vṛttiḥ --- ya ete dharmadharmiṇaḥ proktāste vyaktasūkṣmabhedena vyavasthitāḥ guṇāḥ sattvarajastamorūpāstadātmānastatsvabhāvāstatpariṇāmarūpā ityarthaḥ| yataḥ sattvarajastamobhiḥ sukhaduḥkhamoharūpaiḥ sarvāsāṃ bāhyābhyantarabhedabhinnānāṃ bhāvavyaktīnāmanvayānugamo dṛśyate| yadyadanvayi tattat pariṇāmarūpaṃ dṛṣṭam| yathā ghaṭādayo mṛdanvitā mṛtpariṇāmarūpāḥ ||13||