silver => gold

abhrakamākṣikakanakaṃ nāgayutaṃ militaṃ vidhinā /
sūte piṣṭiḥ kāryā divyauṣadhiyogataḥ puṭitā // GRht_18.47 //
ṣaḍguṇagandhakadāhaḥ śilayā nāgaṃ samuttārya /
tāre hemākṛṣṭirmilitā syāt ṣoḍaśāṃśena // GRht_18.48 //

piṣṭividhyantaramāha abhrakam ityādi // GRhtCM_18.47-48:1 //

abhrakaṃ pratītaṃ mākṣikaṃ tāpyaṃ kanakaṃ hema nāgayutaṃ nāgena sīsakena yutaṃ sahitaṃ vidhinā kartavyopadeśena etatsarvaṃ sūte mipitaṃ sat piṣṭiḥ kāryā divyauṣadhiyogataḥ puṭitā piṣṭiḥ kāryā iti // GRhtCM_18.47-48:2 //

tāre hemākṛṣṭim āha ṣaḍityādi // GRhtCM_18.47-48:3 //

pūrvoktāyāṃ piṣṭyāṃ ṣaḍguṇagandhakadāhaḥ kāryaḥ punaḥ ṣaḍguṇaśipayā kṛtvā nāgaṃ samuttārya sīsakamapahāya sā niṣpannā piṣṭī ṣoḍaśāṃśena tāre rūpye mipitā satī hemākṛṣṭiḥ syātkanakoddhāraṇaṃ bhavet tāmranāgādiṣu dhātuṣu hema sthitameva tata ākṛṣṭiśabdo yuktaḥ // GRhtCM_18.47-48:4 //