376
Ah.4.7.046a madātyayeṣu sarveṣu peyaṃ rucy-agni-dīpanam |
Ah.4.7.046c nā-vikṣobhya mano madyaṃ śarīram a-vihanya vā || 46 || 1270
Ah.4.7.047a kuryān madātyayaṃ tasmād iṣyate harṣaṇī kriyā |
Ah.4.7.047c saṃśuddhi-śamanādyeṣu mada-doṣaḥ kṛteṣv api || 47 ||
Ah.4.7.048a na cec chāmyet kaphe kṣīṇe jāte daurbalya-lāghave |
Ah.4.7.048c tasya madya-vidagdhasya vāta-pittādhikasya ca || 48 ||
Ah.4.7.049a grīṣmopataptasya taror yathā varṣaṃ tathā payaḥ |
Ah.4.7.049c madya-kṣīṇasya hi kṣīṇaṃ kṣīram āśv eva puṣyati || 49 || 1271
Ah.4.7.050a ojas tulyaṃ guṇaiḥ sarvair viparītaṃ ca madyataḥ |
Ah.4.7.050c payasā vihate roge bale jāte nivartayet || 50 || 1272
Ah.4.7.051a kṣīra-prayogaṃ madyaṃ ca krameṇālpālpam ācaret |
Ah.4.7.051c na vikṣaya-dhvaṃsakotthaiḥ spṛśetopadravair yathā || 51 || 1273
Ah.4.7.052a tayos tu syād ghṛtaṃ kṣīraṃ vastayo bṛṃhaṇāḥ śivāḥ |
Ah.4.7.052c abhyaṅgodvartana-snānāny anna-pānaṃ ca vāta-jit || 52 ||
Ah.4.7.053a yukta-madyasya madyottho na vyādhir upajāyate |
Ah.4.7.053c ato 'sya vakṣyate yogo yaḥ sukhāyaiva kevalam || 53 ||
Ah.4.7.054a āśvinaṃ yā mahat tejo balaṃ sārasvataṃ ca yā |
Ah.4.7.054c dadhāty aindraṃ ca yā vīryaṃ prabhāvaṃ vaiṣṇavaṃ ca yā || 54
||
Ah.4.7.055a astraṃ makara-ketor yā puruṣārtho balasya yā |
Ah.4.7.055c sautrāmaṇyāṃ dvi-ja-mukhe yā hutāśe ca hvayate || 55 || 1274
- Ah.4.7.046v/ 7-46cv nā-kṣobhya hi mano madyaṃ 7-46dv śarīram a-vihatya vā↩
- Ah.4.7.049v/ 7-49cv madya-kṣīṇasya hi kṣīraṃ 7-49dv pītam āśv eva puṣyati↩
- Ah.4.7.050v/ 7-50cv payasā vijite roge↩
- Ah.4.7.051v/ 7-51cv na viṭ-kṣaya-dhvaṃsakotthaiḥ 7-51dv spṛśyetopadravair yathā↩
- Ah.4.7.055v/ 7-55bv puruṣārtho balasya ca↩