-pratyādeyam ādātuṁ phalgu.balaṁ tīkṣṇa.yuktaṁ preṣayet | 21 |

KAZ05.1.22/ rātrau divā vā yuddhe pravṛtte tīkṣṇāḥ pratirodhaka.vyañjanā vā hanyuḥ "abhiyoge hataḥ" iti | 22 |

KAZ05.1.23/ yātrā.vihāra.gato vā dūṣya.mahā.mātrān darśanāya-āhvayet | 23 |

KAZ05.1.24/ te gūḍha.śastrais tīkṣṇaiḥ saha praviṣṭā madhyama.kakṣyāyām ātma.vicayam antaḥ.praveśana.arthaṁ dadyuḥ | 24 |

KAZ05.1.25/ tato dauvārika.abhigṛhītās tīkṣṇāḥ "dūṣya.prayuktāḥ sma" iti brūyuḥ | 25 |

KAZ05.1.26/ te tad.abhivikhyāpya dūṣyān hanyuḥ | 26 |

KAZ05.1.27/ tīkṣṇa.sthāne ca-anye vadhyāḥ | 27 |

KAZ05.1.28/ bahir.vihāra.gato vā dūṣyān āsanna.āvāsān pūjayet | 28 |

KAZ05.1.29/ teṣāṁ devī.vyañjanā vā duḥstrī rātrāv āvāseṣu gṛhyeta-iti samānaṁ pūrveṇa | 29 |

KAZ05.1.30/ dūṣya.mahā.mātraṁ vā "sūdo bhakṣa.kāro vā te śobhanaḥ" iti stavena bhakṣya.bhojyaṁ yāceta, bahir vā kvacid adhva.gataḥ pānīyam | 30 |

KAZ05.1.31/ tad.ubhayaṁ rasena yojayitvā pratisvādane tāv eva-upayojayet | 31 |

KAZ05.1.32/ tad.abhivikhyāpya "rasadau" iti ghātayet | 32 |

KAZ05.1.33/ abhicāra.śīlaṁ vā siddha.vyañjano "godhā.kūrma.karkaṭaka.kūṭānāṁ lakṣaṇyānām anyatama.prāśanena manorathān avāpsyasi" iti grāhayet | 33 |

KAZ05.1.34/ pratipannaṁ karmaṇi rasena loha.musalair vā ghātayet "karma.vyāpadā hataḥ" iti | 34 |

KAZ05.1.35/ cikitsaka.vyañjano vā daurātmikam asādhyaṁ vā vyādhiṁ dūṣyasya sthāpayitvā bhaiṣajya.āhāra.yogeṣu rasena-atisandadhyāt | 35 |

KAZ05.1.36/ sūda.ārālika.vyañjanā vā praṇihitā dūṣyaṁ rasena-atisandadhyuḥ | 36 |

KAZ05.1.37/ ity upaniṣat.pratiṣedhaḥ | 37 |

KAZ05.1.38/ ubhaya.dūṣya.pratiṣedhas tu | 38 |

KAZ05.1.39/ yatra dūṣyaḥ pratiṣeddhavyas tatra dūṣyam eva phalgu.bala.tīkṣṇa.yuktaṁ preṣayet, gaccha, amuṣmin durge rāṣṭre vā sainyam utthāpaya hiraṇyaṁ vā, vallabhād vā hiraṇyam āhāraya, vallabha.kanyāṁ vā prasahya-ānaya, durga.setu.vaṇik.patha.śūnya.niveśa.khani.dravya.hasti.vana.karmaṇām anyatamad vā kāraya rāṣṭra.pālyam anta.pālyaṁ vā-yaś ca tvā pratiṣedhayen na vā te sāhāyyaṁ dadyāt sa bandhavyaḥ syāt" iti | 39 |

KAZ05.1.40/ tathaiva-itareṣāṁ preṣayed "amuṣya-avinayaḥ pratiṣeddhavyaḥ" iti | 40 |

KAZ05.1.41/ tam eteṣu kalaha.sthāneṣu karma.pratighāteṣu vā vivadamānaṁ tīkṣṇāḥ śastraṁ pātayitvā pracchannaṁ hanyuḥ | 41 |

KAZ05.1.42/ tena doṣeṇa-itare niyantavyāḥ | 42 |

[Page 153 ]

KAZ05.1.43/ purāṇāṁ grāmāṇāṁ kulānāṁ vā dūṣyāṇāṁ sīmā.kṣetra.khala.veśma.maryādāsu dravya.upakaraṇa.sasya.vāhana.hiṁsāsu prekṣā.kṛtya-utsaveṣu vā samutpanne kalahe tīkṣṇair utpādite vā tīkṣṇāḥ śastraṁ pātayitvā brūyuḥ "evaṁ kriyante ye 'munā kalahāyante: iti | 43 |

KAZ05.1.44/ tena doṣeṇa-itare niyantavyāḥ | 44 |

KAZ05.1.45/ yeṣāṁ vā dūṣyāṇāṁ jāta.mūlāḥ kalahās teṣāṁ kṣetra.khala.veśmāny ādīpayitvā bandhu.sambandhiṣu vāhaneṣu vā tīkṣṇāḥ śastraṁ pātayitvā tathaiva brūyuḥ "amunā prayuktāḥ smaḥ" iti | 45 |

KAZ04.4.46/ tena doṣeṇa-itare niyantavyāḥ | 46 |

KAZ05.1.47/ durga.rāṣṭra.dūṣyān vā sattriṇaḥ parasparasya-āveśanikān kārayeyuḥ | 47 |

KAZ05.1.48/ tatra rasadā rasaṁ dadyuḥ | 48 |

KAZ05.1.49/ tena doṣeṇa-itare niyantavyāḥ | 49 |

KAZ05.1.50/ bhikṣukī vā dūṣya.rāṣṭra.mukhyaṁ "dūṣya.rāṣṭra.mukhyasya bhāryā snuṣā duhitā vā kāmayate" ity upajapet | 50 |

KAZ05.1.51/ pratipannasya-ābharaṇam ādāya svāmine darśayet "asau te mukhyo yauvana.utsikto bhāryāṁ snuṣāṁ duhitaraṁ vā-abhimanyate" iti | 51 |

KAZ05.1.52/ tayoḥ kalaho rātrau iti samānam | 52 |

KAZ05.1.53/ dūṣya.daṇḍa.upanateṣu tu - yuva.rājaḥ senā.patir vā kiñcid apakṛtya-apakrānto vikrameta | 53 |

KAZ05.1.54/ tato rājā dūṣya.daṇḍa.upanatān eva preṣayet phalgu.bala.tīkṣṇa.yuktān iti samānāḥ sarva eva yogāḥ | 54 |

KAZ05.1.55/ teṣāṁ ca putreṣv anukṣiyatsu yo nirvikāraḥ sa pitṛ.dāyaṁ labheta | 55 |

KAZ05.1.56/ evam asya putra.pautrān anuvartate rājyam apāsta.puruṣa.doṣam | 56 |

KAZ05.1.57ab/ sva.pakṣe para.pakṣe vā tūṣṇīṁ daṇḍaṁ prayojayet |
KAZ05.1.57cd/ āyatyāṁ ca tadātve ca kṣamāvān aviśaṅkitaḥ || 57 ||

5.2. Chapter 2 (Section 90): Replenishment of the Treasury

[Note: [ K tr. 343 :: K2 tr. 296]

KAZ05.2.01/ kośam akośaḥ pratyutpanna.artha.kṛcchraḥ saṅgṛhṇīyāt | 1 |

[Page 154 ]

KAZ05.2.02/ jana.padaṁ mahāntam alpa.pramāṇaṁ vā-adeva.mātṛkaṁ prabhūta.dhānyaṁ dhānyasya-aṁśaṁ tṛtīyaṁ caturthaṁ vā yāceta, yathā.sāraṁ madhyam avaraṁ vā | 2 |

KAZ05.2.03/ durga.setu.karma.vaṇik.patha.śūnya.niveśa.khani.dravya.hasti.vana.karma.- upakāriṇaṁ pratyantam alpa.pramāṇaṁ vā na yāceta | 3 |

KAZ05.2.04/ dhānya.paśu.hiraṇya.ādi niviśamānāya dadyāt | 4 |

KAZ05.2.05/ caturtham aṁśaṁ dhānyānāṁ bīja.bhakta.śuddhaṁ ca hiraṇyena krīṇīyāt | 5 |

KAZ05.2.06/ araṇya.jātaṁ śrotriya.svaṁ ca pariharet | 6 |

KAZ05.2.07/ tad apy anugraheṇa krīṇīyāt | 7 |

KAZ05.2.08/ tasya-akaraṇe vā samāhartṛ.puruṣā grīṣme karṣakāṇām udvāpaṁ kārayeyuḥ | 8 |

KAZ05.2.09/ pramāda.avaskannasya-atyayaṁ dvi.guṇam udāharanto bīja.kāle bīja.lekhyaṁ kuryuḥ | 9 |

KAZ05.2.10/ niṣpanne harita.pakva.ādānaṁ vārayeyuḥ, anyatra śāka.kaṭa.bhaṅga.muṣṭibhyāṁ deva.pitṛ.pūjā.dāna.arthaṁ gava.arthaṁ vā | 10 |

KAZ05.2.11/ bhikṣuka.grāma.bhṛtaka.arthaṁ ca rāśi.mūlaṁ parihareyuḥ | 11 |

KAZ05.2.12/ sva.sasya.apahāriṇaḥ pratipāto 'ṣṭa.guṇaḥ | 12 |

KAZ05.2.13/ para.sasya.apahāriṇaḥ pañcāśad.guṇaḥ sītā.atyayaḥ, sva.vargasya, bāhyasya tu vadhaḥ | 13 |

KAZ05.2.14/ caturtham aṁśaṁ dhānyānāṁ ṣaṣṭhaṁ vanyānāṁ tūla.lākṣā.kṣauma.valka.kārpāsa.rauma.kauśeya.kauṣadha.gandha.- puṣpa.phala.śāka.paṇyānāṁ kāṣṭha.veṇu.māṁsa.vallūrāṇāṁ ca gṛhṇīyuḥ, danta.ajinasya-ardham | 14 |

KAZ05.2.15/ tad anisṛṣṭaṁ vikrīṇānasya pūrvaḥ sāhasa.daṇḍaḥ | 15 |

KAZ05.2.16/ iti karṣakeṣu praṇayaḥ | 16 |

KAZ05.2.17/ suvarṇa.rajata.vajra.maṇi.muktā.pravāla.aśva.hasti.paṇyāḥ pañcāśat.karāḥ | 17 |

KAZ05.2.18/ sūtra.vastra.tāmra.vṛtta.kaṁsa.gandha.bhaiṣajya.śīdhu.paṇyāś catvāriṁśat.karāḥ | 18 |

KAZ05.2.19/ dhānya.rasa.loha.paṇyāḥ śakaṭa.vyavahāriṇaś ca triṁśat.karāḥ | 19 |

KAZ05.2.20/ kāca.vyavahāriṇo mahā.kāravaś ca viṁśati.karāḥ | 20 |

KAZ05.2.21/ kṣudra.kāravo bandhakī.poṣakāś ca daśa.karāḥ | 21 |

KAZ05.2.22/ kāṣṭha.veṇu.pāṣāṇa.mṛd.bhāṇḍa.pakva.anna.harita.paṇyāḥ pañca.karāḥ | 22 |

KAZ05.2.23/ kuśīlavā rūpa.ājīvāś ca vetana.ardhaṁ dadyuḥ | 23 |

KAZ05.2.24/ hiraṇya.karaṁ karmaṇyān āhārayeyuḥ, na ca-eṣāṁ kañcid aparādhaṁ parihareyuḥ | 24 |

KAZ05.2.25/ te hy aparigṛhītam abhinīya vikrīṇīran | 25 |

KAZ05.2.26/ iti vyavahāriṣu praṇayaḥ | 26 |

KAZ05.2.27/ kukkuṭa.sūkaram ardhaṁ dadyāt, kṣudra.paśavaḥ ṣaḍ.bhāgam, go.mahiṣa.aśvatara.khara.uṣṭrāś ca daśa.bhāgam | 27 |

KAZ05.2.28/ bandhakī.poṣakā rāja.preṣyābhiḥ parama.rūpa.yauvanābhiḥ kośaṁ saṁhareyuḥ | 28 |

[Page 155 ]

KAZ05.2.29/ iti yoni.poṣakeṣu praṇayaḥ | 29 |

KAZ05.2.30/ sakṛd eva na dviḥ prayojyaḥ | 30 |

KAZ05.2.31/ tasya-akaraṇe vā samāhartā kāryam apadiśya paura.jānapadān bhikṣeta | 31 |

KAZ05.2.32/ yoga.puruṣāś ca-atra pūrvam atimātraṁ dadyuḥ | 32 |

KAZ05.2.33/ etena pradeśena rājā paura.jānapadān bhikṣeta | 33 |

KAZ05.2.34/ kāpaṭikāś ca-enān alpaṁ prayacchataḥ kutsayeyuḥ | 34 |

KAZ05.2.35/ sārato vā hiraṇyam āḍhyān yāceta, yathā.upakāraṁ vā, sva.vaśā vā yad upahareyuḥ | 35 |

KAZ05.2.36/ sthānac.chatra.veṣṭana.vibhūṣāś ca-eṣāṁ hiraṇyena prayacchet | 36 |

KAZ05.2.37/ pāṣaṇḍa.saṅgha.dravyam aśrotriya.upabhogyaṁ deva.dravyaṁ vā kṛtya.karāḥ pretasya dagdha.gṛhasya vā haste nyastam ity upahareyuḥ | 37 |

KAZ05.2.38/ devatā.adhyakṣo durga.rāṣṭra.devatānāṁ yathā.svam ekasthaṁ kośaṁ kuryāt, tathaiva ca-upaharet | 38 |

KAZ05.2.39/ daivata.caityaṁ siddha.puṇya.sthānam aupapādikaṁ vā rātrāv utthāpya yātrā.samājābhyām ājīvet | 39 |

KAZ05.2.40/ caitya.upavana.vṛkṣeṇa vā devatā.abhigamanam anārtava.puṣpa.phala.yuktena khyāpayet | 40 |

KAZ05.2.41/ manuṣya.karaṁ vā vṛkṣe rakṣo.bhayaṁ prarūpayitvā siddha.vyañjanāḥ paura.jānapadānāṁ hiraṇyena pratikuryuḥ | 41 |

KAZ05.2.42/ suruṅgā.yukte vā kūpe nāgam aniyata.śiraskaṁ hiraṇya.upahāreṇa darśayet | 42 |

KAZ05.2.43/ nāga.pratimāyām antaś.channāyāṁ caityac.chidre valmīkac.chidre vā sarpa.darśanam āhāreṇa pratibaddha.sañjñaṁ kṛtvā śraddadhānānāṁ darśayet | 43 |

KAZ05.2.44/ aśraddadhānānām ācamana.prokṣaṇeṣu rasam upacārya devatā.abhiśāpaṁ brūyāt, abhityaktaṁ vā daṁśayitvā | 44 |

KAZ05.2.45/ yoga.darśana.pratīkāreṇa vā kośa.abhisaṁharaṇaṁ kuryāt | 45 |

KAZ05.2.46/ vaidehaka.vyañjano vā prabhūta.paṇya.antevāsī vyavahareta | 46 |

KAZ05.2.47/ sa yadā paṇya.mūlye nikṣepa.prayogair upacitaḥ syāt tadā-enaṁ rātrau moṣayet | 47 |

KAZ05.2.48/ etena rūpa.darśakaḥ suvarṇa.kāraś ca vyākhyātau | 48 |

KAZ05.2.49/ vaidehaka.vyañjano vā prakhyāta.vyavahāraḥ prahavaṇa.nimittaṁ yācitakam avakrītakaṁ vā rūpya.suvarṇa.bhāṇḍam anekaṁ gṛhṇīyāt | 49 |

KAZ05.2.50/ samāje vā sarva.paṇya.sandohena prabhūtaṁ hiraṇya.suvarṇam ṛṇaṁ gṛhṇīyāt, pratibhāṇḍa.mūlyaṁ ca | 50 |

KAZ05.2.51/ tad ubhayaṁ rātrau moṣayet | 51 |

KAZ05.2.52/ sādhvī.vyañjanābhiḥ strībhir dūṣyān unmādayitvā tāsām eva veśmasv abhigṛhya sarva.svāny āhareyuḥ | 52 |

KAZ05.2.53/ dūṣya.kulyānāṁ vā vivāde pratyutpanne rasadāḥ praṇihitā rasaṁ dadyuḥ | 53 |

KAZ05.2.54/ tena doṣeṇa-itare paryādātavyāḥ | 54 |

[Page 156 ]

KAZ05.2.55/ dūṣyam abhityakto vā śraddheya.apadeśaṁ paṇyaṁ hiraṇya.nikṣepam ṛṇa.prayogaṁ dāyaṁ vā yāceta | 55 |

KAZ05.2.56/ dāsa.śabdena vā dūṣyam ālambeta, bhāryām asya snuṣāṁ duhitaraṁ vā dāsī.śabdena bhāryā.śabdena vā | 56 |

KAZ05.2.57/ taṁ dūṣya.gṛha.pratidvāri rātrāv upaśayānam anyatra vā vasantaṁ tīkṣṇo hatvā brūyāt "hato 'yam artha.kāmukaḥ" iti | 57 |

KAZ05.2.58/ tena doṣeṇa-itare paryādātavyāḥ | 58 |

KAZ05.2.59/ siddha.vyañjano vā dūṣyaṁ jambhaka.vidyābhiḥ pralobhayitvā brūyāt "akṣaya.hiraṇyaṁ rāja.dvārikaṁ strī.hṛdayam ari.vyādhi.karam āyuṣyaṁ putrīyaṁ vā karma jānāmi" iti | 59 |

KAZ05.2.60/ pratipannaṁ caitya.sthāne rātrau prabhūta.surā.māṁsa.gandham upahāraṁ kārayet | 60 |

KAZ05.2.61/ eka.rūpaṁ ca-atra hiraṇyaṁ pūrva.nikhātaṁ preta.aṅgaṁ preta.śiśur vā yatra nihitaḥ syāt, tato hiraṇyam asya darśayed "atyalpam" iti ca brūyāt | 61 |

KAZ05.2.62/ "prabhūta.hiraṇya.hetoḥ punar upahāraḥ kartavya iti svayam eva-etena hiraṇyena śvo.bhūte prabhūtam aupahārikaṁ krīṇīhi" iti | 62 |

KAZ05.2.63/ sa tena hiraṇyena-aupahārika.kraye gṛhyeta | 63 |

KAZ05.2.64/ mātṛ.vyañjanayā vā "putro me tvayā hataḥ" ity avakupitā syāt | 64 |

KAZ05.2.65/ saṁsiddham eva-asya rātri.yāge vana.yāge vana.krīḍāyāṁ vā pravṛttāyāṁ tīkṣṇā viśasya-abhityaktam atinayeyuḥ | 65 |

KAZ05.2.66/ dūṣyasya vā bhṛtaka.vyañjano vetana.hiraṇye kūṭa.rūpaṁ prakṣipya prarūpayet | 66 |

KAZ05.2.67/ karma.kara.vyañjano vā gṛhe karma kurvāṇaḥ stena.kūṭa.rūpa.kāraka.upakaraṇam upanidadhyāt, cikitsaka.vyañjano vā garam agada.apadeśena | 67 |

KAZ05.2.68/ pratyāsanno vā dūṣyasya sattrī praṇihitam abhiṣeka.bhāṇḍam amitra.śāsanaṁ ca kāpaṭika.mukhena-ācakṣīta, kāraṇaṁ ca brūyāt | 68 |

KAZ05.2.69/ evaṁ dūṣyeṣv adhārmikeṣu ca varteta, na-itareṣu | 69 |

KAZ05.2.70ab/ pakvaṁ pakvam iva-ārāmāt phalaṁ rājyād avāpnuyāt |
KAZ05.2.70cd/ ātmac.cheda.bhayād āmaṁ varjayet kopa.kārakam || 70 ||

5.3. Chapter 3 (Section 91): The Salaries of State Servants

[Page 157 ] [Note: [ K tr. 350 :: K2 tr. 302]

KAZ05.3.01/ durga.jana.pada.śaktyā bhṛtya.karma samudaya.pādena sthāpayet, kārya.sādhana.sahena vā bhṛtya.lābhena | 1 |

KAZ05.3.02/ śarīram avekṣeta, na dharma.arthau pīḍayet | 2 |

KAZ05.3.03/ ṛtvig.ācārya.mantri.purohita.senā.pati.yuva.rāja.rāja.mātṛ.rāja.- mahiṣyo 'ṣṭa.catvāriṁśat.sāhasrāḥ | 3 |

KAZ05.3.04/ etāvatā bharaṇena-anāspadyatvam akopakaṁ ca-eṣāṁ bhavati | 4 |

KAZ05.3.05/ dauvārika.antar.vaṁśika.praśāstṛ.samāhartṛ.sannidhātāraś catur.viṁśati.sāhasrāḥ | 5 |

KAZ05.3.06/ etāvatā karmaṇyā bhavanti | 6 |

KAZ05.3.07/ kumāra.kumāra.mātṛ.nāyaka.paura.vyāvahārika.kārmāntika.mantri.- pariṣad.rāṣṭra.anta.pālāś ca dvādaśa.sāhasrāḥ | 7 |

KAZ05.3.08/ svāmi.paribandha.bala.sahāyā hy etāvatā bhavanti | 8 |

KAZ05.3.09/ śreṇī.mukhyā hasty.aśva.ratha.mukhyāḥ pradeṣṭāraś ca-aṣṭa.sāhasrāḥ | 9 |

KAZ05.3.10/ sva.varga.anukarṣiṇo hy etāvatā bhavanti | 10 |

KAZ05.3.11/ patty.aśva.ratha.hasty.adhyakṣā dravya.hasti.vana.pālāś ca catuḥ.sāhasrāḥ | 11 |

KAZ05.3.12/ rathika.anīkastha.cikitsaka.aśva.damaka.vardhakayo yoni.poṣakāś ca dvi.sāhasrāḥ | 12 |

KAZ05.3.13/ kārtāntika.naimittika.mauhūrtika.paurāṇika.sūta.māgadhāḥ purohita.puruṣāḥ sarva.adhyakṣāś ca sāhasrāḥ | 13 |

KAZ05.3.14/ śilpavantaḥ pādātāḥ saṅkhyāyaka.lekhaka.ādi.vargaś ca pañca.śatāḥ | 14 |

KAZ05.3.15/ kuśīlavās tv ardha.tṛtīya.śatāḥ, dvi.guṇa.vetanāś ca-eṣāṁ tūrya.karāḥ | 15 |

KAZ05.3.16/ kāru.śilpino viṁśati.śatikāḥ | 16 |

KAZ05.3.17/ catuṣpada.dvipada.paricāraka.pārikarmika.aupasthāyika.pālaka.- viṣṭi.bandhakāḥ ṣaṣṭi.vetanāḥ, ārya.yukta.ārohaka.māṇavaka.śaila.khanakāḥ sarva.upasthāyinaś ca | 17 |

KAZ05.3.18/ ācāryā vidyāvantaś ca pūjā.vetanāni yathā.arhaṁ labheran pañca.śata.avaraṁ sahasra.param | 18 |

KAZ05.3.19/ daśa.paṇiko yojane dūto madhyamaḥ, daśa.uttare dvi.guṇa.vetana ā.yojana.śatād iti | 19 |

KAZ05.3.20/ samāna.vidyebhyas tri.guṇa.vetano rājā rāja.sūya.ādiṣu kratuṣu | 20 |

[Page 158 ]

KAZ05.3.21/ rājñaḥ sārathiḥ sāhasraḥ | 21 |

KAZ05.3.22/ kāpaṭika.udāsthita.gṛha.patika.vaidehaka.tāpasa.vyañjanāḥ sāhasrāḥ | 22 |

KAZ05.3.23/ grāma.bhṛtaka.sattri.tīkṣṇa.rasada.bhikṣukyaḥ pañca.śatāḥ | 23 |

KAZ05.3.24/ cāra.sañcāriṇo 'rdha.tṛtīya.śatāḥ, prayāsa.vṛddha.vetanā vā | 24 |

KAZ05.3.25/ śata.varga.sahasra.vargāṇām adhyakṣā bhakta.vetana.lābham ādeśaṁ vikṣepaṁ ca kuryuḥ | 25 |

KAZ05.3.26/ avikṣepo rāja.parigraha.durga.rāṣṭra.rakṣa.avekṣaṇeṣu ca | 26 |

KAZ05.3.27/ nitya.mukhyāḥ syur aneka.mukhyāś ca | 27 |

KAZ05.3.28/ karmasu mṛtānāṁ putra.dārā bhakta.vetanaṁ labheran | 28 |

KAZ05.3.29/ bāla.vṛddha.vyādhitāś ca-eṣām anugrāhyāḥ | 29 |

KAZ05.3.30/ preta.vyādhita.sūtikā.kṛtyeṣu ca-eṣām artha.māna.karma kuryāt | 30 |

KAZ05.3.31/ alpa.kośaḥ kupya.paśu.kṣetrāṇi dadyāt, alpaṁ ca hiraṇyam | 31 |

KAZ05.3.32/ śūnyaṁ vā niveśayitum abhyutthito hiraṇyam eva dadyāt, na grāmaṁ grāma.sañjāta.vyavahāra.sthāpana.artham | 32 |

KAZ05.3.33/ etena bhṛtānām abhṛtānāṁ ca vidyā.karmabhyāṁ bhakta.vetana.viśeṣaṁ ca kuryāt | 33 |

KAZ05.3.34/ ṣaṣṭi.vetanasya-āḍhakaṁ kṛtvā hiraṇya.anurūpaṁ bhaktaṁ kuryāt | 34 |

KAZ05.3.35/ patty.aśva.ratha.dvipāḥ sūrya.udaye bahiḥ sandhi.divasa.varjaṁ śilpa.yogyāḥ kuryuḥ | 35 |

KAZ05.3.36/ teṣu rājā nitya.yuktaḥ syāt, abhīkṣṇaṁ ca-eṣāṁ śilpa.darśanaṁ kuryāt | 36 |

KAZ05.3.37/ kṛta.nara.indra.aṅkaṁ śastra.āvaraṇam āyudha.agāraṁ praveśayet | 37 |

KAZ05.3.38/ aśastrāś careyuḥ, anyatra mudrā.anujñātāt | 38 |

KAZ05.3.39/ naṣṭaṁ.vinaṣṭaṁ vā dvi.guṇaṁ dadyāt | 39 |

KAZ05.3.40/ vidhvasta.gaṇanāṁ ca kuryāt | 40 |

KAZ05.3.41/ sārthikānāṁ śastra.āvaraṇam anta.pālā gṛhṇīyuḥ, samudram avacārayeyur vā | 41 |

KAZ05.3.42/ yātrām abhyutthito vā senām udyojayet | 42 |

KAZ05.3.43/ tato vaidehaka.vyañjanāḥ sarva.paṇyāny āyudhīyebhyo yātrā.kāle dvi.guṇa.pratyādeyāni dadyuḥ | 43 |

KAZ05.3.44/ evaṁ rāja.paṇya.yoga.vikrayo vetana.pratyādānaṁ ca bhavati | 44 |

KAZ05.3.45/ evam avekṣita.āya.vyayaḥ kośa.daṇḍa.vyasanaṁ na-avāpnoti | 45 |

KAZ05.3.46/ iti bhakta.vetana.vikalpaḥ | 46 |

KAZ05.3.47ab/ sattriṇaś ca-āyudhīyānāṁ veśyāḥ kāru.kuśīlavāḥ |
KAZ05.3.47cd/ daṇḍa.vṛddhāś ca jānīyuḥ śauca.aśaucam atandritāḥ || 47 ||

5.4. Chapter 4 (Section 92): Conduct Proper for a Dependant

[Page 159 ] [Note: [ K tr. 354 :: K2 tr. 305]

KAZ05.4.01/ loka.yātrāvid rājānam ātma.dravya.prakṛti.sampannaṁ priya.hita.dvāreṇa-āśrayeta | 1 |

KAZ05.4.02/ yaṁ vā manyeta "yathā-aham āśraya.īpsur evam asau vinaya.īpsur ābhigāmika.guṇa.yuktaḥ" iti, dravya.prakṛti.hīnam apy enam āśrayeta, na tv eva-anātma.sampannam | 2 |

KAZ05.4.03/ anātmavā hi nīti.śāstra.dveṣād anarthya.saṁyogād vā prāpya-api mahad aiśvaryaṁ na bhavati | 3 |

KAZ05.4.04/ ātmavati labdha.avakāśaḥ śāstra.anuyogaṁ dadyāt | 4 |

KAZ05.4.05/ avisaṁvādādd hi sthāna.sthairyam avāpnoti | 5 |

KAZ05.4.06/ mati.karmasu pṛṣṭhas tadātve ca-āyatyāṁ ca dharma.artha.saṁyuktaṁ samarthaṁ pravīṇavad apariṣad.bhīruḥ kathayet | 6 |

KAZ05.4.07/ īpsitaḥ paṇeta "dharma.artha.anuyogam aviśiṣṭeṣu balavat.saṁyukteṣu daṇḍa.dhāraṇaṁ mat.saṁyoge tadātve ca daṇḍa.dhāraṇam iti na kuryāḥ, pakṣaṁ vṛttiṁ guhyaṁ ca me na-upahanyāḥ, sañjñayā ca tvāṁ kāma.krodha.daṇḍaneṣu vārayeyam" iti | 7 |

KAZ05.4.08/ ādiṣṭaḥ pradiṣṭāyāṁ bhūmāv anujñātaḥ praviśet, upaviśec ca pārśvataḥ sannikṛṣṭa.viprakṛṣṭaḥ para.āsanam | 8 |

KAZ05.4.09/ vigṛhya kathanam asabhyam apratyakṣam aśraddheyam anṛtaṁ ca vākyam uccair anarmaṇi hāsaṁ vāta.ṣṭhīvane ca śabdavatī na kuryāt | 9 |

KAZ05.4.10/ mithaḥ kathanam anyena, jana.vāde dvandva.kathanam, rājño veṣam uddhata.kuhakānāṁ ca, ratna.atiśaya.prakāśa.abhyarthanam, eka.akṣy.oṣṭha.nirbhogaṁ bhrukuṭī.karma vākya.avakṣepaṇaṁ ca bruvati, balavat saṁyukta.virodham, strībhiḥ strī.darśibhiḥ sāmanta.dūtair dveṣya.pakṣa.avakṣiptān arthyaiś ca pratisaṁsargam eka.artha.caryāṁ saṅghātaṁ ca varjayet | 10 |

KAZ05.4.11ab/ ahīna.kālaṁ rāja.arthaṁ sva.arthaṁ priya.hitaiḥ saha |
KAZ05.4.11cd/ para.arthaṁ deśa.kāle ca brūyād dharma.artha.saṁhitam || 11 ||
KAZ05.4.12ab/ pṛṣṭaḥ priya.hitaṁ brūyān na brūyād ahitaṁ priyam |
KAZ05.4.12cd/ apriyaṁ vā hitaṁ brūyāt-śṛṇvato 'numato mithaḥ || 12 ||
KAZ05.4.13ab/ tūṣṇīṁ vā prativākye syād veṣya.ādīṁś ca na varṇayet |
KAZ05.4.13cd/ apriyā api dakṣāḥ syus tad.bhāvād ye bahiṣ.kṛtāḥ || 13 ||
KAZ05.4.14ab/ anarthyāś ca priyā dṛṣṭāś citta.jñāna.anuvartinaḥ |
KAZ05.4.14cd/ abhihāsyeṣv abhihased ghora.hāsāṁś ca varjayet || 14 ||
[Page 160 ]
KAZ05.4.15ab/ parāt saṅkrāmayed ghoraṁ na ca ghoraṁ pare vadet |
KAZ05.4.15cd/ titikṣeta-ātmanaś caiva kṣamāvān pṛthivī.samaḥ || 15 ||
KAZ05.4.16ab/ ātma.rakṣā hi satataṁ pūrvaṁ kāryā vijānatā |
KAZ05.4.16cd/ agnāv iva hi samproktā vṛttī rājā-upajīvinām || 16 ||
KAZ05.4.17ab/ eka.deśaṁ dahed agniḥ śarīraṁ vā paraṁ gataḥ |
KAZ05.4.17cd/ sa-putra.dāraṁ rājā tu ghātayed ardhayeta vā || 17 ||

5.5. Chapter 5 (Section 93): Proper Behaviour of a Courtier

[Note: [ K tr. 356 :: K2 tr. 307]

KAZ05.5.01/ niyuktaḥ karmasu vyaya.viśuddham udayaṁ darśayet | 1 |

KAZ05.5.02/ ābhyantaraṁ bāhyaṁ guhyaṁ prakāśyam ātyayikam upekṣitavyaṁ vā kāryaṁ "idam evam" iti viśeṣayec ca | 2 |

KAZ05.5.03/ mṛgayā.dyūta.madya.strīṣu prasaktaṁ na-enam anuvarteta praśaṁsābhiḥ | 3 |

KAZ05.5.04/ āsannaś ca-asya vyasana.upaghāte prayateta, para.upajāpa.atisandhāna.upadhibhyaś ca rakṣet | 4 |

KAZ05.5.05/ iṅgita.ākārau ca-asya lakṣayet | 5 |

KAZ05.5.06/ kāma.dveṣa.harṣa.dainya.vyavasāya.bhaya.dvandva.viparyāsam iṅgita.ākārābhyāṁ hi mantra.saṁvaraṇa.artham ācarati prājñaḥ | 6 |

KAZ05.5.07/ darśane prasīdati, vākyaṁ pratigṛhṇāti, āsanaṁ dadāti, vivikto darśayate, śaṅkā.sthāne na-atiśaṅkate, kathāyāṁ ramate, parijñāpyeṣv avekṣate, pathyam uktaṁ sahate, smayamāno niyuṅkte, hastena spṛśati, ślāghye na-upahasati, parokṣaṁ guṇaṁ bravīti, bhakṣyeṣu smarati, saha vihāraṁ yāti, vyasane 'bhyupapadyate, tad.bhaktīn pūjayati, guhyam ācaṣṭe, mānaṁ vardhayati, arthaṁ karoti, anarthaṁ pratihanti - iti tuṣṭa.jñānam | 7 |

KAZ05.5.08/ etad eva viparītam atuṣṭasya, bhūyaś ca vakṣyāmaḥ | 8 |

KAZ05.5.09/ sandarśane kopaḥ, vākyasya-aśravaṇa.pratiṣedhau, āsana.cakṣuṣor adānam, varṇa.svara.bhedaḥ, eka.akṣi.bhrukuṭy.oṣṭha.nirbhogaḥ, sveda.śvāsa.smitānām asthāna.utpattiḥ, para.mantraṇam, akasmād.vrajanam, vardhanam anyasya, bhūmi.gātra.vilekhanam, anyasya-upatodanam, vidyā.varṇa.deśa.kutsā, sama.doṣa.nindā, pratidoṣa.nindā, pratiloma.stavaḥ, sukṛta.anavekṣaṇam, duṣkṛta.anukīrtanam, pṛṣṭha.avadhānam, atityāgaḥ, mithyā.abhibhāṣaṇam, rāja.darśināṁ ca tad.vṛtta.anyatvam | 9 |

[Page 161 ]

KAZ05.5.10/ vṛtti.vikāraṁ ca-avekṣeta-apy amānuṣāṇām | 10 |

KAZ05.5.11/ "ayam uccaiḥ siñcati" iti kātyāyanaḥ pravavrāja, "krauñco 'pasavyam" iti kaṇiṅko bhāradvājaḥ, "tṛṇam" iti dīrghaś cārāyaṇaḥ, "śītā śāṭī" iti ghoṭa.mukhaḥ, "hastī pratyaukṣīt" iti kiñjalkaḥ, "ratha.aśvaṁ prāśaṁsīt" iti piśunaḥ, prati.ravaṇe śunaḥ piśuna.putraḥ | 11 |

KAZ05.5.12/ artha.māna.avakṣepe ca parityāgaḥ | 12 |

KAZ05.5.13/ svāmi.śīlam ātmanaś ca kilbiṣam upalabhya vā pratikurvīta | 13 |

KAZ05.5.14/ mitram upakṛṣṭaṁ vā-asya gacchet | 14 |

KAZ05.5.15ab/ tatrastho doṣa.nirghātaṁ mitrair bhartari ca-ācaret |
KAZ05.5.15cd/ tato bhartari jīve vā mṛte vā punar āvrajet || 15 ||

5.6. Chapter 6 (Sections 94; 95): Continuance of the Kingdom; Continuous Sovereignty

[Note: [ K tr. 359 :: K2 tr. 309]

KAZ05.6.01/ rāja.vyasanam evam amātyaḥ pratikurvīta | 1 |

KAZ05.6.02/ prāg eva maraṇa.ābādha.bhayād rājñaḥ priya.hita.upagraheṇa māsa.dvi.māsa.antaraṁ darśanaṁ sthāpayed "deśa.pīḍā.apaham amitra.apaham āyuṣyaṁ putrīyaṁ vā karma rājā sādhayati" ity apadeśena | 2 |

KAZ05.6.03/ rāja.vyañjanam arūpa.velāyāṁ prakṛtīnāṁ darśayet, mitra.amitra.dūtānāṁ ca | 3 |

KAZ05.6.04/ taiś ca yathā.ucitāṁ sambhāṣām amātya.mukho gacchet | 4 |

KAZ05.6.05/ dauvārika.antar.vaṁśika.mukhaś ca yathā.uktaṁ rāja.praṇidhim anuvartayet | 5 |

KAZ05.6.06/ apakāriṣu ca heḍaṁ prasādaṁ vā prakṛti.kāntaṁ darśayet, prasādam eva-upakāriṣu | 6 |

KAZ05.6.07/ āpta.puruṣa.adhiṣṭhitau durga.pratyantasthau vā kośa.daṇḍāv ekasthau kārayet, kulya.kumāra.mukhyāṁś ca-anya.apadeśena | 7 |

KAZ05.6.08/ yaś ca mukhyaḥ pakṣavān durga.aṭavīstho vā vaiguṇyaṁ bhajeta tam upagrāhayet | 8 |

KAZ05.6.09/ bahv.ābādhaṁ vā yātrāṁ preṣayet, mitra.kulaṁ vā | 9 |

[Page 162 ]

KAZ05.6.10/ yasmāc ca sāmantād ābādhaṁ paśyet tam utsava.vivāha.hasti.bandhana.aśva.paṇya.bhūmi.pradāna.- apadeśena-avagrāhayet, sva.mitreṇa vā | 10 |

KAZ05.6.11/ tataḥ sandhim adūṣyaṁ kārayet | 11 |

KAZ05.6.12/ āṭavika.amitrair vā vairaṁ grāhayet | 12 |

KAZ05.6.13/ tat.kulīnam aparuddhaṁ vā bhūṁy.eka.deśena-upagrāhayet | 13 |

KAZ05.6.14/ kulya.kumāra.mukhya.upagrahaṁ kṛtvā vā kumāram abhiṣiktam eva darśayet | 14 |

KAZ05.6.15/ dāṇḍa.karmikavad vā rājya.kaṇṭakān uddhṛtya rājyaṁ kārayet | 15 |

KAZ05.6.16/ yadi vā kaścin mukhyaḥ sāmanta.ādīnām anyatamaḥ kopaṁ bhajeta taṁ "ehi, rājānaṁ tvā kariṣyāmi" ity āvāhayitvā ghātayet | 16 |

KAZ05.6.17/ āpat.pratīkāreṇa vā sādhayet | 17 |

KAZ05.6.18/ yuva.rāje vā krameṇa rājya.bhāram āropya rāja.vyasanaṁ khyāpayet | 18 |

KAZ05.6.19/ para.bhūmau rāja.vyasane mitreṇa-amitra.vyañjanena śatroḥ sandhim avasthāpya-apagacchet | 19 |

KAZ05.6.20/ sāmanta.ādīnām anyatamaṁ vā-asya durge sthāpayitvā-apagacchet | 20 |

KAZ05.6.21/ kumāram abhiṣicya vā prativyūheta | 21 |

KAZ05.6.22/ pareṇa-abhiyukto vā yathā.uktam āpat.pratīkāraṁ kuryāt | 22 |

KAZ05.6.23/ evam eka.aiśvaryam amātyaḥ kārayed iti kauṭilyaḥ | 23 |

KAZ05.6.24/ "na-evam" iti bhāradvājaḥ | 24 |

KAZ05.6.25/ "pramriyamāṇe vā rājany amātyaḥ kulya.kumāra.mukhyān parasparaṁ mukhyeṣu vā vikramayet | 25 |

KAZ05.6.26/ vikrāntaṁ prakṛti.kopena ghātayet | 26 |

KAZ05.6.27/ kulya.kumāra.mukhyān upāṁśu.daṇḍena vā sādhayitvā svayaṁ rājyaṁ gṛhṇīyāt | 27 |

KAZ05.6.28/ rājya.kāraṇādd hi pitā putrān putrāś ca pitaram abhidruhyanti, kim aṅga punar amātya.prakṛtir hy eka.pragraho rājyasya | 28 |

KAZ05.6.29/ tat svayam upasthitaṁ na-avamanyeta | 29 |

KAZ05.6.30/ "svayam ārūḍhā hi strī tyajyamānā-abhiśapati" iti loka.pravādaḥ | 30 |

KAZ05.6.31ab/ kālaś ca sakṛd abhyeti yaṁ naraṁ kāla.kāṅkṣiṇam |
KAZ05.6.31cd/ durlabhaḥ sa punas tasya kālaḥ karma cikīrṣataḥ || 31 ||

KAZ05.6.32/ prakṛti.kopakam adharmiṣṭham anaikāntikaṁ ca-etad iti kauṭilyaḥ | 32 |

KAZ05.6.33/ rāja.putram ātma.sampannaṁ rājye sthāpayet | 33 |

KAZ05.6.34/ sampanna.abhāve 'vyasaninaṁ kumāraṁ rāja.kanyāṁ garbhiṇīṁ devīṁ vā puras.kṛtya mahā.mātrān sannipātya brūyāt "ayaṁ vo nikṣepaḥ, pitaram asya-avekṣadhvaṁ sattva.abhijanam ātmanaś ca, dhvaja.mātro 'yaṁ bhavanta eva svāminaḥ, kathaṁ vā kriyatām" iti | 34 |

KAZ05.6.35/ tathā bruvāṇaṁ yoga.puruṣā brūyuḥ "ko 'nyo bhavat.purogād asmād rājñaś cāturvarṇyam arhati pālayitum" iti | 35 |

KAZ05.6.36/ "tathā" ity amātyaḥ kumāraṁ rāja.kanyāṁ garbhiṇīṁ devīṁ vā-adhikurvīta, bandhu.sambandhināṁ mitra.amitra.dūtānāṁ ca darśayet | 36 |

[Page 163 ]

KAZ05.6.37/ bhakta.vetana.viśeṣam amātyānām āyudhīyānāṁ ca kārayet, "bhūyaś ca-ayaṁ vṛddhaḥ kariṣyati" iti brūyāt | 37 |

KAZ05.6.38/ evaṁ durga.rāṣṭra.mukhyān ābhāṣeta, yathā.arhaṁ ca mitra.amitra.pakṣam | 38 |

KAZ05.6.39/ vinaya.karmaṇi ca kumārasya prayateta | 39 |

KAZ05.6.40/ kanyāyāṁ samāna.jātīyād apatyam utpādya vā-abhiṣiñcet | 40 |

KAZ05.6.41/ mātuś citta.kṣobha.bhayāt kulyam alpa.sattvaṁ chātraṁ ca lakṣaṇyam upanidadhyāt | 41 |

KAZ05.6.42/ ṛtau ca-enāṁ rakṣet | 42 |

KAZ05.6.43/ na ca-ātma.arthaṁ kañcid utkṛṣṭam upabhogaṁ kārayet | 43 |

KAZ05.6.44/ rāja.arthaṁ tu yāna.vāhana.ābharaṇa.vastra.strī.veśma.parivāpān kārayet | 44 |

KAZ05.6.45ab/ yauvanasthaṁ ca yāceta viśramaṁ citta.kāraṇāt |
KAZ05.6.45cd/ parityajed atuṣyantaṁ tuṣyantaṁ ca-anupālayet || 45 ||
KAZ05.6.46ab/ nivedya putra.rakṣā.arthaṁ gūḍha.sāra.parigrahān |
KAZ05.6.46cd/ araṇyaṁ dīrgha.sattraṁ vā seveta-ārucyatāṁ gataḥ || 46 ||
KAZ05.6.47ab/ mukhyair avagṛhītaṁ vā rājānaṁ tat.priya.āśritaḥ |
KAZ05.6.47cd/ itihāsa.purāṇābhyāṁ bodhayed artha.śāstravit || 47 ||
KAZ05.6.48ab/ siddha.vyañjana.rūpo vā yogam āsthāya pārthivam |
KAZ05.6.48cd/ labheta labdhvā dūṣyeṣu dāṇḍakarmikam ācaret || 48 ||

6. Book 6: The Circle of Kings as the Basis

[Page 164 ] [Note: [ K tr. 364--371 :: K2 tr. 314--320]

6.1. Chapter 1 (Section 96): Excellences of Constituents

[Note: [ K tr. 364 :: K2 tr. 314]

KAZ06.1.01/ svāmy.amātya.jana.pada.durga.kośa.daṇḍa.mitrāṇi prakṛtayaḥ | 1 |

KAZ06.1.02/ tatra svāmi.sampat | 2 |

KAZ06.1.03/ mahā.kulīno daiva.buddhi.sattva.sampanno vṛddha.darśī dhārmikaḥ satya.vāg avisaṁvādakaḥ kṛtajñaḥ sthūla.lakṣo mahā.utsāho 'dīrgha.sūtraḥ śakya.sāmanto dṛḍha.buddhir akṣudra.pariṣatko vinaya.kāma ity ābhigāmikā guṇāḥ | 3 |

KAZ06.1.04/ śuśrūṣā.śravaṇa.grahaṇa.dhāraṇa.vijñāna.ūha.apoha.tattva.abhiniveśāḥ prajñā.guṇāḥ | 4 |

KAZ06.1.05/ śauryam amarṣaḥ śīghratā dākṣyaṁ ca-utsāha.guṇāḥ | 5 |

KAZ06.1.06/ vāgmī pragalbhaḥ smṛti.mati.balavān udagraḥ sv.avagrahaḥ kṛta.śilpo 'vyasano daṇḍa.nāyy upakāra.apakārayor dṛṣṭa.pratīkārī hrīmān āpat.prakṛtyor viniyoktā dīrgha.dūra.darśī deśa.kāla.puruṣa.kāra.kārya.pradhānaḥ sandhi.vikrama.tyāga.samyama.paṇa.parac.chidra.vibhāgī saṁvṛto 'dīna.abhihāsya.jihma.bhrukuṭī.kṣaṇaḥ kāma.krodha.lobha.stambha.cāpala.upatāpa.paiśunya.hīnaḥ śaklaḥ smita.udagra.abhibhāṣī vṛddha.upadeśa.ācāra ity ātma.sampat | 6 |

KAZ06.1.07/ amātya.sampad uktā purastāt | 7 |

KAZ06.1.08/ madhye ca-ante ca sthānavān ātma.dhāraṇaḥ para.dhāraṇaś ca-āpadi sva.ārakṣaḥ sva.ājīvaḥ śatru.dveṣī śakya.sāmantaḥ paṅka.pāṣāṇa.uṣara.viṣama.kaṇṭaka.śreṇī.vyāla.mṛga.aṭavī.hīnaḥ kāntaḥ sītā.khani.dravya.hasti.vanavān gavyaḥ pauruṣeyo gupta.gocaraḥ paśumān adeva.mātṛko vāri.sthala.pathābhyām upetaḥ sāra.citra.bahu.paṇyo daṇḍa.kara.sahaḥ karma.śīla.karṣako 'bāliśa.svāmy.avara.varṇa.prāyo bhakta.śuci.manuṣya iti jana.pada.sampat | 8 |

KAZ06.1.09/ durga.sampad uktā purastāt | 9 |

KAZ06.1.10/ dharma.adhigataḥ pūrvaiḥ svayaṁ vā hema.rūpya.prāyaś citra.sthūla.ratna.hiraṇyo dīrghām apy āpadam anāyatiṁ saheta-iti kośa.sampat | 10 |

KAZ06.1.11/ pitṛ.paitāmaho nityo vaśyas tuṣṭa.bhṛta.putra.dāraḥ pravāseṣv avisaṁvāditaḥ sarvatra-apratihato duḥkha.saho bahu.yuddhaḥ sarva.yuddha.praharaṇa.vidyā.viśāradaḥ saha.vṛddhi.kṣayikatvād advaidhyaḥ kṣatra.prāya iti daṇḍa.sampat | 11 |

[Page 165 ]

KAZ06.1.12/ pitṛ.paitāmahaṁ nityaṁ vaśyam advaidhyaṁ mahal.laghu.samuttham iti mitra.sampat | 12 |

KAZ06.1.13/ arāja.bījī lubdhaḥ kṣudra.pariṣatko virakta.prakṛtir anyāya.vṛttir ayukto vyasanī nirutsāho daiva.pramāṇo yat.kiñcana.kārya.gatir ananubandhaḥ klībo nitya.apakārī ca-ity amitra.sampat | 13 |

KAZ06.1.14/ evaṁ.bhūto hi śatruḥ sukhaḥ samucchettuṁ bhavati | 14 |

KAZ06.1.15ab/ ari.varjāḥ prakṛtayaḥ sapta-etāḥ sva.guṇa.udayāḥ |
KAZ06.1.15cd/ uktāḥ pratyaṅga.bhūtās tāḥ prakṛtā rāja.sampadaḥ || 15 ||
KAZ06.1.16ab/ sampādayaty asampannāḥ prakṛtīr ātmavān nṛpaḥ |
KAZ06.1.16cd/ vivṛddhāś ca-anuraktāś ca prakṛtīr hanty anātmavān || 16 ||
KAZ06.1.17ab/ tataḥ sa duṣṭa.prakṛtiś cāturanto 'py anātmavān |
KAZ06.1.17cd/ hanyate vā prakṛtibhir yāti vā dviṣatāṁ vaśam || 17 ||
KAZ06.1.18ab/ ātmavāṁs tv alpa.deśo 'pi yuktaḥ prakṛti.sampadā |
KAZ06.1.18cd/nayajñaḥ pṛthivīṁ kṛtsnāṁ jayaty eva na hīyate || 18 ||

6.2. Chapter 2 (Section 97): Concerning Peace and Activity

[Note: [ K tr. 368 :: K2 tr. 317]

KAZ06.2.01/ śama.vyāyāmau yoga.kṣemayor yoniḥ | 1 |

KAZ06.2.02/ karma.ārambhāṇāṁ yoga.ārādhano vyāyāmaḥ | 2 |

KAZ06.2.03/ karma.phala.upabhogānāṁ kṣema.ārādhanaḥ śamaḥ | 3 |

KAZ06.2.04/ śama.vyāyāmayor yoniḥ ṣāḍguṇyam | 4 |

KAZ06.2.05/ kṣayaḥ sthānaṁ vṛddhir ity udayās tasya | 5 |

KAZ06.2.06/ mānuṣaṁ naya.apanayau, daivam aya.anayau | 6 |

KAZ06.2.07/ daiva.mānuṣaṁ hi karma lokaṁ yāpayati | 7 |

KAZ06.2.08/ adṛṣṭa.kāritaṁ daivam | 8 |

KAZ06.2.09/ tasminn iṣṭena phalena yogo 'yaḥ, aniṣṭena-anayaḥ | 9 |

KAZ06.2.10/ dṛṣṭa.kāritaṁ mānuṣam | 10 |

KAZ06.2.11/ tasmin yoga.kṣema.niṣpattir nayaḥ, vipattir apanayaḥ | 11 |

KAZ06.2.12/ tac cintyam, acintyaṁ daivam | 12 |

KAZ06.2.13/ rājā ātma.dravya.prakṛti.sampanno nayasya-adhiṣṭhānaṁ vijigīṣuḥ | 13 |

KAZ06.2.14/ tasya samantato maṇḍalī.bhūtā bhūmy.anantarā ari.prakṛtiḥ | 14 |

KAZ06.2.15/ tathā-eva bhūmy.eka.antarā mitra.prakṛtiḥ | 15 |

KAZ06.2.16/ ari.sampad.yuktaḥ sāmantaḥ śatruḥ, vyasanī yātavyaḥ, anapāśrayo durbala.āśrayo vā-ucchedanīyaḥ, viparyaye pīḍanīyaḥ karśanīyo vā | 16 |

KAZ06.2.17/ ity ari.viśeṣāḥ | 17 |

[Page 166 ]

KAZ06.2.18/ tasmān mitram ari.mitraṁ mitra.mitram ari.mitra.mitraṁ ca-ānantaryeṇa bhūmīnāṁ prasajyante purastāt, paścāt pārṣṇi.grāha ākrandaḥ pārṣṇi.grāha.āsāra ākranda.āsāraḥ | 18 |

KAZ06.2.19/ bhūmy.anantaraḥ prakṛti.mitraḥ, tulya.abhijanaḥ sahajaḥ, viruddho virodhayitā vā kṛtrimaḥ | 19 |

KAZ06.2.20/ bhūmy.eka.antaraṁ prakṛti.mitram, mātā.pitṛ.sambaddhaṁ sahajam, dhana.jīvita.hetor āśritaṁ kṛtrimam | 20 |

KAZ06.2.21/ ari.vijigīṣvor bhūmy.anantaraḥ saṁhata.asaṁhatayor anugraha.samartho nigrahe ca-asaṁhatayor madhyamaḥ | 21 |

KAZ06.2.22/ ari.vijigīṣu.madhyānāṁ bahiḥ prakṛtibhyo balavattaraḥ saṁhata.asaṁhatānām ari.vijigīṣu.madhyamānām anugraha.samartho nigrahe ca-asaṁhatānām udāsīnaḥ | 22 |

KAZ06.2.23/ iti prakṛtayaḥ | 23 |

KAZ06.2.24/ vijigīṣur mitraṁ mitra.mitraṁ vā-asya prakṛtayas tisraḥ | 24 |

KAZ06.2.25/ tāḥ pañcabhir amātya.jana.pada.durga.kośa.daṇḍa.prakṛtibhir eka.ekaśaḥ samyuktā maṇḍalam aṣṭādaśakaṁ bhavati | 25 |

KAZ06.2.26/ anena maṇḍala.pṛthaktvaṁ vyākhyātam ari.madhyama.udāsīnānām | 26 |

KAZ06.2.27/ evaṁ catur.maṇḍala.saṅkṣepaḥ | 27 |

KAZ06.2.28/ dvādaśa rāja.prakṛtayaḥ ṣaṣṭir dravya.prakṛtayaḥ, saṅkṣepeṇa dvi.saptatiḥ | 28 |

KAZ06.2.29/ tāsāṁ yathā.svaṁ sampadaḥ | 29 |

KAZ06.2.30/ śaktiḥ siddhiś ca | 30 |

KAZ06.2.31/ balaṁ śaktiḥ | 31 |

KAZ06.2.32/ sukhaṁ siddhiḥ | 32 |

KAZ06.2.33/ śaktis trividhā - jñāna.balaṁ mantra.śaktiḥ, kośa.daṇḍa.balaṁ prabhu.śaktiḥ, vikrama.balam utsāha.śaktiḥ | 33 |

KAZ06.2.34/ evaṁ siddhis trividhā-eva - mantra.śakti.sādhyā mantra.siddhiḥ, prabhu.śakti.sādhyā prabhu.siddhiḥ, utsāha.śakti.sādhyā utsāha.siddhiḥ | 34 |

KAZ06.2.35/ tābhir abhyuccito jyāyān bhavati, apacito hīnaḥ, tulya.śaktiḥ samaḥ | 35 |

KAZ06.2.36/ tasmāt-śaktiṁ siddhiṁ ca ghaṭeta-ātmany āveśayitum, sādhāraṇo vā dravya.prakṛtiṣv ānantaryeṇa śauca.vaśena vā | 36 |

KAZ06.2.37/ dūṣya.amitrābhyāṁ vā-apakraṣṭuṁ yateta | 37 |

KAZ06.2.38/ yadi vā paśyet "amitro me śakti.yukto vāg.daṇḍa.pāruṣya.artha.dūṣaṇaiḥ prakṛtīr upahaniṣyati, siddhi.yukto vā mṛgayā.dyūta.madya.strībhiḥ pramādaṁ gamiṣyati, sa virakta.prakṛtir upakṣīṇaḥ pramatto vā sādhyo me bhaviṣyati, vigraha.abhiyukto vā sarva.sandohena-ekastho 'durgastho vā sthāsyati, sa saṁhata.sainyo mitra.durga.viyuktaḥ sādhyo me bhaviṣyati, "balavān vā rājā parataḥ śatrum ucchettu.kāmaḥ tam ucchidya mām ucchindyād" iti balavatā prārthitasya me vipanna.karma.ārambhasya vā sāhāyyaṁ dāsyati", madhyama.lipsāyāṁ ca, ity evaṁ.ādiṣu kāraṇeṣv amitrasya-api śaktiṁ siddhiṁ ca-icchet | 38 |

KAZ06.2.39ab/ nemim eka.antarān rājñaḥ kṛtvā ca-anantarān arān |
KAZ06.2.39cd/ nābhim ātmānam āyacchen netā prakṛti.maṇḍale || 39 ||
KAZ06.2.40ab/ madhye hy upahitaḥ śatrur netur mitrasya ca-ubhayoḥ |
KAZ06.2.40cd/ ucchedyaḥ pīḍanīyo vā balavān api jāyate || 40 ||

7. Book 7: The Six Measures of Foreign Policy

[Page 168 ] [Note: [ K tr. 372--444 :: K2 tr. 321--384]

7.1. Chapter 1 (Sections 98; 99): Enumeration of the Six Measures; Use of Measures in Decline, Stable Condition and Advancement

[Note: [ K tr. 372 :: K2 tr. 321]

KAZ07.1.01/ ṣāḍguṇyasya prakṛti.maṇḍalaṁ yoniḥ | 1 |

KAZ07.1.02/ "sandhi.vigraha.āsana.yāna.saṁśraya.dvaidhī.bhāvāḥ ṣāḍguṇyam" ity ācāryāḥ | 2 |

KAZ07.1.03/ "dvaiguṇyam" iti vāta.vyādhiḥ | 3 |

KAZ07.1.04/ "sandhi.vigrahābhyāṁ hi ṣāḍguṇyaṁ sampadyate" iti | 4 |

KAZ07.1.05/ ṣāḍguṇyam eva-etad avasthā.bhedād iti kauṭilyaḥ | 5 |

KAZ07.1.06/ tatra paṇa.bandhaḥ sandhiḥ | 6 |

KAZ07.1.07/ apakāro vigrahaḥ | 7 |

KAZ07.1.08/ upekṣaṇam āsanam | 8 |

KAZ07.1.09/ abhyuccayo yānam | 9 |

KAZ07.1.10/ para.arpaṇaṁ saṁśrayaḥ | 10 |

KAZ07.1.11/ sandhi.vigraha.upādānaṁ dvaidhī.bhāvaḥ | 11 |

KAZ07.1.12/ iti ṣaḍ.guṇāḥ | 12 |

KAZ07.1.13/ parasmādd hīyamānaḥ sandadhīta | 13 |

KAZ07.1.14/ abhyuccīyamāno vigṛhṇīyāt | 14 |

KAZ07.1.15/ "na māṁ paro na-ahaṁ param upahantuṁ śaktaḥ" ity āsīta | 15 |

KAZ07.1.16/ guṇa.atiśaya.yukto yāyāt | 16 |

KAZ07.1.17/ śakti.hīnaḥ saṁśrayeta | 17 |

KAZ07.1.18/ sahāya.sādhye kārye dvaidhībhāvaṁ gacchet | 18 |

KAZ07.1.19/ iti guṇa.avasthāpanam | 19 |

KAZ07.1.20/ teṣāṁ yasmin vā guṇe sthitaḥ paśyet "iha.sthaḥ śakṣyāmi durga.setu.karma.vaṇik.patha.śūnya.niveśa.khani.dravya.hasti.vana.karmāṇy ātmanaḥ pravartayitum, parasya ca-etāni karmāṇy upahantum" iti tam ātiṣṭhet | 20 |

