amarasundarīguṭikā
amarasundarīguṭikāvidhānaṃ guṇāṃścāha kāntetyādi // GRhtCM_19.65-66:1 //
kāntaṃ cumbakaṃ abhraṃ yugmam // GRhtCM_19.65-66:2 //
abhrakasattvaṃ pratītaṃ hema kanakaṃ tāraṃ ca tat ekavadbhāvo dvandvatvāt punararkaḥ tāmram eṣāṃ kāntādīnāṃ saṃkhyā gaṇanā samāṃśataḥ samabhāgato jñeyā // GRhtCM_19.65-66:3 //
punaḥ sūtasamāṃśaṃ pāradena tupyabhāgaṃ dhmātaṃ kuryāt andhamūṣāyāṃ iti śeṣaḥ // GRhtCM_19.65-66:4 //
kiṃkṛtaṃ sat bāhye baddhagopopari rasena māraṇāyām uktadraveṇa piptaṃ sat dhmātaṃ kuryāt // GRhtCM_19.65-66:5 //
itthaṃ kṛtaṃ khoṭaṃ piṣṭistambhaḥ gopākāraṃ bhavati // GRhtCM_19.65-66:6 //
tat vadanagataṃ mukhāntaḥsthitaṃ śastravārakaṃ syāt asmiṃśca vadanaṃ gate sati śarīre khaḍgādīnāṃ prahāro na pagati // GRhtCM_19.65-66:7 //
guṭir iyaṃ nāmnā abhidhānena amarasundarīguṭikā jñeyā // GRhtCM_19.65-66:8 //
iyaṃ śarīrasthā mukhe anyasthape vā sthitā satī śarīrasthān rogān hanti vināśayati // GRhtCM_19.65-66:9 //
anuktamapi mānaṃ pañcaniṣkapramāṇaṃ jñeyamityarthaḥ // GRhtCM_19.65-66:10 //
ityamarasundarī guṭikā // GRhtCM_19.65-66:11 //
hemnā vā rajatena vāpi sahito dhmāto vrajatyekatāmakṣīṇo niviḍo guḍaśca guṭikāḥ karoti dīrghojjvapāḥ // GRhtCM_19.65-66:12 //
cūrṇaṃ tatpaṭuvatprayāti vihitaghṛṣṭo na muñcenmapaṃ nirgandho dravati kṣaṇātsa hi mato baddhābhidhāno rasaḥ /
iti granthāntare // GRhtCM_19.65-66:13 //