809 atha tṛtīyādhyāyāsya dvitīyam āhnikam
Adhyāya 3, Āhnika 2
Adhyāya 3, Āhnika 2, Sūtra 1
parīkṣitānīndriyāṇy arthāś ca, buddher idānīṃ parīkṣākramaḥ, sā kim anityā nityā veti/ kutaḥ saṃśayaḥ?
karmākāśasādharmyāt saṃśayaḥ // 3.2.1 //
asparśavattvaṃ tābhyāṃ samāno dharma upalabhyate buddhau, viśeṣaś copajanāpāyadharmavattvam, viparyayaś ca yathāsvam anityanityayos tasyāṃ buddau nopalabhyate, tena saṃśaya iti//1//
Adhyāya 3, Āhnika 2, Sūtra 2
anupapannarūpaḥ khalv ayaṃ saṃśayaḥ/ sarvaśarīriṇāṃ hi pratyātmavedanīyā anityā buddhiḥ sukhādivat/