KAZ07.1.21/ sā vṛddhiḥ | 21 |

KAZ07.1.22/ "āśutarā me vṛddhir bhūyastarā vṛddhy.udayatarā vā bhaviṣyati, viparītā parasya" iti jñātvā para.vṛddhim upekṣeta | 22 |

KAZ07.1.23/ tulya.kāla.phala.udayāyāṁ vā vṛddhau sandhim upeyāt | 23 |

KAZ07.1.24/ yasmin vā guṇe sthitaḥ sva.karmaṇām upaghātaṁ paśyen na-itarasya tasmin na tiṣṭhet | 24 |

KAZ07.1.25/ eṣa kṣayaḥ | 25 |

KAZ07.1.26/ "ciratareṇa-alpataraṁ vṛddhy.udayataraṁ vā kṣeṣye, viparītaṁ paraḥ" iti jñātvā kṣayam upekṣeta | 26 |

KAZ07.1.27/ tulya.kāla.phala.udaye vā kṣaye sandhim upeyāt | 27 |

KAZ07.1.28/ yasmin vā guṇe sthitaḥ sva.karma.vṛddhiṁ kṣayaṁ vā na-abhipaśyed etat.sthānam | 28 |

KAZ07.1.29/ "hrasvataraṁ vṛddhy.udayataraṁ vā sthāsyāmi, viparītaṁ paraḥ" iti jñātvā sthānam upekṣeta | 29 |

[Page 169 ]

KAZ07.1.30/ "tulya.kāla.phala.udaye vā sthāne sandhim upeyād" ity ācāryāḥ | 30 |

KAZ07.1.31/ na-etad vibhāṣitam iti kauṭilyaḥ | 31 |

KAZ07.1.32a/ yadi vā paśyet "sandhau sthito mahā.phalaiḥ sva.karmabhiḥ para.karmāṇy upahaniṣyāmi, mahā.phalāni vā sva.karmāṇy upabhokṣye, para.karmāṇi vā, sandhi.viśvāsena vā yoga.upaniṣat.praṇidhibhiḥ para.karmāṇy upahaniṣyāmi, sukhaṁ vā sa.anugraha.parihāra.saukaryaṁ phala.lābha.bhūyastvena sva.karmaṇāṁ para.karma.yoga.āvahaṁ janam āsrāvayiṣyāmi -

KAZ07.1.32b/ balinā-atimātreṇa vā saṁhitaḥ paraḥ sva.karma.upaghātaṁ prāpsyati, yena vā vigṛhīto mayā.sandhatte tena-asya vigrahaṁ dīrghaṁ kariṣyāmi, mayā vā saṁhitasya mad.dveṣiṇo jana.padaṁ pīḍayiṣyati -

KAZ07.1.32c/ para.upahato vā-asya jana.pado mām āgamiṣyati, tataḥ karmasu vṛddhiṁ prāpsyāmi, vipanna.karma.ārambho vā viṣamasthaḥ paraḥ karmasu na me vikrameta -

KAZ07.1.32d/ parataḥ pravṛtta.karma.ārambho vā tābhyāṁ saṁhitaḥ karmasu vṛddhiṁ prāpsyāmi, śatru.pratibaddhaṁ vā śatruṇā sandhiṁ kṛtvā maṇḍalaṁ bhetsyāmi -

KAZ07.1.32e/ bhinnam avāpsyāmi, daṇḍa.anugraheṇa vā śatrum upagṛhya maṇḍala.lipsāyāṁ vidveṣaṁ grāhayiṣyāmi, vidviṣṭaṁ tena-eva ghātayiṣyāmi" iti sandhinā vṛddhim ātiṣṭhet | 32 |

KAZ07.1.33a/ yadi vā paśyet "āyudhīya.prāyaḥ śreṇī.prāyo vā me jana.padaḥ śaila.vana.nadī.durga.eka.dvāra.ārakṣo vā śakṣyati para.abhiyogaṁ pratihantum, viṣaya.ante durgam aviṣahyam apāśrito vā śakṣyāmi para.karmāṇy upahantuṁ -

KAZ07.1.33b/ vyasana.pīḍa.upahata.utsāho vā paraḥ samprāpta.karma.upaghāta.kālaḥ, vigṛhītasya-anyato vā śakṣyāmi jana.padam apavāhayitum" iti vigrahe sthito vṛddhim ātiṣṭhet | 33 |

KAZ07.1.34/ yadi vā manyeta "na me śaktaḥ paraḥ karmāṇy upahantuṁ na-ahaṁ tasya karma.upaghātī vā, vyasanam asya, śva.varāhayor iva kalahe vā, sva.karma.anuṣṭhāna.paro vā vardhiṣye" ity āsanena vṛddhim ātiṣṭhet | 34 |

KAZ07.1.35/ yadi vā manyeta "yāna.sādhyaḥ karma.upaghātaḥ śatroḥ, prativihita.sva.karma.ārakṣaś ca-asmi" iti yānena vṛddhim ātiṣṭhet | 35 |

KAZ07.1.36/ yadi vā manyeta "na-asmi śaktaḥ para.karmāṇy upahantum, sva.karma.upaghātaṁ vā trātum" iti, balavantam āśritaḥ sva.karma.anuṣṭhānena kṣayāt sthānaṁ sthānād vṛddhiṁ ca-ākāṅkṣeta | 36 |

KAZ07.1.37/ yadi vā manyeta "sandhinā-ekataḥ sva.karmāṇi pravartayiṣyāmi, vigraheṇa-ekataḥ para.karmāṇy upahaniṣyāmi" iti dvaidhī.bhāvena vṛddhim ātiṣṭhet | 37 |

[Page 170 ]
KAZ07.1.38ab/ evaṁ ṣaḍbhir guṇair etaiḥ sthitaḥ prakṛti.maṇḍale |
KAZ07.1.38cd/ paryeṣeta kṣayāt sthānaṁ sthānād vṛddhiṁ ca karmasu || 38 ||

7.2. Chapter 2 (Section 100): Conduct when Seeking Shelter

[Note: [ K tr. 376 :: K2 tr. 325]

KAZ07.2.01/ sandhi.vigrahayos tulyāyāṁ vṛddhau sandhim upeyāt | 1 |

KAZ07.2.02/ vigrahe hi kṣaya.vyaya.pravāsa.pratyavāyā bhavanti | 2 |

KAZ07.2.03/ tena-āsana.yānayor āsanaṁ vyākhyātam | 3 |

KAZ07.2.04/ dvaidhī.bhāva.saṁśrayayor dvaidhī.bhāvaṁ gacchet | 4 |

KAZ07.2.05/ dvaidhī.bhūto hi sva.karma.pradhāna ātmana eva-upakaroti, saṁśritas tu parasya-upakaroti, na-ātmanaḥ | 5 |

KAZ07.2.06/ yad.balaḥ sāmantas tad.viśiṣṭa.balam āśrayet | 6 |

KAZ07.2.07/ tad.viśiṣṭa.bala.abhāve tam eva-āśritaḥ kośa.daṇḍa.bhūmīnām anyatamena-asya-upakartum adṛṣṭaḥ prayateta | 7 |

KAZ07.2.08/ mahā.doṣo hi viśiṣṭa.bala.samāgamo rājñām, anyatra-ari.vigṛhītāt | 8 |

KAZ07.2.09/ aśakye daṇḍa.upanatavad varteta | 9 |

KAZ07.2.10/ yadā ca-asya prāṇa.haraṁ vyādhim antaḥ.kopaṁ śatru.vṛddhiṁ mitra.vyasanam upasthitaṁ vā tan.nimittām ātmanaś ca vṛddhiṁ paśyet tadā sambhāvya.vyādhi.dharma.kārya.apadeśena-apayāyāt | 10 |

KAZ07.2.11/ sva.viṣayastho vā na-upagacchet | 11 |

KAZ07.2.12/ āsanno vā-asya cchidreṣu praharet | 12 |

KAZ07.2.13/ balīyasor vā madhya.gatas trāṇa.samartham āśrayeta, yasya vā-antardhiḥ syāt, ubhau vā | 13 |

KAZ07.2.14/ kapāla.saṁśrayas tiṣṭhet, mūla.haram itarasya-itaram apadiśan | 14 |

KAZ07.2.15/ bhedam ubhayor vā paraspara.apadeśaṁ prayuñjīta, bhinnayor upāṁśu.daṇḍam | 15 |

KAZ07.2.16/ pārśvastho vā balasthayor āsanna.bhayāt pratikurvīta | 16 |

KAZ07.2.17/ durga.apāśrayo vā dvaidhī.bhūtas tiṣṭhet | 17 |

KAZ07.2.18/ sandhi.vigraha.krama.hetubhir vā ceṣṭeta | 18 |

KAZ07.2.19/ dūṣya.amitra.āṭavikān ubhayor upagṛhṇīyāt | 19 |

KAZ07.2.20/ etayor anyataraṁ gacchaṁs tair eva-anyatarasya vyasane praharet | 20 |

KAZ07.2.21/ dvābhyām upahato vā maṇḍala.apāśrayas tiṣṭhet, madhyamam udāsīnaṁ vā saṁśrayeta | 21 |

KAZ07.2.22/ tena saha-ekam upagṛhya-itaram ucchindyād, ubhau vā | 22 |

[Page 171 ]

KAZ07.2.23/ dvābhyām ucchinno vā madhyama.udāsīnayos tat.pakṣīyāṇāṁ vā rājñāṁ nyāya.vṛttim āśrayeta | 23 |

KAZ07.2.24/ tulyānāṁ vā yasya prakṛtayaḥ sukhyeyur enam, yatrastho vā śaknuyād ātmānam uddhartum, yatra vā pūrva.puruṣa.ucitā gatir āsannaḥ sambandho vā, mitrāṇi bhūyāṁsy atiśaktimanti vā bhaveyuḥ | 24 |

KAZ07.2.25ab/ priyo yasya bhaved yo vā priyo 'sya kataras tayoḥ |
KAZ07.2.25cd/ priyo yasya sa taṁ gacched ity āśraya.gatiḥ parā || 25 ||

7.3. Chapter 3 (Sections 101; 102): Policies for the Equal, the Weaker and the Stronger Kings; Peace-Treaties by the Weaker King

[Note: [ K tr. 378 :: K2 tr. 327]

KAZ07.3.01/ vijigīṣuḥ śakty.apekṣaḥ ṣāḍguṇyam upayuñjīta | 1 |

KAZ07.3.02/ sama.jyāyobhyāṁ sandhīyeta, hīnena vigṛhṇīyāt | 2 |

KAZ07.3.03/ vigṛhīto hi jyāyasā hastinā pāda.yuddham iva-abhyupaiti | 3 |

KAZ07.3.04/ samena ca-āmaṁ pātram āmena-ahatam iva-ubhayataḥ kṣayaṁ karoti | 4 |

KAZ07.3.05/ kumbhena-iva-aśmā hīnena-eka.anta.siddhim avāpnoti | 5 |

KAZ07.3.06/ jyāyāṁś cen na sandhim icched daṇḍa.upanata.vṛttam ābalīyasaṁ vā yogam ātiṣṭhet | 6 |

KAZ07.3.07/ samaś cen na sandhim icched yāvan.mātram apakuryāt tāvan.mātram asya pratyapakuryāt | 7 |

KAZ07.3.08/ tejo hi sandhāna.kāraṇam | 8 |

KAZ07.3.09/ na-ataptaṁ lohaṁ lohena sandhatta iti | 9 |

KAZ07.3.10/ hīnaś cet sarvatra-anupraṇatas tiṣṭhet sandhim upeyāt | 10 |

KAZ07.3.11/ āraṇyo 'gnir iva hi duḥkha.amarṣajaṁ tejo vikramayati | 11 |

KAZ07.3.12/ maṇḍalasya ca-anugrāhyo bhavati | 12 |

KAZ07.3.13/ saṁhitaś cet "para.prakṛtayo lubdha.kṣīṇa.apacaritāḥ pratyādāna.bhayād vā na-upagacchanti" iti paśyedd hīno 'pi vigṛhṇīyāt | 13 |

KAZ07.3.14/ vigṛhītaś cet "para.prakṛtayo lubdha.kṣīṇa.apacaritā vigraha.udvignā vā māṁ na-upagacchanti" iti paśyej jyāyān api sandhīyeta, vigraha.udvegaṁ vā śamayet | 14 |

KAZ07.3.15/ vyasana.yaugapadye 'pi "guru.vyasano 'smi, laghu.vyasanaḥ paraḥ sukhena pratikṛtya vyasanam ātmano 'bhiyuñjyād" iti paśyej jyāyān api sandhīyeta | 15 |

[Page 172 ]

KAZ07.3.16/ sandhi.vigrahayoś cet para.karśanam ātma.upacayaṁ vā na-abhipaśyej jyāyān apy āsīta | 16 |

KAZ07.3.17/ para.vyasanam apratikāryaṁ cet paśyedd hīno 'py abhiyāyāt | 17 |

KAZ07.3.18/ apratikārya.āsanna.vyasano vā jyāyān api saṁśrayeta | 18 |

KAZ07.3.19/ sandhinā-ekato vigraheṇa-ekataś cet kārya.siddhiṁ paśyej jyāyān api dvaidhī.bhūtas tiṣṭhet | 19 |

KAZ07.3.20/ evaṁ samasya ṣāḍguṇya.upayogaḥ | 20 |

KAZ07.3.21/ tatra tu prativiśeṣaḥ | 21 |

KAZ07.3.22ab/ pravṛtta.cakreṇa-ākrānto rājñā balavatā-abalaḥ |
KAZ07.3.22cd/ sandhinā-upanamet tūrṇaṁ kośa.daṇḍa.ātma.bhūmibhiḥ || 22 ||
KAZ07.3.23ab/ svayaṁ saṅkhyāta.daṇḍena daṇḍasya vibhavena vā |
KAZ07.3.23cd/ upasthātavyam ity eṣa sandhir ātma.āmiṣo mataḥ || 23 ||
KAZ07.3.24ab/ senā.pati.kumārābhyām upasthātavyam ity ayam |
KAZ07.3.24cd/ puruṣa.antara.sandhiḥ syān na-ātmanā-ity ātma.rakṣaṇaḥ || 24 ||
KAZ07.3.25ab/ ekena-anyatra yātavyaṁ svayaṁ daṇḍena vā-ity ayam |
KAZ07.3.25cd/ adṛṣṭa.puruṣaḥ sandhir daṇḍa.mukhya.ātma.rakṣaṇaḥ || 25 ||
KAZ07.3.26ab/ mukhya.strī.bandhanaṁ kuryāt pūrvayoḥ paścime tv arim |
KAZ07.3.26cd/ sādhayed gūḍham ity ete daṇḍa.upanata.sandhayaḥ || 26 ||
KAZ07.3.27ab/ kośa.dānena śeṣāṇāṁ prakṛtīnāṁ vimokṣaṇam |
KAZ07.3.27cd/ parikrayo bhavet sandhiḥ sa eva ca yathā.sukham || 27 ||
KAZ07.3.28ab/ skandha.upaneyo bahudhā jñeyaḥ sandhir upagrahaḥ |
KAZ07.3.28cd/ niruddho deśa.kālābhyām atyayaḥ syād upagrahaḥ || 28 ||
KAZ07.3.29ab/ viṣahya.dānād āyatyāṁ kṣamaḥ strī.bandhanād api |
KAZ07.3.29cd/ suvarṇa.sandhir viśvāsād ekī.bhāva.gato bhavet || 29 ||
KAZ07.3.30ab/ viparītaḥ kapālaḥ syād atyādāna.abhibhāṣitaḥ |
KAZ07.3.30cd/ pūrvayoḥ praṇayet kupyaṁ hasty.aśvaṁ vā gara.anvitam || 30 ||
KAZ07.3.31ab/ tṛtīye praṇayed arthaṁ kathayan karmaṇāṁ kṣayam |
KAZ07.3.31cd/ tiṣṭhec caturtha ity ete kośa.upanata.sandhayaḥ || 31 ||
KAZ07.3.32ab/ bhūmy.eka.deśa.tyāgena śeṣa.prakṛti.rakṣaṇam |
KAZ07.3.32cd/ ādiṣṭa.sandhis tatra-iṣṭo gūḍha.stena.upaghātinaḥ || 32 ||
[Page 173 ]
KAZ07.3.33ab/ bhūmīnām ātta.sārāṇāṁ mūla.varjaṁ praṇāmanam |
KAZ07.3.33cd/ ucchinna.sandhis tatra-iṣṭaḥ para.vyasana.kāṅkṣiṇaḥ || 33 ||
KAZ07.3.34ab/ phala.dānena bhūmīnāṁ mokṣaṇaṁ syād avakrayaḥ |
KAZ07.3.34cd/ phala.atimukto bhūmibhyaḥ sandhiḥ sa paridūṣaṇaḥ || 34 ||
KAZ07.3.35ab/ kuryād avekṣaṇaṁ pūrvau paścimau tv ābalīyasam |
KAZ07.3.35cd/ ādāya phalam ity ete deśa.upanata.sandhayaḥ || 35 ||
KAZ07.3.36ab/ sva.kāryāṇāṁ vaśena-ete deśe kāle ca bhāṣitāḥ |
KAZ07.3.36cd/ ābalīyasikāḥ kāryās trividhā hīna.sandhayaḥ || 36 ||

7.4. Chapter 4 (Sections 103; 104; 105; 106; 107): Staying Quiet after Making War; Staying Quiet after Making Peace; Marching after Making War; Marching after Making Peace; Marching with Other Kings

[Note: [ K tr. 383 :: K2 tr. 331]

KAZ07.4.01/ sandhi.vigrahayor āsanaṁ yānaṁ ca vyākhyātam | 1 |

KAZ07.4.02/ sthānam āsanam upekṣaṇaṁ ca-ity āsana.paryāyāḥ | 2 |

KAZ07.4.03/ viśeṣas tu - guṇa.ekadeśe sthānam, sva.vṛddhi.prāpty.artham āsanam, upāyānām aprayoga upekṣaṇam | 3 |

KAZ07.4.04/ atisandhāna.kāmayor ari.vijigīṣvor upahantum aśaktayor vigṛhya-āsanaṁ sandhāya vā | 4 |

KAZ07.4.05/ yadā vā paśyet "sva.daṇḍair mitra.aṭavī.daṇḍair vā samaṁ jyāyāṁsaṁ vā karśayitum utsahe" iti tadā kṛta.bāhya.abhyantara.kṛtyo vigṛhya-āsīta | 5 |

KAZ07.4.06/ yadā vā paśyet "utsāha.yuktā me prakṛtayaḥ saṁhatā vivṛddhāḥ sva.karmāṇy avyāhatāś cariṣyanti parasya vā karmāṇy upahaniṣyanti" iti tadā vigṛhya-āsīta | 6 |

[Page 174 ]

KAZ07.4.07a/ yadā vā paśyet "parasya-apacaritāḥ kṣīṇā lubdhāḥ sva.cakra.stena.aṭavī.vyathitā vā prakṛtayaḥ svayam upajāpena vā mām eṣyanti, sampannā me vārttā, vipannā parasya, tasya prakṛtayo durbhikṣa.upahatā mām eṣyanti; vipannā me vārttā, sampannā parasya, -

KAZ07.4.07b/ taṁ me prakṛtayo na gamiṣyanti, vigṛhya ca-asya dhānya.paśu.hiraṇyāny āhariṣyāmi, sva.paṇya.upaghātīni vā para.paṇyāni nivartayiṣyāmi, -

KAZ07.4.07c/ para.vaṇik.pathād vā saravanti mām eṣyanti vigṛhīte, na-itaram, dūṣya.amitra.aṭavī.nigrahaṁ vā vigṛhīto na kariṣyati, tair eva vā vigrahaṁ prāpsyati, -

KAZ07.4.07d/ mitraṁ me mitra.bhāvy abhiprayāto bahv.alpa.kālaṁ tanu.kṣaya.vyayam arthaṁ prāpsyati, guṇavatīm ādeyāṁ vā bhūmim, -

KAZ07.4.07e/ sarva.sandohena vā mām anādṛtya prayātu.kāmaḥ kathaṁ na yāyād" iti para.vṛddhi.pratighāta.arthaṁ pratāpa.arthaṁ ca vigṛhya-āsīta | 7 |

KAZ07.4.08/ "tam eva hi pratyāvṛtto grasate" ity ācāryāḥ | 8 |

KAZ07.4.09/ na-iti kauṭilyaḥ | 9 |

KAZ07.4.10/ karśana.mātram asya kuryād avyasaninaḥ, para.vṛddhyā tu vṛddhaḥ samucchedanam | 10 |

KAZ07.4.11/ evaṁ parasya yātavyo 'smai sāhāyyam avinaṣṭaḥ prayacchet | 11 |

KAZ07.4.12/ tasmāt sarva.sandoha.prakṛtaṁ vigṛhya-āsīta | 12 |

KAZ07.4.13/ vigṛhya.āsana.hetu.prātilomye sandhāya-āsīta | 13 |

KAZ07.4.14/ vigṛhya.āsana.hetubhir abhyuccitaḥ sarva.sandoha.varjaṁ vigṛhya yāyāt | 14 |

KAZ07.4.15/ yadā vā paśyet "vyasanī paraḥ, prakṛti.vyasanaṁ vā-asya śeeṣa.prakṛtibhir apratikāryam, sva.cakra.pīḍitā viraktā vā-asya prakṛtayaḥ karśitā nirutsāhāḥ parasparād vā bhinnāḥ śakyā lobhayitum, agny.udaka.vyādhi.maraka.durbhikṣa.nimittaṁ kṣīṇa.yugya.puruṣa.nicaya.rakṣā.vidhānaḥ paraḥ" iti tadā vigṛhya yāyāt | 15 |

KAZ07.4.16/ yadā vā paśyet "mitram ākrandaś ca me śūra.vṛddha.anurakta.prakṛtiḥ, viparīta.prakṛtiḥ paraḥ pārṣṇi.grāhaś ca-āsāraś ca, śakṣyāmi mitreṇa-āsāram ākrandena pārṣṇi.grāhaṁ vā vigṛhya yātum" iti tadā vigṛhya yāyāt | 16 |

KAZ07.4.17/ yadā vā phalam eka.hāryam alpa.kālaṁ paśyet tadā pārṣṇi.grāha.āsārābhyāṁ vigṛhya yāyāt | 17 |

KAZ07.4.18/ viparyaye sandhāya yāyāt | 18 |

KAZ07.4.19/ yadā vā paśyet "na śakyam ekena yātum avaśyaṁ ca yātavyam" iti tadā sama.hīna.jyāyobhiḥ sāmavāyikaiḥ sambhūya yāyād, ekatra nirdiṣṭena-aṁśena, anekatra-anirdiṣṭena-aṁśena | 19 |

KAZ07.4.20/ teṣām asamavāye daṇḍam anyatamasmān niviṣṭa.aṁśena yāceta | 20 |

KAZ07.4.21/ sambhūya.abhigamanena vā nirviśyeta, dhruve lābhe nirdiṣṭena-aṁśena, adhruve lābha.aṁśena | 21 |

[Page 175 ]
KAZ07.4.22ab/ aṁśo daṇḍa.samaḥ pūrvaḥ prayāsa.sama uttamaḥ |
KAZ07.4.22cd/ vilopo vā yathā.lābhaṁ prakṣepa.sama eva vā || 22 ||

7.5. Chapter 5 (Sections 108; 109; 110): Considerations about Attack on a Vulnerable King and the Enemy; Causes Leading to Decline, Greed and Disaffection among Subjects; Confederated Allies

[Note: [ K tr. 386 :: K2 tr. 334]

KAZ07.5.01/ tulya.sāmanta.vyasane yātavyam amitraṁ vā-ity amitram abhiyāyāt, tat.siddhau yātavyam | 1 |

KAZ07.5.02/ amitra.siddhau hi yātavyaḥ sāhāyyaṁ dadyān na-amitro yātavya.siddhau | 2 |

KAZ07.5.03/ guru.vyasanaṁ yātavyaṁ laghu.vyasanam amitraṁ vā-iti "guru.vyasanaṁ saukaryato yāyād" ity ācāryāḥ | 3 |

KAZ07.5.04/ na-iti kauṭilyaḥ | 4 |

KAZ07.5.05/ laghu.vyasanam amitraṁ yāyāt | 5 |

KAZ07.5.06/ laghv api hi vyasanam abhiyuktasya kṛcchraṁ bhavati | 6 |

KAZ07.5.07/ satyaṁ gurv api gurutaraṁ bhavati | 7 |

KAZ07.5.08/ anabhiyuktas tu laghu.vyasanaḥ sukhena vyasanaṁ pratikṛtya-amitro yātavyam abhisaret, pārṣṇiṁ vā gṛhṇīyāt | 8 |

KAZ07.5.09/ yātavya.yaugapadye guru.vyasanaṁ nyāya.vṛttiṁ laghu.vyasanam anyāya.vṛttiṁ virakta.prakṛtiṁ vā-iti virakta.prakṛtiṁ yāyāt | 9 |

KAZ07.5.10/ guru.vyasanaṁ nyāya.vṛttim abhiyuktaṁ prakṛtayo 'nugṛhṇanti, laghu.vyasanam anyāya.vṛttim upekṣante, viraktā balavantam apy ucchindanti | 10 |

KAZ07.5.11/ tasmād virakta.prakṛtim eva yāyāt | 11 |

KAZ07.5.12/ kṣīṇa.lubdha.prakṛtim apacarita.prakṛtiṁ vā-iti kṣīṇa.lubdha.prakṛtiṁ yāyāt, kṣīṇa.lubdhā hi prakṛtayaḥ sukhena-upajāpaṁ pīḍāṁ vā-upagacchanti, na-apacaritāḥ pradhāna.avagraha.sādhyāḥ" ity ācāryāḥ | 12 |

KAZ07.5.13/ na-iti kauṭilyaḥ | 13 |

KAZ07.5.14/ kṣīṇa.lubdhā hi prakṛtayo bhartari snigdhā bhartṛ.hite tiṣṭhanti, upajāpaṁ vā visaṁvādayanti, anurāge sārvaguṇyam iti | 14 |

KAZ07.5.15/ tasmād apacarita.prakṛtim eva yāyāt | 15 |

KAZ07.5.16/ balavantam anyāya.vṛttiṁ durbalaṁ vā nyāya.vṛttim iti balavantam anyāya.vṛttiṁ yāyāt | 16 |

KAZ07.5.17/ balavantam anyāya.vṛttim abhiyuktaṁ prakṛtayo na-anugṛhṇanti, niṣpātayanti, amitraṁ vā-asya bhajante | 17 |

KAZ07.5.18/ durbalaṁ tu nyāya.vṛttim abhiyuktaṁ prakṛtayaḥ parigṛhṇanti, anuniṣpatanti vā | 18 |

[Page 176 ]
KAZ07.5.19ab/ avakṣepeṇa hi satām asatāṁ pragraheṇa ca |
KAZ07.5.19cd/ abhūtānāṁ ca hiṁsānām adharmyāṇāṁ pravartanaiḥ || 19 ||
KAZ07.5.20ab/ ucitānāṁ caritrāṇāṁ dharmiṣṭhānāṁ nivartanaiḥ |
KAZ07.5.20cd/ adharmasya prasaṅgena dharmasya-avagraheṇa ca || 20 ||
KAZ07.5.21ab/ akāryāṇāṁ ca karaṇaiḥ kāryāṇāṁ ca praṇāśanaiḥ |
KAZ07.5.21cd/ apradānaiś ca deyānām adeyānāṁ ca sādhanaiḥ || 21 ||
KAZ07.5.22ab/ adaṇḍanaiś ca daṇḍyānām adaṇḍyānāṁ ca daṇḍanaiḥ |
KAZ07.5.22cd/ agrāhyāṇām upagrāhair grāhyāṇāṁ ca-anabhigrahaiḥ || 22 ||
KAZ07.5.23ab/ anarthyānāṁ ca karaṇair arthyānāṁ ca vighātanaiḥ |
KAZ07.5.23cd/ arakṣaṇaiś ca corebhyaḥ svayaṁ ca parimoṣaṇaiḥ || 23 ||
KAZ07.5.24ab/ pātaiḥ puruṣa.kārāṇāṁ karmaṇāṁ guṇa.dūṣaṇaiḥ |
KAZ07.5.24cd/ upaghātaiḥ pradhānānāṁ mānyānāṁ ca-avamānanaiḥ || 24 ||
KAZ07.5.25ab/ virodhanaiś ca vṛddhānāṁ vaiṣamyeṇa-anṛtena ca |
KAZ07.5.25cd/ kṛtasya-apratikāreṇa sthitasya-akaraṇena ca || 25 ||
KAZ07.5.26ab/ rājñaḥ pramāda.ālasyābhyāṁ yoga.kṣema.vadhena vā |
KAZ07.5.26cd/ prakṛtīnāṁ kṣayo lobho vairāgyaṁ ca-upajāyate || 26 ||
KAZ07.5.27ab/ kṣīṇāḥ prakṛtayo lobhaṁ lubdhā yānti virāgatām |
KAZ07.5.27cd/ viraktā yānty amitraṁ vā bhartāraṁ ghnanti vā svayam || 27 ||

KAZ07.5.28/ tasmāt prakṛtīnāṁ kṣaya.lobha.virāga.kāraṇāni na-utpādayet, utpannāni vā sadyaḥ pratikurvīta | 28 |

KAZ07.5.29/ kṣīṇā lubdhā viraktā vā prakṛtaya iti | 29 |

KAZ07.5.30/ kṣīṇāḥ pīḍana.ucchedana.bhayāt sadyaḥ sandhiṁ yuddhaṁ niṣpatanaṁ vā rocayante | 30 |

KAZ07.5.31/ lubdhā lobhena-asantuṣṭāḥ para.upajāpaṁ lipsante | 31 |

KAZ07.5.32/ viraktāḥ para.abhiyogam abhyuttiṣṭhante | 32 |

KAZ07.5.33/ tāsāṁ hiraṇya.dhānya.kṣayaḥ sarva.upaghātī kṛcchra.pratīkāraś ca, yugya.puruṣa.kṣayo hiraṇya.dhānya.sādhyaḥ | 33 |

KAZ07.5.34/ lobha aikadeśiko mukhya.āyattaḥ para.artheṣu śakyaḥ pratihantum ādātuṁ vā | 34 |

KAZ07.5.35/ virāgaḥ pradhāna.avagraha.sādhyaḥ | 35 |

KAZ07.5.36/ niṣpradhānā hi prakṛtayo bhogyā bhavanty anupajāpyāś ca-anyeṣām, anāpat.sahās tu | 36 |

KAZ07.5.37/ prakṛti.mukhya.pragrahais tu bahudhā bhinnā guptā bhavanty āpat.sahāś ca | 37 |

[Page 177 ]

KAZ07.5.38/ sāmavāyikānām api sandhi.vigraha.kāraṇāny avekṣya śakti.śauca.yuktaiḥ sambhūya yāyāt | 38 |

KAZ07.5.39/ śaktimān hi pārṣṇi.grahaṇe yātrā.sāhāyya.dāne vā śaktaḥ, śuciḥ siddhau ca-asiddhau ca yathā.sthita.kārī-iti | 39 |

KAZ07.5.40/ teṣāṁ jyāyasā-ekena dvābhyāṁ samābhyāṁ vā sambhūya yātavyam iti dvābhyāṁ samābhyāṁ śreyaḥ | 40 |

KAZ07.5.41/ jyāyasā hy avagṛhītaś carati, samābhyām atisandhāna.ādhikye vā | 41 |

KAZ07.5.42/ tau hi sukhau bhedayitum, duṣṭaś ca-eko dvābhyāṁ niyantuṁ bheda.upagrahaṁ ca-upagantum iti | 42 |

KAZ07.5.43/ samena-ekena dvābhyāṁ hīnābhyāṁ vā-iti dvābhyāṁ hīnābhyāṁ śreyaḥ | 43 |

KAZ07.5.44/ tau hi dvi.kārya.sādhakau vaśyau ca bhavataḥ | 44 |

KAZ07.5.45ab/ kārya.siddhau tu - kṛta.arthāj jyāyaso gūḍhaḥ sa.apadeśam apasravet |
KAZ07.5.45cd/ aśuceḥ śuci.vṛttāt tu pratīkṣeta-ā visarjanāt || 45 ||
KAZ07.5.46ab/ sattrād apasared yattaḥ kalatram apanīya vā |
KAZ07.5.46cd/ samād api hi labdha.arthād viśvas tasya bhayaṁ bhavet || 46 ||
KAZ07.5.47ab/ jyāyastve ca-api labdha.arthaḥ samo 'pi parikalpate |
KAZ07.5.47cd/ abhyuccitaś ca-aviśvāsyo vṛddhiś citta.vikāriṇī || 47 ||
KAZ07.5.48ab/ viśiṣṭād alpam apy aṁśaṁ labdhvā tuṣṭa.mukho vrajet |
KAZ07.5.48cd/ anaṁśo vā tato 'sya-aṅke prahṛtya dvi.guṇaṁ haret || 48 ||
KAZ07.5.49ab/ kṛta.arthas tu svayaṁ netā visṛjet sāmavāyikān |
KAZ07.5.49cd/ api jīyeta na jayen maṇḍala.iṣṭas tathā bhavet || 49 ||

7.6. Chapter 6 (Sections 111; 112): March of two Allied Kings; Treaties with Stipulations, without Stipulations and with Deserters

[Note: [ K tr.391 :: K2 tr. 338]

KAZ07.6.01/ vijigīṣur dvitīyāṁ prakṛtim evam atisandadhyāt | 1 |

KAZ07.6.02/ sāmantaṁ saṁhita.prayāṇe yoja- [Page 178 ]yet "tvam ito yāhi, aham ito yāsyāmi, samāno lābhaḥ" iti | 2 |

KAZ07.6.03/ lābha.sāmye sandhiḥ, vaiṣamye vikramaḥ | 3 |

KAZ07.6.04/ sandhiḥ paripaṇitaś ca-aparipaṇitaś ca | 4 |

KAZ07.6.05/ "tvam etaṁ deśaṁ yāhi, aham imaṁ deśaṁ yāsyāmi" iti paripaṇita.deśaḥ | 5 |

KAZ07.6.06/ "tvam etāvantaṁ kālaṁ ceṣṭasva, aham etāvantaṁ kālaṁ ceṣṭiṣye" iti paripaṇita.kālaḥ | 6 |

KAZ07.6.07/ "tvam etāvat.kāryaṁ sādhaya, aham idaṁ kāryaṁ sādhayiṣyāmi" iti paripaṇita.arthaḥ | 7 |

KAZ07.6.08/ yadi vā manyeta "śaila.vana.nadī.durgam aṭavī.vyavahitaṁ chinna.dhānya.puruṣa.vīvadha.āsāram ayavasa.indhana.udakam avijñātaṁ prakṛṣṭam anya.bhāva.deśīyaṁ vā sainya.vyāyāmānām alabdha.bhaumaṁ vā deśaṁ paro yāsyati, viparītam aham" ity etasmin viśeṣe paripaṇita.deśaṁ sandhim upeyāt | 8 |

KAZ07.6.09/ yadi vā manyeta "pravarṣa.uṣṇa.śītam ativyādhi.prāyam upakṣīṇa.āhāra.upabhogaṁ sainya.vyāyāmānāṁ ca-auparodhikaṁ kārya.sādhanānām ūnam atiriktaṁ vā kālaṁ paraś ceṣṭiṣyate, viparītam aham" ity etasmin viśeṣe paripaṇita.kālaṁ sandhim upeyāt | 9 |

KAZ07.6.10/ yadi vā manyeta "pratyādeyaṁ prakṛti.kopakaṁ dīrgha.kālaṁ mahā.kṣaya.vyayam alpam anartha.anubandham akalyam adharmyaṁ madhyama.udāsīna.viruddhaṁ mitra.upaghātakaṁ vā kāryaṁ paraḥ sādhayiṣyati, viparītam aham" ity etasmin viśeṣe paripaṇita.arthaṁ sandhim upeyāt | 10 |

KAZ07.6.11/ evaṁ deśa.kālayoḥ kāla.kāryayor deśa.kāryayor deśa.kāla.kāryāṇāṁ ca-avasthāpanāt sapta.vidhaḥ paripaṇitaḥ | 11 |

KAZ07.6.12/ tasmin prāg eva-ārabhya pratiṣṭhāpya ca sva.karmāṇi para.karmasu vikrameta | 12 |

KAZ07.6.13/ vyasana.tvara.avamāna.ālasya.yuktam ajñaṁ vā śatrum atisandhātu.kāmo deśa.kāla.kāryāṇām anavasthāpanāt "saṁhitau svaḥ" iti sandhi.viśvāsena parac.chidram āsādya prahared ity aparipaṇitaḥ | 13 |

KAZ07.6.14/ tatra-etad bhavati | 14 |

KAZ07.6.15ab/ sāmantena-eva sāmantaṁ vidvān āyojya vigrahe |
KAZ07.6.15cd/ tato 'nyasya hared bhūmiṁ chittvā pakṣaṁ samantataḥ || 15 ||

KAZ07.6.16/ sandher akṛta.cikīrṣā kṛta.śleṣaṇaṁ kṛta.vidūṣaṇam avaśīrṇa.kriyā ca | 16 |

KAZ07.6.17/ vikramasya prakāśa.yuddhaṁ kūṭa.yuddhaṁ tūṣṇīṁ.yuddham | 17 |

KAZ07.6.18/ iti sandhi.vikramau | 18 |

[Page 179 ]

KAZ07.6.19/ apūrvasya sandheḥ sa.anubandhaiḥ sāma.ādibhiḥ paryeṣaṇaṁ sama.hīna.jyāyasāṁ ca yathā.balam avasthāpanam akṛta.cikīrṣā | 19 |

KAZ07.6.20/ kṛtasya priya.hitābhyām ubhayataḥ paripālanaṁ yathā.sambhāṣitasya ca nibandhanasya-anuvartanaṁ rakṣaṇaṁ ca "kathaṁ parasmān na bhidyeta" iti kṛta.śleṣaṇam | 20 |

KAZ07.6.21/ parasya-apasandheyatāṁ dūṣya.atisandhānena sthāpayitvā vyatikramaḥ kṛta.vidūṣaṇam | 21 |

KAZ07.6.22/ bhṛtyena mitreṇa vā doṣa.apasṛtena pratisandhānam avaśīrṇa.kriyā | 22 |

KAZ07.6.23/ tasyāṁ gata.āgataś catur.vidhaḥ - kāraṇād gata.āgato, viparītaḥ, kāraṇād gato 'kāraṇād āgato, viparītaś ca-iti | 23 |

KAZ07.6.24/ svāmino doṣeṇa gato guṇena-āgataḥ parasya guṇena gato doṣeṇa-āgata iti kāraṇād gata.āgataḥ sandheyaḥ | 24 |

KAZ07.6.25/ sva.doṣeṇa gata.āgato guṇam ubhayoḥ parityajya akāraṇād gata.āgataḥ cala.buddhir asandheyaḥ | 25 |

KAZ07.6.26/ svāmino doṣeṇa gataḥ parasmāt sva.doṣeṇa-āgata iti kāraṇād gato 'kāraṇād āgataḥ tarkayitavyaḥ "para.prayuktaḥ svena vā doṣeṇa-apakartu.kāmaḥ, parasya-ucchettāram amitraṁ me jñātvā pratighāta.bhayād āgataḥ, paraṁ vā mām ucchettu.kāmaṁ parityajya-ānṛśaṁsyād āgataḥ" iti | 26 |

KAZ07.6.27/ jñātvā kalyāṇa.buddhiṁ pūjayed, anyathā.buddhim apakṛṣṭaṁ vāsayet | 27 |

KAZ07.6.28/ sva.doṣeṇa gataḥ para.doṣeṇa-āgata ity akāraṇād gataḥ kāraṇād āgataḥ tarkayitavyaḥ " chidraṁ me pūrayiṣyati, ucito 'yam asya vāsaḥ, paratra-asya jano na ramate, mitrair me saṁhitaḥ, śatrubhir vigṛhītaḥ, lubdha.krūrād āvignaḥ śatru.saṁhitād vā parasmāt" iti | 28 |

KAZ07.6.29/ jñātvā yathā.buddhy avasthāpayitavyaḥ | 29 |

KAZ07.6.30/ "kṛta.praṇāśaḥ śakti.hānir vidyā.paṇyatvam āśā.nirvedo deśa.laulyam aviśvāso balavad.vigraho vā parityāga.sthānam" ity ācāryāḥ | 30 |

KAZ07.6.31/ bhayam avṛttir amarṣa iti kauṭilyaḥ | 31 |

KAZ07.6.32/ iha-apakārī tyājyaḥ, para.apakārī sandheyaḥ, ubhaya.apakārī tarkayitavya iti samānam | 32 |

KAZ07.6.33/ asandheyena tv avaśyaṁ sandhātavye yataḥ prabhāvas tataḥ pratividadhyāt | 33 |

KAZ07.6.34ab/ sa.upakāraṁ vyavahitaṁ guptam āyuḥ.kṣayād iti |
KAZ07.6.34cd/ vāsayed ari.pakṣīyam avaśīrṇa.kriyā.vidhau || 34 ||
KAZ07.6.35ab/ vikramayed bhartari vā siddhaṁ vā daṇḍa.cāriṇam |
KAZ07.6.35cd/ kuryād amitra.aṭavīṣu pratyante vā-anyataḥ kṣipet || 35 ||
[Page 180 ]
KAZ07.6.36ab/ paṇyaṁ kuryād asiddhaṁ vā siddhaṁ vā tena saṁvṛtam |
KAZ07.6.36cd/ tasya-eva doṣeṇa.adūṣya para.sandheya.kāraṇāt || 36 ||
KAZ07.6.37ab/ atha vā śamayed enam āyaty.artham upāṁśunā |
KAZ07.6.37cd/ āyatyāṁ ca vadha.prepsuṁ dṛṣṭvā hanyād gata.āgatam || 37 ||
KAZ07.6.38ab/ arito 'bhyāgato doṣaḥ śatru.saṁvāsa.kāritaḥ |
KAZ07.6.38cd/ sarpa.saṁvāsa.dharmitvān nitya.udvegena dūṣitaḥ || 38 ||
KAZ07.6.39ab/ jāyate plakṣa.bīja.āśāt kapotād iva śālmaleḥ |
KAZ07.6.39cd/ udvega.janano nityaṁ paścād api bhaya.āvahaḥ || 39 ||
KAZ07.6.40ab/ prakāśa.yuddhaṁ nirdiṣṭe deśe kāle ca vikramaḥ |
KAZ07.6.40cd/ vibhīṣaṇam avaskandaḥ pramāda.vyasana.ardanam || 40 ||
KAZ07.6.41ab/ ekatra tyāga.ghātau ca kūṭa.yuddhasya mātṛkā |
KAZ07.6.41cd/ yoga.gūḍha.upajāpa.arthaṁ tūṣṇīṁ.yuddhasya lakṣaṇam || 41 ||

7.7. Chapter 7 (Section 113): Peace and War Connected with Dual Policy

[Note: [ K tr. 396 :: K2 tr. 342]

KAZ07.7.01/ vijigīṣur dvitīyāṁ prakṛtim evam upagṛhṇīyāt | 1 |

KAZ07.7.02/ sāmantaṁ sāmantena sambhūya yāyāt, yadi vā manyeta "pārṣṇiṁ me na grahīṣyati, pārṣṇi.grāhaṁ vārayiṣyati, yātavyaṁ na-abhisariṣyati, bala.dvaiguṇyaṁ me bhaviṣyati, vīvadha.āsārau me pravartayiṣyati, parasya vārayiṣyati, bahv.ābādhe me pathi kaṇṭakān mardayiṣyati, durga.aṭavy.apasāreṣu daṇḍena cariṣyati, yātavyam aviṣahye doṣe sandhau vā sthāpayiṣyati, labdha.lābha.aṁśo vā śatrūn anyān me viśvāsayiṣyati" iti | 2 |

KAZ07.7.03/ dvaidhī.bhūto vā kośena daṇḍaṁ daṇḍena kośaṁ sāmantānām anyatamāl lipseta | 3 |

KAZ07.7.04/ teṣāṁ jyāyaso 'dhikena-aṁśena samāt samena hīnādd hīnena-iti sama.sandhiḥ | 4 |

KAZ07.7.05/ viparyaye viṣama.sandhiḥ | 5 |

KAZ07.7.06/ tayor viśeṣa.lābhād atisandhiḥ | 6 |

[Page 181 ]

KAZ07.7.07/ vyasaninam apāya.sthāne saktam anarthinaṁ vā jyāyāṁsaṁ hīno bala.samena lābhena paṇeta | 7 |

KAZ07.7.08/ paṇitas tasya-apakāra.samartho vikrameta, anyathā sandadhyāt | 8 |

KAZ07.7.09/ evaṁ.bhūto vā hīna.śakti.pratāpa.pūraṇa.arthaṁ sambhāvya.artha.abhisārī mūla.pārṣṇi.trāṇa.arthaṁ vā jyāyāṁsaṁ hīno bala.samād viśiṣṭena lābhena paṇeta | 9 |

KAZ07.7.10/ paṇitaḥ kalyāṇa.buddhim anugṛhṇīyāt, anyathā vikrameta | 10 |

KAZ07.7.11/ jāta.vyasana.prakṛti.randhram upasthita.anarthaṁ vā jyāyāṁsaṁ hīno durga.mitra.pratiṣṭabdho vā hrasvam adhvānaṁ yātu.kāmaḥ śatrum ayuddham eka.anta.siddhiṁ vā lābham ādātu.kāmo bala.samādd hīnena lābhena paṇeta | 11 |

KAZ07.7.12/ paṇitas tasya-apakāra.samartho vikrameta, anyathā sandadhyāt | 12 |

KAZ07.7.13/ arandhra.vyasano vā jyāyān dur.ārabdha.karmāṇaṁ bhūyaḥ kṣaya.vyayābhyāṁ yoktu.kāmo dūṣya.daṇḍaṁ pravāsayitu.kāmo dūṣya.daṇḍam āvāhayitu.kāmo vā pīḍanīyam ucchedanīyaṁ vā hīnena vyathayitu.kāmaḥ sandhi.pradhāno vā kalyāṇa.buddhir hīnaṁ lābhaṁ pratigṛhṇīyāt | 13 |

KAZ07.7.14/ kalyāṇa.buddhinā sambhūya-arthaṁ lipseta, anyathā vikrameta | 14 |

KAZ07.7.15/ evaṁ samaḥ samam atisandadhyād anugṛhṇīyād vā | 15 |

KAZ07.7.16/ para.anīkasya pratyanīkaṁ mitra.aṭavīnāṁ vā, śatror vibhūmīnāṁ deśikaṁ mūla.pārṣṇi.trāṇa.arthaṁ vā samo bala.samena lābhena paṇeta | 16 |

KAZ07.7.17/ paṇitaḥ kalyāṇa.buddhim anugṛhṇīyāt, anyathā vikrameta | 17 |

KAZ07.7.18/ jāta.vyasana.prakṛti.randhram aneka.viruddham anyato labhamāno vā samo bala.samādd hīnena lābhena paṇeta | 18 |

KAZ07.7.19/ paṇitas tasya-apakāra.samartho vikrameta, anyathā sandadhyāt | 19 |

KAZ07.7.20/ evaṁ.bhūto vā samaḥ sāmanta.āyatta.kāryaḥ kartavya.balo vā bala.samād viśiṣṭena lābhena paṇeta | 20 |

KAZ07.7.21/ paṇitaḥ kalyāṇa.buddhim anugṛhṇīyāt anyathā vikrameta | 21 |

KAZ07.7.22/ jāta.vyasana.prakṛti.randhram abhihantu.kāmaḥ sv.ārabdham eka.anta.siddhiṁ vā-asya karma.upahantu.kāmo mūle yātrāyāṁ vā prahartu.kāmo yātavyād.bhūyo labhamāno vā jyāyāṁsaṁ hīnaṁ samaṁ vā bhūyo yāceta | 22 |

KAZ07.7.23/ bhūyo vā yācitaḥ sva.bala.rakṣā.arthaṁ durdharṣam anya.durgam āsāram aṭavīṁ vā para.daṇḍena marditu.kāmaḥ prakṛṣṭe 'dhvani kāle vā para.daṇḍaṁ kṣaya.vyayābhyāṁ yoktu.kāmaḥ para.daṇḍena vā vivṛddhas tam eva-ucchettu.kāmaḥ para.daṇḍam ādātu.kāmo vā bhūyo dadyāt | 23 |

KAZ07.7.24/ jyāyān vā hīnaṁ yātavya.apadeśena haste kartu.kāmaḥ param ucchidya vā tam eva-ucchettu.kāmaḥ, tyāgaṁ vā kṛtvā pratyādātu.kāmo bala.samād viśiṣṭena lābhena paṇeta | 24 |

KAZ07.7.25/ paṇita- [Page 182 ]s tasya-apakāra.samartho vikrameta, anyathā sandadhyāt | 25 |

KAZ07.7.26/ yātavya.saṁhito vā tiṣṭhet, dūṣya.amitra.aṭavī.daṇḍaṁ vā-asmai dadyāt | 26 |

KAZ07.7.27/ jāta.vyasana.prakṛti.randhro vā jyāyān hīnaṁ bala.samena lābhena paṇeta | 27 |

KAZ07.7.28/ paṇitas tasya-apakāra.samartho vikrameta, anyathā sandadhyāt | 28 |

KAZ07.7.29/ evaṁ.bhūtaṁ hīnaṁ jyāyān bala.samādd hīnena lābhena paṇeta | 29 |

KAZ07.7.30/ paṇitas tasya-apakāra.samartho vikrameta, anyathā sandadhyāt | 30 |

KAZ07.7.31ab/ ādau budhyeta paṇitaḥ paṇamānaś ca kāraṇam |
KAZ07.7.31cd/ tato vitarkya.ubhayato yataḥ śreyaś tato vrajet || 31 ||

7.8. Chapter 8 (Sections 114; 115): Conduct of the King about to be Attacked; Allies Fit to be Helped

[Note: [ K tr. 400 :: K2 tr. 346]

KAZ07.8.01/ yātavyo 'bhiyāsyamānaḥ sandhi.kāraṇam ādātu.kāmo vihantu.kāmo vā sāmavāyikānām anyatamaṁ lābha.dvaiguṇyena paṇeta | 1 |

KAZ07.8.02/ paṇamānaḥ kṣaya.vyaya.pravāsa.pratyavāya.para.upakāra.śarīra.ābādhāṁś ca-asya varṇayet | 2 |

KAZ07.8.03/ pratipannam arthena yojayet | 3 |

KAZ07.8.04/ vairaṁ vā parair grāhayitvā visaṁvādayet | 4 |

KAZ07.8.05/ durārabdha.karmāṇaṁ bhūyaḥ kṣaya.vyayābhyāṁ yoktu.kāmaḥ sv.ārabdhāṁ vā yātrā.siddhiṁ vighātayitu.kāmo mūle yātrāyāṁ vā prahartu.kāmo yātavya.saṁhitaḥ punar yācitu.kāmaḥ pratyutpanna.artha.kṛcchras tasminn aviśvasto vā tadātve lābham alpam icchet, āyatyāṁ prabhūtam | 5 |

KAZ07.8.06/ mitra.upakāram amitra.upaghātam artha.anubandham avekṣamāṇaḥ pūrva.upakārakaṁ kārayitu.kāmo bhūyas tadātve mahāntaṁ lābham utsṛjya-āyatyām alpam icchet | 6 |

KAZ07.8.07/ dūṣya.amitrābhyāṁ mūla.hareṇa vā jyāyasā vigṛhītaṁ trātu.kāmas tathā.vidham upakāraṁ kārayitu.kāmaḥ sambandha.avekṣī vā tadātve ca-āyatyāṁ ca lābhaṁ na pratigṛhṇīyāt | 7 |

KAZ07.8.08/ kṛta.sandhir atikramitu.kāmaḥ parasya prakṛti.karśanaṁ mitra.amitra.sandhi.viśleṣaṇaṁ vā kartu.kāmaḥ para.abhiyogāt-śaṅkamāno lābham aprāptam adhikaṁ vā yāceta | 8 |

KAZ07.8.09/ tam itaras tadātve ca-āyatyāṁ ca kramam avekṣeta | 9 |

KAZ07.8.10/ tena pūrve vyākhyātāḥ | 10 |

[Page 183 ]

KAZ07.8.11/ ari.vijigīṣvos tu svaṁ svaṁ mitram anugṛhṇatoḥ śakya.kalya.bhavya.ārambhi.sthira.karma.anurakta.prakṛtibhyo viśeṣaḥ | 11 |

KAZ07.8.12/ śakya.ārambhī viṣahyaṁ karma-ārabhate, kalya.ārambhī nirdoṣam, bhavya.ārambhī kalyāṇa.udayam | 12 |

KAZ07.8.13/ sthira.karmā na-asamāpya karma-uparamate | 13 |

KAZ07.8.14/ anurakta.prakṛtiḥ susahāyatvād alpena-apy anugraheṇa kāryaṁ sādhayati | 14 |

KAZ07.8.15/ ta ete kṛta.arthāḥ sukhena prabhūtaṁ ca-upakurvanti | 15 |

KAZ07.8.16/ ataḥ pratilomā na-anugrāhyāḥ | 16 |

KAZ07.8.17/ tayor eka.puruṣa.anugrahe yo mitraṁ mitra.taraṁ vā-anugṛhṇāti so 'tisandhatte | 17 |

KAZ07.8.18/ mitrād ātma.vṛddhiṁ hi prāpnoti, kṣaya.vyaya.pravāsa.para.upakārān itaraḥ | 18 |

KAZ07.8.19/ kṛta.arthaś ca śatrur vaiguṇyam eti | 19 |

KAZ07.8.20/ madhyamaṁ tv anugṛhṇator yo madhyamaṁ mitraṁ mitrataraṁ vā-anugṛhṇāti so 'tisandhatte | 20 |

KAZ07.8.21/ mitrād ātma.vṛddhiṁ hi prāpnoti, kṣaya.vyaya.pravāsa.para.upakārān itaraḥ | 21 |

KAZ07.8.22/ madhyamaś ced anugṛhīto viguṇaḥ syād amitro 'tisandhatte | 22 |

KAZ07.8.23/ kṛta.prayāsaṁ hi madhyama.amitram apasṛtam eka.artha.upagataṁ prāpnoti | 23 |

KAZ07.8.24/ tena-udāsīna.anugraho vyākhyātaḥ | 24 |

KAZ07.8.25/ madhyama.udāsīnayor bala.aṁśa.dāne yaḥ śūraṁ kṛta.astraṁ duḥkha.saham anuraktaṁ vā daṇḍaṁ dadāti so 'tisandhīyate | 25 |

KAZ07.8.26/ viparīto 'tisandhatte | 26 |

KAZ07.8.27/ yatra tu daṇḍaḥ prahitas taṁ vā ca-artham anyāṁś ca sādhayati tatra maula.bhṛta.śreṇī.mitra.aṭavī.balānām anyatamam upalabdha.deśa.kālaṁ daṇḍaṁ dadyāt, amitra.aṭavī.balaṁ vā vyavahita.deśa.kālam | 27 |

KAZ07.8.28/ yaṁ tu manyeta "kṛta.artho me daṇḍaṁ gṛhṇīyād, amitra.aṭavy.abhūmy.anṛtuṣu vā vāsayed, aphalaṁ vā kuryād" iti, daṇḍa.vyāsaṅga.apadeśena na-enam anugṛhṇīyāt | 28 |

KAZ07.8.29/ evam avaśyaṁ tv anugrahītavye tat.kāla.saham asmai daṇḍaṁ dadyāt | 29 |

KAZ07.8.30/ ā.samāpteś ca-enaṁ vāsayed yodhayec ca bala.vyasanebhyaś ca rakṣet | 30 |

KAZ07.8.31/ kṛta.arthāc ca sa.apadeśam apasrāvayet | 31 |

KAZ07.8.32/ dūṣya.amitra.aṭavī.daṇḍaṁ vā-asmai dadyāt | 32 |

KAZ07.8.33/ yātavyena vā sandhāya-enam atisandadhyāt | 33 |

KAZ07.8.34ab/ same hi lābhe sandhiḥ syād viṣame vikramo mataḥ |
KAZ07.8.34cd/ sama.hīna.viśiṣṭānām ity uktāḥ sandhi.vikramāḥ || 34 ||

7.9. Chapter 9 (Section 116): Pacts for Securing an Ally, Money, Land and an Undertaking

[Page 184 ] [Note: [ K tr. 404 :: K2 tr. 349]

KAZ07.9.01/ saṁhita.prayāṇe mitra.hiraṇya.bhūmi.lābhānām uttara.uttaro lābhaḥ śreyān | 1 |

KAZ07.9.02/ mitra.hiraṇye hi bhūmi.lābhād bhavataḥ, mitraṁ hiraṇya.lābhāt | 2 |

KAZ07.9.03/ yo vā lābhaḥ siddhaḥ śeṣayor anyataraṁ sādhayati | 3 |

KAZ07.9.04/ "tvaṁ ca-ahaṁ ca mitraṁ labhāvahe" ity evaṁ.ādidh sama.sandhiḥ | 4 |

KAZ07.9.05/ "tvaṁ mitram" ity evaṁ.ādir viṣama.sandhiḥ | 5 |

KAZ07.9.06/ tayor viśeṣa.lābhād atisandhiḥ | 6 |

KAZ07.9.07/ sama.sandhau tu yaḥ sampannaṁ mitraṁ mitra.kṛcchre vā mitram avāpnoti so 'tisandhatte | 7 |

KAZ07.9.08/ āpadd hi sauhṛda.sthairyam utpādayati | 8 |

KAZ07.9.09/ mitra.kṛcchre 'pi nityam avaśyam anityaṁ vaśyaṁ vā-iti "nityam avaśyaṁ śreyaḥ, tadd hi anupakurvad api na-apakaroti" ity ācāryāḥ | 9 |

KAZ07.9.10/ na-iti kauṭilyaḥ | 10 |

KAZ07.9.11/ vaśyam anityaṁ śreyaḥ | 11 |

KAZ07.9.12/ yāvad upakaroti tāvan mitraṁ bhavati, upakāra.lakṣaṇaṁ mitram iti | 12 |

KAZ07.9.13/ vaśyayor api mahā.bhogam anityam alpa.bhogaṁ vā nityam iti "mahā.bhogam anityaṁ śreyaḥ, mahā.bhogam anityam alpa.kālena mahad.upakurvan mahānti vyaya.sthānāni pratikaroti" ity ācāryāḥ | 13 |

KAZ07.9.14/ na-iti kauṭilyaḥ | 14 |

KAZ07.9.15/ nityam alpa.bhogaṁ śreyaḥ | 15 |

KAZ07.9.16/ mahā.bhogam anityam upakāra.bhayād apakrāmati, upakṛtya vā pratyādātum īhate | 16 |

