amṛteśarasaḥ |

mṛtasūtābhrakaṃ kāntaṃ viṣaṃ tāpyaṃ śilājatu || 56 ||
tulyāṃśaṃ madhusarpirbhyāṃ lihedguñjātrayaṃ sadā |
ṣaṇmāsena jarāṃ hanti jīvedbrahmadinaṃ naraḥ || 57 ||
aśvagandhāmūlacūrṇaṃ saptabhāgaghṛtaiḥ samam |
bhāgāṣṭakaṃ guḍaṃ tasmin kṣipedbhāgaṃ ca pippalīm || 58 ||
mṛdvagninā ca tatsarvaṃ piṇḍitaṃ bhakṣayet palam |
krāmakaṃ hyamṛteśasya rasarājasya siddhaye || 59 ||