अत्र दृष्टया यन्न दृष्टः संभाषितया यन्न संभाषितो न चाभ्यागतोपचारो बिहितस्तेन तदनुरागः परं न पिहितः प्रत्युत छादनेन छेकानां प्रकटित इत्यपिहिताख्योऽयं मीलितभेदः ॥
ननु दृष्टयापि न दृष्ट इत्यपि कथमलंकारः । न ह्यत्र शक्तिरस्तीत्यत आह— प्रत्युतेति । छेका विदग्धास्तैरास्वाद्यमानत्वादावर्जकत्वं काव्यस्येत्यर्थः ॥
तद्गुणो यथा—
अत्र गौराङ्गस्तरुणीजनः सितनेपथ्यो ज्योत्स्नायां श्यामस्तु नीलनेपथ्यस्तस्याश्छायासु गच्छतीति तद्गुणाश्रयमीलनात्तद्गुणाख्यं मीलितमिदम् ।
गोरङ्गउ इति । गौराङ्गः । जोह्णाइं ज्योत्स्नायाम् । णेवच्छं नेपथ्यं वस्त्राङ्गरागादिपरिग्रहः । पडिच्छेओ प्रतीक्ष्य गृहीत्वा । वल्लहवद्धरइ वल्लभबद्धरतिः । तच्छाआहिं तासां गौराङ्गीणां छायायाम् । चलिअउ चलितम् ॥
अतद्गुणो यथा—
अत्र कर्कन्धूफलानामपगतनिजगुणत्वादतद्गुणत्वादतद्गुणाख्यं मीलितमिदम् ॥
अत्र कर्कन्धूफलानामिति । विरुपगुणानामित्यर्थः ॥