vājīkaraṇādhyāye dvitīyaḥ pādaḥ/
Ca.6.2.2.1 athāta āsiktakṣīrikaṃ vājīkaraṇapādaṃ vyākhyāsyāmaḥ//
Ca.6.2.2.2 iti ha smāha bhagavānātreyaḥ//
Ca.6.2.2.3
āsiktakṣīramāpūrṇamaśuṣkaṃ śuddhaṣaṣṭikam/
&udūkhale samāpothya pīḍayet kṣīramarditam//
&`kṣuṇṇaṃ vimarditaṃ kṣīre pīḍayet susamāhitaḥ' iti pā-.
Ca.6.2.2.4 gṛhītvā taṃ rasaṃ pūtaṃ
gavyena payasā saha/
bījānāmātmaguptāyā dhānyamāṣarasena ca//
Ca.6.2.2.5 balāyāḥ śūrpaparṇyośca
jīvantyā jīvakasya &ca/
ṛddhyarṣabhakakākolīśvadaṃṣṭrāmadhukasya ca//
&`ṛṣabhasya ca kākolīmadhukānāṃ rasena ca' iti pā-.
Ca.6.2.2.6 śatāvaryā vidāryāśca
drākṣākharjūrayorapi/
saṃyuktaṃ mātrayā vaidyaḥ sādhayettatra cāvapet//
Ca.6.2.2.7 tugākṣīryāḥ samāṣāṇāṃ
śālīnāṃ ṣaṣṭikasya ca/
godhūmānāṃ ca cūrṇāni yaiḥ sa sāndrībhavedrasaḥ//
Ca.6.2.2.8 sāndrībhūtaṃ ca kuryāt
prabhūtamadhuśarkaram/
guli(ṭi)kā badaraistulyāstāśca sarpiṣi bharjayet//
Ca.6.2.2.9 tā yathāgni prayuñjānaḥ
kṣīramāṃsarasāśanaḥ/
paśyatyapatyaṃ vipulaṃ vṛddho+apyātmajamakṣayam//
(ityapatyakarī ṣaṣṭikādiguṭikā/)
Ca.6.2.2.10 caṭakānāṃ sahaṃsānāṃ
dakṣāṇāṃ śikhināṃ tathā/
śiśumārasya nakrasya bhiṣak śukrāṇi saṃharet//
Ca.6.2.2.11 gavyaṃ
sarpirvarāhasya kuliṅgasya vasāmapi/
ṣaṣṭikānāṃ ca cūrṇāni cūrṇaṃ &godhūmakasya ca//
&`gaudhūmikaṃ tathā' iti pā-.
Ca.6.2.2.12 ebhiḥ pūpalikāḥ
kāryāḥ śaṣkulyo vartikāstathā/
pūpā dhānāśca vividhā bhakṣyāścānye pṛthagvidhāḥ//
Ca.6.2.2.13 eṣāṃ
prayogādbhsakṣyāṇāṃ stabdhenāpūrṇaretasā/
śephasā vājivadyāti yāvadicchaṃ striyo naraḥ//
(iti vṛṣyapūpalikādiyogāḥ/)
Ca.6.2.2.14 ātmaguptāphalaṃ māṣān
kharjūrāṇi śatāvarīm/
śṛṅgāṭakāni mṛdvīkāṃ sādhayet prasṛtonmitam//
Ca.6.2.2.15 kṣīraprasthaṃ
jalaprasthametat prasthāvaśeṣitam/
śuddhena vāsasā pūtaṃ yojayet prasṛtaistribhiḥ//
Ca.6.2.2.16 śarkarāyāstugākṣīryāḥ
sarpiṣo+abhinavasya ca/
tat pāyayeta sakṣaudraṃ ṣaṣṭikānnaṃ ca bhojayet//
Ca.6.2.2.17 jarāparīto+apyabalo
yogenānena vindati/
naro+apatyaṃ suvipulaṃ yuveva ca sa hṛṣyati//
(ityapatyakaraḥ svarasaḥ/)
Ca.6.2.2.18 kharjūrīmastakaṃ
māṣān payasyāṃ ca śatāvarīm/
kharjūrāṇi madhūkāni mṛdvīkāmajaḍāphalam//
Ca.6.2.2.19 palonmitāni
&matimān sādhayet salilāḍhake/
tena pādāvaśeṣeṇa kṣīraprasthaṃ vipācayet//
&`sarvāṇi' iti pā-.
