udayādityarasaḥ |

pāradāddviguṇaṃ gandhaṃ śuddhaṃ sarvaṃ vimardayet || 28 ||
muṇḍyārdrakarasaiḥ khalve trisaptāhaṃ punaḥ punaḥ |
etattulyaṃ śuddhatāmraṃ sampuṭe tannirodhayet || 29 ||
veṣṭayedvastrakhaṇḍena vajramṛttikayā bahiḥ |
liptvā viśoṣayettaṃ vai samyaggajapuṭe pacet || 30 ||
uddhṛtya sampuṭaṃ cūrṇyaṃ devadālyā dravaistryaham |
bhaṅgīpunarnavādrāvaiḥ pṛthagbhāvyaṃ tryahaṃ tryaham || 31 ||
tattulyaṃ nāgarāccūrṇaṃ kṣiptvā madhvājyasaṃyutam |
lihenmāṣadvayaṃ nityaṃ yāvatsaṃvatsarāvadhi || 32 ||
raso'yamudayādityo jarāmṛtyuharaḥ paraḥ |
punarnavādevadālībhṛṅgacūrṇaṃ samaṃ samam || 33 ||
madhvājyābhyāṃ lihetkarṣamanu syātkrāmaṇaṃ param |