60
kṣīraṃ pītvā ramedrāmāḥ kāmākulakalānvitāḥ || 8 ||
mukhāddhastaṃ yadā prāptā tadā vīryaṃ patatyalam |
brahmāṇḍaguṭikā nāma śoṣayantī mahodadhim || 9 ||
vīryastambhakaro liṅgalepaḥ |
dagdhamaṅkollamūlaṃ tu karpūraṃ kuṅkumaṃ tathā |
rocanā sahadevī ca samaṃ sarvaṃ prapeṣayet || 10 ||
viṣamuṣṭikatailena liptaliṅgo hyanena vai |
naro nārīsahasraikaṃ gacchan vīryaṃ na muñcati || 11 ||
vīryastambhakaro dīpaḥ |
śvetārkatūlajāṃ varttiṃ kṛtvā sūkaramedasā |
yāvajjvalati dīpo'yaṃ tāvadvīryaṃ sthiraṃ nṛṇām || 12 ||
vīryastambhakarī indravāruṇikāmūlādyā vaṭīḥ |
indravāruṇikāmūlaṃ puṣye nagnaḥ samuddharet |
tryūṣaṇaiśca gavāṃ kṣīraiḥ piṣṭvā kuryādvaṭīṃ dṛḍhām || 13 ||
chāyāśuṣkā sthitā vaktre vīryastambhakarī nṛṇām |
varamaṅkolatailena nābhilepo'pi vīryadhṛk || 14 ||
vīryastambhārthaṃ raktāpāmārgamūlayogaḥ |
raktāpāmārgamūlaṃ tu somavāre'bhimantrayet |
bhaume prāptaḥ samuddhṛtya bandhetkaṭyāṃ ca vīryadhṛk || 15 ||
vīryastambhakaraḥ pādalepaḥ |
caṭakānaṅkulītailaiḥ pādādhaḥ sampralepayet |
na muñcati naro vīryaṃ śayyāṃ pādena na spṛśet || 16 ||
vīryastambhārthaṃ kaṭyāṃ sarpāsthidhāraṇayogaḥ |
ḍuṇḍubho nāma yaḥ sarpaḥ kṛṣṇavarṇastamāharet |
tasyāsthi dhārayetkaṭyāṃ naro vīryaṃ na muñcati || 17 ||
tanmukte muñcate vīryaṃ siddhayoga udāhṛtaḥ |
vīryastambhakaro nābhilepaḥ |
sahadevīyamūlaṃ tu tatsamaṃ padmakeśaram || 18 ||
piṣṭvā madhvājyasaṃyukto lepo nābhau tu vīryadhṛk |