nirvāhaṇavidhireṣaḥ prakāśito+aśeṣadoṣaśamanāya /
bījānāmapyevaṃ ghanasatvaṃ yujyate prathamam // GRht_11.12 //

bīje'bhrasatvaṃ pradhānamāha nirvāhaṇetyādi // GRhtCM_11.12:1 //

eṣaḥ kimarthaḥ aśeṣadoṣaśamanāya dhātvādīnāṃ samastadoṣanāśanāyetyarthaḥ // GRhtCM_11.12:2 //

evamamunā prakāreṇa yathā dhātunirvāhaṇavidhistathā bījānāṃ rase nirvāhaṇaṃ kuryāt sarvabījanirvāhaṇe abhrakasatvaṃ prathamaṃ nirvāhyamiti jñeyam // GRhtCM_11.12:3 //