45
rasāyanasevanavidhiḥ |
prātaḥ puṣyārkamukhye vividhaśubhadine mantrapūjāvidhānai-
rgrāhyaṃ divyauṣadhīnāṃ phaladalakusumaṃ mūlapatraṃ rasaṃ vā |
sarvāṅgaṃ vā'tha sidhyai sakalamabhinavaṃ sevayedbrahmacārī
kṣīrānnaṃ codakānnaṃ hitamaśanamidaṃ sarvamanyadvivarjyam || 115 ||
iti śrīpārvatīputraśrīnityanāthasiddhaviracite śrīrasaratnākare
rasāyanakhaṇḍe nānārasāyanaṃ nāma caturthopadeśaḥ |
atha pañcamopadeśaḥ |
udvartanaṃ pa45-1litahāri paraṃ narāṇāṃ
śobhāvahaṃ sukhakaraṃ kacarañjanaṃ ca |
vṛddhopayogisukhasādhyamanekayuktyā
vakṣye susiddhamanubhūtipathena dṛṣṭam || 1 ||
valīpalitanāśārthaṃ pāradādyudvartanam |
pāradaṃ gandhakaṃ tulyaṃ nārīstanyena mardayet |
viṣṇukrāntā meghanādā sarpākṣī munimuṇḍikā || 2 ||
āsāṃ dravairdinaṃ khalve mardayettatsamuddharet |
yavacūrṇaṃ tilāścaiva pratyekaṃ rasatulyakam || 3 ||
kṣipettasmin ghṛtaiḥ kṣaudraiḥ sarvamāloḍya rakṣayet |
anenodvartanaṃ samyagvalīpalitanāśanam || 4 ||
vatsarāddivyadehaḥ syājjīvedvarṣasahasrakam |
valīpalitanāśārthaṃ vajrakāpālinīmūlādyudvartanam |
vajrakāpālinīmūlaṃ pāradaṃ ca samaṃ samam || 5 ||
śivāmbunā tryahaṃ mardyamudvartātpūrvavatphalam |
-
balakaraṃ paramaṃ kha. |
↩