saptaviṃśo+adhyāyaḥ
Ca.1.27.1 athāto+annapānavidhimadhyāyaṃ vyākhyāsyāmaḥ //
Ca.1.27.2 iti ha smāha bhagavānātreyaḥ //
Ca.1.27.3 iṣṭavarṇagandharasasparśaṃ vidhivihitamannapānaṃ prāṇināṃ prāṇisaṃjñakānāṃ prāṇamācakṣate kuśalāḥ pratyakṣaphaladarśanāt tadindhanā hyantaragneḥ sthitiḥ tat sattvamūrjyati taccharīradhātuvyūhabalavarṇendriyaprasādakaraṃ yathoktamupasevyamānaṃ viparītamahitāya saṃpadyate //
Ca.1.27.4 tasmāddhitāhitāvabodhanārthamannapānavidhimakhilenopadekṣyāmo&+agniveśa!/
tat svabhāvādudaktaṃ kledayati, lavaṇaṃ viṣyandayati, kṣāraḥ pācayati, madhu saṃdadhāti, sarpiḥ snehayati, kṣīraṃ jīvayati, māṃsaṃ bṛṃhayati, rasaḥ prīṇayati, surā jarjarīkaroti, śīdhuravadhamati, drākṣāsavo dīpayati, phāṇitamācinoti, dadhi śophaṃ janayati, piṇyākaśākaṃ glapayati, prabhūtāntarmalo māṣasūpaḥ, dṛṣṭiśukraghnaḥ kṣāraḥ, prāyaḥ pittalamamlamanyatra dāḍimāmalakāt, prāyaḥ śleṣmalaṃ madhuramanyatra madhunaḥ purāṇācca śāliṣaṣṭikayavagodhūmāt, prāyastikaṃ vātalamavṛṣyaṃ cānyatra vegāgrāmṛtāpaṭolapatrāt, prāyaḥ kaṭukaṃ vātalamavṛṣyaṃ cānyatra pippalīviśvabheṣajāt//
Ca.1.27.5 paramato
&vargasaṃgraheṇāhāradravyāṇyanuvyākhyāsyāmaḥ//
Ca.1.27.6
śūkadhānyaśamīdhānyamāṃsaśākaphalāśrayān/
vargān haritamadyāmbugorasekṣuvikārikān//
Ca.1.27.7 daśa dvau cāparau vargau
kṛtānnāhārayoginām/
rasavīryavipākaiśca prabhāvaiśca pracakṣmahe//
Ca.1.27.8 atha śūkadhānyavargaḥ---
raktaśālirmahāśāliḥ kalamaḥ śakunāhṛtaḥ&/
&tūrṇako dīrghaśūkaśca gauraḥ pāṇḍukalāṅgulau//
Ca.1.27.9 sugandhako lohavālaḥ
sārivākhyaḥ pramodakaḥ/
pataṅgastapanīyaśca ye cānye śālayaḥ śubhāḥ//
Ca.1.27.10 śītā rase vipāke ca
madhurāścālpamārutāḥ/
baddhālpavarcasaḥ snigdhā bṛṃhaṇāḥ śukramūtralāḥ//
Ca.1.27.11 raktaśālirvarasteṣāṃ
&tṛṣṇāghnastrimalāpahaḥ/
mahāṃstasyānu kalamastasyāpyanu tataḥ pare//
Ca.1.27.12 yavakā hāyanāḥ
pāṃsuvāpyanaiṣadhakādayaḥ&/
śālīnāṃ śālayaḥ kurvantyanukāraṃ guṇāguṇaiḥ//
Ca.1.27.13 śītaḥ snigdho+aguruḥ
svādustridoṣaghnaḥ sthirātmakaḥ/
ṣaṣṭikaḥ pravaro gauraḥ kṛṣṇagaurastato+anu ca//
Ca.1.27.14 varakoddālakau
cīnaśāradojjvaladardurāḥ/
&gandhanāḥ kuruvindāśca ṣaṣṭikālpāntarā guṇaiḥ//
Ca.1.27.15 madhuraścāmlapākaśca vrīhiḥ
pittakaro guruḥ/
bahumūtrapurīṣoṣmā tridoṣastveva pāṭalaḥ//
Ca.1.27.16 sakoradūṣaḥ śyāmākaḥ
kaṣāyamadhuro laghuḥ/
vātalaḥ kaphapittaghnaḥ śītaḥ saṃgrāhiśoṣaṇaḥ//
Ca.1.27.17
hastiśyāmākanīvāratoyaparṇīgavedhukāḥ/
praśāntikāmbhaḥśyāmākalauhityāṇupriyaṅgavaḥ&//
Ca.1.27.18 mukundo kṣiṇṭigarmūṭī&
varukā varakāstathā/
śibirotkaṭajūrṇāhvāḥ śyāmākasadṛśā guṇaiḥ//
Ca.1.27.19 rūkṣaḥ śīto+aguruḥ
svādurbahuvātaśakṛdyavaḥ/
sthairyakṛt &sakaṣāyaśca balyaḥ śleṣmavikāranut//
Ca.1.27.20 rūkṣaḥ kaṣāyanuraso
madhuraḥ kaphapittahā/
medaḥkrimiviṣaghnaśca balyo veṇuyavo mataḥ//
Ca.1.27.21 sandhānakṛdvātaharo
godhūmaḥ svāduśītalaḥ/
jīvano bṛṃhaṇo vṛṣyaḥ snigdhaḥ sthairyakaro guruḥ//
Ca.1.27.22 nāndīmukhī madhūlī ca
madhurasnigdhaśītale/
ityayaṃ śūkadhānyānāṃ pūrvo vargaḥ samāpyate//
Ca.1.27.23 atha śamīdhānyavargaḥ---
kaṣāyamadhuro rūkṣaḥ śītaḥ pāke kaṭurlaghuḥ/
&viśadaḥ śleṣmapittaghno mudgaḥ sūpyottamo mataḥ//
Ca.1.27.24 vṛṣyaḥ paraṃ vātaharaḥ
snigdhoṣṇo madhuro guruḥ/
balyo bahumalaḥ puṃstvaṃ māṣaḥ śīghraṃ dadāti ca//
Ca.1.27.25 rājamāṣaḥ& saro rucyaḥ
kaphaśukrāmlapittanut/
tatsvādurvātalo rūkṣaḥ kaṣāyo viśado guruḥ//
Ca.1.27.26 uṣṇāḥ kaṣāyāḥ pāke+amlāḥ
kaphaśukrānilāpahāḥ/
kulatthā grāhiṇaḥ kāsahikkāśvāsārśasāṃ hitāḥ//
Ca.1.27.27 madhurā madhurāḥ pāke
grāhiṇo rūkṣaśītalāḥ/
makuṣṭhakāḥ praśasyante raktapittajvarādiṣu//
Ca.1.27.28 caṇakāścamasūrāśca
khaṇḍikāḥ sahareṇavaḥ/
laghavaḥ śītamadhurāḥ sakaṣāyā virūkṣaṇāḥ//
Ca.1.27.29 pittaśleṣmaṇi śasyante
sūpeṣvālepaneṣu ca/
teṣāṃ masūraḥ saṃgrāhī kalāyo vātalaḥ param//
Ca.1.27.30 snigdhoṣṇo madhurastiktaḥ
kaṣāyaḥ kaṭukastilaḥ/
tvacyaḥ keśyaśca balyaśca vātaghnaḥ kaphapittakṛt//
Ca.1.27.31 madhurāḥ śītalā gurvyo
balaghnyo rūkṣaṇātmikāḥ/
sasnehā balibhirbhojyā vividhāḥ śimbijātayaḥ//
Ca.1.27.32 śimbī rūkṣā kaṣāyā ca
koṣṭhe vātaprakopinī/
na ca vṛṣyā na cakṣuṣyā viṣṭabhya ca vipacyate//
Ca.1.27.33 āḍhakī kaphapittaghnī
vātalā, kaphavātanut/
avalgujaḥ saiḍagajo, niṣpāvā vātapittalāḥ//
Ca.1.27.34 kākāṇḍomā(lā)tmaguptānāṃ
māṣavat phalamādiśet/
dvitīyo+ayaṃ śamīdhānyavargaḥ prokto maharṣiṇā//
Ca.1.27.35 atha māṃsavargaḥ---
gokharāśvataroṣṭrāśvadvīpisiṃharkṣavānarāḥ/
vṛko vyāghrastarakṣuśca babhrumārjāramūṣikāḥ//
Ca.1.27.36 lopāko jambukaḥ śyeno
vāntādaścāṣavāyasau/
śaśaghnī madhuhā bhāso gṛdhrolūkakuliṅgakāḥ//
Ca.1.27.37 dhūmikā kuraraśceti prasahā
mṛgapakṣiṇaḥ/
śvetaḥ śyāmaścitrapṛṣṭhaḥ kālakaḥ kākulīmṛgaḥ//
Ca.1.27.38 kūrcikā cillaṭo bheko godhā
śallakagaṇḍakau/
kadalī nakulaḥ śvāviditi bhūmiśayāḥ smṛtāḥ//
Ca.1.27.39 sṛmaraścamaraḥ khaṅgo
mahiṣo gavayo gajaḥ/
nyaṅkurvarāhaścānūpā mṛgāḥ sarve rurustathā//
Ca.1.27.40 kūrmaḥ karkaṭako matsyaḥ
śiśumārastimiṅgilaḥ/
śuktiśaṅkhodrakummīraculukīmakarādayaḥ//
