ekaviṃśo+adhyāyaḥ
Ca.1.21.1 athāto+aṣṭauninditīyamadhyāyaṃ vyākhyāsyāmaḥ //
Ca.1.21.2 iti ha smāha bhagavānātreyaḥ //
Ca.1.21.3 iha khalu śarīramadhikṛtyāṣṭau puruṣā ninditā bhavanti; tadyathā --- atidīrghaśca, atihrasvaśca, atilomā ca, alomā ca&, atikṛṣṇaśca, atigauraśca, atisthūlaśca, atikṛśaśceti //
Ca.1.21.4 tatrātisthūlakṛśayorbhūya evāpare ninditaviśeṣā bhavanti /
atisthūlasya tāvadāyuṣo hrāso &javoparodhaḥ kṛcchravyavāyatā daurbalyaṃ daurgandhyaṃ svedābādhaḥ kṣudatimātraṃ pipāsātiyogāśceti bhavantyaṣṭau doṣāḥ /
tadatisthaulyamatisaṃpūraṇādgurumadhuraśītasngidhopayogādavyāyāmādavyavāyāddivāsvapnāddharṣanityatvādacintanādbījasvabhāvāccopajāyate /
tasya hyatimātramedasvino& meda evopacīyate na tathetare dhātavaḥ, tasmādasyāyuṣo hrāsaḥ; śaithilyāt saukumāryādgurutvācca medaso &javoparodhaḥ, śukrābahutvānmedasā++āvṛtamārgatvācca kṛcchravyavāyatā, daurbalyamasamatvāddhātūnāṃ, daurgandhyaṃ medodoṣānmedasaḥ svabhāvāt svedanatvācca, medasaḥ śleṣmasaṃsargādviṣyanditvādbahutvādgurutvādvyāyāmāsahatvācca svedābādhaḥ, tīkṣṇāgnitvāt prabhūtakoṣṭhavāyutvācca kṣudatimātraṃ pipāsātiyogaśceti //
Ca.1.21.5 bhavanti cātra
Ca.1.21.5ab
medasā+āvṛtamārgatvādvāyuḥ koṣṭhe viśeṣataḥ /
Ca.1.21.5cd caran
saṃdhukṣayatyagnimāhāraṃ śoṣayatyapi //
Ca.1.21.6ab tasmāt sa śīghraṃ
jarayatyāhāraṃ cātikāṅkṣati /
Ca.1.21.6cd vikārāṃścāśnute ghorān
kāṃścitkālavyatikramāt //
Ca.1.21.7ab etāvupadravakarau
viśeṣādagnimārutau /
Ca.1.21.7cd etau hi dahataḥ sthūlā
vanadāvo vanā yathā //
Ca.1.21.8ab medasytīva saṃvṛddhe
sahasaivānilādayaḥ /
Ca.1.21.8cd vikārān dāruṇān kṛtvā
nāśayantyāśu jīvitam //
Ca.1.21.9ab
medomāṃsātivṛddhatvāccalasphigudarastanaḥ /
Ca.1.21.9cd ayathopacayotsāho
naro+atisthūla ucyate //
Ca.1.21.10ab iti medasvino doṣā
hetavo rūpameva ca /
Ca.1.21.10cd nirdiṣṭaṃ vakṣyate
vācyamatikārśye tvataḥ param //
Ca.1.21.11ab sevā rūkṣānnapānānām
laṅghanaṃ pramityāśanam /
Ca.1.21.11cd kriyātiyogaḥ śokaśca
veganidrāvinigrahaḥ //
Ca.1.21.12ab rūkṣasyodvartanaṃ
snānasyābhyāsaḥ prakṛtirjarā /
Ca.1.21.12cd vikārānuśayaḥ krodhaḥ
kruvantyatikṛśaṃ naram //