KAZ07.9.17/ nityam alpa.bhogaṁ sātatyād alpam upakurvan mahatā kālena mahad upakaroti | 17 |

KAZ07.9.18/ guru.samutthaṁ mahan mitraṁ laghu.samuttham alpaṁ vā-iti "guru.samutthaṁ mahan mitraṁ pratāpa.karaṁ bhavati, yadā ca-uttiṣṭhate tadā kāryaṁ sādhayati" ity ācāryāḥ | 18 |

KAZ07.9.19/ na-iti kauṭilyaḥ | 19 |

KAZ07.9.20/ laghu.samuttham alpaṁ śreyaḥ | 20 |

KAZ07.9.21/ lagu.samuttham alpaṁ mitraṁ kārya.kālaṁ na-atipātayati daurbalyāc ca yathā.iṣṭa.bhogyaṁ bhavati, na-itarat prakṛṣṭa.bhaumam | 21 |

KAZ07.9.22/ vikṣipta.sainyam avaśya.sainyaṁ vā-iti "vikṣiptaṁ sainyaṁ śakyaṁ pratisaṁhartuṁ vaśyatvād" ity ācāryāḥ | 22 |

KAZ07.9.23/ na-iti [Page 185 ]kauṭilyaḥ | 23 |

KAZ07.9.24/ avaśya.sainyaṁ śreyaḥ | 24 |

KAZ07.9.25/ avaśyaṁ hi śakyaṁ sāma.ādibhir vaśyaṁ kartum, na-itarat kārya.vyāsaktaṁ pratisaṁhartum | 25 |

KAZ07.9.26/ puruṣa.bhogaṁ hiraṇya.bhogaṁ vā mitram iti "puruṣa.bhogaṁ mitraṁ śreyaḥ, pruṣa.bhogaṁ mitraṁ pratāpa.karaṁ bhavati, yadā ca-uttiṣṭhate tadā kāryaṁ sādhayati" ity ācāryāḥ | 26 |

KAZ07.9.27/ na-iti kauṭilyaḥ | 27 |

KAZ07.9.28/ hiraṇya.bhogaṁ mitraṁ śreyaḥ | 28 |

KAZ07.9.29/ nityo hi hiraṇyena yogaḥ kadācid daṇḍena | 29 |

KAZ07.9.30/ daṇḍaś ca hiraṇyena-anye ca kāmāḥ prāpyanta iti | 30 |

KAZ07.9.31/ hiraṇya.bhogaṁ bhūmi.bhogaṁ vā mitram iti "hiraṇya.bhogaṁ gatimattvāt sarva.vyaya.pratīkāra.karam" ity ācāryāḥ | 31 |

KAZ07.9.32/ na-iti kauṭilyaḥ | 32 |

KAZ07.9.33/ mitra.hiraṇye hi bhūmi.lābhād bhavata ity uktaṁ purastād | 33 |

KAZ07.9.34/ tasmād bhūmi.bhogaṁ mitraṁ śreya iti | 34 |

KAZ07.9.35/ tulye puruṣa.bhoge vikramaḥ kleśa.sahatvam anurāgaḥ sarva.bala.lābho vā mitra.kulād viśeṣaḥ | 35 |

KAZ07.9.36/ tulye hiraṇya.bhoge prārthita.arthatā prābhūtyam alpa.prayasatā sātatyaṁ ca viśeṣaḥ | 36 |

KAZ07.9.37/ tatra-etad bhavati | 37 |

KAZ07.9.38ab/ nityaṁ vaśyaṁ laghu.utthānaṁ pitṛ.paitāmahaṁ mahat |
KAZ07.9.38cd/ advaidhyaṁ ca-iti sampannaṁ mitraṁ ṣaḍ.guṇam ucyate || 38 ||
KAZ07.9.39ab/ ṛte yad arthaṁ praṇayād rakṣyate yac ca rakṣati |
KAZ07.9.39cd/ pūrva.upacita.sambandhaṁ tan mitraṁ nityam ucyate || 39 ||
KAZ07.9.40ab/ sarva.citra.mahā.bhogaṁ trividhaṁ vaśyam ucyate |
KAZ07.9.40cd/ ekato.bhogy ubhayataḥ sarvato.bhogi ca-aparam || 40 ||
KAZ07.9.41ab/ ādātṛ vā dātr.api vā jīvaty ariṣu hiṁsayā |
KAZ07.9.41cd/ mitraṁ nityam avaśyaṁ tad.durga.aṭavy.apasāri ca || 41 ||
KAZ07.9.42ab/ anyato vigṛhītaṁ yal laghu.vyasanam eva vā |
KAZ07.9.42cd/ sandhatte ca-upakārāya tan mitraṁ vaśyam adhruvam || 42 ||
KAZ07.9.43ab/ eka.arthena-atha sambaddham upakārya.vikāri ca |
KAZ07.9.43cd/ mitra.bhāvi bhavaty etan mitram advaidhyam āpadi || 43 ||
KAZ07.9.44ab/ mitra.bhāvād dhruvaṁ mitraṁ śatru.sādhāraṇāc calam |
KAZ07.9.44cd/ na kasyacid udāsīnaṁ dvayor ubhaya.bhāvi tat || 44 ||
KAZ07.9.45ab/ vijigīṣor amitraṁ yan mitram antardhitāṁ gatam |
KAZ07.9.45cd/ upakāre 'niviṣṭaṁ vā-aśaktaṁ vā-anupakāri tat || 45 ||
KAZ07.9.46ab/ priyaṁ parasya vā rakṣyaṁ pūjyaṁ sambaddham eva vā |
KAZ07.9.46cd/ anugṛhṇāti yan mitraṁ śatru.sādhāraṇaṁ hi tat || 46 ||
[Page 186 ]
KAZ07.9.47ab/ prakṛṣṭa.bhaumaṁ santuṣṭaṁ balavac ca-ālasaṁ ca yat |
KAZ07.9.47cd/ udāsīnaṁ bhavaty etad vyasanād avamānitam || 47 ||
KAZ07.9.48ab/ arer netuś ca yad vṛddhiṁ daurbalyād anuvartate |
KAZ07.9.48cd/ ubhayasya-apy avidviṣṭaṁ vidyād ubhaya.bhāvi tat || 48 ||
KAZ07.9.49ab/ kāraṇa.akāraṇa.dhvastaṁ kāraṇa.akāraṇa.āgatam |
KAZ07.9.49cd/ yo mitraṁ samupekṣeta sa mṛtyum upagūhati || 49 ||

KAZ07.9.50/ kṣipram alpo lābhaś cirān mahān iti vā "kṣipram alpo lābhaḥ kārya.deśa.kāla.saṁvādakaḥ śreyān" ity ācāryāḥ | 50 |

KAZ07.9.51/ na-iti kauṭilyaḥ | 51 |

KAZ07.9.52/ cirād avinipātī bīja.sadharmā mahāml lābhaḥ śreyān, viparyaye pūrvaḥ | 52 |

KAZ07.9.53ab/ evaṁ dṛṣṭvā dhruve lābhe lābha.aṁśe ca guṇa.udayam |
KAZ07.9.53cd/ sva.artha.siddhi.paro yāyāt saṁhitaḥ sāmavāyikaiḥ || 53 ||

7.10. Chapter 10 (Section 116): Pacts for Securing an Ally, Money, Land and an Undertaking (cont.)

[Note: [ K tr. 409 :: K2 tr. 353]

KAZ07.10.01/ "tvaṁ ca-ahaṁ ca bhūmiṁ labhāvahe" iti bhūmi.sandhiḥ | 1 |

KAZ07.10.02/ tayor yaḥ pratyupasthita.arthaḥ sampannāṁ bhūmim avāpnoti so 'tisandhatte | 2 |

KAZ07.10.03/ tulye sampanna.alābhe yo balavantam ākramya bhūmim avāpnoti so 'tisandhatte | 3 |

KAZ07.10.04/ bhūmi.lābhaṁ śatru.karśanaṁ pratāpaṁ ca hi prāpnoti | 4 |

KAZ07.10.05/ durbalād.bhūmi.lābhe satyaṁ saukaryaṁ bhavati | 5 |

KAZ07.10.06/ durbala eva ca bhūmi.lābhaḥ, tat.sāmantaś ca mitram amitra.bhāvaṁ gacchati | 6 |

KAZ07.10.07/ tulye balīyastve yaḥ sthita.śatrum utpāṭya bhūmim avāpnoti so 'tisandhatte | 7 |

KAZ07.10.08/ durga.avāptir hi sva.bhūmi.rakṣaṇam amitra.aṭavī.pratiṣedhaṁ ca karoti | 8 |

KAZ07.10.09/ cala.amitrād.bhūmi.lābhe śakya.sāmantato viśeṣaḥ | 9 |

KAZ07.10.10/ durbala.sāmantā hi kṣipra.āpyāyana.yoga.kṣemā bhavati | 10 |

KAZ07.10.11/ viparītā balavat sāmantā kośa.daṇḍa.avacchedanī ca bhūmir bhavati | 11 |

[Page 187 ]

KAZ07.10.12/ sampannā nitya.amitrā manda.guṇā vā bhūmir anitya.amitrā-iti "sampannā nitya.amitrā śreyasī bhūmiḥ sampannā hi kośa.daṇḍau sampādayati, tau ca-amitra.pratighātakau ity ācāryāḥ | 12 |

KAZ07.10.13/ na-iti kauṭilyaḥ | 13 |

KAZ07.10.14/ nitya.amitra.alābhe bhūyān śatru.lābho bhavati | 14 |

KAZ07.10.15/ nityaś ca śatrur upakṛte ca-apakṛte ca śatrur eva bhavati, anityas tu śatrur upakārād anapakārād vā śāmyati | 15 |

KAZ07.10.16/ yasyā hi bhūmer bahu.durgāś cora.gaṇair mleccha.aṭavībhir vā nitya.avirahitāḥ pratyantāḥ sā nitya.amitrā, viparyaye tv anitya.amitrā | 16 |

KAZ07.10.17/ alpā pratyāsannā mahatī vyavahitā vā bhūmir iti alpā pratyāsannā śreyasī | 17 |

KAZ07.10.18/ sukhā hi prāptuṁ pālayitum abhisārayituṁ ca bhavati | 18 |

KAZ07.10.19/ viparītā vyavahitā | 19 |

KAZ07.10.20/ vyavahitayor api daṇḍa.dhāraṇā-ātma.dhāraṇā vā bhūmir iti ātma.dhāraṇā śreyasī | 20 |

KAZ07.10.21/ sā hi sva.samutthābhyāṁ kośa.daṇḍābhyāṁ dhāryate | 21 |

KAZ07.10.22/ viparītā daṇḍa.dhāraṇā daṇḍa.sthānam | 22 |

KAZ07.10.23/ bāliśāt prājñād vā bhūmi.lābha iti bāliśād.bhūmi.lābhaḥ śreyān | 23 |

KAZ07.10.24/ suprāpyā-anupālyā hi bhavati, apratyādeyā ca | 24 |

KAZ07.10.25/ viparītā prājñād anuraktā | 25 |

KAZ07.10.26/ pīḍanīya.ucchedanīyayor ucchedanīyād bhūmi.lābhaḥ śreyān | 26 |

KAZ07.10.27/ ucchedanīyo hy anapāśrayo durbala.apāśrayo vā-abhiyuktaḥ kośa.daṇḍāv ādāya-apasartu.kāmaḥ prakṛtibhis tyajyate, na pīḍanīyo durga.mitra.pratiṣṭabdhaḥ | 27 |

KAZ07.10.28/ durga.pratiṣṭabdhayor api sthala.nadī.durgīyābhyāṁ sthala.durgīyād bhūmi.lābhaḥ śreyān | 28 |

KAZ07.10.29/ sthāleyaṁ hi surodha.avamarda.avaskandam anihśrāvi.śatru ca | 29 |

KAZ07.10.30/ nadī.durgaṁ tu dvi.guṇa.kleśa.karam, udakaṁ ca pātavyaṁ vṛtti.karaṁ ca-amitrasya | 30 |

KAZ07.10.31/ nadī.parvata.durgīyābhyāṁ nadī.durgīyād bbhūmi.lābhaḥ śreyān | 31 |

KAZ07.10.32/ nadī.durgaṁ hi hasti.stambha.saṅkrama.setu.bandha.naubhiḥ sādhyam anitya.gāmbhīryam avasrāvy udakaṁ ca | 32 |

KAZ07.10.33/ pārvataṁ tu sv.ārakṣaṁ duruparodhi kṛcchra.ārohaṇam, bhagne ca-ekasmin na sarva.vadhaḥ, śilā.vṛkṣa.pramokṣaś ca mahā.apakāriṇām | 33 |

KAZ07.10.34/ nimna.sthala.yodhibhyo nimna.yodhibhyo bhūmi.lābhaḥ śreyān | 34 |

KAZ07.10.35/ nimna.yodhino hy uparuddha.deśa.kālāḥ, sthala.yodhinas tu sarva.deśa.kāla.yodhinaḥ | 35 |

[Page 188 ]

KAZ07.10.36/ khanaka.ākāśa.yodhibhyaḥ khanakebhyo bhūmi.lābhaḥ śreyān | 36 |

KAZ07.10.37/ khanakā hi khātena śastreṇa ca-ubhayathā yudhyante, śastreṇa-eva-ākāśa.yodhinaḥ | 37 |

KAZ07.10.38ab/ evaṁ.vidhyebhyaḥ pṛthivīṁ labhamāno 'rtha.śāstravit |
KAZ07.10.38cd/ saṁhitebhyaḥ parebhyaś ca viśeṣam adhigacchati || 38 ||

7.11. Chapter 11 (Section 116): Pacts for Securing an Ally, Money, Land and an Undertaking (cont.)

[Note: [ K tr. 411 :: K2 tr. 355]

KAZ07.11.01/ "tvaṁ ca-ahaṁ ca śūnyaṁ niveśayāvahe" ity anavasita.sandhiḥ | 1 |

KAZ07.11.02/ tayor yaḥ pratyupasthita.artho yathā.ukta.guṇāṁ bhūmiṁ niveśayati so 'tisandhatte | 2 |

KAZ07.11.03/ tatra-api sthalam audakaṁ vā-iti mahataḥ sthalād alpam audakaṁ śreyaḥ, sātatyād avasthitatvāc ca phalānām | 3 |

KAZ07.11.04/ sthalayor api prabhūta.pūrva.apara.sasyam alpa.varṣa.pākam asakta.ārambhaṁ śreyaḥ | 4 |

KAZ07.11.05/ audakayor api dhānya.vāpam adhānya.vāpāt-śreyaḥ | 5 |

KAZ07.11.06/ tayor alpa.bahutve dhānya.kāntād alpān mahad adhānya.kāntaṁ śreyaḥ | 6 |

KAZ07.11.07/ mahaty avakāśe hi sthālyāś ca-anūpyāś ca-oṣadhayo bhavanti | 7 |

KAZ07.11.08/ durga.ādīni ca karmāṇi prabhūtyena kriyante | 8 |

KAZ07.11.09/ kṛtrimā hi bhūmi.guṇāḥ | 9 |

KAZ07.11.10/ khani.dhānya.bhogayoḥ khani.bhogaḥ kośa.karaḥ, dhānya.bhogaḥ kośa.koṣṭha.agāra.karaḥ | 10 |

KAZ07.11.11/ dhānya.mūlā hi durga.ādīnāṁ karmaṇām ārambhāḥ | 11 |

KAZ07.11.12/ mahā.viṣaya.vikrayo vā khani.bhogaḥ śreyān | 12 |

KAZ07.11.13/ "dravya.hasti.vana.bhogayor dravya.vana.bhogaḥ sarva.karmaṇāṁ yoniḥ prabhūta.nidhāna.kṣamaś ca, viparīto hasti.vana.bhogaḥ" ity ācāryāḥ | 13 |

KAZ07.11.14/ na-iti kauṭilyaḥ | 14 |

KAZ07.11.15/ śakyaṁ dravya.vanam anekam anekasyāṁ bhūmau vāpayitum, na hasti.vanam | 15 |

KAZ07.11.16/ hasti.pradhāno hi para.anīka.vadha iti | 16 |

KAZ07.11.17/ vāri.sthala.patha.bhogayor anityo vāri.patha.bhogaḥ, nityaḥ sthala.patha.bhogaḥ | 17 |

KAZ07.11.18/ bhinna.manuṣyā śreṇī.manuṣyā vā bhūmir iti bhinna.manuṣyā śreyasī | 18 |

KAZ07.11.19/ bhinna.manuṣyā bhogyā bhavati, anupajāpyā ca-anyeṣām, anāpat.sahā tu | 19 |

KAZ07.11.20/ viparītā śreṇī.manuṣyā, kope mahā.doṣā | 20 |

[Page 189 ]

KAZ07.11.21/ tasyāṁ cāturvarṇya.niveśe sarva.bhoga.sahatvād avara.varṇa.prāyā śreyasī, bāhulyād dhruvatvāc ca kṛṣyāḥ karṣakavatī, kṛṣyāś ca-anyeṣāṁ ca-ārambhāṇāṁ prayojakatvāt go.rakṣakavatī, paṇya.nicaya.ṛṇa.anugrahād āḍhya.vaṇigvatī | 21 |

KAZ07.11.22/ bhūmi.guṇānām apāśrayaḥ śreyān | 22 |

KAZ07.11.23/ durga.apāśrayā puruṣa.apāśrayā vā bhūmir iti puruṣa.apāśrayā śreyasī | 23 |

KAZ07.11.24/ puruṣavad dhi rājyam | 24 |

KAZ07.11.25/ apuruṣā gaur vandhy eva kiṁ duhīta | 25 |

KAZ07.11.26/ mahā.kṣaya.vyaya.niveśāṁ tu bhūmim avāptu.kāmaḥ pūrvam eva kretāraṁ paṇeta durbalam arāja.bījinaṁ nirutsāham apakṣam anyāya.vṛttiṁ vyasaninaṁ daiva.pramāṇaṁ yat.kiñcana.kāriṇaṁ vā | 26 |

KAZ07.11.27/ mahā.kṣaya.vyaya.niveśāyāṁ hi bhūmau durbalo rāja.bījī niviṣṭaḥ sagandhābhiḥ prakṛtibhiḥ saha kṣaya.vyayena-avasīdati | 27 |

KAZ07.11.28/ balavān arāja.bījī kṣaya.vyaya.bhayād asagandhābhiḥ prakṛtibhis tyajyate | 28 |

KAZ07.11.29/ nirutsāhas tu daṇḍavān api daṇḍasya-apraṇetā sadaṇḍaḥ kṣaya.vyayena-avabhajyate | 29 |

KAZ07.11.30/ kośavān apy apakṣaḥ kṣaya.vyaya.anugraha.hīnatvān na kutaścit prāpnoti | 30 |

KAZ07.11.31/ anyāya.vṛttir niviṣṭam apy utthāpayet | 31 |

KAZ07.11.32/ sa katham aniviṣṭaṁ niveśayet | 32 |

KAZ07.11.33/ tena vyasanī vyākhyātaḥ | 33 |

KAZ07.11.34/ daiva.pramāṇo mānuṣa.hīno nirārambho vipanna.karma.ārambho vā-avasīdati | 34 |

KAZ07.11.35/ yat.kiñcana.kārī na kiñcid āsādayati | 35 |

KAZ07.11.36/ sa ca-eṣāṁ pāpiṣṭhatamo bhavati | 36 |

KAZ07.11.37/ "yat.kiñcid.ārabhamāṇo hi vijigīṣoḥ kadācic chidram āsādayed" ity ācāryāḥ | 37 |

KAZ07.11.38/ yathā chidraṁ tathā vināśam apy āsādayed iti kauṭilyaḥ | 38 |

KAZ07.11.39/ teṣām alābhe yathā pārṣṇi.grāha.upagrahe vakṣyāmas tathā bhūmim avasthāpayet | 39 |

KAZ07.11.40/ ity abhihita.sandhiḥ | 40 |

KAZ07.11.41/ guṇavatīm ādeyāṁ vā bhūmiṁ balavatā krayeṇa yācitaḥ sandhim avasthāpya dadyāt | 41 |

KAZ07.11.42/ ity anibhṛta.sandhiḥ | 42 |

KAZ07.11.43/ samena vā yācitaḥ kāraṇam avekṣya dadyāt "pratyādeyā me bhūmir vaśyā vā, anayā pratibaddhaḥ paro me vaśyo bhaviṣyati- bhūmi.vikrayād vā mitra.hiraṇya.lābhaḥ kārya.sāmarthya.karo me bhaviṣyati" iti | 43 |

KAZ07.11.44/ tena hīnaḥ kretā vyākhyātaḥ | 44 |

[Page 190 ]
KAZ07.11.45ab/ evaṁ mitraṁ hiraṇyaṁ ca sajanām ajanāṁ ca gām |
KAZ07.11.45cd/ labhamāno 'tisandhatte śāstravit sāmavāyikān || 45 ||

7.12. Chapter 12 (Section 116): Pacts for Securing an Ally, Money, Land and an Undertaking (cont.)

[Note: [ K tr. 415 :: K2 tr. 359]

KAZ07.12.01/ "tvaṁ ca-ahaṁ ca durgaṁ kārayāvahe" iti karma.sandhiḥ | 1 |

KAZ07.12.02/ tayor yo daiva.kṛtam aviṣahyam alpa.vyaya.ārambhaṁ durgaṁ kārayati so 'tisandhatte | 2 |

KAZ07.12.03/ tatra-api sthala.nadī.parvata.durgāṇām uttara.uttaraṁ śreyaḥ | 3 |

KAZ07.12.04/ setu.bandhayor apy āhārya.udakāt saha.udakaḥ śreyān | 4 |

KAZ07.12.05/ saha.udakayor api prabhūta.vāpa.sthānaḥ śreyān | 5 |

KAZ07.12.06/ dravya.vanayor api yo mahat.sāravad.dravya.aṭavīkaṁ viṣaya.ante nadī.mātṛkaṁ dravya.vanaṁ chedayati so 'tisandhatte | 6 |

KAZ07.12.07/ nadī.mātṛkaṁ hi sv.ājīvam apāśrayaś ca-āpadi bhavati | 7 |

KAZ07.12.08/ hasti.vanayor api yo bahu.śūra.mṛgaṁ durbala.prativeśaṁ.ananta.avakleśi viṣaya.ante hasti.vanaṁ badhnāti so 'tisandhatte | 8 |

KAZ07.12.09/ tatra-api "bahu.kuṇṭha.alpa.śūrayoḥ alpa.śūraṁ śreyaḥ, śūreṣu hi yuddham, alpāḥ śūrā bahūn aśūrān bhañjanti, te bhagnāḥ sva.sainya.avaghātino bhavanti" ity ācāryāḥ | 9 |

KAZ07.12.10/ na-iti kauṭilyaḥ | 10 |

KAZ07.12.11/ kuṇṭhā bahavaḥ śreyāṁsaḥ, skandha.viniyogād anekaṁ karma kurvāṇāḥ sveṣām apāśrayo yuddhe, pareṣāṁ durdharṣā vibhīṣaṇāś ca | 11 |

KAZ07.12.12/ bahuṣu hi kuṇṭheṣu vinaya.karmaṇā śakyaṁ śauryam ādhātum, na tv eva-alpeṣu śūreṣu bahutvam iti | 12 |

KAZ07.12.13/ khanyor api yaḥ prabhūta.sārām adurga.mārgām alpa.vyaya.ārambhāṁ khaniṁ khānayati, so 'tisandhatte | 13 |

KAZ07.12.14/ tatra-api mahā.sāram alpam alpa.sāraṁ vā prabhūtam iti "mahā.sāram alpaṁ śreyaḥ, vajra.maṇi.muktā.pravāla.hema.rūpya.dhātur hi prabhūtam alpa.sāram atyargheṇa grasate" ity ācāryāḥ | 14 |

KAZ07.12.15/ na-iti kauṭilyaḥ | 15 |

KAZ07.12.16/ cirād alpo mahā.sārasya kretā vidyate, prabhūtaḥ sātatyād alpa.sārasya | 16 |

KAZ07.12.17/ etena vaṇik.patho vyākhyātaḥ | 17 |

KAZ07.12.18/ tatra-api "vāri.sthala.pathayor vāri.pathaḥ śreyān, alpa.vyaya.vyāyāmaḥ prabhūta.paṇya.udayaś ca" ity ācāryāḥ | 18 |

KAZ07.12.19/ na-iti kauṭilyaḥ | 19 |

KAZ07.12.20/ samruddha.gatir asārvakālikaḥ prakṛṣṭa.bhaya.yonir niṣpratīkāraś ca vāri.pathaḥ, viparītaḥ sthala.pathaḥ | 20 |

[Page 191 ]

KAZ07.12.21/ vāri.pathe tu kūla.samyāna.pathayoḥ kūla.pathaḥ paṇya.pattana.bāhulyāt-śreyān, nadī.patho vā, sātatyād viṣahya.ābādhatvāc ca | 21 |

KAZ07.12.22/ sthala.pathe 'pi "haimavato dakṣiṇā.pathāt-śreyān, hasty.aśva.gandha.danta.ajina.rūpya.suvarṇa.paṇyāḥ sāravattarāḥ" ity ācāryāḥ" | 22 |

KAZ07.12.23/ na-iti kauṭilyaḥ | 23 |

KAZ07.12.24/ kambala.ajina.aśva.paṇya.varjāḥ śaṅkha.vajra.maṇi.muktā.suvarṇa.paṇyāś ca prabhūtatarā dakṣiṇā.pathe | 24 |

KAZ07.12.25/ dakṣiṇā.pathe 'pi bahu.khaniḥ sāra.paṇyaḥ prasiddha.gatir alpa.vyaya.vyāyāmo vā vaṇik.pathaḥ śreyān, prabhūta.viṣayo vā phalgu.puṇyaḥ | 25 |

KAZ07.12.26/ tena pūrvaḥ paścimaś ca vaṇik.patho vyākhyātaḥ | 26 |

KAZ07.12.27/ tatra-api cakra.pāda.pathayoś cakra.patho vipula.ārambhatvāt-śreyān, deśa.kāla.sambhāvano vā khara.uṣṭra.pathaḥ | 27 |

KAZ07.12.28/ ābhyām aṁsa.patho vyākhyātaḥ | 28 |

KAZ07.12.29/ para.karma.udayo netuḥ kṣayo vṛddhir viparyaye | 29 |

KAZ07.12.30/ tulye karma.pathe sthānaṁ jñeyaṁ svaṁ vijigīṣuṇā | 30 |

KAZ07.12.31/ alpa.āgama.ativyayatā kṣayo vṛddhir viparyaye | 31 |

KAZ07.12.32/ samāya.vyayatā sthānaṁ karmasu jñeyam ātmanaḥ | 32 |

KAZ07.12.33/ tasmād alpa.vyaya.ārambhaṁ durga.ādiṣu mahā.udayam | 33 |

KAZ07.12.34/ karma labdhvā viśiṣṭaḥ syād ity uktāḥ karma.sandhayaḥ | 34 |

7.13. Chapter 13 (Section 117): Considerations about the King Attacking in the Rear

[Note: [ K tr. 418 :: K2 tr. 361]

KAZ07.13.01/ saṁhatya-ari.vijigīṣvor amitrayoḥ para.abhiyoginoḥ pārṣṇiṁ gṛhṇator yaḥ śakti.sampannasya pārṣṇiṁ gṛhṇāti so 'tisandhatte | 1 |

KAZ07.13.02/ śakti.sampanno hy amitram ucchidya pārṣṇi.grāham ucchindyāt, na hīna.śaktir alabdha.lābhaḥ | 2 |

KAZ07.13.03/ śakti.sāmye yo vipula.ārambhasya pārṣṇiṁ gṛhṇāti so 'tisandhatte | 3 |

KAZ07.13.04/ vipula.ārambho hy amitram ucchidya pārṣṇi.grāham ucchindyāt, na-alpa.ārambhaḥ sakta.cakraḥ | 4 |

KAZ07.13.05/ ārambha.sāmye yaḥ sarva.sandohena prayātasya pārṣṇiṁ gṛhṇāti so 'tisandhatte | 5 |

KAZ07.13.06/ śūnya.mūlo hy asya sukaro bhavati, naika.deśa.bala.prayātaḥ kṛta.pārṣṇi.pratividhānaḥ | 6 |

[Page 192 ]

KAZ07.13.07/ bala.upādāna.sāmye yaś cala.amitraṁ prayātasya pārṣṇiṁ gṛhṇāti so 'tisandhatte | 7 |

KAZ07.13.08/ cala.amitraṁ prayāto hi sukhena-avāpta.siddhiḥ pārṣṇi.grāham ucchindyāt, na sthita.amitraṁ prayātaḥ | 8 |

KAZ07.13.09/ asau hi durga.pratihataḥ pārṣṇi.grāhe ca pratinivṛttaḥ sthitena-amitreṇa-avagṛhyate | 9 |

KAZ07.13.10/ tena pūrve vyākhyātāḥ | 10 |

KAZ07.13.11/ śatru.sāmye yo dhārmika.abhiyoginaḥ pārṣṇiṁ gṛhṇāti so 'tisandhatte | 11 |

KAZ07.13.12/ dhārmika.abhiyogī hi sveṣāṁ pareṣāṁ ca dveṣyo bhavati, adhārmika.abhiyogī sampriyaḥ | 12 |

KAZ07.13.13/ tena mūla.hara.tādātvika.kadarya.abhiyogināṁ pārṣṇi.grahaṇaṁ vyākhyātam | 13 |

KAZ07.13.14/ mitra.abhiyoginoḥ pārṣṇi.grahaṇe ta eva hetavaḥ | 14 |

KAZ07.13.15/ mitram amitraṁ ca-abhiyuñjānayor yo mitra.abhiyoginaḥ pārṣṇiṁ gṛhṇāti so 'tisandhatte | 15 |

KAZ07.13.16/ mitra.abhiyogī hi sukhena-avāpta.siddhiḥ pārṣṇi.grāham ucchindyāt | 16 |

KAZ07.13.17/ sukaro hi mitreṇa sandhir na-amitreṇa | 17 |

KAZ07.13.18/ mitram amitraṁ ca-uddharator yo 'mitra.uddhāriṇaḥ pārṣṇiṁ gṛhṇāti so 'tisandhatte | 18 |

KAZ07.13.19/ vṛddha.mitro hy amitra.uddhārī pārṣṇi.grāham ucchindyāt, na-itaraḥ sva.pakṣa.upaghātī | 19 |

KAZ07.13.20/ tayor alabdha.lābha.apagamane yasya.amitro mahato lābhād viyuktaḥ kṣaya.vyaya.adhiko vā sa pārṣṇi.grāho 'tisandhatte | 20 |

KAZ07.13.21/ labdha.lābha.apagamane yasya-amitro lābhena śaktyā hīnaḥ sa pārṣṇi.grāho 'tisandhatte, yasya vā yātavyaḥ śatror vigraha.apakāra.samarthaḥ syāt | 21 |

KAZ07.13.22/ pārṣṇi.grāhayor api yaḥ śakya.ārambha.bala.upādāna.adhikaḥ sthita.śatruḥ pārśva.sthāyī vā so 'tisandhatte | 22 |

KAZ07.13.23/ pārśva.sthāyī hi yātavya.abhisāro mūla.ābādhakaś ca bhavati, mūla.ābādhaka eva paścāt.sthāyī | 23 |

KAZ07.13.24ab/ pārṣṇi.grāhās trayo jñeyāḥ śatroś ceṣṭā.nirodhakāḥ |
KAZ07.13.24cd/ sāmantaḥ pṛṣṭhato vargaḥ prativeśau ca pārśvayoḥ || 24 ||
KAZ07.13.25ab/ arer netuś ca madhyastho durbalo 'ntardhir ucyate |
KAZ07.13.25cd/ pratighāto balavato durga.aṭavy.apasāravān || 25 ||

KAZ07.13.26/ madhyamaṁ tvari.vijigīṣvor lipsamānayor madhyamasya pārṣṇiṁ gṛhṇator labdha.lābha.apagamane yo madhyamaṁ mitrād viyojayaty amitraṁ ca mitram āpnoti so 'tisandhatte | 26 |

KAZ07.13.27/ sandheyaś ca śatrur upakurvāṇo, na mitraṁ mitra.bhāvād utkrāntam | 27 |

KAZ07.13.28/ tena-udāsīna.lipsā vyākhyātā | 28 |

[Page 193 ]

KAZ07.13.29/ "pārṣṇi.grahaṇa.abhiyānayos tu mantra.yuddhād abhyuccayaḥ | 29 |

Kaś07.13.30/ vyāyāma.yuddhe hi kṣaya.vyayābhyām ubhayor avṛddhiḥ | 30 |

KAZ07.13.31/ jitvā-api hi kṣiṇa.daṇḍa.kośaḥ parājito bhavati" ity ācāryāḥ | 31 |

KAZ07.13.32/ na-iti kauṭilyaḥ | 32 |

KAZ07.13.33/ sumahatā-api kṣaya.vyayena śatru.vināśo 'bhyupagantavyaḥ | 33 |

KAZ07.13.34/ tulye kṣaya.vyaye yaḥ purastād dūṣya.balaṁ ghātayitvā nihśalyaḥ paścād vaśya.balo yudhyeta so 'tisandhatte | 34 |

KAZ07.13.35/ dvayor api purastād dūṣya.bala.ghātinor yo bahulataraṁ śaktimattaram atyanta.dūṣyaṁ ca ghātayet so 'tisandhatte | 35 |

KAZ07.13.36/ tena-amitra.aṭavī.bala.ghāto vyākhyātaḥ | 36 |

KAZ07.13.37ab/ pārṣṇi.grāho 'bhiyoktā vā yātavyo vā yadā bhavet |
KAZ07.13.37cd/ vijigīṣus tadā tatra netram etat samācaret || 37 ||
KAZ07.13.38ab/ pārṣṇi.grāho bhaven netā śatror mitra.abhiyoginaḥ |
KAZ07.13.38cd/ vigrāhya pūrvam ākrandaṁ pārṣṇi.grāha.abhisāriṇā || 38 ||
KAZ07.13.39ab/ ākrandena-abhiyuñjānaḥ pārṣṇi.grāhaṁ nivārayet |
KAZ07.13.39cd/ tathā-ākranda.abhisāreṇa pārṣṇi.grāha.abhisāriṇam || 39 ||
KAZ07.13.40ab/ ari.mitreṇa mitraṁ ca purastād avaghaṭṭayet |
KAZ07.13.40cd/ mitra.mitram areś ca-api mitra.mitreṇa vārayet || 40 ||
KAZ07.13.41ab/ mitreṇa grāhayet pārṣṇim abhiyukto 'bhiyoginaḥ |
KAZ07.13.41cd/ mitra.mitreṇa ca-ākrandaṁ pārṣṇi.grāhān nivārayet || 41 ||
KAZ07.13.42ab/ evaṁ maṇḍalam ātma.arthaṁ vijigīṣur niveśayet |
KAZ07.13.42cd/ pṛṣṭhataś ca purastāc ca mitra.prakṛti.sampadā || 42 ||
KAZ07.13.43ab/ kṛtsne ca maṇḍale nityaṁ dūtān gūḍhāṁś ca vāsayet |
KAZ07.13.43cd/ mitra.bhūtaḥ sapatnānāṁ hatvā hatvā ca saṁvṛtaḥ || 43 ||
KAZ07.13.44ab/ asaṁvṛtasya kāryāṇi prāptāny api viśeṣataḥ |
KAZ07.13.44cd/ nihsaṁśayaṁ vipadyante bhinna.plava iva-udadhau || 44 ||

7.14. Chapter 14 (Section 118): Recoupment of Powers Become Weak

[Note: [ K tr. 423 :: K2 tr. 366]

KAZ07.14.01/ sāmavāyikair evam abhiyukto vijigīṣur yas teṣāṁ pradhānas taṁ brūyāt "tvayā me sandhiḥ, [Page 194 ]idaṁ hiraṇyam, ahaṁ ca mitram, dvi.guṇā te vṛddhiḥ, na-arhasy ātma.kṣayeṇa mitra.mukhān amitrān vardhayitum, ete hi vṛddhās tvām eva paribhaviṣyanti" iti | 1 |

KAZ07.14.02/ bhedaṁ vā brūyāt "anapakāro yathā-aham etaiḥ sambhūya-abhiyuktas tathā tvām apy ete saṁhita.balāḥ svasthā vyasane vā-abhiyokṣyante, balaṁ hi cittaṁ vikaroti, tad eṣāṁ vighātaya" iti | 2 |

KAZ07.14.03/ bhinneṣu pradhānam upagṛhya hīneṣu vikramayet, hīnān anugrāhya vā pradhāne, yathā vā śreyo 'bhimanyeta tathā | 3 |

KAZ07.14.04/ vairaṁ vā parair grāhayitvā visaṁvādayet | 4 |

KAZ07.14.05/ phala.bhūyastvena vā pradhānam upajāpya sandhiṁ kārayet | 5 |

KAZ07.14.06/ atha-ubhaya.vetanāḥ phala.bhūyastvaṁ darśayantaḥ sāmavāyikān "atisaṁhitāḥ stha" ity udddūṣayeyuḥ | 6 |

KAZ07.14.07/ duṣṭeṣu sandhiṁ dūṣayet | 7 |

KAZ07.14.08/ atha-ubhaya.vetanā bhūyo bhedam eṣāṁ kuryuḥ "evaṁ tad yad asmābhir darśitam" iti | 8 |

KAZ07.14.09/ bhinneṣv anyatama.upagraheṇa ceṣṭeta | 9 |

KAZ07.14.10/ pradhāna.abhāve sāmavāyikānām utsāhayitāraṁ sthira.karmāṇam anurakta.prakṛktiṁ lobhād bhayād vā saṅghātam upāgataṁ vijigīṣor bhītaṁ rājya.pratisambaddhaṁ mitraṁ cala.amitraṁ vā pūrvān uttara.abhāve sādhayet - utsāhayitāram ātma.nisargeṇa, sthira.karmāṇaṁ sāntva.praṇipātena, anurakta.prakṛtiṁ kanyā.dāna.yāpanābhyām, lubdham aṁśa.dvaiguṇyena, bhītam ebhyaḥ kośa.daṇḍa.anugraheṇa, svato bhītaṁ viśvāsya pratibhū.pradānena, rājya.pratisambaddham ekī.bhāva.upagamanena, mitram ubhayataḥ priya.hitābhyām, upakāra.tyāgena vā, cala.amitram avadhṛtam anapakāra.upakārābhyām | 10 |

KAZ07.14.11/ yo vā yathā-ayogaṁ bhajeta taṁ tathā sādhayet, sāma.dāna.bheda.daṇḍair vā yathā-āpatsu vyākhyāsyāmaḥ | 11 |

KAZ07.14.12/ vyasana.upaghāta.tvarito vā kośa.daṇḍābhyāṁ deśe kāle kārye vā-avadhṛtaṁ sandhim upeyāt | 12 |

KAZ07.14.13/ kṛta.sandhir hīnam ātmānaṁ pratikurvīta | 13 |

KAZ07.14.14/ pakṣe hīno bandhu.mitra.pakṣaṁ kurvīta, durgam aviṣahyaṁ vā | 14 |

KAZ07.14.15/ durga.mitra.pratiṣṭabdho hi sveṣāṁ pareṣāṁ ca pūjyo bhavati | 15 |

KAZ07.14.16/ mantra.śakti.hīnaḥ prājña.puruṣa.upacayaṁ vidyā.vṛddha.samyogaṁ vā kurvīta | 16 |

KAZ07.14.17/ tathā hi sadyaḥ śreyaḥ prāpnoti | 17 |

KAZ07.14.18/ prabhāva.hīnaḥ prakṛti.yoga.kṣema.siddhau yateta | 18 |

KAZ07.14.19/ jana.padaḥ sarva.karmaṇāṁ yoniḥ, tataḥ prabhāvaḥ | 19 |

KAZ07.14.20/ tasya sthānam ātmanaś ca-āpadi durgam | 20 |

KAZ07.14.21/ setu.bandhaḥ sasyānāṁ [Page 195 ]yoniḥ | 21 |

KAZ07.14.22/ nitya.anuṣakto hi varṣa.guṇa.lābhaḥ setu.vāpeṣu | 22 |

KAZ07.14.23/ vaṇik.pathaḥ para.atisandhānasya yoniḥ | 23 |

KAZ07.14.24/ vaṇik.pathena hi daṇḍa.gūḍha.puruṣa.atinayanaṁ śastra.āvaraṇa.yāna.vāhana.krayaś ca kriyate, praveśo nirṇayanaṁ ca | 24 |

KAZ07.14.25/ khaniḥ saṅgrāma.upakaraṇānāṁ yoniḥ, dravya.vanaṁ durga.karmaṇāṁ yāna.rathayoś ca, hasti.vanaṁ hastinām, gava.aśva.khara.uṣṭrāṇāṁ ca vrajaḥ | 25 |

KAZ07.14.26/ teṣām alābhe bandhu.mitra.kulebhyaḥ samārjanam | 26 |

KAZ07.14.27/ utsāha.hīnaḥ śreṇī.pravīra.puruṣāṇāṁ cora.gaṇa.āṭavika.mleccha.jātīnāṁ para.apakāriṇāṁ gūḍha.puruṣāṇāṁ ca yathā.lābbham upacayaṁ kurvīta | 27 |

KAZ07.14.28/ para.miśra.apratīkāram ābalīyasaṁ vā pareṣu prayuñjīta | 28 |

KAZ07.14.29ab/ evaṁ pakṣeṇa mantreṇa dravyeṇa ca balena ca |
KAZ07.14.29cd/ sampannaḥ pratinirgacchet para.avagraham ātmanaḥ || 29 ||

7.15. Chapter 15 (Sections 119; 120): Entrenching Oneself in a Fort in War with a Stronger King; Conduct of the King Surrendering with Troops

[Note: [ K tr. 426 :: K2 tr. 369]

KAZ07.15.01/ durbalo rājā balavatā-abhiyuktas tad.viśiṣṭa.balam āśrayeta yam itaro mantra.śaktyā na-atisandadhyāt | 1 |

KAZ07.15.02/ tulya.mantra.śaktīnām āyatta.sampado vṛddha.samyogād vā viśeṣaḥ | 2 |

KAZ07.15.03/ viśiṣṭa.bala.abhāve sama.balais tulya.bala.saṅghair vā balavataḥ sambhūya tiṣṭhed yān na mantra.prabhāva.śaktibhyām atisandadhyāt | 3 |

KAZ07.15.04/ tulya.mantra.prabhāva.śaktīnāṁ vipula.ārambhato viśeṣaḥ | 4 |

KAZ07.15.05/ sama.bala.abhāve hīna.balaiḥ śucibhir utsāhibhiḥ pratyanīka.bhūtair balavataḥ sambhūya tiṣṭhed yān na mantra.prabhāva.utsāha.śaktibhir atisandadhyāt | 5 |

KAZ07.15.06/ tulya.utsāha.śaktīnāṁ sva.yuddha.bhūmi.lābhād viśeṣaḥ | 6 |

KAZ07.15.07/ tulya.bhūmīnāṁ sva.yuddha.kāla.lābhād viśeṣaḥ | 7 |

KAZ07.15.08/ tulya.deśa.kālānāṁ yugya.śastra.āvaraṇato viśeṣaḥ | 8 |

KAZ07.15.09/ sahāya.abhāve durgam āśrayeta yatra-amitraḥ prabhūta.sainyo 'pi bhakta.yavasa.indhana.udaka.uparodhaṁ na kuryāt svayaṁ ca kṣaya.vyayābhyāṁ yujyeta | 9 |

KAZ07.15.10/ tulya.durgāṇāṁ nicaya.apasārato viśeṣaḥ | 10 |

KAZ07.15.11/ nicaya.apasāra.sampannaṁ hi manuṣya.durgam icched iti kauṭilyaḥ | 11 |

[Page 196 ]

KAZ07.15.12a/tad ebhiḥ kārṇair āśrayeta - "pārṣṇi.grāham āsāraṁ madhyamam udāsīnaṁ vā pratipādayiṣyāmi, sāmanta.āṭavika.tat.kulīna.aparuddhānām anyatamena-asya rājyaṁ hārayiṣyāmi ghātayiṣyāmi vā -

KAZ07.15.12b/ kṛtya.pakṣa.upagraheṇa vā-asya durge rāṣṭre skandha.āvāre vā kopaṁ samutthāpayiṣyāmi, śastra.agni.rasa.praṇidhānair aupaniṣadikair vā yathā.iṣṭam āsannaṁ haniṣyāmi -

KAZ07.15.12c/ svayaṁ.adhiṣṭhitena vā yoga.praṇidhānena kṣaya.vyayam enam upaneṣyāmi, kṣaya.vyaya.pravāsa.upatapte vā-asya mitra.varge sainye vā krameṇa-upajāpaṁ prāpsyāmi -

KAZ07.15.12d/ vīvadha.āsāra.prasāra.vadhena vā-asya skandha.āvāra.avagrahaṁ kariṣyāmi, daṇḍa.upanayena vā-asya randhram utthāpya sarva.sandohena prahariṣyāmi, pratihata.utsāhena vā yathā.iṣṭaṁ sandhim avāpsyāmi, mayi pratibaddhasya vā sarvataḥ kopāḥ samutthāsyanti -

KAZ07.15.12e/ nirāsāraṁ vā-asya mūlaṁ mitra.aṭavī.daṇḍair uddhātayiṣyāmi, mahato vā deśasya yoga.kṣemam ihasthaḥ pālayiṣyāmi, sva.vikṣiptaṁ mitra.vikṣiptaṁ vā me sainyam ihasthasya-ekastham aviṣahyaṁ bhaviṣyati, nimna.khāta.rātri.yuddha.viśāradaṁ vā me sainyaṁ pathya.ābādha.muktam āsanne karma kariṣyati -

KAZ07.15.12f/ viruddha.deśa.kālam iha.āgato vā svayam eva kṣaya.vyayābhyāṁ na bhaviṣyati, mahā.kṣaya.vyaya.abhigamyo 'yaṁ deśo durga.aṭavy.apasāra.bāhulyāt -

KAZ07.15.12g/ pareṣāṁ vyādhi.prāyaḥ sainya.vyāyāmānām alabdha.bhaumaś ca, tam āpad.gataḥ pravekṣyati, praviṣṭo vā na nirgamiṣyati" iti | 12 |

KAZ07.15.13/ "kāraṇa.abhāve bala.samucchraye vā parasya durgam unmucya-apagacchet | 13 |

KAZ07.15.14/ agni.pataṅgavad amitre vā praviśet | 14 |

KAZ07.15.15/ anyatara.siddhir hi tyakta.ātmano bhavati" ity ācāryāḥ | 15 |

KAZ07.15.16/ na-iti kauṭilyaḥ | 16 |

KAZ07.15.17/ sandheyatām ātmanaḥ parasya ca-upalabhya sandadhīta | 17 |

KAZ07.15.18/ viparyaye vikrameṇa sandhim apasāraṁ vā lipseta | 18 |

KAZ07.15.19/ sandheyasya vā dūtaṁ preṣayet | 19 |

KAZ07.15.20/ tena vā preṣitam artha.mānābhyāṁ satkṛtya brūyāt "idaṁ rājñaḥ paṇya.agāram, idaṁ devī.kumārāṇām, devī.kumāra.vacanāt, idaṁ rājyam ahaṁ ca tvad.arpaṇaḥ" iti | 20 |

KAZ07.15.21/ labdha.saṁśrayaḥ samaya.ācārikavad bhartari varteta | 21 |

KAZ07.15.22/ durga.ādīni ca karmāṇi āvāha.vivāha.putra.abhiṣeka.aśva.paṇya.hasti.grahaṇa.sattra.yātrā.- vihāra.gamanāni ca-anujñātaḥ kurvīta | 22 |

KAZ07.15.23/ sva.bhūmy.avasthita.prakṛti.sandhim upaghātam apasṛteṣu vā sarvam anujñātaḥ kurvīta | 23 |

KAZ07.15.24/ duṣṭa.paura.jānapado vā nyāya.vṛttir anyāṁ bhūmiṁ yāceta | 24 |

KAZ07.15.25/ duṣyavad upāṁśu.daṇḍena vā pratikurvīta | 25 |

KAZ07.15.26/ ucitāṁ vā mitrād bhūmiṁ dīyamānāṁ na pratigṛhṇīyāt | 26 |

KAZ07.15.27/ mantri.purohita.senā.pati.yuva.rājānām anyatamam adṛśyamāne bhartari paśyet, yathā.śakti ca-upakuryāt | 27 |

[Page 197 ]

KAZ07.15.28/ daivata.svasti.vācaneṣu tat.parā āśiṣo vācayet | 28 |

KAZ07.15.29/ sarvatra-ātma.nisargaṁ guṇaṁ brūyāt | 29 |

KAZ07.15.30ab/ samyukta.balavat.sevī viruddhaḥ śaṅkita.ādibhiḥ |
KAZ07.15.30cd/ varteta daṇḍa.upanato bhartary evam avasthitaḥ || 30 ||

7.16. Chapter 16 (Section 121): Conduct of the King Subjugating by Force

[Note: [ K tr. 430 :: K2 tr. 372]

KAZ07.16.01/ anujñāta.sandhi.paṇa.udvega.karaṁ balavān vijigīṣamāṇo yataḥ sva.bhūmiḥ sva.ṛtu.vṛttiś ca sva.sainyānām, adurga.apasāraḥ śatrur.apārṣṇir anāsāraś ca, tato yāyāt | 1 |

KAZ07.16.02/ viparyaye kṛta.pratīkāro yāyāt | 2 |

KAZ07.16.03/ sāma.dānābhyāṁ durbalān upanamayet, bheda.daṇḍābhyāṁ balavataḥ | 3 |

KAZ07.16.04/ niyoga.vikalpa.samuccayaiś ca-upāyānām anantara.eka.antarāḥ prakṛtīḥ sādhayet | 4 |

KAZ07.16.05/ grāma.araṇya.upajīvi.vraja.vaṇik.patha.anupālanam ujjhita.apasṛta.apakāriṇāṁ ca-arpaṇam iti sāntvam ācaret | 5 |

KAZ07.16.06/ bhūmi.dravya.kanyā.dānam abhayasya ca-iti dānam ācaret | 6 |

KAZ07.16.07/ sāmanta.āṭavika.tat.kulīna.aparuddhānām anyatama.upagraheṇa kośa.daṇḍa.bhūmi.dāya.yācanam iti bhedam ācaret | 7 |

KAZ07.16.08/ prakāśa.kūṭa.tūṣṇīṁ.yuddha.durga.lambha.upāyair amitra.pragrahaṇam iti daṇḍam ācaret | 8 |

KAZ07.16.09/ evam utsāhavato daṇḍa.upakāriṇaḥ sthāpayet, sva.prabhāvavataḥ kośa.upakāriṇaḥ, prajñāvato bhūmy.upakāriṇaḥ | 9 |

KAZ07.16.10/ teṣāṁ paṇya.pattana.grāma.khani.sañjātena ratna.sāra.phalgu.kupyena dravya.hasti.vana.vraja.samutthena yāna.vāhanena vā yad bahuśa upakaroti tac citra.bhogam | 10 |

KAZ07.16.11/ yad daṇḍena kośena vā mahad upakaroti tan mahā.bhogam | 11 |

KAZ07.16.12/ yad daṇḍa.kośa.bhūmībhir upakaroti tat sarva.bhogam | 12 |

KAZ07.16.13/ yad amitram ekataḥ pratikaroti tad ekato.bhogi | 13 |

KAZ07.16.14/ yad amitram āsāraṁ ca-ubhayataḥ pratikaroti tad ubhayato.bhogi | 14 |

KAZ07.16.15/ yad amitra.āsāra.prativeśa.āṭavikān sarvataḥ pratikaroti tat sarvato.bhogi | 15 |

[Page 198 ]

KAZ07.16.16a/ pārṣṇi.grāhaś ca-āṭavikaḥ śatru.mukhyaḥ śatrur vā bhūmi.dāna.sādhyaḥ kaścid āsādyeta, nirguṇayā bhūmyā-enam upagrāhayet, apratisambaddhayā durgastham, nirupajīvyayā-āṭavikaṁ -

KAZ07.16.16b/ pratyādeyayā tat.kulīnaṁ śatroḥ, apacchinnayā śatror aparuddhaṁ nitya.amitrayā śreṇī.balam, balavat.sāmantayā saṁhata.balam, ubhābhyāṁ yuddhe pratilomam, -

KAZ07.16.16c/ alabdha.vyāyāmayā-utsāhinam, śūyayā-ari.pakṣīyam, karśitayā-apavāhitam, mahā.kṣaya.vyaya.niveśayā gata.pratyāgatam, anapāśrayayā pratyapasṛtam, pareṇa-anadhivāsyayā svayam eva bhartāram upagrāhayet | 16 |

KAZ07.16.17/ teṣāṁ mahā.upakāraṁ nirvikāraṁ ca-anuvartayet | 17 |

KAZ07.16.18/ pratilomam upāṁśunā sādhayet | 18 |

KAZ07.16.19/ upakāriṇam upakāra.śaktyā toṣayet | 19 |

KAZ07.16.20/ prayāsataś ca-artha.mānau kuryād, vyasaneṣu ca-anugraham | 20 |

KAZ07.16.21/ svayaṁ.āgatānāṁ yathā.iṣṭa.darśanaṁ pratividhānaṁ ca kuryāt | 21 |

KAZ07.16.22/ paribhava.upaghāta.kutsa.ativādāṁś ca-eṣu na prayuñjīta | 22 |

KAZ07.16.23/ dattvā ca-abhayaṁ pitā-iva-anugṛhṇīyāt | 23 |

KAZ07.16.24/ yaś ca-asya-apakuryāt tad doṣam abhivikhyāpya prakāśam enaṁ ghātayet | 24 |

KAZ07.16.25/ para.udvega.kāraṇād vā dāṇḍakarmikavac ceṣṭeta | 25 |

KAZ07.16.26/ na ca hatasya bhūmi.dravya.putra.dārān abhimanyeta | 26 |

KAZ07.16.27/ kulyān apy asya sveṣu pātreṣu sthāpayet | 27 |

KAZ07.16.28/ karmaṇi mṛtasya putraṁ rājye sthāpayet | 28 |

KAZ07.16.29/ evam asya daṇḍa.upanatāḥ putra.pautrān anuvartante | 29 |

KAZ07.16.30/ yas tu-upanatān hatvā baddhvā vā bhūmi.dravya.putra.dārān abhimanyeta tasya-udvignaṁ maṇḍalam abhāvāya-uttiṣṭhate | 30 |

KAZ07.16.31/ ye ca-asya-amātyāḥ sva.bhūmiṣv āyattās te ca-asya-udvignā maṇḍalam āśrayante | 31 |

KAZ07.16.32/ svayaṁ vā rājyaṁ prāṇān vā-asya-abhimanyante | 32 |

KAZ07.16.33ab/ sva.bhūmiṣu ca rājānas tasmāt sāmnā-anupālitāḥ |
KAZ07.16.33cd/ bhavanty anuguṇā rājñaḥ putra.pautra.anuvartinaḥ || 33 ||

7.17. Chapter 17 (Sections 122; 123): The Making of Peace; Liberation of the Hostage

[Note: [ K tr. 434 :: K2 tr. 375]

KAZ07.17.01/ śamaḥ sandhiḥ samādhir ity eko 'rthaḥ | 1 |

KAZ07.17.02/ rājñāṁ viśvāsa.upagamaḥ śamaḥ sandhiḥ samādhir iti | 2 |

[Page 199 ]

KAZ07.17.03/ "satyaṁ śapatho vā calaḥ sandhiḥ, pratibhūḥ pratigraho vā sthāvaraḥ" ity ācāryāḥ | 3 |

KAZ07.17.04/ na-iti kauṭilyaḥ | 4 |

KAZ07.17.05/ satyaṁ śapatho vā paratra-iha ca sthāvaraḥ sandhiḥ, iha.artha eva pratibhūḥ pratigraho vā bala.apekṣaḥ | 5 |

KAZ07.17.06/ "saṁhitāḥ smaḥ" iti satya.sandhāḥ pūrve rājānaḥ satyena sandadhire | 6 |

KAZ07.17.07/ tasya-atikrame śapathena agny.udaka.sītā.prākāra.loṣṭa.hasti.skandha.aśva.pṛṣṭa.ratha.upastha.- śastra.ratna.bīja.gandha.rasa.suvarṇa.hiraṇyāny ālebhire "hanyur etāni tyajeyuś ca-enaṁ yaḥ śapatham atikrāmet" iti | 7 |

KAZ07.17.08/ śapatha.atikrame mahatāṁ tapasvināṁ mukhyānāṁ vā prātibhāvya.bandhaḥ pratibhūḥ | 8 |

KAZ07.17.09/ tasmin yaḥ para.avagraha.samarthān pratibhuvo gṛhṇāti, so 'tisandhatte | 9 |

KAZ07.17.10/ viparīto 'tisandhīyate | 10 |

KAZ07.17.11/ bandhu.mukhya.pragrahaḥ pratigrahaḥ | 11 |

KAZ07.17.12/ tasmin yo dūṣya.amātyaṁ dūṣya.apatyaṁ vā dadāti, so 'tisandhatte | 12 |

KAZ07.17.13/ viparīto 'tisandhīyate

KAZ07.17.14/ pratigraha.grahaṇa.viśvastasya hi paraś chidreṣu nirapekṣaḥ praharati | 14 |

KAZ07.17.15/ apatya.samādhau tu kanyā.putra.dāne dadat tu kanyām atisandhatte | 15 |

KAZ07.17.16/ kanyā hy adāyādā pareṣām eva-arthāya-ākleśyā (?) ca | 16 |

KAZ07.17.17/ viparītaḥ putraḥ | 17 |

KAZ07.17.18/ putrayor api yo jātyaṁ prājñaṁ śūraṁ kṛta.astram eka.putraṁ vā dadāti so 'tisandhīyate | 18 |

KAZ07.17.19/ viparīto 'tisandhatte | 19 |

KAZ07.17.20/ jātyād ajātyo hi lupta.dāyāda.santānatvād ādhātuṁ śreyān, prājñād aprājño mantra.śakti.lopāt, śūrād aśūra utsāha.śakti.lopāt, kṛta.astrād akṛta.astraḥ prahartavya.sampal.lopāt, eka.putrād aneka.putro nirapekṣatvāt | 20 |

KAZ07.17.21/ jātya.prājñayor jātyam aprājñam aiśvarya.prakṛtir anuvartate, prājñam ajātyaṁ mantra.adhikāraḥ | 21 |

KAZ07.17.22/ mantra.adhikāre 'pi vṛddha.samyogāj jātyaḥ prājñam atisandhatte | 22 |

KAZ07.17.23/ prājña.śūrayoḥ prājñam aśūraṁ mati.karmaṇāṁ yogo 'nuvartate, śūram aprājñaṁ vikrama.adhikāraḥ | 23 |

KAZ07.17.24/ vikrama.adhikāre 'pi hastinam iva lubdhakaḥ prājñaḥ śūram atisandhatteś | 24 |

KAZ07.17.25/ śūra.kṛta.astrayoḥ śūram akṛta.astraṁ vikrama.vyavasāyo 'nuvartate, kṛta.astram aśūraṁ lakṣya.lambha.adhikāraḥ | 25 |

KAZ07.17.26/ lakṣya.lambha.adhikāre 'pi sthairya.pratipatty.asammoṣaiḥ śūraḥ kṛta.astram atisandhatte | 26 |

[Page 200 ]

KAZ07.17.27/ bahv.eka.putrayor bahu.putra ekaṁ dattvā śeṣa.pratiṣṭabdhaḥ sandhim atikrāmati, na-itaraḥ | 27 |

