55 अथादानम्—
आदानं कार्यसंग्रहः ।
यथा वेणीसंहारे—
ननु भोः समन्तपञ्चकसंचारिणः—
इत्यनेन समस्तरिपुवधकार्यस्य संगृहीतत्वादादानम् ।भीमः
रक्षो नाहं न भूतं रिपुरुधिरजलाप्लाविताङ्गः प्रकामं
निस्तीर्णोरुप्रतिज्ञाजलनिधिगहनः क्रोधनः क्षत्रियोऽस्मि ।
भो भो राजन्यवीराः समरशिखिशिखादग्धशेषाः कृतं व-
स्त्रासेनानेन लीनैर्हतकरितुरगान्तर्हितैरास्यते यत् ॥391
यथा च रत्नावल्याम्— इत्यनेनान्यपरेणापि सागरिकायाः 394दुःखावसानेन कार्यस्य संग्रहादादानम् । यथा च जगत्स्वामित्वलाभः प्रभोः395 इति दर्शितमेवम् ।
इत्येतानि त्रयोदशावमर्शाङ्गानि । 396तत्रैतेषामपवादशक्तिव्यवसायप्ररोचनादानानि प्रधानानीति ।