387 न पदा स्पृशेत्’ इत्यध्याहारो भवति । सोऽयं निषेधरूप आगमः । उभयमप्येतन्नावश्यानुष्ठेयमिति मघ्यमम् ॥
तदिदमनिर्दिष्टवक्तृकमिति । एतेनैतिह्यमागम एवान्तर्भूतमिति दर्शितम्; अज्ञातवक्तृकस्यागमस्यैव तथा प्रसिद्धेरिति । अत्रापीति । पिशाचवासादिभिरनुवादैः पूर्ववद्विधयः कल्प्यन्ते ॥
जघन्यं द्विधा । काम्यं निषिद्धं च । तयोः काम्यं यथा—
तदेतत्पूर्ववद्विधिरूपं काम्यमाप्तवचनम् ॥
मुण्डइआ इति । मुण्डितिका अलम्बुसा । कषायः क्वाथो जलम् । नावनं नस्यम् । काम्यमिति । पीनोन्नतस्तनकामनावतीभिरेव क्रियमाणत्वात् ॥
निषिद्धं यथा—
तदेतन्निषेधरूपं निषिद्धमेवाप्तवचनम् । उभयमपि चैतन्मूलकारिभिः संसृज्येतेत्यादिदोषान्नानुष्ठेयमिति जघन्यम् ॥
त्वयारब्धमित्यादौ गणिकया सतीचारित्र्यवत्या न भवितव्यमिति स्फुटो निषे- धविधिर्जघन्यत्वं व्याचष्टे—उभयमपि चैतन्मूलकारिभिरिति ॥
- ‘मनेनैकपतिना’ इति पाठः पुस्तकान्तरे↩