7
dvitīyopadeśaḥ |
dharmajñaiḥ śivavatsalairnijaratairbhūpairmahāsādhakaiḥ
samyagdivyarasāyanena satataṃ kalpāntasīmāvadhi |
rakṣyaṃ gā7-1tramanantapuṇyanicaye muktiśca yasmādbhave-
ttadvakṣye paramādbhutaṃ sukhakaraṃ sāmrājyadaṃ dhīma7-2tām
|| 1 ||
kṣetrīkaraṇārthamabhrakabhakṣaṇavidhiḥ |
abhrakaṃ bhakṣayedādau māritaṃ cāmṛtīkṛtam |
māsaikaṃ niṣkaniṣkaṃ vai kṣetrīkaraṇahetave || 2 ||
yasmādabhraṃ rasakṣetraṃ tataḥ kuryādrasāyanam |
akṣetrīkaraṇe sūto hyamṛto viṣatāṃ vrajet || 3 ||
phalasiddhiḥ kutastasya subījasyoṣare yathā |
vajrapañjararasaḥ |
vajrapāradayorbhasma samabhāgaṃ prakalpayet || 4 ||
sūtapādaṃ mṛtaṃ svarṇaṃ sarvaṃ mardyaṃ dināvadhi |
haṃsapādyā dravaireva tadgolaṃ cāndhitaṃ puṭet || 5 ||
arkakṣīraiḥ punarmardyaṃ tadvadgajapuṭe pacet |
bhakṣayetsarṣapavṛddhaṃ yāvanmāṣaṃ vivardhayet || 6 ||
śaraṇyaḥ sādhakānāṃ tu raso'yaṃ vajrapañjaraḥ |
citrakārdrakasindhūtthamṛtatakṣṇisuvarcalam || 7 ||
samaṃ sarvaṃ sadā cānu bhakṣyaṃ syātkrāmaṇe hitam |
māsaṣaṭkaprayogeṇa jīvedācandratārakam || 8 ||
valīpalitanirmukto divyakāyo mahābalaḥ |