Ca.1.27.41 iti vāriśayāḥ proktā,
vakṣyante vāricāriṇaḥ/
haṃsaḥ krauñco balākā ca bakaḥ kāraṇḍavaḥ plavaḥ//
Ca.1.27.42 śarāriḥ puṣkarāhvaśca
keśarī maṇituṇḍakaḥ&/
mṛṇālakaṇṭho madguśca kādambaḥ kākatuṇḍakaḥ//
Ca.1.27.43 utkrośaḥ puṇḍarīkākṣo
megharāvo+ambukukkuṭī/
ārā nandīmukhī vāṭī sumukhāḥ sahacāriṇaḥ//
Ca.1.27.44 rohiṇī kāmakālī ca sāraso
raktaśīrṣakaḥ//
cakravākastathā+anye ca khagāḥ santyambucāriṇaḥ//
Ca.1.27.45 pṛṣataḥ śarabho rāmaḥ
śvadaṃṣṭro mṛgamātṛkā/
śaśoraṇau kuraṅgaśca gokarṇaḥ koṭṭakārakaḥ//
Ca.1.27.46 cāruṣko hariṇaiṇau ca
śambaraḥ kālapucchakaḥ/
ṛṣyaśca varapotaśca vijñeyā jāṅgalā mṛgāḥ//
Ca.1.27.47 lāvo vartīrakaścaiva
vārtīkaḥ sakapiñjalaḥ/
cakoraścopacakraśca kukkubho raktavartmakaḥ//
Ca.1.27.48 lāvādyā viṣkirāstvete
vakṣyante vartakādayaḥ/
vartako vartikā caiva barhī tittirikukkuṭau//
Ca.1.27.49
kaṅkaśārapadendrābhagonardagirivartakāḥ/
krakaro+avakaraścaiva &vāraḍaśceti viṣkirāḥ//
Ca.1.27.50 śatapatro bhṛṅgarājaḥ
koyaṣṭirjīvajīvakaḥ/
kairātaḥ kokilo+atyūho gopāputraḥ priyātmajaḥ//
Ca.1.27.51 laṭṭā laṭṭa(ṭū)ṣako
babhrurvaṭahā ḍiṇḍimānakaḥ/
jaṭī &dundubhipākkāralohapṛṣṭhakuliṅgakāḥ//
Ca.1.27.52
kapotaśukaśāraṅgāściraṭīkaṅkuyaṣṭikāḥ/
sārikā kalaviṅkaśca caṭako+aṅgāracūḍakaḥ//
Ca.1.27.53 pārāvataḥ pāṇḍa(na)vikaḥ
ityuktāḥ pratudā dvijāḥ/
prasahya bhakṣayantīti prasahāstena saṃjñitāḥ//
Ca.1.27.54 bhūśayā
bilavāsitvādānūpānūpasaṃśrayāt&/
jale nivāsājjalajā jalecaryājjalecarāḥ//
Ca.1.27.55 sthalajā jāṅgalāḥ proktā
mṛgā jāṅgalacāriṇaḥ/
vikīrya viṣkirāśceti pratudya pratudāḥ smṛtāḥ//
Ca.1.27.56 yoniraṣṭavidhā tveṣā
māṃsānāṃ parikīrtitā/
prasahā bhūśayānūpavārijā vāricāriṇaḥ//
Ca.1.27.57 gurūṣṇasnigdhamadhurā
balopacayavardhanāḥ/
vṛṣyāḥ paraṃ vātaharāḥ kaphapittavivardhanāḥ//
Ca.1.27.58 hitā vyāyāmanityebhyo narā
dīptāgnayaśca ye/
prasahānāṃ viśeṣeṇa māṃsaṃ māṃsāśināṃ bhiṣak//
Ca.1.27.59
jīrṇārśograhaṇīdoṣaśoṣārtānāṃ prayojayet/
lāvādyo vaiṣkiro vargaḥ pratudā jāṅgalā mṛgāḥ//
Ca.1.27.60 laghavaḥ śītamadhurāḥ
sakaṣāyā hitā nṛṇām/
pittottare vātamadhye sannipāte kaphānuge//
Ca.1.27.61 viṣkirā vartakādyāstu
prasahālpāntarā guṇaiḥ/
&nātiśītagurusnigdhaṃ māṃsamājamadoṣalam//
Ca.1.27.62
śarīradhātusāmānyādanabhiṣyandi bṛṃhaṇam/
māṃsaṃ madhuraśītatvādguru bṛṃhaṇamāvikam//
Ca.1.27.63 &yonāvajāvike
miśragocaratvādaniścite/
sāmānyenopadiṣṭānāṃ māṃsānāṃ svaguṇaiḥ pṛthak//
Ca.1.27.64 keṣāṃcidguṇavaiśeṣyādviśeṣa
upadekṣyate/
darśanaśrotramedhāgnivayovarṇasvarāyuṣām//
Ca.1.27.65 barhī hitatamo balyo
vātaghno māṃsaśukralaḥ/
gurūṣṇasnigdhamadhurāḥ svaravarṇabalapradāḥ//
Ca.1.27.66 bṛṃhaṇāḥ śukralāścoktā
haṃsā mārutanāśanāḥ/
snigdhāścoṣṇāśca vṛṣyāśca bṛṃhaṇāḥ svarabodhanāḥ//
Ca.1.27.67 balyāḥ paraṃ vātaharāḥ
svedanāścaraṇāyudhāḥ/
gurūṣṇo madhuro nātidhanvānūpaniṣevaṇāt//
Ca.1.27.68 tittiriḥ saṃjayecchīghraṃ
trīn doṣānanilolbaṇān/
pittaśleṣmavikāreṣu sarakteṣu kapiñjalāḥ//
Ca.1.27.69 mandavāteṣu śasyante
śaityamādhuryalāghavāt/
lāvāḥ kaṣāyamadhurā laghavo+agnivivardhanāḥ//
Ca.1.27.70 sannipātapraśamanāḥ
kaṭukāśca vipākataḥ/
godhā vipāke madhurā kaṣāyakaṭukā rase//
Ca.1.27.71 vātapittapraśamanī bṛṃhaṇī
balavardhanī/
śallako madhurāmlaśca vipāke kaṭukaḥ smṛtaḥ//
Ca.1.27.72 vātapittakaphaghnaśca
kāsaśvāsaharastathā/
kaṣāyaviśadāḥ śītā raktapittanibarhaṇāḥ//
Ca.1.27.73 vipāke madhurāścaiva kapotā
gṛhavāsinaḥ/
tebhyo laghutarāḥ kiṃcit kapotā vanavāsinaḥ&//
Ca.1.27.74 śītāḥ saṃgrāhiṇaścaiva
svalpamūtrakarāśca te/
śukamāṃsaṃ kaṣāyāmlaṃ vipāke rūkṣaśītalam//
Ca.1.27.75 śoṣakāsakṣayahitaṃ saṃgrāhi
laghu dīpanam/
caṭakā madhurāḥ snigdhā balaśukravivardhanāḥ//
Ca.1.27.76 sannipātapraśamanāḥ śamanā
mārutasya ca/
kaṣāyo viśado rūkṣaḥ śītaḥ pāke kaṭurlaghuḥ//
Ca.1.27.77 śaśaḥ svāduḥ praśastaśca
saṃnipāte+anilāvare/
madhurā madhurāḥ pāke tridoṣaśamanāḥ śivāḥ//
Ca.1.27.78 laghavo baddhaviṇmūtrāḥ
śītāścaiṇāḥ prakīrtitāḥ/
snehanaṃ bṛṃhaṇaṃ vṛṣyaṃ śramaghnamanilāpaham//
Ca.1.27.79 varāhapiśitaṃ balyaṃ
rocanaṃ svedanaṃ guru/
gavyaṃ kevalavāteṣu pīnase viṣamajvare//
Ca.1.27.80
śuṣkakāsaśramātyagnimāṃsakṣayahitaṃ ca tat/
snigdhoṣṇaṃ madhuraṃ vṛṣyaṃ māhiṣaṃ guru tarpaṇam//
Ca.1.27.81 dārḍhyaṃ bṛhattvamutsāhaṃ
svapnaṃ ca janayatyapi/
gurūṣṇā madhurā balyā bṛṃhaṇāḥ pavanāpahāḥ//
Ca.1.27.82 matsyāḥ snigdhāśca vṛṣyāśca
bahudoṣāḥ prakīrtitāḥ/
śaivālaśaṣpabhojitvātsvapnasya ca vivarjanāt//
Ca.1.27.83 rohito dīpanīyaśca
laghupāko mahābalaḥ/
varṇyo vātaharo vṛṣyaścakṣuṣyo balavardhanaḥ//
Ca.1.27.84 medhāsmṛtikaraḥ pathyaḥ
śoṣaghnaḥ kūrma ucyate/
khaḍgamāṃsamabhiṣyandi balakṛnmadhuraṃ smṛtam//
Ca.1.27.85 snehanaṃ bṛṃhaṇaṃ varṇyaṃ
śramaghnamanilāpaham/
dhārtarāṣṭracakorāṇāṃ dakṣāṇāṃ śikhināmapi//
Ca.1.27.86 caṭakānāṃ ca yāni
syuraṇḍāni ca hitāni ca/
kṣīṇaretaḥsu kāseṣu hṛdrogeṣu kṣateṣu ca//
Ca.1.27.87 madhurāṇyavidāhīni
sadyobalakarāṇi ca/
śarīrabṛṃhaṇe nānyat khādyaṃ māṃsādviśiṣyate//
Ca.1.27.88 iti vargastṛtīyo+ayaṃ
māṃsānāṃ parikīrtitaḥ/
