26
वस्तुसंकरसिद्धिश्च तत्प्रामाण्यसमाश्रिता समाश्रया ।
क्षीरे दध्यादि यन्नास्ति प्रागभावः स उच्यते ॥
नास्तिता पयसो दध्नि प्रध्वंसाभावलक्षणम् ।
गवि योऽश्वाद्यभावस्तु सोऽन्योन्याभाव उच्यते ॥
शिरसोऽवयवा निम्ना वृद्धिकाठिन्यवर्जिताः ।
शशशृङ्गादिरूपेण सोऽत्यन्ताभाव उच्यते ॥
न च स्याद्व्यवहारोऽयं कारणादिविभागतः ॥
तस्माद् घटादिवद्वस्तु प्रमेयत्वाच्च गृह्यताम् ॥
प्रत्यक्षादेरनुत्पत्तिः प्रमाणाभाव उच्यते ।
आत्मनः परिणामो वाआत्मनो परिणामो वा विज्ञानं स्वान्यवस्तुनि ।
स्वरुपपररूपाभ्यां242 नित्यं सदसदात्मके ॥
वस्तु विज्ञायते वस्तुनि ज्ञायते कैश्चिद् रूपं किंचित् कदाचन ॥
यस्य यत्र यदोद्भूतिर्जिघृक्षा वापि जायते ।
विद्यतेऽनुभवस्तस्य तेन च व्यपदिश्यते ॥