vājīkaraḥ kāmadevarasaḥ |

mṛtasūtaṃ trayo bhāgā bhāgaikaṃ hāṭakaṃ mṛtam |
kadalīkandajairdrāvaiḥ śālmalījadravairdinam || 22 ||
gokṣīraiśca dinaṃ mardyaṃ kṣaṇaikaṃ pācayedghṛtaiḥ |
tanmadhye śarkarāṃ drākṣāṃ dhātrīṃ rambhāphalaṃ madhu || 23 ||
gokṣīraṃ muśalīṃ māṣān kokilākṣasya bījakam |
sūtāccaturguṇaṃ kṣiptvā mardyaṃ śālmalijairdravaiḥ || 24 ||
tatsarvaṃ dinamekaṃ tu kāmadevo raso bhavet |
niṣkamātraṃ sadā bhakṣyaṃ gavāṃ kṣīraṃ pibedanu || 25 ||
maithune dṛḍhaliṅgaḥ syāddrāvayedvanitākulam |