atha śākavargaḥ--- pāṭāśuṣāśaṭīśākaṃ vāstukaṃ suniṣaṇṇakam//
Ca.1.27.89 vidyādgrāhi tridoṣaghnaṃ
bhinnavarcastu vāstukam/
tridoṣaśamanī vṛṣyā kākamācī rasāyanī//
Ca.1.27.90 nātyuṣṇaśītavīryā ca
bhedinī kuṣṭhanāśinī/
rājakṣavakaśākaṃ tu tridoṣaśamanaṃ laghu//
Ca.1.27.91 grāhi śastaṃ viśeṣeṇa
grahaṇyarśovikāriṇām/
kālaśākaṃ tu kaṭukaṃ dīpanaṃ garaśophajit//
Ca.1.27.92 laghūṣṇaṃ vātalaṃ rūkṣaṃ
&kālāyaṃ śākamucyate/
dīpanī coṣṇavīryā ca grāhiṇī kaphamārute//
Ca.1.27.93 praśasyate+amlacāṅgerī
grahaṇyarśohitā ca sā/
madhurā madhurā pāke bhedinī śleṣmavardhanī//
Ca.1.27.94 vṛṣyā snigdhā ca śītā ca
madaghnī cāpyupodikā/
rūkṣo madaviṣaghnaśca praśasto raktapittinām//
Ca.1.27.95 madhuro madhuraḥ pāke
śītalastaṇḍulīyakaḥ/
maṇḍūkaparṇī vetrāgraṃ kucelā vanatiktakam//
Ca.1.27.96 karkoṭakāvalgujakau paṭolaṃ
śakulādanī/
vṛṣapuṣpāṇi śārṅgeṣṭā kembūkaṃ sakaṭhillakam//
Ca.1.27.97 nāḍī kalāyaṃ gojihvā
vārtākaṃ tilaparṇikā/
kaulakaṃ kārkaśaṃ naimbaṃ śākaṃ pārpaṭakaṃ ca yat//
Ca.1.27.98 kaphapittaharaṃ tiktaṃ
śītaṃ kaṭu vipacyate/
sarvāṇi sūpyaśākāni phañjī cillī kutumbakaḥ//
Ca.1.27.99 ālukāni ca sarvāṇi
sapatrāṇi kuṭiñjaram&/
śaṇaśālmalipuṣpāṇi karbudāraḥ suvarcalā//
Ca.1.27.100 niṣpāvaḥ kovidāraśca
patturaścuccuparṇikā/
kumārajīvo loṭṭākaḥ pālaṅkyā māriṣastathā//
Ca.1.27.101 kalambanālikāsūryaḥ
kusumbhavṛkadhūmakau/
lakṣmaṇā ca prapunnāḍo nalinīkā kuṭherakaḥ//
Ca.1.27.102 loṇikā yavaśākaṃ ca
kuṣmāṇḍakamavalgujam/
yātukaḥ śālakalyāṇī triparṇī pīluparṇikā//
Ca.1.27.103 śākaṃ guru ca rūkṣaṃ ca
prāyo viṣṭabhya jīryati/
madhuraṃ śītavīryaṃ ca purīṣasya ca bhedanam//
Ca.1.27.104 svinnaṃ niṣpīḍitarasaṃ
snehāḍhyaṃ tat praśasyate/
śaṇasya kovidārasya karbudārasya śālmaleḥ//
Ca.1.27.105 puṣpaṃ grāhi praśastaṃ ca
raktapitte viśeṣataḥ/
nyagrodhodumbarāśvatthaplakṣapadmādipallavāḥ//
Ca.1.27.106 kaṣāyāḥ stambhanāḥ śītā
hitāḥ pittātisāriṇām/
vāyuṃ vatsādanī hanyāt kaphaṃ gaṇḍīracitrakau//
Ca.1.27.107 śreyasī bilvaparṇī ca
bilvapatraṃ tu vātanut/
bhaṇḍī śatāvarīśākaṃ balā jīvantikaṃ ca yat//
Ca.1.27.108 parvaṇyāḥ parvapuṣpyāśca
vātapittaharaṃ smṛtam/
laghu bhinnaśakṛttiktaṃ lāṅgalakyurubūkayoḥ//
Ca.1.27.109 tilavetasaśākaṃ ca śākaṃ
pañcāṅgulasya ca/
vātalaṃ kaṭutiktāmlamadhomārgapravartanam//
Ca.1.27.110 rūkṣāmlamuṣṇaṃ kausumbhaṃ
kaphaghnaṃ pittavardhanam/
trapusairvārukaṃ svādu guru viṣṭambhi śītalam//
Ca.1.27.111 mukhapriyaṃ ca rūkṣaṃ ca
mūtralaṃ trapusaṃ tvati/
ervārukaṃ ca saṃpakvaṃ dāhatṛṣṇāklamārtinut//
Ca.1.27.112 varcobhedīnyalābūni&
rūkṣaśītagurūṇi ca/
cirbhaṭairvāruke tadvadvarcobhedahite tu te//
Ca.1.27.113 &sakṣāraṃ
pakvakūṣmāṇḍaṃ madhurāmlaṃ tathā laghu/
sṛṣṭamūtrapurīṣaṃ ca sarvadoṣanibarhaṇam//
Ca.1.27.114 kelūṭaṃ ca kadambaṃ ca
nadīmāṣakamaindukam/
viśadaṃ guru śītaṃ ca samabhiṣyandi cocyate//
Ca.1.27.115 utpalāni kaṣāyāṇi
raktapittaharāṇi ca/
tathā tālapralambaṃ syāduraḥkṣatarujāpaham//
Ca.1.27.116 kharjūraṃ tālaśasyaṃ ca
raktapittakṣayāpaham/
tarūṭabisaśālūkakrauñcādanakaśerukam//
Ca.1.27.117 śṛṅgāṭakāṅkaloḍyaṃ ca
guru viṣṭambhi śītalam/
kumudotpalanālāstu sapuṣpāḥ saphalāḥ smṛtāḥ//
Ca.1.27.118 śītāḥ svādukaṣāyāstu
kaphamārutakopanāḥ/
kaṣāyamīṣadviṣṭambhi raktapittaharaṃ smṛtam//
Ca.1.27.119 pauṣkaraṃ tu bhavedvījaṃ
madhuraṃ rasapākayoḥ/
balyaḥ śīto guruḥ snigdhastarpaṇo bṛṃhaṇātmakaḥ//
Ca.1.27.120 vātapittaharaḥ
svādurvṛṣyo muñcātakaḥ param/
jīvano bṛṃhaṇo vṛṣyaḥ kaṇṭhyaḥ śasto rasāyane//
Ca.1.27.121 vidārikando balyaśca
mūtralaḥ svāduśītalaḥ/
amlikāyāḥ smṛtaḥ kando grahaṇyarśohito laghuḥ//
Ca.1.27.122 nātyuṣṇaḥ kaphavātaghno
grāhī śasto madātyaye/
tridoṣaṃ baddhaviṇmūtraṃ sārṣapaṃ śākamucyate//
(&tadvat syādraktanālasya rūkṣamamlaṃ viśeṣataḥ/)
Ca.1.27.123 tadvat piṇḍālukaṃ vidyāt
kandatvācca mukhapriyam/
sarpacchatrakavarjyāstu bahvayo+anyāśchatrajātayaḥ//
Ca.1.27.124 śītāḥ pīnasakartryaśca
madhurā gurvya eva ca/
caturthaḥ śākavargo+ayaṃ patrakandaphalāśrayaḥ//
Ca.1.27.125 atha phalavargaḥ---
tṛṣṇādāhajvaraśvāsaraktapittakṣatakṣayān/
vātapittamudāvartaṃ svarabhedaṃ madātyayam//
Ca.1.27.126 tiktāsyatāmāsyaśoṣaṃ
kāsaṃ cāśu vyapohati/
mṛdvīkā bṛṃhaṇī vṛṣyā madhurā snigdhaśītalā//
Ca.1.27.127 madhuraṃ bṛṃhaṇaṃ vṛṣyaṃ
kharjūraṃ guru śītalam/
kṣaye+abhighāte dāhe ca vātapitte ca taddhitam//
Ca.1.27.128 tarpaṇaṃ bṛṃhaṇaṃ phalgu
guru viṣṭambhi śītalam/
parūṣakaṃ madhūkaṃ ca vātapitte ca śasyate//
Ca.1.27.129 madhuraṃ bṛṃhaṇaṃ
balyamāmrātaṃ tarpaṇaṃ guru/
sasnehaṃ śleṣmalaṃ śītaṃ vṛṣyaṃ viṣṭabhya jīryati//
Ca.1.27.130 tālaśasyāni siddhāni
nārikelaphalāni ca/
bṛṃhaṇasnigdhaśītāni balyāni madhurāṇi ca//
Ca.1.27.131 madhurāmlakaṣāyaṃ ca
viṣṭambhi guru śītalam/
pittaśleṣmakaraṃ bhavyaṃ grāhi vaktraviśodhanam//
Ca.1.27.132 amlaṃ parūṣakaṃ drākṣā
badarāṇyārukāṇi ca/
pittaśleṣmaprakopīṇi karkandhunikucānyapi//
Ca.1.27.133 nātyuṣṇaṃ guru saṃpakvaṃ
svāduprāyaṃ mukhapriyam/
bṛṃhaṇaṃ jīryati kṣipraṃ nātidoṣalamārukam//
