sarvārthataikāgratayoḥ kṣayodayau cittasya samādhipariṇāmaḥ //3.11//

saṃprajñātasamādhipariṇāmāvasthāṃ cittasya darśayati --- sarvārthataikāgratayoḥ kṣayodayau cittasya samādhipariṇāmaḥ/ vikṣiptatā sarvārthatā/ san na vinaśyatīti kṣayas tirobhāvo nāsad utpadyata iti udaya āvirbhāvaḥ/ svātmabhūtayoḥ sarvārthataikāgratayor dharmayor yāv apāyopajanau 123 sarvārthatāyā apāya ekāgratāyā upajanas tayor anugataṃ cittaṃ samādhīyate pūrvāparībhūtasādhyamānasamādhiviśeṣaṇaṃ bhavatīti //3.11//