161
Chapter 7
Asvāmivikrayaḥ (Sale without Ownership)
L tr. 122-123, cf. J tr. 69-7007.001a nikṣiptaṃ vā paradravyaṃ naṣṭaṃ labdhvāpahṛtya vā |
07.001c vikrīyate 'samakṣaṃ yad vijñeyo 'svāmivikrayaḥ || 1 ||
07.002a dravyam asvāmivikrītaṃ prāpya svāmī samāpnuyāt |
07.002c prakāśaṃ krayataḥ śuddhiḥ kretuḥ steyaṃ rahaḥ krayāt || 2
||
07.003a asvāmyanumatād dāsād asataś ca janād rahaḥ |
07.003c hīnamūlyam avelāyāṃ krīṇaṃs taddoṣabhāg bhavet || 3 ||
07.004a na gūhetāgamaṃ kretā śuddhis tasya tadāgamāt |
07.004c viparyaye tulyadoṣaḥ steyadaṇḍaṃ ca so 'rhati || 4 ||
07.005a vikretā svāmine 'rthaṃ ca kretur mūlyaṃ ca tatkṛtam |
07.005c dadyād daṇḍaṃ tathā rājñe vidhir asvāmivikraye || 5 ||