J 68
3.276a[266Ma] kṛṣṇapakṣe daśamyādau varjayitvā caturdaśīm |
3.276c[266Mc] śrāddhe praśastās tithayo yathā-etā na
tathā-itarāḥ || 276 ||
3.277a[267Ma] yukṣu kurvan dina.ṛkṣeṣu sarvān kāmān samaśnute
|
3.277c[267Mc] ayukṣu tu pitṝn sarvān prajāṃ prāpnoti puṣkalām
|| 277 ||
3.278a[268Ma] yathā ca-eva-aparaḥ pakṣaḥ pūrvapakṣād viśiṣyate
|
3.278c[268Mc] tathā śrāddhasya pūrvāhṇād aparāhṇo viśiṣyate ||
278 ||
3.279a[269Ma] prācīnāvītinā samyag apasavyam a.tandriṇā |
3.279c[269Mc] pitryam ā nidhanāt kāryaṃ vidhivad darbha.pāṇinā
|| 279 ||
3.280a[270Ma] rātrau śrāddhaṃ na kurvīta rākṣasī kīrtitā hi sā
|
3.280c[270Mc] sandhyayor ubhayoś ca-eva sūrye
ca-eva-acira.udite || 280 ||
3.281a[271Ma] anena vidhinā śrāddhaṃ trir abdasya-iha nirvapet
|
3.281c[271Mc] hemanta.grīṣma.varṣāsu pāñcayajñikam anvaham ||
281 ||
3.282a[272Ma] na paitṛyajñiyo homo laukike 'gnau vidhīyate
|
3.282c[272Mc] na darśena vinā śrāddham āhita.agner dvijanmanaḥ
|| 282 ||
3.283a[273Ma] yad eva tarpayaty adbhiḥ pitṝn snātvā dvijottamaḥ
|
3.283c[273Mc] tena-eva kṛtsnam āpnoti pitṛyajñakriyāphalam ||
283 ||
3.284a[274Ma] vasūn vadanti tu pitṝn rudrāṃś ca-eva pitāmahān
|
3.284c[274Mc] prapitāmahāṃs tathā-ādityān śrutir eṣā sanātanī
|| 284 ||