KAZ07.17.28/ putra.sarva.sva.dāne sandhiś cet putra.phalato viśeṣaḥ | 28 |

KAZ07.17.29/ sama.phalayoḥ śakta.prajananato viśeṣaḥ | 29 |

KAZ07.17.30/ śakta.prajananayor apy upasthita.prajananato viśeṣaḥ | 30 |

KAZ07.17.31/ śaktimaty eka.putre tu lupta.putra.utpattir ātmānam ādadhyāt, na ca-eka.putram iti | 31 |

KAZ07.17.32/ abhyuccīyamānaḥ samādhi.mokṣaṁ kārayet | 32 |

KAZ07.17.33/ kumāra.āsannāḥ sattriṇaḥ kāru.śilpi.vyañjanāḥ karmāṇi kurvāṇāḥ suruṅgayā rātrāv upakhānayitvā kumāram apahareyuḥ | 33 |

KAZ07.17.34/ naṭanartaka.gāyana.vādaka.vāg.jīvana.kuśīlava.plavaka.saubhikā vā pūrva.praṇihitāḥ param upatiṣṭheran | 34 |

KAZ07.17.35/ te kumāraṁ paraṁ.parayā-upatiṣṭheran | 35 |

KAZ07.17.36/ teṣām aniyata.kāla.praveśa.sthāna.nirgamanāni sthāpayet | 36 |

KAZ07.17.37/ tatas tad.vyañjano vā rātrau pratiṣṭheta | 37 |

KAZ07.17.38/ tena rūpa.ājīvā bhāryā.vyañjanāś ca vyākhyātāḥ | 38 |

KAZ07.17.39/ teṣāṁ vā tūrya.bhāṇḍa.phelāṁ gṛhītvā nirgacchet | 39 |

KAZ07.17.40/ sūda.ārālika.snāpaka.saṁvāhaka.āstaraka.kalpaka.prasādhaka.- udaka.paricārakair vā dravya.vastra.bhāṇḍa.phelā.śayana.āsana.sambhogair nirhriyeta | 40 |

KAZ07.17.41/ paricārakac.chadmanā vā kiñcid arūpa.velāyām ādāya nirgacchet, suruṅgā.mukhena vā niśā.upahāreṇa | 41 |

KAZ07.17.42/ toya.āśaye vā vāruṇaṁ yogam ātiṣṭhet | 42 |

KAZ07.17.43/ vaidehaka.vyañjanā vā pakva.anna.phala.vyavahāreṇa-ārakṣiṣu rasam upacārayeyuḥ | 43 |

KAZ07.17.44/ daivata.upahāra.śrāddha.prahavaṇa.nimittam ārakṣiṣu madana.yoga.yuktam anna.pānaṁ rasaṁ vā prayujya-apagacchet, ārakṣaka.protsāhanena vā | 44 |

KAZ07.17.45/ nāgaraka.kuśīlava.cikitsaka.āpūpika.vyañjanā vā rātrau samṛddha.gṛhāṇy ādīpayeyuḥ ārakṣiṇāṁ vā | 45 |

KAZ07.17.46/ vaidehaka.vyañjanā vā paṇya.saṁsthām ādīpayeyuḥ | 46 |

KAZ07.17.47/ anyad vā śarīraṁ nikṣipya sva.gṛham ādīpayed anupāta.bhayāt | 47 |

KAZ07.17.48/ tataḥ sandhic.cheda.khāta.suruṅgābhir apagacchet | 48 |

KAZ07.17.49/ kāca.kumbha.bhāṇḍa.bhāra.vyañjano vā rātrau pratiṣṭheta | 49 |

KAZ07.17.50/ muṇḍa.jaṭilānāṁ pravāsanāny anupraviṣṭo vā rātrau tad.vyañjanaḥ pratiṣṭheta, virūpa.vyādhi.karaṇa.araṇya.carac.chadmanām anyatamena vā | 50 |

[Page 201 ]

KAZ07.17.51/ preta.vyañjano vā gūḍhair nirhriyeta | 51 |

KAZ07.17.52/ pretaṁ vā strī.veṣeṇa-anugacchet | 52 |

KAZ07.17.53/ vana.cara.vyañjanāś ca-enam anyato yāntam anyato 'padiśeyuḥ | 53 |

KAZ07.17.54/ tato 'nyato gacchet | 54 |

KAZ07.17.55/ cakra.carāṇāṁ vā śakaṭa.vāṭair apagacchet | 55 |

KAZ07.17.56/ āsanne ca-anupāte sattraṁ vā gṛhṇīyāt | 56 |

KAZ07.17.57/ sattra.abhāve hiraṇyaṁ rasa.viddhaṁ vā bhakṣya.jātam ubhayataḥ.panthānam utsṛjet | 57 |

KAZ07.17.58/ tato 'nyato 'pagacchet | 58 |

KAZ07.17.59/ gṛhīto vā sāma.ādibhir anupātam atisandadhyāt, rasa.viddhena vā pathy.adanena | 59 |

KAZ07.17.60/ vāruṇa.yoga.agni.dāheṣu vā śarīram anyad ādhāya śatrum abhiyuñjīta "putro me tvayā hataḥ" iti | 60 |

KAZ07.17.61ab/ upāttac.channa.śastro vā rātrau vikramya rakṣiṣu |

KAZ07.17.61cd/ śīghra.pātair apasared gūḍha.praṇihitaiḥ saha | 61 |

7.18. Chapter 18 (Sections 124; 125; 126): Conduct towards the Middle King; Conduct towards the Neutral King; Conduct towards the Circle of Kings

[Note: [ K tr. 439 :: K2 tr. 380]

KAZ07.18.01/ madhyamasya-ātmā tṛtīyā pañcamī ca prakṛtī prakṛtayaḥ | 1 |

KAZ07.18.02/ dvitīyā caturthī ṣaṣṭhī ca vikṛtayaḥ | 2 |

KAZ07.18.03/ tac ced ubhayaṁ madhyamo 'nugṛhṇīyāt, vijigīṣur madhyama.anulomaḥ syāt | 3 |

KAZ07.18.04/ na ced anugṛhṇīyāt, prakṛty.anulomaḥ syāt | 4 |

KAZ07.18.05/ madyamaś ced vijigīṣor mitraṁ mitra.bhāvi lipseta, mitrasya-ātmanaś ca mitrāṇy utthāpya madhyamāc ca mitrāṇi bhedayitvā mitraṁ trāyeta | 5 |

KAZ07.18.06/ maṇḍalaṁ vā protsāhayet "atipravṛddho 'yaṁ madhyamaḥ sarveṣāṁ no vināśāya-abhyutthitaḥ, sambhūya-asya yātrāṁ vihanāma" iti | 6 |

KAZ07.18.07/ tac cen maṇḍalam anugṛhṇīyāt, madhyama.avagraheṇa-ātmānam upabṛṁhayet | 7 |

KAZ07.18.08/ na ced anugṛhṇīyāt, kośa.daṇḍābhyāṁ mitram anugṛhya ye madhyama.dveṣiṇo rājānaḥ paraspara.anugṛhītā vā bahavas tiṣṭheyuḥ, [Page 202 ]eka.siddhau vā bahavaḥ sidhyeyuḥ, parasparād vā śaṅkitā na-uttiṣṭheran, teṣāṁ pradhānam ekam āsannaṁ vā sāma.dānābhyāṁ labheta | 8 |

KAZ07.18.09/ dvi.guṇo dvitīyaṁ tri.gunas tṛtīyam | 9 |

KAZ07.18.10/ evam abhyuccito madhyamam avagṛhṇīyāt | 10 |

KAZ07.18.11/ deśa.kāla.atipattau vā sandhāya madhyamena mitrasya sācivyaṁ kuryāt, dūṣyeṣu vā karma.sandhim | 11 |

KAZ07.18.12/ karśanīyaṁ vā-asya mitraṁ madhyamo lipseta, pratistambhayed enaṁ "ahaṁ tvā trāyeya" iti ā karśanāt | 12 |

KAZ07.18.13/ karśitam enaṁ trāyeta | 13 |

KAZ07.18.14/ ucchedanīyaṁ vā-asya mitraṁ madhyamo lipseta, karśitam enaṁ trāyeta madhyama.vṛddhi.bhayāt | 14 |

KAZ07.18.15/ ucchinnaṁ vā bhūmy.anugraheṇa haste kuryād anyatra-apasāra.bhayāt | 15 |

KAZ07.18.16/ karśanīya.ucchedanīyayoś cen mitrāṇi madhyamasya sācivya.karāṇi syuḥ, puruṣa.antareṇa sandhīyeta | 16 |

KAZ07.18.17/ vijigīṣor vā tayor mitrāṇy avagraha.samarthāni syuḥ, sandhim upeyāt | 17 |

KAZ07.18.18/ amitraṁ vā-asya madhyamo lipseta, sandhim upeyāt | 18 |

KAZ07.18.19/ evaṁ sva.arthaś ca kṛto bhavati madhyamasya priyaṁ ca | 19 |

KAZ07.18.20/ madhyamaś cet sva.mitraṁ mitra.bhāvi lipseta, puruṣa.antareṇa sandadhyāt | 20 |

KAZ07.18.21/ sa.apekṣaṁ vā "na-arhasi mitram ucchettum" iti vārayet | 21 |

KAZ07.18.22/ upekṣeta vā "maṇḍalam asya kupyatu sva.pakṣa.vadhāt" iti | 22 |

KAZ07.18.23/ amitram ātmano vā madhyamo lipseta, kośa.daṇḍābhyām enam adṛśyamāno 'nugṛhṇīyāt | 23 |

KAZ07.18.24/ udāsīnaṁ vā madhyamo lipseta, asmai sāhāyyaṁ dadyād "udāsīnād bhidyatām" iti | 24 |

KAZ07.18.25/ madhyama.udāsīnayor yo maṇḍalasya-abhipretas tam āśrayeta | 25 |

KAZ07.18.26/ madhyama.caritena-udāsīna.caritaṁ vyākhyātam | 26 |

KAZ07.18.27/ udāsīnaś cen madhyamaṁ lipseta, yataḥ śatrum atisandadhyān mitrasya-upakāraṁ kuryād udāsīnaṁ vā daṇḍa.upakāriṇaṁ labheta tataḥ pariṇameta | 27 |

KAZ07.18.28/ evam upabṛhya-ātmānam ari.prakṛtiṁ karśayen mitra.prakṛtiṁ ca-upagṛhṇīyāt | 28 |

KAZ07.18.29a/ saty apy amitra.bhāve tasya-anātmavān nitya.apakārī śatruḥ śatru.saṁhitaḥ pārṣṇi.grāho vā vyasanī yātavyo vyasane vā netur abhiyoktā ity ari.bhāvinaḥ, eka.artha.abhiprayātaḥ pṛthag.artha.abhiprayātaḥ sambhūya.yātrikaḥ saṁhita.prayāṇikaḥ sva.artha.abhiprayātaḥ sāmutthāyikaḥ kośa.daṇḍayor anyatarasya kretā vikretā vā dvaidhī.bhāvika iti mitra.bhāvinaḥ, -

KAZ07.18.29b/ sāmanto balavataḥ [Page 203 ]pratighāto 'ntardhiḥ prativeśo vā balavataḥ pārṣṇi.grāho vā svayam upanataḥ pratāpa.upanato vā daṇḍa.upanata iti bhṛtya.bhāvinaḥ sāmantāḥ | 29 |

KAZ07.18.30/ tair bhūmy.eka.antarā vyākhyātāḥ | 30 |

KAZ07.18.31ab/ teṣāṁ śatru.virodhe yan mitram eka.arthatāṁ vrajet |
KAZ07.18.31cd/ śaktyā tad.anugṛhṇīyād viṣaheta yayā param || 31 ||
KAZ07.18.32ab/ prasādhya śatruṁ yan mitraṁ vṛddhaṁ gacched avaśyatām |
KAZ07.18.32cd/ sāmanta.eka.antarābhyāṁ tat.prakṛtibhyāṁ virodhayet || 32 ||
KAZ07.18.33ab/ tat.kulīna.aparuddhābhyāṁ bhūmiṁ vā tasya hārayet |
KAZ07.18.33cd/ yathā vā-anugraha.apekṣaṁ vaśyaṁ tiṣṭhet tathā caret || 33 ||
KAZ07.18.34ab/ na-upakuryād amitraṁ vā gacched yad atikarśitam |
KAZ07.18.34cd/ tad ahīnam avṛddhaṁ ca sthāpayen mitram arthavit || 34 ||
KAZ07.18.35ab/ artha.yuktyā calaṁ mitraṁ sandhiṁ yad upagacchati |
KAZ07.18.35cd/ tasya-apagamane hetuṁ vihanyān na caled yathā || 35 ||
KAZ07.18.36ab/ ari.sādhāraṇaṁ yad vā tiṣṭhet tad aritaḥ śaṭham |
KAZ07.18.36cd/ bhedayed bhinnam ucchindyāt tataḥ śatrum anantaram || 36 ||
KAZ07.18.37ab/ udāsīnaṁ ca yat tiṣṭhet sāmantais tad virodhayet |
KAZ07.18.37cd/ tato vigraha.santaptam upakāre niveśayet || 37 ||
KAZ07.18.38ab/ amitraṁ vijigīṣuṁ ca yat sañcarati durbalam |
KAZ07.18.38cd/ tad balena-anugṛhṇīyād yathā syān na parān.mukham || 38 ||
KAZ07.18.39ab/ apanīya tato 'nyasyāṁ bhūmau vā samniveśayet |
KAZ07.18.39cd/ niveśya pūrvaṁ tatra-anyad daṇḍa.anugraha.hetunā || 39 ||
KAZ07.18.40ab/ apakuryāt samarthaṁ vā na-upakuryād yad āpadi |
KAZ07.18.40cd/ ucchindyād eva tan.mitraṁ viśvasya-aṅkam upasthitam || 40 ||
KAZ07.18.41ab/ mitra.vyasanato vā-arir uttiṣṭhed yo 'navagrahaḥ |
KAZ07.18.41cd/ mitreṇa-eva bhavet sādhyaś chādita.vyasanena saḥ || 41 ||
KAZ07.18.42ab/ amitra.vyasanān mitram utthitaṁ yad virajyati |
KAZ07.18.42cd/ ari.vyasana.siddhyā tat.śatruṇā-eva prasidhyati || 42 ||
[Page 204 ]
KAZ07.18.43ab/ vṛddhiṁ kṣayaṁ ca sthānaṁ ca karśana.ucchedanaṁ tathā |
KAZ07.18.43cd/ sarva.upāyān samādadhyād etān yaś ca-artha.śāstravit || 43 ||
KAZ07.18.44ab/ evam anyonya.sañcāraṁ ṣāḍguṇyaṁ yo 'nupaśyati |
KAZ07.18.44cd/ sa buddhi.nigalair baddhair iṣṭaṁ krīḍati pārthivaiḥ || 44 ||

8. Book 8: Concerning the Topic of Calamities

[Page 205 ] [Note: [ K tr. 445--469 :: K2 tr. 385--405]

8.1. Chapter 1 (Section 127): Calamities of the Constituent Elements

[Note: [ K tr. 445 :: K2 tr. 385]

KAZ08.1.01/ vyasana.yaugapadye saukaryato yātavyaṁ rakṣitavyaṁ vā-iti vyasana.cintā | 1 |

KAZ08.1.02/ daivaṁ mānuṣaṁ vā prakṛti.vyasanam anaya.apanayābhyāṁ sambhavati | 2 |

KAZ08.1.03/ guṇa.prātilomyam abhāvaḥ pradoṣaḥ prasaṅgaḥ pīḍā vā vyasanam | 3 |

KAZ08.1.04/ vyasyaty enaṁ śreyasa iti vyasanam | 4 |

KAZ08.1.05/ "svāmy.amātya.jana.pada.durga.kośa.daṇḍa.mitra.vyasanānāṁ pūrvaṁ pūrvaṁ garīyaḥ" ity ācāryāḥ | 5 |

KAZ08.1.06/ na-iti bharadvājaḥ | 6 |

KAZ08.1.07/ "svāmy.amātya.vyasanayor amātya.vyasanaṁ garīyaḥ | 7 |

KAZ08.1.08/ mantro mantra.phala.avāptiḥ karma.anuṣṭhānam āya.vyaya.karma daṇḍa.praṇayanam amitra.aṭavī.pratiṣedho rājya.rakṣaṇaṁ vyasana.pratīkāraḥ kumāra.rakṣaṇam abhiṣekaś ca kumārāṇām āyattam amātyeṣu | 8 |

KAZ08.1.09/ teṣām abhāve tad.abhāvaḥ, chinna.pakṣasya-iva rājñaś ceṣṭā.nāśaś ca | 9 |

KAZ08.1.10/ vyasaneṣu ca-āsannaḥ para.upajāpaḥ | 10 |

KAZ08.1.11/ vaiguṇye ca prāṇa.ābādhaḥ prāṇa.antika.caratvād rājñaḥ" iti | 11 |

KAZ08.1.12/ na-iti kauṭilyaḥ | 12 |

KAZ08.1.13/ mantri.purohita.ādi.bhṛtya.vargam adhyakṣa.pracāraṁ puruṣa.dravya.prakṛti.vyasana.pratīkāram edhanaṁ ca rājā-eva karoti | 13 |

KAZ08.1.14/ vyasaniṣu vā-amātyeṣv anyān avyasaninaḥ karoti | 14 |

KAZ08.1.15/ pūjya.pūjane dūṣya.avagrahe ca nitya.yuktas tiṣṭhati | 15 |

KAZ08.1.16/ svāmī ca sampannaḥ sva.sampadbhiḥ prakṛtīḥ sampādayati | 16 |

KAZ08.1.17/ sa yat.śīlas tat.śīlāḥ prakṛtayo bhavanti, utthāne pramāde ca tad.āyattatvāt | 17 |

KAZ08.1.18/ tat.kūṭa.sthānīyo hi svāmī-iti | 18 |

KAZ08.1.19/ "amātya.jana.pada.vyasanayor jana.pada.vyasanaṁ garīyaḥ" iti viśāla.akṣaḥ | 19 |

KAZ08.1.20/ "kośo daṇḍaḥ kupyaṁ viṣṭir vāhanaṁ nicayāś ca jana.padād uttiṣṭhante | 20 |

KAZ08.1.21/ teṣām abhāvo jana.pada.abhāve, svāmy.amātyayoś ca-anantaraḥ" iti | 21 |

KAZ08.1.22/ na-iti kauṭilyaḥ | 22 |

KAZ08.1.23/ amātya.mūlāḥ sarva.ārambhāḥ - jana.padasya karma.siddhayaḥ svataḥ parataś ca yoga.kṣema.sādhanaṁ vyasana.pratīkāraḥ śūnya.niveśa.upacayau daṇḍa.kara.anugrahaś ca-iti | 23 |

KAZ08.1.24/ "jana.pada.durga.vyasanayor durga.vyasanam" iti pārāśarāḥ | 24 |

KAZ08.1.25/ "durge hi kośa.- [Page 206 ]daṇḍa.utpattir āpadi sthānaṁ ca jana.padasya | 25 |

KAZ08.1.26/ śaktimattarāś ca paurā jānapadebhyo nityāś ca-āpadi sahāyā rājñaḥ | 26 |

KAZ08.1.27/ jānapadās tv amitra.sādhāraṇāḥ" iti | 27 |

KAZ08.1.28/ na-iti kauṭilyaḥ | 28 |

KAZ08.1.29/ jana.pada.mūlā durga.kośa.daṇḍa.setu.vārttā.ārambhāḥ | 29 |

KAZ08.1.30/ śauryaṁ sthairyaṁ dākṣyaṁ bāhulyaṁ ca jānapadeṣu | 30 |

KAZ08.1.31/ parvata.antar.dvīpāś ca durgā na-adhyuṣyante jana.pada.abhāvāt | 31 |

KAZ08.1.32/ karṣaka.prāye tu durga.vyasanam, āyudhīya.prāye tu jana.pade jana.pada.vyasanam iti | 32 |

KAZ08.1.33/ "durga.kośa.vyasanayoḥ kośa.vyasanam" iti piśunaḥ | 33 |

KAZ08.1.34/ "kośa.mūlo hi durga.saṁskāro durga.rakṣaṇaṁ jana.pada.mitra.amitra.nigraho deśa.antaritānām utsāhanaṁ daṇḍa.bala.vyavahāraś ca | 34 |

KAZ08.1.35/ durgaḥ kośād upajāpyaḥ pareṣām | 35 |

KAZ08.1.36/ kośam ādāya ca vyasane śakyam apayātum, na durgam" iti | 36 |

KAZ08.1.37/ na-iti kauṭilyaḥ | 37 |

KAZ08.1.38/ durga.arpaṇaḥ kośo daṇḍas tūṣṇīṁ.yuddhaṁ sva.pakṣa.nigraho daṇḍa.bala.vyavahāra āsāra.pratigrahaḥ para.cakra.aṭavī.pratiṣedhaś ca | 38 |

KAZ08.1.39/ durga.abhāve ca kośaḥ pareṣām | 39 |

KAZ08.1.40/ dṛśyate hi durgavatām anucchittir iti | 40 |

KAZ08.1.41/ "kośa.daṇḍavyasanayor daṇḍa.vyasanam" iti kauṇapadantaḥ | 41 |

KAZ08.1.42/ "daṇḍa.mūlo hi mitra.amitra.nigrahaḥ para.daṇḍa.utsāhanaṁ sva.daṇḍa.pratigrahaś ca | 42 |

KAZ08.1.43/ daṇḍa.abhāve ca dhruvaḥ kośa.vināśaḥ | 43 |

KAZ08.1.44/ kośa.abhāve ca śakyaḥ kupyena bhūmyā para.bhūmi.svayaṁ.grāheṇa vā daṇḍaḥ piṇḍayitum, daṇḍavatā ca kośaḥ | 44 |

KAZ08.1.45/ svāminaś ca-āsanna.vṛttitvād amātya.sadharmā daṇḍaḥ" iti | 45 |

KAZ08.1.46/ na-iti kauṭilyaḥ | 46 |

KAZ08.1.47/ kośa.mūlo hi daṇḍaḥ | 47 |

KAZ08.1.48/ kośa.abhāve daṇḍaḥ paraṁ gacchati, svāminaṁ vā hanti | 48 |

KAZ08.1.49/ sarva.abhiyoga.karaś ca kośo dharma.kāma.hetuḥ | 49 |

KAZ08.1.50/ deśa.kāla.kārya.vaśena tu kośa.daṇḍayor anyataraḥ pramāṇī.bhavati | 50 |

KAZ08.1.51/ lambha.pālano hi daṇḍaḥ kośasya, kośaḥ kośasya daṇḍasya ca bhavati | 51 |

KAZ08.1.52/ sarva.dravya.prayojakatvāt kośa.vyasanaṁ garīya iti | 52 |

KAZ08.1.53/ "daṇḍa.mitra.vyasanayor mitra.vyasanam" iti vātavyādhiḥ | 53 |

KAZ08.1.54/ "mitram abhṛtaṁ vyavahitaṁ ca karma karoti, pārṣṇi.grāham āsāram amitram āṭavikaṁ ca pratikaroti, kośa.daṇḍa.bhūmibhiś ca-upakaroti vyasana.avasthā.yogam" iti | 54 |

[Page 207 ]

KAZ08.1.55/ na-iti kauṭilyaḥ | 55 |

KAZ08.1.56/ daṇḍavato mitraṁ mitra.bhāve tiṣṭhati, amitro vā mitra.bhāve | 56 |

KAZ08.1.57/ daṇḍa.mitrayos tu sādhāraṇe kārye sārataḥ sva.yuddha.deśa.kāla.lābhād viśeṣaḥ | 57 |

KAZ08.1.58/ śīghra.abhiyāne tv amitra.āṭavika.anabhyantara.kope ca na mitraṁ vidyate | 58 |

KAZ08.1.59/ vyasana.yaugapadye para.vṛddhau ca mitram artha.yuktau tiṣṭhati | 59 |

KAZ08.1.60/ iti prakṛti.vyasana.sampradhāraṇam uktam | 60 |

KAZ08.1.61ab/ prakṛty.avayavānāṁ tu vyasanasya viśeṣataḥ |
KAZ08.1.61cd/ bahu.bhāvo 'nurāgo vā sāro vā kārya.sādhakaḥ || 61 ||
KAZ08.1.62ab/ dvayos tu vyasane tulye viśeṣo guṇataḥ kṣayāt |
KAZ08.1.62cd/ śeṣa.prakṛti.sādguṇyaṁ yadi syān na-avidheyakam || 62 ||
KAZ08.1.63ab/ śeṣa.prakṛti.nāśas tu yatra-eka.vyasanād bhavet |
KAZ08.1.63cd/ vyasanaṁ tad garīyaḥ syāt pradhānasya-itarasya vā || 63 ||

8.2. Chapter 2 (Section 128): Calamities of the King and Kingship

[Note: [ K tr. 451 :: K2 tr. 390]

KAZ08.2.01/ rājā rājyam iti prakṛti.saṅkṣepaḥ | 1 |

KAZ08.2.02/ rājño 'bhyantaro bāhyo vā kopa iti | 2 |

KAZ08.2.03/ ahi.bhayād abhyantaraḥ kopo bāhya.kopāt pāpīyān, antar.amātya.kopaś ca-antaḥ.kopāt | 3 |

KAZ08.2.04/ tasmāt kośa.daṇḍa.śaktim ātma.saṁsthāṁ kurvīta | 4 |

KAZ08.2.05/ "dvairājya.vairājyayor dvairājyam anyonya.pakṣa.dveṣa.anurāgābhyāṁ paraspara.saṅgharṣeṇa vā vinaśyati, vairājyaṁ tu prakṛti.citta.grahaṇa.apekṣi yathā.sthitam anyair bhujyate" ity ācāryāḥ | 5 |

KAZ08.2.06/ na-iti kauṭilyaḥ | 6 |

KAZ08.2.07/ pitā.putrayor bhrātror vā dvairājyaṁ tulya.yoga.kṣemam amātya.avagrahaṁ vartayati | 7 |

KAZ08.2.08/ vairājyaṁ tu jīvataḥ parasya-ācchidya "na-etan mama" iti manyamānaḥ karśayati, apavāhayati, paṇyaṁ vā karoti, viraktaṁ vā parityajya-apagacchati-iti | 8 |

[Page 208 ]

KAZ08.2.09/ andhaś calita.śāstro vā rājā-iti "aśāstra.cakṣur andho yat.kiñcana.kārī dṛḍha.abhiniveśī para.praṇeyo vā rājyam anyāyena-upahanti, calita.śāstras tu yatra śāstrāc calita.matir bhavati śakya.anunayo bhavati" ity ācāryāḥ | 9 |

KAZ08.2.10/ na-iti kauṭilyaḥ | 10 |

KAZ08.2.11/ andho rājā śakyate sahāya.sampadā yatra tatra vā paryavasthāpayitum | 11 |

KAZ08.2.12/ calita.śāstras tu śāstrād anyathā.abhiniviṣṭa.buddhir anyāyena rājyam ātmānaṁ ca-upahanti-iti | 12 |

KAZ08.2.13/ vyādhito navo vā rājā-iti "vyādhito rājā rājya.upaghātam amātya.mūlaṁ prāṇa.ābādhaṁ vā rājya.mūlam avāpnoti, navas tu rājā sva.dharma.anugraha.parihāra.dāna.māna.karmabhiḥ prakṛti.rañjana.upakāraiś carati" ity ācāryāḥ | 13 |

KAZ08.2.14/ na-iti kauṭilyaḥ | 14 |

KAZ08.2.15/ vyādhito rājā yathā.pravṛttaṁ rāja.praṇidhim anuvartayati | 15 |

KAZ08.2.16/ navas tu rājā bala.āvarjitaṁ "mama-idaṁ rājyam" iti yathā.iṣṭam anavagrahaś carati | 16 |

KAZ08.2.17/ sāmutthāyikair avagṛhīto vā rājya.upaghātaṁ marṣayati | 17 |

KAZ08.2.18/ prakṛtiṣv arūḍhaḥ sukham ucchettuṁ bhavati-iti | 18 |

KAZ08.2.19/ vyādhite viśeṣaḥ pāpa.rogya.pāpa.rogī ca | 19 |

KAZ08.2.20/ nave 'py abhijāto 'nabhijāta iti | 20 |

KAZ08.2.21/ durbalo 'bhijāto balavān anabhijāto rājā-iti "durbalasya-abhijātasya-upajāpaṁ daurbalya.apekṣāḥ prakṛtayaḥ kṛcchreṇa-upagacchanti, balavataś ca-anabhijātasya bala.apekṣāḥ sukhena" ity ācāryāḥ | 21 |

KAZ08.2.22/ na-iti kauṭilyaḥ | 22 |

KAZ08.2.23/ durbalam abhijātaṁ prakṛtayaḥ svayam upanamanti, jātyam aiśvarya.prakṛtir anuvartata iti | 23 |

KAZ08.2.24/ balavataś ca-anabhijātasya-upajāpaṁ visaṁvādayanti, anurāge sārvaguṇyam iti | 24 |

KAZ08.2.25/ prayāsa.vadhāt sasya.vadho muṣṭi.vadhāt pāpīyān, nirājīvatvād avṛṣṭir ativṛṣṭitaḥ | 25 |

KAZ08.2.26ab/ dvayor dvayor vyasanayoḥ prakṛtīnāṁ bala.abalam |
KAZ08.2.26cd/ pāramparya.krameṇa-uktaṁ yāne sthāne ca kāraṇam || 26 ||

8.3. Chapter 3 (Section 129): Vices of Man

[Page 209 ] [Note: [ K tr. 455 :: K2 tr. 393]

KAZ08.3.01/ avidyā.vinayaḥ puruṣa.vyasana.hetuḥ | 1 |

KAZ08.3.02/ avinīto hi vyasana.doṣān na paśyati | 2 |

KAZ08.3.03/ tān upadekṣyāmaḥ | 3 |

KAZ08.3.04/ kopajas tri.vargaḥ, kāmajaś catur.vargaḥ | 4 |

KAZ08.3.05/ tayoḥ kopo garīyān | 5 |

KAZ08.3.06/ sarvatra hi kopaś carati | 6 |

KAZ08.3.07/ prāyaśaś ca kopa.vaśā rājānaḥ prakṛti.kopair hatāḥ śrūyante, kāma.vaśāḥ kṣaya.nimittam ari.vyādhibhir iti | 7 |

KAZ08.3.08/ na-iti bhāradvājaḥ | 8 |

KAZ08.3.09/ "sat.puruṣa.ācāraḥ kopo vaira.yātanam avajñā.vadho bhīta.manuṣyatā ca | 9 |

KAZ08.3.10/ nityaś ca kopena sambandhaḥ pāpa.pratiṣedha.arthaḥ | 10 |

KAZ08.3.11/ kāmaḥ siddhi.lābhaḥ sāntvaṁ tyāga.śīlatā sampriya.bhāvaś ca | 11 |

KAZ08.3.12/ nityaś ca kāmena sambandhaḥ kṛta.karmaṇaḥ phala.upabhoga.arthaḥ" iti | 12 |

KAZ08.3.13/ na-iti kauṭilyaḥ | 13 |

KAZ08.3.14/ dveṣyatā śatru.vedanaṁ duḥkha.āsaṅgaś ca kopaḥ | 14 |

KAZ08.3.15/ paribhavo dravya.nāśaḥ pāṭaccara.dyūtakāra.lubdhaka.gāyana.vādakaiś ca-anarthyaiḥ samyogaḥ kāmaḥ | 15 |

KAZ08.3.16/ tayoḥ paribhavād dveṣyatā garīyasī | 16 |

KAZ08.3.17/ paribhūtaḥ svaiḥ paraiś ca-avagṛhyate, dveṣyaḥ samucchidyata iti | 17 |

KAZ08.3.18/ dravya.nāśāt-śatru.vedanaṁ garīyaḥ | 18 |

KAZ08.3.19/ dravya.nāśaḥ kośa.ābādhakaḥ, śatru.vedanaṁ prāṇa.ābādhakam iti | 19 |

KAZ08.3.20/ anarthya.samyogād duḥkha.samyogo garīyān | 20 |

KAZ08.3.21/ anarthya.samyogo muhūrta.pratīkāro, dīrgha.kleśa.karo duḥkhānām āsaṅga iti | 21 |

KAZ08.3.22/ tasmāt kopo garīyān | 22 |

KAZ08.3.23/ vāk.pāruṣyam artha.dūṣaṇaṁ daṇḍa.pāruṣyam iti | 23 |

KAZ08.3.24/ "vāk.pāruṣya.artha.dūṣaṇayor vāk.pāruṣyaṁ garīyaḥ" iti viśāla.akṣaḥ | 24 |

KAZ08.3.25/ "paruṣa.mukto hi tejasvī tejasā pratyārohati | 25 |

KAZ08.3.26/ durukta.śalyaṁ hṛdi nikhātaṁ tejaḥ.sandīpanam indriya.upatāpi ca" iti | 26 |

KAZ08.3.27/ na-iti kauṭilyaḥ | 27 |

KAZ08.3.28/ artha.pūjā vāk.śalyam apahanti, vṛtti.vilopas tv artha.dūṣaṇam | 28 |

KAZ08.3.29/ adānam ādānaṁ vināśaḥ parityāgo vā-arthasya-ity artha.dūṣaṇam | 29 |

KAZ08.3.30/ "artha.dūṣaṇa.daṇḍa.pāruṣyayor artha.dūṣaṇaṁ garīyaḥ" iti pārāśarāḥ | 30 |

KAZ08.3.31/ "artha.mūlau dharma.kāmau | 31 |

KAZ08.3.32/ artha.pratibaddhaś ca loko vartate | 32 |

KAZ08.3.33/ tasya.upaghāto garīyān" iti | 33 |

[Page 210 ]

KAZ08.3.34/ na-iti kauṭilyaḥ | 34 |

KAZ08.3.35/ sumahatā-apy arthena na kaścana śarīra.vināśam icchet | 35 |

KAZ08.3.36/ daṇḍa.pāruṣyāc ca tam eva doṣam anyebhyaḥ prāpnoti | 36 |

KAZ08.3.37/ iti kopajas tri.vargaḥ | 37 |

KAZ08.3.38/ kāmajas tu mṛgayā dyūtaṁ striyaḥ pānam iti catur.vargaḥ | 38 |

KAZ08.3.39/ tasya "mṛgayā.dyūtayor mṛgayā garīyasī" iti piśunaḥ | 39 |

KAZ08.3.40/ "stena.amitra.vyāla.dāva.praskhalana.bhaya.din.mohāḥ kṣut.pipāse ca prāṇa.ābādhas tasyām | 40 |

KAZ08.3.41/ dyūte tu jitam eva-akṣa.viduṣā yathā jayat.sena.duryodhanābhyām" iti | 41 |

KAZ08.3.42/ na-ity kauṭilyaḥ | 42 |

KAZ08.3.43/ tayor apy anyatara.parājayo 'sti-iti nala.yudhiṣṭhirābhyāṁ vyākhyātam | 43 |

KAZ08.3.44/ tad eva vijita.dravyam āmiṣaṁ vaira.anubandhaś ca | 44 |

KAZ08.3.45/ sato 'rthasya vipratipattir asataś ca-arjanam apratibhukta.nāśo mūtra.purīṣa.dhāraṇa.bubhukṣā.ādibhiś ca vyādhi.lābha iti dyūta.doṣāḥ | 45 |

KAZ08.3.46/ mṛgayāyāṁ tu vyāyāmaḥ śleṣma.pitta.medaḥ.sveda.nāśaś cale sthite ca kāye lakṣa.paricayaḥ kopa.bhaya.sthāneṣu ca mṛgāṇāṁ citta.jñānam anitya.yānaṁ ca-iti | 46 |

KAZ08.3.47/ "dyūta.strī.vyasanayoḥ kaitava.vyasanam" iti kauṇapadantaḥ | 47 |

KAZ08.3.48/ "sātatyena hi niśi pradīpe mātari ca mṛtāyāṁ dīvyaty eva kitavaḥ | 48 |

KAZ08.3.49/ kṛcchre ca pratipṛṣṭaḥ kupyati | 49 |

KAZ08.3.50/ strī.vyasane tu snāna.pratikarma.bhojana.bhūmiṣu bhavaty eva dharma.artha.paripraśnaḥ | 50 |

KAZ08.3.51/ śakyā ca strī rājahite.niyoktum, upāṁśu.daṇḍena vyādhinā vā vyāvartayitum avasrāvayituṁ vā" iti | 51 |

KAZ08.3.52/ na-iti kauṭilyaḥ | 52 |

KAZ08.3.53/ sapratyādeyaṁ dyūtaṁ niṣpratyādeyaṁ strī.vyasanam | 53 |

KAZ08.3.54/ adarśanaṁ kārya.nirvedaḥ kāla.atipātanād anartho dharma.lopaś ca tantra.daurbalyaṁ pāna.anubandhaś ca-iti | 54 |

KAZ08.3.55/ "strī.pāna.vyasanayoḥ strī.vyasanam" iti vātavyādhiḥ | 55 |

KAZ08.3.56/ "strīṣu hi bāliśyam aneka.vidhaṁ niśānta.praṇidhau vyākhyātam | 56 |

KAZ08.3.57/ pāne tu śabda.ādīnām indriya.arthānām upabhogaḥ prīti.dānaṁ parijana.pūjanaṁ karma.śrama.vadhaś ca" iti | 57 |

KAZ08.3.58/ na-iti kauṭilyaḥ | 58 |

KAZ08.3.59/ strī.vyasane bhavaty apatya.utpattir ātma.rakṣaṇaṁ ca-antar.dāreṣu, viparyayo vā bāhyeṣu, agamyeṣu sarva.ucchittiḥ | 59 |

KAZ08.3.60/ tad ubhayaṁ pāna.vyasane | 60 |

KAZ08.3.61/ pāna.sampat - sañjñā.nāśo 'nunmattasya-unmattatvam apretasya pretatvaṁ kaupīna.darśanaṁ śruta.prajñā.prāṇa.vitta.mitra.hāniḥ sadbhir viyogo 'narthya.samyogas tantrī.gīta.naipuṇyeṣu ca-arthaghneṣu prasaṅga iti | 61 |

[Page 211 ]

KAZ08.3.62/ dyūta.madyayor dyūtam | 62 |

KAZ08.3.63/ ekeṣāṁ paṇa.nimitto jayaḥ parājayo vā prāṇiṣu niścetaneṣu vā pakṣa.dvaidhena prakṛti.kopaṁ karoti | 63 |

KAZ08.3.64/ viśeṣataś ca saṅghānāṁ saṅgha.dharmiṇāṁ ca rāja.kulānāṁ dyūta.nimitto bhedas tan.nimitto vināśa ity asat.pragrahaḥ pāpiṣṭhatamo vyasanānāṁ tantra.daurbalyād iti | 64 |

KAZ08.3.65ab/ asatāṁ pragrahaḥ kāmaḥ kopaś ca-avagrahaḥ satām |
KAZ08.3.65cd/ vyasanaṁ doṣa.bāhulyād atyantam ubhayaṁ matam || 65 ||
KAZ08.3.66ab/ tasmāt kopaṁ ca kāmaṁ ca vyasana.ārambham ātmavān |
KAZ08.3.66cd/ parityajen mūla.haraṁ vṛddha.sevī jita.indriyaḥ || 66 ||

8.4. Chapter 4 (Sections 130; 131; 132): Afflictions; Hindrances; Stoppages of Payment to the Treasury

[Note: [ K tr. 459 :: K2 tr. 397]

KAZ08.4.01/ daiva.pīḍanaṁ - agnir udakaṁ vyādhir durbhikṣaṁ maraka iti | 1 |

KAZ08.4.02/ "agny.udakayor agni.pīḍanam apratikāryaṁ sarva.dāhi ca, śakya.apagamanaṁ tārya.ābādham udaka.pīḍanam" ity ācāryāḥ | 2 |

KAZ08.4.03/ na-it kauṭilyaḥ | 3 |

KAZ08.4.04/ agnir grāmam ardha.grāmaṁ vā dahati, udaka.vegas tu grāma.śata.pravāhī-iti | 4 |

KAZ08.4.05/ "vyādhi.durbhikṣayor vyādhiḥ preta.vyādhita.upasṛṣṭa.paricāraka.vyāyāma.uparodhena karmāṇy upahanti, durbhikṣaṁ punar akarma.upaghāti hiraṇya.paśu.kara.dāyi ca" ity ācāryāḥ | 5 |

KAZ08.4.06/ na-iti kauṭilyaḥ | 6 |

KAZ08.4.07/ eka.deśa.pīḍano vyādhiḥ śakya.pratīkāraś ca, sarva.deśa.pīḍanaṁ durbhikṣaṁ prāṇinām ajīvanāya-iti | 7 |

KAZ08.4.08/ tena marako vyākhyātaḥ | 8 |

KAZ08.4.09/ "kṣudraka.mukhya.kṣayayoḥ kṣudraka.kṣayaḥ karmaṇām ayoga.kṣemaṁ karoti, mukhya.kṣayaḥ karma.anuṣṭhāna.uparodha.dharmā" ity ācāryāḥ | 9 |

KAZ08.4.10/ na-iti kauṭilyaḥ | 10 |

KAZ08.4.11/ śakyaḥ kṣudraka.kṣayaḥ pratisandhātuṁ [Page 212 ]bāhulyāt kṣudrakāṇām, na mukhya.kṣayaḥ | 11 |

KAZ08.4.12/ sahasreṣu hi mukhyo bhavaty eko na vā sattva.prajñā.ādhikyāt tad.āśrayatvāt kṣudrakāṇām iti | 12 |

KAZ08.4.13/ "sva.cakra.para.cakrayoḥ sva.cakram atimātrābhyāṁ daṇḍa.karābhyāṁ pīḍayaty aśakyaṁ ca vārayitum, para.cakraṁ tu śakyaṁ praiyoddhum upasāreṇa sandhinā vā mokṣayitum" ity ācāryāḥ | 13 |

KAZ08.4.14/ na-iti kauṭilyaḥ | 14 |

KAZ08.4.15/ sva.cakra.pīḍanaṁ prakṛti.puruṣa.mukhya.upagraha.vighātābhyāṁ śakyate vārayitum eka.deśaṁ vā pīḍayati, sarva.deśa.pīḍanaṁ tu para.cakraṁ vilopa.ghāta.dāha.vidhvaṁsana.apavāhanaiḥ pīḍayati-iti | 15 |

KAZ08.4.16/ "prakṛti.rāja.vivādayoḥ prakṛiti.vivādaḥ prakṛtīnāṁ bhedakaḥ para.abhiyogān āvahati, rāja.vivādas tu prakṛtīnāṁ dvi.guṇa.bhakta.vetana.parihāra.karo bhavati" ity ācāryāḥ | 16 |

KAZ08.4.17/ na-iti kauṭilyaḥ | 17 |

KAZ08.4.18/ śakyaḥ prakṛti.vivādaḥ prakṛti.mukhya.upagraheṇa kalaha.sthāna.apanayanena vā vārayitum | 18 |

KAZ08.4.19/ vivadamānās tu prakṛtayaḥ paraspara.saṅgharṣeṇa-upakurvanti | 19 |

KAZ08.4.20/ rāja.vivādas tu pīḍana.ucchedanāya prakṛtīnāṁ dvi.guṇa.vyāyāma.sādhya iti | 20 |

KAZ08.4.21/ "deśa.rāja.vihārayor deśa.vihāras traikālyena karma.phala.upaghātaṁ karoti, rāja.vihāras tu kāru.śilpi.kuśīlava.vāg.jīvana.rūpa.ājīvā.vaidehaka.upakāraṁ karoti" ity ācāryāḥ | 21 |

KAZ08.4.22/ na-iti kauṭilyaḥ | 22 |

KAZ08.4.23/ deśa.vihāraḥ karma.śramam avadhā.artham alpaṁ bhakṣayati bhakṣayitvā ca bhūyaḥ karmasu yogaṁ gacchati, rāja.vihāras tu svayaṁ vallabhaiś ca svayaṁ.grāha.praṇaya.paṇya.agāra.kārya.upagrahaiḥ pīḍayati-iti | 23 |

KAZ08.4.24/ "subhagā.kumārayoḥ kumāraḥ svayaṁ vallabhaiś ca svayaṁ.grāha.praṇaya.paṇya.agāra.kārya.upagrahaiḥ pīḍayati, subhagā vilāsa.upabhogena" ity ācāryāḥ | 24 |

KAZ08.4.25/ na-iti kauṭilyaḥ | 25 |

KAZ08.4.26/ śakyaḥ kumāro mantri.purohitābhyāṁ vārayitum, na subhagā bāliśyād anarthya.jana.samyogāc ca-iti | 26 |

KAZ08.4.27/ "śreṇī.mukhyayoḥ śreṇī bāhulyād anavagrahā steya.sāhasābhyāṁ pīḍayati, mukhyaḥ kārya.anugraha.vighātābhyām" ity ācāryāḥ | 27 |

KAZ08.4.28/ na-iti kauṭilyaḥ | 28 |

KAZ08.4.29/ suvyāvartyā śreṇī samāna.śīla.vyasanatvāt, śreṇī.mukhya.eka.deśa.upagraheṇa vā | 29 |

KAZ08.4.30/ stambha.yukto mukhyaḥ para.prāṇa.dravya.upaghātābhyāṁ pīḍayati-iti | 30 |

KAZ08.4.31/ "samnidhātṛ.samāhartroḥ samnidhātā kṛta.vidūṣaṇa.atyayābhyāṁ pīḍayati, samāhartā karaṇa.adhiṣṭhitaḥ pradiṣṭa.phala.upabhogī bhavati" ity ācāryāḥ | 31 |

KAZ08.4.32/ na-iti kauṭilyaḥ | 32 |

KAZ08.4.33/ samnidhātā kṛta.avastham anyaiḥ kośa.praveśyaṁ pratigṛhṇāti, samāhartā tu pūrvam artham ātmanaḥ kṛtvā paścād rāja.arthaṁ karoti praṇāśayati vā, para.sva.ādāne ca sva.pratyayaś carati-iti | 33 |

[Page 213 ]

KAZ08.4.34/ "anta.pāla.vaidehakayor anta.pālaś cora.prasarga.deya.atyādānābhyāṁ vaṇik.pathaṁ pīḍayati, vaidehakās tu paṇya..pratipaṇya.anugrahaiḥ prasādhayanti" ity ācāryāḥ | 34 |

KAZ08.4.35/ na-iti kauṭilyaḥ | 35 |

KAZ08.4.36/ anta.pālaḥ paṇya.sampāta.anugraheṇa vartayati, vaidehakās tu sambhūya paṇyānām utkarṣa.apakarṣaṁ kurvāṇāḥ paṇe paṇa.śataṁ kumbhe kumbha.śatam ity ājīvanti | 36 |

KAZ08.4.37/ abhijāta.uparuddhā bhūmiḥ paśu.vraja.uparuddhā vā-iti "abhijāta.uparuddhā bhūmiḥ mahā.phalā-apy āyudhīya.upakāriṇī na kṣamā mokṣayituṁ vyasana.ābādha.bhayāt, paśu.vraja.uparuddhā tu kṛṣi.yogyā kṣamā mokṣayitum | 37 |

KAZ08.4.38/ vivītaṁ hi kṣetreṇa bādhyate" ity ācāryāḥ | 38 |

KAZ08.4.39/ na-iti kauṭilyaḥ | 39 |

KAZ08.4.40/ abhijāta.uparuddhā bhūmir atyanta.mahā.upakārā-api kṣamā mokṣayituṁ vyasana.ābādha.bhayāt, paśu.vraja.uparuddhā tu kośa.vāhana.upakāriṇī na kṣamā mokṣayitum, anyatra sasya.vāpa.uparodhād iti | 40 |

KAZ08.4.41/ "pratirodhaka.āṭavikayoḥ pratirodhakā rātri.sattra.carāḥ śarīra.ākramiṇo nityāḥ śata.sahasra.ahapāriṇaḥ pradhāna.kopakāś ca vyavahitāḥ pratyantara.araṇya.carāś ca-āṭavikāḥ prakāśā dṛsyāś caranti, eka.deśa.ghātakāś ca" ity ācāryāḥ | 41 |

KAZ08.4.42/ na-iti kauṭilyaḥ | 42 |

KAZ08.4.43/ pratirodhakāḥ pramattasya-aparahanti, alpāḥ kuṇṭhāḥ sukhā jñātuṁ grahītuṁ ca, sva.deśasthāḥ prabhūtā vikrāntāś ca-āṭavikāḥ prakāśa.yodino 'pahartāro hantāraś ca deśānāṁ rāja.sadharmāṇa iti | 43 |

KAZ08.4.44/ mṛga.hasti.vanayoḥ mṛgāḥ prabhūtāḥ prabhūta.māṁsa.carma.upakāriṇo manda.grāsa.avakleśinaḥ suniyamyāś ca | 44 |

KAZ08.4.45/ viparītā hastino gṛhyamāṇā duṣṭāś ca deśa.vināśāya-iti | 45 |

KAZ08.4.46/ sva.para.sthānīya.upakārayoḥ sva.sthānīya.upakāro dhānya.paśu.hiraṇya.kupya.upakāro jānapadānām āpady ātma.dhāraṇaḥ | 46 |

KAZ08.4.47/ viparītaḥ para.sthānīya.upakāraḥ | 47 |

KAZ08.4.48/ iti pīḍanāni - ābhyantaro mukhya.stambho bāhyo mitra.aṭavī.stambhaḥ | 48 | iti stambha.vargah |

KAZ08.4.49/ tābhyāṁ pīḍanair yathā.uktaiś ca pīḍitaḥ, sakto mukhyeṣu, parihāra.upahataḥ, prakīrṇo, mithyā.saṁhṛtaḥ, sāmanta.aṭavī.hṛta iti kośa.saṅga.vargaḥ | 49 |

KAZ08.4.50ab/ pīḍanānām anutpattāv utpannānāṁ ca vāraṇe |
KAZ08.4.50cd/ yateta deśa.vṛddhy.arthaṁ nāśe ca stambha.saṅgayoḥ || 50 ||

8.5. Chapter 5 (Sections 133; 134): Calamities of the Army; Calamities of the Ally

[Page 214 ] [Note: [ K tr. 464 :: K2 tr. 401]

KAZ08.5.01/ bala.vyasanāni - amānitam, vimānitam, abhṛtam, vyādhitam, nava.āgatam, dūra.āyātam, pariśrāntam, parikṣīṇam, pratihatam, hata.agra.vegam, anṛtu.prāptam, abhūmi.prāptam, āśā.nirvedi, parisṛptam, kalatra.garbhi, antaḥ.śalyam, kupita.mūlam, bhinna.garbham, apasṛtam, atikṣiptam, upaniviṣṭam, samāptam, uparuddham, parikṣiptam, chinna.dhānya.puruṣa.vīvadham, sva.vikṣiptam, mitra.vikṣiptam, dūṣya.yuktam, duṣṭa.pārṣṇi.grāham, śūnya.mūlam, asvāmi.saṁhatam, bhinna.kūṭam, andham iti | 1 |

KAZ08.5.02/ teṣām amānita.vimānita.aniyatayor amānitaṁ kṛta.artha.mānaṁ yudhyeta, na vimānitam antaḥ.kopam | 2 |

KAZ08.5.03/ abhṛta.vyādhitayor abhṛtaṁ tadātva.kṛta.vetanaṁ yudhyeta, na vyādhitam akarmaṇyam | 3 |

KAZ08.5.04/ nava.āgata.dūra.āyātayor nava.āgatam anyata upalabdha.deśam anava.miśraṁ yudhyeta, na dūra.āyatam āyata.gata.parikleśam | 4 |

KAZ08.5.05/ pariśrānta.parikṣīṇayoḥ pariśrāntaṁ snāna.bhojana.svapna.labdha.viśrāmaṁ yudhyeta, na parikṣīṇam anyatra-āhave kṣīṇayugya.puruṣam | 5 |

KAZ08.5.06/ pratihata.hata.agra.vegayoḥ pratihatam agra.pāta.bhagnaṁ pravīra.puruṣa.saṁhataṁ yudhyeta, na hata.agra.vegam agra.pāta.hata.vīram | 6 |

KAZ08.5.07/ anṛtv.abhūmi.prāptayor anṛtu.prāptaṁ yatha.ṛtu.yugya.śastra.āvaraṇaṁ yudhyeta, na-abhūmi.prāptam avaruddha.prasāra.vyāyāmam | 7 |

KAZ08.5.08/ āśā.nirvedi.parisṛptayor āśā.nirvedi labdha.abhiprāyaṁ yudhyeta, na parisṛptam apasṛta.mukhyam | 8 |

KAZ08.5.09/ kalatra.garbhy.antaḥ.śalyayoḥ kalatra.garbhi unmucya kalatraṁ yudhyeta, na-antaḥ.śalyam antara.mitram | 9 |

KAZ08.5.10/ kupita.mūla.bhinna.garbhayoḥ kupita.mūlaṁ praśamita.kopaṁ sāma.ādibhir yudhyeta, na bhinna.garbham anyonyasmād bhinnam | 10 |

[Page 215 ]

KAZ08.5.11/ apasṛta.atikṣiptayor apasṛtam eka.rājya.atikrāntaṁ mantra.vyāyāmābhyāṁ sattra.mitra.apāśrayaṁ yudhyeta, na-atikṣiptam aneka.rājya.atikrāntaṁ bahv.ābādhatvāt | 11 |

KAZ08.5.12/ upaniviṣṭa.samāptayor upaniviṣṭaṁ pṛthag.yāna.sthānam atisandhāya-ariṁ yudhyeta, na samāptam ariṇā-eka.sthāna.yānam | 12 |

KAZ08.5.13/ uparuddha.parikṣiptayor uparuddham anyato niṣkramya-uparoddhāraṁ pratiyudhyeta, na parikṣiptaṁ sarvataḥ pratiruddham | 13 |

KAZ08.5.14/ chinna.dhānya.puruṣa.vīvadhayoḥ chinna.dhānyam anyato dhānyam ānīya jaṅgama.sthāvara.āhāraṁ vā yudhyeta, na chinna.puruṣa.vīvadham anabhisāram | 14 |

KAZ08.5.15/ sva.vikṣipta.mitra.vikṣiptayoḥ sva.vikṣiptaṁ sva.bhūmau vikṣiptaṁ sainyam āpadi śakyam āvāhayitum, na mitra.vikṣiptaṁ viprakṛṣṭa.deśa.kālatvāt | 15 |

KAZ08.5.16/ dūṣya.yukta.duṣṭa.pārṣṇi.grāhayor dūṣya.yuktam āpta.puruṣa.adhiṣṭhitam asaṁhataṁ yudhyeta, na duṣṭa.pārṣṇi.grāhaṁ pṛṣṭha.abhighāta.trastam | 16 |

KAZ08.5.17/ śūnya.mūla.asvāmi.saṁhatayoḥ śūnya.mūlaṁ kṛta.paura.jānapada.ārakṣaṁ sarva.sandohena yudhyeta, na-asvāmi.saṁhataṁ rāja.senā.pati.hīnam | 17 |

KAZ08.5.18/ bhinna.kūṭa.andhayor bhinna.kūṭam anya.adhiṣṭhitaṁ yudhyeta, na-andham adeśikaṁ | iti | 18 |

KAZ08.5.19ab/ doṣa.śuddhir bala.āvāpaḥ sattra.sthāna.atisaṁhitam |
KAZ08.5.19cd/ sandhiś ca-uttara.pakṣasya bala.vyasana.sādhanam || 19 ||
KAZ08.5.20ab/ rakṣet sva.daṇḍaṁ vyasane śatrubhyo nityam utthitaḥ |
KAZ08.5.20cd/ prahared daṇḍa.randhreṣu śatrūṇāṁ nityam utthitaḥ || 20 ||
KAZ08.5.21ab/ yato nimittaṁ vyasanaṁ prakṛtīnām avāpnuyāt |
KAZ08.5.21cd/ prāg eva pratikurvīta tan nimittam atandritaḥ || 21 ||
KAZ08.5.22ab/ abhiyātaṁ svayaṁ mitraṁ sambhūya-anya.vaśena vā |
KAZ08.5.22cd/ parityaktam aśaktyā vā lobhena praṇayena vā || 22 ||
KAZ08.5.23ab/ vikrītam abhiyuñjāne saṅgrāme vā-apavartinā |
KAZ08.5.23cd/ dvaidhī.bhāvena vā-amitraṁ yāsyatā vā-anyam anyataḥ || 23 ||
KAZ08.5.24ab/ pṛthag vā saha.yāne vā viśvāsena-atisaṁhitam |
KAZ08.5.24cd/ bhaya.avamāna.ālasyair vā vyasanān na pramokṣitam || 24 ||
[Page 216 ]
KAZ08.5.25ab/ avaruddhaṁ sva.bhūmibhyaḥ samīpād vā bhayād gatam |
KAZ08.5.25cd/ ācchedanād adānād vā dattvā vā-apy avamānitam || 25 ||
KAZ08.5.26ab/ atyāhāritam arthaṁ vā svayaṁ para.mukhena vā |
KAZ08.5.26cd/ atibhāre niyuktaṁ vā bhaṅktvā param upasthitam || 26 ||
KAZ08.5.27ab/ upekṣitam aśaktyā vā prārthayitvā virodhitam |
KAZ08.5.27cd/ kṛcchreṇa sādhyate mitraṁ siddhaṁ ca-āśu virajyati || 27 ||
KAZ08.5.28ab/ kṛta.prayāsaṁ mānyaṁ vā mohān mitram amānitam |
KAZ08.5.28cd/ mānitaṁ vā na sadṛśaṁ śaktito vā nivāritam || 28 ||
KAZ08.5.29ab/ mitra.upaghāta.trastaṁ vā śaṅkitaṁ vā-ari.saṁhitāt |
KAZ08.5.29cd/ dūṣyair vā bhedituṁ mitraṁ sādhyaṁ siddhaṁ ca tiṣṭhati || 29 ||
KAZ08.5.30ab/ tasmān na-utpādayed enān doṣān mitra.upaghātakān |
KAZ08.5.30cd/ utpannān vā praśamayed guṇair doṣa.upaghātibhiḥ || 30 ||

9. Book 9: The Activity of the King About to March

[Page 217 ] [Note: [ K tr. 470--500 :: K2 tr. 406--432]

9.1. Chapter 1 (Sections 135; 136): Relative Strength of Powers, Place and Time; Seasons for Marching on an Expedition

[Note: [ K tr. 470 :: K2 tr. 406]

KAZ09.1.01/ vijigīṣur ātmanaḥ parasya ca bala.abalaṁ śakti.deśa.kāla.yātrā.kāla.bala.samuddāna.kāla.paścāt.kopa.- kṣaya.vyaya.lābha.āpadāṁ jñātvā viśiṣṭa.balo yāyāt, anyathā-āsīta | 1 |

KAZ09.1.02/ "utsāha.prabhāvayor utsāhaḥ śreyān | 2 |

KAZ09.1.03/ svayaṁ hi rājā śūro balavān arogaḥ kṛta.astro daṇḍa.dvitīyo 'pi śaktaḥ prabhāvavantaṁ rājānaṁ jetum | 3 |

KAZ09.1.04/ alpo 'pi ca-asya daṇḍas tejasā kṛtya.karo bhavati | 4 |

KAZ09.1.05/ nirutsāhas tu prabhāvavān rājā vikrama.abhipanno naśyati" ity ācāryāḥ | 5 |

