6
pāradamāraṇasya daśamaḥ prakāraḥ |
dravaistu kīṭamāriṇyā hyajamodādravaiśca vā |
ahimāryā dravairvā'tha kiṃvā śvetāṅkuladravaiḥ || 50 ||
mardayetpāradaṃ śuddhaṃ samagandhaṃ dinatrayam |
sampuṭe mṛṇmaye ruddhvā karīṣāgnau divāniśi || 51 ||
pacettuṣāgninā vā'tha tridinānmriyate dhruvam |
pāradamāraṇasyaikādaśaḥ prakāraḥ |
śuddhasūtaṃ mṛtaṃ vajraṃ samāṃśaṃ taptakhalvake || 52 ||
haṃsapādyā dravairmardyaṃ tridinānte samuddharet |
bījairdivyauṣadhīnāṃ ca vajramūṣāṃ pralepayet || 53 ||
tatra pūṃrvarasaṃ ruddhvā tridinaṃ tuṣavahninā |
pācayitvā samuddhṛtya tatsamaṃ śuddhapāradam || 54 ||
ekīkṛtya tryahaṃ mardyaṃ haṃsapādyā dravairdṛḍham |
tadgolaṃ pūrvavatpacyānmṛtaṃ bhavati śobhanam || 55 ||
vajrādimāraṇavidheratideśena kathanam |
vajrābhrādyaṣṭalohānāṃ rasakhaṇḍe yathoditam |
māraṇaṃ vā6-1dikhaṇḍe vā tathā jñeyaṃ rasāyane || 56
||
mṛtarasaguṇāḥ |
evaṃ mṛto rasavaraḥ paramāmṛtaḥ syā-
ttatsevakāḥ satatamasya dṛ6-2ḍhaṃ tu teṣām |
dehaṃ karoti sahasā surasundarīṇāṃ
krīḍākṣamaṃ paramasundarameva nityam || 57 ||
iti śrīpārvatīputranityanāthasiddhaviracite rasaratnākare rasāyanakhaṇḍe
rasa- māraṇaṃ nāma prathamopadeśaḥ ||
14
15