143
03.012a śulkasthānaṃ vaṇik prāptaḥ śulkaṃ dadyād yathopagam |
03.012c na tad vyatihared rājñāṃ balir eṣa prakalpitaḥ || 12 ||
03.013a śulkasthānaṃ pariharan na kāle krayavikrayī |
03.013c mithyoktvā ca parīmāṇaṃ dāpyo 'ṣṭaguṇam atyayam || 13 ||
03.014a kaścic cet sañcaran deśāt preyād abhyāgato vaṇik |
03.014c rājāsya bhāṇḍaṃ tad rakṣet yāvad dāyādadarśanam || 14 ||
03.015a dāyāde 'sati bandhubhyo jñātibhyo vā tad arpayet |
03.015c tadabhāve suguptaṃ tad dhārayed daśatīḥ samāḥ || 15 ||