KAZ09.1.06/ na-iti kauṭilyaḥ | 6 |

KAZ09.1.07/ prabhāvavān utsāhavantaṁ rājānaṁ prabhāvena-atisandhatte tad.viśiṣṭam anyaṁ rājānam āvāhya bhṛtvā krītvā pravīra.puruṣān | 7 |

KAZ09.1.08/ prabhūta.prabhāva.haya.hasti.ratha.upakaraṇa.sampannaś ca-asya daṇḍaḥ sarvatra-apratihataś carati | 8 |

KAZ09.1.09/ utsāhavataś ca prabhāvavanto jitvā krītvā ca striyo bālāḥ paṅgavo 'ndhāś ca pṛthivīṁ jigyur iti | 9 |

KAZ09.1.10/ "prabhāva.mantrayoḥ prabhāvaḥ śreyān | 10 |

KAZ09.1.11/ mantra.śakti.sampanno hi vandhya.buddhir aprabhāvo bhavati | 11 |

KAZ09.1.12/ mantra.karma ca-asya niścitam aprabhāvo garbha.dhānyam avṛṣṭir iva-upahanti" ity ācāryāḥ | 12 |

KAZ09.1.13/ na-iti kauṭilyaḥ | 13 |

KAZ09.1.14/ mantra.śaktiḥ śreyasī | 14 |

KAZ09.1.15/ prajñā.śāstra.cakṣur hi rājā-alpena-api prayatnena mantram ādhātuṁ śaktaḥ parān utsāha.prabhāvavataś ca sāma.ādibhir yoga.upaniṣadbhyāṁ ca-atisandhātum | 15 |

KAZ09.1.16/ evam utsāha.prabhāva.mantra.śaktīnām uttara.uttara.adhiko 'tisandhatte | 16 |

KAZ09.1.17/ deśaḥ pṛthivī | 17 |

KAZ09.1.18/ tasyāṁ himavat.samudra.antaram udīcīnaṁ yojana.sahasra.parimāṇaṁ tiryak cakra.varti.kṣetram | 18 |

KAZ09.1.19/ tatra-araṇyo grāmyaḥ parvata audako bhaumaḥ samo viṣama iti viśeṣāḥ | 19 |

KAZ09.1.20/ teṣu yathā.sva.bala.vṛddhi.karaṁ karma prayuñjīta | 20 |

[Page 218 ]

KAZ09.1.21/ yatra.ātmanaḥ sainya.vyāyāmānāṁ bhūmiḥ, abhūmiḥ parasya, sa uttamo deśaḥ, viparīto 'dhamaḥ, sādhāraṇo madhyamaḥ | 21 |

KAZ09.1.22/ kālaḥ śīta.uṣṇa.varṣa.ātmā | 22 |

KAZ09.1.23/ tasya rātrir ahaḥ pakṣo māsa ṛtur ayanaṁ saṁvatsaro yugam iti viśeṣāḥ | 23 |

KAZ09.1.24/ teṣu yathā.sva.bala.vṛddhi.karaṁ karma.prayuñjīta | 24 |

KAZ09.1.25/ yatra.ātmanaḥ sainya.vyāyāmānām ṛtuḥ anṛtuḥ parasya, sa uttamaḥ kālaḥ, viparīto 'dhamaḥ, sādhāraṇo madhyamaḥ | 25 |

KAZ09.1.26/ "śakti.deśa.kālānāṁ tu śaktiḥ śreyasī" ity ācāryāḥ | 26 |

KAZ09.1.27/ śaktimān hi nimna.sthalavato deśasya śīta.uṣṇa.varṣavataś ca kālasya śaktaḥ pratīkāre bhavati | 27 |

KAZ09.1.28/ "deśaḥ śreyān" ity eke | 28 |

KAZ09.1.29/ "sthala.gato hi śvā nakraṁ vikarṣati, nimna.gato nakraḥ śvānam" iti | 29 |

KAZ09.1.30/ "kālaḥ śreyān" ity eke | 30 |

KAZ09.1.31/ "divā kākaḥ kauśikaṁ hanti, rātrau kauśikaḥ kākam" iti | 31 |

KAZ09.1.32/ na-iti kauṭilyaḥ | 32 |

KAZ09.1.33/ paraspara.sādhakā hi śakti.deśa.kālāḥ | 33 |

KAZ09.1.34/ tair abhyuccitas tṛtīyaṁ caturthaṁ vā daṇḍasya-aṁśaṁ mūle pārṣṇyāṁ pratyanta.aṭavīṣu ca rakṣā vidhāya kārya.sādhana.sahaṁ kośa.daṇḍaṁ ca-ādāya kṣīṇa.purāṇa.bhaktam agṛhīta.nava.bhaktam asaṁskṛta.durgama.mitraṁ vārṣikaṁ ca-asya sasyaṁ haimanaṁ ca muṣṭim upahantuṁ mārgaśīrṣīṁ yātrāṁ yāyāt | 34 |

KAZ09.1.35/ haimānaṁ ca-asya sasyaṁ vāsantikaṁ ca muṣṭim upahantuṁ caitrīṁ yātrāṁ yāyāt | 35 |

KAZ09.1.36/ kṣīṇa.kṛṇa.kāṣṭha.udakam asaṁskṛta.durgama.mitraṁ vāsantikaṁ ca-asya sasyaṁ vārṣikīṁ ca muṣṭim upahantuṁ jyeṣṭhāmūlīyāṁ yātrāṁ yāyāt | 36 |

KAZ09.1.37/ atyuṣṇam alpa.yavasa.indhana.udakaṁ vā deśaṁ hemante yāyāt | 37 |

KAZ09.1.38/ tuṣāra.durdinam agādha.nimna.prāyaṁ gahana.tṛṇa.vṛkṣaṁ vā deśaṁ grīṣme yāyāt | 38 |

KAZ09.1.39/ sva.sainya.vyāyāma.yogyaṁ parasya-ayogyaṁ varṣati yāyāt | 39 |

KAZ09.1.40/ mārgaśīrṣīṁ taiṣīṁ ca-antareṇa dīrgha.kālāṁ yātrāṁ yāyāt, caitrīṁ vaiśākhīṁ ca-antareṇa madhyama.kālām, jyeṣṭhāmūlīyām āṣāḍhīṁ ca-antareṇa hrasva.kālām, upoṣiṣyan vyasane caturthīm | 40 |

KAZ09.1.41/ vyasana.abhiyānaṁ vigṛhya.yāne vyākhyātam | 41 |

KAZ09.1.42/ prāyaśaś ca-ācāryāḥ "para.vyasane yātavyam" ity upadiśanti | 42 |

KAZ09.1.43/ śakty.udaye yātavyam anaikānntikatvād vyasanānām iti kauṭilyaḥ | 43 |

KAZ09.1.44/ yadā vā prayātaḥ karśayitum ucchetuṁ vā śaknuyād amitraṁ tadā yāyāt | 44 |

[Page 219 ]

KAZ09.1.45/ atyuṣṇa.upakṣīṇe kāle hasti.bala.prāyo yāyāt | 45 |

KAZ09.1.46/ hastino hy antaḥ.svedāḥ kuṣṭhino bhavanti | 46 |

KAZ09.1.47/ anavagāhamānās toyam apibantaś ca-antar.avakṣārāc ca-andhī.bhavanti | 47 |

KAZ09.1.48/ tasmāt prabhūta.udake deśe varṣati ca hasti.bala.prāyo yāyāt | 48 |

KAZ09.1.49/ viparyaye khara.uṣṭra.aśva.bala.prāyo deśam alpa.varṣa.paṅkam | 49 |

KAZ09.1.50/ varṣati maru.prāyaṁ catur.aṅga.balo yāyāt | 50 |

KAZ09.1.51/ sama.viṣama.nimna.sthala.hrasva.dīrgha.vaśena vā-adhvano yātrāṁ vibhajet | 51 |

KAZ09.1.52ab/ sarvā vā hrasva.kālāḥ syur yātavyāḥ kārya.lāghavāt |
KAZ09.1.52cd/ dīrghāḥ kārya.gurutvād vā varṣā.vāsaḥ paratra ca || 52 ||

9.2. Chapter 2 (Sections 137; 138; 139): Employment of Different Troops; Enquipping Troops for War; Employing Suitable Troops against Enemy Troops

[Note: [ K tr. 474 :: K2 tr. 409]

KAZ09.2.01/ maula.bhṛtaka.śreṇī.mitra.amitra.aṭavī.balānāṁ samuddāna.kālāḥ | 1 |

KAZ09.2.02/ mūla.rakṣaṇād atiriktaṁ maula.balam, atyāvāpa.yuktā vā maulā mūle vikurvīran, bahula.anurakta.maula.balaḥ sāra.balo vā pratiyoddhā, vyāyāmena yoddhavyam, prakṛṣṭe 'dhvani kāle vā kṣaya.vyaya.sahatvān maulānām, bahula.anurakta.sampāte ca yātavyasya-upajāpa.bhayād anya.sainyānāṁ bhṛta.ādīnām aviśvāse, bala.kṣaye vā sarva.sainyānām - iti maula.bala.kālaḥ | 2 |

KAZ09.2.03/ "prabhūtaṁ me bhṛta.balam alpaṁ ca maula.balamṇ" "parasya-alpaṁ viraktaṁ vā maula.balam, phalgu.prāyam asāraṁ vā bhṛta.sainyamṇ" "mantreṇa yoddhavyam alpa.vyāyāmenaṇ" "hrasvo deśaḥ kālo vā tanu.kṣaya.vyayahṇ" "alpa.āvāpaṁ śānta.upajāpaṁ viśvastaṁ vā me sainyamṇ" "parasya-alpaḥ prasāro hantavyahṇ" - iti bhṛta.bala.kālaḥ | 3 |

[Page 220 ]

KAZ09.2.04/ "prabhūtaṁ me śreṇī.balam, śakyaṁ mūle yātrāyāṁ ca-ādhātumṇ" hrasvaḥ pravāsaḥ, śreṇī.bala.prāyaḥ pratiyoddhā mantra.vyāyāmābhyāṁ pratiyoddhu.kāmaḥ, daṇḍa.bala.vyavahāraḥ - iti śreṇī.bala.kālaḥ | 4 |

KAZ09.2.05/ "prabhūtaṁ me mitra.balaṁ śakyaṁ mūle yātrāyāṁ ca-ādhātumṇ" "alpaḥ pravāso mantra.yuddhāc ca bhūyo vyāyāma.yuddhamṇ" "mitra.balena vā pūrvam aṭavīṁ nagara.sthānam āsāraṁ vā yodhayitvā paścāt sva.balena yoddhayiṣyāmiṇ" "mitra.sādhāraṇaṁ vā me kāryamṇ" "mitra.āyattā vā me kārya.siddhihṇ" "āsannam anugrāhyaṁ vā me mitramṇ" "atyāvāpaṁ vā-asya sādayiṣyāmi" - iti mitra.bala.kālaḥ | 5 |

KAZ09.2.06/ "prabhūtaṁ me śatru.balam, śatru.balena yodhayiṣyāmi nagara.sthānam aṭavīṁ vā, tatra me śva.varāhayoḥ kalahe caṇḍālasya-iva-anyatara.siddhir bhaviṣyatiṇ" "āsārāṇām aṭavīnāṁ vā kaṇṭaka.mardanam etat kariṣyāmiṇ" - atyupacitaṁ vā kopa.bhayān nityam āsannam ari.balaṁ vāsayed, anyatra.abhyantara.kopa.śaṅkāyāḥ - śatru.yuddha.avara.yuddha.kālaś ca - ity amitra.bala.kālaḥ | 6 |

KAZ09.2.07/ tena-aṭavī.bala.kālo vyākhyātaḥ | 7 |

KAZ09.2.08/ mārga.ādeśikam, para.bhūmi.yogyam, ari.yuddha.pratilomam, aṭavī.bala.prāyaḥ śatrur vā, "bilvaṁ bilvena hanyatāmṇ" alpaḥ prasāro hantavyaḥ - ity aṭavī.bala.kālaḥ | 8 |

KAZ09.2.09/ sainyam anekam anekastham uktam anuktaṁ vā vilopa.arthaṁ yad uttiṣṭhati tad autsāhikaṁ - abhakta.vetanaṁ vilopa.viṣṭi.pratāpa.karaṁ bhedyaṁ pareṣām, abhedyaṁ tulya.deśa.jāti.śilpa.prāyaṁ saṁhataṁ mahat | 9 | iti bala.upādāna.kālāh

KAZ09.2.10/ teṣāṁ kupya.bhṛtam amitra.aṭavī.balaṁ vilopa.bhṛtaṁ vā kuryāt | 10 |

KAZ09.2.11/ amitrasya vā bala.kāle pratyutpanne śatru.balam avagṛhṇīyāt, anyatra vā preṣayet, aphalaṁ vā kuryāt, vikṣiptaṁ vā vāsayet, kāle vā-atikrānte visṛjet | 11 |

KAZ09.2.12/ parasya ca-etad bala.samuddānaṁ vighātayet, ātmanaḥ sampādayet | 12 |

KAZ09.2.13/ pūrvaṁ pūrvaṁ ca-eṣāṁ śreyaḥ samnāhayitum | 13 |

KAZ09.2.14/ tad.bhāva.bhāvitvān nitya.satkāra.anugamāc ca maula.balaṁ bhṛta.balāt-śreyaḥ | 14 |

KAZ09.2.15/ nitya.anantaraṁ kṣipra.utthāyi vaśyaṁ va bhṛta.balaṁ śreṇī.balāt-śreyaḥ | 15 |

KAZ09.2.16/ jānapadam eka.artha.upagataṁ tulya.saṅgharṣa.amarṣa.siddhi.lābhaṁ ca śreṇī.balaṁ mitra.balāt-śreyaḥ | 16 |

KAZ09.2.17/ aparimita.deśa.kālam eka.artha.upagamāc ca mitra.balam amitra.balāt-śreyaḥ | 17 |

[Page 121 ]

KAZ09.2.18/ ārya.adhiṣṭhitam amitra.balam aṭavī.balāt-śreyaḥ | 18 |

KAZ09.2.19/ tad ubhayaṁ vilopa.artham | 19 |

KAZ09.2.20/ avilope vyasane ca tābhyām ahi.bhayaṁ syāt | 20 |

KAZ09.2.21/ "brāhmaṇa.kṣatriya.vaiśya.śūdra.sainyānāṁ tejaḥ.prādhānyāt pūrvaṁ pūrvaṁ śreyaḥ samnāhayitum" ity ācāryāḥ | 21 |

KAZ09.2.22/ na-iti kauṭilyaḥ | 22 |

KAZ09.2.23/ praṇipātena brāhmaṇa.balaṁ paro 'bhihārayet | 23 |

KAZ09.2.24/ praharaṇa.vidyā.vinītaṁ tu kṣatriya.balaṁ śreyaḥ, bahula.sāraṁ vā vaiśya.śūdra.balam iti | 24 |

KAZ09.2.25/ tasmād evaṁ.balaḥ paraḥ, tasya-etat pratibalam iti bala.samuddānaṁ kuryāt | 25 |

KAZ09.2.26/ hasti.yantra.śakaṭa.garbha.kunta.prāsa.hāṭaka.veṇu.śalyavad hasti.balasya pratibalam | 26 |

KAZ09.2.27/ tad eva pāṣāṇa.laguḍa.āvaraṇa.aṅkuśa.kaca.grahaṇī.prāyaṁ ratha.balasya pratibalam | 27 |

KAZ09.2.28/ tad eva-aśvānāṁ pratibalam, varmiṇo vā hastino 'śvā vā varmiṇaḥ | 28 |

KAZ09.2.29/ kavacino rathā āvaraṇinaḥ pattayaś ca catur.aṅga.balasya pratibalam | 29 |

KAZ09.2.30ab/ evaṁ bala.samuddānaṁ para.sainya.nivāraṇam |
KAZ09.2.30cd/ vibhavena sva.sainyānāṁ kuryād aṅga.vikalpaśaḥ || 30 ||

9.3. Chapter 3 (Sections 140; 141): Revolts in the Rear; Measures against Risings by Constituents

[Note: [ K tr. 478 :: K2 tr. 413]

KAZ09.3.01/ alpaḥ paścāt.kopo mahān purastāl.lābha iti alpaḥ paścāt.kopo garīyān | 1 |

KAZ09.3.02/ alpaṁ paścāt.kopaṁ prayātassya dūṣya.amitra.āṭavikā hi sarvataḥ samedhayanti, prakṛti.kopo vā | 2 |

KAZ09.3.03/ labdham api ca mahāntaṁ purastāl.lāham evaṁ.bhūte bhṛtya.mitra.kṣaya.vyayā grasante | 3 |

KAZ09.3.04/ tasmāt sahasra.ekīyaḥ purastāl.lābhasya-ayogaḥ śata.ekīyo vā paścāt.kopa iti na yāyāt | 4 |

KAZ09.3.05/ sūcī.mukhā hy anarthā iti loka.pravādaḥ | 5 |

KAZ09.3.06/ paścāt.kope sāma.dāna.bheda.daṇḍān prayuñjīta | 6 |

KAZ09.3.07/ purastāl.lābhe senā.patiṁ kumāraṁ vā daṇḍa.cāriṇaṁ kurvīta | 7 |

KAZ09.3.08/ balavān vā rājā paścāt.kopa.avagraha.samarthaḥ purastāl.lābham ādātuṁ yāyāt | 8 |

[Page 222 ]

KAZ09.3.09/ abhyantara.kopa.śaṅkāyāṁ śaṅkitān ādāya yāyāt, bāhya.kopa.śaṅkāyāṁ vā putra.dāram eṣām | 9 |

KAZ09.3.10/ abhyantara.avagrahaṁ kṛtvā śūnya.pālam aneka.bala.vargam aneka.mukhyaṁ ca sthāpayitvā yāyāt, na vā yāyāt | 10 |

KAZ09.3.11/ abhyantara.kopo bāhya.kopāt pāpīyān ity uktaṁ purastāt | 11 |

KAZ09.3.12/ mantra.purohita.senā.pati.yuva.rājānām anyatama.kopo 'bhyantara.kopaḥ | 12 |

KAZ09.3.13/ tam ātma.doṣa.tyāgena para.śakty.aparādha.vaśena vā sādhayet | 13 |

KAZ09.3.14/ mahā.aparādhe 'pi purohite samrodhanam avasrāvaṇaṁ vā siddhiḥ, yuva.rāje samrodhanaṁ nigraho vā guṇavaty anyasmin sati putre | 14 |

KAZ09.3.15/ putraṁ bhrātaram anyaṁ vā kulyaṁ rāja.grāhiṇam utsāhena sādhayet, utsāha.abbhāve gṛhīta.anuvartana.sandhi.karmabhyām ari.sandhāna.bhayāt | 15 |

KAZ09.3.16/ anyebhyas tad.vidhebhyo vā bhūmi.dānair viśvāsayed enam | 16 |

KAZ09.3.17/ tad.viśiṣṭaṁ svayaṁ.grāhaṁ daṇḍaṁ vā preṣayet, sāmanta.āṭavikān vā, tair vigṛhītam atisandadhyāt | 17 |

KAZ09.3.18/ aparuddha.ādānaṁ pāragrāmikaṁ vā yogam ātiṣṭhet | 18 |

KAZ09.3.19/ etena mantra.senā.patī vyākhyātau | 19 |

KAZ09.3.20/ mantry.ādi.varjānām antar.amātyānām anyatama.kopo 'ntar.amātya.kopaḥ | 20 |

KAZ09.3.21/ tatra-api yathā.arham upāyān prayuñjīta | 21 |

KAZ09.3.22/ rāṣṭra.mukhya.anta.pāla.āṭavika.daṇḍa.upanatānām anyatama.kopo bāhya.kopaḥ | 22 |

KAZ09.3.23/ tam anyonyena-avagrāhayet | 23 |

KAZ09.3.24/ atidurga.pratiṣṭabdhaṁ vā sāmanta.āṭavika.tat.kulīna.aparuddhānām anyatamena-avagrāhayet | 24 |

KAZ09.3.25/ mitreṇa-upagrāhayed vā yathā na-amitraṁ gacchet | 25 |

KAZ09.3.26/ amitrād vā sattrī bhedayed enaṁ - "ayaṁ tvā yoga.puruṣaṁ manyamāno bhartary eva vikramayiṣyati, avāpta.artho daṇḍa.cāriṇam amitra.āṭavikeṣu kṛcchre vā prayāse yokṣyati, viputra.dāram ante vā vāsayiṣyati | 26 |

KAZ09.3.27/ pratihata.vikramaṁ tvāṁ bhartary paṇyaṁ kariṣyati, tvayā vā sandhiṁ kṛtvā bhartāram eva prasādayiṣyati | 27 |

KAZ09.3.28/ mitram upakṛṣṭaṁ vā-asya gaccha" iti | 28 |

KAZ09.3.29/ pratipannam iṣṭa.abhiprāyaiḥ pūjayet | 29 |

KAZ09.3.30/ apratipannasya saṁśrayaṁ bhedayed "asau te yoga.puruṣaḥ praṇihitaḥ" iti | 30 |

KAZ09.3.31/ sattrī ca-enam abhityakta.śāsanair ghātayet, gūḍha.puruṣair vā | 31 |

KAZ09.3.32/ saha.prasthāyino vā-asya pravīra.puruṣān yathā.abhiprāya.karaṇena-āvāhayet | 32 |

KAZ09.3.33/ tena praṇihitān sattrī brūyāt | 33 |

KAZ09.3.34/ iti siddhiḥ | 34 |

KAZ09.3.35/ parasya ca-enān kopān utthāpayet, ātmanaś ca śamayet | 35 |

KAZ09.3.36/ yaḥ kopaṁ kartuṁ śamayituṁ vā śaktas tatra-upajāpaḥ kāryaḥ | 36 |

[Page 223 ]

KAZ09.3.37/ yaḥ satya.sandhaḥ śaktaḥ karmaṇi phala.avāptau ca-anugrahītuṁ vinipāte ca trātuṁ tatra pratijāpaḥ kāryaḥ, tarkayitavyaś ca kalyāṇa.buddhir uta-aho śaṭha iti | 37 |

KAZ09.3.38/ śaṭho hi bāhyo 'bhyantaram evam upajapati - "bhartāraṁ cedd hatvā māṁ pratipādayiṣyati śatru.vadho bhūmi.lābhaś ca me dvividho lābho bhaviṣyati, atha vā śatrur enam āhaniṣyati-iti hata.bandhu.pakṣas tulya.doṣa.daṇḍena-udvignaś ca me bhūyān akṛtya.pakṣo bhaviṣyati, tad.vidhe vā-anyasminn api śaṅkito bhaviṣyati, anyam anyaṁ ca-asya mukhyam abhityakta.śāsanena ghātayiṣyāmi" iti | 38 |

KAZ09.3.39/ abhyantaro vā śaṭho bāhyam evam upajapati - "kośam asya hariṣyāmi, daṇḍaṁ vā-asya haniṣyāmi, duṣṭaṁ vā bhartāram anena ghātayiṣyāmi, pratipannaṁ bāhyam amitra.āṭavikeṣu vikramayiṣyāmi "cakram asya sajyatām, vairam asya prasajyatām, tataḥ sva.adhīno me bhaviṣyati, tato bhartāram eva prasādayiṣyāmi, svayaṁ vā rājyaṁ grahīṣyāmiṇ" baddhvā vā bāhya.bhūmiṁ bhartṛ.bhūmiṁ ca-ubhayam avāpsyāmi, viruddhaṁ vā-āvāhayitvā bāhyaṁ viśvastaṁ ghātayiṣyāmi, śūnyaṁ vā-asya mūlaṁ hariṣyāmi" iti | 39 |

KAZ09.3.40/ kalyāṇa.buddhis tu saha.jīvy artham upajapati | 40 |

KAZ09.3.41/ kalyāṇa.buddhinā sandadhīta, śaṭhaṁ "tathā" iti pratigṛhya-atisandadhyāt | iti | 41 |

KAZ09.3.42ab/ evam upalabhya - pare parebhyaḥ sve svebhyaḥ sve parebhyaḥ svataḥ pare |
KAZ09.3.42cd/ rakṣyāḥ svebhyaḥ parebhyaś ca nityam ātmā vipaścitā || 42 ||

9.4. Chapter 4 (Section 142): Considerations of Losses, Expenses and Gains

[Note: [ K tr. 483 :: K2 tr. 417]

KAZ09.4.01/ yugya.puruṣa.apacayaḥ kṣayaḥ | 1 |

KAZ09.4.02/ hiraṇya.dhānya.apacayo vyayaḥ | 2 |

KAZ09.4.03/ tābhyāṁ bahu.guṇa.viśiṣṭe lābhe yāyāt | 3 |

KAZ09.4.04/ ādeyaḥ pratyādeyaḥ prasādakaḥ prakopako hrasva.kālas tanu.kṣayo 'lpa.vyayo mahān vṛddhy.udayaḥ kalyo dharmyaḥ purogaś ca-iti lābha.sampat | 4 |

[Page 224 ]

KAZ09.4.05/ suprāpya.anupālyaḥ pareṣām apratyādeya ity ādeyaḥ | 5 |

KAZ09.4.06/ viparyaye pratyādeyaḥ | 6 |

KAZ09.4.07/ tam ādadānas tatrastho vā vināśaṁ prāpnoti | 7 |

KAZ09.4.08/ yadi vā paśyet "pratyādeyam ādāya kośa.daṇḍa.nicaya.rakṣā.vidhānāny avasrāvayiṣyāmi, khani.dravya.hasti.vana.setu.bandha.vaṇik.pathān uddhṛta.sārān kariṣyāmi, prakṛtīr asya karśayiṣyāmi, apavāhayiṣyāmi, āyogena-ārādhayiṣyāmi vā, tāḥ paraṁ pratiyogena kopayiṣyati, pratipakṣe vā-asya paṇyam enaṁ kariṣyāmi, mitram aparuddhaṁ vā-asya pratipādayiṣyāmi, mitrasya svasya vā deśasya pīḍām atrasthas taskarebhyaḥ parebhyaś ca pratikariṣyāmi, mitram āśrayaṁ vā-asya vaiguṇyaṁ grāhayiṣyāmi, tad amitra.viraktaṁ tat.kulīnaṁ pratipatsyate, satkṛtya vā-asmai bhūmiṁ dāsyāmi iti saṁhita.samutthitaṁ mitraṁ me cirāya bhaviṣyati" iti pratyādeyam api lābham ādadīta | 8 |

KAZ09.4.09/ ity ādeya.pratyādeyau vyākhyātau | 9 |

KAZ09.4.10/ adhārmikād dhārmikasya lābho labhyamānaḥ sveṣāṁ pareṣāṁ ca prasādako bhavati | 10 |

KAZ09.4.11/ viparītaḥ prakopaka iti | 11 |

KAZ09.4.12/ mantriṇām upadeśāl lābho 'labhyamānaḥ kopako bhavati "ayam asmābhiḥ kṣaya.vyayau grāhitaḥ" iti | 12 |

KAZ09.4.13/ dūṣya.mantriṇām anādarāl lābho labhyamānaḥ kopako bhavati "siddha.artho 'yam asmān vināśayiṣyati" iti | 13 |

KAZ09.4.14/ viparītaḥ prasādakaḥ | 14 |

KAZ09.4.15/ iti prasādaka.kopakau vyākhyātau | 15 |

KAZ09.4.16/ gamana.mātra.sādhyatvād hrasva.kālah | 16 |

KAZ09.4.17/ mantra.sādhyatvāt tanu.kṣayaḥ | 17 |

KAZ09.4.18/ bhakta.mātra.vyayatvād alpa.vyayah

KAZ09.4.19/ tadātva.vaipulyān mahān | 19 |

KAZ09.4.20/ artha.anubandhakatvād vṛddhy.udayaḥ | 20 |

KAZ09.4.21/ nirābādhakatvāt kalyaḥ | 21 |

KAZ09.4.22/ praśasta.upādānād dharmyaḥ | 22 |

KAZ09.4.23/ sāmavāyikānām anirbandha.gāmitvāt purogaḥ | iti | 23 |

KAZ09.4.24/ tulye lābhe deśa.kālau śakty.upāyau priya.apriyau java.ajavau sāmīpya.viprakarṣau tadātva.anubandhau sāratva.sātatye bāhulya.bāhu.guṇye ca vimṛśya bahu.guṇa.yuktaṁ lābham ādadīta | 24 |

KAZ09.4.25/ lābha.vighnāḥ - kāmaḥ kopaḥ sādhvasaṁ kāruṇyaṁ hrīr anārya.bhāvo mānaḥ sānukrośatā para.loka.apekṣā dhārmikatvam atyāgitvaṁ dainyam asūyā hasta.gata.avamāno daurātmyam aviśvāso bhayam apratīkāraḥ śīta.uṣṇa.varṣāṇām ākṣamyaṁ maṅgala.tithi.nakṣatra.iṣṭitvam iti | 25 |

[Page 225 ]
KAZ09.4.26ab/ nakṣatram ati pṛcchantaṁ bālam artho 'tivartate |
KAZ09.4.26cd/ artho hy arthasya nakṣatraṁ kiṁ kariṣyanti tārakāḥ || 26 ||
KAZ09.4.27ab/ na-adhanāḥ prāpnuvanty arthān narā yatna.śatair api |
KAZ09.4.27cd/ arthair arthā prabadhyante gajāḥ prajigajair iva || 27 ||

9.5. Chapter 5 (Section 143): Dangers from Officers

[Note: [ K tr. 486 :: K2 tr. 420]

KAZ09.5.01/ sandhy.ādīnām ayathā.uddeśa.avasthāpanam apanayaḥ | 1 |

KAZ09.5.02/ tasmād āpadaḥ sambhavanti | 2 |

KAZ09.5.03/ bāhya.utpattir abhyantara.pratijāpā, abhyantara.utpattir bāhya.pratijāpā, bāhya.utpattir bāhya.pratijāpā, abhyantara.utpattir abhyantara.pratijāpā - ity āpadaḥ | 3 |

KAZ09.5.04/ yatra bāhyā abhyantara.anupajapanti, abhyantarā vā bāhyān, tatra.ubhaya.yoge pratijapataḥ siddhir viśeṣavatī | 4 |

KAZ09.5.05/ suvyājā hi pratijapitāro bhavanti, na-upajapitāraḥ | 5 |

KAZ09.5.06/ teṣu praśānteṣu na-anyān-śaknuyur upajapitum upajapitāraḥ | 6 |

KAZ09.5.07/ kṛcchra.upajāpā hi bāhyānām abhyantarās teṣām itare vā | 7 |

KAZ09.5.08/ mahataś ca prayatnasya vadhaḥ pareṣām, artha.anubandhaś ca-ātmana iti | 8 |

KAZ09.5.09/ abhyantareṣu pratijapatsu sāma.dāne prayuñjīta | 9 |

KAZ09.5.10/ sthāna.māna.karma sāntvam | 10 |

KAZ09.5.11/ anugraha.parihārau karmasv āyogo vā dānam | 11 |

KAZ09.5.12/ bāhyeṣu pratijapatsu bheda.daṇḍau prayuñjīta | 12 |

KAZ09.5.13/ sattriṇo mitra.vyañjanā vā bāhyānāṁ cāram eṣāṁ brūyuḥ "ayaṁ vo rājā dūṣya.vyañjanair atisandhātu.kāmaḥ, budhyadhvam" iti | 13 |

KAZ09.5.14/ dūṣyeṣu vā dūṣya.vyañjanāḥ praṇihitā dūṣyān bāhyair bhedayeyuḥ, bāhyān vā dūṣyaiḥ | 14 |

KAZ09.5.15/ dūṣyān anupraviṣṭā vā tīkṣṇāḥ śastra.rasābhyāṁ hanyuḥ | 15 |

KAZ09.5.16/ āhūya vā bāhyān ghātayeyuḥ | 16 |

KAZ09.5.17/ yatra bāhyā bāhyān upajapanti, abhyantarān abhyantarā vā, tatra-ekānta.yoga upajapituḥ siddhir viśeṣavatī | 17 |

KAZ09.5.18/ doṣa.śuddhau hi dūṣyā na vidyante | 18 |

KAZ09.5.19/ dūṣya.śuddhau hi doṣaḥ punar anyān dūṣayati | 19 |

[Page 226 ]

KAZ09.5.20/ tasmād bāhyeṣu-upajapatsu bheda.daṇḍau prayuñjīta | 20 |

KAZ09.5.21/ sattriṇo mitra.vyañjanā vā brūyuḥ "ayaṁ vo rājā svayam ādātu.kāmaḥ, vigṛhītāḥ sthānena rājñā, budhyadhvam" iti | 21 |

KAZ09.5.22/ pratijapitur vā dūta.daṇḍān anupraviṣṭās tīkṣṇāḥ śastra.rasa.ādibhir eṣāṁ chidreṣu prahareyuḥ | 22 |

KAZ09.5.23/ tataḥ sattriṇaḥ pratijapitāram abhiśaṁseyuḥ | 23 |

KAZ09.5.24/ abhyantarān abhyantareṣu-upajapatsu yathā.arham upāyaṁ prayuñjīta | 24 |

KAZ09.5.25/ tuṣṭa.liṅgam atuṣṭaṁ viparītaṁ vā sāma prayuñjīta | 25 |

KAZ09.5.26/ śauca.sāmarthya.apadeśena vyasana.abhyudaya.avekṣaṇena vā pratipūjanam iti dānam | 26 |

KAZ09.5.27/ mitra.vyañjano vā brūyād etān "citta.jñāna.artham upadhāsyati vo rājā, tad asya-ākhyātavyam iti | 27 |

KAZ09.5.28/ parasparād vā bhedayed enān "asau ca-asau ca vo rājany evam upajapati" | iti bhedaḥ | 28 |

KAZ09.5.29/ dāṇḍakarmikavac ca daṇḍaḥ | 29 |

KAZ09.5.30/ etāsāṁ catasṛṇām āpadām abhyantarām eva pūrvaṁ sādhayet | 30 |

KAZ09.5.31/ ahi.bhayād abhyantara.kopo bāhya.kopāt pāpīyān ity uktaṁ purastād | 31 |

KAZ09.5.32ab/ pūrvāṁ pūrvāṁ vijānīyāl laghvīm āpadam āpadām |
KAZ09.5.32cd/ utthitāṁ balavadbhyo vā gurvīṁ laghvīṁ viparyaye || 32 ||

9.6. Chapter 6 (Section 144): Dangers from Traitors and Enemies

[Note: [ K tr. 488 :: K2 tr. 422]

KAZ09.6.01/ dūṣyebhyaḥ śatrubhyaś ca dvividhā śuddhā | 1 |

KAZ09.6.02/ dūṣya.śuddhāyāṁ paureṣu jānapadeṣu vā daṇḍa.varjān upāyān prayuñjīta | 2 |

KAZ09.6.03/ daṇḍo hi mahā.jane kṣeptum aśakyaḥ | 3 |

KAZ09.6.04/ kṣipto vā taṁ ca-arthaṁ na kuryāt, anyaṁ ca-anartham utpādayet | 4 |

KAZ09.6.05/ mukhyeṣu tv eṣāṁ dāṇḍa.karmikavac ceṣṭeta | 5 |

KAZ09.6.06/ śatru.śuddhāyāṁ yataḥ śatruḥ pradhānaḥ kāryo vā tataḥ sāma.ādibhiḥ siddhiṁ lipseta | 6 |

KAZ09.6.07/ svāminy āyattā pradhāna.siddhiḥ, mantriṣv āyattā-āyatta.siddhiḥ, ubhaya.āyattā pradhāna.āyatta.siddhiḥ | 7 |

KAZ09.6.08/ dūṣya.adūṣyāṇām āmiśritatvād āmiśrā | 8 |

KAZ09.6.09/ āmiśrāyām adūṣyataḥ siddhiḥ | 9 |

KAZ09.6.10/ ālambana.abhāve hy ālambitā na vidyante | 10 |

[Page 227 ]

KAZ09.6.11/ mitra.amitrāṇām ekī.bhāvāt para.miśrā | 11 |

KAZ09.6.12/ para.miśrāyāṁ mitrataḥ siddhiḥ | 12 |

KAZ09.6.13/ sukaro hi mitreṇa sandhiḥ, na-amitreṇa-iti | 13 |

KAZ09.6.14/ mitraṁ cen na sandhim icched abhīkṣṇam upajapet | 14 |

KAZ09.6.15/ tataḥ sattribhir amitrād bhedayitvā mitraṁ labheta | 15 |

KAZ09.6.16/ mitra.saṅghasya vā yo 'nta.sthāyī taṁ labheta | 16 |

KAZ09.6.17/ anta.sthāyini labdhe madhya.sthāyino bhidyante | 17 |

KAZ09.6.18/ madhya.sthāyinaṁ vā labheta | 18 |

KAZ09.6.19/ madhya.sthāyini labdhe na-anta.sthāyinaḥ saṁhanyante | 19 |

KAZ09.6.20/ yathā ca-eṣām āśraya.bhedas tān upāyān prayuñjīta | 20 |

KAZ09.6.21/ dhārmikaṁ jāti.kula.śruta.vṛtta.stavena sambandhena pūrveṣāṁ traikālya.upakārān apakārābhyāṁ vā sāntvayet | 21 |

KAZ09.6.22/ nivṛtta.utsāhaṁ vigraha.śrāntaṁ pratihata.upāyaṁ kṣaya.vyayābhyāṁ pravāsena ca-upataptaṁ śaucena-anyaṁ lipsamānam anyasmād vā śaṅkamānaṁ maitrī.pradhānaṁ vā kalyāṇa.buddhiṁ sāmnā sādhayet | 22 |

KAZ09.6.23/ lubdhaṁ kṣīṇaṁ vā tapasvi.mukhya.avasthāpanā.pūrvaṁ dānena sādhayet | 23 |

KAZ09.6.24/ tat pañca.vidhaṁ - deya.visargo gṛhīta.anuvartanam ātta.pratidānaṁ sva.dravya.dānam apūrvaṁ para.sveṣu svayaṁ.grāha.dānaṁ ca | 24 |

KAZ09.6.25/ iti dāna.karma | 25 |

KAZ09.6.26/ paraspara.dveṣa.vaira.bhūmi.haraṇa.śaṅkitam ato 'nyatamena bhedayet | 26 |

KAZ09.6.27/ bhīruṁ vā pratighātena "kṛta.sandhir eṣa tvayi karma.kariṣyati, mitram asya nisṛṣṭam, sandhau vā na-abhyantaraḥ" iti | 27 |

KAZ09.6.28/ yasya vā sva.deśād anya.deśād vā paṇyāni paṇya.agāratayā-āgaccheyuḥ tāni asya "yātavyāl labdhāni" iti sattriṇaś cārayeyuḥ | 28 |

KAZ09.6.29/ bahulī.bhūte śāsanam abhityaktena preṣayet "etat te paṇyaṁ paṇya.agāraṁ vā mayā te preṣitam, sāmavāyikeṣu vikramasva, apagaccha vā, tataḥ paṇa.śeṣam avāpsyasi" iti | 29 |

KAZ09.6.30/ tataḥ sattriṇaḥ pareṣu grāhayeyuḥ "etad ari.pradattam" iti | 30 |

KAZ09.6.31/ śatru.prakhyātaṁ vā paṇyam avijñātaṁ vijigīṣuṁ gacchet | 31 |

KAZ09.6.32/ tad asya vaidehaka.vyañjanāḥ śatru.mukhyeṣu vikrīṇīran | 32 |

KAZ09.6.33/ tataḥ sattriṇaḥ pareṣu grāhayeyuḥ "etat paṇyam ari.pradattam" iti | 33 |

KAZ09.6.34/ mahā.aparādhān artha.mānābhyām upagṛhya vā śastra.rasa.agnibhir amitre praṇidadhyāt | 34 |

KAZ09.6.35/ atha-ekam amātyaṁ niṣpātayet | 35 |

KAZ09.6.36/ tasya putra.dāram upagṛhya rātrau hatam iti khyāpayet | 36 |

KAZ09.6.37/ atha-amātyaḥ śatros tān eka.ekaśaḥ prarūpayet | 37 |

KAZ09.6.38/ te ced yathā.uktaṁ kuryur na ca-enān grāhayet | 38 |

[Page 228 ]

KAZ09.6.39/ aśaktimato vā grāhayet | 39 |

KAZ09.6.40/ āpta.bhāva.upagato mukhyād asya-ātmānaṁ rakṣaṇīyaṁ kathayet | 40 |

KAZ09.6.41/ atha-amitra.śāsanaṁ mukhya.upaghātāya preṣitam ubhaya.vetano grāhayet | 41 |

KAZ09.6.42/ utsāha.śaktimato vā preṣayet "amuṣya rājyaṁ gṛhāṇa, yathā.asthito naḥ sandhiḥ" iti | 42 |

KAZ09.6.43/ tataḥ sattriṇaḥ pareṣu grāhayeyuḥ | 43 |

KAZ09.6.44/ ekasya skandha.āvāraṁ vīvadham āsāraṁ vā ghātayeyuḥ | 44 |

KAZ09.6.45/ itareṣu maitrīṁ bruvāṇāḥ "tvam eteṣāṁ ghātayitavyaḥ" ity upajapeyuḥ | 45 |

KAZ09.6.46/ yasya vā pravīra.puruṣo hastī hayo vā mriyeta gūḍha.puruṣair hanyeta hriyeta vā sattriṇaḥ paraspara.upahataṁ brūyuḥ | 46 |

KAZ09.6.47/ tataḥ śāsanam abhiśastasya preṣayet "bhūyaḥ kuru tataḥ paṇa.śeeṣam avāpsyasi" iti | 47 |

KAZ09.6.48/ tad ubhaya.vetanā grāhayeyuḥ | 48 |

KAZ09.6.49/ bhinneṣv anyatamaṁ labheta | 49 |

KAZ09.6.50/ tena senā.pati.kumāra.daṇḍa.cāriṇo vyākhyātāḥ | 50 |

KAZ09.6.51/ sāndhikaṁ ca bhedaṁ prayuñjīta | 51 |

KAZ09.6.52/ iti bheda.karma | 52 |

KAZ09.6.53/ tīkṣṇam utsāhinaṁ vyasaninaṁ sthita.śatruṁ vā gūḍha.puruṣāḥ śastra.agni.rasa.ādibhiḥ sādhayeyuḥ, saukaryato vā teṣām anyatamaḥ | 53 |

KAZ09.6.54/ tīkṣṇo hy ekaḥ śastra.rasa.agnibhiḥ sādhayet | 54 |

KAZ09.6.55/ ayaṁ sarva.sandoha.karma viśiṣṭaṁ vā karoti | 55 |

KAZ09.6.56/ ity upāya.catur.vargaḥ | 56 |

KAZ09.6.57/ pūrvaḥ pūrvaś ca-asya laghiṣṭhaḥ | 57 |

KAZ09.6.58/ sāntvam eka.guṇam | 58 |

KAZ09.6.59/ dānaṁ dvi.guṇaṁ sāntva.pūrvam | 59 |

KAZ09.6.60/ bhedas tri.guṇaḥ sāntva.dāna.pūrvaḥ | 60 |

KAZ09.6.61/ daṇḍaś catur.guṇaḥ sāntva.dāna.bheda.pūrvaḥ | 61 |

KAZ09.6.62/ ity abhiyuñjāneṣu-uktam | 62 |

KAZ09.6.63/ sva.bhūmiṣṭheṣu tu ta eva-upāyāḥ | 63 |

KAZ09.6.64/ viśeṣas tu | 64 |

KAZ09.6.65/ sva.bhūmiṣṭhānām anyatamasya paṇya.agārair abhijñātān dūta.mukhyān abhīkṣṇaṁ preṣayet | 65 |

KAZ09.6.66/ ta enaṁ sandhau para.hiṁsāyāṁ vā yojayeyuḥ | 66 |

KAZ09.6.67/ apratipadyamānaṁ "kṛto naḥ sandhiḥ" ity āvedayeyuḥ | 67 |

KAZ09.6.68/ tam itareṣām ubhaya.vetanāḥ saṅkrāmayeyuḥ "ayaṁ vo rājā duṣṭaḥ" iti | 68 |

KAZ09.6.69/ yasya vā yasmād bhayaṁ vairaṁ dveṣo vā taṁ tasmād bhedayeyuḥ "ayaṁ te śatruṇā sandhatte, purā tvām atisandhatte, kṣiprataraṁ sandhīyasva, nigrahe ca-asya prayatasva" iti | 69 |

KAZ09.6.70/ āvāha.vivāhābhyāṁ vā kṛtvā samyogam asamyuktān bhedayet | 70 |

[Page 229 ]

KAZ09.6.71/ sāmanta.āṭavika.tat.kulīna.aparuddhaiś ca-eṣāṁ rājyāni ghātayet, sārtha.vraja.aṭavīr vā, daṇḍaṁ vā-abhisṛtam | 71 |

KAZ09.6.72/ paraspara.apāśrayāś ca-eṣāṁ jāti.saṅghāś chidreṣu prahareyuḥ, gūḍhāś ca-agni.rasa.śastreṇa | 72 |

KAZ09.6.73ab/ vītaṁsa.gilavac ca-arīn yogair ācaritaiḥ śaṭhaḥ |
KAZ09.6.73cd/ ghātayet para.miśrāyāṁ viśvāsena-āmiṣeṇa ca || 73 ||

9.7. Chapter 7 (Sections 145; 146): Dangers with Advantage, Disadvantage and Uncertainty; Overcoming Dangers by Different Means

[Note: [ K tr. 494 :: K2 tr. 427]

KAZ09.7.01/ kāma.ādir utsekaḥ svāḥ prakṛtīḥ kopayati, apanayo bāhyāḥ | 1 |

KAZ09.7.02/ tad ubhayam āsurī vṛttiḥ | 2 |

KAZ09.7.03/ sva.jana.vikāraḥ kopaḥ | 3 |

KAZ09.7.04/ para.vṛddhi.hetuṣu āpad.artho 'narthaḥ saṁśaya iti | 4 |

KAZ09.7.05/ yo 'rthaḥ śatru.vṛddhim aprāptaḥ karoti, prāptaḥ pratyādeyaḥ pareṣāṁ bhavati, prāpyamāṇo vā kṣaya.vyaya.udayo bhavati, sa bhavaty āpad.arthaḥ | 5 |

KAZ09.7.06/ yathā sāmantānām āmiṣa.bhūtaḥ sāmanta.vyasanajo lābhaḥ, śatru.prārthito vā sva.bhāva.adhigamyo lābhaḥ, paścāt kopena pārṣṇi.grāheṇa vā vigṛhītaḥ purastāl.lābhaḥ, mitra.ucchedena sandhi.vyatikrameṇa vā maṇḍala.viruddho lābhaḥ ity āpad.arthaḥ | 6 |

KAZ09.7.07/ svataḥ parato vā bhaya.utpattir ity anarthaḥ | 7 |

KAZ09.7.08/ tayoḥ artho na vā-iti, anartho na vā-iti, artho 'nartha iti, anartho 'rtha iti saṁśayaḥ | 8 |

KAZ09.7.09/ śatru.mitram utsāhayitum artho na vā-iti saṁśayaḥ | 9 |

KAZ09.7.10/ śatru.balam artha.mānābhyām āvāhayitum anartho na vā-iti saṁśayaḥ | 10 |

KAZ09.7.11/ balavat.sāmantāṁ bhūmim ādātum artho 'nartha iti saṁśayaḥ | 11 |

KAZ09.7.12/ jāyasā sambhūyayānam anartho 'rtha iti saṁśayaḥ | 12 |

KAZ09.7.13/ teṣām artha.saṁśayam upagacchet | 13 |

[Page 230 ]

KAZ09.7.14/ artho 'rtha.anubandhaḥ, artho niranubandhaḥ, artho 'nartha.anubandhaḥ, anartho 'rtha.anubandhaḥ, anartho niranubandhaḥ, anartho 'nartha.anubandhaḥ ity anubandha.ṣaḍ.vargaḥ | 14 |

KAZ09.7.15/ śatrum utpāṭya pārṣṇi.grāha.ādānam artho 'nartha.anubandhaḥ | 15 |

KAZ09.7.16/ udāsīnasya daṇḍa.anugrahaḥ phalena artho niranubandhaḥ | 16 |

KAZ09.7.17/ parasya-antar.ucchedanam artho 'nartha.anubandhaḥ | 17 |

KAZ09.7.18/ śatru.prativeśasya-anugrahaḥ kośa.daṇḍābhyām anartho 'nartha.anubandhaḥ | 18 |

KAZ09.7.19/ hīna.śaktim utsāhya nivṛttir anartho niranubandhaḥ | 19 |

KAZ09.7.20/ jyāyāṁsam utthāpya nivṛttir anartho 'nartha.anubandhaḥ | 20 |

KAZ09.7.21/ teṣāṁ pūrvaḥ pūrvaḥ śreyān upasamprāptum | 21 |

KAZ09.7.22/ iti kārya.avasthāpanam | 22 |

KAZ09.7.23/ samantato yugapad.artha.utpattiḥ samantato 'rtha.āpad bhavati | 23 |

KAZ09.7.24/ sā-eva pārṣṇi.grāha.vigṛhītā samantato 'rtha.saṁśaya.āpad bhavati | 24 |

KAZ09.7.25/ tayor mitra.ākranda.upagrahāt siddhiḥ | 25 |

KAZ09.7.26/ samantataḥ śatrubhyo bhaya.utpattiḥ samantto 'nartha.āpad bhavati | 26 |

KAZ09.7.27/ sā-eva mitra.vigṛhītā samantato 'nartha.saṁśaya.āpad bhavati | 27 |

KAZ09.7.28/ tayoś cala.amitra.ākranda.upagrahāt siddhiḥ, para.miśra.apratīkāro vā | 28 |

KAZ09.7.29/ ito lābha itarato lābha ity ubhayato 'rtha.āpad bhavati | 29 |

KAZ09.7.30/ tasyāṁ samantato 'rthāyāṁ ca lābha.guṇa.yuktam artham ādātuṁ yāyāt | 30 |

KAZ09.7.31/ tulye lābha.guṇe pradhānam āsannam anatipātinam ūno vā yena bhavet tam ādātuṁ yāyāt | 31 |

KAZ09.7.32/ ito 'nartha itarato 'nartha ity ubhayato 'nartha.āpat | 32 |

KAZ09.7.33/ tasyāṁ samantato 'narthāyāṁ ca mitrebhyaḥ siddhiṁ lipseta | 33 |

KAZ09.7.34/ mitra.abhāve prakṛtīnāṁ laghīyasya-ekato 'narthāṁ sādhayet, ubhayato 'narthāṁ jyāyasyā, samantato 'narthāṁ mūlena pratikuryāt | 34 |

KAZ09.7.35/ aśakye sarvam utsṛjya-apagacchet | 35 |

KAZ09.7.36/ dṛṣṭā hi jīvataḥ punar.āvṛttir yathā suyātrā.udayanābhyām | 36 |

KAZ09.7.37/ ito lābha itarato rājya.abhimarśa ity ubhayato 'rtha.anartha.āpad bhavati | 37 |

KAZ09.7.38/ tasyām anartha.sādhako yo 'rthas tam ādātuṁ yāyāt | 38 |

KAZ09.7.39/ anyathā hi rājya.abhimarśaṁ vārayet | 39 |

KAZ09.7.40/ etayā samantato 'rtha.anartha.āpad vyākhyātā | 40 |

KAZ09.7.41/ ito 'nartha itarato 'rtha.saṁśaya ity ubhayato 'nartha.artha.saṁśayā | 41 |

KAZ09.7.42/ tasyāṁ pūrvam anarthaṁ sādhayet, tat.siddhāv artha.saṁśayam | 42 |

KAZ09.7.43/ etayā samantato 'nartha.artha.saṁśayā vyākhyātā | 43 |

[Page 231 ]

KAZ09.7.44/ ito 'rtha itarato 'nartha.saṁśaya ity ubhayato 'rtha.anartha.saṁśaya.āpad | 44 |

KAZ09.7.45/ etayā samantato 'rtha.anartha.saṁśayā vyākhyātā | 45 |

KAZ09.7.46/ tasyāṁ pūrvāṁ pūrvāṁ prakṛtīnām anartha.saṁśayān mokṣayituṁ yateta | 46 |

KAZ09.7.47/ śreyo hi mitram anartha.saṁśaye tiṣṭhan na daṇḍaḥ, daṇḍo vā na kośa iti | 47 |

KAZ09.7.48/ samagra.mokṣaṇa.abhāve prakṛtīnām avayavān mokṣayituṁ yateta | 48 |

KAZ09.7.49/ tatra puruṣa.prakṛtīnāṁ bahulam anuraktaṁ vā tīkṣṇa.lubdha.varjam, dravya.prakṛtīnāṁ sāraṁ mahā.upakāraṁ vā | 49 |

KAZ09.7.50/ sandhinā-āsanena dvaidhī.bhāvena vā laghūni, viparyayair gurūṇi | 50 |

KAZ09.7.51/ kṣaya.sthāna.vṛddhīnāṁ ca-uttara.uttaraṁ lipseta | 51 |

KAZ09.7.52/ prātilomyena vā kṣaya.ādīnām āyatyāṁ viśeṣaṁ paśyet | 52 |

KAZ09.7.53/ iti deśa.avasthāpanam | 53 |

KAZ09.7.54/ etena yātrā.ādi.madhya.anteṣv artha.anartha.saṁśayānām upasamprāptir vyākhyātā | 54 |

KAZ09.7.55/ nirantara.yogitvāc ca-artha.anartha.saṁśayānāṁ yātrā.ādāv arthaḥ śreyān upasamprāptuṁ pārṣṇi.grāha.āsāra.pratighāte kṣaya.vyaya.pravāsa.pratyādeye mūla.rakṣaṇeṣu ca bhavati | 55 |

KAZ09.7.56/ tathā-anarthaḥ saṁśayo vā sva.bhūmiṣṭhasya viṣahyo bhavati | 56 |

KAZ09.7.57/ etena yātrā.madhye 'rtha.anartha.saṁśayānām upasamprāptir vyākhyātā | 57 |

KAZ09.7.58/ yātrā.ante tu karśanīyam ucchedanīyaṁ vā karśayitvā-ucchidya vā-arthaḥ śreyān upasamprāptuṁ na-anarthaḥ saṁśayo vā para.ābādha.bhayāt | 58 |

KAZ09.7.59/ sāmavāyikānām apurogasya tu yātrā.madhya.antago 'narthaḥ saṁśayo vā śreyān upasamprāptum anirbandha.gāmitvāt | 59 |

KAZ09.7.60/ artho dharmaḥ kāma ity artha.tri.vargaḥ | 60 |

KAZ09.7.61/ tasya pūrvaḥ pūrvaḥ śreyān upasamprāptum | 61 |

KAZ09.7.62/ anartho 'dharmaḥ śoka ity anartha.tri.vargaḥ | 62 |

KAZ09.7.63/ tasya pūrvaḥ pūrvaḥ śreyān pratikartum | 63 |

KAZ09.7.64/ artho 'nartha iti, dharmo 'dharma iti, kāmaḥ śoka iti saṁśaya.tri.vargaḥ | 64 |

KAZ09.7.65/ tasya-uttara.pakṣa.siddhau pūrva.pakṣaḥ śreyān upasamprāptum | 65 |

KAZ09.7.66/ iti kāla.avasthāpanam | 66 |

KAZ09.7.67/ ity āpadaḥ - tāsāṁ siddhiḥ | 67 |

[Page 232 ]

KAZ09.7.68/ putra.bhrātṛ.bandhuṣu sāma.dānābhyāṁ siddhir anurūpā, paura.jānapada.daṇḍa.mukhyeṣu dāna.bhedābhyām, sāmanta.āṭavikeṣu bheda.daṇḍābhyām | 68 |

KAZ09.7.69/ eṣā-anulomā, viparyaye pratilomā | 69 |

KAZ09.7.70/ mitra.amitreṣu vyāmiśrā siddhiḥ | 70 |

KAZ09.7.71/ paraspara.sādhakā hy upāyāḥ | 71 |

KAZ09.7.72/ śatroḥ śaṅkita.amātyeṣu sāntvaṁ prayuktaṁ śeṣa.prayogaṁ nivartayati, dūṣya.amātyeṣu dānam, saṅghāteṣu bhedaḥ, śaktimatsu daṇḍa iti | 72 |

KAZ09.7.73/ guru.lāghava.yogāc ca-āpadāṁ niyoga.vikalpa.samuccayā bhavanti | 73 |

KAZ09.7.74/ "anena-eva-upāyena na-anyena" iti niyogaḥ | 74 |

KAZ09.7.75/ "anena vā-anyena vā" iti vikalpaḥ | 75 |

KAZ09.7.76/ "anena-anyena ca" iti samuccayaḥ | 76 |

KAZ09.7.77/ teṣām eka.yogāś catvāras tri.yogāś ca, dvi.yogāḥ ṣaṭ, ekaś catur.yogaḥ | 77 |

KAZ09.7.78/ iti pañca.daśa.upāyāḥ | 78 |

KAZ09.7.79/ tāvantaḥ pratilomāḥ | 79 |

KAZ09.7.80/ teṣām ekena-upāyena siddhir eka.siddhiḥ, dvābhyāṁ dvi.siddhiḥ, tribhis tri.siddhiḥ, caturbhiś catuḥ.siddhir iti | 80 |

KAZ09.7.81/ dharma.mūlatvāt kāma.phalatvāc ca-arthasya dharma.artha.kāma.anubandhā yā-arthasya siddhiḥ sā sarva.artha.siddhiḥ | 81 | iti siddhayah |

KAZ09.7.82/ daivād agnir udakaṁ vyādhiḥ pramāro vidravo durbhikṣam āsurī sṛṣṭir ity āpadaḥ | 82 |

KAZ09.7.83/ tāsāṁ daivata.brāhmaṇa.rpaṇipātataḥ siddhiḥ | 83 |

KAZ09.7.84ab/ ativṛṣṭir avṛṣṭir vā sṛṣṭir vā yā-āsurī bhavet |
KAZ09.7.84cd/ tasyām ātharvaṇaṁ karma siddha.ārambhāś ca siddhayaḥ || 84 ||

10. Book 10: Concerning War

[Page 233 ] [Note: [ K tr. 501--525 :: K2 tr. 433--453]

10.1. Chapter 1 (Section 147): Setting up of the Camp

[Note: [ K tr. 501 :: K2 tr. 433]

KAZ10.1.01/ vāstuka.praśaste vāstuni nāyaka.vardhaki mauhūrtikāḥ skandha.āvāram, vṛttaṁ dīrghaṁ catur.aśraṁ vā bhūmi.vaśena vā, catur.dvāraṁ ṣaṭ.pathaṁ nava.saṁsthānaṁ māpayeyuḥ khāta.vapra.sāla.dvāra.aṭṭālaka.sampannaṁ bhaye sthāne ca | 1 |

KAZ10.1.02/ madhyamasya-uttare nava.bhāge rāja.vāstukaṁ dhanuḥ.śata.āyāmam ardha.vistāram, paścima.ardhe tasya-antaḥ.puram | 2 |

KAZ10.1.03/ antar.vaṁśika.sainyaṁ ca-ante niviśeta | 3 |

KAZ10.1.04/ purastād upasthānam, dakṣiṇataḥ kośa.śāsana.kārya.karaṇāni, vāmato rāja.aupavāhyānāṁ hasty.aśva.rathānāṁ sthānam | 4 |

KAZ10.1.05/ ato dhanuḥ.śata.antarāś catvāraḥ śakaṭa.methī.pratati.stambha.sāla.parikṣepāḥ | 5 |

KAZ10.1.06/ prathame purastān mantri.purohitau, daṇṣiṇataḥ koṣṭha.agāraṁ mahānasaṁ ca, vāmataḥ kupya.āyudha.agāram | 6 |