Ca.1.27.134 dvividhaṃ śītamuṣṇaṃ ca
madhuraṃ cāmlameva ca/
guru pārāvataṃ jñeyamarucyatyagnināśanam//
Ca.1.27.135 bhavyādalpāntaraguṇaṃ
kāśmaryaphalamucyate/
tathaivālpāntaraguṇaṃ tūdamamlaṃ parūṣakāt//
Ca.1.27.136 kaṣāyamadhuraṃ ṭaṅkaṃ
vātalaṃ guru śītalam/
kapitthamāmaṃ kaṇṭhaghnaṃ viṣaghnaṃ grāhi vātalam&//
Ca.1.27.137 madhurāmlakaṣāyatvāt
saugandhyācca rucipradam/
&paripakvaṃ ca doṣaghnaṃ viṣaghnaṃ grāhi guruvapi//
Ca.1.27.138 bilvaṃ tu durjaraṃ pakvaṃ
doṣalaṃ pūtimārutam/
snigdhoṣṇatīkṣṇaṃ tadvālaṃ dīpanaṃ kaphavātajit//
Ca.1.27.139 raktapittakaraṃ
bālamāpūrṇaṃ pittavardhanam/
pakvamāmraṃ jayedvāyuṃ māṃsaśukrabalapradam//
Ca.1.27.140 kaṣāyamadhuraprāyaṃ guru
viṣṭambhi śītalam/
jāmbaraṃ kaphapittaghnaṃ grāhi vātakaraṃ param//
Ca.1.27.141 badaraṃ madhuraṃ snigdhaṃ
bhedanaṃ vātapittajit/
tacchuṣkaṃ kaphavātaghnaṃ pitte na ca virudhyate//
Ca.1.27.142 kaṣāyamadhuraṃ śītaṃ
grāhi simbi(ñci)tikāphalam/
gāṅgerukī karīraṃ ca bimbī todanadhanvanam//
Ca.1.27.143 madhuraṃ sakaṣāyaṃ ca
śītaṃ pittakaphāpaham/
saṃpakvaṃ panasaṃ mocaṃ rājādanaphalāni ca//
Ca.1.27.144 svādūni sakaṣāyāṇi
snigdhaśītagurūṇi ca/
kaṣāyaviśadatvācca saugandhyācca rucipradam//
Ca.1.27.145 avadaṃśakṣamaṃ hṛdyaṃ
vātalaṃ lavalīphalam/
nīpaṃ &śatāhvakaṃ pīlu tṛṇaśūnyaṃ vikaṅkatam//
Ca.1.27.146 prācīnāmalakaṃ caiva
doṣaghnaṃ garahāri ca/
aiṅgudaṃ tiktamadhuraṃ snigdhoṣṇaṃ kaphavātajit//
Ca.1.27.147 tindukaṃ kaphapittaghnaṃ
kaṣāyaṃ madhuraṃ laghu/
vidyādāmalake sarvān rasāṃllavaṇavarjitān//
Ca.1.27.148 rūkṣaṃ svādu kaṣāyāmlaṃ
kaphapittaharaṃ param/
rasāsṛṅgāṃsamedojāndoṣān hanti bibhītakam//
Ca.1.27.149
svarabhedakaphotkledapittarogavināśanam/
amlaṃ kaṣāyamadhuraṃ vātaghnaṃ grāhi dīpanam//
Ca.1.27.150 snigdhoṣṇaṃ dāḍimaṃ
hṛdyaṃ kaphapittāvirodhi ca/
rūkṣāmlaṃ dāḍimaṃ yattu tat pittānilakopanam//
Ca.1.27.151 madhuraṃ pittanutteṣāṃ
pūrvaṃ dāḍimamuttamam/
bṛkṣāmlaṃ grāhi rūkṣoṣṇaṃ vātaśleṣmaṇi śasyate//
Ca.1.27.152 amlikāyāḥ phalaṃ pakvaṃ
tasmādalpāntaraṃ guṇaiḥ/
guṇaistaireva saṃyuktaṃ bhedanaṃ tvamlavetasam//
Ca.1.27.153 śūle+arucau vibandhe ca
mande+agnau &madyaviplave/
hikkāśvāse ca kāse ca vamyāṃ varcogadeṣu ca//
Ca.1.27.154 vātaśleṣmasamuttheṣu
sarveṣvevopadiśyate/
kesaraṃ mātuluṅgasya laghu śeṣamato+anyathā//
Ca.1.27.155 rocano dīpano hṛdyaḥ
sugandhistvagvivarjitaḥ/
karcūraḥ kaphavātaghnaḥ śvāsahikkārśasāṃ hitaḥ//
Ca.1.27.156 madhuraṃ kiṃcidamlaṃ ca
hṛdyaṃ bhaktaprarocanam/
durjaraṃ vātaśamanaṃ nāgaraṅgaphalaṃ &guru//
Ca.1.27.157
vātamābhiṣukākṣoṭamukūlakanikocakāḥ/
gurūṣṇasnigdhamadhurāḥ sorumāṇā balapradāḥ//
Ca.1.27.158 vātaghnā bṛṃhaṇā vṛṣyāḥ
kaphapittābhivardhanāḥ/
priyālameṣāṃ sadṛśaṃ vidyādauṣṇyaṃ vinā guṇaiḥ//
Ca.1.27.159 śleṣmalaṃ madhuraṃ śītaṃ
śleṣmātakaphalaṃ guru/
śleṣmalaṃ guru viṣṭmbhi cāṅkoṭaphalamagnijit//
Ca.1.27.160 gurūṣṇaṃ madhuraṃ rūkṣaṃ
keśaghnaṃ ca śamīphalam/
viṣṭambhayati kārañjaṃ vātaśleṣmāvirodhi ca//
Ca.1.27.161 āmrātakaṃ
dantaśaṭhamamlaṃ sakaramardakam/
raktapittakaraṃ vidyādairāvatakameva ca//
Ca.1.27.162 vātaghnaṃ dīpanaṃ caiva
vārtākaṃ kaṭu tiktakam/
vātalaṃ kaphapittaghnaṃ vidyāt parpaṭakīphalam//
Ca.1.27.163 pittaśleṣmaghnamamlaṃ ca
vātalaṃ cākṣikīphalam/
madhurāṇyamlapākīni pittaśleṣmaharāṇi ca//
Ca.1.27.164
aśvatthodumbaraplakṣanyagrodhānāṃ phalāni ca/
kaṣāyamadhurāmlāni vātalāni gurūṇi ca//
Ca.1.27.165 bhallātakāsthyagnisamaṃ
tanmāṃsaṃ svādu śītalam/
pañcamaḥ phalavargo+ayamuktaḥ prāyopayogikaḥ//
Ca.1.27.166 atha haritavargaḥ---
rocanaṃ dīpanaṃ vṛṣyamārdrakaṃ viśvabheṣajam/
vātaśleṣmavibandheṣu rasastasyopadiśyate//
Ca.1.27.167 rocano dīpanastīkṣṇaḥ
sugandhirmukhaśodhanaḥ/
jambīraḥ kaphavātaghnaḥ krimighno bhaktapācanaḥ//
Ca.1.27.168 bālaṃ doṣaharaṃ, vṛddhaṃ
tridoṣaṃ, mārutāpaham/
snigdhasiddhaṃ, viśuṣkaṃ tu mūlakaṃ kaphavātajit//
Ca.1.27.169
hikkākāsaviṣaśvāsapārśvaśūlavināśanaḥ/
pittakṛt kaphavātaghnaḥ surasaḥ pūtigandhahā//
Ca.1.27.170 yavānī cārjakaścaiva
śigruśāleyamṛṣṭakam/
hṛdyānyāmvādanīyāni pittamutkleśayanti ca//
Ca.1.27.171 gaṇḍīro
jalapippalyastumbaruḥ śṛṅgaverikā/
tīkṣṇoṣṇakaṭurūkṣāṇi kaphavātaharāṇi ca//
Ca.1.27.172 puṃstvaghnaḥ kaṭurūkṣoṣṇo
bhūstṛṇo vaktraśodhanaḥ/
kharāhvā kaphavātaghnī bastirogarujāpahā//
Ca.1.27.173 dhānyakaṃ cājagandhā ca
sumukhaśceti rocanāḥ/
sugandhā nātikaṭukā doṣānutkleśayanti ca//
Ca.1.27.174 grāhī gṛñjanakastīkṣṇo
vātaśleṣmārśasāṃ hitaḥ/
svedane+abhyavahāre ca yojayettamapittinām//
Ca.1.27.175 śleṣmalo mārutaghnaśca
palāṇḍurna ca pittanut&/
āhārayogī balyaśca gururvṛṣyo+atha rocanaḥ//
Ca.1.27.176 krimikuṣṭhakilāsaghno
vātaghno gulmanāśanaḥ/
snigdhaścoṣṇaśca vṛṣyaśca laśunaḥ kaṭuko guruḥ//
Ca.1.27.177 śuṣkāṇi
kaphavātaghnānyetānyeṣāṃ phalāni ca/
haritānāmayaṃ caiṣa ṣaṣṭho vargaḥ samāpyate//
Ca.1.27.178 atha madyavargaḥ---
prakṛtyā madyamamloṣṇamamlaṃ coktaṃ vipākataḥ/
sarvaṃ sāmānyatastasya viśeṣa upadekṣyate//
Ca.1.27.179 kṛśānāṃ saktamūtrāṇāṃ
