अथाङ्कः—

उत्सृष्टिकाङ्के प्रख्यातं वृत्तं बुद्ध्या प्रपञ्चयेत् ॥ ७० ॥
रसस्तु करुणः स्थायी नेतारः प्राकृता नराः ।
भाणवत् संधिवृत्त्यङ्कैर्युक्तः785 स्त्रीपरिदेवितैः ॥ ७१ ॥
वाचा युद्धं विधातव्यं तथा जयपराजयौ ।

उत्सृष्टिकाङ्क इति नाटकान्तर्गताङ्कव्यवच्छेदार्थम् । शेषं प्रतीतमिति ।

उत्सृष्टिकाङ्के प्रख्यातमितिवृत्तम् । प्राकृता जना नेतारः । रसस्तु करुणः । संधिसंध्यङ्गानि अङ्काश्च भाणवत् । स्त्रीपरिदेवितं भूयो विधेयम् । वाचैव युद्धं विधेयं न कर्मणा । जयपराजयौ च वाचैव विधेयौ । तथा दर्शयति उत्सृष्टिकाङ्क इति ।

  1. N.S.P. vṛttyaṅgaiḥ.