Ca.6.2.2.20 kṣīraśeṣeṇa tenādyād
ghṛtāḍhyaṃ ṣaṣṭikaudanam/
saśarkareṇa saṃyoga eṣa vṛṣyaḥ paraṃ smṛtaḥ//
(iti vṛṣyakṣīram/)
Ca.6.2.2.21 jīvakarṣabhakau medāṃ
jīvantīṃ śrāvaṇīdvayam/
kharjūraṃ ma dhukaṃ drākṣāṃ pippalīṃ viśvabheṣajam//
Ca.6.2.2.22 śṛṅgāṭakaṃ vidārīṃ ca
navaṃ sarpiḥ payo jalam/
siddhaṃ ghṛtāvaśeṣaṃ taccharkarākṣaudrapādikam//
Ca.6.2.2.23 ṣaṣṭikānnena
saṃyuktamupayojyaṃ yathābalam/
vṛṣyaṃ balyaṃ ca kaṇṭhyaṃ bṛṃhaṇamuttamam//
(iti vṛṣyaghṛtam/)
Ca.6.2.2.24 dadhnaḥ saraṃ
śaraccandrasannibhaṃ doṣavarjitam/
śarkarākṣaudramaricaistugākṣīryā ca buddhimān//
Ca.6.2.2.25 yuktyā yuktaṃ
sasūkṣmailaṃ nave &kumbhe śucau paṭe/
mārjitaṃ prakṣipecchīte ghṛtāḍhye ṣaṣṭikaudane//
&`kuṇḍe' iti pā-.
Ca.6.2.2.26 pibenmātrāṃ
rasālāyāstaṃ bhuktvā &ṣaṣṭikaudanam/
varṇasvarabalopetaḥ pumāṃstena vṛṣāyate//
&`tamadyādupariṣṭācca rasālāṃ mātrayā pibet' iti pā-. (vṛṣyo
dadhisaraprayogaḥ/)
Ca.6.2.2.27 candrāṃśukalpaṃ
payasā ghṛtāḍhyaṃ ṣaṣṭikaudanam/
śarkarāmadhusaṃyuktaṃ prayuñjāno vṛṣāyate//
(iti vṛṣyaḥ ṣaṣṭikaudanaprayogaḥ/)
Ca.6.2.2.28 tapte sarpiṣi
nakrāṇḍaṃ tāmracūḍāṇḍamiśritam/
yuktaṃ ṣaṣṭikacūrṇena sarpiṣā+abhinavena ca//
Ca.6.2.2.29 paktvā pūpalikāḥ
khādedvāruṇīmaṇḍapo naraḥ/
ya icchedaśvavadgantuṃ prasektuṃ gajavacca yaḥ//
(iti vṛṣyapūpalikāḥ/)
Ca.6.2.2.30 bhavataścātra---
etaiḥ prayogairvidhivadvapuṣmān &vīryopapanno balavarṇayuktaḥ/
harṣānvito vājivadaṣṭavarṣo bhavet samarthaśca varāṅganāsu//
&`snehopapannaḥ' iti pā-.
Ca.6.2.2.31 yadyacca
kiñcinmanasaḥ priyaṃ syādramyā vanāntāḥ pulināni śailāḥ/
iṣṭāḥ striyo bhūṣaṇagandhamālyaṃ priyā vayasyāśca tadatra
&yogyam//
&`yojyam' iti pā-.
Ca.6.2.2.32 tatra ślokaḥ---
āsiktakṣīrike pāde ye yogāḥ parikīrtitāḥ/
aṣṭāvapatyakāmaiste prayojyāḥ pauruṣārthibhiḥ//
ityagniveśakṛte tantre carakapratisaṃskṛte cikitsāsthāne
vājīkaraṇādhyāye āsiktakṣīriko nāma vājīkaraṇapādo
dvitīyaḥ//2//