grahaṇyarśovikāriṇām/
surā praśastā vātaghnī stanyaraktakṣayeṣu ca//
Ca.1.27.180
hikkāśvāsapratiśyāyakāsavarcograhārucau/
vamyānāhavibandheṣu vātaghnī madirā hitā//
Ca.1.27.181
śūlapravāhikāṭopakaphavātārśasāṃ hitaḥ/
jagalo grāhirūkṣoṣṇaḥ śophaghno bhaktapācanaḥ//
Ca.1.27.182
śoṣārśograhaṇīdoṣapāṇḍurogārucijvarān/
hantyariṣṭaḥ kaphakṛtān rogānrocanadīpanaḥ&//
Ca.1.27.183 mukhapriyaḥ sukhamadaḥ
sugandhirbastiroganut&/
jaraṇīyaḥ pariṇato hṛdyo varṇyaśca śārkaraḥ//
Ca.1.27.184 rocano dīpano hṛdyaḥ
śoṣaśophārśasāṃ hitaḥ/
snehaśleṣmavikāraghno varṇyaḥ pakvaraso mataḥ//
Ca.1.27.185 jaraṇīyo vibandhaghnaḥ
svaravarṇaviśodhanaḥ/
lekhanaḥ śītarasiko hitaḥ śophodarārśasām//
Ca.1.27.186 sṛṣṭabhinnaśakṛdvāto
gauḍastarpaṇadīpanaḥ/
pāṇḍurogavraṇahitā dīpanī cākṣikī matā&//
Ca.1.27.187 surāsavastīvramado
vātaghno vadanapriyaḥ/
chedī madhvāsavastīkṣṇo maireyo madhuro guruḥ//
Ca.1.27.188 dhātakyā+abhiṣuto
hṛdyo& rūkṣo rocanadīpanaḥ/
&mādhvīkavanna cātyuṣṇo mṛdvīkekṣurasāsavaḥ//
Ca.1.27.189 rocanaṃ dīpanaṃ hṛdyaṃ
balyaṃ pittāvirodhi ca/
vibandhaghnaṃ kaphaghnaṃ ca madhu laghvalpamārutam//
Ca.1.27.190 surā samaṇḍā rūkṣoṣṇā
yavānāṃ vātapittalā/
gurvī jīryati viṣṭabhya śleṣmalā tu madhūlikā//
Ca.1.27.191 dīpanaṃ jaraṇīyaṃ ca
hṛtpāṇḍukrimiroganut/
grahaṇyarśohitaṃ bhedi sauvīrakatuṣodakam//
Ca.1.27.192 dāhajvarāpahaṃ sparśāt
pānādvātakaphāpaham/
vibandhaghnamavasraṃsi dīpanaṃ cāmlakāñjikam//
Ca.1.27.193 prāyaśo+abhinavaṃ madyaṃ
gurudoṣasamīraṇam/
srotasāṃ śodhanaṃ jīrṇaṃ dīpanaṃ laghu rocanam//
Ca.1.27.194 harṣaṇaṃ prīṇanaṃ madyaṃ
bhayaśokaśramāpaham/
prāgalbhyavīryapratibhātuṣṭipuṣṭibalarpadam//
Ca.1.27.195 sāttvikairvidhivadyuktyā
pītaṃ syādamṛtaṃ yathā/
vargo+ayaṃ saptamo madyamadhikṛtya prakīrtitaḥ//
Ca.1.27.196 atha jalavargaḥ---
jalamekavidhaṃ sarvaṃ patatyaindraṃ nabhastalāt/
&tat patat patitaṃ caiva deśakālāvapekṣate//
Ca.1.27.197 khāt& patat
somavāyvarkaiḥ spṛṣṭaṃ kālānuvartibhiḥ/
śotoṣṇasnigdharūkṣādyairyathāsannaṃ mahīguṇaiḥ//
Ca.1.27.198 śītaṃ śuci śivaṃ mṛṣṭaṃ
vimalaṃ laghu ṣaḍguṇam/
prakṛtyā divyamudakaṃ, bhraṣṭaṃ pātramapekṣate//
Ca.1.27.199 śvete kaṣāyaṃ bhavati
pāṇḍare syāttu tiktakam/
kapile kṣārasaṃsṛṣṭamūṣare lavaṇānvitam//
Ca.1.27.200 kaṭu parvatavistāre&
madhuraṃ kṛṣṇamṛttike/
etat ṣāḍguṇyamākhyātaṃ mahīsthasya jalasya hi/
tathā+avyaktarasaṃ vidyādaindraṃ kāraṃ himaṃ ca yat//
Ca.1.27.201 yadantarīkṣāt
patatīndrasṛṣṭaṃ coktaiśca pātraiḥ parigṛhyate+ambhaḥ/
tadaindramityeva vadanti dhīrā narendrapeyaṃ &salilaṃ pradhānam//
Ca.1.27.202 īṣatkaṣāyamadhuraṃ
susūkṣmaṃ viśadaṃ laghu/
arūkṣamanabhiṣyandi sarvaṃ pānīyamuttamam//
Ca.1.27.203 gurvabhiṣyandi pānīyaṃ
vārṣikaṃ madhuraṃ navam/
tanu ladhvanabhiṣyandi prāyaḥ śaradi varṣati//
Ca.1.27.204 tattu ye sukumārāḥ syuḥ
snigdhabhūyiṣṭhabhojanāḥ/
teṣāṃ bhojye ca bhakṣye ca lehye peye ca śasyate//
Ca.1.27.205 hemante salilaṃ snigdhaṃ
vṛṣyaṃ balahitaṃ guru/
kiṃcittato laghutaraṃ śiśire kaphavātajit//
Ca.1.27.206 kaṣāyamadhuraṃ rūkṣaṃ
vidyādvāsantikaṃ jalam/
graiṣmikaṃ tvanabhiṣyandi jalamityeva niścayaḥ//
Ca.1.27.207 vibhrānteṣu tu kāleṣu yat
prayacchanti toyadāḥ/
salilaṃ tattu doṣāya yujyate nātra saṃśayaḥ//
Ca.1.27.208 rājabhī rājamātraiśca
sukumāraiśca mānavaiḥ/
sugṛhītāḥ śaradyāpaḥ prayoktavyā viśeṣataḥ//
Ca.1.27.209 nadyaḥ
pāṣāṇavicchinnavikṣubdhābhihatodakāḥ&/
himavatprabhavāḥ pathyāḥ puṇyā devarṣisevitāḥ//
Ca.1.27.210 nadyaḥ
pāṣāṇasikatāvāhinyo vimalodakāḥ/
malayaprabhavā yāśca jalaṃ tāsvamṛtopamam//
Ca.1.27.211 paścimābhimukhā yāśca
pathyāstā nirmalodakāḥ/
prāyo mṛduvahā gurvyo yāśca pūrvasamudragāḥ//
Ca.1.27.212 pāriyātrabhavā yāśca
vindhyasahyabhavāśca yāḥ/
śirohṛdrogakuṣṭhānāṃ tā hetuḥ ślīpadasya ca//
Ca.1.27.213
vasudhākīṭasarpākhumalasaṃdūṣitodakāḥ/
varṣājalavahā nadyaḥ sarvadoṣasamīraṇāḥ//
Ca.1.27.214
vāpīkūpataḍāgotsasaraḥprasravaṇādiṣu/
ānūpaśailadhanvānāṃ guṇadoṣairvibhāvayet//
Ca.1.27.215 picchilaṃ krimilaṃ
klinnaṃ parṇaśaivālakardamaiḥ/
vivarṇaṃ virasaṃ sāndraṃ durgandhaṃ na hitaṃ jalam//
Ca.1.27.216 visraṃ tridoṣaṃ
lavaṇamambu yadvaruṇālayam/
ityambuvargaḥ prokto+ayamaṣṭamaḥ suviniścitaḥ//
Ca.1.27.217 atha gorasavargaḥ---
svādu śītaṃ mṛdu snigdhaṃ bahalaṃ ślakṣṇapicchilam/
guru mandaṃ prasannaṃ ca gavyaṃ daśaguṇaṃ payaḥ//
Ca.1.27.218 tadevaṃguṇamevaujaḥ
sāmānyādabhivardhayet/
pravaraṃ jīvanīyānāṃ kṣīramuktaṃ rasāyanam//
Ca.1.27.219 mahiṣīṇāṃ gurutaraṃ
gavyācchītataraṃ payaḥ/
snehānyūnamanidrāya hitamatyagnaye ca tat//
Ca.1.27.220 rūkṣoṣṇaṃ
kṣīramuṣṭrīṇāmīṣatsalavaṇaṃ laghu/
śastaṃ vātakaphānāhakrimiśophodarārśasām//
Ca.1.27.221 balyaṃ sthairyakaraṃ
sarvamuṣṇaṃ caikaśaphaṃ payaḥ/
sāmlaṃ salavaṇaṃ rūkṣaṃ śākhāvātaharaṃ laghu//
Ca.1.27.222 chāgaṃ kaṣāyamadhuraṃ
śītaṃ grāhi payo laghu/
raktapittātisāraghnaṃ kṣayakāsajvarāpaham//
Ca.1.27.223 hikkāśvāsakaraṃ tūṣṇaṃ
pittaśleṣmalamāvikam/
hastinīnāṃ payo balyaṃ guru sthairyakaraṃ param//
