śeṣādhikāraḥ
3.7.156 saṃbandhaḥ kārakebhyo+anyaḥ kriyākārakapūrvakaḥ
śrutāyām aśrutāyāṃ vā kriyāyāṃ so+abhidhīyate
3.7.157 dviṣṭho+apy asau parārthatvād guṇeṣu vyatiricyate
tatrābhidhīyamānaḥ san pradhāne+apy upayujyate
3.7.158 nimittaniyamaḥ śabdāt saṃbandhasya na gṛhyate
karmapravacanīyais tu sa viśeṣo+avarudhyate
3.7.159 sādhanair vyapadiṣṭe ca śrūyamāṇakriye punaḥ
proktā pratipadaṃ ṣaṣṭhī samāsasya nivṛttaye
3.7.160 niṣṭhāyāṃ karmaviṣayā ṣaṣthī ca pratiṣidhyate
śeṣalakṣaṇayā ṣaṣṭhyā samāsastatra neṣyate
3.7.161 anyena vyapadiṣṭasya yasyānyatropajāyate
vyatirekaḥ sa dharmau dvau labhate viṣayāntare
3.7.162 prādhānyaṃ svaguṇe labdhvā pradhāne yāti śeṣatām
sahayoge svayoge+ataḥ pradhānatvaṃ na hīyate
iti śeṣādhikāraḥ