yamaniyamāsanaprāṇāyāmapratyāhāradhāraṇādhyānasamādhayo 'ṣṭāv aṅgāni //2.29//

saṃprati nyūnādhikasaṃkhyāvyavacchedārthaṃ yogāṅgāny avadhārayati --- tatra yogāṅgāny avadhāryanta iti/ yamaniyamāsanaprāṇāyāmapratyāhāradhāraṇādhyānasamādhayo 'ṣṭāv aṅgāni/ 101 abhyāsavairāgyaśraddhāvīryādayo 'pi yathāyogam eteṣv eva svarūpato nāntarīyakatayā cāntarbhāvayitavyāḥ //2.29//