Ca.1.27.224 jīvanaṃ bṛṃhaṇaṃ sātmyaṃ
snehanaṃ mānuṣaṃ payaḥ/
nāvanaṃ raktapitte ca tarpaṇaṃ cākṣiśūlinām//
Ca.1.27.225 rocanaṃ dīpanaṃ vṛṣyaṃ
snehanaṃ balavardhanam/
pāke+amlamuṣṇaṃ vātaghnaṃ maṅgalyaṃ bṛṃhaṇaṃ dadhi//
Ca.1.27.226 pīnase cātisāre ca śītake
viṣamajvare/
arucau mūtrakṛcchre ca kārśye ca dadhi śasyate//
Ca.1.27.227 śaradgrīṣmavasanteṣu
prāyaśo dadhi garhitam/
raktapittakaphottheṣu vikāreṣvahitaṃ ca tat//
Ca.1.27.228 &tridoṣaṃ mandakaṃ,
jātaṃ vātaghnaṃ dadhi, śukralaḥ/
saraḥ, śleṣmānilaghnastu maṇḍaḥ srotoviśodhanaḥ//
Ca.1.27.229
śophārśograhaṇīdoṣamūtragrahodarārucau/
snehavyāpadi pāṇḍutve takraṃ dadyādgareṣu ca//
Ca.1.27.230 saṃgrāhi dīpanaṃ hṛdyaṃ
navanītaṃ navoddhṛtam/
grahaṇyarśovikāraghnamarditārucināśanam//
Ca.1.27.231
smṛtibuddhyagniśukraujaḥkaphamedovivardhanam/
vātapittaviṣonmādaśoṣālakṣmījvarāpaham&//
Ca.1.27.232 sarvasnehottamaṃ śītaṃ
madhuraṃ rasapākayoḥ/
sahasravīryaṃ vidhibhirghṛtaṃ karmasahasrakṛt//
Ca.1.27.233
madāpasmāramūrcchsāyaśoṣonmādagarajvarān/
yonikarṇaśiraḥśūlaṃ ghṛtaṃ jīrṇamapohati//
Ca.1.27.234
sarpīṃṣyajāvimahiṣīkṣīravat svāni nirdiśet/
pīyūṣo moraṭaṃ caiva kilāṭā vividhāśca ye//
Ca.1.27.235 dīpatāgnīnāmanidrāṇāṃ
sarva eva sukhapradāḥ/
guravastarpaṇā vṛṣyā bṛṃhaṇāḥ pavanāpahāḥ//
Ca.1.27.236 viśadā guravo rūkṣā
grāhiṇastakrapiṇḍakāḥ/
gorasānāmayaṃ vargo navamaḥ parikīrtitaḥ//
Ca.1.27.237 athokṣuvargaḥ--- vṛṣyaḥ
śītaḥ saraḥ snigdho bṛṃhaṇo madhuro rasaḥ/
śleṣmalo bhakṣitasyekṣoryāntrikastu& vidahyate//
Ca.1.27.238 śaityāt prasādānmadhuryāt
pauṇḍrakādvaṃśako varaḥ/
prabhūtakrimimajjāsṛṅnodomāṃsakaro guḍaḥ//
Ca.1.27.239 kṣudro
guḍaścaturbhāgatribhāgārdhāvaśeṣitaḥ/
raso gururyathāpūrvaṃ dhautaḥ svalpamalo guḍaḥ//
Ca.1.27.240 tato
matsyaṇḍikākhaṇḍaśarkarā vimalāḥ param/
yathā yathaiṣāṃ vaimalyaṃ bhavecchaityaṃ tathā tathā//
Ca.1.27.241 vṛṣyā kṣīṇakṣatahitā
sasnehā guḍaśarkarā/
kaṣāyamadhurā śītā satiktā yāsaśarkarā//
Ca.1.27.242 rūkṣā vamyatisāraghnī
cchedanī madhuśarkarā/
tṛṣṇāsṛkpittadāheṣu praśastāḥ sarvaśarkarāḥ//
Ca.1.27.243 mākṣikaṃ bhrāmaraṃ
kṣaudraṃ paittikaṃ madhujātayaḥ/
mākṣikaṃ pravaraṃ teṣāṃ viśeṣādbhrāmaraṃ guru//
Ca.1.27.244 mākṣikaṃ tailavarṇaṃ
syādghṛtavarṇaṃ tu pauttikam/
kṣaudraṃ kapilavarṇaṃ syācchvetaṃ bhrāmaramucyate//
Ca.1.27.245 vātalaṃ guru śītaṃ ca
raktapittakaphāpaham/
sandhātṛ cchedanaṃ rūkṣaṃ kaṣāyaṃ madhuraṃ madhu&//
Ca.1.27.246
hanyānmadhūṣṇamuṣṇārtamathavā saviṣānvayāt/
gururūkṣakaṣāyatvācchaityāccalpaṃ hitaṃ madhu//
Ca.1.27.247 nātaḥ kaṣṭatamaṃ
kiṃcinmadhvāmāttaddhi mānavam/
upakramavirochitvāt sadyo hanyādyathā viṣam//
Ca.1.27.248 āme soṣṇā kriyā kāryā sā
madhvāme virudhyate/
madhvāmaṃ dāruṇaṃ tasmāt sadyo hanyādyathā viṣam//
Ca.1.27.249 nānādravyātmakatvācca
yogavāhi paraṃ madhu/(=Sū.sū.45.142cd) itīkṣuvikṛtiprāyo vargo+ayaṃ
daśamo mataḥ//
Ca.1.27.250 atha kṛtānnavargaḥ---
kṣuttṛṣṇāglānidaurbalyakukṣirogajvarāpahā/
svedāgnijananī peyā vātavarconulomanī//
Ca.1.27.251 tarpaṇī grāhiṇī ladhvī
hṛdyā cāpi vilepikā/
maṇḍastu dīpayatyagniṃ vātaṃ cāpyanulomayet//
Ca.1.27.252 mṛdūkaroti srotāṃsi
svedaṃ saṃjanayatyapi/
laṅghitānāṃ viriktānāṃ jīrṇe snehe ca tṛṣyatām//
Ca.1.27.253 dīpanatvāllaghutvācca
maṇḍaḥ syāt prāṇadhāraṇaḥ/
lājapeyā śramaghnī tu kṣāmakaṇṭhasya dehinaḥ//
Ca.1.27.254 tṛṣṇātīsāraśamano
dhātusāmyakaraḥ śivaḥ/
lājamaṇḍo+agnijanano &dāhamūrcchānivāraṇaḥ//
Ca.1.27.255 mandāgniviṣamāgnīnāṃ
bālasthavirayoṣitām/
deyaśca sukumārāṇāṃ lājamaṇḍaḥ susaṃskṛtaḥ//
Ca.1.27.256 kṣutpipāsāpahaḥ pathyaḥ
śuddhānāṃ ca malāpahaḥ/
śṛtaḥ pippaliśuṇṭhībhyāṃ &yukto lājāmladāḍimaiḥ//
Ca.1.27.257 kaṣāyamadhurāḥ śītā
laghavo lājasaktavaḥ/
sudhautaḥ prasrutaḥ svinnaḥ saṃtaptaścaudano laghuḥ//
Ca.1.27.258 bhṛṣṭataṇḍulamicchanti
garaśleṣmāmayeṣvapi/
adhauto+aprasruto+asvinnaḥ śītaścāpyodano guruḥ//
Ca.1.27.259
māṃsaśākavasātailaghṛtamajjaphalaudanāḥ/
balyāḥ saṃtarpaṇā hṛdyā guravo bṛṃhayanti ca//
Ca.1.27.260
tadvanmāṣatilakṣīramudgasaṃyogasādhitāḥ/
kulmāṣā guravo rūkṣā vātalā bhinnavarcasaḥ//
Ca.1.27.261 svinnabhakṣyāstu ye kecit
saupyagaudhūmayāvikāḥ/
bhiṣak teṣāṃ yathādravyamādiśedgurulāghavam//
Ca.1.27.262 akṛtaṃ kṛtayūṣaṃ ca tanuṃ
sāṃskārikaṃ rasam/
sūpamamlamanamlaṃ ca guruṃ vidyādyathottaram//
Ca.1.27.263 saktavo vātalā rūkṣā
bahuvarconulominaḥ/
tarpayanti naraṃ sadyaḥ pītāḥ sadyobalāśca te//
Ca.1.27.264 madhurā laghavaḥ śītāḥ
saktavaḥ śālisaṃbhavāḥ/
grāhiṇo raktapittaghnāstṛṣṇācchardijvarāpahāḥ//
Ca.1.27.265 hanyādvyādhīn yavāpūpo
yāvako vāḍya eva ca/
udāvartapratiśyāyakāsamehagalagrahān//
Ca.1.27.266 dhānāsaṃjñāstu ye
bhakṣyāḥ prāyaste lekhanātmakāḥ/
śuṣkatvāttarpaṇāścaiva viṣṭambhitvācca durjarāḥ//
Ca.1.27.267 virūḍhadhānā śaṣkulyo
madhukroḍāḥ sapiṇḍakāḥ/
pūpāḥ pūpalikādyāśca guruvaḥ paiṣṭikāḥ param//
Ca.1.27.268
phalamāṃsavasāśākapalalakṣaudrasaṃskṛtāḥ/
bhakṣyā vṛṣyāśca balyāśca guravo bṛṃhaṇātmakāḥ//
Ca.1.27.269 veśavāro guruḥ snigdho
balopacayavardhanaḥ/