KAZ10.1.07/ dvitīye maula.bhṛtānāṁ sthānam aśva.rathānāṁ senā.pateś ca | 7 |

KAZ10.1.08/ tṛtīye hastinaḥ śreṇyaḥ praśāstā ca | 8 |

KAZ10.1.09/ caturthe viṣṭir nāyako mitra.amitra.aṭavī.balaṁ sva.puruṣa.adhiṣṭhitam | 9 |

KAZ10.1.10/ vaṇijo rūpa.ājīvāś ca-anu.mahā.patham | 10 |

KAZ10.1.11/ bāhyato lubdhaka.śva.gaṇinaḥ satūrya.agnayaḥ, gūḍhāś ca-ārakṣāḥ | 11 |

KAZ10.1.12/ śatrūṇām āpāte kūpa.kūṭa.avapāta.kaṇṭakinīś ca sthāpayet | 12 |

KAZ10.1.13/ aṣṭādaśa.vargāṇām ārakṣa.viparyāsaṁ kārayet | 13 |

KAZ10.1.14/ diva.āyāmaṁ ca kārayed apasarpa.jñāna.artham | 14 |

KAZ10.1.15/ vivāda.saurika.samāja.dyūta.vāraṇaṁ ca kārayet, mudrā.rakṣaṇaṁ ca | 15 |

KAZ10.1.16/ senā.nivṛttam āyudhīyam aśāsanaṁ śūnya.pālo badhnīyāt | 16 |

KAZ10.1.17ab/ purastād adhvanaḥ samyak.praśāstā rakṣaṇāni ca |
KAZ10.1.17cd/ yāyād vardhaki.viṣṭibhyām udakāni ca kārayet || 17 ||

10.2. Chapter 2 (Sections 148; 149): March from the Camp; Guarding Troops during Calamities and at the Time of Attack

[Page 234 ] [Note: [ K tr. 503 :: K2 tr. 435]

KAZ10.2.01/ grāma.araṇyānām adhvani niveśān yavasa.indhana.udaka.vaśena parisaṅkhyāya sthāna.āsana.gamana.kālaṁ ca yātrāṁ yāyāt | 1 |

KAZ10.2.02/ tat.pratīkāra.dvi.guṇaṁ bhakta.upakaraṇaṁ vāhayet | 2 |

KAZ10.2.03/ aśakto vā sainyeṣv āyojayet, antareṣu vā nicinuyāt | 3 |

KAZ10.2.04/ purastān nāyakaḥ, madhye kalatraṁ svāmī ca, pārśvayor aśvā bāhu.utsāraḥ, cakra.anteṣu hastinaḥ prasāra.vṛddhir vā, paścāt senā.patir yāyāt niviśeta | 4 |

KAZ10.2.05/ sarvato vana.ājīvaḥ prasāraḥ | 5 |

KAZ10.2.06/ sva.deśād anvāyatir vīvadhaḥ | 6 |

KAZ10.2.07/ mitra.balam āsāraḥ | 7 |

KAZ10.2.08/ kalatra.sthānam apasāraḥ | 8 |

KAZ10.2.09/ purastād adhyāghāte makareṇa yāyāt, paścāt-śakaṭena, pārśvayor vajreṇa, samantataḥ sarvato.bhadreṇa, eka.ayane sūcyā | 9 |

KAZ10.2.10/ pathi.dvaidhī.bhāve svabhūmito yāyāt | 10 |

KAZ10.2.11/ abhūmiṣṭhānāṁ hi sva.bhūmiṣṭhā yuddhe pratilomā bhavanti | 11 |

KAZ10.2.12/ yojanam adhamā, adhyardhaṁ madhyamā, dvi.yojanam uttamā, sambhāvyā vā gatiḥ | 12 |

KAZ10.2.13/ āśraya.kārī sampanna.ghātī pārṣṇir āsāro madhyama udāsīno vā pratikartavyaḥ, saṅkaṭo mārgaḥ śodhayitavyaḥ, kośo daṇḍo mitra.amitra.aṭavī.balaṁ viṣṭi.ṛtur vā pratīkṣyāḥ, kṛta.durga.karma.nicaya.rakṣā.kṣayaḥ krīta.bala.nirvedo mitra.bala.nirvedaś ca-āgamiṣyati, upajapitāro vā na-atitvarayanti, śatrur abhiprāyaṁ vā pūrayiṣyati, iti śanair yāyāt, viparyaye śīghram | 13 |

KAZ10.2.14/ hasti.stambha.saṅkrama.setu.bandha.nau.kāṣṭha.veṇu.saṅghātair alābu.carma.karaṇḍa.dṛti.plava.gaṇḍikā.veṇikābhiś ca-udakāni tārayet | 14 |

KAZ10.2.15/ tīrtha.abhigrahe hasty.aśvair anyato rātrāv uttārya sattraṁ gṛhṇīyāt | 15 |

KAZ10.2.16/ anudake cakri.catuṣpadaṁ ca-adhva.pramāṇena śaktyā-udakaṁ vāhayet | 16 |

[Page 235 ]

KAZ10.2.17/ dīrgha.kāntāram anudakaṁ yavasa.indhana.udaka.hīnaṁ vā kṛcchra.adhvānam abhiyoga.praskannaṁ kṣut.pipāsā.adhva.klāntaṁ paṅka.toya.gambhīrāṇāṁ vā nadī.darī.śailānām udyāna.apayāne vyāsaktam eka.ayana.mārge śaila.viṣame saṅkaṭe vā bahulī.bhūtaṁ niveśe prasthite visamnāhaṁ bhojana.vyāsaktam āyata.gata.pariśrāntam avasuptaṁ vyādhi.maraka.durbhikṣa.pīḍitaṁ vyādhita.patty.aśva.dvipam abhūmiṣṭhaṁ vā bala.vyasaneṣu vā sva.sainyaṁ rakṣet, para.sainyaṁ ca-abhihanyāt | 17 |

KAZ10.2.18/ eka.ayana.mārga.prayātasya senā.niścāra.grāsa.āhāra.śayyā.prastāra.agni.nidhāna.dhvaja.- āyudha.saṅkhyānena para.bala.jñānam | 18 |

KAZ10.2.19/ tadā-ātmāno gūhayet | 19 |

KAZ10.2.20ab/ pārvataṁ vana.durgaṁ vā sāpasāra.pratigraham |
KAZ10.2.20cd/ sva.bhumau pṛṣṭhataḥ kṛtvā yudhyeta niviśeta ca || 20 ||

10.3. Chapter 3 (Sections 150; 151; 152): Covert Fighting; Encouraging the Troops; Disposition of Troops

[Note: [ K tr. 506 :: K2 tr. 438]

KAZ10.3.01/ bala.viśiṣṭaḥ kṛta.upajāpaḥ prativihita.ṛtuḥ sva.bhūmyāṁ prakāśa.yuddham upeyāt | 1 |

KAZ10.3.02/ viparyaye kūṭa.yuddham | 2 |

KAZ10.3.03/ bala.vyasana.avaskanda.kāleṣu param abhihanyāt, abhūmiṣṭhaṁ vā sva.bhūmiṣṭhaḥ, prakṛti.pragraho vā sva.bhūmiṣṭham | 3 |

KAZ10.3.04/ dūṣya.amitra.aṭavī.balair vā bhaṅgaṁ dattvā vibhūmi.prāptaṁ hanyāt | 4 |

KAZ10.3.05/ saṁhata.anīkaṁ hastibhir bhedayet | 5 |

KAZ10.3.06/ pūrvaṁ bhaṅga.pradānena-anupralīnaṁ bhinnam abhinnaḥ pratinivṛtya hanyāt | 6 |

KAZ10.3.07/ purastād abhihatya pracalaṁ vimukhaṁ vā pṛṣṭhato hasty.aśvena-abhihanyāt | 7 |

KAZ10.3.08/ pṛṣṭhato 'bhihatyā pracalaṁ vimukhaṁ vā purastāt sāra.balena-abhihanyāt | 8 |

KAZ10.3.09/ tābhyāṁ pārśva.abhigātau vyākhyātau | 9 |

KAZ10.3.10/ yato vā dūṣya.phalgu.balaṁ tato 'bhihanyāt | 10 |

[Page 236 ]

KAZ10.3.11/ purastād viṣamāyāṁ pṛṣṭhato 'bhihanyāt | 11 |

KAZ10.3.12/ pṛṣṭhato viṣamāyāṁ purastād abhihanyāt | 12 |

KAZ10.3.13/ pārśvato viṣamāyām itarato 'bhihanyāt | 13 |

KAZ10.3.14/ dūṣya.amitra.aṭavī.balair vā pūrvaṁ yodhayitvā śrāntam aśrāntaḥ param abhihanyāt | 14 |

KAZ10.3.15/ dūṣya.balena vā svayaṁ bhaṅgaṁ dattvā "jitam" iti viśvastam aviśvastaḥ sattra.apāśrayo 'bhihanyāt | 15 |

KAZ10.3.16/ sārtha.vraja.skandha.āvāra.saṁvāha.vilopa.pramattam apramatto 'bhihanyāt | 16 |

KAZ10.3.17/ phalgu.bala.avacchanna.sāra.balo vā para.vīrān anupraviśya hanyāt | 17 |

KAZ10.3.18/ go.grahaṇena śvā.pada.vadhena vā para.vīrān ākṛṣya sattrac.channo 'bhihanyāt | 18 |

KAZ10.3.19/ rātrāv avaskandena jāgarayitvā nidrā.klāntān avasuptān vā divā hanyāt | 19 |

KAZ10.3.20/ sapāda.carma.kośair vā hastibhiḥ sauptikaṁ dadyāt | 20 |

KAZ10.3.21/ ahaḥ.samnāha.pariśrāntān apara.ahne 'bhihanyāt | 21 |

KAZ10.3.22/ śuṣka.carma.vṛtta.śarkara.ākośakair go.mahiṣa.uṣṭra.yūthair vā trasnubhir akṛta.hasty.aśvaṁ bhinnam abhinnaḥ pratinivṛttaṁ hanyāt | 22 |

KAZ10.3.23/ pratisūrya.vātaṁ vā sarvam abhihanyāt | 23 |

KAZ10.3.24/ dhānvana.vana.saṅkaṭa.paṅka.śaila.nimna.viṣama.nāvo gāvaḥ śakaṭavyūho nīhāro rātrir iti sattrāṇi | 24 |

KAZ10.3.25/ pūrve ca praharaṇa.kālāḥ kūṭa.yuddha.hetavaḥ | 25 |

KAZ10.3.26/ saṅgrāmas tu nirdiṣṭa.deśa.kālo dharmiṣṭhaḥ | 26 |

KAZ10.3.27/ saṁhatya daṇḍaṁ brūyāt "tulya.vetano 'smi, bhavadbhiḥ saha bhogyam idaṁ rājyam, mayā-abhihitaiḥ paro 'bhihantavyaḥ" iti | 27 |

KAZ10.3.28/ vedeṣv apy anuśrūyate samāpta.dakṣiṇānāṁ yajñānām avabhṛtheṣu "sā te gatir yā śūrāṇām" iti | 28 |

KAZ10.3.29/ api-iha ślokau bhavataḥ | 29 |

KAZ10.3.30ab/ "yān yajña.saṅghais tapasā ca viprāḥ svarga.eṣiṇaḥ pātra.cayaiś ca yānti |
KAZ10.3.30cd/ kṣaṇena tān apy atiyānti śūrāḥ prāṇān suyuddheṣu parityajantaḥ || 30 ||
KAZ10.3.31ab/ "navaṁ śarāvaṁ salilasya pūrṇaṁ susaṁskṛtaṁ darbha.kṛta.uttarīyam |
KAZ10.3.31cd/ tat tasya mā bhūn narakaṁ ca gacched yo bhartṛ.piṇḍasya kṛte na yudhyet || 31 ||" iti |

KAZ10.3.32/ mantri.purohitābhyām utsāhayed yodhān vyūha.sampadā | 32 |

[Page 237 ]

KAZ10.3.33/ kārtāntika.ādiś ca-asya vargaḥ sarvajña.daivata.samyoga.khyāpanābhyāṁ sva.pakṣam uddharṣayet, para.pakṣaṁ ca-udvejayet | 33 |

KAZ10.3.34/ "śvo yuddham" iti kṛta.upavāsaḥ śastra.vāhanaṁ ca-anuśayīta | 34 |

KAZ10.3.35/ atharvabhiś ca juhuyāt | 35 |

KAZ10.3.36/ vijaya.yuktāḥ svargīyāś ca-āśiṣo vācayet | 36 |

KAZ10.3.37/ brāhmaṇebhyaś ca-ātmānam atisṛjet | 37 |

KAZ10.3.38/ śaurya.śilpa.abhijana.anurāga.yuktam artha.mānābhyām avisaṁvāditam anīka.garbhaṁ kurvīta | 38 |

KAZ10.3.39/ pitṛ.putra.bhrātṛkāṇām āyudhīyānām adhvajaṁ muṇḍa.anīkaṁ rāja.sthānam | 39 |

KAZ10.3.40/ hastī ratho vā rāja.vāhanam aśva.anubandhaḥ | 40 |

KAZ10.3.41/ yat prāya.sainyo yatra vā vinītaḥ syāt t (tad?) adhirohayet | 41 |

KAZ10.3.42/ rāja.vyañjano vyūha.adhiṣṭhānam āyojyaḥ | 42 |

KAZ10.3.43/ sūta.māgadhāḥ śūrāṇāṁ svargam asvargaṁ bhīrūṇāṁ jāti.saṅgha.kula.karma.vṛtta.stavaṁ ca yodhānāṁ varṇayeyuḥ | 43 |

KAZ10.3.44/ purohita.puruṣāḥ kṛtya.abhicāraṁ brūyuḥ, yantrika.vardhaki.mauhūrtikāḥ sva.karma.siddhim asiddhiṁ pareṣām | 44 |

KAZ10.3.45/ senā.patir artha.mānābhyām abhisaṁskṛtam anīkam ābhāṣeta - "śata.sāhasro rāja.vadhaḥ, pañcāśat.sāhasraḥ senā.pati.kumāra.vadhaḥ, daśa.sāhasraḥ pravīra.mukhya.vadhaḥ, pañca.sāhasro hasti.ratha.vadhaḥ, sāhasro 'śva.vadhaḥ, śatyaḥ patti.mukhya.vadhaḥ, śiro viṁśatikaṁ bhoga.dvaiguṇyaṁ svayaṁ.grāhaś ca" iti | 45 |

KAZ10.3.46/ tad eṣāṁ daśa.varga.adhipatayo vidyuḥ | 46 |

KAZ10.3.47/ cikitsakāḥ śastra.yantra.agada.sneha.vastra.hastāḥ striyaś ca-anna.pāna.rakṣiṇyaḥ puruṣāṇām uddharṣaṇīyāḥ pṛṣṭhatas tiṣṭheyuḥ | 47 |

KAZ10.3.48/ adakṣiṇā.mukhaṁ pṛṣṭhataḥ.sūryam anuloma.vātam anīkaṁ sva.bhūmau vyūheta | 48 |

KAZ10.3.49/ para.bhūmi.vyūhe ca-aśvāṁś cārayeyuḥ | 49 |

KAZ10.3.50/ yatra sthānaṁ prajavaś ca-abhūmir vyūhasya tatra sthitaḥ prajavitaś ca-ubhayathā jīyeta | 50 |

KAZ10.3.51/ viparyaye jayati, ubhayathā sthāne prajave ca | 51 |

KAZ10.3.52/ samā viṣamā vyāmiśrā vā bhūmir iti purastāt pārśvābhyāṁ paścāc ca jñeyā | 52 |

KAZ10.3.53/ samāyāṁ daṇḍa.maṇḍala.vyūhāḥ, viṣamāyāṁ bhoga.asaṁhata.vyūhāḥ, vyāmiśrāyāṁ viṣama.vyūhāḥ | 53 |

KAZ10.3.54/ viśiṣṭa.balaṁ bhaṅktvā sandhiṁ yāceta | 54 |

KAZ10.3.55/ sama.balena yācitaḥ sandadhīta | 55 |

KAZ10.3.56/ hīnam anuhanyāt, na tv eva sva.bhūmi.prāptaṁ tyakta.ātmānaṁ vā | 56 |

[Page 238 ]
KAZ10.3.57ab/ punar.āvartamānasya nirāśasya ca jīvite |
KAZ10.3.57cd/ adhāryo jāyate vegas tasmād bhagnaṁ na pīḍayet || 57 ||

10.4. Chapter 4 (Sections 153; 154): Grounds Suitable for Fighting; Functions of Infantry, Cavalry, Chariots and Elephants

[Note: [ K tr. 512 :: K2 tr. 442]

KAZ10.4.01/ sva.bhūmiḥ patty.aśva.ratha.dvipānām iṣṭā yuddhe niveśe ca | 1 |

KAZ10.4.02/ dhānvana.vana.nimna.sthala.yodhināṁ khanaka.ākāśa.divā.rātri.yodhināṁ ca puruṣāṇāṁ nādeya.pārvata.ānūpa.sārasānāṁ ca hastinām aśvānāṁ ca yathā.svam iṣṭā yuddha.bhūmayaḥ kālāś ca | 2 |

KAZ10.4.03/ samā sthirā-abhikāśā nirutkhātinya.cakra.khurā-anakṣa.grāhiṇya.vṛkṣa.gulma.vratatī.- stambha.kedāra.śvabhra.valmīka.sikatā.paṅka.bhaṅgurā daraṇa.hīnā ca ratha.bhūmiḥ, hasty.aśvayor manuṣyāṇāṁ ca same viṣame hitā yuddhe niveśe ca | 3 |

KAZ10.4.04/ aṇv.aśma.vṛkṣā hrasva.laṅghanīya.śvabhrā manda.daraṇa.doṣā ca-aśva.bhūmiḥ | 4 |

KAZ10.4.05/ sthūla.sthāṇv aśma.vṛkṣa.vratatī.valmīka.gulmā padāti.bhūmiḥ | 5 |

KAZ10.4.06/ gamya.śaila.nimna.viṣamā mardanīya.vṛkṣā chedanīya.vratatī paṅka.bhaṅgurā daraṇa.hīnā ca hasti.bhūmiḥ | 6 |

KAZ10.4.07/ akaṇṭakiny abahu.viṣamā pratyāsāravatī-iti padātīnām atiśayaḥ | 7 |

KAZ10.4.08/ dvi.guṇa.pratyāsārā kardama.udaka.khañjana.hīnā nihśarkarā-iti vājinām atiśayaḥ | 8 |

KAZ10.4.09/ pāṁsu.kardama.udaka.nala.śara.ādhānavatī śva.daṇṣṭra.hīnā mahā.vṛkṣa.śākhā.ghāta.viyuktā-iti hastinām atiśayaḥ | 9 |

KAZ10.4.10/ toya.āśaya.apāśrayavatī nirutkhātinī kedāra.hīnā vyāvartana.samarthā-iti rathānām atiśayaḥ | 10 |

KAZ10.4.11/ uktā sarveṣāṁ bhūmiḥ | 11 |

KAZ10.4.12/ etayā sarva.bala.niveśā yuddhāni ca vyākhyātāni bhavanti | 12 |

[Page 239 ]

KAZ10.4.13/ bhūmi.vāsa.vana.vicayo 'viṣama.toya.tīrtha.vāta.raśmi.grahaṇaṁ vīvadha.āsārayor ghāto rakṣā vā viśuddhiḥ sthāpanā ca balasya prasāra.vṛddhir bāhu.utsāraḥ pūrva.prahāro vyāveśanaṁ vyāvedhanam āśvāso grahaṇaṁ mokṣaṇaṁ mārga.anusāra.vinimayaḥ kośa.kumāra.abhiharaṇaṁ jaghana.koṭy.abhighāto hīna.anusāraṇam anuyānaṁ samāja.karma-ity aśva.karmāṇi | 13 |

KAZ10.4.14/ puro.yānam akṛta.mārga.vāsa.tīrtha.karma bāhu.utsāras toya.taraṇa.avataraṇe sthāna.gamana.avataraṇaṁ viṣama.sambādha.praveśo 'gni.dāna.śamanam eka.aṅga.vijayo bhinna.sandhānam abhinna.bhedanaṁ vyasane trāṇam abhighāto vibhīṣikā trāsanaṁ.audāryaṁ grahaṇaṁ mokṣaṇaṁ sāla.dvāra.aṭṭālaka.bhañjanaṁ kośa.vāhana.apavāhanam iti hasti.karmāṇi | 14 |

KAZ10.4.15/ sva.bala.rakṣā catur.aṅga.bala.pratiṣedhaḥ saṅgrāme grahaṇaṁ mokṣaṇaṁ bhinna.sandhānam abhinna.bhedanaṁ trāsanam audāryaṁ bhīma.ghoṣaś ca-iti ratha.karmāṇi | 15 |

KAZ10.4.16/ sarva.deśa.kāla.śastra.vahanaṁ vyāyāmaś ca-iti padāti.karmāṇi | 16 |

KAZ10.4.17/ śibira.mārga.setu.kūpa.tīrtha.śodhana.karma yantra.āyudha.āvaraṇa.upakaraṇa.grāsa.vahanam āyodhanāc ca praharaṇa.āvaraṇa.pratividdha.apanayanam iti viṣṭi.karmāṇi | 17 |

KAZ10.4.18ab/ kuryād gava.aśva.vyāyogaṁ ratheṣv alpa.hayo nṛpaḥ |
KAZ10.4.18cd/ khara.uṣṭra.śakaṭānāṁ vā garbham alpa.gajas tathā || 18 ||

10.5. Chapter 5 (Sections 155; 156; 157): Arrangement of Battle Arrays; Distribution of Strong and Weak Troops; Modes of Fighting of Infantry, Cavalry, Chariots and Elephants

[Note: [ K tr. 515 :: K2 tr. 445]

KAZ10.5.01/ pañca.dhanuḥ.śata.apakṛṣṭaṁ durgam avasthāpya yuddham upeyāt, bhūmi.vaśena vā | 1 |

KAZ10.5.02/ vibhakta.mukhyām acakṣur.viṣaye mokṣayitvā senāṁ senā.pati.nāyakau vyūheyātām | 2 |

KAZ10.5.03/ śama.antaraṁ pattiṁ sthāpayet, tri.śama.antaram aśvam, pañca.śama.antaraṁ rathaṁ hastinaṁ vā | 3 |

KAZ10.5.04/ dvi.guṇa.antaraṁ tri.guṇa.antaraṁ vā vyūheta | 4 |

KAZ10.5.05/ evaṁ yathā.sukham asambādhaṁ yudhyeta | 5 |

[Page 240 ]

KAZ10.5.06/ pañca.aratni dhanuḥ | 6 |

KAZ10.5.07/ tasmin dhanvinaṁ sthāpayet, tri.dhanuṣy aśvam, pañca.dhanuṣi rathaṁ hastinaṁ vā | 7 |

KAZ10.5.08/ pañca.dhanur anīka.sandhiḥ pakṣa.kakṣa.urasyānām | 8 |

KAZ10.5.09/ aśvasya trayaḥ puruṣāḥ pratiyoddhāraḥ | 9 |

KAZ10.5.10/ pañca.daśa rathasya hastino vā, pañca ca-aśvāḥ | 10 |

KAZ10.5.11/ tāvantaḥ pāda.gopā vāji.ratha.dvipānāṁ vidheyāḥ | 11 |

KAZ10.5.12/ trīṇi trikāṇy anīkaṁ rathānām urasyaṁ sthāpayet, tāvat kakṣaṁ pakṣaṁ ca-ubhayataḥ | 12 |

KAZ10.5.13/ pañca.catvāriṁśad evaṁ rathā ratha.vyūhe bhavanti, dve śate pañca.viṁśatiś ca-aśvāḥ, ṣaṭ.śatāni pañca.saptatiś ca puruṣāḥ pratiyodhāraḥ, tāvantaḥ pāda.gopāḥ | 13 |

KAZ10.5.14/ eṣa sama.vyūhaḥ | 14 |

KAZ10.5.15/ tasya dvi.ratha.uttarā vṛddhir ā.eka.viṁśati.rathād iti | 15 |

KAZ10.5.16/ evam ojā daśa sama.vyūha.prakṛtayo bhavanti | 16 |

KAZ10.5.17/ pakṣa.kakṣa.urasyānāṁ mitho viṣama.saṅkhyāne viṣama.vyūhaḥ | 17 |

KAZ10.5.18/ tasya-api dvi.ratha-uttarā vṛddhir ā.eka.viṁśati.rathād iti | 18 |

KAZ10.5.19/ evam ojā daśa viṣama.vyūha.prakṛtayo bhavanti | 19 |

KAZ10.5.20/ ataḥ sainyānāṁ vyūha.śeṣam āvāpaḥ kāryaḥ | 20 |

KAZ10.5.21/ rathānāṁ dvau tri.bhāgāv aṅgeṣv āvāpayet, śeṣam urasyaṁ sthāpayet | 21 |

KAZ10.5.22/ evaṁ tri.bhāga.ūno rathānām āvāpaḥ kāryaḥ | 22 |

KAZ10.5.23/ tena hastinām aśvānām āvāpo vyākhyātaḥ | 23 |

KAZ10.5.24/ yāvad.aśva.ratha.dvipānāṁ yuddha.sambādhanm na kuryāt tāvad āvāpaḥ kāryaḥ | 24 |

KAZ10.5.25/ daṇḍa.bāhulyam āvāpaḥ | 25 |

KAZ10.5.26/ patti.bāhulyaṁ pratyāpāvaḥ | 26 |

KAZ10.5.27/ eka.aṅga.bāhulyam anvāvāpaḥ | 27 |

KAZ10.5.28/ dūṣya.bāhulyam atyāvāpaḥ | 28 |

KAZ10.5.29/ para.āvāpāt pratyāvāpāc ca catur.guṇād ā.aṣṭa.guṇād iti vā vibhavataḥ sainyānām āvāpaḥ | 29 |

KAZ10.5.30/ ratha.vyūhena hasti.vyūho vyākhyātaḥ | 30 |

KAZ10.5.31/ vyāmiśro vā hasti.ratha.aśvānāṁ - cakra.anteṣu hastinaḥ pārśvayor aśvā rathā urasye | 31 |

KAZ10.5.32/ hastinām urasyaṁ rathānāṁ kakṣāv aśvānāṁ pakṣāv iti madhya.bhedī | 32 |

KAZ10.5.33/ viparīto 'nta.bhedī | 33 |

KAZ10.5.34/ hastinām eva tu śuddhaḥ - sāmnāhyānām urasyam aupavāhyānāṁ jaghanaṁ vyālānāṁ koṭyāv iti | 34 |

[Page 241 ]

KAZ10.5.35/ aśva.vyūho - varmiṇām urasyaṁ śuddhānāṁ kakṣa.pakṣāv iti | 35 |

KAZ10.5.36/ patti.vyūhaḥ - purastād āvaraṇinaḥ pṛṣṭhato dhanvinaḥ | 36 |

KAZ10.5.37/ iti śuddhāḥ | 37 |

KAZ10.5.38/ pattayaḥ pakṣayor aśvāḥ pārśvayoḥ hastinaḥ pṛṣṭhato rathāḥ purastāt, para.vyūha.vaśena vā viparyāsaḥ | 38 |

KAZ10.5.39/ iti dvy.aṅga.bala.vibhāgaḥ | 39 |

KAZ10.5.40/ tena tr.aṅga.bala.vibhāgo vyākhyātaḥ | 40 |

KAZ10.5.41/ daṇḍa.sampat sāra.balaṁ puṁsāṁ | 41 |

KAZ10.5.42/ hasty.aśvayor viśeṣaḥ kulaṁ jātiḥ sattvaṁ vayaḥ.sthatā prāṇo varṣma javas tejaḥ śilpaṁ stairyam udagratā vidheyatvaṁ suvyañjana.ācāratā-iti | 42 |

KAZ10.5.43/ patty.aśva.ratha.dvipānāṁ sāra.tri.bhāgam urasyaṁ sthāpayet, dvau tri.bhāgau kakṣaṁ pakṣaṁ ca-ubhayataḥ, anulomam anusāram, pratilomaṁ tṛtīya.sāram, phalgu pratilomam | 43 |

KAZ10.5.44/ evaṁ sarvam upayogaṁ gamayet | 44 |

KAZ10.5.45/ phalgu.balam anteṣv avadhāya vega.abhihūliko bhavati | 45 |

KAZ10.5.46/ sāra.balam agrataḥ kṛtvā koṭīṣv anusāraṁ kuryāt, jaghane tṛtiyiya.sāram, madhye phalgu.balam | 46 |

KAZ10.5.47/ evam etat sahiṣṇu bhavati | 47 |

KAZ10.5.48/ vyūhaṁ tu sthāpayitvā pakṣa.kakṣa.urasyānām ekena dvābhyāṁ vā praharet, śeṣaiḥ pratigṛhṇīyāt | 48 |

KAZ10.5.49/ yat parasya durbalaṁ vīta.hasty.aśvaṁ dūṣya.amātyaṁ kṛta.upajāpaṁ vā tat.prabhūta.sāreṇa-abhihanyāt | 49 |

KAZ10.5.50/ yad vā parasya sāriṣṭhaṁ tad.dvi.guṇa.sāreṇa-abhihanyāt | 50 |

KAZ10.5.51/ yad aṅgam alpa.sāram ātmanas tad bahunā-upacinuyāt | 51 |

KAZ10.5.52/ yataḥ parasya-apacayas tato 'bhyāśe vyūheta, yatot vā bhayaṁ syāt | 52 |

KAZ10.5.53/ abhisṛtaṁ parisṛtam atisṛtam apasṛtam unmathya.avadhānaṁ valayo go.mūtrikā maṇḍalaṁ prakīrṇikā vyāvṛtta.pṛṣṭham anuvaṁśam agrataḥ pārśvābhyāṁ pṛṣṭhato bhagna.rakṣā bhagna.anupāta ity aśva.yuddhāni | 53 |

KAZ10.5.54/ prakīrṇika.āvarjāny etāny eva caturṇām aṅgānāṁ vyasta.samastānāṁ vā ghātaḥ, pakṣa.kakṣa.urasyānāṁ ca prabhañjanam avaskandaḥ sauptikaṁ ca-iti hasit.yuddhāni | 54 |

KAZ10.5.55/ unmathya.avadhāna.varjāny etāny eva sva.bhūmāv abhiyāna.apayāna.sthita.yuddhāni-iti ratha.yuddhāni | 55 |

KAZ10.5.56/ sarva.deśa.kāla.praharaṇam upāṁśu.daṇḍaś ca-iti patti.yuddhāni | 56 |

KAZ10.5.57ab/ etena vidhinā vyūhān ojān yugmāṁś ca kārayet |
KAZ10.5.57cd/ vibhavo yāvad aṅgānāṁ caturṇāṁ sadṛśo bhavet || 57 ||
[Page 242 ]
KAZ10.5.58ab/ dve śate dhanuṣāṁ gatvā rājā tiṣṭhet pratigrahe |
KAZ10.5.58cd/ bhinna.saṅghātanaṁ tasmān na yudhyeta-apratigrahaḥ || 58 ||

10.6. Chapter 6 (Sections 158; 159): Staff, Snake, Circle and Diffuse Arrays; Counter-arrays against Them

[Note: [ K tr. 521 :: K2 tr. 450]

KAZ10.6.01/ pakṣāv urasyaṁ pratigraha ity auśanaso vyūha.vibhāgaḥ | 1 |

KAZ10.6.02/ pakṣau kakṣāv urasym pratigraha iti bārhasptyaḥ | 2 |

KAZ10.6.03/ prapakṣa.kakṣa.urasyā ubhayoḥ daṇḍa.bhoga.maṇḍala.asaṁhatāḥ prakṛti.vyūhāḥ | 3 |

KAZ10.6.04/ tatra tiryag.vṛttir daṇḍaḥ | 4 |

KAZ10.6.05/ samastānām anvāvṛttir bhogaḥ | 5 |

KAZ10.6.06/ saratāṁ sarvato.vṛttir maṇḍalaḥ | 6 |

KAZ10.6.07/ sthitānāṁ pṛthag.anīka.vṛttir asaṁhataḥ | 7 |

KAZ10.6.08/ pakṣa.kakṣa.urasyaiḥ samaṁ vartamāno daṇḍaḥ | 8 |

KAZ10.6.09/ sa kakṣa.atikrāntaḥ pradaraḥ | 9 |

KAZ10.6.10/ sa eva pakṣa.kakṣābhyāṁ pratikrānto dṛḍhakaḥ | 10 |

KAZ10.6.11/ sa eva-atikrāntaḥ pakṣābhyām asahyaḥ | 11 |

KAZ10.6.12/ pakṣāv avasthāpya-urasya.atikrāntaḥ śyenaḥ | 12 |

KAZ10.6.13/ viparyaye cāpaṁ cāpa.kukuṣiḥ pratiṣṭhaḥ supratiṣṭhaś ca | 13 |

KAZ10.6.14/ cāpa.pakṣaḥ sañjayaḥ | 14 |

KAZ10.6.15/ sa eva-urasya.atikrānto vijayaḥ | 15 |

KAZ10.6.16/ sthūla.karṇa.pakṣaḥ sthūṇa.akarṇaḥ | 16 |

KAZ10.6.17/ dvi.guṇa.pakṣa.sthūṇo viśāla.vijayaḥ | 17 |

KAZ10.6.18/ try.abhikrānta.pakṣaś camū.mukhaḥ | 18 |

KAZ10.6.19/ viparyaye jhaṣa.āsyaḥ | 19 |

KAZ10.6.20/ ūrdhva.rājir daṇḍaḥ sūcī | 20 |

KAZ10.6.21/ dvau daṇḍau valayaḥ | 21 |

KAZ10.6.22/ catvāro durjayaḥ | 22 |

KAZ10.6.23/ iti daṇḍa.vyūhāḥ | 23 |

KAZ10.6.24/ pakṣa.kakṣa.urasyair viṣamaṁ vartamāno bhogaḥ | 24 |

KAZ10.6.25/ sa sarpa.sārī go.mūtrikā vā | 25 |

KAZ10.6.26/ sa yugma.urasyo daṇḍa.pakṣaḥ śakaṭaḥ | 26 |

KAZ10.6.27/ viparyaye makaraḥ | 27 |

KAZ10.6.28/ hasty.aśva.rathair vyatikīrṇaḥ śakaṭaḥ pāripatantakaḥ | 28 |

KAZ10.6.29/ iti bhoga.vyūhāḥ | 29 |

KAZ10.6.30/ pakṣa.kakṣa.urasyānām ekī.bhāve maṇḍalaḥ | 30 |

KAZ10.6.31/ sa sarvato.mukhaḥ sarvato.bhadraḥ | 31 |

KAZ10.6.32/ aṣṭa.anīko durjayaḥ | 32 |

KAZ10.6.33/ iti maṇḍala.vyūhāḥ | 33 |

[Page 243 ]

KAZ10.6.34/ pakṣa.kakṣa.urasyānām asaṁhatād asaṁhataḥ | 34 |

KAZ10.6.35/ sa pañca.anīkānām ākṛti.sthāpanād vajro godhā vā | 35 |

KAZ10.6.36/ caturṇām uddhānakaḥ kākapadī vā | 36 |

KAZ10.6.37/ trayāṇām ardha.candrakaḥ karkaṭaka.śṛṅgī vā | 37 |

KAZ10.6.38/ ity asaṁhata.vyūhāḥ | 38 |

KAZ10.6.39/ ratha.urasyo hasti.kakṣo 'śva.pṛṣṭho 'riṣṭaḥ | 39 |

KAZ10.6.40/ pattayo 'śvā rathā hastinaś ca-anupṛṣṭham acalaḥ | 40 |

KAZ10.6.41/ hastino 'śvā rathāḥ pattayaś ca-anupṛṣṭham apratihataḥ | 41 |

KAZ10.6.42/ teṣāṁ pradaraṁ dṛḍhakena ghātayet, dṛḍhakam asahyena, śyenaṁ cāpena, pratiṣṭhaṁ supratiṣṭhena, sañjayaṁ vijayena, sthūṇa.ākarṇaṁ viśāla.vijayena, pāripatantakaṁ sarvato.bhadreṇa | 42 |

KAZ10.6.43/ durjayena sarvān prativyūheta | 43 |

KAZ10.6.44/ patty.aśva.ratha.dvipānāṁ pūrvaṁ pūrvam uttareṇa ghātayet, hīna.aṅgam adhika.aṅgena ca-iti | 44 |

KAZ10.6.45/ aṅga.daśakasya-ekaḥ patiḥ patikaḥ, patika.daśakasya-ekaḥ senā.patiḥ, tad.daśakasya-eko nāyaka iti | 45 |

KAZ10.6.46/ sa tūrya.ghoṣa.dhvaja.patākābhir vyūha.aṅgānāṁ sañjñāḥ sthāpayed aṅga.vibhāge saṅghāte sthāne gamane vyāvartane praharaṇe ca | 46 |

KAZ10.6.47/ same vyūhe deśa.kāla.sāra.yogāt siddhiḥ | 47 |

KAZ10.6.48ab/ yantrair upaniṣad.yogais tīkṣṇair vyāsakta.ghātibhiḥ |
KAZ10.6.48cd/ māyābhir deva.samyogaiḥ śakaṭair hasti.bhīṣaṇaiḥ || 48 ||
KAZ10.6.49ab/ dūṣya.prakopair go.yūthaiḥ skandha.āvāra.pradīpanaiḥ |
KAZ10.6.49cd/ koṭī.jaghana.ghātair vā dūta.vyañjana.bhedanaiḥ || 49 ||
KAZ10.6.50ab/ "durgaṁ dagdhaṁ hṛtaṁ vā te kopaḥ kulyaḥ samutthitaḥ |
KAZ10.6.50cd/ śatrur āṭaviko vā" iti parasya-udvegam ācaret || 50 ||
KAZ10.6.51ab/ ekaṁ hanyān na vā hanyād iṣuḥ kṣipto dhanuṣmatā |
KAZ10.6.51cd/ prajñānena tu matiḥ kṣiptā hanyād garbha.gatān api || 51 ||

11. Book 11: Policy towards Oligarchies

[Page 244 ] [Note: [ K tr. 526--532:: K2 tr. 454--459]

11.1. Chapter 1 (Sections 160; 161): The Policy of Sowing Dissensions; Forms of Silent Punishment

[Note: [ K tr. 526 :: K2 tr. 454]

KAZ11.1.01/ saṅgha.lābho daṇḍa.mitra.lābhānām uttamaḥ | 1 |

KAZ11.1.02/ saṅghā hi saṁhatatvād adhṛṣyāḥ pareṣām | 2 |

KAZ11.1.03/ tān anuguṇān bhuñjīta sāma.dānābhyām, viguṇān bheda.daṇḍābhyām | 3 |

KAZ11.1.04/ kāmboja.surāṣṭra.kṣatriya.śreṇy.ādayo vārtta.śastra.upajīvinaḥ | 4 |

KAZ11.1.05/ licchivika.vṛjika.mallaka.madraka.kukura.kuru.pāñcāla.ādayo rāja.śabda.upajīvinaḥ | 5 |

KAZ11.1.06/ sarveṣām āsannāḥ sattriṇaḥ saṅghānāṁ paraspara.nyaṅga.dveṣa.vaira.kalaha.sthānāny upalabhya krama.abhinītaṁ bhedam upacārayeyuḥ "asau tvā vijalpati" iti | 6 |

KAZ11.1.07/ evam ubhayato.baddha.roṣāṇāṁ vidyā.śilpa.dyūta.vaihārikeṣv ācārya.vyañjanā bāla.kalahān utpādayeyuḥ | 7 |

KAZ11.1.08/ veśa.śauṇḍikeṣu vā pratiloma.praśaṁsābhiḥ saṅgha.mukhya.manuṣyāṇāṁ tīkṣṇāḥ kalahān utpādayeyuḥ, kṛtya.pakṣa.upagraheṇa vā | 8 |

KAZ11.1.09/ kumārakān viśiṣṭac.chindikayā hīnac.chindikān utsāhayeyuḥ | 9 |

KAZ11.1.10/ viśiṣṭānāṁ ca-eka.pātraṁ vivāhaṁ vā hīnebhyo vārayeyuḥ | 10 |

KAZ11.1.11/ hīnān vā viśiṣṭair eka.pātre vivāhe vā yojayeyuḥ | 11 |

KAZ11.1.12/ avahīnān vā tulya.bhāva.upagamane kulataḥ pauruṣataḥ sthāna.viparyāsato vā | 12 |

KAZ11.1.13/ vyavahāram avasthitaṁ vā pratiloma.sthāpanena niśāmayeyuḥ | 13 |

KAZ11.1.14/ vivāda.padeṣu vā dravya.paśu.manuṣya.abhighātena rātrau tīkṣṇāḥ kalahān utpādayeyuḥ | 14 |

KAZ11.1.15/ sarveṣu ca kalaha.sthāneṣu hīna.pakṣaṁ rājā kośa.daṇḍābhyām upagṛhya pratipakṣa.vadhe yojayet | 15 |

KAZ11.1.16/ bhinnān apavāhayed vā | 16 |

KAZ11.1.17/ bhūmau ca-eṣāṁ pañca.kulīṁ daśa.kulīṁ vā kṛṣyāyāṁ niveśayet | 17 |

KAZ11.1.18/ ekasthā hi śastra.grahaṇa.samarthāḥ syuḥ | 18 |

KAZ11.1.19/ samavāye ca-eṣām atyayaṁ sthāpayet | 19 |

KAZ11.1.20/ rāja.śabdibhir avaruddham avakṣiptaṁ vā kulyam abhijātaṁ rāja.putratve sthāpayet | 20 |

KAZ11.1.21/ kārtāntika.ādiś ca-asya vargo rāja.lakṣaṇyatāṁ saṅgheṣu prakāśayet | 21 |

KAZ11.1.22/ saṅgha.mukhyāṁś ca dharmiṣṭhā- [Page 245 ]n upajapet "sva.dharmam amuṣya rājñaḥ putre bhrātari vā pratipadyadhvam" iti | 22 |

KAZ11.1.23/ pratipanneṣu kṛtya.pakṣa.upagraha.artham arthaṁ daṇḍaṁ ca preṣayet | 23 |

KAZ11.1.24/ vikrama.kāle śauṇḍika.vyañjanāḥ putra.dāra.preta.apadeśena "naiṣecanikam" iti madana.rasa.yuktān madya.kumbhān-śataśaḥ prayaccheyuḥ | 24 |

KAZ11.1.25/ caitya.daivata.dvāra.rakṣā.sthāneṣu ca sattriṇaḥ samaya.karma.nikṣepaṁ sahiraṇya.abhijñāna.mudrāṇi hiraṇya.bhājanāni ca prarūpayeyuḥ | 25 |

KAZ11.1.26/ dṛśyamāneṣu ca saṅgheṣu "rājakīyāḥ" ity āvedayeyuḥ | 26 |

KAZ11.1.27/ atha-avaskandaṁ dadyāt | 27 |

KAZ11.1.28/ saṅghānāṁ vā vāhana.hiraṇye kālike gṛhītvā saṅgha.mukhyāya prakhyātaṁ dravyaṁ prayacchet | 28 |

KAZ11.1.29/ tad eṣāṁ yācite "dattam amuṣmai mukhyāya" iti brūyāt | 29 |

KAZ11.1.30/ etena skandha.āvāra.aṭavī.bhedo vyākhyātaḥ | 30 |

KAZ11.1.31/ saṅgha.mukhya.putram ātma.sambhāvitaṁ vā sattrī grāhayet "amuṣya rājñaḥ putras tvam, śatru.bhayād iha nyasto 'si" iti | 31 |

KAZ11.1.32/ pratipannaṁ rājā kośa.daṇḍābhyām upagṛhya saṅgheṣu vikramayet | 32 |

KAZ11.1.33/ avāpta.arthas tam api pravāsayet | 33 |

KAZ11.1.34/ bandhakī.poṣakāḥ plavaka.naṭa.nartaka.saubhikā vā praṇihitāḥ strībhiḥ parama.rūpa.yauvanābhiḥ saṅgha.mukhyān unmādayeyuḥ | 34 |

KAZ11.1.35/ jāta.kāmānām anyatamasya pratyayaṁ kṛtvā-anyatra gamanena prasabha.haraṇena vā kalahān utpādayeyuḥ | 35 |

KAZ11.1.36/ kalahe tīkṣṇāḥ karma kuryuḥ "hato 'yam itthaṁ kāmukaḥ" iti | 36 |

KAZ11.1.37/ visaṁvāditaṁ vā marṣayamāṇam abhisṛtya strī brūyāt "asau māṁ mukhyas tvayi jāta.kāmāṁ bādhate, tasmin-jīvati na-iha sthāsyāmi" iti ghātam asya prayojayet | 37 |

KAZ11.1.38/ prasahya.apahṛtā vā vana.ante kriḍā.gṛhe vā-apahartāraṁ rātrau tīkṣṇena ghātayet, svayaṁ vā rasena | 38 |

KAZ11.1.39/ tataḥ prakāśayet "amunā me priyo hataḥ" iti | 39 |

KAZ11.1.40/ jāta.kāmaṁ vā siddha.vyañjanaḥ sāṁvadanikībhir auṣadhībhiḥ saṁvāsya rasena-atisandhāya-apagacchet | 40 |

KAZ11.1.41/ tasminn apakrānte sattriṇaḥ para.prayogam abhiśaṁseyuḥ | 41 |

KAZ11.1.42/ āḍhya.vidhavā gūḍha.ājīvā yoga.striyo vā dāya.nikṣepa.arthaṁ vivadamānāḥ saṅgha.mukhyān unmādayeyuḥ, aditi.kauśika.striyo nartakī.gāyanā vā | 42 |

KAZ11.1.43/ pratipannān gūḍha.veśmasu rātri.samāgama.praviṣṭāṁs tīkṣṇā hanyur baddhvā hareyur vā | 43 |

[Page 246 ]

KAZ11.1.44/ sattrī vā strī.lolupaṁ saṅgha.mukhyaṁ prarūpayet "amuṣmin grāme daridra.kullam apasṛtam, tasya strī rāja.arhā, gṛhāṇa-enām" iti | 44 |

KAZ11.1.45/ gṛhītāyām ardha.māsa.anantaraṁ siddha.vyañjano dūṣya.saṅgha.mukhya.madhye prakrośet "asau me mukhyo bhāryāṁ snuṣāṁ bhaginīṁ duhitaraṁ vā-adhicarati" iti | 45 |

KAZ11.1.46/ taṁ cet saṅgho nigṛhṇīyāt, rājā-enam upagṛhya viguṇeṣu vikramayet | 46 |

KAZ11.1.47/ anigṛhīte siddha.vyañjanaṁ rātrau tīkṣṇāḥ pravāsayeyuḥ | 47 |

KAZ11.1.48/ tatas tad.vyañjanāḥ prakrośeyuḥ "asau brahmahā brāhmaṇī.jāraś ca" iti | 48 |

KAZ11.1.49/ kārtāntika.vyañjano vā kanyām anyena vṛtām anyasya prarūpayet "amuṣya kanyā rāja.patnī rāja.prasavinī ca bhaviṣyati, sarva.svena prasahya vā-enāṁ labhasva" iti | 49 |

KAZ11.1.50/ alabhyamānāyāṁ para.pakṣam uddharṣayet | 50 |

KAZ11.1.51/ labdhāyāṁ siddhaḥ kalahaḥ | 51 |

KAZ11.1.52/ bhikṣukī vā priya.bhāryaṁ mukhyaṁ brūyāt "asau te mukhyo yauvana.utsikto bhāryāyāṁ māṁ prāhiṇot, tasya-ahaṁ bhayāl lekhyam ābharaṇaṁ gṛhītvā-āgatā-asmi, nirdoṣā te bhāryā, gūḍham asmin pratikartavyam, aham api tāvat pratipatsyāmi" iti | 52 |

KAZ11.1.53/ evaṁ.ādiṣu kalaha.sthāneṣu svayam utpanne vā kalahe tīkṣṇair utpādite vā hīna.pakṣaṁ rājā kośa.daṇḍābhyām upagṛhya viguṇeṣu vikramayed apavāhayed vā | 53 |

KAZ11.1.54/ saṅgheṣv evam eka.rājo varteta | 54 |

KAZ11.1.55/ saṅghāś ca-apy evam eka.rājād etebhyo 'tisaṅghān ebhyo rakṣayeyuḥ | 55 |

KAZ11.1.56ab/ saṅgha.mukhyaś ca saṅgheṣu nyāya.vṛttir hitaḥ priyaḥ |
KAZ11.1.56cd/ dānto yukta.janas tiṣṭhet sarva.citta.anuvartakaḥ || 56 ||

12. Book 12: Concerning the Weaker King

[Page 247 ] [Note: [ K tr. 533--549 :: K2 tr. 460--473]

12.1. Chapter 1 (Section 162): The Mission of the Envoy

[Note: [ K tr. 533 :: K2 tr. 460]

KAZ12.1.01/ "balīyasā-abhiyukto durbalaḥ sarvatra-anupraṇato vetasa.dharmā tiṣṭhet | 1 |

KAZ12.1.02/ indrasya hi sa praṇamati yo balīyaso namati" iti bhāradvājaḥ | 2 |

KAZ12.1.03/ "sarva.sandohena balānāṁ yudhyeta | 3 |

KAZ12.1.04/ parākramo hi vyasanam apahanti | 4 |

KAZ12.1.05/ sva.dharmaś ca-eṣa kṣatriyasya, yuddhe jayaḥ parājayo vā" iti viśāla.akṣaḥ | 5 |

KAZ12.1.06/ na-iti kauṭilyaḥ | 6 |

KAZ12.1.07/ sarvatra-anupraṇataḥ kulaiḍaka iva nirāśo jīvite vasati | 7 |

KAZ12.1.08/ yudhyamānaś ca-alpa.sainyaḥ samudram iva-aplavo 'vagāhamānaḥ sīdati | 8 |

KAZ12.1.09/ tad.viśiṣṭaṁ tu rājānam āśrito durgam aviṣahyaṁ vā ceṣṭeta | 9 |

KAZ12.1.10/ trayo 'bhiyoktāro dharma.lobha.asura.vijayina iti | 10 |

KAZ12.1.11/ teṣām abhyavapattyā dharma.vijayī tuṣyati | 11 |

KAZ12.1.12/ tam abhyavapadyeta, pareṣām api bhayāt | 12 |

KAZ12.1.13/ bhūmi.dravya.haraṇena lobha.vijayī tuṣyati | 13 |

KAZ12.1.14/ tam arthena-abhyavapadyeta | 14 |

KAZ12.1.15/ bhūmi.dravya.putra.dāra.prāṇa.haraṇena-asura.vijayī | 15 |

KAZ12.1.16/ taṁ bhūmi.dravyābhyām upagṛhya-agrāhyaḥ pratikurvīta | 16 |

KAZ12.1.17/ teṣām anyatamam uttiṣṭhamānaṁ sandhinā mantra.yuddhena kūṭa.yuddhena vā prativyūheta | 17 |

KAZ12.1.18/ śatru.pakṣam asya sāma.dānābhyām, sva.pakṣaṁ bheda.daṇḍābhyām | 18 |

KAZ12.1.19/ durgaṁ rāṣṭraṁ skandha.āvāraṁ vā-asya gūḍhāḥ śastra.rasa.agnibhiḥ sādhayeyuḥ | 19 |

KAZ12.1.20/ sarvataḥ pārṣṇim asya grāhayet | 20 |

KAZ12.1.21/ aṭavībhir vā rājyaṁ ghātayet, tat.kulīna.aparuddhābhyāṁ vā hārayet | 21 |

KAZ12.1.22/ apakāra.anteṣu ca-asya dūṭaṁ preṣayet | 22 |

KAZ12.1.23/ anapakṛtya vā sandhānam | 23 |

KAZ12.1.24/ tathā-apy abhiprayāntaṁ kośa.daṇḍayoḥ pāda.uttaram aho.rātra.uttaraṁ vā sandhiṁ yāceta | 24 |

KAZ12.1.25/ sa ced daṇḍa.sandhiṁ yāceta, kuṇṭham asmai hasty.aśvaṁ dadyād, utsāhitaṁ vā gara.yuktam | 25 |

KAZ12.1.26/ puruṣa.sandhiṁ yāceta, dūṣya.amitra.aṭavī.balam asmai dadyād yoga.puruṣa.adhiṣṭhitam | 26 |

KAZ12.1.27/ tathā kuryād yathā-ubhaya.vināśaḥ syāt | 27 |

KAZ12.1.28/ tīkṣṇa.balaṁ vā-asmai dadyād yad avamānitaṁ vikurvīta, maulam anuraktaṁ vā yad asya vyasane 'pakuryāt | 28 |

KAZ12.1.29/ kośa.sandhiṁ yāceta, sāram asmai dadyād yasya kretāraṁ na-adhigacchet, kupyam ayuddha.yogyaṁ vā | 29 |

[Page 248 ]

KAZ12.1.30/ bhūmi.sandhiṁ yāceta, pratyādeyāṁ nitya.amitrām anapāśrayāṁ mahā.kṣaya.vyaya.niveśāṁ vā-asmai bhūmiṁ dadyāt | 30 |

KAZ12.1.31/ sarva.svena vā rāja.dhānī.varjena sandhiṁ yāceta balīyasaḥ | 31 |

KAZ12.1.32ab/ yat prasahya hared anyas tat prayacced upāyataḥ |
KAZ12.1.32cd/ rakṣet sva.dehaṁ na dhanaṁ kā hy anitye dhane dayā || 32 ||

12.2. Chapter 2 (Sections 163; 164): Fight with the Weapon of Diplomacy; Assassination of Army Chiefs

[Note: [ K tr. 535 :: K2 tr. 462]

KAZ12.2.01/ sa cet sandhau na-avatiṣṭheta, brūyād enaṁ - "ime śatru.ṣaḍ.varga.vaśagā rājāno vinaṣṭāḥ, teṣām anātmavatāṁ na-arhasi mārgam anugantum | 1 |

KAZ12.2.02/ dharmam arthaṁ ca-avekṣasva | 2 |

KAZ12.2.03/ mitra.mukhā hy amitrās te ye tvā sāhasam adharmam artha.atikramaṁ ca grāhayanti | 3 |

KAZ12.2.04/ śūrais tyakta.ātmabhiḥ saha yoddhuṁ sāhasam, jana.kṣayam ubhayataḥ kartum adharmaḥ, dṛṣṭam arthaṁ mitram aduṣṭaṁ ca tyaktum artha.atikramaḥ | 4 |

KAZ12.2.05/ mitravāṁś ca sa rājā, bhūyaś ca-etena-arthena mitrāṇy udyojayiṣyati yāni tvā sarvato 'bhiyāsyanti | 5 |

KAZ12.2.06/ na ca madhyama.udāsīnayor maṇḍalasya vā parityaktaḥ, bhavāṁs tu parityaktaḥ yattvā samudyuktam upaprekṣante "bhūyaḥ kṣaya.vyayābhyāṁ yujyatām, mitrāc ca bhidyatām, atha-enaṁ parityakta.mūlaṁ sukhena-ucchetsyāmaḥ" iti | 6 |

KAZ12.2.07/ sa bhavān na-arhati mitra.mukhānām amitrāṇāṁ śrotum, mitrāṇy udvejayitum amitrāṁś ca śreyasā yoktum, prāṇa.saṁśayam anarthaṁ ca-upagantum" iti yacchet | 7 |

KAZ12.2.08/ tathā-api pratiṣṭhamānasya prakṛti.kopam asya kārayed yathā saṅgha.vṛtte vyākhyātaṁ yoga.vāmane ca | 8 |

KAZ12.2.09/ tīkṣṇa.rasada.prayogaṁ ca | 9 |

KAZ12.2.10/ yad uktam ātma.rakṣitake rakṣyaṁ tatra tīkṣṇān rasadāṁś ca prayuñjīta | 10 |

KAZ12.2.11/ bandhakī.poṣakāḥ parama.rūpa.yauvanābhiḥ strībhiḥ senā.mukhyān unmādayeyuḥ | 11 |

KAZ12.2.12/ bahūnām ekasyāṁ dvayor vā mukhyayoḥ kāme jāte tīkṣṇāḥ kalahān utpādayeyuḥ | 12 |

[Page 249 ]

KAZ12.2.13/ kalahe parājita.pakṣaṁ paratra.apagamane yātrā.sāhāyya.dāne vā bhartur yojayeyuḥ | 13 |

KAZ12.2.14/ kāma.vaśān vā siddha.vyañjanāḥ sāṁvadanikībhir oṣadhībhir atisandhānāya mukhyeṣu rasaṁ dāpayeyuḥ | 14 |

KAZ12.2.15/ vaidehaka.vyañjane vā rāja.mahiṣyāḥ subhagāyāḥ preṣyām āsannāṁ kāma.nimittam arthena-abhivṛṣya parityajet | 15 |

KAZ12.2.16/ tasya-eva paricāraka.vyañjana.upadiṣṭaḥ siddha.vyañjanaḥ sāṁvadanikīm oṣadhīṁ dadyāt "vaidehaka.śarīre 'vaghātavyā" iti | 16 |

KAZ12.2.17/ siddhe subhagāyā apy enaṁ yogam upadiśet "rāja.śarīre 'vadhātavyā" iti | 17 |

KAZ12.2.18/ tato rasena-atisandadhyāt | 18 |

KAZ12.2.19/ kārtāntika.vyañjano vā mahā.mātraṁ "rāja.lakṣaṇa.sampannam" krama.abhinītaṁ brūyāt | 19 |

KAZ12.2.20/ bhāryām asya bhikṣukī "rāja.patnī rāja.prasavinī vā bhaviṣyasi" iti | 20 |

KAZ12.2.21/ bhāryā.vyañjanā vā mahā.mātraṁ brūyāt "rājā kila mām avarodhayiṣyati, tava-antikāya pattra.lekhyam ābharaṇaṁ ca-idaṁ parivrājikayā-āhṛtam" iti | 21 |

KAZ12.2.22/ sūda.ārālika.vyañjano vā rasa.prayoga.arthaṁ rāja.vacanam arthaṁ ca-asya lobhanīyam abhinayet | 22 |

KAZ12.2.23/ tad asya vaidehaka.vyañjanaḥ pratisandadhyāt, kārya.siddhiṁ ca brūyāt | 23 |

KAZ12.2.24/ evam ekena dvābhyāṁ tribhir ity upāyair eka.ekam asya mahā.mātraṁ vikramāya-apagamanāya vā yojayet | iti | 24 |

KAZ12.2.25/ durgeṣu ca-asya śūnya.pāla.āsannāḥ sattriṇaḥ paura.jānapadeṣu maitrī.nimittam āvedayeyuḥ - "śūnya.pālena-uktā yodhāś ca-adhikaraṇasthāś ca "kṛcchra.gato rājā jīvann āgamiṣyati, na vā, prasahya vittam ārjayadhvam, amitrāṁś ca hata" iti | 25 |

KAZ12.2.26/ bahulī.bhūte tīkṣṇāḥ paurān niśāsv āhārayeyuḥ, mukhyāṁś ca-abhihanyuḥ "evaṁ kriyante ye śūnya.pālasya na śuśrūṣante" iti | 26 |

KAZ12.2.27/ śūnya.pāla.sthāneṣu ca saśoṇitāni śastra.vitta.bandhanāny utsṛjeyuḥ | 27 |

KAZ12.2.28/ tataḥ sattriṇaḥ "śūnya.pālo ghātayati vilopayati ca" ity āvedayeyuḥ | 28 |

