SARIT: Search and Retrieval of Indic Texts (New)

O edn 615-617, O tr. 154-155

7.14a tasyārthe sarvabhūtānāṃ goptāraṃ dharmam ātmajam | 199

7.14c brahmatejomayaṃ daṇḍam asṛjat pūrvam īśvaraḥ || 14 ||

7.15a tasya sarvāṇi bhūtāni sthāvarāṇi carāṇi ca |

7.15c bhayād bhogāya kalpante svadharmāt-na calanti ca || 15 ||

7.16a taṃ deśa.kālau śaktiṃ ca vidyāṃ ca-avekṣya tattvataḥ |

7.16c yathārhataḥ sampraṇayen nareṣv anyāya.vartiṣu || 16 ||

J 128

7.17a sa rājā puruṣo daṇḍaḥ sa netā śāsitā ca saḥ |

7.17c caturṇām āśramāṇāṃ ca dharmasya pratibhūḥ smṛtaḥ || 17 ||

7.18a daṇḍaḥ śāsti prajāḥ sarvā daṇḍa eva-abhirakṣati |

7.18c daṇḍaḥ supteṣu jāgarti daṇḍaṃ dharmaṃ vidur budhāḥ || 18 ||

7.19a samīkṣya sa dhṛtaḥ samyak sarvā rañjayati prajāḥ |

7.19c a.samīkṣya praṇītas tu vināśayati sarvataḥ || 19 ||

7.20a yadi na praṇayed rājā daṇḍaṃ daṇḍyeṣv atandritaḥ |

7.20c śūle matsyān iva-apakṣyan durbalān balavattarāḥ || 20 ||

7.21a adyāt kākaḥ puroḍāśaṃ śvā ca lihyādd havis tathā | 200

7.21c svāmyaṃ ca na syāt kasmiṃś cit pravarteta-adhara.uttaram || 21 ||

7.22a sarvo daṇḍajito loko durlabho hi śucir naraḥ |

7.22c daṇḍasya hi bhayāt sarvaṃ jagad bhogāya kalpate || 22 ||

7.23a deva.dānava.gandharvā rakṣāṃsi pataga.uragāḥ |

7.23c te 'pi bhogāya kalpante daṇḍena-eva nipīḍitāḥ || 23 ||

7.24a duṣyeyuḥ sarvavarṇāś ca bhidyeran sarvasetavaḥ |

7.24c sarvalokaprakopaś ca bhaved daṇḍasya vibhramāt || 24 ||

7.25a yatra śyāmo lohita.akṣo daṇḍaś carati pāpahā |

7.25c prajās tatra na muhyanti netā cet sādhu paśyati || 25 ||

7.26a tasya-āhuḥ sampraṇetāraṃ rājānaṃ satyavādinam |

7.26c samīkṣyakāriṇaṃ prājñaṃ dharma.kāma.artha.kovidam || 26 ||

J 129

7.27a taṃ rājā praṇayan samyak trivargeṇa-abhivardhate |

7.27c kāma.ātmā viṣamaḥ kṣudro daṇḍena-eva nihanyate || 27 || 201

7.28a daṇḍo hi sumahat.tejo durdharaś ca-akṛta.ātmabhiḥ |

7.28c dharmād vicalitaṃ hanti nṛpam eva sa.bāndhavam || 28 ||

7.29a tato durgaṃ ca rāṣṭraṃ ca lokaṃ ca sa.cara.acaram |

7.29c antarikṣagatāṃś ca-eva munīn devāṃś ca pīḍayet || 29 ||

7.30a so 'sahāyena mūḍhena lubdhena-akṛta.buddhinā |

7.30c na śakyo nyāyato netuṃ saktena viṣayeṣu ca || 30 ||

7.31a śucinā satyasandhena yathāśāstra.anusāriṇā |

7.31c praṇetuṃ śakyate daṇḍaḥ susahāyena dhīmatā || 31 ||

Manusmṛti