guravastarpaṇā vṛṣyāḥ kṣīrekṣurasapūpakāḥ&//
Ca.1.27.270 saguḍāḥ satilāścaiva
sakṣīrakṣaudraśarkarāḥ/
bhakṣyā vṛṣyāśca balyāśca paraṃ tu guravaḥ smṛtāḥ//
Ca.1.27.271 sasnehāḥ snehasiddhāśca
bhakṣyā vividhalakṣaṇāḥ/
guravastarpaṇā vṛṣyā hṛdyā gaudhūmikā matāḥ//
Ca.1.27.272 saṃskārāllaghavaḥ santi
bhakṣyā gaudhūmapaiṣṭikāḥ/
dhānāparpaṭapūpādyāstān buddhvā nirdiśettathā//
Ca.1.27.273 pṛthukā guravo
&bhṛṣṭān bhakṣayedalpaśastu tān/
yāvā viṣṭabhya jīryanti sarasā bhinnavarcasaḥ//
Ca.1.27.274 sūpyānnavikṛtā bhakṣyā
vātalā rūkṣaśītalāḥ/
sakaṭusnehalavaṇānalpaśo bhakṣayettu tān//
Ca.1.27.275 mṛdupākāśca ye bhakṣyāḥ
sthūlāśca kaṭhināśca ye/
guravaste vyatikrāntapākāḥ puṣṭibalapradāḥ//
Ca.1.27.276 dravyasaṃyogasaṃskāraṃ
dravyamānaṃ pṛthak tathā/
bhakṣyāṇāmādiśedbuddhvā yathāsvaṃ gurulāghavam//
Ca.1.27.277 (&nānādravyaiḥ
samāyuktaḥ pakvāmaklinnabharjitaiḥ/
vimardako gururhṛdyo vṛṣyo balavatāṃ hitaḥ//)
Ca.1.27.278 rasālā bṛṃhaṇī vṛṣyā
snigdhā balyā rucipradā/
snehanaṃ tarpaṇaṃ hṛdyaṃ vātaghnaṃ saguḍaṃ dadhi//
Ca.1.27.279 drākṣākharjūrakolānāṃ
guru viṣṭambhi pānakam/
parūṣakāṇāṃ kṣaudrasya yaccekṣuvikṛtiṃ prati//
Ca.1.27.280 teṣāṃ
kaṭvamlasaṃyogān& pānakānāṃ pṛthak pṛthak/
dravyaṃ mānaṃ ca vijñāya guṇakarmāṇi cādiśet//
Ca.1.27.281 kaṭvamlasvādulavaṇā
laghavo rāgaṣāḍavāḥ/
mukhapriyāśca hṛdyāśca dīpanā bhaktarocanāḥ//
Ca.1.27.282 āmrāmlakalehāśca bṛṃhaṇā
balavardhanāḥ/
rocanāstarpaṇāścoktāḥ snehamādhuryagauravāt//
Ca.1.27.283 buddhvā saṃyogasaṃskāraṃ
dravyamānaṃ ca tacchritam/
guṇakarmāṇi lehānāṃ teṣāṃ teṣāṃ tathā vadet//
Ca.1.27.284 raktapittakaphotkledi
śuktaṃ vātānulomanam/
kandamūlaphalādyaṃ ca tadvadvidyāttadāsutam//
Ca.1.27.285 śiṇḍākī cāsutaṃ cānyat
kālāmlaṃ rocanaṃ laghu/
vidyādvargaṃ kṛtānnānāmekādaśatamaṃ bhiṣak//
Ca.1.27.286 &kaṣāyānurasaṃ svādu
sūkṣmamuṣṇaṃ vyavāyi ca/
pittalaṃ baddhaviṇmūtraṃ na ca śleṣmābhivardhanam//
Ca.1.27.287 vātaghneṣūttamaṃ balyaṃ
medhāgnivardhanam/
tailaṃ saṃyogasaṃskārāt sarvarogāpahaṃ matam//
Ca.1.27.288 tailaprayogādajarā
nirvikārā jitaśramāḥ/
āsannatibalāḥ saṃkhye daityādhipatayaḥ purā//
Ca.1.27.289 airaṇḍatailaṃ madhuraṃ
guru śleṣmābhivardhanam/
vātāsṛgagulmahṛdrogajīrṇajvaraharaṃ param//
Ca.1.27.290 kaṭūṣṇaṃ sārṣapaṃ tailaṃ
raktapittapradūṣaṇam/
kaphaśukrānilaharaṃ kaṇḍūkoṭhavināśanam&//
Ca.1.27.291 priyālatailaṃ madhuraṃ
guru śleṣmābhivardhanam/
hitamicchanti nātyauṣṇyātsaṃyoge vātapittayoḥ//
Ca.1.27.292 ātasyaṃ madhurāmlaṃ tu
vipāke kaṭukaṃ tathā/
uṣṇavīryaṃ hitaṃ vāte raktapittaprakopaṇam//
Ca.1.27.293 kusumbhatailamuṣṇaṃ ca
vipāke kaṭukaṃ guru/
vidāhi ca ciśeṣeṇa sarvadoṣaprakopaṇam//
Ca.1.27.294 phalānāṃ yāni cānyāni
&tailānyāhārasaṃvidhau/
yujyante guṇakarmabhyāṃ tāni brūyādathāphalam//
Ca.1.27.295 madhuro bṛṃhaṇo vṛṣyo
balyo majjā tathā vasā/
yathāsattvaṃ tu śaityoṣṇe vasāmajjñorvinirdiśet//
Ca.1.27.296 sasnehaṃ dīpanaṃ
vṛṣyamuṣṇaṃ vātakaphāpaham/
vipāke madhuraṃ hṛdyaṃ rocanaṃ viśvabheṣajam//
Ca.1.27.297 śleṣmalā madhurā cārdrā
gurvī snigdhā ca pippalī/
sā śuṣkā kaphavātaghnī kaṭūṣṇā vṛṣyasaṃmatā&//
Ca.1.27.298 nātyarthamuṣṇaṃ
maricamavṛṣyaṃ laghu rocanam/
cheditvācchoṣaṇatvācca dīpanaṃ kaphavātajit&//
Ca.1.27.299 vātaśleṣmavibandhaghnaṃ
kaṭūṣṇaṃ dīpanaṃ laghu/
hiṅgu śūlapraśamanaṃ vidyāt pācanarocanam//
Ca.1.27.300 rocanaṃ dīpanaṃ vṛṣyaṃ
cakṣuṣyamavidāhi ca/
triḍoṣaghnaṃ &samadhuraṃ saindhavaṃ lavaṇottamam//
Ca.1.27.301
saukṣmyādauṣṇyāllaghutvācca saugandhyācca rucipradam/
sauvarcalaṃ vibandhaghnaṃ hṛdyamudgāraśodhi ca//
Ca.1.27.302
taikṣṇyādauṣṇyādvyavāyitvāddīpanaṃ śūlanāśanam/
ūrdhvaṃ cādhaśca vātānāmānulomyakaraṃ biḍam//
Ca.1.27.303 satiktakaṭu sakṣāraṃ
tīkṣṇamutkledi caudbhidam/
na kālalavaṇe gandhaḥ sauvarcalaguṇāśca te//
Ca.1.27.304 sāmudrakaṃ samadhuraṃ,
satiktaṃ kaṭu pāṃśujam/
rocanaṃ lavaṇaṃ sarvaṃ pāki sraṃsyanilāpaham//
Ca.1.27.305
hṛtpāṇḍugrahaṇīrogaplīhānāhagalagrahān/
kāsaṃ kaphajamarśāṃsi yāvaśūko vyapohati//
Ca.1.27.306 tīkṣṇoṣṇo laghurūkṣaśca
kledī &paktā vidāraṇaḥ/
dāhano dīpanaśchettā sarvaḥ &kṣāro+agnisannibhaḥ//
Ca.1.27.307 kāravī kuñcikā+ajājī
yavānī dhānyatumburu/
rocanaṃ dīpanaṃ vātakaphadaurgandhyanāśanam//
Ca.1.27.308 āhārayogināṃ
bhaktiniścayo na tu vidyate/
&samāpto dvādaśaścāyaṃ varga āhārayoginām//
Ca.1.27.309 śūladhānyaṃ śamīdhānyaṃ
samātītaṃ praśasyate/
purāṇaṃ prāyaśo rūkṣaṃ prāyeṇābhinavaṃ &guru//
Ca.1.27.310 yadyadāgacchati&
kṣipraṃ tattallaghutaraṃ smṛtam/
nistuṣaṃ yuktibhṛṣṭaṃ ca sūpyaṃ laghu vipacayate//
Ca.1.27.311 mṛtaṃ kṛśaṃ cātimedyaṃ
vṛddhaṃ bālaṃ viṣairhatam/
agocarabhṛtaṃ vyālasūditaṃ māṃsamutsṛjet//
Ca.1.27.312 ato+anyathā hitaṃ māṃsaṃ
bṛṃhaṇaṃ balavardhanam/
prīṇanaḥ sarvabhūtānāṃ hṛdyo māṃsarasaḥ param//
Ca.1.27.313 śuṣyatāṃ vyādhimuktānāṃ
kṛśānāṃ kṣīṇaretasām/
balavarṇārthināṃ caiva rasaṃ vidyādyathāmṛtam//
Ca.1.27.314 sarvarogapraśamanaṃ
yathāsvaṃ vihitaṃ rasam/
vidyāt svaryaṃ balakaraṃ vayobuddhīndriyāyuṣām//