KAZ12.2.29/ evaṁ jānapadān samāhartur bhedayeyuḥ | 29 |

KAZ12.2.30/ samāhartṛ.puruṣāṁs tu grāma.madhyeṣu rātrau tīkṣṇā hatvā brūyuḥ "evaṁ kriyante ye jana.padam adharmeṇa bādhante" iti | 30 |

KAZ12.2.31/ samutpanne doṣe śūnya.pālaṁ samāhartāraṁ vā prakṛti.kopena ghātayeyuḥ | 31 |

KAZ12.2.32/ tat.kulīnam aparuddhaṁ vā pratipādayeyuḥ | 32 |

[Page 250 ]
KAZ12.2.33ab/ antaḥ.pura.pura.dvāraṁ dravya.dhānya.parigrahān |
KAZ12.2.33cd/ daheyus tāṁś ca hanyur vā brūyur asya-ārta.vādinaḥ || 33 ||

12.3. Chapter 3 (Sections 164; 165): Assassination of Army Chiefs (cont.); Stirring up the Circle of Kings

[Note: [ K tr. 539 :: K2 tr. 465]

KAZ12.3.01/ rājño rāja.vallabhānāṁ ca-āsannāḥ sattriṇaḥ patty.aśva.ratha.dvipa.mukhyānāṁ "rājā kruddhaḥ" iti suhṛd.viśvāsena mitra.sthānīyeṣu kathayeyuḥ | 1 |

KAZ12.3.02/ bahulī.bhūte tīkṣṇāḥ kṛta.rātri.cāra.pratīkārā gṛheṣu "svāmi.vacanena-āgamyatām" iti brūyuḥ | 2 |

KAZ12.3.03/ tānnirgacchata eva-abhihanyuḥ, "svāmi.sandeśaḥ" iti ca-āsannān brūyuḥ | 3 |

KAZ12.3.04/ ye ca-apravāsitās tān sattriṇo brūyuḥ "etat tad yad asmābhiḥ kathitam, jīvitu.kāmena-apakrāntavyam" iti | 4 |

KAZ12.3.05/ yebhyaś ca rājā yācito na dadāti tān sattriṇo brūyuḥ - "uktaḥ śūnya.pālo rājñā "ayācyam artham asau ca-asau ca mā yācate, mayā pratyākhyātāḥ śatru.saṁhitāḥ, teṣām uddharaṇe prayatasva" iti | 5 |

KAZ12.3.06/ tataḥ pūrvavad ācaret | 6 |

KAZ12.3.07/ yebhyaś ca rājā yācito dadāti tān sattriṇo brūyuḥ - "uktaḥ śūnya.pālo rājñā "ayācyam artham asau ca-asau ca mā yācate, tebhyo mayā so 'rtho viśvāsa.arthaṁ dattaḥ, śatru.saṁhitāḥ, teṣām uddharaṇe prayatasva" iti | 7 |

KAZ12.3.08/ tataḥ pūrvavad ācaret | 8 |

KAZ12.3.09/ ye ca-enaṁ yācyam arthaṁ na yācante tān sattriṇo brūyuḥ - "uktaḥ śūnya.pālo rājñā "yācyam artham asau ca-asau ca mā na yācate, kim anyat sva.doṣa.śaṅkitatvāt, teṣām uddharaṇe prayatasva" iti | 9 |

KAZ12.3.10/ tataḥ pūrvavad ācaret | 10 |

KAZ12.3.11/ etena sarvaḥ kṛtya.pakṣo vyākhyātaḥ | 11 |

KAZ12.3.12/ pratyāsanno vā rājānaṁ sattrī grāhayet "asau ca-asau ca te mahā.mātraḥ śatru.puruṣaiḥ sambhāṣate" iti | 12 |

KAZ12.3.13/ pratipanne dūṣyān asya śāsana.harān darśayet "etat tat" iti | 13 |

[Page 251 ]

KAZ12.3.14/ senā.mukhya.prakṛti.puruṣān vā bhūmyā hiraṇyena vā lobhayitvā sveṣu vikramayed apavāhayed vā | 14 |

KAZ12.3.15/ yo 'sya putraḥ samīpe durge vā prativasati taṁ sattriṇā-upajāpayet "ātma.sampannataras tvaṁ putraḥ, tathā-apy antar.hitaḥ, tat.kim upekṣase vikramya gṛhāṇa, purā tvā yuva.rājo vināśayati" iti | 15 |

KAZ12.3.16/ tat.kulīnam aparuddhaṁ vā hiraṇyena pratilobhya brūyāt "antar.balaṁ pratyanta.skandham antaṁ vā-asya pramṛdnīhi" iti | 16 |

KAZ12.3.17/ āṭavikān artha.mānābhyām upagṛhya rājyam asya ghātayet | 17 |

KAZ12.3.18/ pārṣṇi.grāhaṁ vā-asya brūyāt "eṣa khalu rājā mām ucchidya tvām ucchetsyati, pārṣṇim asya gṛhāṇa, tvayi nivṛttasya-ahaṁ pārṣṇiṁ grahīṣyāmi" iti | 18 |

KAZ12.3.19/ mitrāṇi vā-asya brūyāt "ahaṁ vaḥ setuḥ, mayi vibhinne sarvān eṣa vo rājā plāvayiṣyati, sambhūya vā-asya yātrāṁ vihanāma" iti | 19 |

KAZ12.3.20/ tat.saṁhatānām asaṁhatānāṁ ca preṣayet "eṣa khalu rājā mām utpāṭya bhavatsu karma kariṣyati, budhyadhvam, ahaṁ vaḥ śreyān abhyupapattum" iti | 20 |

KAZ12.3.21ab/ madhyamasya prahiṇuyād udāsīnasya vā punaḥ |
KAZ12.3.21cd/ yathā-āsannasya mokṣa.arthaṁ sarva.svena tad.arpaṇam || 21 ||

12.4. Chapter 4 (Sections 166; 167): Secret Use of Weapons, Fire and Poison; Destruction of Supplies, Reinforcements and Raids

[Note: [ K tr. 541 :: K2 tr. 467]

KAZ12.4.01/ ye ca-asya durgeṣu vaidehakavyañjanāḥ, grāmesu gṛhapatika.vyañjanāḥ, jana.pada.sandhiṣu go.rakṣaka.tāpasa.vyañjanāḥ, te sāmanta.āṭavika.tat.kulīna.aparuddhānāṁ paṇya.āgāra.pūrvaṁ preṣayeyuḥ "ayaṁ deśo hāryaḥ" iti | 1 |

KAZ12.4.02/ āgatāṁś ca-eṣāṁ durge gūḍha.puruṣān artha.mānābhyām abhisatkṛtya prakṛtic.chidrāṇi pradarśayeyuḥ | 2 |

KAZ12.4.03/ teṣu taiḥ saha prahareyuḥ | 3 |

[Page 252 ]

KAZ12.4.04/ skandha.āvāre vā-asya śauṇḍika.vyañjanaḥ putram abhityaktaṁ sthāpayitvā-avaskanda.kāle rasena pravāsayitvā "naiṣecanikam" iti madana.rasa.yuktān madyakumbhān-śataśaḥ prayacchet | 4 |

KAZ12.4.05/ śuddhaṁ vā madyaṁ pādyaṁ vā madyaṁ dadyād ekam ahaḥ, uttaraṁ ras.siddhaṁ prayacchet | 5 |

KAZ12.4.06/ śuddhaṁ vā madyaṁ daṇḍa.mukhyebhyaḥ pradāya mada.kāle rasa.siddhaṁ prayacchet | 6 |

KAZ12.4.07/ daṇḍa.mukhya.vyañjano vā putram abhityaktam iti samānam | 7 |

KAZ12.4.08/ pākva.māṁsika.audanika.auṇḍika.āpūpika.vyañjanā vā paṇya.viśeṣam avaghoṣayitvā paraspara.saṅgharṣeṇa kālikaṁ samarghataram iti vā parān āhūya rasena sva.paṇyāny apacārayeyuḥ | 8 |

KAZ12.4.09/ surā.kṣīra.dadhi.sarpis.tailāni vā tad.vyavahartṛ.hasteṣu gṛhītā striyo bālāś ca rasa.yukteṣu sva.bhājaneṣu parikireyuḥ | 9 |

KAZ12.4.10/ "anena-argheṇa, viśiṣṭaṁ vā bhūyo dīyatām" iti tatra-eva-avākireyuḥ | 10 |

KAZ12.4.11/ etāny eva vaidehaka.vyañjanāḥ, paṇya.vireyeṇa-āhartāro vā | 11 |

KAZ12.4.12/ hasty.aśvānāṁ vidhā.yavaseṣu rasam āsannā dadyuḥ | 12 |

KAZ12.4.13/ karma.kara.vyañjanā vā rasa.aktaṁ yavasam udakaṁ vā vikrīṇīran | 13 |

KAZ12.4.14/ cira.saṁsṛṣṭā vā go.vāṇijakā gavām aja.avīnāṁ vā yūthāny avaskanda.kāleṣu pareṣāṁ moha.sthāneṣu pramuñceyuḥ, aśva.khara.uṣṭramahiṣa.ādīnāṁ duṣṭāṁś ca | 14 |

KAZ12.4.15/ tad.vyañjanā vā cucchundarī.śoṇita.akta.akṣān | 15 |

KAZ12.4.16/ lubdhaka.vyañjanā vā vyāla.mṛgān pañjarebhyaḥ pramuñceyuḥ, sarpa.grāhā vā sarpān ugra.viṣān, hasti.jīvino vā hastinaḥ | 16 |

KAZ12.4.17/ agni.jīvino vā-agnim avasṛjeyuḥ | 17 |

KAZ12.4.18/ gūḍha.puruṣā vā vimukhān patty.aśva.ratha.dvipa.mukhyān abhihanyuḥ, ādīpayeyur vā mukhya.āvāsān | 18 |

KAZ12.4.19/ dūṣya.amitra.āṭavika.vyañjanāḥ praṇihitāḥ pṛṣṭha.abhighātam avaskanda.pratigrahaṁ vā kuryuḥ | 19 |

KAZ12.4.20/ vana.gūḍhā vā pratyanta.skandham upaniṣkṛṣya-abhihanyuḥ, eka.ayane vīvadha.āsāra.prasārān vā | 20 |

KAZ12.4.21/ sasaṅketaṁ vā rātri.yuddhe bhūri.tūryam āhatya brūyuḥ "anupraviṣṭāḥ smo, labdhaṁ rājyam" iti | 21 |

[Page 253 ]

KAZ12.4.22/ rāja.āvāsam anupraviṣṭā vā saṅkuleṣu rājānaṁ hanyuḥ | 22 |

KAZ12.4.23/ sarvato vā prayātam enaṁ (eva?) mleccha.āṭavika.daṇṭa.cāriṇaḥ sattra.apāśrayāḥ stambha.vāṭa.apāśrayā vā hanyuḥ | 23 |

KAZ12.4.24/ lubdhaka.vyañjanā vā-avaskanda.saṅkuleṣu gūḍha.yuddha.hetubhir abhihanyuḥ | 24 |

KAZ12.4.25/ eka.ayane vā śaila.stambha.vāṭa.khañjana.antar.udake vā sva.bhūmi.balena-abhihanyuḥ | 25 |

KAZ12.4.26/ nadī.saras.taṭāka.setu.bandha.bheda.vegena vā plāvayeyuḥ | 26 |

KAZ12.4.27/ dhānvana.vana.durga.nimna.durgasthaṁ vā yoga.agni.dhūmābhyāṁ nāśayeyuḥ | 27 |

KAZ12.4.28/ saṅkaṭa.gatam agninā, dhānvana.gataṁ dhūmena, nidhāna.gataṁ rasena, toya.avagāḍhaṁ duṣṭa.grāhair udaka.caraṇair vā tīkṣṇāḥ sādhayeyuḥ, ādīpta.āvāsān niṣpatantaṁ vā | 28 |

KAZ12.4.29ab/ yoga.vāmana.yogābhyāṁ yogena-anyatamena vā |
KAZ12.4.29cd/ amitram atisandadhyāt saktam uktāsu bhūmiṣu || 29 ||

12.5. Chapter 5 (Sections 168; 169; 170): Overreaching the Enemy by Trickery; Overreaching by Force; Victory of the Single King

[Note: [ K tr. 544 :: K2 tr. 470]

KAZ12.5.01/ daiva.tejyāyāṁ (devatā.ijyāyāṁ?) yātrāyām amitrasya bahūni pūjā.āgama.sthānāni bhaktitaḥ | 1 |

KAZ12.5.02/ tatra-asya yogam ubjayet | 2 |

KAZ12.5.03/ devatā.gṛha.praviṣṭasya-upari yantra.mokṣaṇena gūḍha.bhittiṁ śilāṁ vā pātayet | 3 |

KAZ12.5.04/ śilā.śastra.varṣam uttama.āgārāt, kapāṭam avapātitaṁ vā, bhitti.praṇihitam eka.deśa.baddhaṁ vā parighaṁ mokṣayet | 4 |

KAZ12.5.05/ devatā.deha.dhvaja.praharaṇāni vā-asya-upariṣṭāt pātayet | 5 |

KAZ12.5.06/ sthāna.āsana.gamana.bhūmiṣu vā-asya go.maya.pradehena gandha.udaka.prasekena vā rasam aticārayet, puṣpa.cūrṇa.upahāreṇa vā | 6 |

KAZ12.5.07/ gandha.praticchannaṁ vā-asya tīkṣṇaṁ dhūmam atinayet | 7 |

KAZ12.5.08/ śūlakūpam avapātanaṁ vā śayana.āsanasya-adhastād yantra.baddha.talam enaṁ kīla.mokṣaṇena praveśayet | 8 |

[Page 254 ]

KAZ12.5.09/ pratyāsanne vā-amitre jana.padāj janam avarodha.kṣamam atinayet | 9 |

KAZ12.5.10/ durgāc ca-anavarodha.kṣamam apanayet, pratyādeyam ari.viṣayaṁ vā preṣayet | 10 |

KAZ12.5.11/ jana.padaṁ ca-ekasthaṁ śaila.vana.nadī.durgeṣv aṭavī.vyavahiteṣu vā putra.bhrātṛ.parigṛhītaṁ sthāpayet | 11 |

KAZ12.5.12/ uparodha.hetavo daṇḍa.upanata.vṛtte vyākhyātāḥ | 12 |

KAZ12.5.13/ tṛṇa.kāṣṭham ā.yojanād dāhayet | 13 |

KAZ12.5.14/ udakāni ca dūṣayet, avasrāvayec ca | 14 |

KAZ12.5.15/ kūpa.kūṭa.avapāta.kaṇṭakinīś ca bahir ubjayet | 15 |

KAZ12.5.16/ suruṅgām amitra.sthāne bahu.mukhīṁ kṛtvā nicaya.mukhyān abhihārayet, amitraṁ vā | 16 |

KAZ12.5.17/ para.prayuktāyāṁ vā suruṅgāyāṁ parikhām udaka.antikīṁ khānayet, kūpa.śālām anusālaṁ vā | 17 |

KAZ12.5.18/ toya.kumbhān kāṁsya.bhāṇḍāni vā śaṅkā.sthāneṣu sthāpayet khāta.abhijñāna.artham | 18 |

KAZ12.5.19/ jñāte suruṅgā.pathe pratisuruṅgāṁ kārayet | 19 |

KAZ12.5.20/ madhye bhittvā dhūmam udakaṁ vā prayacchet | 20 |

KAZ12.5.21/ prativihita.durgo vā mūle dāyādaṁ kṛtvā pratilomām asya diśaṁ gacchet, yato vā mitrair bandhubhir āṭavikair vā saṁsṛjyeta parasya-amitrair dūṣyair vā mahadbhiḥ, yato vā gato 'sya mitrair viyogaṁ kuryāt pārṣṇiṁ vā gṛhṇīyāt rājyaṁ vā-asya hārayet vīvadha.āsāra.prasārān vā vārayet, yato vā śaknuyād ākṣikavad apakṣepeṇa-asya prahartum, yato vā svaṁ rājyaṁ trāyeta mūlasya-upacayaṁ vā kuryāt | 21 |

KAZ12.5.22/ yataḥ sandhim abhipretaṁ labheta tato vā gacchet | 22 |

KAZ12.5.23/ saha.prasthāyino vā-asya preṣayeyuḥ "ayaṁ te śatrur asmākaṁ hasta.gataḥ, paṇyaṁ viprakāraṁ vā-apadiśya hiraṇyam antaḥ.sāra.balaṁ ca preṣaya yasya-enam arpayema baddhaṁ pravāsitaṁ vā" iti | 23 |

KAZ12.5.24/ pratipanne hiraṇyaṁ sāra.balaṁ ca-ādadīta | 24 |

KAZ12.5.25/ anta.pālo vā durga.sampradāne bala.eka.deśam atinīya viśvastaṁ ghātayet | 25 |

KAZ12.5.26/ jana.padam ekasthaṁ vā ghātayitum amitra.anīkam āvāhayet | 26 |

KAZ12.5.27/ tad avaruddha.deśam atinīya viśvastaṁ ghātayet | 27 |

KAZ12.5.28/ mitra.vyañjano vā bāhyasya preṣayet "kṣīṇam asmin durge dhānyaṁ snehāḥ kṣāro lavaṇaṁ vā, tad amuṣmin deśe kāle ca pravekṣyati, tad upagṛhāṇa" iti | 28 |

KAZ12.5.29/ tato rasa.viddhaṁ dhānyaṁ snehaṁ kṣāraṁ lavaṇaṁ vā dūṣya.amitra.āṭavikāḥ praveśayeyuḥ, anye vā-abhityaktāḥ | 29 |

KAZ12.5.30/ tena sarva.bhāṇḍa.vīvadha.grahaṇaṁ vyākhyātam | 30 |

[Page 255 ]

KAZ12.5.31/ sandhiṁ vā kṛtvā hiraṇya.eka.deśam asmai dadyāt, vilambamānaḥ śeṣam | 31 |

KAZ12.5.32/ tato rakṣā.vidhānāny avasrāvayet | 32 |

KAZ12.5.33/ agni.rasa.śastrair vā praharet | 33 |

KAZ12.5.34/ hiraṇya.pratigrāhiṇo vā-asya vallabhān anugṛhṇīyāt | 34 |

KAZ12.5.35/ parikṣīṇo vā-asmai durgaṁ dattvā nirgacchet | 35 |

KAZ12.5.36/ suruṅgayā kukṣi.pradareṇa vā prākāra.bhedena nirgacchet | 36 |

KAZ12.5.37/ rātrāv avaskandaṁ dattvā siddhas tiṣṭhet, asiddhaḥ pārśvena-apagacchet | 37 |

KAZ12.5.38/ pāṣaṇḍac.chadmanā manda.parivāro nirgacchet | 38 |

KAZ12.5.39/ preta.vyañjano vā gūḍhair nihriyeta | 39 |

KAZ12.5.40/ strī.veṣa.dhārī vā pretam anugacchet | 40 |

KAZ12.5.41/ daivata.upahāra.śrāddha.prahavaṇeṣu vā rasa.viddham anna.pānam avasṛjya | 41 |

KAZ12.5.42/ kṛta.upajāpo dūṣya.vyañjanair niṣpatya gūḍha.sainyo 'bhihanyāt | 42 |

KAZ12.5.43/ evaṁ gṛhīta.durgo vā prāśya.prāśaṁ caityam upasthāpya daivata.pratimāc.chidraṁ praviśya-āsīta, gūḍha.bhittiṁ vā, daivata.pratimā.yuktaṁ vā bhūmi.gṛham | 43 |

KAZ12.5.44/ vismṛte suruṅgayā rātrau rāja.āvāsam anupraviśya suptam amitraṁ hanyāt | 44 |

KAZ12.5.45/ yantra.viśleṣaṇaṁ vā viśleṣya-adhastād avapātayet | 45 |

KAZ12.5.46/ rasa.agni.yogena-avaliptaṁ gṛhaṁ jatu.gṛhaṁ vā-adhiśayānam amitram ādīpayet | 46 |

KAZ12.5.47/ pramada.vana.vihārāṇām anyatame vā vihāra.sthāne pramattaṁ bhūmi.gṛha.suruṅgā.gūḍha.bhitti.praviṣṭās tīkṣṇā hanyuḥ, gūḍha.praṇihitā vā rasena | 47 |

KAZ12.5.48/ svapato vā niruddhe deśe gūḍhāḥ striyaḥ sarpa.rasa.agni.dhūmān upari muñceyuḥ | 48 |

KAZ12.5.49/ pratyutpanne vā kāraṇe yad yad upapadyeta tat tad amitre 'ntaḥ.pura.gate gūḍha.sañcāraḥ prayuñjīta | 49 |

KAZ12.5.50/ tato gūḍham eva-apagacchet, svajana.sañjñāṁ ca prarūpayet | 50 |

KAZ12.5.51ab/ dvāhsthān varṣadharāṁś ca-anyān nigūḍha.upahitān pare |
KAZ12.5.51cd/tūrya.sañjñābhir āhūya dviṣat.śeṣāṇi ghātayet || 51 ||

13. Book 13: Means of Taking a Fort

[Page 256 ] [Note: [ K tr. 550--572 :: K2 tr. 474--493]

13.1. Chapter 1 (Section 171): Instigation to Sedition

[Note: [ K tr. 550 :: K2 tr. 474]

KAZ13.1.01/ vijigīṣuḥ para.grāmam avāptu.kāmaḥ sarvajña.daivata.samyoga.khyāpanābhyāṁ sva.pakṣam uddharṣayet, para.pakṣaṁ ca-udvejayet | 1 |

KAZ13.1.02/ sarvajña.khyāpanaṁ tu - gṛha.guhya.pravṛtti.jñānena pratyādeśo mukhyānām, kaṇṭaka.śodhana.apasarpa.avagamena prakāśanaṁ rāja.dviṣṭa.kāriṇām, vijñāpya.upāyana.khyāpanam adṛṣṭa.saṁsarga.vidyā.sañjñā.ādibhiḥ, videśa.pravṛtti.jñānaṁ tad ahar eva gṛha.kapotena mudrā.samyuktena | 2 |

KAZ13.1.03/ daivata.samyoga.khyāpanaṁ tu - suruṅgā.mukhena-agni.caitya.daivata.pratimāc.chidrān anupraviṣṭair agni.caitya.daivata.vyañjanaiḥ sambhāṣaṇaṁ pūjanaṁ ca, udakād utthitair vā nāga.varuṇa.vyañjanaiḥ sambhāṣaṇaṁ pūjanaṁ ca, rātrāv antar.udake samudra.vālukā.kośaṁ praṇidhāya-agni.mālā.darśanam, śilā.śikya.avagṛhīte plavake sthānam, udaka.bastinā jarāyuṇā vā śiro 'vagūḍha.nāsaḥ pṛṣata.antra.kulīra.nakra.śiṁśumāra.udravasābhir vā śata.pākyaṁ tailaṁ nastaḥ prayogaḥ | 3 |

KAZ13.1.04/ tena rātri.gaṇaś carati | 4 |

KAZ13.1.05/ ity udaka.caraṇāni | 5 |

KAZ13.1.06/ tair varuṇa.nāga.kanyā.vākya.kriyā sambhāṣaṇaṁ ca, kopa.sthāneṣu mukhād agni.dhūma.utsargaḥ | 6 |

KAZ13.1.07/ tad asya sva.viṣaye kārtāntika.naimittika.mauhūrtika.paurāṇika.ikṣaṇika.gūḍha.puruṣāḥ sācivya.karās tad.darśinaś ca prakāśayeyuḥ | 7 |

KAZ13.1.08/ parasya viṣaye daivata.darśanaṁ divya.kośa.daṇḍa.utpattiṁ ca-asya brūyuḥ | 8 |

KAZ13.1.09/ daivata.praśna.nimitta.vāyasa.aṅga.vidyā.svapna.mṛga.pakṣi.vyāhāreṣu ca-asya vijayaṁ brūyuḥ, viparītam amitrasya | 9 |

KAZ13.1.10/ sadundubhim ulkāṁ ca parasya nakṣatre darśayeyuḥ | 10 |

KAZ13.1.11/ parasya mukhyān mitratvena-upadiśanto dūta.vyañjanāḥ svāmi.satkāraṁ brūyuḥ, sva.pakṣa.bala.ādhānaṁ para.pakṣa.pratighātaṁ ca | 11 |

KAZ13.1.12/ tulya.yoga.kṣemam amātyānām āyudhīyānāṁ ca kathayeyuḥ | 12 |

KAZ13.1.13/ teṣu vyasana.abhyudaya.avekṣaṇam apatya.pūjanaṁ ca prayuñjīta | 13 |

[Page 257 ]

KAZ13.1.14/ tena para.pakṣam utsāhayed yathā.uktaṁ purastāt | 14 |

KAZ13.1.15/ bhūyaś ca vakṣyāmaḥ | 15 |

KAZ13.1.16/ sādhāraṇa.gardabhena dakṣān, lakuṭa.śākhā.hananābhyāṁ daṇḍa.cāriṇaḥ, kula.eḍakena ca-udvignān, aśani.varṣeṇa vimānitān, vidulena-avakeśinā vāyasa.piṇḍena kaitavaja.meghena-iti vihata.āśān durbhaga.alaṅkāreṇa dveṣiṇā-iti pūjā.phalān, vyāghra.carmaṇā mṛtyu.kūṭena ca-upahitān, pīlu.vikhādanena karaka.yoṣṭrayā gardabhī.kṣīrā.abhimanthanena-iti dhruva.upakāriṇa iti | 16 |

KAZ13.1.17/ pratipannān artha.mānābhyāṁ yojayet

KAZ13.1.18/ dravya.bhaktac.chidreṣu ca-enān dravya.bhakta.dānair anugṛhṇīyāt | 18 |

KAZ13.1.19/ apratigṛhṇatāṁ strī.kumāra.alaṅkārān abhihareyuḥ | 19 |

KAZ13.1.20/ durbhikṣa.stena.aṭavy.upaghāteṣu ca paura.jānapadān utsāhayantaḥ sattriṇo brūyuḥ "rājānam anugrahaṁ yācāmahe- niranugrahāḥ paratra gacchāmaḥ" iti | 20 |

KAZ13.1.21ab/ tathā-iti pratipanneṣu dravya.dhānyāny aparigrahaiḥ |
KAZ13.1.21cd/ sācivyaṁ kāryam ity etad upajāpād bhūtaṁ mahat || 21 ||

13.2. Chapter 2 (Section 172): Drawing the Enemy out by Means of Stratagems

[Note: [ K tr. 553 :: K2 tr. 477]

KAZ13.2.01/ muṇḍo jaṭilo vā parvata.guha.āvāsī catur.varṣa.śata.āyur bruvāṇaḥ prabhūta.jaṭila.ante.vāsī nagara.abhyāśe tiṣṭhet | 1 |

KAZ13.2.02/ śiṣyāś ca-asya mūla.phala.upagamanair amātyān rājānaṁ ca bhagavad.darśanāya yojayeyuḥ | 2 |

KAZ13.2.03/ samāgatāś ca rājñā pūrva.rāja.deśa.abhijñānāni kathayet, "śate śate ca varṣāṇāṁ pūrṇe 'ham agniṁ praviśya punar bālo bhavāmi, tad iha bhavat samīpe caturtham agniṁ pravekṣyāmi, avaśyaṁ me bhavān mānayitavyaḥ, trīn varān vṛṇīṣva (vṛṣīṣva?)" iti | 3 |

KAZ13.2.04/ pratipannaṁ brūyāt "sapta.rātram iha saputra.dāreṇa prekṣā.prahavaṇa.pūrvaṁ vastavyam" iti | 4 |

KAZ13.2.05/ vasantam avaskandeta | 5 |

KAZ13.2.06/ muṇḍo vā jaṭilo vā sthānika.vyañjanaḥ prabhūta.jaṭila.ante.vāsī vasta.śoṇita.digdhāṁ veṇu.śalākāṁ suvarṇa.cūrṇena-avalipya valmīke nidadhyād upajihvika.anusaraṇa.artham, svarṇa.nālikāṁ vā | 6 |

KAZ13.2.07/ tataḥ sattrī rājñaḥ kathayet "asau siddhaḥ puṣpitaṁ nidhiṁ jānāti" [Page 258 ]iti | 7 |

KAZ13.2.08/ sa rājñā pṛṣṭhaḥ "tathā" iti brūyāt, tac ca-abhijñānaṁ darśayet, bhūyo vā hiraṇyam antar.ādhāya | 8 |

KAZ13.2.09/ brūyāc ca-enaṁ "nāga.rakṣito 'yaṁ nidhiḥ praṇipāta.sādhyaḥ" iti | 9 |

KAZ13.2.10/ pratipannaṁ brūyāt "sapta.rātram" iti samānam | 10 |

KAZ13.2.11/ sthānika.vyañjanaṁ vā rātrau tejana.agni.yuktam ekānte tiṣṭhantaṁ sattriṇaḥ krama.abhīnītaṁ rājñaḥ kathayeyuḥ "asau siddhaḥ sāmedhikaḥ" iti | 11 |

KAZ13.2.12/ taṁ rājā yam arthaṁ yāceta tam asya kariṣyamāṇaḥ "sapta.rātram" iti samānam | 12 |

KAZ13.2.13/ siddha.vyañjano vā rājānaṁ jambhaka.vidyābhiḥ pralobhayet | 13 |

KAZ13.2.14/ taṁ rājā-iti samānam | 14 |

KAZ13.2.15/ siddha.vyañjano vā deśa.devatām abhyarhitām āśritya prahavaṇair abhīkṣṇaṁ prakṛti.mukhyān abhisaṁvāsya krameṇa rājānam atisandadhyāt | 15 |

KAZ13.2.16/ jaṭila.vyañjanam antar.udaka.vāsinaṁ vā sarva.śvetaṁ taṭa.suruṅgā.bhūmi.gṛha.apasaraṇaṁ varuṇaṁ nāga.rājaṁ vā sattriṇaḥ krama.abhinītaṁ rājñaḥ kathayeyuḥ | 16 |

KAZ13.2.17/ taṁ rājā-iti samānam | 17 |

KAZ13.2.18/ jana.pada.ante.vāsī siddha.vyañjano vā rājānaṁ śatru.darśanāya yojayet | 18 |

KAZ13.2.19/ pratipannaṁ bimbaṁ kṛtvā śatrum āvāhayitvā niruddhe deśe ghātayet | 19 |

KAZ13.2.20/ aśva.paṇya.upayātā vaidehaka.vyañjanāḥ paṇya.upāyana.nimittam āhūya rājānaṁ paṇya.parīkṣāyām āsaktam aśva.vyatikīrṇaṁ vā hanyuḥ, aśvaiś ca prahareyuḥ | 20 |

KAZ13.2.21/ nagara.abhyāśe vā caityam āruhya rātrau tīkṣṇāḥ kumbheṣu nālīn vā vidulāni dhamantaḥ "svāmino mukhyānāṁ vā māṁsāni bhakṣayiṣyāmaḥ, pūjā no vartatām" ity avyaktaṁ brūyuḥ | 21 |

KAZ13.2.22/ tad eṣāṁ naimittika.mauhūrtika.vyañjanāḥ khyāpayeyuḥ | 22 |

KAZ13.2.23/ maṅgalye vā hrade taṭāka.madhye vā rātrau tejana.taila.abhyaktā nāga.rūpiṇaḥ śakti.musalāny ayomayāni niṣpeṣayantas tathaiva brūyuḥ | 23 |

KAZ13.2.24/ ṛkṣa.carma.kañcukino vā-agni.dhūma.utsarga.yuktā rakṣo.rūpaṁ vahantas trir apasavyaṁ nagaraṁ kurvāṇāḥ śva.sṛgāla.vāśita.antareṣu tathaiva brūyuḥ | 24 |

KAZ13.2.25/ caitya.daivata.pratimāṁ vā tejana.tailena-abhra.paṭalac.channena-agninā vā rātrau prajvālya tathaiva brūyuḥ | 25 |

KAZ13.2.26/ tad anye khyāpayeyuḥ | 26 |

KAZ13.2.27/ daivata.pratimānām abhyarhitānāṁ vā śoṇitena prasrāvam atimātraṁ kuryuḥ | 27 |

KAZ13.2.28/ tad anye deva.rudhira.saṁsrāve saṅgrāme parājayaṁ brūyuḥ | 28 |

[Page 259 ]

KAZ13.2.29/ sandhi.rātriṣu śmaśāna.pramukhe vā caityam ūrdhva.bhakṣitair manuṣyaiḥ prarūpayeyuḥ | 29 |

KAZ13.2.30/ tato rakṣo.rūpī manuṣyakaṁ yāceta | 30 |

KAZ13.2.31/ yaś ca-atra śūra.vādiko 'nyatamo vā draṣṭum āgacchet tam anye loha.musalair hanyuḥ, yathā rakṣobhir hata iti jñāyeta | 31 |

KAZ13.2.32/ tad adbhutaṁ rājñas tad.darśinaḥ sattriṇaś ca kathayeyuḥ | 32 |

KAZ13.2.33/ tato naimititka.mauhūrtika.vyañjanāḥ śāntiṁ prāyaś.cittaṁ brūyuḥ "anyathā mahad akuśalaṁ rājño deśasya ca" iti | 33 |

KAZ13.2.34/ pratipannaṁ "eteṣu sapta.rātram eka.eka.mantra.bali.homaṁ svayaṁ rājñā kartavyam" iti brūyuḥ | 34 |

KAZ13.2.35/ tataḥ samānam | 35 |

KAZ13.2.36/ etān vā yogān ātmani darśayitvā pratikurvīta pareṣām upadeśa.artham | 36 |

KAZ13.2.37/ tataḥ prayojayed yogān | 37 |

KAZ13.2.38/ yoga.darśana.pratīkāreṇa vā kośa.abhisaṁharaṇaṁ kuryāt | 38 |

KAZ13.2.39/ hasti.kāmaṁ vā nāga.vana.pālā hastinā lakṣaṇyena pralobhayeyuḥ | 39 |

KAZ13.2.40/ pratipannaṁ gahanam eka.ayanaṁ vā-atinīya ghātayeyuḥ, baddhvā vā-apahareyuḥ | 40 |

KAZ13.2.41/ tena mṛgayā.kāmo vyākhyātaḥ | 41 |

KAZ13.2.42/ dravya.strī.lolupam āḍhya.vidhavābhir vā parama.rūpa.yauvanābhiḥ strībhir dāya.nikṣepa.artham upanītābhiḥ sattriṇaḥ pralobhayeyuḥ | 42 |

KAZ13.2.43/ pratipannaṁ rātrau sattrac.channāḥ samāgame śastra.rasābhyāṁ ghātayeyuḥ | 43 |

KAZ13.2.44/ siddha.pravrajita.caitya.stūpa.daivata.pratimānām abhīkṣṇa.abhigamaneṣu vā bhūmi.gṛha.suruṅga.ārūḍha.bhitti.praviṣṭās tīkṣṇāḥ param abhihanyuḥ | 44 |

KAZ13.2.45ab/ yeṣu deśeṣu yāḥ prekṣāḥ prekṣate pārthivaḥ svayam |
KAK13.2.45cd/ yātrā.vihāre ramate yatra krīḍati vā-ambhasi || 45 ||
KAZ13.2.46ab/ dhig.ukty.ādiṣu sarveṣu yajña.prahavaṇeṣu vā |
KAZ13.2.46cd/ sūtikā.preta.rogeṣu prīti.śoka.bhayeṣu vā || 46 ||
KAZ13.2.47ab/ pramādaṁ yāti yasmin vā viśvāsāt sva.jana.utsave |
KAZ13.2.47cd/ yatra-asya-ārakṣi.sañcāro durdine saṅkuleṣu vā || 47 ||
KAZ13.2.48ab/ vipra.sthāne pradīpte vā praviṣṭe nirjane 'pi vā |
KAZ13.2.48cd/ vastra.ābharaṇa.mālyānāṁ phelābhiḥ śayana.āsanaiḥ || 48 ||
KAZ13.2.49ab/ madya.bhojana.phelābhis tūryair vā-abhigatāḥ saha |
KAZ13.2.49cd/ prahareyur ariṁ tīkṣṇāḥ pūrva.praṇihitaiḥ saha || 49 ||
[Page 260 ]
KAZ13.2.50ab/ yathaiva praviśeyuś ca dviṣataḥ sattra.hetubhiḥ |
KAZ13.2.50cd/ tathaiva ca-apagaccheyur ity uktaṁ yoga.vāmanam || 50 ||

13.3. Chapter 3 (Section 173): Employment of Secret Agents

[Note: [ K tr. 558 :: K2 tr. 481]

KAZ13.3.01/ śreṇī.mukhyam āptaṁ niṣpātayet | 1 |

KAZ13.3.02/ sa param āśrtya pakṣa.apadeśena sva.viṣayāt sācivya.kara.sahāya.upādānaṁ kurvīta | 2 |

KAZ13.3.03/ kṛta.apasarpa.upacayo vā param anumānya svāmino dūṣya.grāmaṁ vīta.hasty.aśvaṁ dūṣya.amātyaṁ daṇḍam ākrandaṁ vā hatvā parasya preṣayet | 3 |

KAZ13.3.04/ jana.pada.eka.deśaṁ śreṇīm aṭavīṁ vā sahāya.upādāna.arthaṁ saṁśrayeta | 4 |

KAZ13.3.05/ viśvāsam upagataḥ svāminaḥ preṣayet | 5 |

KAZ13.3.06/ tataḥ svāmī hasti.bandhanam aṭavī.ghātaṁ vā-apadiśya gūḍham eva praharet | 6 |

KAZ13.3.07/ etena-amātya.aṭavikā vyākhyātāḥ | 7 |

KAZ13.3.08/ śatruṇā maitrīṁ kṛtvā-amātyān avakṣipet | 8 |

KAZ13.3.09/ te tat.śatroḥ preṣayeyuḥ "bhartāraṁ naḥ prasādaya" iti | 9 |

KAZ13.3.10/ sa yaṁ dūtaṁ preṣayet, tam upālabheta "bhartā te mām amātyair bhedayati, na ca punar iha-āgantavyam" iti | 10 |

KAZ13.3.11/ atha-ekam amātyaṁ niṣpātayet | 11 |

KAZ13.3.12/ sa param āśritya yoga.apasarpa.aparakta.dūṣyān aśaktimataḥ stena-āṭavikān ubhaya.upaghātakān vā parasya-upaharet | 12 |

KAZ13.3.13/ āpta.bhāva.upagataḥ pravīra.puruṣa.upaghātam asya-upahared anta.pālam āṭavikaṁ daṇḍa.cāriṇaṁ vā "dṛḍham asau ca-asau ca te śatruṇā sandhatte" iti | 13 |

KAZ13.3.14/ atha paścād abhityakta.śāsanair enān ghātayet | 14 |

KAZ13.3.15/ daṇḍa.bala.vyavahāreṇa vā śatrum udyojya ghātayet | 15 |

KAZ13.3.16/ kṛtya.pakṣa.upagraheṇa vā parasya.amitraṁ rājānam ātmany apakārayitvā-abhiyuñjīta | 16 |

KAZ13.3.17/ tataḥ parasya preṣayet "asau te vairī mama-apakaroti, tam ehi sambhūya haniṣyāvaḥ, bhūmau hiraṇye vā te parigrahaḥ" iti | 17 |

KAZ13.3.18/ pratipannam abhisatkṛtya-āgatam avaskandena prakāśayuddhena vā śatruṇā ghātayet | 18 |

KAZ13.3.19/ abhiviśvāsana.arthaṁ bhūmi.dāna.putra.abhiṣeka.rakṣā.apadeśena vā grāhayet | 19 |

KAZ13.3.20/ aviṣahyam upāṁśu.daṇḍena vā ghātayet | 20 |

KAZ13.3.21/ sa ced daṇḍaṁ dadyān na [Page 261 ]svayam āgacchet tam asya vairiṇā ghātayet | 21 |

KAZ13.3.22/ daṇḍena vā prayātum icchen na vijigīṣuṇā tathā-apy enam ubhayataḥ.sampīḍanena ghātayet | 22 |

KAZ13.3.23/ aviśvasto vā pratyekaśo yātum icched rājya.eka.deśaṁ vā yātavyasya-ādātu.kāmaḥ, tathā-apy enaṁ vairiṇā sarva.sandohena vā ghātayet | 23 |

KAZ13.3.24/ vairiṇā vā saktasya daṇḍa.upanayena mūlam anyato hārayet | 24 |

KAZ13.3.25/ śatru.bhūmyā vā mitraṁ paṇeta, mitra.bhūmyā vā śatrum | 25 |

KAZ13.3.26/ tataḥ śatru.bhūmi.lipsāyāṁ mitreṇa-ātmany apakārayitvā-abhiyuñjīta - iti samānāḥ pūrveṇa sarva eva yogāḥ | 26 |

KAZ13.3.27/ śatruṁ vā mitra.bhūmi.lipsāyāṁ pratipannaṁ daṇḍena-anugṛhṇīyāt | 27 |

KAZ13.3.28/ tato mitra.gatam atisandadhyāt | 28 |

KAZ13.3.29/ kṛta.pratividhāno vā vyasanam ātmano darśayitvā mitreṇa-amitram utsāhayitvā-ātmānam abhiyojayet | 29 |

KAZ13.3.30/ tataḥ sampīḍanena ghātayet, jīva.grāheṇa vā rājya.vinimayaṁ kārayet | 30 |

KAZ13.3.31/ mitreṇa-āśritaś cet-śatrur agrāhye sthātum icchet sāmanta.ādibhir mūlam asya hārayet | 31 |

KAZ13.3.32/ daṇḍena vā trātum ichet tam asya ghātayet | 32 |

KAZ13.3.33/ tau cen na bhidyeyātāṁ prakāśam eva-anyonya.bhūmyā paṇeta | 33 |

KAZ13.3.34/ tataḥ parasparaṁ mitra.vyañjanā vā ubhaya.vetanā vā dūtān preṣayeyuḥ "ayaṁ te rājā bhūmiṁ lipsate śatru.saṁhitaḥ" iti | 34 |

KAZ13.3.35/ tayor anyataro jāta.āśaṅka.āroṣaḥ, pūrvavac ceṣteta | 35 |

KAZ13.3.36/ durga.rāṣṭra.daṇḍa.mukhyān vā kṛtya.pakṣa.hetubhir abhivikhyāpya pravrājayet | 36 |

KAZ13.3.37/ te yuddha.avaskanda.avarodha.vyasaneṣu śatrum atisandadhyuḥ | 37 |

KAZ13.3.38/ bhedaṁ vā-asya sva.vargebhyaḥ kuryuḥ | 38 |

KAZ13.3.39/ abhityakta.śāsanaiḥ pratisamānayeyuḥ | 39 |

KAZ13.3.40/ lubdhaka.vyañjanā vā māṁsa.vikrayeṇa dvāhsthā dauvārika.apāśrayāś cora.abhyāgamaṁ parasya dvis trir iti nivedya labdha.pratyayā bhartur anīkaṁ dvidhā niveśya grāma.vadhe 'vaskande ca dviṣato brūyuḥ "āsannaś cora.gaṇaḥ, mahāṁś ca-ākrandaḥ, prabhūtaṁ sainyam āgacchatu" iti | 40 |

KAZ13.3.41/ tad arpayitvā grāma.ghāta.daṇḍasya sainyam itarad ādāya rātrau durga.dvāreṣu brūyuḥ "hataś cora.gaṇaḥ, siddha.yātram idaṁ sainyam āgatam, dvāram apāvriyatām" iti | 41 |

KAZ13.3.42/ pūrva.praṇihitā vā dvārāṇi dadyuḥ | 42 |

KAZ13.3.43/ taiḥ saha prahareyuḥ | 43 |

[Page 262 ]

KAZ13.3.44/ kāru.śilpi.pāṣaṇḍa.kuśīlava.vaidehaka.vyañjanān āyudhīyān vvā para.durge praṇidadhyāt | 44 |

KAZ13.3.45/ teṣāṁ gṛha.patika.vyañjanāḥ kāṣṭha.tṛṇa.dhānya.paṇya.śakaṭaiḥ praharaṇa.āvaraṇāny abhihareyuḥ, deva.dhvaja.pratimābhir vā | 45 |

KAZ13.3.46/ tatas tad.vyañjanāḥ pramatta.vadham avaskanda.pratigraham abhipraharaṇaṁ pṛṣṭhataḥ śaṅkha.dundubhi.śabdena vā "praviṣṭam" ity āvedayeyuḥ | 46 |

KAZ13.3.47/ prākāra.dvāra.aṭṭālaka.dānam anīka.bhedaṁ ghātaṁ vā kuryuḥ | 47 |

KAZ13.3.48/ sārtha.gaṇa.vāsibhir ātivāhikaiḥ kanyā.vāhikair aśva.paṇya.vyavahāribhir upakaraṇa.hārakair dhānya.kretṛ.vikretṛbhir vā pravrajita.liṅgibhir dūtaiś ca daṇaḍ.atinayanam, sandhi.karma.viśvāsana.artham | 48 |

KAZ13.3.49/ iti rāja.apasarpāḥ | 49 |

KAZ13.3.50/ eta eva-aṭavīnām apasarpāḥ kaṇṭaka.śodhana.uktāś ca | 50 |

KAZ13.3.51/ vrajam aṭavy.āsannam apasarpāḥ sārthaṁ vā corair ghātayeyuḥ | 51 |

KAZ13.3.52/ kṛta.saṅketam anna.pānaṁ ca-atra madana.rasa.viddhaṁ vā kṛtvā-apagaccheyuḥ | 52 |

KAZ13.3.53/ go.pālaka.vaidehakāś ca tataś corān gṛhīta.loptra.bhārān madana.rasa.vikāra.kāle 'vaskandayeyuḥ | 53 |

KAZ13.3.54/ saṅkarṣaṇa.daivatīyo vā muṇḍa.jaṭila.vyañjanaḥ prahavaṇa.karmaṇā madana.rasa.yogena-atisandadhyāt | 54 |

KAZ13.3.55/ atha-avaskandaṁ dadyāt | 55 |

KAZ13.3.56/ śauṇḍika.vyañjano vā daivata.preta.kārya.utsava.samājeṣv āṭavikān surā.vikraya.upāyana.nimittaṁ madana.rasa.yogena-atisandadhyāt | 56 |

KAZ13.3.57/ atha-avaskandaṁ dadyāt | 57 |

KAZ13.3.58ab/ grāma.ghāta.praviṣṭāṁ vā vikṣipya bahudhā-aṭavīm |
KAZ13.3.58cd/ ghātayed iti corāṇām apasarpāḥ prakīrtitāḥ || 58 ||

13.4. Chapter 4 (Sections 174; 175): Laying Siege to a Fort; Storming a Fort

[Note: [ K tr. 564 :: K2 tr. 485]

KAZ13.4.01/ karśana.pūrvaṁ paryupāsana.karma | 1 |

[Page 263 ]

KAZ13.4.02/ jana.padaṁ yathā.niviṣṭam abhaye sthāpayet | 2 |

KAZ13.4.03/ utthitam anugraha.parihārābhyāṁ niveṣayet, anyatra-apasarataḥ | 3 |

KAZ13.4.04/ saṅgrāmād anyasyāṁ bhūmau niveśayet, ekasyāṁ vā vāsayet | 4 |

KAZ13.4.05/ na hy ajano jana.pado rājyam ajana.padaṁ vā bhavati-iti kauṭilyaḥ | 5 |

KAZ13.4.06/ viṣamasthasya muṣṭiṁ sasyaṁ vā hanyād, vīvadha.prasārau ca | 6 |

KAZ13.4.07ab/ prasāra.vīvadhac.chedān muṣṭi.sasya.vadhād api |
KAZ13.4.07cd/ vamanād gūḍha.ghātāc ca jāyate prakṛti.kṣayaḥ || 7 ||

KAZ13.4.08/ "prabhūta.guṇa.vaddha.anya.kupya.yantra.śastra.āvaraṇa.viṣṭir aśmi.samagraṁ me sainyam, ṛtuś ca purastāt, apartuḥ parasya, vyādhi.durbhikṣa.nicaya.rakṣā.kṣayaḥ krīta.bala.nirvedo mitra.bala.nirvedaś ca" iti paryupāsīta | 8 |

KAZ13.4.09/ kṛtvā skandha.āvārasya rakṣāṁ vīvadha.āsārayoḥ pathaś ca, parikṣipya durgaṁ khāta.sālābhyām, dūṣayitvā-udakam, avasrāvya parikhāḥ sampūrayitvā vā, suruṅgā.bala.kuṭikābhyāṁ vapra.prākārau hārayet, dāraṁ ca guḍena | 9 |

KAZ13.4.10/ nimnaṁ vā pāṁsu.mālayā-ācchādayet | 10 |

KAZ13.4.11/ bahula.ārakṣaṁ yantrair ghātayet | 11 |

KAZ13.4.12/ niṣkirād upaniṣkṛṣya-aśvaiś ca prahareyuḥ | 12 |

KAZ13.4.13/ vikrama.antareṣu ca niyoga.vikalpa.samuccayaiś ca-upāyānāṁ siddhiṁ lipseta | 13 |

KAZ13.4.14/ durga.vāsinaḥ śyena.kāka.naptṛ.bhāsa.śuka.sārika.ulūka.kapotān grāhayitvā puccheṣv agni.yoga.yuktān para.durge visṛjet | 14 |

KAZ13.4.15/ apakṛṣṭa.skandha.āvārād ucchrita.dhvaja.dhanva.ārakṣo vā mānuṣeṇa-agninā para.durgam ādīpayet | 15 |

KAZ13.4.16/ gūḍha.purṣāś ca-antar.durga.pālakā nakula.vānara.biḍāla.śunāṁ puccheṣv agni.yogam ādhāya kāṇḍa.nicaya.rakṣā.vidhāna.veśmasu visṛjeyuḥ | 16 |

KAZ13.4.17/ śuṣka.matsyānām udareṣv agnim ādhāya vallūre vā vāyasa.upahāreṇa vayobhir hārayeyuḥ | 17 |

KAZ13.4.18/ sarala.deva.dāru.pūti.tṛṇa.guggulu.śrī.veṣṭakasarjarasalākṣāgulikāḥ khara.uṣṭra.ajāvīnāṁ leṇḍaṁ ca-agni.dhāraṇam | 18 |

KAZ13.4.19/ priyāla.cūrṇam avalgu.jamaṣī.madhu.ucchiṣṭam aśva.khara.uṣṭra.go.leṇḍam ity eṣa kṣepyo 'gni.yogaḥ | 19 |

KAZ13.4.20/ sarva.loha.cūrṇam agni.varṇaṁ vā kumbhī.sīsa.trapu.cūrṇaṁ vā pāribhadraka.palāśa.puṣpa.keśa.maṣī.taila.madhu.ucchiṣṭaka.śrī.- veṣṭaka.yukto 'gni.yogo viśvāsa.ghātī vā | 20 |

KAZ13.4.21/ tena-avaliptaḥ śaṇa.trapusa.valka.veṣṭito bāṇa ity agni.yogaḥ | 21 |

[Page 264 ]

KAZ13.4.22/ na tv eva vidyamāne parākrame 'gnim avasṛjet | 22 |

KAZ13.4.23/ aviśvāsyo hy agnir daiva.pīḍanaṁ ca, apratisaṅkhyāta.prāṇi.dhānya.paśu.hiraṇya.kupya.dravya.kṣaya.karaḥ | 23 |

KAZ13.4.24/ kṣīṇa.nicayaṁ ca-avāptam api rājyaṁ kṣayāya-eva bhavati | 24 | iti paryupāsana.karma |

KAZ13.4.25/ "sarva.ārambha.upakaraṇa.viṣṭi.sampanno 'smi, vyādhitaḥ para upadhā.viruddha.prakṛtir akṛta.durga.karma.nicayo vā, nirāsāraḥ sāsāro vā purā mitraiḥ sandhatte" ity avamarda.kālaḥ | 25 |

KAZ13.4.26/ svayam agnau jāte samutthāpite vā prahavaṇe prekṣā.anīka.darśana.saṅga.saurika.kalaheṣu nitya.yuddha.śrānta.bale bahula.yuddha.pratividdha.preta.puruṣe jāgaraṇa.klānta.supta.jane durdine nadī.vege vā nīhāra.samplave vā-avamṛdnīyāt | 26 |

KAZ13.4.27/ skandha.āvāram utsṛjya vā vana.gūḍhaḥ śatruṁ niṣkrāntaṁ ghātayet | 27 |

KAZ13.4.28/ mitra.āsāra.mukhya.vyañjano vā samruddhena maitrīṁ kṛtvā dūtam abhityaktaṁ preṣayet - "idaṁ te chidram, ime dūṣyāḥ" "samroddhur vā chidram, ayaṁ te kṛtya.pakṣaḥ" iti | 28 |

KAZ13.4.29/ taṁ pratidūtam ādāya nirgacchantaṁ vijigīṣur gṛhītvā doṣam abhivikhyāpya pravāsya apagacchet | 29 |

KAZ13.4.30/ tato mitra.āsāra.vyañjano vā samruddhaṁ brūyāt "māṁ trātum upanirgaccha, mayā vā saha samroddhāraṁ jahi" iti | 30 |

KAZ13.4.31/ pratipannam ubhayataḥ.sampīḍanena ghātayet, jīva.grāheṇa vā rājya.vinimayaṁ kārayet | 31 |

KAZ13.4.32/ nagaraṁ vā-asya pramṛdnīyāt | 32 |

KAZ13.4.33/ sāra.balaṁ vā-asya vamayitvā-abhihanyāt | 33 |

KAZ13.4.34/ tena daṇḍa.upanata.āṭavikā vyākhyātāḥ | 34 |

KAZ13.4.35/ daṇḍa.upanata.āṭavikayor anyataro vā samruddhasya preṣayet - "ayaṁ samroddhā vyādhitaḥ, pārṣṇi.grāheṇa-abhiyuktaḥ, chidram anyad utthitam, anyasyāṁ bhūmāv apayātu.kāmaḥ" iti | 35 |

KAZ13.4.36/ pratipanne samroddhā skandha.āvāram ādīpya-apayāyāt | 36 |

KAZ13.4.37/ tataḥ pūrvavad ācaret | 37 |

KAZ13.4.38/ paṇya.sampātaṁ vā kṛtvā paṇyena-enaṁ rasa.viddhena-atisandadhyāt | 38 |

KAZ13.4.39/ āsāra.vyañjano vā samruddhasya dūtaṁ preṣayet - "mayā bāhyam abhihatam upanirgaccha-abhihantum" iti | 39 |

KAZ13.4.40/ pratipannaṁ pūrvavad ācaret | 40 |

KAZ13.4.41/ mitraṁ bandhuṁ vā-apadiśya yoga.puruṣāḥ śāsana.mudrā.hastāḥ praviśya durgaṁ grāhayeyuḥ | 41 |

KAZ13.4.42/ āsāra.vyañjñano vā samruddhasya preṣayet - "amuṣmin deśe kāle ca skandha.āvāram abhihaniṣyāmi, yuṣmābhir api yoddhavyam" iti | 42 |

KAZ13.4.43/ pratipannaṁ yathā.uktam abhyāghāta.saṅkulaṁ darśayitvā rātrau durgān niṣkrāntaṁ ghātayet | 43 |

[Page 265 ]

KAZ13.4.44/ yad vā mitram āvāhayed āṭavvikaṁ vā, tam utsāhayet "vikramya samruddhe bhūmim asya pratipadyasva" iti | 44 |

KAZ13.4.45/ vikrāntaṁ prakṛtibhir dūṣya.mukhya.upagraheṇa vā ghātayet, svayaṁ vā rasena "mitra.ghātako 'yam" ity avāpta.arthaḥ | 45 |

KAZ13.4.46/ vikramitu.kāmaṁ vā mitra.vyañjanaḥ parasya-abhiśaṁset | 46 |

KAZ13.4.47/ āpta.bhāva.upagataḥ pravīra.puruṣānasya-upaghātayet | 47 |

KAZ13.4.48/ sandhiṁ vā kṛtvā jana.padam enaṁ niveśayet | 48 |

KAZ13.4.49/ niviṣṭam asya jana.padam avijñāto hanyāt | 49 |

KAZ13.4.50/ apakārayitvā dūṣya.āṭavikeṣu vā bala.eka.deśam atinīya durgam avaskandena hārayet | 50 |

KAZ13.4.51/ dūṣya.amitra.āṭavika.dveṣya.pratyapasṛtāś ca kṛta.artha.māna.sañjñā.cihnāḥ para.durgam avaskandeyuḥ | 51 |

KAZ13.4.52/ para.durgam avaskandya skandha.āvāraṁ vā patita.parān.mukha.abhipannam ukta.keśa.śastra.bhaya.virūpebhyaś ca-abhayam ayudhyamānebhyaś ca dadyuḥ | 52 |

KAZ13.4.53/ para.durgam avāpya viśuddha.śatru.pakṣaṁ kṛta.upāṁśu.daṇḍa.pratīkāram antar.bahiś ca praviśet | 53 |

KAZ13.4.54/ evaṁ vijigīṣur amitra.bhūmiṁ labdhvā madhyamaṁ lipseta, tat.siddhāv udāsīnam | 54 |

KAZ13.4.55/ eṣa prathamo mārgaḥ pṛthivīṁ jetum | 55 |

KAZ13.4.56/ madhyama.udāsīnayor abhāve guṇa.atiśayena-ari.prakṛtīḥ sādhayet, tata uttarāḥ prakṛtīḥ | 56 |

KAZ13.4.57/ eṣa dvitīyo mārgaḥ | 57 |

KAZ13.4.58/ maṇḍalasya-abhāve śatruṇā mitraṁ mitreṇa vā śatrum ubhayataḥ.sampīḍanena sādhayet | 58 |

KAZ13.4.59/ eṣa.tṛtīyo mārgaḥ | 59 |

KAZ13.4.60/ śakyam ekaṁ vā sāmantaṁ sādhayet, tena dvi.guṇo dvitīyam, tri.guṇas tṛtīyam | 60 |

KAZ13.4.61/ eṣa caturtho mārgaḥ pṛthivīṁ jetum | 61 |

KAZ13.4.62/ jitvā ca pṛthivīṁ vibhakta.varṇa.āśramāṁ sva.dharmeṇa bhuñjīta | 62 |

KAZ13.4.63ab/ upajāpo 'pasarpaś ca vāmanaṁ paryupāsanam |
KAZ13.4.63cd/ avamardaś ca pañca-ete durga.lambhasya hetavaḥ || 63 ||

13.5. Chapter 5 (Section 176): Pacification of the Conquered Territory

[Page 266 ] [Note: [ K tr. 570 :: K2 tr. 491]

KAZ13.5.01/ dvividhaṁ vijigīṣoḥ samutthānaṁ - aṭavy.ādikam eka.grāma.ādikaṁ ca | 1 |

KAZ13.5.02/ trividhaś ca-asya lambhaḥ - navo, bhūta.pūrvaḥ, pitrya iti | 2 |

KAZ13.5.03/ navam avāpya lābhaṁ para.doṣān sva.guṇaiś chādayet, guṇān guṇa.dvaiguṇyena | 3 |

KAZ13.5.04/ sva.dharma.karma.anugraha.parihāra.dāna.māna.karmabhiś ca prakṛti.priya.hitāny anuvarteta | 4 |

KAZ13.5.05/ yathā.sambhāṣitaṁ ca kṛtya.pakṣam upagrāhayet, bhūyaś ca kṛta.prayāsam | 5 |

KAZ13.5.06/ aviśvāso hi visaṁvādakaḥ sveṣāṁ pareṣāṁ ca bhavati, prakṛti.viruddha.ācāraś ca | 6 |

