अथ परिसर्पः—
दृष्टनष्टानुसर्पणम् ॥ ३२ ॥
परिसर्पो
यथा वेणीसंहारे 225—
योऽयमुद्यतेषु बलवत्सु, अथवा किं बलवत्सु, वासुदेवसहायेष्वरिप्वद्याप्यन्तः पुरसुखमनुभवति । इदमपरमयथातथं स्वामिनश्चेष्टितम्226—
इति 227भीष्मादिवधेन दृष्टस्य कर्णाद्यवधाच्च अदृष्टस्य बलवतां वासुदेवसहायानां
पाण्डवानां संग्रामलक्षणबिन्दुरूपविजयप्रयत्नान्वयेन । कञ्चुकिमुखेनानुसर्पणं परिसर्प इति ।कञ्चुकी
आशस्त्रग्रहणादकुण्ठपरशोस्तस्यापि जेता मुने-
स्तापायास्य न पाण्डुसूनुभिरयं भीष्मः शरैः शायितः ।
प्रौढानेकधनुर्धरारिविजयश्रान्तस्य चैकाकिनो
बालस्यायभरातिलूनधनुषः प्रीतोऽभिमन्योर्वधात् ॥
यथा च 228रत्नावल्यां सारिकावचनचित्रदर्शनाभ्यां सागरिकानुरागबीजस्य दृष्टनष्टस्य क्वासौ क्वासौ इत्यादिना वत्सराजेनानुसरणात् परिसर्प इति ।