Ca.1.27.315 vyāyāmanityāḥ strīnityā
madyanityāśca ye narāḥ/
nityaṃ māṃsarasāhārā nāturāḥ syurna durbalāḥ//
Ca.1.27.316 krimivātātapahataṃ śuṣkaṃ
jīrṇamanārtavam/
śākaṃ niḥsnehasiddhaṃ ca varjyaṃ yaccāparisrutam//
Ca.1.27.317 purāṇamāmaṃ saṃkliṣṭaṃ
krimivyālahimātapaiḥ/
adeśakālajaṃ klinnaṃ yatsyātphalamasādhu tat//
Ca.1.27.318 &haritānāṃ yathāśākaṃ
nirdeśaḥ sādhanādṛte/
madyāmbugorasādīnāṃ sve sve varge viniścayaḥ//
Ca.1.27.319 &yadāhāraguṇaiḥ pānaṃ
viparītaṃ tadiṣyate/
annānupānaṃ dhātūnāṃ dṛṣṭaṃ yanna virodhi ca//
Ca.1.27.320 āsavānāṃ
samuddiṣṭāmaśītiṃ caturuttarām/
jalaṃ peyamapeyaṃ ca parīkṣyānupibeddhitam//
Ca.1.27.321 &snigdhoṣṇaṃ mārute
śastaṃ pitte madhuraśītalam/
kaphe+anupānaṃ rūkṣoṣṇaṃ kṣaye māṃsarasaḥ param//
Ca.1.27.322
upavāsādhvabhāṣyastrīmārutātapakarmabhiḥ/
klāntānāmanupānārthaṃ payaḥ pathyaṃ yathā+amṛtam//
Ca.1.27.323 surā kṛśānāṃ
puṣṭyarthamanupānaṃ vidhīyate/
kārśyārthaṃ sthūladehānāmanu śastaṃ madhūdakam//
Ca.1.27.324 alpāgnīnāmanidrāṇāṃ
tandrāśokabhayaklamaiḥ/
madyamāṃsocitānāṃ ca madyamevānuśasyate//
Ca.1.27.325 &athānupānakarmaguṇān
pravakṣyāmaḥ anupānaṃ tarpayati, prīṇayati, ūrjayati, bṛṃhayati,
paryāptimabhinirvartayati, bhuktamavasādayati, annasaṅghātaṃ bhinatti,
mārdavamāpādayati, kledayati, jarayati, sukhapariṇāmitāmāśuvyavāyitāṃ
cāhārasyopajanayatīti //
Ca.1.27.326 bhavati cātra
Ca.1.27.326ab anupānaṃ hitaṃ yuktaṃ
tarpayatyāśu mānavam /
Ca.1.27.326cd sukhaṃ pacati
cāhāramāyuṣe ca balāya ca //
Ca.1.27.327ab nordhvāṅgamārutāviṣṭa
na hikkāśvāsakāsinaḥ /
Ca.1.27.327cd na
gītabhāṣyāadhyayanaprasaktā norasi kṣatāḥ //
Ca.1.27.328ab pibeyurudakaṃ bhuktvā
taddhi kaṇṭorasi sthitam /
Ca.1.27.328cd snehamāhārajaṃ hatvā
bhūyo doṣāya kalpate //
Ca.1.27.329ab
annapānaikadeśo+ayamuktaḥ prāyopayogikaḥ /
Ca.1.27.329cd dravyāṇi na hi
nirdeṣṭuṃ śakyaṃ kātsnryena nāmabhiḥ //
Ca.1.27.330ab yathā nānauṣadhaṃ
kiṃciddeśajānāṃ vaco yathā /
Ca.1.27.330cd dravyaṃ tattattathā
vācyamanuktamiha yadbhavet //
Ca.1.27.331ab caraḥ śarīrāvayavāḥ
svabhāvo dhātavaḥ kriyā /
Ca.1.27.331cd liṅgaḥ pramāṇaṃ
saṃskāro mātra cāsmin parīkṣyate //
Ca.1.27.332ab
caro+anūpajalākāśadhanvādyo bhakṣyasaṃvidhiḥ /
Ca.1.27.332cd jalajānūpajāścaiva
jalānūpacarāśca ye //
Ca.1.27.333ab gurubhakṣyāśca ye
sattvāḥ sarve te guravaḥ smṛtāḥ /
Ca.1.27.333cd laghubhakṣyāstu
laghavo dhanvajā dhanvacāriṇaḥ //
Ca.1.27.334ab śarīrāvayavāḥ
sakthiśiraḥskandhādayastathā /
Ca.1.27.334cd sakthimāṃsādguruḥ
skandhastataḥ kroḍastataḥ śiraḥ //
Ca.1.27.335ab vṛṣaṇau carma meḍhraṃ
ca śroṇī vṛkkau yakṛdgudam /
Ca.1.27.335cd māṃsādgurutaraṃ
vidyādyathāsvaṃ madhyamasthi ca //
Ca.1.27.336ab svabhāvāllaghavo
mugāstathā lāvakapiñjalāḥ /
Ca.1.27.336cd svabhāvādguravo māṣā
varāhamahiṣāstathā //
Ca.1.27.337ab dhātūnāṃ śoṇitādīnāṃ
guruṃ vidyādyathottaram /
Ca.1.27.337cd alasebhyo viśiṣyante
prāṇino ye bahukriyāḥ //
Ca.1.27.338ab gauravaṃ liṅgasāmānye
puṃsāṃ strīṇāṃ tu lāghavam /
Ca.1.27.338cd mahāpramāṇā guravaḥ
svajātau laghavo+anyathā //
Ca.1.27.339ab gurūṇāṃ lāghavaṃ
vidyāt saṃskrārāt saviparyayam /
Ca.1.27.339cd vrīherlājā yathā ca
syuḥ saktūnāṃ siddhapiṇḍikāḥ //
Ca.1.27.340ab alpādāne gurūṇāṃ ca
laghūnāṃ cātisevane /
Ca.1.27.340cd mātrā kāraṇamuddiṣṭaṃ
dravyāṇāṃ gurulāghave //
Ca.1.27.341ab gurūṇāmalpamādeyaṃ
laghūnāṃ tṛptiriṣyate /
Ca.1.27.341cd mātrāṃ
dravyāṇyapekṣante mātrā cāgnimapekṣate //
Ca.1.27.342ab balamārogyamāyuśca
prāṇāścāgnau pratiṣṭhitāḥ /
Ca.1.27.342cd
annapānendhanaiścāgnirjvalati vyeti cānyathā //
Ca.1.27.343ab gurulāghavacinteyaṃ
prāyeṇālapavbalān prati /
Ca.1.27.343cd mandakriyānanārogyān
sukumārānsukhocitān //
Ca.1.27.344ab dīptāgnayaḥ
kharāhārāḥ karmanityā mahodarāḥ /
Ca.1.27.344cd ye narāḥ prati
tāṃścintyaṃ nāvaśyaṃ gurulāghavam //
Ca.1.27.345ab
hitābhirjuhuyānnityamantaragniṃ samāhitaḥ /
Ca.1.27.345cd annapānasamidbhirnā
mātrākālau vicārayan //
Ca.1.27.346ab āhitāgniḥ sadā
pathyānyantaragnau juhoti yaḥ /
Ca.1.27.346cd divase divase brahma
japatyatha dadāti ca //
Ca.1.27.347ab naraṃ niḥśreyase
yuktaṃ sātmyajñaṃ pānabhojane /
Ca.1.27.347cd bhajante nāmayāḥ
kecidbhāvino+apyantarādṛte //
Ca.1.27.348ab ṣaḍtriṃśataṃ
sahasrāṇi rātrīṇāṃ hitabhojanaḥ /
Ca.1.27.348cd jīvatyanāturo
janturjitātmā saṃmataḥ satām //
Ca.1.27.349ab prāṇāḥ
prāṇabhṛtāmannamannaṃ loko+abhidhāvati /
Ca.1.27.349cd varṇaḥ prasādaḥ
sausvaryaṃ jīvitaṃ pratibhā sukham //
Ca.1.27.350ab tuṣṭiḥ puṣṭirbalaṃ
medhā sarvamanne pratiṣṭhitam /
Ca.1.27.350cd laukikaṃ karma
yadvṛttau svargatau yaca vaidikam //
Ca.1.27.351ab karmāpavarge
yaccoktaṃ taccāpyanne pratiṣṭhitam /
Ca.1.27.351 tatra ślokaḥ
Ca.1.27.351cd annapānaguṇāḥ sāgryā
vargā dvādaśa niścitāḥ //
Ca.1.27.352ab saguṇānyanupāanāni
gurulāghavasaṃgrahaḥ /
Ca.1.27.352cd annapānavidhāvuktaṃ
tat parīkṣyaṃ viśeṣataḥ //
ityagniveśakṛte tantre carakapratisaṃskṛte
ślokasthāne+annapānavidhirnāma saptaviṃśo+adhyāyaḥ //