Ca.1.21.13ab vyāyāmamatisauhityaṃ
kṣutpipāsāmayauṣadham /
Ca.1.21.13cd kṛśo na sahate
tadvadatiśītoṣṇamaithunam //
Ca.1.21.14ab plīhā kāsaḥ kṣayaḥ
śvāso gulmo+arśāṃsyudarāṇi ca /
Ca.1.21.14cd kṛśaṃ
prāyo+abhidhāvanti rogāśca grahaṇīgatāḥ //
Ca.1.21.15ab śuṣkasphigudaragrīvo
dhamanījālasantataḥ /
Ca.1.21.15cd tvagasthiśeṣo+atikṛśaḥ
sthūlaparvā naro mataḥ //
Ca.1.21.16ab satataṃ
vyādhitāvetāvatisthūlakṛśau narau /
Ca.1.21.16cd satataṃ copacaryau hi
karśanairbṛṃhaṇairapi //
Ca.1.21.17ab sthaulyakārśye varaṃ
kārśyaṃ samopakaraṇau hi tau /
Ca.1.21.17cd yadyubhau
vyādhirāgacchet sthūlamevātipīḍayet //
Ca.1.21.18ab samamāṃsapramāṇastu
samasāhanano naraḥ /
Ca.1.21.18cd dṛḍhendriyo vikārāṇāṃ
na balenābhibhūyate //
Ca.1.21.19ab kṣutpipāsātapasaḥ
śītavyāyāmasaṃsahaḥ /
Ca.1.21.19cd samapaktā samajaraḥ
samamāṃsacayo mataḥ //
Ca.1.21.20ab guru cātarpaṇaṃ ceṣṭaṃ
sthūlānāṃ karśanaṃ prati /
Ca.1.21.20cd kṛśānāṃ bṛṃhaṇārthaṃ ca
laghu saṃtarpaṇaṃ ca yat //
Ca.1.21.21ab vātaghnānyannapānāni
śleṣmamedoharāṇi ca /
Ca.1.21.21cd rūkṣoṣṇā vastayastīkṣṇā
rūkṣāṇyudvartanāni ca //
Ca.1.21.22ab guḍūcībhadramustānāṃ
prayogastraiphalastathā /
Ca.1.21.22cd takrāriṣṭaprayogāśca
prayogo mākṣikasya ca //
Ca.1.21.23ab viḍaṅgaṃ nāgaraṃ kṣāraḥ
kālaloharajo madhu /
Ca.1.21.23cd yavāmalakacūrṇaṃ ca
prayogaḥ kṣaudrasaṃyutaḥ /
Ca.1.21.24ab bilvādipañcamūlasya
prayogaḥ kṣaudrasaṃyutaḥ /
Ca.1.21.24cd śilājatuprayogaśca
ṣagnimantharasaḥ paraḥ //
Ca.1.21.25ab praśātikā priyaṅguśca
śyāmākā yavakā yavāḥ /
Ca.1.21.25cd jūrṇāhvāḥ kodravā
mudgāḥ kulatthāścakramudgakāḥ //
Ca.1.21.26ab jāḍhakīnāṃ ca bījāni
paṭolāmalakaiḥ saha /
Ca.1.21.26cd bhojanārthaṃ prayojyāni
pānām cānu madhūdakam //
Ca.1.21.27ab ariṣṭāṃścānupānārthe
medomāṃsakaphāpahān /
Ca.1.21.27cd atisthaulyavināśāya
saṃvibhajya prayojayet //
Ca.1.21.28ab prajāgaraṃ vyavāyaṃ ca
vyāyāmaṃ cintanāni ca /
Ca.1.21.28cd sthaulyamicchan
parityaktuṃ krameṇābhipravardhayet //
Ca.1.21.29ab svapno harṣaḥ sukhā
śayyā manaso nirvṛtiḥ śamaḥ /
Ca.1.21.29cd
cintāvyavāyavyāyāmavirāmaḥ priyadarśanam //
Ca.1.21.30ab navānnāni navam madyaṃ
