117 अथ स्वाभाविका दश । तत्र—
प्रियानुकरणं लीला मधुराङ्गविचेष्टितैः ॥ ३७ ॥
प्रियकृतानां 637वाग्वेषचेष्टानामनङ्गशृङ्गारिणीनामङ्गनाभिरनुकरणं = लीला । यथा ममैव—
यथा वा—तेनोहितं वदति याति तथा यथासौ इत्यादि ।तह दिट्ठं तह भणिअं ताए णिउदं638 तहा तहा सीणं ।
अवलोहअं सइण्हं सविब्भमं जह सवत्तीहिं ॥
अङ्गविचेष्टितस्य माधुर्यमिदमित्याह 639अनङ्गशृङ्गारिणीनामिति ।
तह दिट्ठमिति ।
तथा दृष्टं तथा भणितं तथा निवृत्तं तथा तथासीनम ।640
अवलोकितं सतृष्णं सविभ्रमं यथा सपत्नीभिः ॥
अथ विलासः—
तात्कालिको विशेषस्तु विलासोऽङ्गक्रियादिषु ।
दयितावलोकनादिकालेऽङ्गे क्रियायां वचने च सातिशयविशेषोत्पत्तिः=विलासः । यथा मालतीमाधवे—
अत्रान्तरे किमपि वाग्विभवातिवृत्तवैचित्र्यमुल्लसितविभ्रममायताक्ष्याः ।
तद्भूरिसात्विकविकारविशेषरम्यमाचार्यकं विजयि मान्मथमाविरासीत ॥641
अथ विच्छित्तिः—
आकल्परचनाल्पापि विच्छित्तिः कान्तिपोषकृत् ॥ ३८ ॥