guṇapadārthanirūpaṇam
7.0: 94.5 atha guṇapadārthanirūpaṇam /
7.0: 94.6- rūpādīnām guṇānām sarveṣām guṇatvābhisambandho dravyāśritatvam nirguṇatvam niṣkriyatvam //
7.0: 95.3- rūparasagandhasparśaparatvāparatvagurutvadravatvasnehavegā mūrtaguṇāḥ //
7.0: 95.9- buddhisukhaduhkhecchādveṣaprayatnadharmādharmabhāvanāśabdā amūrtaguṇāḥ //
7.0: 95.13 saṃkhyāparimāṇapṛthaktvasamyogavibhāgā ubhayaguṇāḥ //
7.0: 95.15 samyogavibhāgadvitvadvipṛthaktvādayo'nekāśritāḥ //
7.0: 95.21 śeṣās tv ekaikadravyavṛttayaḥ //
rūparasagandhasparśasnehasāṃsiddhikadravatvabuddhisukhaduhkhecchādveṣaprayatnadharmādharmabhāvanāśabdā vaiśeṣikaguṇāḥ //
saṃkhyāparimāṇapṛthaktvasamyogavibhāgaparatvāparatvagurutvanaimitikadravatvavegāḥ sāmānyaguṇāḥ //
7.0: 96.11- śabdasparśarūparasagandhā bāhyaikaikendriyagrāhyāḥ //
saṃkhyāparimāṇapṛthaktvasamyogavibhāgaparatvāparatvadravatvasnehavegā dvīndriyagrāhyāḥ //
7.0: 96.19- buddhisukhaduhkhecchādveṣaprayatnās tv antahkaraṇagrāhyāḥ //
7.0: 98.4 gurutvadharmādharmabhāvanā hy atīndriyāḥ //
apākajarūparasagandhasparśaparimāṇaikatvaikapṛthaktvagurutvadravatvasnehavegāḥ kāraṇaguṇapūrvakāḥ //
7.0: 98.20- buddhisukhaduhkhecchādveṣaprayatnadharmādharmabhāvanāśabdā akāraṇaguṇapūrvakāḥ //
buddhisukhaduhkhecchādveṣaprayatnadharmādharmabhāvanāśabdatūlaparimāṇottarasamyoganaimittikadravatvaparatvāparatvāpākajāḥ samyogajāḥ //
7.0: 99.6 samyogavibhāgavegāḥ karmajāḥ //
7.0: 99.8 śabdottaravibhāgau vibhāgajau //
7.0: 99.11 paratvāparatvadvitvadvipṛthaktvādayo buddhyapekṣāḥ //
7.0: 99.14- rūparasagandhānuṣṇasparśaśabdaparimāṇaikatvaikapṛthaktvasnehāḥ samānajātyārambhakāḥ //
7.0: 99.22 sukhadūhkhecchādveṣaprayatnāś cāsamānajātyārambhakāḥ //
samyogavibhāgasaṃkhyāgurutvadravatvoṣṇasparśajñānadharmādharmasaṃskārāḥ samānāsamānajātyārambhakāḥ //
7.0: 100.11- buddhisukhaduhkhecchādveṣabhāvanāśabdāḥ svāśrayasamavetārambhakāḥ //
7.0: 100.16 rūparasagandhasparśaparimāṇasnehaprayatnāḥ paratrārambhakāḥ //
samyogavibhāgasaṃkhyaikapṛthaktvagurutvadravatvavegadharmādharmās tūbhayatrārambhakāḥ //
7.0: 101.3- gurutvadravatvavegaprayatnadharmādharmasamyogaviśeṣāḥ kriyāhetavaḥ //
rūparasagandhānuṣṇasparśasaṃkhyāparimāṇaikapṛthaktvasanehaśabdānām asamavāyikāraṇatvam //
7.0: 102.1- buddhisukhaduhkhecchādveṣaprayatnadharmādharmabhāvanānām nimittakāraṇatvam //
7.0: 102.4- samyogavibhāgoṣṇasparśagurutvadravatvavegānām ubhayathā kāraṇatvam //
7.0: 102.12 paratvāparatvadvitvadvipṛthaktvādīnām akāraṇatvam //
7.0: 102.16- samyogavibhāgaśabdātmaviśeṣaguṇānām pradeśavṛttitvam //
7.0: 103.8 śeṣāṇām āśrayavyāpitvam //
apākajarūparasagandhasparśaparimāṇaikatvaikapṛthaktvasāṃsiddhikadravatvagurutvasnehānām yāvaddravyabhāvitvam //
7.0: 103.15 śeṣāṇām ayāvaddravyabhāvitvam ceti //