grāsajāraṇāyāṃ yantrādikaraṇamāha dopāyāmityādi // GRhtCM_6.9:1 //
yathākrameṇaiva catuḥṣaṣṭyādinaiva catvāro grāsā dopāyāṃ jāryāḥ śeṣā grāsāścatvāraḥ asaṃkhyā vā kacchapayantre japayantre ca jāryāḥ // GRhtCM_6.9:2 //
śeṣāścatvāraḥ kutaḥ yato 'nyaśāstreṣu aṣṭaiva grāsāḥ // GRhtCM_6.9:3 //
jāraṇe kimavadhiḥ yāvaddviguṇādikaṃ jarati pāradāddviguṇitaṃ ādiśabdena dviguṇānnyūnaṃ na kāryaṃ adhikamadhikaṃ ca bhavatu // GRhtCM_6.9:4 //
śaktyavatare'ṣṭau bṛhacchāstre kvacid aṣṭau grāsā uktāḥ kvacidviṃśatigrāsā iti // GRhtCM_6.9:5 //