205
206
Chapter 17
Dyūtasamāhvayam (Gambling and Contests)
L tr. 193-194, cf. J tr. 109-11017.001a akṣavardhraśalākādyair devanaṃ jihmakāritam |
17.001c paṇakrīḍā vayobhiś ca padaṃ dyūtasamāhvayam || 1 ||
17.002a sabhikaḥ kārayed dyūtaṃ deyaṃ dadyāc ca tatkṛtam |
17.002c daśakaṃ tu śataṃ vṛddhis tasya syād dyūtakāritā || 2 ||
17.003a dvirabhyastāḥ patanty akṣā glahe yasyākṣadevinaḥ |
17.003c jayaṃ tasyāparasyāhuḥ kitavasya parājayam || 3 ||
17.004a kitaveṣv eva tiṣṭheyuḥ kitavāḥ saṃśayaṃ prati |
17.004c ta eva tasya draṣṭāraḥ syus ta eva ca sākṣiṇaḥ || 4 ||
17.005a aśuddhaḥ kitavo nānyad āśrayed dyūtamaṇḍalam |
17.005c pratihanyān na sabhikaṃ dāpayet tat svam iṣṭataḥ || 5 ||
17.006a kūṭākṣadevinaḥ pāpān nirbhajed dyūtamaṇḍalāt |
17.006c kaṇṭhe 'kṣamālām āsajya sa hy eṣāṃ vinayaḥ smṛtaḥ || 6 ||