home
zoom_in zoom_out import_contacts invert_colors

अथ मध्या—

मध्योद्यद्यौवनानङ्गा मोहान्तसुरतक्षमा ॥ १६ ॥

95 संप्राप्ततारुण्यकामा मोहान्तरतयोग्या मध्या ।

तत्र यौवनवती यथा—

आलापान् भ्रूविलासो विरलयति लसद्बाहुविक्षिप्तियातं नीवीग्रन्थिं प्रथिम्ना प्रकटयति मनाङ्मध्यनिम्नो नितम्बः ।
उत्पुष्यत्पार्श्वमूर्च्छत्कुचशिखरमुरो नूनमन्तः स्मरेण स्पृष्टा कोदण्डकोट्या हरिणशिशुदृशो दृश्यते यौवनश्रीः ॥

कामवती यथा—559

स्मरनवनदीपूरेणोढाः पुनर्गुरुसेतुभि- र्यदपि विधृतास्तिष्ठन्त्यारादपूर्णमनोरथाः ।
तदपि लिखितप्रख्यैरङ्गैः परस्परमुन्मुखा नयननलिनीनालाकृष्टं पिबन्ति रसं प्रियाः ॥560

मध्यासंभोगो यथा—

ताव च्चिअ रइसमए महिलाणं विब्भमा विराअंति ।
जा णवकुवलअदलसच्छहाइ मुउलेंति णअणाइं ॥561
एवं धीरायामधीरायां धीराधीरायामप्युदाहार्यम् ।

मध्येतिसूत्रस्यायमर्थः562 । उद्यद्यौवनम् अनङ्गश्च यस्याः, या च मोहपर्यन्ते सुरते क्षमा भवति, सा मध्येति । तथैव व्याचष्टे संप्राप्ततारुण्येति । कामो नाम संकल्पः । स चाभिप्रायविशेष एव । तेनाह मध्याभावो यथेति563 । ताव च्चिअ564 ।

तावदेव रतिसमये महिलानां विभ्रमा विराजन्ते ।
565यावन्नवकुवलयदलसच्छाये मुकुलीभवतो नयने॥

96 एवमिति । एवं मध्यायां धीरायाम् अधीरायां धीराधीरायामपि उदाहरणानि दर्शनीयानीति ।

  1. A.T.A. smararasanadī-.

    ↩
  2. अमरु॰ श्लो॰ १०४↩
  3. गाथा॰ १।५↩

  4. Daśarūpaka-kārikās are referred to as sūtra by the commentator.

    ↩

  5. It appears from this that according to Bh.Nṛ the reading in the Avaloka here was madhyābhāvaḥ, and not madhyāsaṃbhogaḥ. Avaloka MSS. read -saṃbhogaḥ.

    ↩

  6. Gr.MS. and T.MS. are not clear here.

    ↩

  7. T.MS. and M.G.T. read yāvannavakuvalayadalasacchāye, and Tri.MS. reads as yāvannavakuvalayasacchāye. Gr.MS. is not clear.

    ↩