24
प्रत्यक्षं साधयेद्भावं यथा भावं न साधयेत् ।
प्रत्यक्षमनुमानं च न भावे साधनं यथा ॥
यावन्नाभावसंकोचस्तावदेषा न वर्त्तते ।
यावदेषानवर्त्तेताऽभावसंकोचिका कुतः ॥ ?
पक्षधर्मात्मलाभाय बहिर्भावः प्रवेशितः ।
तद्विशिष्टोऽनुमेयः स्यात् पक्षधर्मान्वयोदितः ॥
पक्षधर्मादिविज्ञानं बहिःसंबोधतो यदि ।
तैश्च तद्बोधनेत्येवमन्योन्याश्रयता भवेत् ॥
अन्यथानुपपत्तौ तु प्रमेयानुप्रवेशिता ।
ताद्रूप्येणैव विज्ञानान्न दोषः प्रतिभाति नः ॥
ताद्रूप्येणैव विज्ञानं किं तद्वचनमात्रकात् ॥