grāmyānūpaudakā rasāḥ /
Ca.1.21.30cd saṃskṛtāni ca māṃsāni
dadhi sarpiḥ payāṃsai ca //
Ca.1.21.31ab ikṣavaḥ śālayo māṣā
godhūmā guḍavaikṛtam /
Ca.1.21.31cd bastayaḥ
snigdhamadhurāstailābhyaṅgaśca sarvadā //
Ca.1.21.32ab snigdhamudvartanaṃ
snānaṃ gandhamālyaniṣevaṇam /
Ca.1.21.32cd śuklaṃ vāso yathākālaṃ
doṣāṇāmavasecanam //
Ca.1.21.33ab rasāyanānāṃ vṛṣyāṇāṃ
yogānāmupasevanam /
Ca.1.21.33cd hatvā+atikārśyamādhatte
nṛṇāmupacayaṃ param //
Ca.1.21.34ab acintanācca kaṛyāṇāṃ
dhruvaṃ saṃtarpaṇena ca /
Ca.1.21.34cd svapnaprasaṅgācca naro
varāha iva puṣyati //
Ca.1.21.35ab yadā tu manasi klānte
karmātmānaḥ klamānvitāḥ /
Ca.1.21.35cd viṣayebhyo nivartante
tadā svapiti mānavaḥ //
Ca.1.21.36ab nidrāyattam sukhaṃ
duḥkhaṃ puṣṭiḥ kārśyaṃ balābalam /
Ca.1.21.36cd vṛṣatā klībatā
jñānamajñānaṃ jīvitaṃ na ca //
Ca.1.21.37ab akāle+atiprasaṅgācca na
ca nidrā niṣevitā /
Ca.1.21.37cd sukhāyuṣī parākuryāt
kālarātririvāparā //
Ca.1.21.38ab saiva yuktā punaryuṅkte
nidrā dehaṃ sukhāyuṣā /
Ca.1.21.38cd puruṣaṃ yoginaṃ siddhyā
satyā buddhirivāgatā //
Ca.1.21.39ab
gītādhyayanamadyastrīkarmabhārādhvakarśitāḥ /
Ca.1.21.39cd ajīrṇinaḥ kṣatāḥ kṣīṇā
vṛddhā bālāstathā+abalāḥ //
Ca.1.21.40ab tṛṣṇātīsāraśūlārtāḥ
śvāsino hikkinaḥ kṛśāḥ /
Ca.1.21.40cd patitābhihatonmattāḥ
klāntā yānaprajāgaraiḥ //
Ca.1.21.41ab krodhaśokabhayaklāntā
divāsvapnocitāśca ye /
Ca.1.21.41cd sarva ete divāsvapnā
severan sārvakālikam //
Ca.1.21.42ab dhātusāmyaṃ tathā
hyeṣāṃ balaṃ cāpyupajāyate /
Ca.1.21.42cd śleṣmā puṣṇāti cāṅgāni
sthairyaṃ bhavati cāyuṣaḥ //
Ca.1.21.43ab grīṣme tvādānarūkṣāṇāṃ
vardhamāne ca mārute /
Ca.1.21.43cd rātrīṇāṃ
cātisaṃkṣipādivāsvapnaḥ praśasyate //
Ca.1.21.44ab grīṣmavarjyeṣu kāleṣu
divāsvapnāt prakupyataḥ /
Ca.1.21.44cd śleṣmapitte
divāsvapnastasmātteṣu na śasyate //
Ca.1.21.45ab medasvinaḥ snehanityāḥ
śleṣmalāḥ śleṣmarogiṇaḥ /
Ca.1.21.45cd dūṣīviṣārtāśc adivā na
śayīran kadācana //
Ca.1.21.46ab halīmakaḥ śiraḥśūlaṃ
staimityaṃ gurugātratā /
Ca.1.21.46cd aṅgamardo+agnināśaśca
pralepo hṛdayasya ca //
Ca.1.21.47ab
śophārocakahṛllāsapīnasārdhāvabhedakāḥ /