KAZ13.5.07/ tasmāt samāna.śīla.veṣa.bhāṣā.ācāratām upagachet | 7 |

KAZ13.5.08/ deśa.daivata.smāja.utsava.vihāreṣu ca bhaktim anuvarteta | 8 |

KAZ13.5.09/ deśa.grāma.jāti.saṅgha.mukhyeṣu ca-abhīkṣṇaṁ sattriṇaḥ parasya-apacāraṁ darśayeyuḥ, māhābhāgyaṁ bhaktiṁ ca teṣu svāminaḥ, svāmi.satkāraṁ ca vidyamānam | 9 |

KAZ13.5.10/ ucitaiś ca-enān bhoga.parihāra.rakṣā.avekṣaṇair bhuñjīta | 10 |

KAZ13.5.11/ sarva.devatā.āśrama.pūjanaṁ ca vidyā.vākya.dharma.śūra.puruṣāṇāṁ ca bhūmi.dravya.dāna.parihārān kārayet, sarva.bandhana.mokṣaṇam anugrahaṁ dīna.anātha.vyādhitānāṁ ca | 11 |

KAZ13.5.12/ cāturmāsyeṣv ardha.māsikam aghātam, paurṇamāsīṣu ca cātūrātrikaṁ rāja.deśa.nakṣatreṣv aikarātrikam | 12 |

KAZ13.5.13/ yoni.bāla.vadhaṁ puṁstva.upaghātaṁ ca pratiṣedhayet | 13 |

KAZ13.5.14/ yac ca kośa.daṇḍa.upaghātakam adharmiṣṭhaṁ vā caritraṁ manyeta tad apanīya dharmya.vyavahāraṁ sthāpayet | 14 |

KAZ13.5.15/ cora.prakṛtīnāṁ mleccha.jātīnāṁ ca sthāna.viparyāsam anekasthaṁ kārayet, durga.rāṣṭra.daṇḍa.mukhyānāṁ ca | 15 |

KAZ13.5.16/ parā.upagṛhītānāṁ ca mantri.purohitānāṁ parasya pratyanteṣv anekasthaṁ vāsaṁ kārayet | 16 |

KAZ13.5.17/ apakāra.samarthān anukṣiyato vā bhartṛ.vināśam upāṁśu.daṇḍena praśamayet | 17 |

KAZ13.5.18/ sva.deśīyān vā pareṇa vā-aparuddhān apavāhita.sthāneṣu sthāpayet | 18 |

KAZ13.5.19/ yaś ca tat.kulīnaḥ pratyādeyam ādātuṁ śaktaḥ, pratyanta.aṭavīstho vā prabādhitum abhijātaḥ, tasmai viguṇāṁ bhūmiṁ prayacchet, guṇavatyāś catur.bhāgaṁ vā kośa.daṇḍa.dānam avasthāpya, yad upakurvāṇaḥ paura.jānapadān kopayet | 19 |

KAZ13.5.20/ kupitais tair enaṁ ghātayet | 20 |

KAZ13.5.21/ prakṛtibhir upakruṣṭam apanayet, aupaghātike vā deśe niveśayet | iti | 21 |

[Page 267 ]

KAZ13.5.22/ bhūta.pūrve yena doṣeṇa-apavṛttas taṁ prakṛti.doṣaṁ chādayet, yena ca guṇena-upāvṛttas taṁ tīvrī.kuryāt | iti | 22 |

KAZ13.5.23/ pitrye pitur doṣāṁś chādayet, guṇāṁś ca prakāśayet | iti | 23 |

KAZ13.5.24ab/ caritram akṛtaṁ dharmyaṁ kṛtaṁ ca-anyaiḥ pravartayet |
KAZ13.5.24cd/ pravartayen na ca-adharmyaṁ kṛtaṁ ca-anyair nivartayet || 24 ||

14. Book 14: Concerning Secret Practices

[Page 268 ] [Note: [ K tr. 573--592 :: K2 tr. 494--511]

14.1. Chapter 1 (Section 177): Secret Practices for the Destruction of Enemy Troops

[Note: [ K tr. 573 :: K2 tr. 494]

KAZ14.1.01/ cāturvarṇya.rakṣā.artham aupaniṣadikam adharmiṣṭheṣu prayuñjīta | 1 |

KAZ14.1.02/ kāla.kūṭa.ādir viṣa.vargaḥ śraddheya.deśa.veṣa.śilpa.bhāṣā.abhijana.apadeśaiḥ kubja.vāmana.kirāta.mūka.badhira.jaḍa.andhac.chadmabhir mleccha.jātīyair abhipretaiḥ strībhiḥ pumbhiś ca para.śarīra.upabhogeṣv avadhātavyaḥ | 2 |

KAZ14.1.03/ rāja.krīḍā.bhāṇḍa.nidhāna.dravya.upabbhogeṣu gūḍhāḥ śastra.nidhānaṁ kuryuḥ, sattra.ājīvinaś ca rātri.cāriṇo 'gni.jīvinaś ca-agni.nidhānam | 3 |

KAZ14.1.04/ citra.bheka.kauṇḍinyaka.kṛkaṇa.pañca.kuṣṭha.śata.padī.cūrṇam ucci.diṇga.kambalī.śata.kanda(kardama?).idhma.kṛkalāsa.cūrṇaṁ gṛha.golika.andha.ahi.kakra.kaṇṭaka.pūti.kīṭa.gomārikā.cūrṇaṁ bhallātaka.avalgu.jara.samyuktaṁ sadyaḥ.prāṇa.haram, eteṣāṁ vā dhūmaḥ | 4 |

KAZ14.1.05ab/ kīṭo vā-anyatamas taptaḥ kṛṣṇa.sarpa.priyaṅgubhiḥ |
KAZ14.1.05cd/ śoṣayed eṣa samyogaḥ sadyaḥ.prāṇa.haro mataḥ || 5 ||

KAZ14.1.06/ dhāma.argava.yātu.dhāna.mūlaṁ bhallātaka.puṣpa.cūrṇa.yuktam ārdhamāsikaḥ | 6 |

KAZ14.1.07/ vyāghātaka.mūlaṁ bhallātaka.puṣpa.cūrṇa.yuktaṁ kīṭa.yogo māsikaḥ | 7 |

KAZ14.1.08/ kalā.mātraṁ puruṣāṇām, dvi.guṇaṁ khara.aśvānām, catur.guṇaṁ hasty.uṣṭrāṇām | 8 |

KAZ14.1.09/ śata.kardama.uccidiṅga.kara.vīra.kaṭu.tumbī.matsya.dhūmo madana.kodrava.palālena hasti.karṇa.palāśa.palālena vā pravāta.anuvāte praṇīto yāvac carati tāvan mārayati | 9 |

KAZ14.1.10/ pūki.kīṭa.mastya.kaṭu.tumbī.śata.kardama.idhma.indra.gopa.cūrṇaṁ pūti.kīṭa.kṣudra.ārālā.hema.vidārī.cūrṇaṁ vā basta.śṛṅga.khura.cūrṇa.yuktam andhī.karo dhūmaḥ | 10 |

KAZ14.1.11/ pūti.karañja.pattra.hari.tāla.manaḥ.śilā.guñja.ārakta.kārpāsa.- palāla.anya.āsphoṭa.kāca.go.śakṛd.rasa.piṣṭam andhī.karo dhūmaḥ | 11 |

KAZ14.1.12/ sarpa.nirmokaṁ go.aśva.purīṣam andha.ahika.śiraś ca-andhī.karo dhūmaḥ | 12 |

[Page 269 ]

KAZ14.1.13/ pārāvata.plavaka.kravya.adānāṁ hasti.nara.varāhāṇāṁ ca mūtra.purīṣaṁ kāsīsa.hiṅgu.yava.tuṣa.kaṇa.taṇḍulāḥ kārpāsa.kuṭaja.kośa.atakīnāṁ ca bījāni go.mūtrikā.bhāṇḍī.mūlaṁ nimba.śigru.phaṇirja.kākṣīva.pīluka.bhaṅgaḥ sarpa.śapharī.carma hasti.nakha.śṛṅga.cūrṇam ity eṣa dhūmo madana.kodrava.palālena hasti.karṇa.palāśa.palālena vā praṇītaḥ pratyekaśo yāvac carati tāvan mārayati | 13 |

KAZ14.1.14/ kālī.kuṣṭha.naḍa.śatāvalī.mūlaṁ sarpa.pracalāka.kṛkaṇa.pañca.kuṣṭha.cūrṇaṁ vā dhūmaḥ pūrva.kalpena-ārdra.śuṣka.palālena vā praṇītaḥ saṅgrāma.avataraṇa.avaskandana.saṅkuleṣu kṛta.nejana.udaka.akṣi.pratīkāraiḥ praṇītaḥ sarva.prāṇināṁ netraghnaḥ | 14 |

KAZ14.1.15/ śārikā.kapota.baka.balākā.leṇḍam arka.akṣi.pīluka.snuhi.kṣīra.piṣṭam andhī.karaṇam añjanam udaka.dūṣaṇaṁ ca | 15 |

KAZ14.1.16/ yavaka.śāli.mūla.madana.phala.jātī.pattra.nara.mūtra.yogaḥ plakṣa.vidārī.mūla.yukto mūka.udumbara.madana.kodrava.kvātha.yukto hasti.karṇa.palāśa.kvātha.yukto vā madana.yogaḥ | 16 |

KAZ14.1.17/ śṛṅgi.gautama.vṛka.kaṇṭaka.ara.mayūra.padī.yogo guñjā.lāṅgalī.viṣa.mūlika.iṅgudī.yogaḥ kara.vīra.akṣi.pīluka.arka.mṛga.māraṇī.yogo madna.kodrava.kvātha.yukto hasti.karṇa.palāśa.kvātha.yukto vā madana.yogaḥ | 17 |

KAZ14.1.18/ samastā vā yavasa.indhana.udaka.dūṣaṇāḥ | 18 |

KAZ14.1.19/ kṛta.kaṇḍala.kṛkalāsa.gṛha.golika.andha.ahika.dhūmo netra.vadham unmādaṁ ca karoti | 19 |

KAZ14.1.20/ kṛkalāsa.gṛha.golikā.yogaḥ kuṣṭha.karaḥ | 20 |

KAZ14.1.21/ sa eva citram eka.antra.madhu.yuktaḥ prameham āpādayati, manuṣya.lohita.yuktaḥ śoṣam | 21 |

KAZ14.1.22/ dūṣī.viṣaṁ madana.kodrava.cūrṇam apajihvikā.yogaḥ | 22 |

KAZ14.1.23/ mātṛ.vāhaka.añjali.kāra.pracalāka.bheka.akṣi.pīluka.yogo viṣūcikā.karaḥ | 23 |

KAZ14.1.24/ pañca.kuṣṭhaka.kauṇḍinya.karāja.vṛkṣa.puṣpa.madhu.yogo jvara.karaḥ | 24 |

KAZ14.1.25/ bhāsana.kula.jihvā.granthikā.yogaḥ kharī.kṣīra.piṣṭo mūka.badhira..karo māsa.ardha.māsikaḥ | 25 |

KAZ14.1.26/ kalā.mātraṁ puruṣāṇām it samānaṁ pūrveṇa | 26 |

KAZ14.1.27/ bhaṅga.kvātha.upanayanam auṣadhānām, cūrṇaṁ prāṇa.bhṛtām, sarveṣāṁ vā kvātha.upanayanam, evaṁ vīryavattaraṁ bhavti | 27 |

KAZ14.1.28/ iti yoga.sampat | 28 |

[Page 270 ]

KAZ14.1.29/ śālmalī vidārī.dhānya.siddho mūla.vatsa.nābha.samyuktaś cucchundarī.śoṇita.pralepena digdho bāṇo yaṁ vidhyati sa viddho 'nyān daśa.puruṣān daśati, te daṣṭā daśa-anyān daśanti puruṣān | 29 |

KAZ14.1.30/ ballātaka.yātu.dhānāva.anudhā.mārgava.bāṇānāṁ puṣpair elaka.akṣi.guggulu.hālāhalānāṁ ca kaṣāyaṁ basta.nara.śoṇita.yuktaṁ daṁśa.yogaḥ | 30 |

KAZ14.1.31/ tato 'rdha.dharaṇiko yogaḥ saktu.piṇyākābhyām udake praṇīto dhanuḥ.śata.āyāmam udaka.āśayaṁ dūṣayati | 31 |

KAZ14.1.32/ matsya.paramparā hy etena daṣṭā-abhimṛṣṭā vā viṣī.bhavati, yaś ca-etad udakaṁ pibati spṛśati vā | 32 |

KAZ14.1.33/ rakta.śveta.sarṣapair godhā tri.pakṣam uṣṭrikāyāṁ bhūmau nikhātāyāṁ nihitā vadhyena-uddhṛtā yāvat paśyati tāvan mārayati, kṛṣṇa.sarpo vā | 33 |

KAZ14.1.34/ vidyut.pradagdho 'ṅgāro jvālo vā vidyut.pradagdhaiḥ kāṣṭhair gṛhītaś ca-anuvāsitaḥ kṛttikāsu bharaṇīṣu vā raudreṇa karmaṇā-abhihuto 'gniḥ praṇītaś ca nispratīkāro dahati | 34 |

KAZ14.1.35ab/ karmārād agnim āhṛtya kṣaudreṇa juhuyāt pṛthak |
KAZ14.1.35cd/ surayā śauṇḍikād agniṁ mārgato 'gniṁ ghṛtena ca || 35 ||
KAZ14.1.36ab/ mālyena ca-eka.patny.agniṁ puṁścaly.agniṁ ca sarṣapaiḥ |
KAZ14.1.36cd/ dadhnā ca sūtikāsv agnim āhita.agniṁ ca taṇḍulaiḥ || 36 ||
KAZ14.1.37ab/ caṇḍāla.agniṁ ca māṁsena cita.agniṁ mānuṣeṇa ca |
KAZ14.1.37cd/ samastān basta.vasayā mānuṣeṇa dhruveṇa ca || 37 ||
KAZ14.1.38ab/ juhuyād agni.mantreṇa rāja.vṛkṣasya dārubhiḥ |
KAZ14.1.38cd/ eṣa niṣpratikāro 'gnir dviṣatāṁ netra.mohanaḥ || 38 ||

KAZ14.1.39/ adite namaste, anumate namaste, sarasvati namaste, deva savitar namāste | 39 |

KAZ14.1.40/ agnaye svāhā, somāya svāhā, bhūḥ svāhā bhuvaḥ svāhā | 40 |

14.2. Chapter 2 (Section 178): Deceiving through Occult Practices

[Page 271 ] [Note: [ K tr. 578 :: K2 tr. 499]

KAZ14.2.01/ śirīṣa.udumbara.śamī.cūrṇaṁ sarpiṣā saṁhṛtya-ardha.māsikaḥ kṣud.yogaḥ | 1 |

KAZ14.2.02/ kaśeruka.utpala.kandekṣu.mūla.bisa.dūrvā.kṣīra.ghṛta.maṇḍa.siddho māsikaḥ | 2 |

KAZ14.2.03/ māṣa.yava.kulattha.darbha.mūla.cūrṇaṁ vā kṣīra.ghṛtābhyām, vallī.kṣīra.ghṛtaṁ vā sama.siddham, sāla.pṛśni.parṇī.mūla.kalkaṁ payasā pītvā, payo vā tat.siddhaṁ madhu.ghṛtābhyām aśitvā māsam upavasati | 3 |

KAZ14.2.04/ śveta.basta.mūtre sapta.rātra.uṣitaiḥ siddha.arthakaiḥ siddhaṁ tailaṁ kaṭuka.ālābau māsa.ardha.māsa.sthitaṁ catuṣ.pada.dvi.padānāṁ virūpa.karaṇam | 4 |

KAZ14.2.05/ takra.yava.bhakṣasya sapta.rātrād ūrdhvaṁ śveta.gardabhasya leṇḍa.yavaiḥ siddhaṁ gaura.sarṣapa.tailaṁ virūpa.karaṇam | 5 |

KAZ14.2.06/ etayor anyatarasya mūtra.leṇda.rasa.siddhaṁ siddha.arthaka.tailam arka.tūla.pataṅga.cūrṇa.pratīvāpaṁ śvetī.karaṇam | 6 |

KAZ14.2.07/ śveta.kukkuṭa.ajagara.leṇḍa.yogaḥ śvetī.karaṇam | 7 |

KAZ14.2.08/ śveta.basta.mūtre śveta.sarṣapāḥ sapta.rātra.uṣita.astakra(?).marka.kṣīra.lavaṇaṁ dhānyaṁ ca pakṣa.sthito yogaḥ śvetī.karaṇam | 8 |

KAZ14.2.09/ kaṭuka.alābau valī.gate gataṁ.ardha.māsa.sthitaṁ gaura.sarṣapa.piṣṭaṁ romṇāṁ śvetī.karaṇam | 9 |

KAZ14.2.10ab/ alojuneti yaḥ kīṭaḥ śvetā ca gṛha.golikā |
KAZ14.2.10cd/ etena piṣtena-abhyaktāḥ keśāḥ syuḥ śaṅkha.pāṇḍarāḥ || 10 ||

KAZ14.2.11/ gomayena tinduka.ariṣṭa.kalkena vā mardita.aṅgasya bhallātaka.rasa.anuliptasya māsikaḥ kuṣṭha.yogaḥ | 11 |

KAZ14.2.12/ kṛṣṇa.sarpa.mukhe gṛha.golikā.mukhe vā sapta.rātra.uṣitā gujjāḥ kuṣṭha.yogaḥ | 12 |

KAZ14.2.13/ śuka.pitta.aṇḍa.rasa.abhyaṅgaḥ kuṣṭha.yogaḥ | 13 |

KAZ14.2.14/ kuṣṭhasya.priyāla.kalka.kaṣāyaḥ pratīkāraḥ | 14 |

[Page 272 ]

KAZ14.2.15/ kukkuṭa.kośa.atakī(?).śatāvarī.mūla.yuktam āhārayamāṇo māsena gauro bhavati | 15 |

KAZ14.2.16/ vaṭa.kaṣāya.snātaḥ saha.cara.kalka.digdhaḥ kṛṣṇo bhavati | 16 |

KAZ14.2.17/ śakuna.kaṇgu.taila.yuktā hari.tāla.manaḥ.śilāḥ śyāmī.karaṇam | 17 |

KAZ14.2.18/ kha.dyota.cūrṇaṁ sarṣapa.taila.yuktaṁ rātrau jvalati | 18 |

KAZ14.2.19/ kha.dyota.gaṇḍū.pada.cūrṇaṁ samudra.jantūnāṁ bhṛṅga.kapālānāṁ khadira.karṇikārāṇāṁ puṣpa.cūrṇaṁ vā śakuna.kaṅgu.taila.yuktaṁ tejana.cūrṇam | 19 |

KAZ14.2.20/ pāribhadraka.tvan.maṣī maṇḍūka.vasayā yuktā gātra.prajvālanam agninā | 20 |

KAZ14.2.21/ paribhadraka.tvak.tila.kalka.pradigdhaṁ śarīram agninā jvalati | 21 |

KAZ14.2.22/ pīlu.tvan.maṣīmayaḥ piṇḍo haste jvalati | 22 |

KAZ14.2.23/ maṇḍūka.vasā.digdho 'gninā jvalati | 23 |

KAZ14.2.24/ tena pradigdham aṅgaṁ kuśa.āmra.phala.taila.siktaṁ samudra.maṇḍūkī.phenaka.sarja.rasa.cūrṇa.yuktaṁ vā jvalati | 24 |

KAZ14.2.25/ maṇḍūka.kulīra.ādīnāṁ vasayā sama.bhāgaṁ tailaṁ siddham abhyaṅgaṁ gātrāṇām agni.prajvālanam | 25 |

KAZ14.2.26/ veṇu.mūla.śaivala.liptam aṅgaṁ maṇḍūka.vasā.digdham agninā jvalati | 26 |

KAZ14.2.27/ pāribhadraka.ppatibalā.vañjula.vajra.kadalī.mūla.kalkena maṇḍūka.vasā.siddhena tailena-abhyakta.pādo 'ṅgāreṣu gacchati | 27 |

KAZ14.2.28ab/ upa.udakā pratibalā vañjulaḥ pāribhadrakaḥ |
KAZ14.2.28cd/ eteṣāṁ mūla.kalkena maṇḍūka.vasayā saha || 28 ||
KAZ14.2.29ab/ sādhayet tailam etena pādāv abhyajya nirmalau |
KAZ14.2.29cd/ aṅgāra.rāśau vicared yathā kusuma.sañcaye || 29 ||

KAZ14.2.30/ haṁsa.krauñca.mayūrāṇām anyeṣāṁ vā mahā.śakunīnām udaka.plavānāṁ puccheṣu baddhā nala.dīpikā rātrāv ulkā.darśanam | 30 |

KAZ14.2.31/ vaidyutaṁ bhasma.aṅgi.śamanam | 31 |

KAZ14.2.32/ strī.puṣpa.pāyitā māṣā vrajakulī.mūlaṁ maṇḍūka.vasā.miśraṁ culluyāṁ dīptāyām apācanam | 32 |

KAZ14.2.33/ cullī.śodhanaṁ pratīkāraḥ | 33 |

KAZ14.2.34/ pīlumayo maṇir agni.garbhaḥ suvarcalā.mūla.granthiḥ sūtra.granthir vā picu.pariveṣṭito mukhyād agni.dhūma.utsargaḥ | 34 |

[Page 273 ]

KAZ14.2.35/ kuśa.āmra.phala.taila.sikto 'gnir varṣa.pravāteṣu jvalati | 35 |

KAZ14.2.36/ samudra.phenakas taila.yukto 'mbhasi plavamāno jvalati | 36 |

KAZ14.2.37/ plavamānānām asthiṣu kalmāṣa.veṇunā nirmathito 'gnir na-udakena śāmyati, udakena jvalati | 37 |

KAZ14.2.38/ śastra.hatasya śūla.protasya vā puruṣasya vāma.pārśva.parśuka.asthiṣu kalmāṣa.veṇunā nirmathito 'gniḥ striyāḥ puruṣasya vā-asthiṣu manuṣya.parśukayā nirmathito 'gnir yatra trir apasavyaṁ gacchati na ca-atra-anyo 'gnir jvalati | 38 |

KAZ14.2.39ab/ cuccundarī khañjarīṭaḥ khāra.kīṭaś ca piṣyate |
KAZ14.2.39cd/ aśva.mūtreṇa saṁsṛṣṭā nigalānāṁ tu bhañjanam || 39 ||

KAZ14.2.40/ ayas.kānto vā pāṣāṇaḥ kulīra.dardura.khāra.kīṭa.vasā.pradehena dvi.guṇaḥ | 40 |

KAZ14.2.41/ nāraka.garbhaḥ kaṅka.bhāsa.pārśva.utpala.udaka.piṣṭaś catuṣ.pada.dvi.padānāṁ pāda.lepaḥ | 41 |

KAZ14.2.42/ ulūka.gṛdhra.vasābhyām uṣṭra.carma.upānahāv abhyajya vaṭapattraiḥ praticchādya pañcāśad.yojanāny aśrānto gacchati | 42 |

KAZ14.2.43/ śyena.kaṅka.kāka.gṛdhra.haṁsa.krauñca.vīcī.rallānāṁ majjāno retāṁsi vā yojana.śatāya, siṁha.vyāghra.dvīpa.kāka.ulūkānāṁ majjāno retāṁsi vā | 43 |

KAZ14.2.44/ sārvavarṇikāni garbha.patanāny uṣṭrikāyām abhiṣūya śmaśāne preta.śiśūn vā tat.samutthitaṁ medo yojana.śatāya | 44 |

KAZ14.2.45ab/ aniṣṭair adbhuta.utpātaiḥ parasya-udvegam ācaret |

KAZ14.2.45cd/ ārājyāya-iti nirvādaḥ samānaḥ kopa ucyate || 45 ||

14.3. Chapter 3 (Section 178): Deceiving through Occult Practices (cont.)

[Page 274 ] [Note: [ K tr. 583 :: K2 tr. 503]

KAZ14.3.01/ mārjāra.uṣṭra.vṛka.varāha.śva.avi.dvāgulī.naptṛ.kāka.ulūkānām anyeṣāṁ vā niśā.carāṇāṁ sattvānām ekasya dvayor bahūnāṁ vā dakṣiṇāni vāmāni ca-akṣīṇi gṛhītvā dvidhā cūrṇaṁ kārayet | 1 |

KAZ14.3.02/ tato dakṣiṇaṁ vāmena vāmaṁ dakṣiṇena samabhyajya rātrau tamasi ca paśyati | 2 |

KAZ14.3.03ab/ eka.āmlakaṁ varāha.akṣi kha.dyotaḥ kāla.śārivā |
KAZ14.3.03cd/ etena-abhyakta.nayano rātrau rūpāṇi paśyati || 3 ||

KAZ14.3.04/ tri.rātra.upoṣitaḥ puṣyeṇa śastra.hatasya śūla.protasya vā puṁsaḥ śiraḥ.kapāle mṛttikāyāṁ yavān āvāsya-avikṣīreṇa secayet | 4 |

KAZ14.3.05/ tato yava.virūḍha.mālām ābadhya naṣṭac.chāyā.rūpaś carati | 5 |

KAZ14.3.06/ tri.ratra.upoṣitaḥ puṣyeṇa śva.mārjāra.ulūka.vāgulīnāṁ dakṣiṇāni vāmāni ca-akṣīṇi dvidhā cūrṇaṁ kārayet | 6 |

KAZ14.3.07/ tato yathā.svam abhyakta.akṣo naṣṭac.chāyā.rūpaś carati | 7 |

KAZ14.3.08/ tri.rātra.upoṣitaḥ puṣyeṇa puruṣa.ghātinaḥ kāṇḍakasya śalākām añjanīṁ ca kārayet | 8 |

KAZ14.3.09/ tato anyatamena-akṣi.cūrṇena-abhyakta.akṣo naṣṭac.chāyā.rūpaś carati | 9 |

KAZ14.3.10/ tri.rātra.upoṣitaḥ puṣyeṇa kālāyasīm añjanīṁ śalākāṁ ca kārayet | 10 |

KAZ14.3.11/ tato niśā.carāṇāṁ sattvānām anyatamasya śiraḥ.kapālam añjanena pūrayitvā mṛtāyāḥ striyā yonau praveśya dāhayet | 11 |

KAZ14.3.12/ tad añjanaṁ puṣyeṇa-uddhṛtya tasyām añjanyāṁ nidadhyāt | 12 |

KAZ14.3.13/ tena-abhyakta.akṣo naṣṭa.chāyā.rūpaś carati | 13 |

KAZ14.3.14/ yatra brāhmaṇam āhita.agniṁ dagdhaṁ dahyamānaṁ vā paśyet tatra tri.rātra.upoṣitaḥ puṣyeṇa svayaṁ.mṛtasya vāsasā prasevaṁ kṛtvā citā.bhasmanā pūrayitvā tam ābadhya naṣṭac.chāyā.rūpaś carati | 14 |

KAZ14.3.15/ brāhmaṇasya preta.kārye yo gaur māryate tasya-asthi.majja.cūrṇa.pūrṇā-ahi.bhastrā paśūnām antar.dhānam | 15 |

KAZ14.3.16/ sarpa.daṣṭasya bhasmanā pūrṇā pracalāka.bhastrā mṛgāṇām antar.dhānam | 16 |

[Page 275 ]

KAZ14.3.17/ ulūka.vāgulī.puccha.purīṣa.jānv.asthi.cūrṇa.pūrṇā-ahi.bhastrā pakṣiṇām antar.dhānam | 17 |

KAZ14.3.18/ ity aṣṭāv antar.dhāna.yogaḥ | 18 |

KAZ14.3.19ab/ "baliṁ vairocanaṁ vande śata.māyaṁ ca śambaram |
KAZ14.3.19cd/ bhaṇḍīra.pākaṁ narakaṁ nikumbhaṁ kumbham eva ca || 19 ||
KAZ14.3.20ab/ devalaṁ nāradaṁ vande vande sāvarṇi.gālavam |
KAZ14.3.20cd/ eteṣām anuyogena kṛtaṁ te svāpanaṁ mahat || 20 ||
KAZ14.3.21ab/ yathā svapanty ajagarāḥ svapanty api camū.khalāḥ |
KAZ14.3.21cd/ tathā svapantu puruṣā ye ca grāme kutūhalāḥ || 21 ||
KAZ14.3.22ab/ bhaṇḍakānāṁ sahasreṇa ratha.nemi.śatena ca |
KAZ14.3.22cd/ imaṁ gṛhaṁ pravekṣyāmi tūṣṇīm āsantu bhāṇḍakāḥ || 22 ||
KAZ14.3.23ab/ namas.kṛtvā ca manave baddhvā śunaka.phelakāḥ |
KAZ14.3.23cd/ ye devā deva.lokeṣu mānuṣeṣu ca brāhmaṇāḥ || 23 ||
KAZ14.3.24ab/ adhyayana.pāragāḥ siddhā ye ca kaulāsa tāpasāḥ |
KAZ14.3.24cd/ etebhyaḥ sarva.siddhebhyaḥ kṛtaṁ te svāpanaṁ mahat || 24 ||

KAZ14.3.25/ atigacchanti ca mayy apagacchantu saṁhatāḥ | 25 |

KAZ14.3.26/ alite, valite, manave svāhā | 26 |

KAZ14.3.27/ etasya prayogaḥ | 27 |

KAZ14.3.28/ tri.rātra.upoṣitaḥ kṛṣṇa.catur.daśyāṁ puṣya.yoginyāṁ śva.pākī.hastād vilakha.avalekhanaṁ krīṇīyāt | 28 |

KAZ14.3.29/ tan.māṣaiḥ saha kaṇḍolikāyāṁ kṛtvā-asaṅkīrṇa ādahane nikhānayet | 29 |

KAZ14.3.30/ dvitīyasyāṁ caturdaśyām uddhṛtya kumāryā peṣayitvā gulikāḥ kārayet | 30 |

KAZ14.3.31/ tata ekāṁ gulikām abhimantrayitvā yatra-etana mantreṇa kṣipati tat sarvaṁ prasvāpayati | 31 |

KAZ14.3.32/ etena-eva kalpena śvā.vidhaḥ śalyakaṁ tri.kālaṁ triśvetam asaṅkīrṇa ādahane nikhānayet | 32 |

KAZ14.3.33/ dvitīyasyāṁ caturdaśyām uddhṛtya-ādahana.bhasmanā saha yatra.etena mantreṇa kṣipati tat sarvaṁ prasvāpayati | 33 |

KAZ14.3.34ab/ "suvarṇa.puṣpīṁ brahmāṇīṁ brahmāṇaṁ ca kuśa.dhvajam |
KAZ14.3.34cd/ sarvāś ca devatā vande vande sarvāṁś ca tāpasān || 34 ||
KAZ14.3.35ab/ vaśaṁ me brāhmaṇā yāntu bhūmi.pālāś ca kṣatriyāḥ |
KAZ14.3.35cd/ vaśaṁ vaiśyāś ca śūdrāś ca vaśatāṁ yāntu me sadā || 35 ||
[Page 276 ]

KAZ14.3.36/ svāhā - amile kimile vayu.cāre prayoge phakke vayuhve vihāle danta.kaṭake svāhā | 36 |

KAZ14.3.37ab/ sukhaṁ svapantu śunakā ye ca grāme kutūhalāḥ |
KAZ14.3.37cd/ śvā.vidhaḥ śalyakaṁ ca-etat tri.śvetaṁ brahma.nirmitam || 37 ||
KAZ14.3.38ab/ prasuptāḥ sarva.siddhā hi etat te svāpanaṁ kṛtam |
KAZ14.3.38cd/ yāvad grāmasya sīmāntaḥ sūryasya-udgamanād iti || 38 ||

KAZ14.3.39/ svāhā" | 39 |

KAZ14.3.40/ etasya prayogaḥ | 40 |

KAZ14.3.41/ śvā.vidhaḥ śalyakāni tri.śvetāni, sapta.rātra.upoṣitaḥ kṛṣṇa.caturdaśyāṁ khādirābhiḥ samidhābhir agnim etena mantreṇa-aṣṭa.śata.sampātaṁ kṛtvā madhu.ghṛtābhyām abhijuhuyāt | 41 |

KAZ14.3.42/ tata ekam etena mantreṇa grāma.dvāri gṛha.dvāri vā yatra nikhanyate tat sarvaṁ prasvāpayati | 42 |

KAZ14.3.43ab/ "baliṁ vairocanaṁ vande śatamāyaṁ ca śambaram |
KAZ14.3.43cd/ nikumbhaṁ narakaṁ kumbhaṁ tantu.kacchaṁ mahā.asuram || 43 ||
KAZ14.3.44ab/ armālavaṁ pramīlaṁ ca maṇḍa.ulūkaṁ ghaṭa.ubalam |
KAZ14.3.44cd/ kṛṣṇa.kaṁsa.upacāraṁ ca paulomīṁ ca yaśasvinīm || 44 ||
KAZ14.3.45ab/ abhimantrayitvā gṛhṇāmi siddhy.arthaṁ śava.śārikām |
KAZ14.3.45cd/ jayatu jayati ca namaḥ śalaka.bhūtebhyaḥ svāhā || 45 ||
KAZ14.3.46ab/ sukhaṁ svapantu śunakā ye ca grāme kutūhalāḥ |
KAZ14.3.46cd/ sukhaṁ svapantu siddha.arthā yam arthaṁ mārgayāmahe |
KAZ14.3.46ef/ yāvad astam ayād udayo yāvad arthaṁ phalaṁ mama || 46 ||

KAZ14.3.47/ iti svāhā | 47 |

KAZ14.3.48/ etasya prayogaḥ | 48 |

KAZ14.3.49/ catur.bhakta.upavāsī kṛṣṇa.caturdaśyām asaṅkīrṇa ādahane baliṁ kṛtvā-etena mantreṇa śava.śārikāṁ gṛhītvā pautrī.poṭṭalikaṁ badhnīyāt | 49 |

KAZ14.3.50/ tan.madhye śvā.vidhaḥ śalyakena viddhvā yatra-etena mantreṇa nikhanyate tat sarvaṁ prasvāpayati | 50 |

KAZ14.3.51ab/ "upaimi śaraṇaṁ ca-agniṁ daivatāni diśo daśa |
KAZ14.3.51cd/ apayāntu ca sarvāṇi vaśatāṁ yāntu me sadā || 51 ||

KAZ14.3.52/ svāhā" | 52 |

[Page 277 ]

KAZ14.3.53/ etasya prayogaḥ | 53 |

KAZ14.3.54/ tri.rātra.uposṣitaḥ puṣyeṇa śarkarā eka.viṁśati.sampātaṁ kṛtvā madhu.ghṛtābhyām abhijuhuyāt | 54 |

KAZ14.3.55/ tato gandha.mālyena pūjayitvā nikhānayet | 55 |

KAZ14.3.56/ dvitīyena puṣyeṇa-uddhṛtya-ekāṁ śarkarām abhimantrayitvā kapāṭam āhanyāt | 56 |

KAZ14.3.57/ abhyantarm catasṛṇāṁ śarkarāṇāṁ dvāram apāvriyate | 57 |

KAZ14.3.58/ catur.bhakta.upavāsī kṛṣṇa.caturdaśyāṁ bhagnasya puruṣasya-asthnā ṛṣabhaṁ kārayet, abhimantrayec ca-etena | 58 |

KAZ14.3.59/ dvi.go.yuktaṁ go.yānam āhṛtaṁ bhavati | 59 |

KAZ14.3.60/ tataḥ parama.ākāśe virāmati | 60 |

KAZ14.3.61/ ravi.sagandhaḥ parighamati sarvaṁ pṛṇāti | 61 |

KAZ14.3.62/ "caṇḍālī.kumbhī.tumba.kaṭuka.sāra.oghaḥ sanārī.bhago 'si - svāhā | 62 |

KAZ14.3.63/ tāla.udghāṭanaṁ prasvāpanaṁ ca | 63 |

KAZ14.3.64/ tri.rātra.upoṣitaḥ puṣyeṇa śastra.hatasya śūla.protasya vā puṁsaḥ śiraḥ.kapāle mṛttikāyāṁ tuvarī.rāvāsya-udakena secayet | 64 | (?)

KAZ14.3.65/ jātānāṁ puṣyeṇa-eva gṛhītvā rajjukāṁ vartayet | 65 |

KAZ14.3.66/ tataḥ sajyānāṁ dhanuṣāṁ yantrāṇāṁ ca purastāc chedanaṁ jyāc.chedanaṁ karoti | 66 |

KAZ14.3.67/ udaka.ahi.bhastrām ucchvāsa.mṛttikayā striyāḥ puruṣasya vā pūrayet, nāsikā.bandhanaṁ mukha.grahaś ca | 67 |

KAZ14.3.68/ varāha.bhastrām ucchvāsamṛttikayā pūrayitvā markaṭa.snāyunā-avabadhnīyāt, ānāha.kāraṇam | 68 |

KAZ14.3.69/ kṛṣṇa.caturdaśyāṁ śastra.hatāyā goḥ kapilāyāḥ pittena rāja.vṛkṣamayīm amitra.pratimām añjyāt, andhī.karaṇam | 69 |

KAZ14.3.70/ catur.bhakta.upavāsī kṛṣṇa.caturdaśyāṁ baliṁ kṛtvā śūla.protasya puruṣasya-asthnā kīlakān kārayet | 70 |

KAZ14.3.71/ eteṣām ekaḥ purīṣe mūtre vā nikhāta ānāhaṁ karoti, pade 'sya-āsane vā nikhātaḥ śoṣeṇa mārayati, āpaṇe kṣetre gṛhe vā vṛttic.chedaṁ karoti | 71 |

KAZ14.3.72/ etena-eva kalpena vidyud.dagdhasya vṛkṣasya kīlakā vyākhyātāḥ | 72 |

KAZ14.3.73ab/ punar navam avācīnaṁ nimbaḥ kāma.madhuś ca yaḥ |
KAZ14.3.73cd/ kapi.roma manuṣya.asthi baddhvā mṛtaka.vāsasā || 73 ||
[Page 278 ]
KAZ14.3.74ab/ nikhanyate gṛhe yasya dṛṣṭvā vā yat padaṁ nayet |
KAZ14.3.74cd/ saputra.dāraḥ sadhana.strīn pakṣān na-ativartate || 74 ||
KAZ14.3.75ab/ punar navam avācīnaṁ nimbaḥ kāma.madhuś ca yaḥ |
KAZ14.3.75cd/ svayaṁ.guptā manuṣya.asthi pade yasya nikhanyate || 75 ||
KAZ14.3.76ab/ dvāre gṛhasya senāyā grāmasya nagarasya vā |
KAZ14.3.76cd/saputra.dāraḥ sadhana.strīn pakṣān na-ativartate || 76 ||
KAZ14.3.77ab/ aja.markaṭa.romāṇi mārjāra.nakulasya ca |
KAZ14.3.77cd/ brāhmaṇānāṁ śva.pākānāṁ kāka.ulūkasya ca-āharet |
KAZ14.3.77ef/ etena viṣṭhā-avakṣuṇṇā sadya utsāda.kārikā || 77 ||
KAZ14.3.78ab/ preta.nirmālikā kiṇvaṁ romāṇi nakulasya ca |
KAZ14.3.78cd/ vṛścika.āly(?).ahi.kṛttiś ca pade yasya nikhanyate |
KAZ14.3.78ef/ bhavaty apuruṣaḥ sadyo yāvat tan na-apanīyate || 78 ||

KAZ14.3.79/ tri.rātra.upoṣitaḥ puṣyeṇa śastra.hatasya śūla.protasya vā puṁsaḥ śiraḥ.kapāle mṛttikāyāṁ guñjā āvāsya-udakena secayet | 79 |

KAZ14.3.80/ jātānām amāvāsyāyāṁ paurṇamāsyāṁ vā puṣya.yoginyāṁ guñja.vallīr grāhayitvā maṇḍalikāni kārayet | 80 |

KAZ14.3.81/ teṣv anna.pāna.bhājanāni nyastāni na kṣīyante | 81 |

KAZ14.3.82/ rātri.prekṣāyāṁ pravṛttāyāṁ pradīpa.agniṣu mṛta.dhenoḥ stanān utkṛtya dāhayet | 82 |

KAZ14.3.83/ dagdhān vṛṣa.mūtreṇa peṣayitvā nava.kumbham antar.lepayet | 83 |

KAZ14.3.84/ taṁ grāmam apasavyaṁ pariṇīya yat tatra nyastaṁ nava.nītam eṣāṁ tat sarvam āgacchati | 84 |

KAZ14.3.85/ kṛṣṇa.caturdaśyāṁ puṣya.yoginyāṁ śuno lagnakasya yonau kālāyasīṁ mudrikāṁ preṣayet | 85 |

KAZ14.3.85/ tāṁ svayaṁ patitāṁ gṛhṇīyāt | 85 |

KAZ14.3.87/ tayā vṛkṣa.phalāny ākāritāny āgacchanti | 87 |

KAZ14.3.88ab/ mantra.bhaiṣajya.samyuktā yogā māyā.kṛtāś ca ye |
KAZ14.3.88cd/ upahanyād amitrāṁs taiḥ sva.janaṁ ca-abhipālayet || 88 ||

14.4. Chapter 4 (Section 179): Counter-measures against Injuries to One's Own Troops

[Page 279 ] [Note: [ K tr. 590 :: K2 tr. 510]

KAZ14.4.01/ sva.pakṣe para.prayuktānāṁ dūṣī.viṣa.garāṇāṁ pratīkāraḥ | 1 |

KAZ14.4.02/ śleṣmātaka.kapittha.danti.danta.śaṭha.goji.śirīṣa.pāṭalī.balāsyonāga.- punar.navā.śveta.vāraṇa.kvātha.yuktaṁ (?) candana.sālā.vṛkī.lohita.yuktaṁ nejana.udakaṁ rāja.upabhogyānāṁ guhya.prakṣālanaṁ strīṇām, senāyāś ca viṣa.pratīkāraḥ | 2 |

KAZ14.4.03/ pṛṣata.nakula.nīla.kaṇṭha.godhā.pitta.yuktaṁ mahī.rājī.cūrṇaṁ sindu.vārita.varaṇa.vāruṇī.taṇḍulīyaka.śata.parva.agra.piṇḍītaka.yogo madana.doṣa.haraḥ | 3 |

KAZ14.4.04/ sṛgāla.vinnā.madana.sindu.vārita.varaṇa.vāraṇa.valī.mūla.kaṣāyāṇām anyatamasya samastānāṁ vā kṣīra.yuktaṁ pānaṁ madana.doṣa.haram | 4 |

KAZ14.4.05/ kaiḍarya.pūti.tila.tailam unmāda.haraṁ nastaḥ.karma | 5 |

KAZ14.4.06/ priyaṅgu.nakta.māla.yogaḥ kuṣṭha.haraḥ | 6 |

KAZ14.4.07/ kuṣṭha.lodhra.yogaḥ pāka.śoṣaghnaḥ | 7 |

KAZ14.4.08/ kaṭa.phala.dravantī.vilaṅga.cūrṇaṁ nastaḥ.karma śiro.roga.haram | 8 |

KAZ14.4.09/ priyaṅgu.mañjiṣṭhāta.garalā.kṣāra.samadhuka.haridrā.kṣaudra.yogo rajju.udaka.viṣa.prahāra.patana.nihsañjñānāṁ punaḥ.pratyānayanāya | 9 |

KAZ14.4.10/ manuṣyāṇām akṣa.mātram, gava.aśvānāṁ dvi.guṇam, catur.guṇaṁ hasty.uṣṭrāṇām | 10 |

KAZ14.4.11/ rukma.garbhaś ca-eṣāṁ maṇiḥ sarva.viṣa.haraḥ | 11 |

KAZ14.4.12/ jīvantī.śvetā.muṣkaka.puṣpa.vandākānām akṣīve jātasya-aśvatthasya maṇiḥ sarva.viṣa.haraḥ | 12 |

KAZ14.4.13ab/ tūryāṇāṁ taiḥ praliptānāṁ śabdo viṣa.vināśanaḥ |
KAZ14.4.13cd/ lipta.dhvajaṁ patākāṁ vā dṛṣṭvā bhavati nirviṣaḥ || 13 ||
KAZ14.4.14ab/ etaiḥ kṛtvā pratīkāraṁ sva.sainyānām atha-ātmanaḥ |
KAZ14.4.14cd/ amitreṣu prayuñjīta viṣa.dhūma.ambu.dūṣaṇān || 14 ||

15. Book 15: The Method of the Science

[Page 280 ] [Note: [ K tr. 593--597:: K2 tr. 512--516]

15.1. Chapter 1 (Section 180): Devices Used in the Science

[Note: [ K tr. 593:: K2 tr. 512]

KAZ15.1.01/ manuṣyāṇāṁ vṛttir arthaḥ, manuṣyavatī bhūmir ity arthaḥ | 1 |

KAZ15.1.02/ tasyāḥ pṛthivyā lābha.pālana.upāyaḥ śāstram artha.śāstram iti | 2 |

KAZ15.1.03/ tad.dvātriṁśad yukti.yuktaṁ - adhikaraṇam, vidhānam, yogaḥ, pada.arthaḥ, hetv.arthaḥ, uddeśaḥ, nirdeśaḥ, upadeśaḥ, apadeśaḥ, atideśaḥ, pradeśaḥ, upamānam, artha.āpattiḥ, saṁśayaḥ, prasaṅgaḥ, viparyayaḥ, vākya.śeṣaḥ, anumatam, vyākhyānam, nirvacanam, nidarśanam, apavargaḥ, sva.sañjñā, pūrva.pakṣaḥ, uttara.pakṣaḥ, eka.antaḥ, anāgata.avekṣaṇam, atikrānta.avekṣaṇam, niyogaḥ, vikalpaḥ, samuccayaḥ ūhyam iti | 3 |

KAZ15.1.04/ yam artham adhikṛtya-ucyate tad adhikaraṇam | 4 |

KAZ15.1.05/ "pṛthivyā lābhe pālane ca yāvanty artha.śāstrāṇi pūrva.ācāryaiḥ prasthāpitāni prāyaśas tāni saṁhṛtya-ekam idam artha.śāstraṁ kṛtam" iti | 5 |

KAZ15.1.06/ śāstrasya prakaraṇa.anupūrvī vidhānam | 6 |

KAZ15.1.07/ "vidyā.samuddeśaḥ, vṛddha.samyogaḥ, indriya.jayaḥ, amātya.utpattiḥ" ity evaṁ.ādikam iti | 7 |

KAZ15.1.08/ vākya.yojanā yogaḥ | 8 |

KAZ15.1.09/ "catur.varṇa.āśramo lokaḥ" iti | 9 |

KAZ15.1.10/ pada.avadhikaḥ pada.arthaḥ | 10 |

KAZ15.1.11/ mūla.hara iti padam | 11 |

KAZ15.1.12/ "yaḥ pitṛ.paitāmaham artham anyāyena bhakṣayati sa mūla.haraḥ" ity arthaḥ | 12 |

KAZ15.1.13/ hetur artha.sādhako hetv.arthaḥ | 13 |

KAZ15.1.14/ "artha.mūlau hi dharma.kāmau" iti | 14 |

KAZ15.1.15/ samāsa.vākyam uddeśaḥ | 15 |

KAZ15.1.16/ "vidyā.vinaya.hetur indriya.jayaḥ" iti | 16 |

KAZ15.1.17/ vyāsa.vākyaṁ nirdeśaḥ | 17 |

KAZ15.1.18/ "karṇa.tvag.akṣi.jihvā.ghrāṇa.indriyāṇāṁ śabda.sparśa.rūpa.rasa.gandheṣv avipratipattir indriya.jayaḥ"iti | 18 |

KAZ15.1.19/ evaṁ vartitavyam ity upadeśaḥ | 19 |

KAZ15.1.20/ "dharma.artha.virodhena kāmaṁ seveta, na nihsukhaḥ syāt" iti | 20 |

[Page 281 ]

KAZ15.1.21/ evam asāv āha-ity apadeśaḥ | 21 |

KAZ15.1.22/ "mantri.pariṣadaṁ dvādaśa.amātyān kurvīta-iti mānavāḥ - ṣoḍaśa-iti bārhaspatyāḥ - viṁśatim ity auśanasāḥ - yathā.sāmarthyam iti kauṭilyaḥ" iti | 22 |

KAZ15.1.23/ uktena sādhanam atideśaḥ | 23 |

KAZ15.1.24/ "dattasya-apradānam ṛṇa.ādānena vyākhyātam" iti | 24 |

KAZ15.1.25/ vaktavyena sādhanaṁ pradeśaḥ | 25 |

KAZ15.1.26/ "sāma.dāna.bheda.daṇḍair vā, yathā-āpatsu vyākhyāsyāmaḥ" iti | 26 |

KAZ15.1.27/ dṛṣṭena-adṛṣṭasya sādhanam upamānam | 27 |

KAZ15.1.28/ "nivṛtta.parihārān pitā-iva-anugṛhṇīyāt" iti | 28 |

KAZ15.1.29/ yad anuktam arthād āpadyate sā-artha.āpattiḥ | 29 |

KAZ15.1.30/ "loka.yātrāvid rājānam ātma.dravya.prakṛti.sampannaṁ priya.hita.dvāreṇa-āśrayeta" | 30 |

KAZ15.1.31/ "na-apriya.hita.dvāreṇa-āśrayeta" ity arthād āpannaṁ bhavati-iti | 31 |

KAZ15.1.32/ ubhayato.hetumān arthaḥ saṁśayaḥ | 32 |

KAZ15.1.33/ "kṣīṇa.lubdha.prakṛtim apacarita.prakṛtiṁ vā" iti | 33 |

KAZ15.1.34/ prakaraṇa.antareṇa samāno 'rthaḥ prasaṅgaḥ | 34 |

KAZ15.1.35/ "kṛṣi.karma.pradiṣṭāyāṁ bhūmau - iti samānaṁ pūrveṇa" iti | 35 |

KAZ15.1.36/ pratilomena sādhanaṁ viparyayaḥ | 36 |

KAZ15.1.37/ "viparītam atuṣṭasya" iti | 37 |

KAZ15.1.38/ yena vākyaṁ samāpyate sa vākya.śeṣaḥ | 38 |

KAZ15.1.39/ "chinna.pakṣasya-iva rājñaś ceṣṭā.nāśaś ca" iti | 39 |

KAZ15.1.40/ tatra "śakuneḥ" iti vākya.śeṣaḥ | 40 |

KAZ15.1.41/ para.vākyam apratiṣiddham anumatam | 41 |

KAZ15.1.42/ "pakṣāv urasyaṁ pratigraha ity auśanaso vyūha.vibhāgaḥ" iti | 42 |

KAZ15.1.43/ atiśaya.varṇanā vyākhyānam | 43 |

KAZ15.1.44/ "viśeṣataś ca saṅghānāṁ saṅgha.dharmiṇāṁ ca rāja.kulānāṁ dyūta.nimitto bhedas tan.nimitto vināśa ity asat.pragrahaḥ pāpiṣṭhatamo vyasanānāṁ tantra.daurbalyāt" iti | 44 |

KAZ15.1.45/ guṇataḥ śabda.niṣpattir nirvacanam | 45 |

KAZ15.1.46/ "vyasyaty enaṁ śreyasa iti vyasanam" iti | 46 |

KAZ15.1.47/ dṛṣṭa.anto dṛṣṭa.anta.yukto nidarśanam | 47 |

KAZ15.1.48/ "vigṛhīto hi jyāyasā hastinā pāda.yuddham iva.abhyupaiti" iti | 48 |

[Page 282 ]

KAZ15.1.49/ abhipluta.vyapakarṣaṇam apavargaḥ | 49 |

KAZ15.1.50/ "nityam āsannam ari.balaṁ vāsayed anyatra-abhyantara.kopa.śaṅkāyāḥ" iti | 50 |

KAZ15.1.51/ parair asamitaḥ śabdaḥ sva.sañjñā | 51 |

KAZ15.1.52/ "prathamā prakṛtiḥ, tasya bhūmy.anantarā dvitīyā, bhūmy.eka.antarā tṛtīyā" iti | 52 |

KAZ15.1.53/ pratiṣeddhavyaṁ vākyaṁ pūrva.pakṣaḥ | 53 |

KAZ15.1.54/ "svāmy.amātya.vyasanayor amātya.vyasanaṁ garīyaḥ" iti | 54 |

KAZ15.1.55/ tasya nirṇayana.vākyam uttara.pakṣaḥ | 55 |

KAZ15.1.56/ "tad.āyattatvāt, tat.kūṭa.sthānīyo hi svāmī" iti | 56 |

KAZ15.1.57/ sarvatra.āyattam eka.antaḥ | 57 |

KAZ15.1.58/ "tasmād utthānam ātmanaḥ kurvīta" iti | 58 |

KAZ15.1.59/ paścād evaṁ vihitam ity anāgata.avekṣaṇam | 59 |

KAZ15.1.60/ "tulā.pratimānaṁ pautava.adhyakṣe vakṣyāmaḥ" iti | 60 |

KAZ15.1.61/ purastād evaṁ vihitam ity atikrānta.aveṣkaṇam | 61 |

KAZ15.1.62/ "amātya.sampad uktā purastāt" iti | 62 |

KAZ15.1.63/ evaṁ na-anyathā-iti niyogaḥ | 63 |

KAZ15.1.64/ "tasmād dharmyam arthyaṁ ca-asya-upadiśet, na-adharmyam anarthaym ca" iti | 64 |

KAZ15.1.65/ anena vā-anena vā-iti vikalpaḥ | 65 |

KAZ15.1.66/ "duhitaro vā dharmiṣṭheṣu vivāheṣu jātāḥ" iti | 66 |

KAZ15.1.67/ anena ca-anena ca-iti samuccayaḥ | 67 |

KAZ15.1.68/ "svayañjātaḥ pitur bandhūnāṁ ca dāyādaḥ" iti | 68 |

KAZ15.1.69/ anukta.karaṇam ūhyam | 69 |

KAZ15.1.70/ "yathā ca dātā pratigrahītā ca na-upahatau syātāṁ tathā-anuśayaṁ kuśalāḥ kalpayeyuḥ" iti | 70 |

KAZ15.1.71ab/ evaṁ śāstram idaṁ yuktam etābhis tantra.yuktibhiḥ |
KAZ15.1.71cd/ avāptau pālane ca-uktaṁ lokasya-asya parasya ca || 71 ||
KAZ15.1.72ab/ dharmam arthaṁ ca kāmaṁ ca pravartayati pāti ca |
KAZ15.1.72cd/ adharma.anartha.vidveṣān idaṁ śāstraṁ nihanti ca || 72 ||
[Page 283 ]
KAZ15.1.73ab/ yena śāstraṁ ca śastraṁ ca nanda.rāja.gatā ca bhūḥ |
KAZ15.1.73cd/ amarṣeṇa-uddhṛtāny āśu tena śāstram idaṁ kṛtam || 73 ||

Appendix A Appendix A: Bibliographic Notes

Author: Kauṭalya
Editor: Muneo Tokunaga et al. ; Richard Mahoney
Title: The Kauṭilīya Arthaśāstra - SARIT transcript
Place: London
Publisher: SARIT: Search and Retrieval of Indic Texts
Year: 2009
Version: 0.1_005
Subject: Political science -- India -- History -- Early works to 1800; State, The -- Early works to 1800; India -- Politics and government -- To 997; India -- Social conditions
Language: Sanskrit ; English
Citation: The Kauṭilīya Arthaśāstra - SARIT transcript, Tokunaga, M. et al., compilation, data entry, proof correction, Mahoney, Richard, editing and conversion to TEI markup, (London: SARIT: Search and Retrieval of Indic Texts, 2009), Id. No. 0001-00000001.
Description: UTF-8 encoded XML file ; approx. 887000 bytes
Identifier: 0001-00000001
Remarks: The base e-text was: Tokunaga, M. et al., editors, The Kauṭilīya Arthaśāstra - Kyoto Digital Version, (Kyoto: Joint Seminar on ``Law (dharma) and Society in Classical India'', Institute for Research in Humanities, Kyoto University, 1993), ASCII text file; approx. 550000 bytes.

The source edition for the base e-text was: Kangle, R.P., editor, Kauṭalya: a critical edition with a glossary, (Bombay: University of Bombay, 1969), University of Bombay Studies: Sanskrit, Prakrit and Pali, No. 1, The Kauṭilīya Arthaśāstra, Part I.

The SARIT transcript of the base e-text was correlated with: 1.) Kangle, R.P., editor, Kauṭalya: a critical edition with a glossary, (Bombay: University of Bombay, 1960), University of Bombay Studies: Sanskrit, Prakrit and Pali, No. 1, The Kauṭilīya Arthaśāstra, Part I; and 2.) Kangle, R.P., editor, Kauṭalya: an English translation with critical and explanatory notes, (Bombay: University of Bombay, 1963), University of Bombay Studies: Sanskrit, Prakrit and Pali, No. 2, The Kauṭilīya Arthaśāstra, Part II.
Funder: The British Association for South Asian Studies ; The British Academy
Rights: Copyright (C) 1991-1996 members of the Joint Seminar on ``Law (dharma) and Society in Classical India'', coordinated by Y. Ikari at the Institute for Research in Humanities, Kyoto University. All rights reserved. ; Copyright (C) 2009 Dominik Wujastyk. All rights reserved. For more complete details please refer to the Availability Section of the Text Encoding Initiative (TEI) Header.

Appendix B Appendix B: Text Input System

(1)
Sanskrit diacritics are entered using the Unicode Standard Encoding (utf-8):
vowels and diphthongs:
a, ā, i, ī, u, ū, ṛ, ṝ, ḷ, e, ai, o, au
gutturals:
k, kh, g, gh, ṅ
palatals:
c, ch, j, jh, ñ
cerebrals:
ṭ, ṭh, ḍ, ḍh, ṇ
dentals:
t, th, d, dh, n
labials:
p, ph, b, bh, m
semivowels:
y, r, l, v
sibilants:
ś, ṣ, s
aspirate:
h
anusvāra:
visarga:
avagraha:
'
(2)
Anusvāra is transliterated by:
before gutturals
ñ
before palatals
before cerebrals
n
before dentals
m
before labials
(3)
Members of a compound are separated by periods.
(4)
External sandhi is decomposed with -.
(5)
Prose sections are subdivided by a,b,c, etc..
(6)
The text was originally input by Muneo Tokunaga in June 1992; Proof read by the following members of the Joint Seminar on ``Law (dharma) and Society in Classical India'' (coordinated by Y. Ikari at the Institute for Research in Humanities, Kyoto University) in March 1993: Akihiko Akamatsu, Yasuke Ikari, Fumio Enomoto, Katsuhiko Kamimura, Toshifumi Goto, Jun Takashima, Hideaki Nakatani, Takao Hayashi, Masato Fujii, Toru Funayama, Michio Yano, and Nobuyuki Watase.

Appendix C Appendix C: References Declaration

(1)
References to each portion of the Sanskrit text have been placed at the start of each line: e.g., KAZ01.3.02/ refers to The Kauṭilīya Arthaśāstra, Book 1, Chapter 3, line 2.
(2)
Book, chapter and section headings are from: Kangle, R.P., trans., op.cit..
(3)
Page references to the first edition of the Sanskrit text (1960) have been placed in the body of the text: e.g., -- 6 -- refers to Kangle's 1960 edition, page 6 - Kangle, R.P., op. cit..
(4)
Page references to the first and second editions of the companion English translation (1963 and 1972) have been placed below and to the right of the section headings: e.g., [ K tr. 45 :: K2 tr. 54 refers to the 1963 translation, page 45, and 1972 translation, page 54 - Kangle, R.P., trans., op.cit..


Kauṭalya. Date: Fri Sep 4 14:34:58 NZST 2009