23
तथा हि बाह्यदेशो वा चैत्रो वावगम्यते पुरा ।
जीवतो हि गृहाभावः पक्षधर्मोऽत्र कल्पितः ॥
न तद्ग्रहणवेलायामग्न्यधीनं205 हि किंचन ॥
जीवतस्तु गृहाभावः प्रसिद्धो यदि नेष्यते ।
अर्थापत्तिरपि प्राप्ता न प्रमाणं तथा सति ॥
स्थिते सद्भावविज्ञाने गेहाभावधियात्र तु ।
गेहादुत्कालिता सत्ता बहिरेवेत्यसद्वचः ॥
न तावता बहिर्भावः शक्यः कल्पयितुं परैः ।
येनात्र निरपेक्षस्य व्यभिचारो मृतादिना ॥
ननु यो व्यभिचारित्वं निरूप्येच्छति साधनम् ।
तस्यायं व्यभिचारोऽस्तु नानुमानमनिच्छतः ॥
यस्य त्वव्यभिचारित्वं साध्यादन्यन्न वाञ्छितम् ॥
जीवतो हि गृहाभावो यस्य सिद्धो न वादिनः ।
तस्य प्रत्य क्षतो गेहे चैत्रार्भावेऽप्यभावतः ॥