Ca.1.21.47cd koṭhāruḥpiḍakāḥ
kaṇḍūstandrā kāso galāmayāḥ //
Ca.1.21.48ab smṛtibuddhipramohaśca
saṃrodhaḥ srotasāṃ jvaraḥ /
Ca.1.21.48cd indriyāṇāmasāmarthyaṃ
viṣavegapravartanam&{ā.dha} //
Ca.1.21.49ab bhavennṛṇāṃ
divāsvapnasyāhitasya niṣevaṇāt /
Ca.1.21.49cd tasmāddhitāhitaṃ
svapnaṃ buddhvā svapyāt sukhaṃ budhaḥ //
Ca.1.21.50ab rātrau jāgarāṇaṃ rūkṣaṃ
snigdhaṃ prasvapanaṃ divā /
Ca.1.21.50cd arūkṣamanabhiṣyandi
tvāsīnapracalāyitam //
Ca.1.21.51ab dehavṛttau
yathā+āhārastathā svapnaḥ sukho mataḥ /
Ca.1.21.51cd svapnāhārasmutthe da
sthaulyakārśye viśeṣataḥ //
Ca.1.21.52ab abhyaṅgotsādanaṃ snānaṃ
grāmyānūpaudakā rasāḥ /
Ca.1.21.52cd śālyannaṃ sadadhi
kṣīraṃ sneho madyaṃ manaḥsukham //
Ca.1.21.53ab manaso+anuguṇā gandhāḥ
śabdāḥ saṃvāhanāni ca /
Ca.1.21.53cd cakṣuṣostarpaṇaṃ lepaḥ
śiraso vadanasya ca //
Ca.1.21.54ab svāstīrṇā śayanaṃ veśma
sukhaṃ kālastathocitaḥ /
Ca.1.21.54cd ānayantyacirānnidrāṃ
pranaṣṭa yā nimittataḥ //
Ca.1.21.55ab kāyasya śirasaścaiva
virekaśchardanaṃ bhayam /
Ca.1.21.55cd cintā krodhastathā
dhūmo vyāyāmo raktamokṣaṇam //
Ca.1.21.56ab upavāso+asukhā śayyā
sattvaudāryaṃ tamojayaḥ /
Ca.1.21.56cd nidrāprasaṅgamahitaṃ
vārayanti samutthitam //
Ca.1.21.57ab eta eva ca vijñeyā
nidrānāśasya hetavaḥ /
Ca.1.21.57cd kāryaṃ kālo vikāraśca
prakṛtirvāyureva ca //
Ca.1.21.58ab tamobhavā
śleṣmasamudbhavā ca manaḥśarīraśramasaṃbhavā ca /
Ca.1.21.58cd
āgantukīvyādhyanuvartinī ca rātrisvabhāvaprabhavā ca nidrā
//
Ca.1.21.59ab rātrisvabhāvaprabhavā
matā yā tāṃ bhūtadhātrīṃ pravadanti tajjñāḥ /
Ca.1.21.59cd tamobhavāmāhuraghasya
mūlaṃ śeṣāḥ punarvyādhiṣu nirdiśanti //
Ca.1.21.60 tatra ślokāḥ
Ca.1.21.60ab ninditāḥ puruṣāsteṣāṃ
yau viśeṣeṇa ninditau /
Ca.1.21.60cd nindite kāraṇaṃ
doṣāstayorninditabheṣajam //
Ca.1.21.61ab yebhyo yadā hitā nidrā
yebhyaścāpyahitā yadā /
Ca.1.21.61cd atinidrāyānidrāya
bheṣajaṃ yadbhavā ca sā //
Ca.1.21.62ab yā yā yathāprabhāvā ca
nidra tat sarvamatrijaḥ /
Ca.1.21.62cd aṣtāuninditasaṃkhyāte
vyājahāara punarvasuḥ //
ityagniveśakṛte tantre carakapratisaṃskṛte ślokasthāne+aṣṭauninditīyo
nāmaikaviṃśatitamo+adhyāyaḥ //