20
mardayeccārdrakadrāvairyāvadbhavati golaka20-1ḥ |
caṇḍālīkandamādāya strīstanyena supeṣayet || 23 ||
anena golakaṃ liptvā vajramūṣyāṃ nirodhayet |
paktvā gajapuṭe grāhyā guṭikā vajra20-2sundarī || 24
||
varṣaikaṃ dhārayedvaktre jīvedbrahyadinatrayam |
brahmavṛkṣasya tvakcūrṇaṃ kṣīrairnityaṃ palaṃ pibet || 25 ||
krāmaṇaṃ hyanupānaṃ syātsādhakasyātisiddhidam |
tadudbhavamalairliptaṃ tāmraṃ tu dhamanena hi || 26 ||
jāyate kanakaṃ divyaṃ satyaṃ śaṅkarabhāṣitam |
hemasundarībaṭikā |
samukhasya rasendrasya pūrvavatkāñcanaṃ samam || 27 ||
jārayedbiḍayogena tato mardyaṃ dinatrayam |
divyauṣadhaiḥ sagomūtrairvajramūṣāndhitaṃ dhamet || 28 ||
uddhṛtya dhārayedvaktre guṭikā hemasundarī |
palārdhaṃ gandhakaṃ cājyairdviguṇairlehayedanu || 29 ||
varṣaikena jarāṃ hanti jīvedācandratārakam |
vajrakhecarīguṭikā |
śuddhasūtaṃ mṛtaṃ vajraṃ vyomasattvaṃ sahāṭakam || 30 ||
amlavarge samaṃ sarvaṃ mardayeddivasatrayam |
tadgolakaṃ dṛḍhaṃ kṛtvā chāyāyāṃ śoṣayettataḥ || 31 ||
brahmakārpāsabījāni rājikā yavaciñcikā |
vandhyā sarvaṃ samaṃ piṣṭvā pūrvagolaṃ pralepayet || 32 ||
ruddhvā gajapuṭe pacyātsamuddhṛtyātha lepayet |
ruddhvā mūṣyāṃ dhamedgāḍhaṃ guṭikā vajrakhecarī || 33 ||
jāyate dhāritā vaktre vatsarānmṛtyunāśinī |
bhū20-3tāravaṭacūrṇaṃ tu palaikaṃ sitayā yutam || 34
||
bhakṣayetkrāmaṇārthaṃ tu brahmāyurjāyate naraḥ |