49
kāravallyā dalairveṣṭya tato vastreṇa bandhayet |
nirvāte kṣīrabhojī syātkṣālayettriphalājalaiḥ || 40 ||
nityamevaṃ prakartavyaṃ lepanaṃ dinasaptakam |
kapālarañjanaṃ khyātaṃ yāvajjīvaṃ na saṃśayaḥ || 41 ||
keśarañjanārthaṃ kākatuṇḍyādiyogaḥ |
bījāni kākatuṇḍyāśca siryālībīja49-1saṃyutam |
taccūrṇaṃ dinacatvāri bhāvyaṃ niguṇḍijairdravaiḥ || 42 ||
japāpuṣpadravaistāvattataḥ pātālayantrake |
tailaṃ prāhyaṃ tu tallepātkeśānāṃ rañjanaṃ bhavet || 43 ||
veṣṭyameraṇḍapatraiśca nirvāte kṣīrabhojanam |
kuryātsnānaṃ kāñjikaiśca nityaṃ saptadine kṛte || 44 ||
yāvajjīvaṃ na sandehaḥ keśāḥ syurbhramaparomāḥ |
keśarañjānārthaṃ bhṛṅgarājādiyogaḥ |
bhṛṅgarājaṃ kācamācīṃ samāṃśaṃ jala49-2maṇḍavīm || 45
||
sampiṣṭyā49-3pūpikāṃ kṛtvā tailamadhye vipācayet |
pakvāṃ tāṃ peṣayettailairlepaḥ syātkeśarañjanam || 46 ||
pūrvavatkramayogena saptāhāttatphalaṃ bhavet |
keśarañjanārthaṃ triphalādiyogaḥ |
ayaskāntamaye pātre rātrau lepyaṃ phalatrayam || 47 ||
mṛṅgarājadravaiḥ sārdhaṃ prātaḥ keśān pralepayet |
evaṃ kuryāttrisaptāhaṃ jāyate pūrvavatphalam || 48 ||
keśarañjanārthaṃ kṛṣṇajīrakayogaḥ |
prakṣipenmāhiṣe śṛṅge kṛṣṇajīraṃ tadandhayet |
gṛhāgre kardame kṣiptvā ṣaṇmāsāttatsamuddharet || 49 ||
taddrutaṃ jāyate kṛṣṇaṃ karṣaikaṃ śirasi kṣipet |
veṣṭayetpūrvayogena kapālarañjanaṃ bhavet || 50 ||
bhramarāñjanasaṅkāśaṃ yāvajjīvaṃ na saṃśayaḥ |