production of gold:: preparing the mercury
samād adhi ca yajjīrṇaṃ bījaṃ tenaiva cāvartatā kāryā /
kartavyaṃ tatkaraṇaṃ yasmātkhalu jāyate hema // GRht_14.1 //
śaradi śāradamegho varṣati varṣāsu vārṣiko vārdaḥ /
madhusamaye parapuṣṭaḥ pravarajavaḥ śobhate satatam // GRhtCM_14.1:1 //
bījajāraṇātkiṃ bhavati tadāha samādītyādi // GRhtCM_14.1:2 //
samaṃ sūtatupyaṃ adhiśabdād aparimitaṃ samādadhikaṃ yajjīrṇaṃ jāraṇamāptaṃ bījaṃ niṣpannabījaṃ tenaiva jīrṇena bījena saha āvartatā kāryā āvarta iti āvartaḥ // GRhtCM_14.1:3 //
kiṃ tat yasmādvidhānāddhema kanakaṃ jāyate khapu niścayena tatkaraṇaṃ tasya vidhānasya karaṇam // GRhtCM_14.1:4 //
samādijīrṇasya sūtasya rūpyādiṣu prayogātkanakaṃ bhavediti vyaktiḥ // GRhtCM_14.1:5 //