4
mardayettridinaṃ khalve mūṣāyāṃ cāndhitaṃ tataḥ |
karīṣāgnau divārātraṃ trirātraṃ vā tuṣāgninā || 27 ||
sveditaṃ mardayedbhūyo bījairdivyauṣadhodbha4-1vaiḥ |
tulyaṃ khalve caturyāmaṃ vajramūṣāndhitaṃ dhamet || 28 ||
bhasmasūtaṃ bhavettadvai yojyaṃ sarvarasāyane |
pāradamāraṇasya dvitīyaḥ prakāraḥ |
śuddhasū4-2taṃ samaṃ svarṇaṃ yāmamamlairvimardayet || 29
||
prākṣālya grāhayet piṣṭīṃ piṣṭyardhaṃ śuddhagandhakam |
gandhārdhaṃ ṭaṅkaṇaṃ dattvā sarvatulyāṃ haridrikām || 30 ||
strīpuṣpeṇa tu tatsarvaṃ mardyaṃ rambhādravānvitam |
dinānte golakaṃ kṛtvā vālukā4-3yantragaṃ pacet || 31
||
dinaṃ mandāgninā taṃ vai samuddhṛtya vicūrṇayet |
cūrṇāṃśaṃ gandhakaṃ dattvā garbhayantre tryahaṃ pacet || 32 ||
tuṣāgninā laghutvena jāyate bhasmasūtakaḥ |
pāradamāraṇasya tṛtīyaḥ prakāraḥ |
śu4-4ddhasūtastribhāgaḥ syādbhāgaikaṃ tāmracūrṇakam || 33
||
dinaikaṃ mardayedamlaiḥ kṣālitaṃ piṣṭimāharet |
mākṣikāddhautasattvaṃ ca piṣṭitulyaṃ prakalpayet || 34 ||
tatsarvaṃ tridinaṃ mardyaṃ cakramardadaladravaiḥ |
tadgolaṃ garbhayantrasthaṃ tridinaṃ tuṣavahninā || 35 ||
ka4-5rīṣāgnau divārātraṃ pacedvā bhasmatāṃ vrajet |
pāradamāraṇasya caturthaḥ prakāraḥ |
śuddhasūtaṃ vyomasattvaṃ suvarṇaṃ ca samaṃ samam || 36 ||
sarvatulyaṃ biḍaṃ dattvā mardyaṃ rambhādravairdinam |
bījairdivyauṣadhīnāṃ ca tulyairmardyaṃ dinadvayam || 37 ||
garbhayantragataṃ pacyānmriyate pūrvavatpuṭe |